Жаңалықтар

Әнші Меруерт Түсіпбаева Айнұр Асанбердінің Youtube-каналдағы подкасына сұхбат берді. Ол жерде әнші танымал әнші, продюсер Майра Ілиясовамен неге араласпай кеткенін айтты. Сондай-ақ, халықтан жинаған ақшаның киесі «ұрғанын» жеткізді.  

Түсіпбаева мен Ілиясова карантин жылдары істі болған «Шабыт» университетінің Әліби Өтепберген есімді студентіне көмектеспек болып, халықтан ақша жинаған. Естеріңізге сала кетсек, 2019 жылы ақтөбелік жас жігіт балалар лагерінде жетекшілік еткен. Сол жерде Әліби ұл балаларға жыныс мүшесін көрсетіп, бейәдеп қылықтар жасаған-мыс. Осы іс бойынша ұзақ тергеу жүріп, соңында Өтепберген ҚР қылмыстық кодексінің 124 бабының 3-ші тармағы бойынша айыпты деп танылған еді. 

Осы істің басы-қасында жүріп, жігіттің кінәсіз екенін дәлелдемек болғандардың ішінде...

Kursiv Media аптаны қорытындылады. АҚШ, Израиль және Иран арасындағы текетірес енді халықаралық қаржы нарығына тікелей әсер ете бастады. Егер бұған дейін сарапшылар тек болжам жасап келсе, қазір Дональд Трамптың қатал саясаты мен Иранға бағытталған «қаһары» Орталық банктерді жоспарларын шұғыл өзгертуге мәжбүрледі.

Орталық банктер: Ақша арзандамайды

Дүниежүзіндегі ең ірі банктер инвесторларға жағымсыз жаңалық жеткізді:
АҚШ (ФРЖ): 2026 жылы несие пайызы төмендейді деп күтпеңіздер. Ал, Еуропа мен Англия: Мөлшерлемені төмендетпек түгілі, оны қайта көтеруді жоспарлап отыр. Бұл дегеніміз – әлемде несиелер мен инвестициялық ақшаның құны әлі де жоғары болып қала береді.

Нарықтағы жағдай: Технология мен соғыс арпалысы

Аптаның басы жақсы басталған...

21 наурызда президент Тоқаев жұмыс сапарымен Түркістанға барды. Арнайы облыс халқымен кездесті деп хабарлады Ақорда.

«Бүгін атажұртымыздың алтын бесігі – Түркістан шаһарына тағзым ету үшін арнайы келіп отырмын. Ризамын. Менің Түркістанға ықыласым ерекше екенін жақсы білесіздер. Мемлекет басшысы ретінде алғашқы сапарымды осы өлкеден бастадым. Түркістан – түбі бір түркі жұртының қасиетті шаңырағы», – деп түркістандықтарға жылы лебізін білдірді.

Көпшілікті әз-Наурыз мерекесімен құттықтап өтті

«Баршаңызды Ұлыстың ұлы күні – әз-Наурыз мейрамымен шын жүректен құттықтаймын! Әз-Наурыз – тазару, жаңару уақыты. Тазалық – мән-мағынасы кең ұғым. Бұл – ең алдымен, ой тазалығы, сана...

Осыдан бір жылдан астам уақыт бұрын қалыңдық статусында болып, Париждің төрінде, Эйфель мұнарасының маңында жігітінің үйленуге ұсынысын қабыл алған блогер Бота Миа кейін сүйіктісімен екіге кетті. Одан соң спортшы әрі актер Еркебұлан Тоқтармен «жұп» болды. Жағдайдың қалай болғанын Бота Динара Сәтжанның Late night show-ында жайып салды.    

Бота Мия блогерлік саладағы әріптесі Асқар Оразбаевпен жұп болып, кездескені көпшілікке мәлім. Тіпті тойға қызу дайындық басталып, Бота жасауын жинап жатқанын да айтқан еді. Десе де кейіннен екеуі айырылысып кеткен болатын. Динараға сұхбатқа келген ол мән-жайды қалай болғанын бүкпесіз айтып берді.

«Екеуіміз неке, отбасылық өмірге жете алмады...

Бағжан Октябрь жақында «Сыр» жобасында қонақта болды. Подкастта өзінің бойдақ өмірі, қандай қыздарға үйленгісі келетіні жайлы ойын бөлісті.

Музыканттың сөзінше, болашақ жарының өзімен жасты болғанын қалайды

«Басында ойлайтынмын, жасы 22-дегі немесе 19-дағы қыздармен сөйлесу көру керек шығар деп. Отызға келіп қалдым, жанында әдемі, жас қыздар болғаны жақсы ғой. Бірақ соңғы кезде өзімнің қатарым болғаны дұрыс сияқты деп түйдім», – дейді ол.

Өзінен үлкен жастағы қыздармен де кездесіп көрген, бірақ сәтсіз болғанға ұқсайды.

«Бірақ мен жүрген қыздардың барлығы менен үлкен болған. Кішкентайлармен болмады, үлкендермен сәтті болар деп ойлап қалғанмын ғой...

Оңтүстік Кореяның Тэджон қаласындағы авто бөлшектерін шығараны зауытта өрт шықты. Нәтижесінде он адам қайтыс болды, тағы 59 адам жарақат алды. Тағы төртеуі із-түссіз жоғалды деп жазады Yonhap агенттігі.

Өрт 20 наурызда шыққан, ол кезде зауытта 170 адам болған. Оқиға орнына келген құтқарушылар ғимарат қирауы мүмкін деген қатерден бірден өрт сөндіруге кірісе алмаған. Тек үш-төрт сағаттан кейін ғана іздеу жұмыстарын бастай алған және әлі де жалғасып жатыр.

Қазір құқық қорғау органдары құрбандардың жеке басын анықтау үшін сараптама жүргізді. Бірақ өрттің не себепті болғаны белгісіз.

Тэджон қаласындағы Тэдок-гу (Daedeok-gu) ауданы – ірі ғылыми-өндірістік кластер орналасқан аймақ. Мұнда көптеген...

Құқықтық медиа орталығы арнайы мәлімдеме жасады. Ұйым журналистерге «бұрын-соңды болмаған қысым» жасалып жатқанына алаңдаушылық білдіріп отыр.

Мәлімедемесінде, соңғы уақытта тілшілерді ұстау, оларға қысым көрсету жиі тіркеліп жатқанын атап өтеді. Әсіресе, журналист Әсет Матаевтың ісін арандату деп бағалаған.

«ҚазТАГ бас редакторы Әсет Матаевтың ұсталуына қатысты жағдай үлкен алаңдаушылық туғызады. Адвокаттың айтуынша, оны топ болып соққыға жыққан. Алайда полиция бұл жағдайды тұрмыстық жанжал ретінде бағалап, нақты ақпарат бермей отыр. Соңғы уақытта медиа жетекшілеріне қатысты қозғалған қылмыстық істерді ескерсек, бұл жағдай арандату және БАҚ-қа қысым көрсету әрекеті болуы мүмкін», – деп жазылған ұйым хабарламасында.

Референдум...

Танымал әнші Қуандық Рахымның анасы өмірден өтті. Бұл туралы әншінің өзі әлеуметтік желідегі парақшасында жазған.

«Жаның жәннатта шалқысын, анашым! Шын мәнінде біз Аллаға тәнбіз, әрі Оған қайтушымыз», – деп жазды ол өміріндегі қайғылы жағдай туралы.

Оқырмандары әншіге көңіл айтып, қиын шақта жылы сөзімен қолдау білдіріп жатыр.

1992 жылы Сәтбаев қаласында туған Қуандық Рахым – қазақ эстрадасындағы танымал әнші. Өнерпаздық қабілет анасынан дарығанын айтқан. Ол Тәттімбет атындағы колледж бен Құрманғазы атындағы консерваторияда білім алып, домбыра, күйсандық және қылқобыз аспаптарын шебер меңгерді.

Әншінің бағы «МузАрт Live» жобасынан кейін жанды. Тыңдарман қауым оны «Лаула», «Мен Қазақпын», «Оп-Оңай» және...

«Еңбек ресурстарын дамыту орталығы» АҚ («ЕРДО») және «Бірінші кредиттік бюро» ЖШС басшылығына қатысты тергеуді аяқталды. Қаржы мониторинг оларды лауазымдық өкілеттігін теріс пайдаланған және пара алған деп айыптап отыр.

Тергеу материалдарына сәйкес, осыдан алты жыл бұрын «ЕРДО» басшысы Дәулет Арғындықов БКБ директоры Руслан Омаровпен заңсыз келісіп жасасып, қосымша 5% табыс алуға мүмкіндік берген.

«Егер Мемлекеттік кредиттік бюро көрсетілген қызметтердің жалпы көлемінен 30% табыс алса, Бірінші кредиттік бюро бұрынғы 30%-дың орнына 35%-ға дейін табыс ала бастаған. Осылайша, Еңбек ресурстарын дамыту орталығының үлесі 70%-дан 65%-ға дейін төмендеген«, – деп түсіндіреді құзырлы органдар.

2025 жылы Еңбек ресурстарын дамыту...

Журналист Ботагөз Омарова «көрінеу жалған ақпарат тарату» ісі бойынша күдікті деп танылды. Бұл туралы Құқықтық медиа-орталықтың заңгері Гүлмира Біржанова мәлімдеді.

Оның айтуынша, 21 наурызға қараған түні сот отырысы өтіп, соның нәтижесінде сот журналиске қатысты екі ай мерзімге үйқамаққа алу түріндегі бұлтартпау шарасын санкциялаған.

«Курсив» редакциясы ресми түсініктеме алу үшін Астана қалалық полиция департаментіне сауал жолдады.

Еске салайық, 20 наурыз кешке журналист Ботагөз Омарова полицияға тергеу әрекеттеріне байланысты шақырылды. Тілшімен «президенттік ат қоралары» туралы материалға байланысты әңгімелескен.

21 наурыз – Ынтымақ күні. Бұл күн Наурыз мейрамының онкүндігі (Наурызнама) аясында ел бірлігі мен татулығын дәріптейтін ерекше күн.

Мерекенің басты мақсаты – халықтың ауызбіршілігін нығайту, «бірлік бар жерде — тірлік бар» деген ұғымды жас ұрпақтың санасына сіңіру.

Осы күні адамдар бір-біріне кешіріммен қарап, араздықтарды ұмытып, жақсы тілектер айтады. Еліміздің барлық өңірлерінде этносаралық татулықты паш ететін фестивальдер, көрмелер мен концерттер өтеді.

Қазақстанды мекендейтін барлық ұлт өкілдері бір дастарқан басында жиналып, ұлттық тағамдардан дәм татады.

Түркі әлемі халықтарының көрме-жәрмеңкесі ашылады

Ынтымақтастық күніне орай, 21 наурыздан бастап Алматы қаласы әкімдігінің және ТҮРКСОЙ халықаралық ұйымының қолдауымен Абай алаңында Түркі әлемі халықтарының ауқымды...

Заңгер Мейірман Шөкеев жауынгер Шавкат Рахмоновтың бұрынғы әйелі Гүлайым Рахмоноваға араша түсіп, халықты оған қатысты теріс пікір жазбауға шақырды.

«Сұмдық-ай, Шавкаттың жұбайының кешегі әлеуметтік жазбасынан кейін кейбіреулер оның әрекетін қылмыстық жауапкершіліктен сытылып кетудің стратегиялық қадамы деп бағалап жатыр. Алайда басына соншама қайғы түскен Гулайымның ондай әрекетті жасамақ түгілі, оны ойлауға да мұршасы жоқ. Туған апайынан айырылып, автокөлігінде 20 млн теңгесін біреулер алып кеткен жағдайдың өзі – үлкен соққы», – деді заңгер.

Ол ешқандай «стратегия» заңда көзделген санкцияларды өзгерте алмайтынын айтты. Сондықтан даурығып, Гүлайымның жаралы көңіліне салмай салмауға, керісінше қолдау көрсетуге шақырды.

Батыс және оңтүстік аймақтарда жаңбыр жауады, солтүстікте көктайғақ пен тұман болады. «Қазгидромет» 21 наурызға ауа райы болжамын ұсынды.

Актер Асқар Жұмабек қыз балаға қол көтермек болды деген айыптан кейін өзі ұстанымын білдірді. Ол жанжал болғанын растады, бірақ жағдайды өз тарапынан түсіндіріп берді.

«Жанжал шынымен болды, мен шынымен ұрыстым. Біреу бетіме қарап тұрып тіл тигізсе, мен үндемей қала алмаймын – мінезім сондай. Ақтау немесе кінәлау – өз еріктеріңіз. Мен де адаммын, ол бойжеткенге қатысты ешқандай жаман ойым немесе зұлым ниетім жоқ. Бәрін Алланың қалауына қалдырдым», – деді актер.

Қазақстан Президенті Қасым-Жомарт Тоқаевтың атына мұсылмандардың қасиетті мерекесі — Ораза айтқа орай шет елдердің көшбасшылары мен халықаралық ұйымдардың жетекшілерінен құттықтау жеделхаттары келіп түсуде, деп хабарлайды Ақорда.

Құттықтау жолдағандардың қатарында Өзбекстан Президенті Шавкат Мирзиёев, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Түркия Президенті Режеп Тайып Ердоған, Әзербайжан Президенті Ильхам Әлиев, Сауд Арабиясының Королі Салман бен Әбделазиз Әл Сауд және Мұрагер ханзада Мұхаммед бен Салман бар.

Сондай-ақ құттықтауларды БӘӘ және Мысыр президенттері, Иордания Королі, Палестина Президенті, Үндістан және Пәкістан премьер-министрлері, Ливия басшысы, сонымен қатар Татарстан Раисы Рустам Минниханов, ИЫҰ Бас хатшысы Хиссейн Брахим Таха және Түркі мемлекеттері ұйымының Бас хатшысы Қубанышбек Өмірәлиев жолдады.

Құттықтау жеделхаттары әлі де келіп түсуде.

Стадион маңында 21 және 22 наурыз күндері ауқымды халықтық серуендер өтеді. Елордада Наурыз мейрамын мерекелеу кезінде Astana Arena маңында көлік қозғалысы шектеледі, деп ескертті әкімдік.

Стадион жанында 21 және 22 наурызда ауқымды халықтық серуендер өткізіледі. Шектеулер «Алау» мұз айдыны сарайы жағындағы көшеге, сондай-ақ Astana Arena-ның шығыс беткейіндегі көшеге қатысты болады.

Шектеулер сағат 10.00-ден бастап күшіне енеді және іс-шаралар аяқталғаннан кейін алынады.

Жүргізушілерден қозғалыс бағыттарын алдын ала жоспарлау сұралады.

«Крутой Уокер» (Уокер, техастық рейнджер) атты культтік телехикаядағы рөлімен танымал американдық актер және жекпе-жек шебері Чак Норрис 86 жасында өмірден озды, деп хабарлады оның отбасы.

Өлімнің мән-жайы жарияланған жоқ. Жақындарының айтуынша, ол соңғы сәттерінде туыстарының ортасында болып, тыныш аттанған.

«Әлем үшін ол актер, жекпе-жек шебері және күш-қуаттың символы болды. Ал біз үшін – адал жар, сүйікті әке және ата, керемет бауыр және отбасымыздың жүрегі еді. Ол өз өмірін сенімге, тәртіпке және жақындарына қамқорлық жасауға арнады. Оның еңбегі мен адами қасиеттері бүкіл әлем бойынша миллиондаған адамға шабыт берді», – делінген отбасының әлеуметтік желілердегі ресми мәлімдемесінде.

Актердің отбасы сонымен...

Журналист Ботагөз Омарова полицияға тергеу әрекеттеріне байланысты шақырылғанын хабарлады. Бұл туралы желіде Жания Ұранхаева жазды.

Оның айтуынша, сағат 17:45 шамасында ол Алматы қаласы, Сейфуллин көшесі 37 мекенжайында орналасқан полиция бөлімінде болған. Журналисті «президенттік ат қоралары» туралы материалға байланысты әңгімелесуге шақырған.

Полиция өкілдерінің мәліметінше, Ботагөз Омарова куәгер ретінде, қорғау құқығымен жауап алынады. Істі жүргізіп жатқан тергеуші – Виталий Шутько.

Сағат 18:53-те журналистің адвокаты Әсел Токаева Омарованың әлі де полиция департаментінде екенін мәлімдеді.

Мұның алдында Бас прокуратура белсенді Санжар Боқаевтың ұсталғанын хабарлаған еді. 

Жамбыл облысында Көпбейінді орталық аудандық аурухананың бұрынғы бас дәрігері бюджет қаражатын жымқырды деп күдіктелуде. Бұл ақпаратты аймақтық прокуратура растады.

Қаржылық заңсыздықтарды қадағалау органы клиника жұмысын тексеру барысында анықтаған.

«Бұрынғы бас дәрігер бухгалтерлермен бірлесіп, 2023 жылдың ақпаны мен 2024 жылдың наурызы аралығында жалпы сомасы 49 млн теңге бюджет қаражатын жымқырғаны анықталды. Олар бұл заңсыз әрекеттерді қызметкерлерге жоғары жалақы аударып, кейін ол ақшаны қолма-қол қайтарып алу, сондай-ақ іс жүзінде орындалмаған жұмыстар үшін үшінші тұлғаларға, соның ішінде жеке кәсіпкерлерге негізсіз аударымдар жасау арқылы жүзеге асырған», – делінген хабарламада.

Прокуратура тексеруден кейін аурухана басшылығы мен бухгалтерлеріне қатысты сотқа дейінгі тергеу амалдарын...

Бүгін, 20 наурызда, Алматыда Наурыз мерекесіне орайластырылған Air Astana әуе компаниясының жаңа борттық мәзірінің таныстырылымы өтті. Әуе компаниясы «Сандық» ұлттық дәм мейрамханасымен коллаборация жасағанын ресми түрде жариялады.

Тұсаукесер еліміздің басты инфлюенсерлері, жұлдыздары мен медиа тұлғаларының басын қосқан нағыз зайырлы тойға айналды. Қонақтар арасында белгілі қазақстандық журналистер Айгүл Мүкей мен Дина Төлепберген, танымал блогерлер Айжұлдыз Адайбекова жұбайы Сәкен Қағаровпен, Артур Асқарұлы, интервьюер Тимур Балымбетов әйелімен және басқалар болды. Іс-шараның жүргізушісі — актер Санжар Мәди.

Қонақтарды Air Astana компаниялар тобының президенті Питер Фостер қарсы алды. Кештің басты бөлімі — рейстерде беріле бастаған жаңа мәзірдің дегустациясы болды. Бүгіннен бастап жолаушылар мерекелік тағамдардан тікелей ұшу кезінде дәм тата алады. Жаңа мәзір ұзақтығы үш сағаттан асатын халықаралық рейстерде қолжетімд...

Ұлттық банк деректеріне сәйкес, 2026 жылғы ақпанның қорытындысы бойынша қазақстандық банктер 190,4 млрд теңге табыс тапты. Бұл өткен айдың көрсеткішімен (198,6 млрд теңге) салыстырғанда 4,2%-ға аз.

Егер 2025 жылмен салыстыратын болсақ, биылғы ақпан айтарлықтай әлсіз болып шықты: 220,4 млрд теңгеге қарсы 190,4 млрд теңге, бұл 13,6%-ға немесе 31 млрд теңгеге кем.

Бұл үрдіс өткен айда басталған болатын. Банк секторының қаңтардағы таза пайдасы өткен жылдың сәйкес кезеңімен салыстырғанда 29,9 млрд теңгеге немесе 13,1%-ға төмендеді. Сол кезде ең көп құлдырауды мына банктер көрсетті:

Актриса Айгүл Иманбаева бақытты болу құпиясын ашты. Айтуынша, ұдайы күліп жүрудің сыры – шүкіршілік пен қуана білу.

Оқырмандарының бірі актрисадан «Сіз ұдай күліп жүресіз? Оның құпиясы неде?» деп сауал тастаған.

«Күн шыққанда күліп оян» деген Күләш Ахметованың әдемі өлеңі бар. Шынымен де, күннің шыққанына да қуану керек. Ауа жұтсаң да қуану керек. Жалпы, өмір сүріп жатқаныңа қуанған сайын сізге құт қонады. Энергия, береке келеді. Мен мұның құпиясы осында шығар деп ойлаймын», – деді Айгүл Иманбаева.

Актриса өзінің әр нәрсе үшін қуана білетінін айтты. Сонда ғана адамның дені сау болып, ұзақ ғұмыр сүреді.

Қазақстан Президенті Қасым-Жомарт Тоқаев ресейлік әріптесі Владимир Путинмен телефон арқылы сөйлесті, деп хабарлайды Ақорданың баспасөз қызметі.

Путин Қазақстан көшбасшысын жалпыұлттық референдумның сәтті өтуімен және жаңа Конституцияның қабылдануымен құттықтады.

Президенттер сонымен қатар Путиннің мамыр айының соңына жоспарланған Қазақстанға сапарын талқылады.

Қасым-Жомарт Тоқаевтың айтуынша, бұл кездесу елдер арасындағы стратегиялық серіктестік пен одақтастық байланыстарды нығайтуға қосымша серпін береді.

Владимир Путин бұл бағаны қолдап, Қазақстан мен Ресей арасындағы ынтымақтастық барлық негізгі бағыттар бойынша жүйелі түрде дамып келе жатқанын атап өтті.

Жоғары деңгейдегі келіссөздер Астанада өтеді деп күтілуде.

«Оператор РОП» ЖШС атауын Green Development деп өзгертіп, акционерлік қоғам болады. Мұндай шешімді кейінгі екі жылдан бері операторға иелік етіп отырған «Жасыл даму» компаниясы қабылдады. Бұл туралы компанияның корпоративтік деректерінде көрсетілген.

Өзгерістерден кейін де «Жасыл даму» «Оператор РОП-тың» жалғыз акционері болып қала беретіні айтылған.

ЖШС-дан АҚ-ға ауысу Бәсекелестікті қорғау және дамыту агенттігі қайта құруға келісім бергеннен кейін жүзеге асады.

Қайта ұйымдастыру кезінде «Оператор РОП» жаңа функция немесе қызметке ие болатын-болмайтыны әзірге белгісіз.

Айта кетейік, елде утильалым жинау ісімен бірнеше жыл Қазақстанның бұрынғы президенті Нұрсұлтан Назарбаевтың кенже қызы Әлия Назарбаеваның бизнесімен байланысты жеке «Оператор РОП» айналысып келді.

2022 жылдың қаңтарында президент...