Жаңалықтар

«Лотте Рахат» компаниясы Қазақстан қор биржасына 2023 жылғы қаржылық есебін ұсынды. Құжатта танымал өндірушінің табысы мен шығыны, экспорттық бағытта тізімі жазылған.  

Бұл ретте қазақстандық кәсіпорын алғаш рет Ауғанстанға 23,7 млн теңгеге тәттілер сатқан.

Өндірушінің 2023 жылғы табысы 83,5 млрд теңгеден 94,3 млрд теңгеге дейін өсті.

Компания өз өнімдерін 10-нан аса елге сатқан. Оның ішінде:

Қазақстанда – 76,9 млрд теңге сомасында (2022 жылы – 66,1 млрд теңге);

Ресейде – 11,1 млрд теңге (2022 жылы – 10,8 млрд теңге);

Қырғызстанда – 3,09 млрд теңге (2022 жылы – 3,02 млрд теңге);

Өзбекстанда – 2,074 млрд теңге (2022 жылы – 2,086 млрд...

Samsung нарықтағы өз позициясын бермек түгілі Apple-ді кезекті рет келемеждеді. Онда алып қондырғы шығармашылық бұйымдарды жойып жатқаны көрсетілген. Ал Samsung болса өздері түсірген ролигінде керісінше шығармашылықты жою мүмкін емес екенін дәлелдеуге тырысады.  

«Сіз үш нәрсеге үздіксіз қарап тұра аласыз: жанған от, аққан су және Samsung пен Apple арасындағы текетірес. Сценарий бойынша, «алма» бейнелі компания түсірген роликте алып құрал шығармашылыққа қажетті  заттарды бірінен соң бірін жоюға кіріседі. Жұп-жұқа планшет жылдар бойы адамзаттың сұрыптауынан өткен өнерді алмастыра алмайды», – делінген SAMSUNG таратқан мәліметте.

Бұл тұрғыда Samsung шетте қалмады. Компания Х (Twitter) желісінде өзінің кезекті бейнеролигін жариялап...

Сенатор Бибігүл Жексенбай су тасқынынан соң жылжымайтын мүлікті сақтандыруды міндеттеу керектігін айтты. Сонымен қатар төтенше жағдайлар кезіндегі шығындарды өтеудің жаңа жолдарын ұсынды.

Премьер-министр Олжас Бектеновке депутаттық сауал жолдаған Бибігүл Жексенбай биыл еліміздің бірқатар өңірін қарғын су басып, 13 мыңға жуық  үй су астында қалғанын еске салды. 

«Бүгінде Үкімет пен жергілікті билік оның зардаптарын жою бойынша кешенді шараларды жүргізіп жатқаны белгілі. Алайда мұндай төтенше жағдайдағы шығындарды өтеудің мемлекеттік бюджетпен қатар жаңа жолдарын қарастыру уақыт талабы», – деді Бибігүл Жексенбаева.

Сенатордың айтуынша, алдағы уақытта азаматтардың мүлкін сақтандыру жүйесін одан әрі жетілдіру жолдары қарастырылуы керек. Дамыған елдерде...

Президенттің экономикалық мәселелер жөніндегі көмекшісі Әсет Ерғалиев Дүниежүзілік сауда ұйымындағы Қазақстанның тұрақты өкілі болып тағайындалды.

«Мемлекет басшысының жарлығымен Әсет Арманұлы Ерғалиев Дүниежүзілік сауда ұйымы мен халықаралық экономикалық ұйымдар жанындағы Қазақстан Республикасының Тұрақты өкілі болып тағайындалды, ол бұрынғы атқарған лауазымынан босатылды», – деп жазды Ақорда.

Ерғалиев осыған дейін «Бәйтерек «ҰБХ» төрағасы, премьер-министр кеңесшісі, ұлттық экономика вице-министрі, ұлттық экономика министрі, президенттің экономикалық мәселелер жөніндегі көмекшісі болған.

Осыған дейін Дүниежүзілік сауда ұйымы мен халықаралық экономикалық ұйымдар жанындағы Қазақстан Республикасының тұрақты өкілі болған Жанар Сейдақметқызы Айтжан қызметінен босатылды.

Сонымен қатар 16 мамырда президент жарлығымен Маңғыстау облысының әкімі Нұрлан Ноғаев лауазымды қызметінен босатылды. Ол өңірд...

«ERG» компаниялар тобы құрылымына кіретін «ERG» Exploration» ЖШС Ақтөбе облысы Мұғалжар ауданында 8,9 мың гектар жердегі қатты пайдалы қазбаларды геологиялық барлаумен айналысу құқығына ие болады. Тиісті құжат Ашық НҚА порталында жарияланды.

«Лицензия «Жер қойнауын пайдалану туралы» Қазақстан Республикасының 2017 жылғы 27 желтоқсандағы Кодексіне сәйкес қатты пайдалы қазбаларды өндіру жөніндегі операцияларды жүргізу мақсатында берілген. Құжат жер учаскесін пайдалануға мүмкіндік береді», – деп жазылған жария талқыға шығарылған құжатта.

Жер қойнауын пайдалану құқығындағы үлестің мөлшері: 100%. Лицензияның мерзімі берілген күнінен бастап 6 жылды құрайды. Компания қатты пайдалы қазбаларды барлау жөніндегі операцияларға жыл сайынғы ең төмен шығындарды өтеп...

Жоғары аудиторлық палата Алматы қаласы бойынша тексеру комиссиясының қызметінен бірқатар олқылықты анықтаған. Бұл жайлы Палата төрағасы Әлихан Смайыловтың төрағалығымен өткен жиында айтылған.

Баспасөз қызметінің хабарлауынша, Жоғары аудиторлық палата Алматы қалалық бюджетінен қомақты қаражат Алматы қаласы бойынша тексеру комиссиясының жекелеген мемлекеттік қызметкерлеріне сыйақыға жұмсалған.

«Тексеру комиссиясына қатысты Жоғары аудиторлық палатаның аудиторлық іс-шарасы 2022 жылғы 1 қаңтар – 2023 жылғы 31 желтоқсан аралығындағы кезеңді қамтыды. Алматы қаласында қаржылық тәртіпті қамтамасыз ету және нығайту бойынша құзыреті шегінде қабылданып жатқан шараларға қарамастан, Тексеру комиссиясы мемлекеттік қызмет туралы заңнаманы, бюджет және еңбек заңнамасын жеткілікті дәрежеде сақтамағаны анықталды», – делінген...

Маңғыстау облысының әкімі Нұрлан Ноғаев лауазымды қызметінен босатылды. Ол өңірді 2021 жылдан бері басқарып келген.

«Мемлекет басшысының Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды», – деп жазды Ақорда.

Ноғаев еңбек жолын Ақтөбе облысы Октябрьск қаласының Қандыағаш станциясында электромонтер болып бастаған. 2006 жылдан бастап маңызды мемлекеттік қызметтерді атқарып келеді. Ол «ҚазМұнайГаз «Ұлттық компаниясының» атқарушы директоры, Энергетика және минералдық ресурстар министрлігінің мұнай өнеркәсібі департаментінің директоры болған.

2012 жылдың 20 қаңтарында Батыс Қазақстан облысының әкімі болып тағайындалды. 2016 жылы Атырау облысының әкімі, 2019 жылы Энергетика министрі болды.

2021 жылдың 7 қыркүйегінен бастап Президент жарлығымен Маңғыстау облысының әкімі болып тағайындалды.

Негізінен Ақтөбе облысы, Мұғалжар ауданы, Қандыағаш қаласыны...

Шығыс Қазақстан облысы Күршім ауданы Маралдыдағы алтын фабрикасының құрылыс жұмыстары 80 пайызға аяқталды. Бұл туралы Құрылыс және өнеркәсіп вице-министрі Жәннат Дубирова мәлім етті.

Вице-министр «Маралды» кен орнында алтын өңдейтін фабриканың құрылысына бүгінге дейін қанша қаржы жұмсалғанын айтты.

«Құрылыс жұмыстары 80% аяқталды. Оған 2 млрд 152 миллион теңге жұмсалды. Фабрика құрылысы толығымен министрліктің қатаң бақылауында болады. Сәулет-құрылыс бойынша барлық талап сақталады. Қоршаған ортаға зиян келген жағдайда, барлығы заң шеңберінде тексеріледі», – деді ол.

Алтын өңдейтін фабрикадан еліміз қаншалықты пайда көретініне қатысты сұраққа вице-министр жауап бере алмады.

Айта кетейік, 2013 жылдан бері Маралды ауылының аумағында геологиялық барлау жұмыстары жүргізіліп жатыр. 2022 жылы...

«Самұрық-Қазына» қоры бір бағалы қағаздың бағасы 244 млн теңге болатын 1 мың қарапайым акциясын орналастыратынын хабарлады. Осылайша қор 244 млрд теңгеге қосымша қаржы тартады. Бағалы қағаздарды жалғыз акционер – Қаржы министрлігінің Мемлекеттік мүлік және жекешелендіру комитеті сатып алады. «Самұрық-Қазына» қорының баспасөз қызметі «Курсивке» ведомство акциялардың құнын газ нысандарымен өтейтінін хабарлады.

Қосымша мәселе бойынша шешімді «Самұрық-Қазына» қорының директорлар кеңесі сәуір айының соңында қабылдады. Бірақ бұл туралы мамыр айының ортасында ғана белгілі болды.

Қазақстанның акционерлік қоғамдар туралы заңында орналастыруға жататын акцияларды ақшалай және мүлікпен төлеуге болады деп көрсетілген.

Соңғы жағдайларда бағаны бағалаушы анықтайды. Қор Мемлекеттік мүлік комитетіне жалпы құны 243,9 млрд теңген...

Жаңа тағайындалған Цифрлық даму, инновациялар және аэроғарыш министрі Жаслан Мәдиев вице-министрлерін БАӘ-ге оқуға жібереді. Бұл жайлы министр Біріккен Араб Әмірліктерінен келген делегациямен кездесу барысында айтты.

Қазақстанға Біріккен Араб Әмірліктерінің министрлер Кабинетінің бәсекеге қабілеттілік және тәжірибе алмасу мәселелері жөніндегі орынбасары Абдулла Нассер Лута келген. Олар өз сапары барысында цифрлық даму министрлігімен цифрлық трансформация және бағдарламалау жөніндегі ынтымақтастық мәселесін талқылаған.

Атап айтқанда, тараптар Стратегиялық жоспарлау және үкімет қызметін цифрландыру саласында тәжірибе алмасуды жоспарлап отыр. Екіжақты кездесу барысында Қазақстан Республикасындағы мемлекеттік органдар басшыларына арналған Мұхаммед бен Рашид мемлекеттік басқару мектебінің Executive Leadership оқыту бағдарламасы ресми іске қосылған. Ол бағдарлама бойынша...

Қазақ тіліне қатысты дауға қалған ForteBank-тің биыл І тоқсандағы кірісі 34,6 млрд теңгені құраған. Қаржы ұйымы аралық шоғырландырылған қаржы есебін жариялады.

І тоқсандағы көрсеткіш 2023 жылдың сәйкес кезеңімен салыстырғанда, шамамен 6,6 млрд теңгеге артық. Былтыр 3 айда банк 28 млрд теңге тапқан еді.

Қазіргі кезде банктің жиынтық активі 3,58 трлн теңгеге тең. 2023 жылдың І тоқсанында бұл көрсеткіш 3,25 трлн теңге болған. Былтырғы жылмен салыстырғанда жиынтық міндеттемесінің де көлемі артқан. 2023 жылдың қаңтар-наурыз айларында банктің жиынтық міндеттемелері 2,8 трлн теңгені құраса, биыл І тоқсанда 3,1 трлн теңгеге жеткен. Меншікті капитал да 12%-ға артып 479 млрд теңгені құрап отыр...

2008 жылғы ипотекалық дағдарысты алдын ала болжаған америкалық қаржыгер Майкл Бьюрриге тиесілі Scion Asset Management қоры Қытайдың ірі технологиялық компанияларының бағасын көтерді. Scion бірінші тоқсанда JD.com мен Alibaba Group компанияларындағы позициясын екі есе арттырды. Бұл кезде осы акциялар бағасы әбден түсіп кеткен болатын.

Толығырақ

АҚШ Бағалы қағаздар және биржалар жөніндегі комиссиясына берілген соңғы тоқсандағы есепке сәйкес, JD.com компаниясы Scion-нің ең ірі активіне айналды. Қытайлық электрондық коммерция операторындағы инвестициялық компанияның үлесі 80%-ға артты. Бұрын иелігіндегі акция 200 мың еді. Енді 360 мың болды. Scion актив портфелінде екінші орынды Alibaba интернет ретейлері алады. Өткен тоқсанда Бьюрридің инвестициялық компаниясы Alibaba-дағы үлесін...

16 мамырда Қазақстанның 14 өңірінде негізгі ҰБТ басталды. Алайда су тасқынына байланысты төтенше жағдай режимі жарияланған облыстардағы түлектер үшін тестілеу мерзімі ауыстырылды. Бұл туралы ОКҚ брифингінде Ұлттық тестілеу орталығының басшысы Болатбек Әбдірасылов айтты.

«Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстарында ҰБТ-ға қатысуға тіркелу 20 мамырға дейін ұзартылды. Бұл өңірлердегі сынақтардың өзі 25 мамырдан 12 шілдеге дейін өтеді», — деп түсіндірді ол.

Әбдірасыловтың айтуынша, талапкерлер таңдау үшін үш міндетті және екі пән бойынша тест тапсырады. ҰБТ тапсырмаларының саны өзгеріссіз қалады. Төрт сағатқа бөлінген 120 сұрақ.

«Бүгінгі таңда талапкерлерд...

Әділет вице-министрі ұзақ уақытқа созылған Стати ісіне қанша бюджет қаражаты жұмсалғанын нақты айта алмады. Ботагөз Жақселекова қаржы мәселесі коммерциялық құпияға жататынын мәлімдеді.

Вице-министрден БАҚ өкілдері Стати ісіне жұмсалған қаржы көлемін ведомство не себепті құпия ұстайтынын сұрады.

«Бұл халықаралық арбитраждық іс бойынша рәсімдер әлі аяқталған жоқ. Коммерциялық құпияны құрайтын кейбір нәрселер бар. Осы істі қарау сатысында жария етуге жатпайтын кейбір жайттар бар. Сондықтан менің әріптестерім ұсынуға болатын ақпаратты береді», – деді Әділет вице-министрі Сенат кулуарында.

Еске салсақ, осыған дейін «Ақ жол» фракциясының депутаттары Стати дауына Қазақстан қанша қаржы жұмсағанын, кімді байытып жатқанын ашық жариялауды сұрап депутатты...

Парламент Сенатының халықаралық қатынастар, қорғаныс және қауіпсіздік комитетінің төрағасы Андрей Лукин премьер-министр Олжас Бектеновке сирек металдар кен орындары туралы КСРО кезеңінен бері құпия ақпаратты ашық жариялауды ұсынды.

«Жер қойнауын геологиялық зерттеуге лицензия беру процестерін оңайлату: бюрократиялық кедергілерді азайту және лицензия алу рәсімдерін оңтайландыру саланың инвестициялық тартымдылығын арттырады. Кейбір сирек кездесетін металдардың баланстық қорларын ашу керек», – деді депутат.

Оның айтуынша, заңнаманы нығайту және келісімшарттарды сақтауға кепілдік беру арқылы инвесторлардың сенімін арттыруға болады.

Сондай-ақ депутат шалғай кен орындарына жетуге мүмкіндік беру және жер қойнауын пайдаланушылардың операциялық шығындарын азайту үшін автомобиль және темір жолдарды, энергетикалық желілерді дамытуды...

Уоррен Баффет мырзаның Berkshire Hathaway инвестициялық компаниясы Chubb сақтандыру компаниясына үлкен инвестиция салғаны туралы хабарлады. Berkshire былтыр-ақ Chubb акцияларын сатып алуға шындап кірісе бастаған, бірақ онысын осы кезге дейін жасырып келген. Berkshire үлесі арта береді деген үміт Chubb бағаларын жоғарылатты.

Толығырақ

«Berkshire 2023 жылдың екінші жартысында Chubb акциялары бойынша жасырын түрде позиция құра бастады, – деп жазады The Wall Street Journal. – Мәлім етілген есепке сәйкес, биылғы наурыздың соңында Berkshire жалпы құны 6,7 миллиард долларлық 25,9 миллионнан астам Chubb акциясын иеленді. Dow Jones Market Data мәліметі бойынша, бұл – Chubb акцияларының 6,4%-ы».

Ірі инвесторлар тоқсан сайын ұзақ мерзімді инвестициялары...

Кеңес Рақышевқа тиесілі Fincraft Resources компаниясы 2023 жылы 678 млм теңге шығынға батқан. Қазақстан қор биржасына жолдаған хабарламасында компанияның шығыны былтыр 1,5 еседей өскені жазылған.

Компанияның 2023 жылғы қаржы есебіне сәйкес, 2022 жылы 424,8 миллион шығын шексе, былтырғы көрсеткіш 678 млн теңгеге жеткен.

Меншікті капиталы бір жыл ішінде 12,3 млрд теңгеден 15,5 млрд теңге болған. Ал жиынтық актив көлемі 19,5 млрд теңгеден 22,3 млрд теңгеге дейін өсіпті.

Компания міндеттемелері былтыр 0,5 млрд теңгеге қысқарған. 2022 жылы міндеттемелері 7,2 млрд теңге болса, 2023 жылы бұл көрсеткіш 6,7 млрд теңгені құраған.

2024 жылдың бірінші жартыжылдығында топ «Казникель» ЖШС-н...

Сенат Қазақстан мен Қытай арасында азаматтық, қылмыстық істер бойынша құқықтық көмек көрсету туралы шартқа өзгерістер енгізу туралы хаттаманы ратификациялады.

«Хаттаманы ратификациялау екі ел арасындағы азаматтық және қылмыстық істер бойынша құқықтық көмек көрсету саласы үшін қолайлы жағдайды арттырып, ынтымақтастықты одан әрі күшейте түседі. Тәуелсіздік алған жылдан бері екі ел арасында әртүрлі салаларда 250-ден астам халықаралық шарттар жасалды. Бүгінгі қаралып отырған Хаттама серіктестіктің нығаюына ықпал етеді деп сенеміз», – деді сенатор Наурызбай Байқадамов.  

Депутат заң қабылданған жағдайда екі ел азаматтары мен заңды тұлғаларына құқықтық көмек көрсету және заңды мүдделерін қорғау мәселелерін шешу оңтайландырылып, қарау...

Мемлекеттік сатып алу бағытында жүргізген талдау нәтижесінде Маңғыстау облысындағы «МАЭК» ЖШС қызметінде 1,4 млрд теңгеге бұзушылықтар анықталды. Бұл туралы облыстық прокуратура хабарлады.

Кәсіпорын технологиялық бұзушылық актісі негізінде «RTEX» ЖШС-мен бір көзден алу тәсілімен мемлекеттік сатып алу туралы шартты тікелей негізсіз жасасқан.
Прокуратура аталған акт бекітілген Қағиданың талаптарын бұза отырып жасақталғанын хабарлады.

Прокурорлық қадағалау актісі негізінде сот технологиялық бұзушылық актісі және мемлекеттік сатып алу туралы шарт жарамсыз деп танылған.

Осылайша, 1,4 млрд теңге көлеміндегі бюджет қаражатының тиімсіз жұмсалуына жол берілмеді. Кінәлі тұлғалар тәртіптік жауаптылыққа тартылып, бірқатар басшы өз қызметтерінен босатылған.

Еске сала кетсек, былтыр МАЭК-тегі апат Қазақстандағы мұнай өндірісінің 252 600 тоннадан...

Астанадағы тергеу изоляторында отырған Гүлмира Сатыбалды Алматыға жеткізілетін болды. Сот ашық әрі оффлайн режимде өтеді. Бұл туралы алдын ала сот отырысында Алматы қалалық қылмыстық істер бойынша ауданаралық мамандандырылған соттың судьясы Мартпек Кәкімжанов айтты.

«Алматы қаласының қылмыстық істер жөніндегі мамандандырылған ауданаралық сотында негізгі сот талқылауы ашық сот отырысы форматында өтсін. Бұлтартпау шарасы өзгеріссіз қалады. Сотталушы Гүлмира Сатыбалды Қауасқызы Астана қаласының мекемесінен Алматы қаласының №78 мекемесіне жеткізілсін», – деді судья Кәкімжанов.

Бүгін, 16 мамырда, Алматыда Қазақстанның бұрынғы президенті Нұрсұлтан Назарбаевтың келіні болған Гүлмира Сатыбалдыға және оның көлік жүргізушісі Мәди Батыршаевқа қатысты алдын ала сот отырысы одан әрі жалғасты.

Кеше 15 мамырда өткен...

Дәл қазіргі уақытта еліміз үшін көлік-логистика потенциалы мәселесі өте өзекті болып тұр. Қазақстан өзін ірі мемлекеттерге серіктес ретінде де, логистикалық арна ретінде де ұсынғысы келеді. Әзірге екі бағыттағы бастамалары оңтайлы атқарылып келе жатыр. Соңғы бірнеше ай көлемінде Транскаспий әлеуетін арттыруға бағытталған бастамалар оңынан шешілді. Ақтаудағы порттарды тиімді пайдалану мәселесі шешімін таба бастады. Қытайдың Сиань қаласынан Әзербайжанның Баку қаласына тауар тасымалдау мәселесінің де кілті табылды. Бұл ретте Қазақстан транзиттік торап ретінде үлкен стратегиялық алаң рөлін атқарады.

PTC Holding басқарма төрағасы Тимур Қарабаевтың айтуынша, соңғы жылдары Қазақстан бірнеше терминал салып, сала тамырына қан жүгіртті, соған қарамастан логистикалық актив жетіспеушілігі әлі сезіледі.

Әділет министрлігі екі саяси партияны тіркеуден бас тартты. Бұл туралы ведомствоның вице-министрі Ботагөз Жақселекова айтты.

Вице-министр бүгінде елімізде жеті саяси партия тіркелгенін атап өтті. Атап айтқанда, «Amanat», «Ақ жол», «Қазақстан Халық партиясы», «Ауыл» халықтық-демократиялық патриоттық партиясы, «Жалпыұлттық социал-демократиялық партия», «Respublica» партиясы қоғамдық бірлестігі, «Қазақстанның «Байтақ» жасылдар партиясы» тіркелген. Енді бұл қатарға тағы бір партия қосылады.

«Бүгінгі таңда Әділет министрлігінде қандай да бір саяси партиялардың өтініштері қаралып жатқан жоқ. Бірақ жыл басында министрлікке саяси партиялар құру туралы үш өтініш келіп түсті. Олардың барлығы тиісті түрде қаралды. Келіп түскендердің ішінде тек біреуі ғана қолдау тапты. Ол...

Сенат депутаты Шәкәрім Бұқтұғұтов Құлсары қаласында су тасқынынан зардап шеккендерге өтемақы төлеу мәселесі ірі бизнестің көмегімен шешілуі мүмкін екенін айтады. Сол кезде заңда қарастырылған ең төменгі өтемақы мен Құлсары тұрғындары сұрап отырған сома айырмасын қысқартуға болады.

«Атырау облысындағы жағдай әлі күрделі. Қазір ол жақта облыстың бірінші басшылары жүр. Бүкіл сұрақтар келісіліп жатыр. Қазір комиссия 3 мыңға жуық үйді тексеріп шыққан. Комиссия шешімі бар. Бұл жерде бір бітімге келіп, нақты шешім шығады деген ойдамыз», – деді сенатор.

Сенатор заң негізінде қарастырылған бүкіл қаржы толық төленетіне сенімді. Оның пікірінше, Үкімет ұсынып отырған ең төменг...

Атырау және Батыс Қазақстан облыстарында 1 шілдеден бастап майнерлер үшін сондай-ақ өндірілген электр энергиясын цифрлық майнингке бағыттайтын электр стансаларына газдың көтерме бағасы 50-ден 75%-ға дейін қымбаттайды. Бұл туралы Ашық НҚА порталында жарияланған Энергетика министрінің бұйрық жобасында жазылған.

Өзгеріс «Газ және газбен жабдықтау туралы» Қазақстан Республикасының
Заңы 6-бабының 7) тармақшасына және 20-бабының 2-3-тармағына сәйкес енгізілмек.

«Ірі коммерциялық тұтынушыларға, цифрлық майнингті жүзеге асыратын тұлғаларға немесе цифрлық майнингті жүзеге асыру үшін электр энергиясын өндіру жөніндегі тұлғаларға кейіннен өткізуге арналған Қазақстан Республикасының ішкі нарығында тауарлық газды көтерме саудада өткізудің 2024 жылғы 1 шілдеден 2025 жылғы 30 маусымды қоса...