Жаңалықтар

Елімізде кадр тапшылығы бар өңірлерге үздік мұғалімдерді тартуға арналған арнайы бағдарламаға қатысуға құжат қабылдау жүріп жатыр. Алғашқы аптада 800-ден астам мұғалім өтініш берді, деп хабарлайды Оқу-ағарту министрлігінің баспасөз қызметі.

Мемлекет басшысының тапсырмасы бойынша Оқу-ағарту министрлігі мұғалімдер тапшылығы немесе білім сапасы нашар өңірлерге үздік мұғалімдерді тарту үшін арнайы бағдарлама әзірлеген болатын. Мұндай мәселе Түркістан, Атырау, Маңғыстау және Алматы облыстарында байқалады. Бұл өңірлерде математика, физика, химия, орыс тілі мен әдебиеті, шет тілі мұғалімдері тапшы.

Үздік педагогтерді тартуға арналған арнайы бағдарламада мұғалімдерді қолдауға бағытталған шаралар кешені бар. Атап айтқанда, лауазымдық жалақының 250% мөлшерінде ынталандыру төлемдері, оның ішінде жалақыны көтеру, тұрғын үйді жалдау ақысын...

«Қазақстанның Даму Банкі» АҚ  өз өнімін шетелдік нарықтарға экспорттайтын немесе экспортты бастауды жоспарлап отырған қазақстандық кәсіпорындарды қаржыландыруға өтінім беруге шақырады. Бұл хабарлама банк сайтында жарияланған.

2022 жылдың соңына дейін Банк экспорттық операцияларды қаржыландыруға жылдық 12%-ға дейінгі сыйақы мөлшерлемесімен 68 млрд теңге жұмсауға дайын.

Қазірдің өзінде 33 млрд теңге шамасындағы жобалар қаралуда. Қалған қаражат қазақстандық бизнестің экспорттық операцияларын қаржыландыру үшін қолжетімді.

Экспорттық (экспорт алдындағы) операцияларды кредиттеу отандық кәсіпорындарды өз тауарлары мен қызметтерін экспортқа жеткізуді ынталандыруға бағытталғанын атап өткен жөн.

Қарыздың ең аз сомасы – 1 млрд теңге, ал қарыз мерзімдері нақты операцияның талаптарына байланысты айқындалады.

Экспорттаушыларға қойылатын басты талап – өңделген...

Қазақстандық банк активтері мамыр айында сәуірмен салыстырғанда 595 миллиард теңгеге қысқарған. Үздік ондықтағы банктердің тек төртеуі ғана актив мөлшері бойынша оң динамиканы сақтап қала алған.

Мамыр айындағы жағдай бойынша елдегі екінші деңгейлі банктердің актив портфелі 37,18 трлн теңгені құраған. Сәуір айында көрсеткіш 594,7 млрд теңгеге төмен түскен. Биыл ақпанның соңынан басталған ауыр геосаяси дағдарыс отандық банк секторындағы компанияларға да соққы болып тиді. Банк активтері осымен екінші ай қатарынан теріс көрсеткішке қарай кетіп отыр. Өйткені наурыз айында активтердің қысқаруы 429,7 млрд теңгені құраған.

Айлық динамикада елдегі 22 екінші деңгейлі банктің 11-і минусқа кірген. Көрсеткіші теріс динамикаға ауысқан банктер ішінде үздік ондықтан...

Сыбайлас жемқорлыққа қарсы қызмет кәсіпкерден мемлекеттік сатып алу туралы конкурста жеңімпаз деп танығаны үшін пара талап еткен қылмысты топ мүшесін ұстады.

Бұл пара елорда квазимемлекеттік секторы субъектілерінің бірінің басшыларын берілуі тиіс болған.

25 маусымында аталған адам 15 миллион теңге алған кезде ұсталып, тергеу сотының санкциясымен қамауға алынды.

«Ұсталғандардың тұратын және баратын жерлерінен тіркелмеген жауынгерлік атыс қаруы – «ТТ» және «Smith&Wesson» маркалы тапаншалары мен олардың патрондары, сондай-ақ қолдан жасалған жарылғыш құрылғының муляжы, кастет, пышақтар және суық қарудың басқа да түрлері табылып, тәркіленді» делінген хабарламада.

Ресей Украинаға басып кіріп, соғыс ашқалы бері, Қазақстан санкциялық қысымнан жалтарған компаниялар сағалайтын жерге айналды. Мәселен, биыл мамыр айының соңына қарай ҚР-да жұмыс істеп тұрған шетелдік кәсіпорындар саны жыл басынан бері 12,7%-ға көбейіп, 25 мыңға жетті. Бұл ретте, егер айлық өсімді қарастыратын болсақ, онда ҚР-на шетелдік компаниялар ағынының өсімі 2022 жылдың наурыз айында басталды, деп жазады Finprom.kz

2022 жылғы наурызда сектордағы өсім 3,3%-ды, сәуірде – 4%, мамырда 4%-ды құрады. Бұлм– соңғы жылдардағы ең жоғары көрсеткіш. Салыстырар болсақ, жалпы алғанда, 2021 жылы шетелдік компаниялар санының орташа айлық өсу қарқыны небәрі 1,1%-ды құраған.

Өз кезегінде тіркелген заңды тұлғалар, филиалдар мен шетелдік қатысуымен...

Қазақстанда қаржы пирамидасын жарнамалау қылмыс деп танылып, пирамида құрғандар үшін жауапкершілік күшейтілді. Бүгін Сенат депутаттары қаржы пирамидаларымен күрес мәселесіне қатысты заңдарды екі оқылымда қабылдады.

 Олар – «Қазақстан Республикасының кейбір заңнамалық актілеріне қаржылық (инвестициялық) пирамидалардың қызметіне қарсы іс-қимыл мәселелері бойынша өзгерістер мен толықтырулар енгізу туралы» және «Қазақстан Республикасының Әкімшілік құқық бұзушылық туралы кодексіне қаржылық (инвестициялық) пирамидалардың қызметіне қарсы іс-қимыл мәселелері бойынша толықтыру енгізу туралы» заң.

Сенат Төрағасы қазіргі таңда қаржы пирамидалары қоғамдағы ең өзекті проблемалардың бірі екенін атап өтті. Сондықтан ол қаржы алаяқтығымен күресте қазіргі заманғы сын-қатерлерді ескере отырып, қолданыстағы заңнаманы жетілдірудің маңызы зор екенін айтты.

«Қабылданған заңдарда қаржы пирамидаларының жарнамасын қылмыс деп тану...

V «Astana Finance Days» конференциясы аясында «Самұрық-Қазына» АҚ Басқарма төрағасы Алмасадам Сәтқалиев «ҚазМұнайГаз» ҰК» АҚ-ның IPO-сы 2022 жылы өтеді деді.  «ҚазМұнайГаз» ҰК» АҚ акциялары AIX және KASE алаңдарында орналастырылады.

Осы мақсатта Қор «ҚазМұнайГаз» ҰК» АҚ-мен бірлесіп, қазақстандық жетекші инвестициялық банктерді тартты.

«ҚазМұнайГаз» ҰК» АҚ-ның IPO-сы Қазақстанның бүкіл тұрғындарына қолжетімді болып, сондай-ақ жеке және институционалдық инвесторлар барынша тартылмақ.

 «Халықты барынша тарту мақсатында, біз Қазпоштаның, биржалардың және брокерлердің цифрлық инфрақұрылымын пайдалануды жоспарлап отырмыз. Мысал үшін, акцияларды үйден шықпай-ақ мобильді қосымшаларды пайдалана отырып, сатып алуға болады, ал шалғай өңірлер үшін – Қазпошта бөлімшелерінің қызметтері пайдаланылады» Алмасадам Сәтқалиев.

ҚР Қаржы министрі және вице-премьер Ерұлан Жамаубаев қанша жалақы алатынын айтып, декларация тапсыруға дайын екенін мәлімдеді. Министрдің айтуынша, оның табысы ҚР Қаржы министрі және ҚР Премьер-Министрінің орынбасары лауазымындағы жалақыдан құралады.

«Біріншіден, мен Қаржы министрлігінен айлық аламын және Премьер-Министрдің орынбасары ретінде қосымша жалақы аламын.  Жалпы жалақым 1,5 миллион теңгені құрайды»- деді Жамаубаев сейсенбі күні үкімет отырысында журналистерге.

Сондай-ақ ол қазір үкіметте шенеуніктердің декларация тапсыру  мәселесі талқыланып жатқанын айтты.

«Біз – мемлекеттік қызметкерміз, сіздер біздің қанша жалақы алатынымызды білесіздер. Жыл сайын декларация тапсыратындар да мемлекеттік қызметшілер. Біз енді ғана жалпыға бірдей декларациялау жолымен келе жатырмыз және 2025 жылға қарай республикамыздың бүкіл азаматы...

Банктердің көшедегі жарнамасынан немесе мобайл қолданбалардың басты бетінен кредитті қайта қаржыландыруға ұсыныстарды жиі көретін боларсыз? «Сізге арналған тиімді ұсыныс» деп тұрған соң, қызығып қалуыңыз да бек мүмкін. Дегенмен мұның не екенін, қандай жағымды жағы, қандай кемшілігі барын білмесеңіз, «басыма бекер бәле тілеп алмайын» деп ашпай жүрген шығарсыз. Олай болса, бүгінгі материалымызда кредитті қайта қаржыландыру процесі туралы толығырақ түсіндіреміз.

Қайта қаржыландыру деген не?

Алдымен қайта қаржыландыру деген не екенінен бастасақ. Бұл — клиенттің банк алдындағы кредиттің міндеттемелерін тиімдірек шарттармен жабуға мүмкіндік беретін қызмет түрі. Осы арқылы кредит тарихын жақсы қалыпта сақтап қалуға болады. Сондай-ақ, басыңызда артық мәселе болып тұрған...

Еліміздегі жеке тұлғалардың мүлік салығы, жер салығы және көлік құралдары салығы бойынша берешегі 24,3 млрд теңгеге жетті.  919 мың салық төлеушінің қарызы бар. Соның ішінде  қарыздың негізгі сомасы көлік құралдары салығына тиесілі – 22,8 млрд. теңге, деп хабарлайды Мемлекеттік кірістер комитеті.

Соның ішінде көлік құралдары салығын төлемегендердің басым бөлігі Алматы қаласында тұрады. Бұл қалада 88 мың борышкердің 5,2 млрд. теңге берешегі бар.

Алматы облысының 132 мың борышкердің 3,9 млрд теңге қарызы жиналып қалған.

Нұр-Сұлтан мен Шымкент қалаларында 2,6 млрд теңге және 1,9 млрд теңге берешегі бар 76 мың борышкер жүр.

Жеке тұлғалардың көлік құралдарына 2021 жылға салық төлеу мерзімі 2022 жылғы 1 сәуірде аяқталғанын...

Несиенің де бірнеше түрі бары белгілі ғой: ипотека, кепілсіз несие, автонесие, тұтынушылық несие. Осылардың ішінде соңғысының айдарынан жел еседі. Халықтың банктерге қарызы 10 трлн теңгеден асқан. Бұл әрине, өте көп сома.

Ranking мәліметінше, еліміздегі 22 банктің тоғызы жеке тұлғалар үшін тұтынушылық несиені жылжымайтын мүлікті кепілге қою талабымен береді. Кепілді тұтынушылық займ сегментінде ең жоғары соманы ForteBank ұсынады – 200 млн теңге. Бұл басқа қаржы институттарымен салыстырғанда бірнеше есе көп мөлшер. Одан кейінгі орындардағы Bank RBK – 75 млн теңге, Altyn Bank пен «Нұрбанк» 50 млн теңге ұсынады.

«Үздік ондықтағы банктер ішінде ең төмен ставкалар: ForteBank: 20,5 пайыздан басталады, ЖТСМ...

6 адамның жағдайы ауыр

28 маусымдағы мәлімет бойынша, 464 адам коронавирус инфекциясынан (–418+ және 46 КВИ-) емделуде, олардың ішінде 87 пациент стационарда, 377 науқас амбулаториялық деңгейде ем қабылдап жүр.

КВИ+, КВИ- шалдыққандардың арасында 6 адамның жағдайы ауыр. Өте ауыр жағдайда және ӨЖЖ аппаратында жатқандар жоқ,

Мемлекет басшысы Қ.К.Тоқаев журналистерді Бұқаралық ақпарат құралдары қызметкерлері күнімен құттықтады, деп хабарлайды Ақпарат және қоғамдық даму министрлігі.

Президент ақпарат саласында жұмыс істеу – үлкен мәртебе әрі зор жауапкершілік екенін айтты.

 «Отандық баспасөз еліміздің тұтастығы мен татулығын нығайту жолында елеулі рөл атқарады. Сөз өнерін қасиет тұтып, абырой биігінен көрініп жүрген кәсіби журналистеріміз аз емес. Олар еселі еңбегімен оқырманның, көрерменнің алғысына бөленуде. Бұл – ел игілігі жолындағы адал әрі қажырлы еңбектеріңізге берілген баға» деді мемлекет басшысы.   

Тоқаев  қазіргідей әлеуметтік желілерде, интернетте жалған ақпарат көп тараған кезде журналистердің ақпаратты тексеруі мен  сыни көзқарасы түрлі келеңсіздікке тосқауыл болар еді деді.   Қазір қоғамдағы басымдықтар...

Қазақстанда балалар ойын алаңдарына қойылатын талап күшейтілді. Биылдан бастап балалар ойын алаңдарының сертификаты мен декларациясы, техникалық паспорты болуы керек. Пайдаланылған барлық материалдар адам денсаулығы үшін қауіпсіз болуы тиіс.

ҚазСтандарттың Техникалық реттеу жөніндегі үйлестіру орталығы ЕАЭО ТР 042/2017 «Балалардың ойын алаңдарына арналған жабдықтардың қауіпсіздігі туралы» талаптарын іске асыру мәселелерін талқылаған. Техрегламент 2019 жылы күшіне енді, бірақ 2021 жылғы 1-желтоқсанға дейін өтпелі ережелер белгіленген.

Осы регламент қабылданғанға дейін Қазақстанда балалардың ойын алаңдарына қойылатын қандай да бір міндетті талаптар белгіленбеген. Сондықтан Қазақстандағы барлық балалардың ойын аймақтарын қатаң талаптарды енгізуге дайындау үшін өтпелі кезең қажет болды.

Техрегламет талаптары соққытұтыш жабын, төбешіктер, әткеншектер, карусельдер, лабиринттер...

Қолданушылар арасында ең танымал әрі ыңғайлы браузерлердің бірі саналатын Google Chrome-да мүмкіндік біз ойлағаннан да мол. Браузер арқылы керегіңді тауып қана қоймай, өзге де құпия функцияларды қолдануға болады. Егер сол баптауларды біліп алсаңыз, интернет арқылы жұмыс істеу тіпті жеңілдей түседі. Айтып отырғанымыз жалаушалар немесе flags жайлы. Оны қалай қолдану керек, қосу үшін нені басамыз — бәрін түсіндіріп береміз. 

Интерфейсті қолдану кезінде жұмысты жеңілдететін құралдардың жиынтығы бар. Мысалы, жарнама қайта-қайта жылт етіп шыға беріп мазаңызды алса, оны бұғаттап қоятын функция бар. Немесе қауіпті болуы мүмкін контенттен қорғайтын құралдар болады. Мұны бірі білсе, бірі білмес. Өйткені осы функциялардың дені «жалаушалардың» ішінде жасырулы...

ҚДКБҚ  таратылған «Capital Bank Kazakhstan» АҚ салымшыларына 1,5 млрд теңге өтем төледі. Бір қолға төленген максималды өтем сомасы – 15 млн теңгені құраса, ең аз төлем 10 теңгеге дейін болды, деп хабарлайды қордың баспасөз қызметі.

Кепілдік берілген өтемді «Capital Bank Kazakhstan» АҚ салымшыларының барлығы бірдей алмаған. ҚДКБҚ салымшылардың осы уақытқа дейін талап етілмеген кепілдік өтемақы мөлшері негізінен азғантай сома екенін хабарлады. Оларды алу үшін «Еуразиялық банк» АҚ агент банкінің бөлімшелеріне келудің қажеті жоқ. Төлемдердің электрондық порталын пайдалана отырып, кепілдік берілген өтемді алуға өтінішті тез арада онлайн беруге болады. 

«Ол үшін салымшының (банктік шоттардың, төлем карточкаларының және депозиттерінің иесі) ағымдағы электрондық цифрлы...

Мемлекет басшысы Қасым-Жомарт Тоқаев Қазақстанда  криптоиндустрия және цифрлық активтерді дамытуға көңіл бөлу керек деді. Бұл туралы ол  «Астана» халықаралық қаржы орталығын басқару жөніндегі кеңес отырысында мәлімдеді.

Президенттің айтуынша, еліміз өз әлеуетін барынша пайдалануы керек.

«Біз әлеуетімізді барынша тиімді пайдалануымыз керек. Еліміз криптоактивтерді шығару бойынша екінші орында тұр. Алайда біз тек қана шикізат мәртебесін ұстанып қалмауымыз керек. Осы орайда, Үкімет қаржы реттеушілерімен және «Астана» халықаралық қаржы орталығымен бірлесе отырып, кешенді цифрлық экожүйені дамыту үшін қолайлы жағдай жасауы қажет»– деді Қасым-Жомарт Тоқаев. 

Сот үкімімен «World Business Consulting» қаржы пирамидасының жетекшілері кінәлі деп танылып, 5 жылдан 6,8 жылға дейін бас бостандығынан айырылды. Бұл туралы Қаржы мониторингі агенттігі хабарлайды.

Ұйымдастырушылары азаматтарға еншілес компаниялардың инвестициялық жобаларына қаражат салуды ұсынған. Бұл компаниялар сыйақы алуға кепілдік берді.

«2018-2021 жж. WBC қаржылық пирамидасына жалпы сомасы 5,8 млрд теңге тартылды. Сотқа дейінгі тергеп-тексеру барысында жалпы сомасы 4,1 млрд теңгенің мүлкі тәркіленді» делінген хабарламада.

Сот үкімімен қаржы пирамидасының жетекшілері кінәлі деп танылып, 5 жылдан 6,8 жылға дейін бас бостандығынан айырылды. Сонымен қатар, пирамидалық схемасының тағы бес ұйымдастырушысы халықаралық іздеуге жарияланды.

Сенат «Қазақстан Республикасының кейбір заңнамалық актілеріне стрестік активтер нарығын дамыту мәселелері бойынша өзгерістер мен толықтырулар енгізу туралы» ҚР заңының жобасын мақұлдады. Аталған заң жобасын Қаржы нарығын реттеу және дамыту агенттігінің төрағасы Мәдина Әбілқасымова ұсынған еді.

Заң жобасының негізгі мақсаты – стрестік активтердің өтімді нарығын нарықтық негізде құру және оларды экономикалық айналымға тарту. Әбілқасымованың айтуынша, стрестік активтерге активтердің 4 тобы жатады:

Заң жобасы ҚР 4 заңына өзгерістер мен толықтырулар енгізуді көздейді және мынадай негізгі бағыттардан тұрады.

Заң жобасының бірінші блогы стрестік активтерді сатып алушыларды...

Суға кеткен Оңтүстік Қазақстан медицина академиясының студенттері

Түркістан облыстық ТЖД құтқарушылары суға батып кеткен екі шетелдік студентті іздестіріп жатыр, деп хабарлайды баспасөз қызметі.

26 маусым күні сағат 20.10-да Түркістан облысы ТЖД кезекші-диспетчерлік қызметінің пультіне сағат 16.49-да Төле би ауданының Ханарық ауылынан 5 шақырым жерде орналасқан Ақсу шатқалындағы Ақсу өзенінде 2001 жылы туған 2 студенттің белгісіз жағдайда суға түсіп, батып кеткені туралы ақпарат түскен.

21 студенттен құралған топ Шымкент қаласынан келген. Бәрі Үндістан Республикасының азаматтары, Оңтүстік Қазақстан медицина академиясының студенттері.

Іздестіру-құтқару жұмыстарына Түркістан облысы ТЖД 19 қызметкер, 1 жүзу құралы және 4 техника, Полиция департаментінен 10 қызметкер және...

«ҚазТрансГаз Аймақ» компаниясына  5 млн теңгеден  аса айыппұл салынды, деп хабарлайды Табиғи монополияларды реттеу комитеті. Компания газды шекті бағадан қымбатқа сатқан.

Оған Әкімшілік құқық бұзушылықтар туралы Кодексінің 166-бабының екінші бөлігі негіз болған. Осы бап бойынша  комитете инвестициялық бағдарламаны іске асыруға қолданылмаған соманың он пайызы көлемінде айыппұл салды.

 «ҚазТрансГаз Аймақ» АҚ тауарлық газ нарығындағы қоғамдық маңызы бар субъект болғандықтан, шекті бағалар ескерілген инвестициялық бағдарлама талаптарын орындауға міндетті.

Алайда,  компания қолданыстағы заңнама талаптарын бұзып,  2021 жылға тауарлық газды көтерме сатқанда бинвестициялық бағдарламаның іс-шаралары орындамаған.

Президент Қасым-Жомарт Тоқаев Каспий маңы елдері басшыларының Ашхабадта  өтетін алтыншы саммитіне қатысады, деп хабарлайды Ақорда.

Баспасөз қызметі Президенттің қатысуымен өтетін  іс-шаралар аңдатпасын жариялады.

«Бүгін Мемлекет басшысы «Астана» халықаралық қаржы орталығын басқару жөніндегі кеңестің отырысын өткізеді. 29 маусымда Президент Қасым-Жомарт Тоқаев Каспий маңы елдері басшыларының Ашхабадта (Түрікменстан) өтетін алтыншы саммитіне қатысады» делінген хабарламада.

Соынмен қатар, Президент Ақорда резиденциясында Реформалар жөніндегі жоғары кеңестің кезекті отырысын өткізеді.

Қытайдың шығысындағы Цзянси провинциясында нөсер жауынан 2 млн адам жапа шекті, деп хабарлайды ҚазАқпарат.

Цзянси провинциясында табиғат тосын мінез танытып, нөсер жаңбыр жауған. Бұл 2,05 млн тұрғынның қалыпты өмір дағдысын бұзды. 150 мың гектар егістік су астында қалды. Экономикалық шығын 6,79 млрд юаньнен ($1,01 млрд) асып жығылған. Қызыл су басқан аймақтан шұғыл түрде 300 мың тұрғын эвакуацияланды.

Жергілікті БАҚ-тың хабарлауынша, билік алғаш рет Цзянси провинциясында ауа райының қолайсыздығына байланысты қызыл деңгейдегі төтенше жағдай жариялаған. Айта кету керек, Қытайда төтенше жағдай 4 деңгей бойынша белгіленеді: көк, сары, қызыл сары және қызыл деңгей.

Қазір тұтас Қазақстанға төніп тұрған бірден бір қауіп болса, ол – ойынқұмарлық. Иә, казино атаулының барлығын жиып-теріп Қонаев қаласына (бұрынғы Қапшағай) көшіріп тастағанбыз. Бірақ одан автоматқа ақша салушылар азая қойған жоқ. Қазір ең жедел өрістеп тұрған құмар ойын – букмекерлік кеңседегі бәс тігу.

2021 жылы бәс тігу мен құмар ойындарды ұйымдастыру бойынша қызмет көлемінің құны 73,9 млрд теңгеге жеткен. Ең рекордты көрсеткіш 2020 жылы тіркелген: 78,6 млрд теңге. Сарапшылардың айтуынша, 2021 жылдың 4 қаңтарынан бастап бүкіл букмекер Мөлшерлемелерді есепке алу орталығы арқылы жұмыс істеуге міндетті болды. Бұл букмекерлердің сектордағы қызметін кәдімгідей заңды ете түсті.

2022 жылдың бірінші тоқсанының өзінде құмар...