Жаңалықтар

Мысыр топтасқан жиындарды болдырмау мақсатында барлық мәдени және туристік іс-шараларды, сондай-ақ Жаңа жыл мерекесі қарсаңында кез-келген мерекелік іс шараларды өткізу тоқтатылды. Сонымен қатар, қонақ үйлерде туристер үшін Жаңа жылдық және Рождестволық кештер өткізілмейді. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.

Австрия 26 желтоқсаннан бастап үшінші локдаунға жабылады. Шұғыл жағдайларды қоспағанда, елде бір ай бойы үйден шығуға тыйым салынады. Дүкендердің жұмысы тоқтатылады (бірінші қажеттіліктегі тауарларды сататын дүкендерден басқа).

Моңғолия астанасы Ұлан-Батыр қаласында 23 желтоқсаннан 6 қаңтарға дейін қатаң карантин енгізілмек. Қызметі адамдардың күнделікті өмірі үшін ерекше маңызды ұйымдардың жұмысына...

Антарктидада коронавирустың алғашқы жағдайлары анықталды, деп хабарлайды Tercera газеті. O’Higgins Riquelme Чилидегі зерттеу базасында 36 адам COVID-19-ға оң нәтиже берді.

БАҚ Чили Қарулы Күштерінің 5-ші әскери дивизиясының баспасөз қызметіне сілтеме жасады. Әскерилердің айтуынша, ауруды жұқтырғандардың арасында 26 әскери қызметкер мен он бейбіт тұрғын – компанияның қызметкерлері, базаны ұстап тұратын мердігер. Аурудың белгілері пайда болғаннан кейін медициналық зерттеу қызметкерлері пациенттерді эвакуациялады және кейінірек ПТР сынақтарын өткізді.

Вирус жұқтырғандардың барлығы Чилидің оңтүстігіне жеткізіліп, оқшауланған, оларды дәрігерлер бақылайды, әлі ешкімде ауыр симптомдар мен асқынулар болған жоқ. Алдын ала карантиннен өтіп, теріс сынақтардан өткен O’Higgins  станциясына жаңа команда жіберілді.

Чили әскери-теңіз күштер...

Ермак ауылы ХІХ ғасырдың соңына таман Ертіс өзенінің солтүстік жағалауында, Екібастұз қаласынан Омбыға көмір жеткізер жолдағы жүк тиейтін станса ретіне салынған еді. Жарты ғасыр өте ірі селоға айналған ауыл дамудың жаңа даңғылына түсіп, мәртебесін өзгертті. Қазіргі кезде Ақсу атауын иеленген моноқала өндірістік кәсіпорындарымен танымал. Қалада индустриалдық кластерден бөлек, ауыл шаруашылығы саласы дамып, жеке кәсіпорындар да жұмыс істеп тұр. 

Өндіріс

Ақсу моноқаласы (1993 жылға дейін Ермак деп аталған) құрылысы өткен ғасырдың ортасында басталған Ермак ферроқорытпа зауыты мен Ермак ГРЭС-нің негізінде бой көтерген. Қазақстан тәуелсіздік алғаннан кейін бұл кәсіпорындар жекешелендірілді (қазір  Еуразиялық Топтың (ERG) құрамына кіреді). Екеуі де өңірдегі ең ірі жұмыс...

Коронавирустың жаңа, агрессивті түріне байланысты Ұлыбританиямен теміржол және әуе байланысын тоқтататын елдер саны артты. Бұл туралы ВВС сайты хабарлады.

Джон Хопкинс университетінің мәліметтері бойынша, Ковид-19 пандемиясы басталғаннан бері әлемде 76,8 миллион адам ауырып, 1,7 миллион адам қайтыс болды. Қазіргі уақытта барлық елдерде шамамен 34 миллион адам ауырады.

Ауру мен өлім саны бойынша үш көшбасшы – АҚШ, Бразилия және Үндістан. Ресей жұқтырғандар саны бойынша төртінші орында.

Нидерланды, Бельгия және Италия кем дегенде қаңтардың басына дейін Ұлыбританиядан шығатын барлық рейстерге тыйым салды.

ДДҰ өкілдері елде Covid-19 қоздырғышын тудыратын VUI-202012/01 вирусының жаңа түрінің пайда болуына байланысты Ұлыбритания билігімен үнемі байланыста екендіктерін айтады.

Ресейлік маман Владимир Газзаев «Шымкент Ордабасы» тізгінін ұстауы мүмкін.

Кахабер Цхададзенің «Ордабасымен» келісімшарты аяқталып, Шымкент басшылығы оны ұзартпағаннан кейін оңтүстік тұрғындары басқа жаттықтырушылармен келіссөздер жүргізе бастады.

Бұл қызметке басты үміткер – 40 жастағы ресейлік маман Владимир Газзаев.

Бұрын Владимир Валериевич Қазақстанда жұмыс істеп келген: алдымен ол Ақтөбе, кейін Қостанай Тобылының бас бапкері болды, бірақ екі жағдайда да ол өз командаларын келісімшарт аяқталғанға дейін, маусымның ортасында қалдырды.

Түркияның пилотсыз тікұшақ жасап шығарды.Titra Technology технологиялық компаниясы әскери және азаматтық мақсатта пайдалануға. Бұл туралы 24.kz сайты Анадолу агенттігіне сілтеме жасап хабарлады.

Titra Technology бас директоры Селман Донмез тікұшақты өндіруді 2021 жылдың соңына дейін бастауды көздеп отыр. Оның айтуынша, ұшқышсыз ұшатын тікұшақ 4500 метрден астам биіктікте, 800-850 шақырым қашықтықта 160 келіге дейін жүк тасымалдай алады. 

Бұл көлік құралын төтенше жағдайлар мен апаттар кезінде, логистикалық мақсаттарда пайдалануға болады.

Латвия азаматтары зейнетке 62 жастан шығады, алайда 2014 жылдың 1 қаңтарынан бастап ол жыл сайын 3 айға ұлғаюда – және 2025 жылдың 1 қаңтарынан бастап зейнеткерлік жас 65 жасқа жетеді. Бұл туралы БЖЗҚ АҚ-ның ресми телеграм арнасы хабарлады.  

Латвияда 3 деңгейлі зейнетақы жүйесі жұмыс істейді: қорға жатпайтын мемлекеттік міндетті зейнетақымен қамсыздандыру, қорға жататын мемлекеттік қаржыландырылатын зейнетақы, жеке ерікті зейнетақы.

 
Егер салымшының сақтандыру өтілі кемінде 30 жыл болса, онда ол жалпы зейнетақы жасынан екі жыл бұрын зейнетке шыға алады. 

Зейнет жасына жетіп, зейнетке шықпауға да болады. 

Зейнетақы мөлшері сақтандыру өтіліне, әлеуметтік сақтандыру жарналарына, сондай-ақ, адамның зейнетке шыққан...

Таразда екі жолаушы жігіт жүргізушіні ұрып, жеке мүліктерін тартып алған, – деп хабарлайды Polisia.kz.

Тараз қаласында ПБ 2-ПБ қызметкерлері бір тәулік ішінде Тараз қаласының 32 және 29 жастағы тұрғындарын ізін суытпай ұстады. Ер адамдар алдын ала сөз байласып, жәбірленушінің өмірі мен денсаулығына қауіпті емес күш қолданып, бөтеннің мүлкін ашық түрде ұрлаған. Жеке көлікпен адам тасумен айналысатын Тараз қаласының 25 жастағы тұрғыны кешкі сағат 19.30-да қала орталығынан екі адамды Қант заводы ауданына апарған.

Жарықсыз және адам көп жүрмейтін көшеде жолаушылар жүргізушіні көліктен шығарып, жерге құлатып, ұра бастаған. Жәбірленушіге қарсылық көрсетуге мүмкіндік бермей, біреуі – спорттық битамен (сақа), екіншісі жұдырықпен соққылаған...

Шығыс Қазақстан облысы Курчатов қаласынының көп қабатты үйлерінің бірінен үш ер адамның мәйіті табылды, – деп хабарлайды Polisia.kz.

21 желтоқсанда Курчатов қаласында атыс қаруын пайдаланумен аса ауыр қылмыс жасалды. Көп қабатты үйлердің бірінде үш ер адамның мәйіті табылды.

     «Алдын ала мәліметтер бойынша кінәлі адам (қайтыс болғандардың бірі) ер адам қылмыс жасағаннан кейін өз-өзіне қол жұмсаған. Қайтыс болғандардың тұрғалары анықталды, олар Курчатов қаласының тұрғындары», – деді Полиция департаментінің бастығы Сағат Мадиев.

Қазіргі уақытта ҚР ҚК-нің 99-бабы 2-бөлігі (Адам өлтіру) бойынша сотқа дейінгі тергеу әрекеттері жүргізілуде. Өзге ақпарат тергеу амалдарының жүргізілуіне байланысты жария етуге жатпайды. Әлеуметтік желілерде...

21 желтоқсан күні сенат экономикалық өсімді қалпына келтіру мәселелері көтерілген заң жобасын мәжіліске кері қайтарды. Аталған заң жобасының ішінде тұрғын үй алу үшін зейнетақы қорындағы қаражатты пайдалану да қарастырылған. 

«Заң жобасы бойынша жұмыс барысында нақтылау сипатындағы бірқатар түзетулер мен толықтырулар енгізу, сонымен қатар ішкі қайшылықтарды жою және заң жобасының нормаларын қабылдау қажет болды»,– дейді сенаттың кәсіпкерлік, инновациялық даму және экономикалық саясат жөніндегі комитетінің мүшесі Еділ Мамытбеков. 

Заң жобасына байланысты сенат төрағасы Мәулен Әшімбаев та пікір білдірген. 

«Мемлекет басшысының тапсырмасы бойынша зейнетақы қаржысының бір бөлігін азаматтар үй алу және емделу үшін пайдалану құқығы белгіленді. Сонымен қатар кәсіпкерлерге бірлесіп...

Ұлыбритания билігі Рождество мерекесі кезеңінде шектеу шараларын жеңілдетуге арналған жоспарынан толықтай бас тартты. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.

Оған себеп, мемлекет ішінде коронавирустың жаңа штамының таралуы. Лондон, Уэльс, Шотландия және Англияның оңтүстік-шығыс аймақтарында 30 желтоқсанға дейін ең жоғары – төртінші деңгейдегі карантин енгізілді.
⠀
Елде барлық дүкендер (бірінші кезектегі тауарларды сатанын дүкендерді қоспағанда), сұлулық салондары мен спорт клубтары жабылуда.
⠀
Елдің премьер-министрі Борис Джонсонның айтуынша, VUI-202012/01 деп аталған COVID-19 жаңа мутациясы таралу қарқынына жоғары болғандықтан адамдарға аса қауіпті болып келеді. Бүгінгі күні Лондондағы COVID-19 жұқтырғандарды...

Apple корпорациясы коронавирустың таралуына байланысты Калифорниядағы және Ұлыбританиядағы 16 дүкеннің барлығын уақытша жауып тастайды, деп хабарлайды  Риа Новости Verge-ге сілтеме жасап.

Сонымен қатар, газеттің хабарлауынша, Теннеси, Юта, Миннесота, Оклахома, Орегон, Аляска, Небраска және Нью-Мексико штаттарында компанияның бірнеше дүкендері уақытша жабылады. 20 желтоқсаннан бастап 16 Ұлыбританиядағы Apple дүкендері Мексика мен Бразилиядағы сату бөлімшелерін, сондай-ақ өз қызметін уақытша тоқтатады.

1976 жылы құрылған Apple жеке компьютерлер, планшеттік компьютерлер, аудио ойнатқыштар, телефондар, ақылды сағаттар және бағдарламалық жасақтама шығарады.
 

АҚШ-тың Сакраменто қаласының аудандық соты ер адамды 897 жылға бас бостандығынан айырды, деп хабарлайды Tengrinews.kz Daily Mail сайтына сілтеме жасап.

NorCal деген атпен танымал 60 жастағы Рой Чарльз Уоллер он бес жылдан бері Калифорния тұрғындарын үрейлендіріп келеді. Алқабилер сотының үкімінде ол адам ұрлау және зорлау сияқты қылмыстар үшін сотталғаннан кейін 46 бап бойынша кінәлі деп танылды.

1991-2006 жылдар аралығында тоғыз әйелге қарсы бірқатар шабуылдар болды, олардың әрқайсысы көпжылдық тергеу барысында куәлік берді. Детективтер атап өткендей, көп жағдайда Уоллер түнде шабуылдап, үйлерге кіріп, құрбандарын байлап, оларды зорлаған. Кейбір жағдайларда қылмыскер әйелдерді банкоматтарға апарып, ақша алуға мәжбүрлеп, жеке заттарын ұрлап...

Мексикалық боксшы Сауль «Канело» Альварес қазақстандық Геннадий Головкинге қарсы үшінші жекпе-жегін өткізуге қарсы болмайтынын айтты.

«Канело» британдық Каллум Смитті жеңгеннен кейін Дүниежүзілік бокс кеңесі (WBC) және Дүниежүзілік бокс қауымдастығы (WBA) 76,2 келі салмақ дәрежесінде әлем чемпионы болды.

Қазір мексикалықтың коллекциясында Головкинге тиесілі IBF Халықаралық бокс федерациясының белбеуі жоқ. Альварес оған иелік еткісі келетінін айтты.

 «Головкинмен үшінші жекпе-жек? Мен ешкімнен қашып жүрген жоқпын және қазірдің өзінде дәлелдедім. Мен тек үздіктермен күресемін. Мен өз салмағымда өзімді керемет сезінемін және барлық белбеулерді жеңгім келеді. Менің қарсыласымның кім екендігі маңызды емес », – деді Альварес.

Еске салайық, Альварес пен Головкин арасындағы...

Солтүстік Қазақстан облысының полицейлері заңсыз төрт елікті атқан күдіктілерді ұстады, – деп хабарлайды Polisia.kz.

СҚО табиғатты қорғау полицейлері мүдделі ведомстволардың қызметкерлерімен жануарлар дүниесін браконьерлерден қорғау бойынша тұрақты бірлескен рейдтерді өткізеді. 5 желтоқсанда кезекті рейд барысында Мамлют ауданының ПБ табиғатты қорғау полициясы қызметкерлері Меңгесер аңшылық шаруашылығы қорықшысымен Катанай с. маңындағы жерде Петропавлдың 37 жастағы тұрғыны басқарған «Nissan Hilux» автокөлігін тоқтатқан.

Оның жолаушылары тағы бір қалалық пен екі аудан тұрғыны болған. Көлік салонынан қынапқа салынған тегіс ұңғылы қару, 42 патроны бар оқшантай, пышақ табылды. Жүксалғышта бастары кесілген, атыс жарақаты келтірілген төрт сібір елігі жатқан. Аталған факті ҚР Қылмыстық кодексінің 337-бабы (Заңсыз...

Бангладеште, Раджшахи облысының солтүстік батысындағы Пуранапойл ауданында жолаушылар пойызымен адам толы автобус соқтығысты. Апат салдарынан 12 адам көз жұмып, үш жолаушы жарақат алды. Бұл туралы Dhaka Tribune газеті хабарлады. 

Dhaka Tribune газетінің хабарлауынша, жолаушылар жүрдек пойызы автобуспен теміржол өткелінде соқтығысып, көлікті рельс бойымен шамамен 500 метрге дейін сүйреп кеткен.

Германия үкіметі COVID-19 құрбандарын еске алу акциясын жалпы федералды аза тұту шарасын өткізуді жоспарлап отыр. Алайда, локдаунның жариялануына байланысты шараның өтетін күні әлі белгісіз. Германияда коронавирустық инфекцияның күнделікті өсуі 33 777 жағдайды құрады. Эпидемия басталғаннан бері елде 1 439 938 жұқтыру оқиғасы тіркелді. Соңғы 24 сағат ішінде 813 адам қайтыс болған, COVID-19-дың кесірінен болған өлім-жітімінің жалпы саны 24 938 адамды құраған. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК жұмысы туралы шұғыл ресми Telegram каналы хабарлады.

АҚШ билігіңің қабылдаған шараларына қарамастан елдегі эпидемиялық жағдай аса ауыр болып тұр. Елде бірден үш қайғылы рекорд тіркелді: бір күнде...

Францияда карантин кезінде тұрмыстық зорлық-зомбылық 30%-ға артқан, деп хабарлайды «Хабар 24». 

Франция билігі тұрғындардың кез келген уақытта онлайн режимінде полицияның көмегіне жүгіне алу үшін арнайы портал ашты. 

Зардап шекккендер арнайы нөмірге телефон шалып немесе SMS-хабарлама жіберулеріне болады. 
Зардап шеккендерді уақытша баспанамен қамту да қарастырылады. 

 «Локдаунға байланысты тұрмыстық зорлық-зомбылықты болдырмау үшін бірнеше жаңашылдықтарды еңгіздік. Департаменттердің бірінде тәртіп сақшылары тұрмыстық зомбылықтан зардап шегушінің кассалық чегіне барлық қажетті ақпарат жазылған мөр қоятын болды. Елдің өзге өңірлерінде полиция өкілдері бұрын жәбірленген тұрғындармен өздері жиі байланысып тұрады. Екінші рет жарияланған локдаун кезінде полиция өкілдерінен тұрмыстық зорлықтан қорғанудың тағы сан алуан тәсілдері мен инновациялы...

Қаңтардың бірінші аптасында ДДҰ Қытайға халықаралық комиссия жібермекші. Мамандар коронавирустың қашан және қайдан шыққанын анықтаумен айналысады. Бұл туралы ВВС сайты хабарлады.

Зерттеуге әр елден келген 12-15 сарапшы барады. Сондай-ақ індеттің алғаш қай жануардан тарағанын білу үшін олардан да сынама алу жоспарланған.

Данияның өкілі Чай Фишер Reuters агенттігіне бұл сапар алты аптаға созылатынын, оның ішінде келгеннен кейін екі апта оқшаулануды қосатынын айтты. Оның айтуынша, егер қытайлық әріптестер жиналған материалдарды олар келгенге дейін талдауды аяқтаса, Кимиссия дереу тергеудің екінші кезеңіне өте алады.

Алайда бұған дейін Қытай билігін апаттың шынайы ауқымын вирустың таралуының басында жасырды деп айыптаған АҚШ ДДҰ-ны бірінші кезеңді Қытай...

Мәскеудегі сот әкімшілік құқық бұзушылық үшін американдық Google корпорациясына 3 миллион рубль айыппұл салды. Бұл туралы Анадолу сайты хабарлады.

Байланыс, ақпараттық технологиялар және бұқаралық ақпарат құралдарын қадағалау жөніндегі федералдық қызметі (Роскомнадзор) Google-ге қарсы іс Мәскеудің Таган аудандық сотында қаралды.

Роскомнадзор американдық корпорацияны Google іздеуі елде қол жетімділігі жоқ интернет-ресурстар туралы ақпарат береді деп айыптады.

Мәскеу соты Google LLC-ді әкімшілік құқық бұзушылық жасағаны үшін кінәлі деп танып, 3 миллион рубль (шамамен 42 мың доллар) көлемінде әкімшілік айыппұл салды.

Бұған дейін осындай заң бұзушылықтар үшін американдық корпорация Ресейде 500 мың рубль және 700 мың рубль көлемінде айыппұл төлеген.

Франция президенті Эммануэль Макроннан коронавирус анықталды, деп хабарлайды Іnterfax.ru.

Макрон өзін-өзі карантинде  оқшауланатының, бірақ қашықтықтан жұмыс істей беретінін атап өтті. Барлығына қолданылатын қолданыстағы санитарлық ережелерге сәйкес, президент 7 күн бойы өзін-өзі оқшаулайды.

Макронды жұқтыруға байланысты Франция премьер-министрі Жан Кастекс, жұқтырған адаммен ықтимал байланыста болғаннан кейін, өзін оқшаулауға көшуге шешім қабылдады, деп хабарлады премьер-министрдің ресми резиденциясы .

Президенттің әйелі Брижит Макрон COVID-19 жұқтырған адаммен байланыста болғандықтан карантин жариялады.

Джон Хопкинс университетінің мәліметтері бойынша Францияда пандемия басталғаннан бері 2 миллион 465 126 коронавирус жұқтырған.59,4 мыңнан астам адам COVID-19 қайтыс болды.

Башқұртстан Республикасы Абзелилов ауданы Ишбулдино ауылындағы жеке пансионатта өрт шықты, 11 адам қаза тапты. Бұл туралы Анадолу сайты хабарлады.

Ресей ТЖМ баспасөз қызметінің хабарлауынша, өрт сөндірушілер келген уақытта бүкіл ғимарат өртеніп кеткен. Үш адам ауруханаға түсті.Тергеу басталды.

Пансионатта қонақтардың тұрақты тұруға лицензиясы жоқ және қарттар мен мүгедектерге тұрғылықты жері жоқ адамдарға әлеуметтік қызмет көрсетуге арналған жеке үй.

Иранда 2020 жылдың наурызынан мамырына дейін (Иран күнтізбесінің бірінші ширегі) 14 жасқа дейінгі 7 мыңнан астам қыз тұрмысқа шыққан. Бұл туралы Анадолу сайты ISNA агенттігі сілтеме жасап хабарлайды.

Құжатқа сәйкес, тұрмысқа шыққандардығ  арасында он жасқа толмаған қыз бар.

Аталған кезеңде 15 жасқа дейінгі қыздар 346 рет ана атанды, ал 15 пен 19 жас аралығындағы балалар 16 мыңнан астам бала туды.

Иранның азаматтық кодексінде 13 жасқа толмаған адаммен некеге тұруға соттың рұқсаты қажет.

Отбасылар көбінесе бұл талапты елемейтіні атап өтілген.

Иран жұртшылығы екі жастан бастап 13 жасқа толмаған адамдарға некеге тұруға тыйым салатын заң жобасының парламенттік қарауын күтуде.
 

Италияның Сицилия аралындағы Этна жанартауы қайта атқылады. Отты тау ыстық шоқ шығарып, аспанға 5 шақырымға дейін күл шашқан. Бұл туралы 24 kz сайты хабарлады.

Атқылаудан қаза тапқандар немесе жараланғандар туралы ақпарат түскен жоқ. Жергілікті билік тауға жақын жатқан қалаларға еш қауіп төніп тұрмағанын мәлімдеді.

Этна – Еуропадағы ең ірі жанартау. Биіктігі 3 мың 330 метрдей болатын отты тау әр үш ай сайын оянып, атқылап тұрады.

Соңғы рет Этнаның қатты атқылауы 1969 жылы болған еді.