Жаңалықтар

Үкімет 2024 жылы Air Astana компаниясы халықтық ІРО-ға шығарады. Президент QazaqGaz кәсіпорны да осы жұмысқа дайындалуы керек деп мәлімдеді.

«Басты мақсат – активтерді басқару ісінің ашықтығын және тиімділігін барынша арттыру. «Самұрық-Қазына» қорының бейінді емес активтерінің бәрі жеке меншікке және халықтық ІРО-ға өтуі керек. Үкімет бұл жұмысты 2024 жылдан бастап қолға алады. Келесі жылы Air Astana компаниясы халықтық ІРО-ға шығарылады. QazaqGaz кәсіпорны да осы жұмысқа дайындалуы керек. Ірі компаниялардағы мемлекет активтері саудаға шығуға тиіс», деді Мемлекет басшысы.

Президенттің айтуынша, Қазақстан ашық әрі бәсекеге қабілетті экономика құрып жатыр. Сондықтан қайтарылған активтің бәрін ашық түрде...

Қасым-Жомарт Тоқаевтың айтуынша, нақты секторға берілетін кредит азайып жатқанда банктер тұтыну несиесімен әуестеніп кетті. Айтуынша, былтыр негізгі капиталға салынған қаражат ішкі жалпы өнімге шаққанда небәрі 15 пайыз болды. Президенттің пайымынша, бұған негізінен еліміздегі банктердің экономиканы дамытуға белсенді атсалыспауы себеп болып отыр.

«Мұндай ахуал Үкіметті тікелей қаржыландырумен, кепілдік және субсидия берумен айналысуға мәжбүрлейді. Бұл тәсіл тиімсіз, көп қаражатты талап етеді әрі нарықтық экономика қағидаларына қайшы келеді», деді Қасым-Жомарт Тоқаев.

Ал, банктердің тұтынушылық несиеге басымдық беруі азаматтардың шектен тыс қарызға батуына әкеп соқтырды. Жеке тұлғалардың банкроттығы туралы заң бұл мәселені біршама реттегенімен ахуалды біржола түзеу...

Президент Қасым-Жомарт Тоқаев халыққа жолдауында 2029 жылға қарай еліміздегі экономикалық өсімді 6-7 пайызға артып, 450 миллиард долларға жеткізу мақсаты тұрғанын айтты.

«Еліміздің экономикасын дамытуға қатысты бүгін айтылған жоба-жоспардың бәрі нақты зерттеліп, есептеліп жасалды. Бүкіл экономикалық жүйені шұғыл түрде түбегейлі қайта қарап, өзгерту арқылы елімізді өркендетеміз, халықтың әл-ауқатын арттырамыз. Реформаның басты мақсаты – экономикамыздың тұрақты өсімін 6-7 пайызға жеткізу және 2029 жылға қарай ұлттық экономиканың көлемін 2 есеге ұлғайту, яғни 450 миллиард долларға жеткізу. Әрине, бұл – ауқымды әрі күрделі міндет. Бірақ біз еліміздің байлығын, табысын азаматтарымыздың арасында әділ бөлуіміз қажет»,

Экономикалық өсімнің игілігін әрбір азаматымыз көруі керек деген...

Азаматтардың табысын арттыру үшін елімізде 2024 жылдан бастап ең төменгі еңбекақы көлемі ұлғаятын болады. Ол 85 мың теңгеге жетеді. Бұл туралы Парламент палаталарының бірлескен отырысында жасаған Жолдауында мәлім етті.

«Азаматтардың табысын арттыру үшін 2024 жылдың 1 қаңтарынан бастап ең төменгі жалақы мөлшерін 85 мың теңгеге көтеруді тапсырамын. Осылайша, біз еңбекақының ең төменгі мөлшерін үш жыл ішінде екі есе көбейттік. Бұл шара 1 миллион 800 мың адамның, оның ішінде бюджет саласында еңбек ететін 350 мың азаматтың әл-ауқатын арттыруға септігін тигізеді», деді Қасым-Жомарт Тоқаев.

Айытнша, жалпы, еңбек нарығын жан-жақты дамыту үшін Үкімет қысқа мерзімде...

Фото: kursiv.media

Қазақстанда елдімекендерді газбен қамту мәселесі өзекті болып тұр. Сондықтан газ өңдеу зауыттарының құрылысын тездету және қолданыстағы зауыттардың қуаты толық пайдалану қажет. Президент жұма күнгі жолдауында Теңіз, Қашаған, Қарашығанақ сияқты мұнай-газ алпауыттары газды қолжетімді бағамен ұсынуға тиіс деп мәлімдеді.

«Тауарлы газдың ресурстық базасын кеңейту – Үкіметтің және ұлттық газ компаниясының басты міндеті. Жаңа газ өңдеу зауыттарының құрылысын тездету және қолданыстағы зауыттардың қуатын барынша пайдалану қажет. Еліміздегі Теңіз, Қашаған, Қарашығанақ сияқты мұнай-газ алпауыттары газды қолжетімді бағамен ұсынуға тиіс», деді Тоқаев.

Сонымен қатар мемлекет басшысы жаңа газ кеніштерін барлау және игеру үшін инвестиция...

Елімізде салықтық жеңілдіктер көлемі 20% азаюы мүмкін. Бұл жайлы өз жолдауында президент Қасым-Жомарт Тоқаев айтты.

«Тағы бір маңызды мәселе бар. Мен бұдан бұрын экономиканың түрлі секторындағы салық мөлшерлемесін саралау туралы айтқан едім. Бұл шара салық жүктемесін өндірістің күрделілігіне қарай бөлуді қамтамасыз етеді. Кәсіпкерлер қосымша құн салығын қайтару рәсімінің күрделі екені жөнінде орынды мәселе көтеріп, шағымданып жүр. Бұл жайт еліміздегі инвестициялық ахуалға кері әсерін тигізеді. Үкімет көптен бері түйіні тарқамай келе жатқан осы мәселені шұғыл шешуге тиіс«, деді Мемлекет басшысы.

Сонымен бірге салық жеңілдіктерді реттеу қажеттігін айтты.

«Салық жеңілдіктерін...

Президент ел Үкіметіне 2026 жылға қарай Қазақстандағы геология тұрғысынан зерттелетін жер көлемін 2 миллион шаршы шақырымға дейін жеткізуді тапсырды. Соның ішінде басымдық сирек және шашыранды металдарды іздеуге берілуі тиіс.

«Үкіметтің міндеті – 2026 жылға қарай геологиялық-геофизикалық барлау алаңын қазіргі бір жарым миллионнан кем дегенде 2,2 миллион шаршы шақырымға дейін жеткізу. Қазіргі кезде«жаңа мұнайға» теңелетін сирек және шашыранды металдар кен орындарын игеру басым міндеттердің бірі болуы тиіс. Осы саладағы әлеуетін жүзеге асыра алатын елдер бүкіл әлемнің технологиялық даму векторын айқындайды», – деді ол парламент палаталарының бірлескен отырысында.

Мемлекет басшының айтуынша, үкімет өз қаражаты...

Қазақстанда көлік министрлігі қайта құрылады. Бұл жайлы президент Қасым-Жомарт Тоқаев өзінің жолдауында айтты.

«Стратегиялық маңызы бар міндеттің бірі – көлік-логистика саласының әлеуетін толық пайдалану. Қазір әлемде жаңа экономикалық кеңістік қалыптасып жатыр. Қытайдан Еуропаға, Ресейге, Орталық Азияға және осы аймақтардан Қытайға жіберілетін тауар көлемі айтарлықтай көбейеді деген болжам бар. Қазақстан солтүстік пен оңтүстікті, батыс пен шығысты байланыстыратын жаһандық жолайрықта орналасқан. Бұл біздің елімізге зор мүмкіндік беріп отыр. Сондықтан көлік-логистика саласы экономикамызды алға бастайтын басты күштің біріне айналуға тиіс», деді Мемлекет басшысы.

Қазір әсеке күшейіп тұрғанын, осыған орай бірқатар маңызды мәселені шұғыл шешу керектігін айтқан...

Елімізде Атом электр станциясын салу үшін жалпыұлттық референдум өтеді. Бұл туралы Президент Қасым-Жомарт Тоқаев дәстүрлі Қазақстан халқына Жолдауында мәлімдеді.

Оның айтуынша, Атом энергетикасын дамыту аса маңызды экономикалық және саяси мәселеге айналды. Атом электр станциясын салу қажет пе, жоқ па деген сауалға қатысты түрлі пікір бар екеніне тоқталған Президент, Қазақстан – әлемдегі ең ірі уран өндіруші мемлекет ретінде «өз жерімізде атом станциясын салуға әбден қақымыз бар», деп мәлімдеді.

«Кейбір сарапшылар шағын ядролық станциялар салу керек деген пікір айтады. Алайда көптеген азамат пен бірқатар сарапшылар ядролық станцияның қауіпсіздігіне күмәнмен қарайды. Семей полигоны халқымызға қаншама қасірет әкелгенін...

Мемлекет басшысы Қасым-Жомарт Тоқаев өз жолдауында Қазақстанның әскери-өнеркәсіп кешенін дамыту басты бағыттардың бірі екенін айтты.

«Тағы бір маңызды мәселе – дамыған елдерде ұлттық қауіпсіздікті қамтамасыз етуде шешуші рөл атқаратын әскери-өнеркәсіп кешенін жан-жақты нығайту. Ең маңызды міндет – импортқа тәуелділікті төмендететін жоғары оқшаулауланған өндірістік цикл құру. Біздің армиямыз жоғары технологиялық қару-жарақпен және әскери техникамен, соның ішінде бронетранспортерлермен, ұшқышсыз ұшу аппараттарымен, заманауи атыс қаруларымен қамтамасыз етілуі тиіс. Жабдықтарды жедел жөндеу үшін өндірістік қуатты күшейту, отандық кәсіпорындарды қолдауды күшейту қажет», деді президент.

Оған еліміздің әлеуеті жететінін айтты. Яғни елемізде техникалық материалдық база бар. Бұл орайда Әкери-өнеркәсіптік...

Фото: kursiv.media

Қазақстан жаңа өнеркәсіп саясаты арқылы жаңаша даму үлгісіне көшуі керек. Ол үшін өзіміздің шикізатты, тауарлар мен кадрларды, басқаша айтқанда, барлық ішкі мүмкіндіктерімізді пайдалану қажет. Бұл туралы Президент бүгінгі жолдауында мәлімдеді.

«Біз жаңа өнеркәсіп саясаты арқылы жаңаша даму үлгісіне көшуге тиіспіз. Мемлекет ірі кәсіпорындармен бірлесіп, өндірістің барлық сатысы өз елімізде болуын қамтамасыз етуі керек. Ол үшін өндіріс саласын реттейтін және ынталандыратын түрлі тәсілдерді қолдану қажет. Өңдеу өнеркәсібі шикізатты көңілге қонымды бағамен жеткілікті көлемде алуы керек. Сонымен бірге реттелетін сатып алу кезіндегі өз тауарларымыздың үлесін арттыру және офтейк жүйесін толық іске қосу қажет. Еліміздег...

Парламент палаталарының бірлескен отырысында Президент Қасым-Жомарт Тоқаев, даңа экономикалық бағдарды айқындады. Айтуынша, қазіргі ең басты міндет – еліміздің мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету.

«Әділдік, инклюзивтік және үнемшілдік жаңа экономикалық бағдарымыздың өзегіне айналады. Қазақстанның экономикалық дамуының жаңа парадигмасы еліміздің бәсекелік артықшылықтарын тиімді пайдалануға және өндіріс саласындағы еңбек, капитал, ресурстар, технология сияқты негізгі факторлардың әлеуетін барынша ашуға негізделеді. Жаңа экономикалық саясатта жүзеге асуы екіталай, сондықтан ұзақ мерзімді мақсат қоюға болмайды», деді Қасым-Жомарт Тоқаев.

Ол Жолдауда айтылатын міндеттің бәрі үш жылдың ішінде орындалуға тиіс екенін атап көрсетті. Ал аса күрдел...

«Қазмұнайгаз» АҚ Басқарма Төрағасы Мағзұм Мырзағалиев Қазақстан танкерлер санын не себепті көбейтіп жатқанын түсіндірді.

«Танкерлерді көбейтудің себебі не, Ресейден өтетін құбырларға тәуелді болмау үшін қажет пе?» деген журналистің сұрағына компания басшысы былай деп жауап берді.

«Мәселе онда емес. Жалпы Қара теңізінде 30 жылда «Теңізшевройл» тек қана өзінің танкерлерімен мұнаймызды тасымалдайтын. Яғни «Теңізшевройлдан» шығатын мұнай «Шеврон танкерспен» тасымалданатын. Біз биылдан бастап, «Теңізшевройлмен» тиісті келіссөздер жүргізіп, өзіміздің танкерлерімізді қойдық. Яғни бұл диверсификация ғана емес, бұл – өзіміздің экономикамыз үшін жаңа жұмыс орындарын ашу. Сонымен қатар жеке меншік инвесторлар «Қазмұнайгаздың» капитализациясын арттыруды көздейді», дейді ҚМГ басшысы.

Сыбайлас жемқорлыққа қарсы іс-қимыл агенттігінің Алматы облысы бойынша департаменді Мемлекеттік сатып алу порталына мониторинг жүргізу шеңберінде Алматы облысының ішкі саясат басқармасының сатып алу жоспары зерделеген.

«Сыбайлас жемқорлыққа қарсы қызметтің қызығушылығын 1 бірлікке 18,4 млн теңгеге азық-түлік емес сыйлық жиынтығын сатып алу бойынша лот тудырды. «Бірыңғай сатып алу терезесі» ақпараттық жүйесі сәйкес ұқсас жиынтықтардың орташа нарықтық құны небәрі 3 500 теңгені құрайды, яғни баға 525 373% – ға жоғары көрсетілген», делінген хабарламада.

Антикор араласқаннан кейін, сатып алу жоспары нарықтық бағаға сәйкес келтірілді.

Осылайша, 18,4 млн теңгені ұтымсыз пайдалануға жол берілмеді.

Агенттік мәліметіне сәйкес, жыл...

Энергетика министрі Алмасадам Сәтқалиев Атом электр станциясын салуға қатысты бұрмаланған ақпарат тарап жатқанын мәлімдеді. Бұл туралы ол Парламент кулуарында журналистерге айтып берді.

Айтуынша, Үлкен ауылы тұрғындарының қоғамдық тыңдау барысында тұрғындардың АЭС салуды қолдағаны туралы ақпарат бұрмалануда.

«БАҚ-та Алматы облысының Үлкен ауылында АЭС салуға қатысты тыңдау өтіп, нәтижесінде тұрғындар атом электр станциясын салуды қолдап, соңғы шешімін айтты деген бұрмаланған ақпарат тарап жатқанын байқап отырмыз. Мұны түсіндіру қажет. Біз Қазақстан азаматтары ретінде Үлкен ауылының тұрғындарының пікірін құрметтейміз. (…) Ол жерде атом электр станциясын салу туралы сөз болып жатқан жоқ. АЭС-құрылысын бастау үшін халықаралық талаптарға және Қазақстан заңына...

Төмен құнды – 200 еуроға дейінгі тауарларды ресімдегені үшін кедендік алым жойылды. Үкіметтің тиісті қаулысы тамыз айында қабылданды. Бұл туралы «Атамекен» ҰҚК хабарлады.

Кедендік алым сомасы қандай еді? Жыл басынан бері көлік прокуратурасының нұсқамасы бойынша тауарларға декларация ретінде оңайлатылған тәртіппен берілетін әрбір тізбе мен өтініш үшін 20 мың теңгеден кедендік алым алынып келген.

Осы жайт отандық интернет-дүкендердің жұмысына теріс әсер етті.

«Егер кедендік алымды бір декларация деңгейінде емес жеке жөнелтпе құжат саны бойынша төлейтін болса, онда алым мөлшері өседі. Мысалы, егер экспресс жеткізілімнің бір партиясында 500 жөнелтпе құжат болса, онда кеден алымы 20 мы...

Ұлттық банк валюта нарығының тамыз айындағы жағдайына қатысты шолуын жриялады. Тамыз айының қорытындысы бойынша, теңге бағамы 1 АҚШ доллары үшін 459,39 теңгеге дейін 3%-ға әлсіреген. Ал Қазақстан қор биржасындағы сауда-саттықтың орташа күндік көлемі бір айда 146 млн доллардан 158 млн АҚШ долларына дейін ұлғайып, сауда-саттықтың жалпы көлемі 3,5 млрд АҚШ долларын құраған.

Ұлттық қордан республикалық бюджетке трансферттерді қамтамасыз ету үшін тамызда 770 млн АҚШ долларына валюта сатылған.

«Ұлттық қордан сату үлесі жалпы сауда-саттық көлемінің 22%-ын және күніне 35 млн АҚШ долларынан аспайтын мөлшерді құрады. Ұлттық Банк Ұлттық қордың қаражатымен операция жүргізу кезінде нарықта...

Қонаев қаласында «Қонаев академиялық қалашығы» салынады. Оның құрылысына халықаралық ұйымдар мен инвестициялық қорлардан қаржы тартылады деп жоспарланып отыр. Осыған орай «Өзара ынтымақтастық туралы» үшжақты меморандумға қол қойылды.

Меморандумға Алматы облысы әкімдігі, ҚР Ғылым және жоғарғы білім министрлігі, «Qonayev Academic Campus» Fund» комерциялық емес ұйымы басшылықтары қол қойды. Атап айтқанда құжатқа облыс әкімі М.Е. Сұлтанғазиев, министр С.Нұрбек және Қордың директоры Ж.Рахмани қол қойды.

«Қонаев академиялық қалашығын» салу Президент Қасым-Жомарт Тоқаевтың тапсырмасы. Мемлекет басшысының тапсырмасына сәйкес, 2023-2024 жылдар аралығында қалашықтың толық инфрақұрылым жүргізіп, халықаралық ұйымдар мен инвестициялық қорлардан қаржылар тарту жоспарланған. Сол инвестициялардың негізінде 2024-2027 жылдар аралығында еліміздің төрт университетін осы...

Қасым-Жомарт Тоқаев Instagram парақшасында ұстаздар мен оқушыларды Білім күнімен құттықтады.

Өскелең ұрпақ еліміздің ертеңі, деп жазды Тоқаев. Ол «мемлекет жас өрендердің сапалы білім, тағылымды тәрбие алуы үшін барлық жағдайды жасайтынын» атап өтті. Сонымен қатар, әр оқушының қалыптасуындағы ұстаздың рөліне тоқталды.

«Мектептің жаны – мұғалім» деп Ахмет Байтұрсынұлы айтқандай, ұстаздың бала тәрбиесіндегі орны ерекше. Әр оқушының тұлға болып қалыптасуында мұғалімдер маңызды рөл атқарады. Сондықтан біз педагогтерді әрдайым қолдаймыз. Қазақстанның болашағы – білімді ұрпақтың қолында! Олардың оқуда озат болып, қоғамның барлық саласында биік белестерді бағындыруына тілектеспін! Жастарымыз келешекте Отанымызға адал қызмет етіп, оның дамуына үлес...

Биыл ел бойынша жаңа 154 мектеп іске қосылады. Бұл 130 мың оқушы орнының тапшылығын жоюға бағытталған. Нәтижесінде елдегі 12 апатты және 29 үш ауысымды мектептер жойылады. Бұл туралы Оқу-ағарту министрі Ғани Бейсембаев мәлімдеді.

Министрдің сөзінше, «Жайлы мектеп» жобасы аясында 200-ден аса мектептің құрылысы басталған. Министр мұның апатты жағдайдағы мектептер және үш ауысымды мектептер мәселесін шешетінін айтты.

«1 қыркүйекте ел бойынша 55 мың бала жаңа мектепке барды. Бұл барлық түйткілді мәселенің жуық арада – 3 жылдың көлемінде толыққанды шешілуіне үлкен үлес қосады деп сенеміз. Жалпы үш ауысымды және апатты мектептердің жалпы саны – 200 мектеп. Оның ішінде...

Мектептегі орын тапшылығы мәселесі 2026 жылға қарай шешіледі, алайда 2037 жылдан кейін тапшылық қайта басталады. Өйткені оқушы саны ұлғаяды. Қоғамдық саясат инстутутының сарапшылары осындай болжам жасады.

Ұлттық статистика бюросының мәліметінше, 2023-2024 оқу жылы еліміздің мектептерінде 3,9 миллион оқушы білім алады. Ал 2026 жылдың 1 қаңтарына қарай студенттер саны 400 мыңға артып, 4,3 миллион адамға жетеді деп күтілуде.

Туу көрсеткішінің өскен сайын мектептегі орындар саны да көбейіп отыруы керек. Мәселен, соңғы бес жылда Қазақастанда 2,8 миллион бала дүниеге келген. Ал 2020 жылдан бастап бірінші сыныпқа баратындардың жалпы саны 1,5 миллион адамды құраған.

Мектептегі тапшылық қазірдің өзінде...

ҚР ИИДМ ҚПҚ бойынша жер қойнауын пайдалану департаментінің хабарлауынша, барлауға лицензия беруге құжаттарды қабылдауэлектрондық форматқа ауысады. Бұл туралы ҚР ИИДМ баспасөз қызметі хабарлады.

Жер қойнауын пайдалану саласын автоматтандыру шеңберінде ҚР Инвестициялар және даму министрінің 2018 жылғы 23 мамырдағы № 365 бұйрығына өзгерістер енгізілуде. Қазіргі таңда бұл бұйрық бекіту сатысында.

Осыған сәйкес, 29 тамызда Мемлекеттік жер қойнауы қорын басқару бағдарламасына ҚПҚбарлауға лицензиялар беру үшін өтініштерді қабылдау күнін 1 қыркүйектен 2 қазанға ауыстыру жөнінде өзгерістер енгізілді.

Осылайша 2 қазаннан бастап барлау үшін 300 540 блок қолжетімді болады.

Каспий теңізінде жүк тасымалын дамыту мәселесіне тоқталатын болсақ, қазақстандық теңіз порттарындағы жүк айналымы 12%-ға ұлғайғайды. Бұл туралы ҚР ИИДМ баспасөз қызметі хабарлады.

Осылайша 2023 жылғы қаңтар-тамыз аралығында Ақтау және Құрық теңіз порттары арқылы тасымалданатын жүк айналымының өсімі 12%-ды құрады. Айта кетерлігі, Транскаспий халықаралық көлік бағдары бойынша өсім 80 пайызға жетіп отыр. Оның ішінде, мұнайды ауыстырып тиеу бойынша ең жоғары өсім – 53%, сондай-ақ пароммен тасымалдау – 12%.

Биыл қыркүйек айында Abu Dhabi Ports Group қатысуымен қазақстандық Semurg Invest компаниясы салған Құрық портындағы жаңа терминалдан астықтың бірінші партиясын жөнелту жоспарланып отыр.

Президенттің тапсырмасымен 1 қыркүйектен бастап Қазақстанда ай сайынғы мемлекеттік стипендиялардың мөлшері көбейеді. Бұл туралы Алматы әкімдігінің баспасөз қызметі хабарлады.

Алматыда бұл өзгеріс 35 жоғары оқу орны мен 85 колледждің 115 мыңнан астам студентіне қатысты.

Бакалавриат студенттері үшін 20%-ға, магистратура-докторантурада оқитындарға 15%-ға, ал техникалық және кәсіптік білім алушы студенттерінің шәкіртақысы 50%-ға өседі.