Жаңалықтар

Алмасадам Сәтқалиев еліміздің бірқатар жылу орталығында болған жағдайдың себебін айтты/коллаж kursiv.kz

Энергетика министрі Алмасадам Сәтқалиев еліміздің бірқатар жылу орталығында болған оқыс жағдайдың себебін осылай түсіндірді.

Оның айтуынша Теміртау, Екібастұз, Риддер қалаларының жылусыз қалуы апат емес, технологиялық ақаудың салдары.

«Өткен аптадан бастап Қазақстанға суық атмосфералық ауаның кіруімен энергия көздері мен жылу желілерінде бірқатар технологиялық ақау байқалды. Энергетика министрлігінің құзыреті шеңберінде технологиялық ақау Теміртау қаласындағы Bassel Group LLS ЖШС және Екібастұз ЖЭО Риддер ЖЭО, ГРЭС-1-де ғана тіркелді. Бұл нысандарда температура режимі толық көлемде қалпына келтірілді. Технологиялық ақаудың сипатына қарасақ, аталған жағдайдың ешқайсысы апатқа жатпайды», – деді Үкімет отырысында...

11 айда мемлекет бюджетіне 18,2 трлн теңге кіріс кірген. Бұл жайлы Үкімет сағатында Қаржы министрі Ерұлан Жамаубаев айтты.

«Ағымдағы жылғы 11 айдың қорытындысы бойынша мемлекеттік бюджетке түскен кірістердің сомасы 18,2 трлн теңгені құрады немесе жоспар 98,6%-ға орындалды. Республикалық бюджетке 12,6 трлн теңгеге жуық қаражат түсті. Жоспар 94,4%-ке орындалды», – деді министр.

Министрдің айтуынша, жоспардың орындалмауы негізінен салықтарға байланысты. Корпоративтік табыс салығы бойынша жоспардың орындалмауына 272 ірі салық төлеуші бойынша мәлімделген аванстық төлемдер сомасының 24%-ке азаюы әсер еткен.

Ал импортқа салынатын қосылған құн салығы бойынша жоспардың орындалмауына тауарлардың жекелеген топтары бойынша импорт...

Қарағанды қаласының Қазыбек би атындағы аудандық прокуратурасы жергілікті атқарушы органдар коммерциялық мақсатқа жер бергенде бұзушылықтарға жол бергенін анықтаған.

«Қарағанды қаласының әкімдігі бағалау рәсімін жүргізбестен, бұрын алынған жер учаскелерінің орнына тұрғын емес үй-жайлары бар көппәтерлі тұрғын үй салу және оны одан әрі пайдалануға беру үшін коммерциялық мақсатқа 14 жер учаскесін берген. Осы орайда жергілікті атқарушы орган «Мемлекеттік мүлік туралы» Заңның 62-1-бабын бұзылуына жол берген», – деп жазылған таратылған хабарламада.

Прокуратураның араласуымен қала әкімдігі жоғарыда аталған қаулының күшін жою туралы талаптарды толық көлемде қанағаттандырды. Осылайша, құны 158 млн теңге болатын 4 га коммерциялық мақсаттағы 14 жер учаскесі мемлекет меншігіне қайтарылды.

Сонымен...

Қазақстанның халықаралық резервтері қараша айының соңында 92,7 млрд долларды құрады. ҚР ҰБ Төрағасының орынбасары Виталий Тутушкиннің айтуынша, Ұлттық Банктің алтын-валюта резерві жыл басынан 2,8%-ға (34,1 млрд АҚШ долларына дейін) азайған.

Елдің әлеуметтік-экономикалық дамуы және 2023 жылғы қаңтар-қарашадағы республикалық бюджетті орындау қорытындысы қаралған Үкімет отырысында ҰБ төрағасының орынбасары бұл ҚРҰБ валюталық шоттарындағы ЕДБ қаражатының азаюы және Қаржы министрлігінің өз міндеттемелерін төлеу үшін валюта конвертациялауына байланысты екені мәлімдеді.

Сонымен қатар Ұлттық қордың активтері жыл басынан 5,2%-ға (58,6 млрд АҚШ долларына дейін) өскені белгілі болды. Оған инвестициялық табыстың жыл басынан 7,9%-ға (немесе 4,4 млрд АҚШ долларына) өсуі себеп болды.

Фото: Үкімет үйі

Премьер-министр Әлихан Смайылов әкімдерді шұғыл жағдайлар болған кезде, халыққа дер кезінде объективті ақпарат беруге шақырды. Бұл жайлы Үкімет сағатында айтылды.

Әлихан Смайылов күннің күрт суытып кеткеніне байланысты коммуналдық жүйелерге түсетін жүктеме артатынын айтты.

«Мұндай кезде жылу және энергия объектілерінде штаттан тыс жағдайлар болатыны мәлім. Өңірлерде технологиялық ақауларға байланысты түрлі жағдайлар болып жатыр. Бірақ жылу беру толық тоқтап қалған жоқ. Бұзылған учаскелерді нормативтік мерзімде қалпына келтіру бойынша шұғыл шаралар қабылданды. Әкімдіктер тіршілікті қамтамасыз ететін барлық жүйенің жұмысын ерекше бақылауда ұстауы қажет. Авария болған жағдайда барынша шұғыл әрекет етіп, тиісті шаралар қабылдау...

«Эйр Астана» авиакомпаниясының кірісі қаншалықты өсті? Фото: kursiv.media

Air Astana компаниясының қаңтар-қыркүйек айларындағы жалпы түсімі мен өзге де кірісі $900,6 млн құраған. Бұл бір жыл бұрынғы көрсеткішпен салыстырғанда 20,5%-ға артық. Былтыр 9 айдағы кіріс $747,2 млн болған. Бұл туралы компанияның 9 айлық қаржы есебінде жазылған.

Таза пайда 18,7%-ға өсіп, 72,4 млн долларға дейін (2022 жылдың 9 айында 61,0 млн доллар болды) жеткен. Операциялық кіріс те 11,2%-ға өсіп, 128,9 млн долларды құрады (2022 жылы – 115,9 млн доллар). EBITDAR (пайыз, салық, амортизация және амортизацияға дейінгі кіріс) 14,4%-ға өсіп, 249,8 млн доллар, ал түзетілген EBITDAR маржасы 28%-ды құраған. Бұл көрсеткіш...

Заң мақұлданса, уранға тыйым 2040-шы жылға дейін жалғасады / Фото: kursiv.media

АҚШ Конгресінің Өкілдер палатасы Ресей Федерациясынан тасымалданатын уранға тыйым салу туралы шектеуді мақұлдады.

Бұл шешімді екі партияның да тараптары қолдаған. Құжат заңды күшіне 90 күннен кейін енеді. Оған сәйкес төмен байытылған уранға тыйым салынады. Конгерстің бұл шешімін енді АҚШ Сенаты мен президенті Джо Байден мақұлдауы керек.

Тыйым 2040 жылдың соңына дейін жалғасады. Алайда ядролық реакторлардың жұмысын қамтамасыз ететін уранның басқа көздері табылмаған жағдайда, бұл тыйымды алып тастауға мүмкіндік бар. Оған рұқсатты АҚШ Энергетика министрлігі Мемлекеттік хатшы және Қазынашылық хатшысымен келісе отырып бере алады.

Америка Құрама Штаттары...

Мұнай бағасы «Ұлттық қор- балаларға» жобасына әсер ете ме/kursiv.media

Мұнайдың бағасы өссе, Ұлттық қордан балаларға төленетін қаражат та өседі. Бұл туралы Қаржы министрлігі Бюджеттік кредиттеу, Ұлттық қор және қаржы секторы мәселелері жөніндегі өзара іс-қимыл департаментінің директоры Айбол Арғынғазин айтты.

Департамент директорының түсіндіруінше, мұнай бағасының өсуі мен
Ұлттық банктің инвестициялық табысының еселенуі Ұлттық қордан балалардың шотына аударылатын ақшаның артуына ықпал етеді.

«Ұлттық қорға түсетін кірістің бірнеше көзі бар. Оның басым бөлігі шикізат пен
минералды өнімдердің экспортынан түседі. Бұл Салық кодексінде көрсетілген. Мұнайдан, жалпы металлургиялық өнім экспортынан түсетін табыс артқан сайын, Ұлттық қордың кірісі артады деуге негіз бар», – дед...

«Ұлттық қор – балаларға» жобасы бойынша жиналған қаражатты 2 мақсатта пайдалануға болады /Фото:shutterstock.com

«Ұлттық қор -балаларға» жобасы аясында 2024 жылдан Ұлттық қор инвестициялық табысының 50 пайызын 18 жасқа дейінгі балаларға теңдей бөлу көзделген. Қорға жиналған қаржыны не білім алу, не баспана алуға бағытталған нақты 2 мақсатта пайдалануға болады.

Жоба аясында жиналған қаражатты бала шетелдегі оқуының ақысына төлей алады. Алайда өзге елден баспана алуға баспанаға жұмсай алмайды. Бұл туралы Қаржы министрлігінің Бюджеттік кредиттеу, Ұлттық қор және қаржы секторы мәселелері жөніндегі өзара іс-қимыл департаментінің директоры Айбол Арғынғазин мәлімдеді.

«Білім алу бағыты бойынша, қаражатты ЖОО оқу ақысын...

Ұлттық парктерге кіру үшін төлемақы жинау автоматтандырылады / Фото: kursiv.media

Tabigat цифрлық платформасы іске қосылады. Бұл жайлы Экология және табиғи ресурстар министрі Ерлан Нысанбаевтың қатысуымен өткен Шығыс Қазақстан облысындағы жиында айтылды.

Экология министрлігі Цифрландыру министрлігімен бірлесіп табиғи ресурстардың интерактивті картасын әзірлеген. «Tabigat.gov.kz» деп аталатын географиялық картаға қоршаған орта жағдайы мен табиғи ресурстар туралы кеңістіктік деректері кіреді.

«Tabigat цифрлық платформасы жануарлар дүниесінің жай-күйі, оның ішінде сирек кездесетін және жойылып кету қаупі төнген жануарлар түрлері, жануарлардың көші-қоны жолдары туралы есептердің, есепке алудың, кадастрдың, мониторингтің, ақпараттың қолда бар жүйелерін автоматтандыруға мүмкіндік береді, бұл жалпы аңшылық шаруашылықтарыны...

Ұлттық қордан 2024 жылғы 1 ақпаннан бастап балалардың есеп-шотына аударылатын ақша көлемі бірдей болады. Ешкім артық, не кем ақша алмайды. Қаржы министрлігінің Бюджеттік кредиттеу, Ұлттық қор және қаржы секторы мәселелері жөніндегі өзара іс-қимыл департаментінің директоры Айбол Арғынғазин осылай мәлім етті.

«Ұлттық қор төлемін Бірыңғай жинақтаушы зейнетақы қоры 2024 жылғы 1 ақпаннан аударады. Төлем жылына бір рет жасалады. 18 жасқа толмаған барлық балаға бірдей сома аударылады. Ал кәмелет жасына 2024 жылы толатын балалар қаражат шотына түскен сәттен бастап өтінім беріп, ақшаны пайдалану мақсатын растайтын құжатты көрсету арқылы қаражатты тиісінше пайдалана алады», – деді Айбол Арғынғазин журналистерге...

Қазақстан Республикасы азаматтығынан айырылған балалар «Ұлттық қордан – балаларға» жобасына қатысу мүмкіндігінен айырылады. Бұл туралы Астанада өткен брифингте Қаржы министрлігі Бюджеттік кредиттеу, Қазақстан Республикасының Ұлттық қоры және қаржы секторы мәселелері бойынша өзара іс-қимыл департаменті директоры  Айбол Арғынғазин айтты.

«Бала Қазақстан Республикасы аумағынан көшіп, Қазақстан Республикасы азаматтығын жоғалтқан жағдайда оның төлем алу құқығы тоқтатылады», – деді ол. 

Сонымен қатар, 18 жасқа толмай тұрып Қазақстан азаматтығын алған балалар жобаға қатысуға автоматты мүмкіндік алады.

«Басқа мемлекеттен келіп, Қазақстан азаматтығын алған немесе біздің қандасымыз болып келіп, Қазақстан азаматтығын алған болса, азаматтықты алған сәттен бастап, қордан төлем алу...

2024 жылы 200 мыңнан астам бала 18 жасқа толып, «Ұлттық қор – балаларға» жобасынан өз қаражатын шешіп ала алады. Бұл туралы Астанада өткен брифингте Қаржы министрлігі Бюджеттік кредиттеу, Қазақстан Республикасының Ұлттық қоры және қаржы секторы мәселелері бойынша өзара іс-қимыл департаменті директоры  Айбол Арғынғазин айтып берді.

Оның айтуынша, қазіргі таңда келер жылы қаражатын шешіп ала алатын азаматтар жайлы деректер қаралып жатыр.

«Барлық ақпарат автоматты түрде Жеке тұлғалардың мемлекеттік мәліметтер базасынан алынады. Қазір мәліметтер базасын тексеру, интеграциялау бойынша жұмыстар жүргізіліп жатыр. Бұл жұмыстар осы жылдың соңына дейін аяқталады. Жыл басында жиналған ақпарат жобаның операторы – БЖЗҚ-ға тапсырылады...

Ресейліктерге бұғатталған бағалы қағаздарын шетелге сатуға рұқсат берілді / Фото: kursiv.media

Ресейлік инвесторлар шетелде бұғатталған бағалы қағаздарын 100 000 рубль шегінде сата алады. Бұл жайлы Frankmedia басылымы хабарлады.

«Орталық банк бұғатталған активтерді ресейліктерден сатып алуы механизмін 100 000 рубль шегінде белгіледі», делінген басылым хабарламасында.

Бұл операция «С» шоттарында бұғатталған қолайсыз мемлекеттердегі бейрезиденттердің ақшасын пайдалану арқылы жүзеге асырылады. Негізінен Ұлттық есеп айырысу депозитарийінде тізімделген бағалы қағаздар сатылады.

«Үкіметтік комиссия оны өткізу ережелері мен шарттарын бекіткеннен кейін, сауда-саттықты бастауға болады. Бастау жарияланғаннан кейін брокерлер, сенімді басқарушылар және инвестициялық пай қорын басқарушы...

Республикалық бюджет туралы заңға сәйкес, 2024 жылы базалық зейнетақы – 7 пайыз өссе, ынтымақты зейнетақыға 9 пайыз қосылады. Осы орайда, журналистер Еңбек және әлеуметтік қорғау министрі Светлана Жақыповадан қазіргі қымбатшылық заманда зейнетақының осылай өсуі жеткілікті ме деп сұрады.

Министрдің айтуынша, заңға сәйкес, индексация жоспарлы инфляция деңгейінен 2 пайыз артық жасалады.

«9 пайыз. Бұл республикалық бюджет туралы заңда қарастырылған. Егер инфляцияға қатысты қандай да бір өзгеріс болса, бұл көрсеткіш те заң негізінде қайта қаралады. Қазіргі кезде елімізде 2 млн аса зейнеткер бар. Орташа зейнетақы мөлшері 120 мың теңгені құрайды. Ең жоғары зейнетақы 183 мың теңгеге...

2023 жылы бастапқы 10 ай ішінде Қазақстан Ұлттық банкінің төлем жүйелері арқылы 768,9 трлн теңгеге төлем жүргізілді.

Ұлттық банк хабарлауынша, бұл өткен жылдың осы кезеңімен салыстырғанда 26% көп.

Бір күн ішінде 298,4 мың операция жасалып, 3,8 трлн теңгеге төлем жасалады. Минут сайын 5,7 млрд теңгеге операция жүргізіледі. Ең көп операция сағат 16:00-ден 17:00-ге дейін өңделеді.

«2023 жылдың 10 айында Ұлттық Банктің төлем жүйелерінің жұмысқа қабілеттілік коэффициенті 99,99%-ды құрады. Бұл белгіленген нысаналы көрсеткіштерден асып түседі және ұлттық төлем жүйелерінің жоғары тиімділігін көрсетеді», делінген хабарламада.

Айта кетейік, 2022 жылы жалпы алғанда төлем жүйелері мен қаржы ұйымдарының тікелей корреспонденттік шоттары арқылы ұлттық валютадағы қолма-қол ақшасыз төлемдер мен ақша аударымдары көлемі 897,5 трлн теңгені құраған.

Ресейдің бұғатталған активтерінен жылына 3 млрд еуро жиналады / Фото: kursiv.media

Еурокомиссия Еуроодақта Ресейдің бұғатталған активтерінен түскен пайдадан 15 млрд доллар жинап, Украинаға көмек көрсетуді жоспарлап отыр. Бұл жайлы Financial Times басылымы хабарлады.

«Сейсенбі күні Брюссель үнемдеу мақсатында Ресейдің ЕО-дағы тыйым салынған активтерінен түскен пайдаға Украинаға 15 млрд еуроға көмек көрсетуді ұсынады»,–деп жазады басылым.

Ұсынысқа сәйкес, бұл қаражат Ресейдің Орталық банкінің активтерінен түсетін кірістерден ғана алынады. Басылым дереккөзінің хабарлауынша, Еурокомиссия бастапқыда бұғатталған активтерден түскен пайданы бөлек шоттарда орналастыруды ұсынуы мүмкін. Содан кейін бұл қаражат ЕО-ның жалпы бюджетіне аударылады.

Комиссия есебінше, мұндай шоттарға жылына...

«Алтын сапа» және «Парыз» сыйлықтары иегерлерін марапаттау рәсімінде президент Қасым-Жомарт Тоқаев 2026 жылға қарай IT индустрия экспортын 1 млрд долларға жеткізу міндетін жүктегенін айтты.

«Елімізде IT секторы қарқынды дамуда. Озық мемлекеттер экономикасындағы бұл саланың үлесі жыл сайын ұлғайып келеді. Былтыр отандық IT индустрия экспорты бес есе өсті. Мен оның көлемін 2026 жылға қарай бір миллиард долларға жеткізу міндетін жүктедім», – деді Тоқаев.

Сонымен қатар, президент Қазақстанның жаһандық цифрлық технология орталығы ретіндегі орнын нығайту және ел аумағында ірі халықаралық IT компаниялардың кеңселерін ашу және жасанды интеллект жүйесін құру мәселесін көтерді.

«Қазақстанның болашағы және оның халықаралық қоғамдастықтағы орны осы жұмысты...

Фото: Энергетика министрлігі

Энергетика министрінің 2023 жылғы 11 желтоқсандағы бұйрығымен Қазақстан Республикасының ішкі нарығында тауарлық газды көтерме және бөлшек саудада өткізудің шекті бағаларын айқындау ережесіне өзгерістер енгізілді.

Осы мақсатта Энергетика министрінің 2014 жылғы 15 желтоқсандағы № 209 бұйрығына өзгеріс енгізілмек.

Министрлік Қазақстан Республикасының ішкі нарығында тауарлық газды көтерме саудада өткізудің шекті бағаларын айқындау Ережесіне өзгерістер енгізу арқылы сұйытылған мұнай газына шекті бөлшек сауда бағаларын және Қазақстан Республикасының ішкі нарығына сұйытылған мұнай газын тауар биржаларынан тыс жеткізу жоспары шеңберінде өткізілетін сұйытылған мұнай газының шекті бағалары белгілеу әдістемесін әзірледі.

Осы ережелер негізінде министрлік 2023 жылғы желтоқсан айыны...

Фото: kursiv.media

Елімізде бизнес субъектілерінің салықтық есебін 30 пайызға азайту жоспарланып отыр. Салықтық төлемдер саны кем дегенде 20 пайызға оңтайландырылады. Бұл туралы Президент Қасым-Жомарт Тоқаев «Алтын сапа» және «Парыз» сыйлығының лауреаттарын марапаттау рәсімінде айтты.

«Бизнес пен мемлекет арасындағы қатынастардың жүйелі түрде жаңғыруына қазір әзірленіп жатқан жаңа Салық кодексі ықпал етеді. Атап айтқанда, онда фискальды органдарды әкімшілендірудің сервистік моделіне көшіру мәселесі қамтылады», – деді Президент.

Мемлекет басшысының айтуынша, бизнес субъектілерінің салықтық есебін 30 пайызға азайту жоспарланып отыр. Салықтық төлемдер саны кем дегенде 20 пайызға оңтайландырылады.

«Көлік құралдарына арналған...

Қарағанды металлургиялық комбинатының жаңа иесіне қатаң талап қойылады. Бұл туралы президент Қасым-Жомарт Тоқаев «Алтын сапа» және «Парыз» сыйлықтары иегерлерін марапаттау рәсімінде айтты.

«Жақында менің тапсырмаммен Қарағанды металлургиялық комбинатын қазақстандық компанияның меншігіне беру мәселесі сәтті шешілді. Жұмыстың бастапқы кезеңінде компанияға көмектесу – Үкіметтің ендігі міндеті. Содан кейін кәсіпорынның жаңа иесіне қатаң талап қойылады», – деді президент.

Тоқаев өңірлердегі халықтың тыныс-тіршілігін қамтамасыз ететін маңызды нысандарда апаттардың жиілеп кетуі елдегі инженерлік және энергетикалық инфрақұрылымды жаңғыртумәселесіне алып келгенін айтты. Ол мәселенің ондаған жыл бойы назардан тыс қалғанын атап өтті.

Президент мемлекет қысқа мерзімде ревизия жүргізіп, қолданыстағы генерациялаушы қуат көздерін жөндеп, жаңа нысандарды іске қосып...

Инвестиция тарту жұмыстарының тиімділігін арттыру/ telegram/aqorda_resmi

«Алтын сапа» және «Парыз» сыйлығының лауреаттарын марапаттау рәсімінде сөз сөйлеген Президент Қасым-Жомарт Тоқаев елге инвестиция тартудың тиімді шаралары туралы айтты.

«Өздеріңізге мәлім, менің тапсырмама сәйкес, өңдеу секторына қаржы салатын инвесторлар келесі жылдан бастап үш жылға салықтан босатылады. Бұрын-соңды мұндай жүйелі шаралар болмаған әрі оның шешуші сипаты бар. Әйтпесе, инвестиция үшін өте жоғары халықаралық бәсекелестік қалыптасып тұрған жағдайда көздеген мақсатқа қол жеткізу қиынға соғады», – деді Мемлекет басшысы.

Сонымен қатар Президент өткен аптада Инвестиция тарту жұмыстарының тиімділігін арттыру туралы Жарлыққа қол қойғанын атап өтті. Енді Инвестициялы...

Қазақстанда сын-қатерлерді басқарудың автоматтандырылған жүйесі 2024 жылы іске қосылып, нәтижесінде кәсіпкерлерді жоспарлы тексеру саны екі есе қысқарады. Ал бизнеске салынатын айыппұл қататары бірнеше есе азаяды. Бұл туралы мемлекет басшысы Қасым-Жомарт Тоқаев «Алтын Сапа» және «Парыз» сыйлықтары иегерлерін марапаттау рәсімінде мәлімдеді.

Мемлекет басшысының айтуынша, үкімет пен бизнес-қоғамдастық бірлесіп, кәсіпкерлікті дамытуға кедергі келтіретін артық талаптарды тексерген. Соның нәтижесінде, 10 мыңнан астам заң нормасы жаңа реттеуші саясаттың негізгі талаптарына сай келмейтіні анықталған.

«Бүгінде оның 90 пайызы күшін жойды. Қалғаны жыл соңына дейін ретке келтіріледі. Сын-қатерлерді басқарудың автоматтандырылған жүйесі бақылаушы органдардың бизнеске қысымын шектеудің маңызды құралына айналады...

Ауыл тұрғындарына шағын несие беру үшін 100 млрд теңге бөлініп, соның арқасында 18 мыңнан астам жаңа жұмыс орны ашылуға тиіс. Бұл туралы Президент Қасым-Жомарт Тоқаев «Алтын сапа» және «Парыз» сыйлықтары иегерлерін марапаттау рәсімінде айтты.

«Ауылды дамыту – түптеп келгенде, бүкіл Қазақстанды дамыту деген сөз. Сондықтан биыл біз «Ауыл аманаты» жобасын бастадық. Ауыл тұрғындарына шағын несие беру үшін 100 миллиард теңге бөлінеді. Соның арқасында 18 мыңнан астам жаңа жұмыс орны ашылады. Келесі жылдан бастап бизнесті дамытуға арналған бірыңғай кешенді бағдарлама қолға алынады. Болашағы бар шағын және орта бизнеске басымдық беріледі. Яғни мемлекет өндірістік қабілеті жоғары және экспортқа өнім...