Жаңалықтар

Фото: www.shutterstock.com

Dow Jones индексі мен S&P 500 индексі дүйсенбі күнгі сауда-саттықта 0,3-0,4 пайыз көтерілді. Ал Nasdaq сәл төмен жабылды. Инвесторлар инфляция туралы мәліметтерді күтіп отыр деп хабарлайды Интерфакс-Қазақстан.

Инвесторлар бір жағы макроэкономикалық статистика мен корпоративті есепке толы аптаға дайындалып, бір жағынан сол есептерді күтіп отыр. АҚШ-тың наурыз айындағы инфляциясы туралы мәліметтер сәрсенбі күні жарияланбақ. Ал бейсенбіде өндірушілердің бағасы туралы деректер белгілі болса, жұма күні бөлшек сауда есебі жарыққа шықпақ,

Сондай-ақ жұма күні бірінші тоқсандағы корпоративті есеп беру маусымы басталады. Уолл-стриттің жетекші банктері JPMorgan Chase, Citigroup және Wells Fargo (SPB: WFC) өздерінің қаржы нәтижелерін жариялайды.

Фото: kursiv.media

Қазақстанға Ресейден алты ай бойы автокөлікпен бидай тасымалданбайды. ҚР Ауыл шаруашылығы министрі осындай бұйрыққа қол қойып, бұл құжат заңды негізде күшіне енді.

«Қазақстан Республикасының аумағына автомобиль көлігімен тұқымдық бидайды қоспағанда, бидай импорттауға алты айға тыйым салынсын. Осы бұйрықтың орындалуын бақылау жетекшілік ететін ҚР Ауыл шаруашылығы вице-министріне жүктелсін», делінген Ауыл шаруашылығы министрінің бұйырығында.

Осыған байланысты Қазақстан диқандарында бидай бағасына қатысты үміт пайда болды. Иә, биліктің бұл шешімі – көрші мемлекеттен қосымша құн салығы төленбей, жүк көліктерімен келетін контрабандалық астыққа шектеу қояды. Нәтижесінде қазақстандық бидайдан 12 пайызға арзанға түсетін бидай көлемі азая түспек. Сол себептіде шаруалар бұл жағдай...

Дүйсенбі күні кешке Энергетика министрлігі ғимаратының алдына жұмыссыз қалған жаңаөзендіктер жиналды. Олардың талабы – ҚМГ-нің еншілес компаниясы «Өзенмұнайгаз» штатына жұмысқа орналастыру. Алайда ҚМГ Жаңаөзенде өзге де жұмыссыздар жұмыс күтіп кезекте тұрғандықтан, олардың талабын орындау мүмкін емес деп мәлімдеді.

Компания таратқан ақпаратқа сәйкес, жиналғандар «Өзенмұнайгаз» АҚ үшін мұнай сервис қызметтерін көрсететін тендерден қағылған «БерӘлі Маңғыстау Company» компаниясының бұрынғы қызметкерлері екен,

Бұған дейін оларға орташа есеппен 700 мың теңге еңбекақысын сақтай отырып, басқа компанияға жұмысқа орналасу ұсынылған. Алайда, «БерӘлі Маңғыстау Company» компаниясының бұрынғы қызметкерлері тендер нәтижелерін жоюды талап етіп, бұл ұсыныстан бас тартқан.

Қазіргі уақытта ереуілге шыққандардың қалауы...

Республикаға салынған шетелдік тікелей инвестиция көлемі бойынша көш бастап тұрған елдер: Нидерланды – $8,33 млрд (өсім – 19,7%), АҚШ – $5,1 млрд (+81,9%), Швейцария – $2,8 млрд (+2,4%). Премьер-министрдің ресми ақпараттық ресурсы 2022 жылы елімізге тартылған инвестиция соңғы 10 жылдағы рекордтық көрсеткішке жеткенін жария етті.

Өткен жылы Қазақстанға тартылған тікелей шетелдік инвестициялардың жалпы көлемі $28 млрд-ты құраған. Бұл 2021 жылғы көрсеткіштен 17,7%-ға артық ($23,8 млрд). Сондай-ақ бұл соңғы 10 жылдағы рекордтық көрсеткіш – 2012 жылы тікелей шетелдік инвестициялар көлемі $28,9 млрд болған.

«Осылайша, Үкімет пен өңірлер әкімдіктері жұмысының арқасында өткен жылы ҚР Инвестициялық саясаты...

Жалпы сомасы 176 млн доллар берешек Дүниежүзілік банк тарапынан мақұлданды. Бұл туралы Хабар 24 хабарлады.

Қаражат ғимараттарға күн панелін орнатуға бағытталып отыр. Көршіміз энергетикалық дағдарысты еңсерудің, осындай амалына кіріскен.

«Бұл мәжбүрлік емес, уақыт талабы», – дейді үкіметтегілер.

Жер-жерде баламалы энергияға көшу ісі қарқын алып жатыр. Өзбекстан билігі осы істің тиімді нәтиже беретініне сенімді. Себебі энергетикалық дағдарыс – елді толғандырып отырған негізгі мәселе. Оның өзектілігі өткен қыс маусымында анық байқалды.

«ҚТЖ» ҰК» АҚ өкілдері Қазақстан Республикасындағы теміржол өнімдерінің жаңа өндірісі – Астана қаласында орналасқан «Борт» локомотивінің борттық қозғалысы қауіпсіздігі жүйесі мен МПЦ-QZ микропроцессорлық блоктау жүйесінің дамуын бағалады. Бұл туралы «Қазақстан темір жолы» хабарлады.

«Бұл оқиға маңызды кезең және таңдаған жолдың дұрыстығын растау болып табылады. Басты мақсат – елімізге қажетті құзыреттерді шоғырландыру және жоғары технологиялық өнімдерді шығару, технологиялық тәуелсіздікті қамтамасыз ету, ал болашақта – халықаралық нарыққа шығу«, – деді «ҚТЖ» ҰК» АҚ бас инженері Батыр Қотырев.

ҚР Оқу-ағарту министрлігінің Білім беру саласындағы сапаны қамтамасыз ету комитеті білім беру ұйымдарына мониторгин жасап, 40 мектептің лицензиясыз жұмыс істегенін анықтады.Оның ішінде 30 мемлекеттік және 10 жекеменшік мектеп бар. Бұл туралы ҚР Оқу-ағарту баспасөз қызметі хабарлады.

Лицензиясыз жұмыс істеген мектептердің дені Астана, Алматы қалалары мен Батыс Қазақстан, Алматы, Жамбыл, Жетісу және Маңғыстау облыстарында. 32 мектепке қатысты әкімшілік іс қозғалып, лицензиясыз қызмет үшін айыппұл салынды. Оның 23-і мемлекеттік, 9-ы жекеменшік мектеп.

«Лицензияның жоқтығы мектептің сәйкестік тексеруінен өтпегенін немесе рұқсат алу үшін құжаттар тапсырмағанын білдіреді.Оннан аса мектепте санитарлық-эпидемиологиялық қорытынды және төтенше жағдай актілері жоқ. Бұл балалардың денсаулығы...

Иранда Күрдістан провинциясындағы «Мирадж» қыздар мектебінің оқушылары химиялық газбен уланған. Бұл туралы Анадолу сайты хабарлады.

Әлеуметтік желілердегі оқиғалардың куәгерлері хабарлағандай, зардап шеккен қыздардың ата-аналары мен құқықтық тәртіп күштері арасында қақтығыс болды.

Азаматтар оқу орнының қабырғасынан Иран туын алып тастап, Жоғарғы басшы Али Хаменеяға қарсы ұрандар айтты.

Ата-аналар мен мектепке келген тәртіп сақшылары арасында қақтығыс болды.

Әлеуметтік желілерде жарияланған кадрларда кейбір ата-аналар балаларды өздері ауруханаға жеткізгенін көруге болады.

Кем дегенде 47 оқушы зардап шекті, олардың 20-сының жағдайы ауыр.

Иран билігі бұл оқиғаға әлі түсініктеме берген жоқ

Қазақстан мен Әзербайжан басшылары арасында өткен келіссөздер қорытындысы бойынша Қасым-Жомарт Тоқаев пен Ильхам Әлиев Бірлескен мәлімдемеге және Қазақстан Республикасы мен Әзербайжан Республикасының Жоғары мемлекетаралық кеңесін құру туралы хаттамаға қол қойды

Сондай-ақ, Ақордада екі ел Президенттерінің қатысуымен брифинг өтті. Бұл туралы Ақорданың баспасөз қызметі хабарлады.

Қасым-Жомарт Тоқаев Ильхам Әлиев сапарының маңызы ерекше екенін атап өтті.

Біз бүгін шағын және кеңейтілген құрамда мазмұнды келіссөздер өткіздік. Сауда-экономика, көлік-транзит, энергетика салаларындағы қарым-қатынасты дамыту мәселесін талқыладық. Сондай-ақ, мәдени-гуманитарлық байланысты тереңдетуге қатысты бірқатар уағдаластыққа қол жеткіздік. Осы сапардың нәтижелері Қазақстан мен Әзербайжанның қарым-қатынасын жаңа деңгейге көтереді деп сенемін...

2023 жылдың соңына дейін Атырау мұнай өңдеу зауытының төрт технологиялық қондырғысына автоматты бақылау жүйесі енгізіледі. Ал 2028 жылдың соңына дейін кәсіпорын Атырау облысының экологиялық жағдайын жақсартуға бағытталған кемінде бес жобаны жүзеге асырады, деп хабарлады «Атырау МӨЗ» ЖШС баспасөз қызметі.

Жоспарланған экологиялық жобаларды іске асырудың нәтижесінде Атырау мұнай өңдеу зауыты 2028 жылға қарай аталған нысандардан ауаға жіберілетін шығарындыларды шамамен 82%-ға, яғни 1242 тоннадан 223 тоннаға дейін төмендетуді, сондай-ақ табиғи су ресурстарын пайдалануды және өндірістік қызмет нәтижесінде бөлінетін жағымсыз иісті азайтуды жоспарлап отыр, – деді Атырауда өткен брифинг барысында зауыттың бас директоры Мұрат Досмұратов.

2023 жылдың аяғына дейін АМӨЗ-дің 4 технологиялық қондырғысына...

Субсидиялаудың барлық бағыттары бойынша берілген 12 095 өтінімнің ішінен  Ауыл шаруашылығы басқармаларын қарау қорытындысы бойынша «күту парағына» жалпы сомасы 6,1 млрд теңгенің өтінімі  мақұлданып, «күту парағына» жіберілді. Бұл туралы АШМ баспасөз қызметі хабарлады.

Ауыл шаруашылығы министрлігінің өкілдері журналистерге субсидиялаудың бірыңғай мемлекеттік ақпараттық жүйесінің жұмысы  туралы айтып берді.  АШМ әрдайым осы бағыттағы баламалы ақпараттық жүйелерді дамытуды жақтайтыны және фермерлер gosagro.kz жүйесі тегін, ал qoldau.kz порталы арқылы ақылы негізде өтініш бере алатындығы жоспарланғаны атап өтілді. Алайда, өткен жылы жұмыс істеп тұрған qoldau ақпараттық жүйесінің иелері сол кезде құрылған СБМАЖ-мен тиісті интеграцияны жүргізуден бас тартып,  қызмет көрсетуді тоқтатты. Бұл ретте өзекті тарихи...

БҰҰ сарапшыларының болжауынша, Үндістан жақын арада халық саны жағынан Қытайды озып, бұл көрсеткіш бойынша әлемде бірінші орынға шығады. Бұл туралы Хабар 24 хабарлады.

Қытай статистикалық бюросының мәліметінше, өткен жылы ел тұрғындарының саны 1 миллиард 411 миллионға дейін қысқарды. Соңғы 60 жылда алғаш рет Қытайда халық саны азайған. Ал сәуір айында Үндістан тұрғындарының саны 1 миллиард 425 миллионан асатын түрі бар. Соңғы 12 жылда бұл елде 210 миллион адамға көбейді

Сауда-саттық қорытындысы бойынша, 7 сәуірде теңгенің нарықтық бағамы бір апта ішінде 1,5%-ға (451,71-ден) нығайып, 1 АҚШ доллары үшін 445,01 теңге деңгейінде қалыптасты. Бұл туралы Ұлттық Банк баспасөз қызметі хабарлады.

Сыртқы валюта нарығында 2023 жылғы 31 наурыз бен 7 сәуір аралығында бірқатар маңызды оқиға болды. Наурызда экономикадағы жұмыс орындарының саны 236 мыңға көбейіп, жұмыссыздық деңгейі 3,5%-ға төмендеді. Сағаттық еңбекақының өсу қарқыны а/а 0,3%-ды құрады. АҚШ-та PCE Price Core базалық тұтынушылық инфляция көрсеткішінің өсу қарқыны ақпанда 4,7%-дан 4,6%-ға дейін баяулады.

Бұл факторлар дамушы нарықтарда валюталардың көп бағытты динамикасын көрсетті. Дамушы елдерде АҚШ долларына қатысты валюталар бағамының динамикасы төмендегідей қалыптасты:

 «Жолаушылар тасымалы» АҚ пойыздарымен 2023 жылдың қаңтар-наурыз айлары аралығында 3,2 млн-нан астам жолаушы тасымалданды. Бұл туралы «ҚТЖ» ҰК» АҚ баспасөз қызметі хабарлады.

Тасымалдау деңгейі өткен жылғы көрсеткіштен 6% (180 мың жолаушыға) асып түсті.  Оның ішінде 546 мыңнан астам адам қала маңындағы электр пойыздарын пайдаланды, бұл көрсеткіш 2% артты. 

Қазақстан бойынша барлығы 140 жолаушылар пойызы жүреді, оның ішінде 102 маршрутқа «Жолаушылар тасымалы» АҚ, 28 маршрутқа жеке тасымалдаушылар, ал 10 маршрутқа көрші елдердің т/ж әкімшілігі қызмет көрсетеді

«ҚазМұнайГаз» құнды қағаздарының бағасы жұма күні 3,5%-ға көтерілген соң сәуірдің 10-ы сауданы 0,7%, 10 275 теңгеге дейін азаюмен аяқтады. Бұған Қазақстан қор биржасының ақпараты дәлел бола алады.
Қазақстан қаржыгерлер қауымдастығының жазуы бойынша, жұма күні мұндай жақсы динамиканы «КазТрансОйл” акциялары да көрсете алды: олардың бағасы 1,1%-ға өсіп, KASE индексінің сол күні 0,6%-ға өсуіне әсер етті.

«Бұл компанияларға қатысты нарықтың көңіл-күйі шикізат бағасының өсімінен және жанар-жағармайдың ішкі бағасының көтерілуінен кейін жақсарған сияқты», – деп түсіндіреді қауымдастық.

“ҚазМұнайГаз» негізі 2002 жылы қаланды, бүгінге оның 87,42% акциясы «Самұрык-Қазынаға» тиесілі болса, қалғаны (9,58%) – Қазақстанның Ұлттық Банкіне тиесілі.

Өткен жылды...

Фото: Ақорда

Қасым-Жомарт Тоқаев Қазақстан мен Әзербайжан арасындағы тауар айналымы 1 млрд долларға жететініне сенімді. Бұл жайында мемлекет басшысы қос ел Президенттерінің кеңейтілген құрамда жүргізген келіссөзі барысында айтқан.

Қасым-Жомарт Тоқаев екі ел арасындағы ынтымақтастықты нығайту үшін Әзербайжан Президентінің бұл сапарының маңызы зор деп атап өтті.

«Біз былтыр Стратегиялық қатынастарды нығайту және одақтастық ынтымақтастықты тереңдету туралы декларацияға, сондай-ақ Ынтымақтастықты дамытудың 2026 жылға дейінгі кешенді бағдарламасына қол қойдық. Бүгін тағы бірқатар маңызды құжат қабылданады. Сонымен қатар Сіздің бүгінгі сапарыңыз аясында ынтымақтастығымыздың саяси тұғырнамасына тың серпін беретін Жоғары мемлекетаралық кеңес құрамыз. Бұл екіжақты қатынастарға...

Фото: shutterstock.com

Қытайлық алпауыт Baidu Inc жалған Ernie Bot қолданбасын App Store дүкенінде пайдаланғаны үшін бірнеше қолданба әзірлеуші мен Apple Inc компаниясына қарсы сотқа шағым түсірді.

Baidu өкілдерінің айтуынша, WeChat есептік жазбасында жұма күні жарияланған Ernie Bot-тың ресми қолданбасы электронды дүкендерде жоқ.

«Компанияның ресми хабарландыруына дейінгі App Store дүкенінде немесе басқа дүкендердегі Ernie қолданбасы жалған», деп мәлімдеді компания өкілдері.

Олардың айтуынша, Bot Ernie-ге тек алдын ала өтініш берген және кіру кодтарын алған пайдаланушылар ғана оған қол жеткізе алады. Сол себепті де Baidu компаниясы пайдаланушыларды рұқсат кодтарын сатудан сақтандырды.

Фото: Shutterstock

Оңтүстік Кореяда ұсталған қазақстандықтарға 3 бірдей айып тағылған. Бұл туралы Сыртқы істер министрлігінің ресми өкілі Айбек Смадияров хабарлады.

2023 жылдың 24 наурызда Инчхон әуежайында паспорттық бақылауды өту кезінде Ташкент арқылы барған Қазақстанның екі азаматына Оңтүстік Кореяға кіруге рұқсат берілмеген.

Содан кейін олар депортациялауды күту үшін арнайы бөлмеге орналастырылған.

«Алайда түнде қазақстандықтар қашып, Оңтүстік Корея аумағына заңсыз кірген. 26 наурызда бір қазақстандық ұсталды, ал 29 наурызда екінші қазақстандық кінәсін мойындап, өз еркімен берілді», – деді Смадияров.

Қазір ол қазақстандықтар Инчхон қаласы Көші-қон орталығындағы тергеу изоляторында қамауда отыр.

«Оңтүстік Корея заңнамасына...

Фото: kursiv.media

Алматы қаласы Бостандық ауданының №2 соты белсенді Жанболат Мамайды шартты түрде алты жылға бас бостандығынан айырды, деп хабарлайды «Интерфакс-Қазақстан» агенттігі.

Белсенді үш қылмыстық бап бойынша:

«Сот үкіміне сәйкес, көрінеу жалған ақпарат таратқаны және жаппай тәртіпсіздік ұйымдастырғаны үшін Қылмыстық кодекстің 63-бабының негізінде Мамайға шартты түрде, қоғамдық-саяси қызметпен айналысу құқығынан айыра отырып, алты жылға бас бостандығынан айыру жазасы тағайындалды», делінген ақпаратта. Сонымен қатар, ол 6 жыл бойы әлеуметтік желілерде өз пікірін білдіре алмайды.

Ал «билік өкілін қорлау» бабының мерзім...

Фото: ҚР СІМ

Қазақстан тарапы Әл-Ақса мешітінде мұсылмандарға жасалған шабуылға алаңдаушылық білдіреді. Бұл туралы елдің Сыртқы істер министрлігінің ресми өкілі Айбек Смадияров мәлімдеді.

«Қазақстан қасиетті Әл-Ақса мешітінде мұсылмандарға шабуыл жасалуына байланысты және Таяу Шығыстағы шиеленістің өршуіне байланысты алаңдаушылық білдіреді. Қалыптасқан жағдайда тараптар ұстамдылық танытып, зорлық-зомбылыққа және ахуалдың одан әрі ушығуына әкелетін қадамдардан, сондай-ақ арандату әрекеттерден бас тартады деп үміттенеміз. Осы ретте статус-кво маңызды деп санаймыз», – деді Айбек Смадияров

Қазақстан СІМ қасиетті Рамазан айы мен Песах мейрамы кезінде саяси, діни және қоғамдық көшбасшылар бұл шиеліністің азайтуға бар күшін салатынына сенім білдіреді.

Айта кетейік, бұған...

Қазақстан Республикасы Энергетика министрі Еуразиялық экономикалық одақтың кедендік аумағының шегінен тыс жерлерге және Қазақстан Республикасынан экспорттауға тыйым салынған мұнай өнімдерінің тізбесін бекіту туралы қол қойыған бұйрық күшіне енді. Құжатқа он күн бұрын сол кездегі Энергетика министрі Болат Ақшолақов қол қойған болатын.

Еуразиялық экономикалық одақтың кедендік аумағының шегінен тыс жерлерге Қазақстан Республикасынан экспорттауға тыйым салынған немесе шектелген мұнай өнімдерінің тізбесін бекіту туралы хаттамаға сәйкес, мұнай өнімдерінің жекелеген түрлерін Еуразиялық экономикалық одақтың кедендік аумағының шегінен тыс жерлерге Қазақстан Республикасының аумағынан әкетуге 2024 жылғы 31 желтоқсанға дейінгі мерзімге тыйым салу туралы бұйрыққа қол қойылды.

«Еуразиялық экономикалық одақтың кедендік аумағыны...

Фото: kursiv.media

Премьер-министрдің орынбасары – сыртқы істер министрі Мұрат Нұртілеу Ресей Федерациясына ресми сапармен барады. Бұл туралы Сыртқы істер министрлігінің ресми өкілі Айбек Смадияров хабарлады.

«2023 жылдың 13 сәуірінде Ресей тарапының шақыруымен премьер-министрдің орынбасары – сыртқы істер министрі Мұрат Нұртілеудің Ресей Федерациясына ресми сапары өтеді. Сапар аясында Ресейдің Сыртқы істер министрі Сергей Лавров және Ресей президентінің Халықаралық істер жөніндегі көмекшісі Юрий Ушаковпен кездесуі және келіссөздері жоспарланған», – деді Айбек Смадияров.

Оның айтуынша, қос тарап саяси, сауда экономикалық және мәдени гуманитарлық саладағы екіжақты ынтымақтастықтың өзекті мәселелерін талқылайды. Сондай-ақ өңірлік және халықаралық күн тәртібі мәселелері бойынша өзара...

Фото: Ақорда

Астана Қазақстанға ресми сапармен келген Әзербайжан Президенті Ильхам Әлиевті күтіп алды. Оны Нұр-сұлтан әуежайынан үкімет басшысы Әлихан Смайылов қарсы алған еді.

Ақордада Қасым-Жомарт Тоқаев пен Ильхам Әлиев арасында шағын құрамда келіссөз өтті. Қасым-Жомарт Тоқаев шақыруын қабыл алып, Астанаға ресми сапармен келгені үшін Ильхам Әлиевке алғыс айтты. Бұл туралы Ақорданың баспасөз қызметі хабарлады.

Келіссөз барысында Қазақстан Президенті 2022 жылы тамыз айында Бакуге сапарын еске алып, оның нәтижелі болғанын атап өтті. Оның айтуынша, президенттердің екі ел үкіметіне берген тапсырмаларының орындалу барысын пысықтау қажеттілігі туып отыр.

«Әзербайжан мен Қазақстан – бауырлас...

Фото: www.shutterstock.com

Қазақстан, Беларусь, Қырғызстан, Грузия, Арменияда мен Тәжікстанда қоймаларға деген сұраныс екі есе артты. Оған Ресейге параллель импорттың артуы себеп, деп жазады ресейлік «Коммерсантъ» басылымы.

Ресей кәсіпорындарының қоймаларға деген сұранысы Ресейге қарсы санкция енгізіліп және импортты жолға қою үшін жаңа жеткізу тізбегін құру қажет болған 2022 жылы қайта өсе бастады. Шетелдік тауарлар Ресейге, ал Ресей тауарлары сыртқы нарыққа Қазақстан, Беларусь, Қырғызстан, Өзбекстан және т.б. елдер арқылы жеткізіле бастады. Федералды кеден қызметі 2022 жылдың наурызынан желтоқсанына дейін параллель импорт көлемі 20 миллиард доллардан немесе 2,4 миллион тауардан асқанын мәлімдеді.

«Noytech Supply Chain Solutions» логистика компаниясының қойма логистикасы жөніндег...