Жаңалықтар

Еліміз туралы мақтаныш сөздер айту қажет болған кезде ауызға ілігетін бірер ұранымыз бар: «Жер көлемі жөнінен әлемде 9-орындамыз» (ол жер көлемін игере алмай сорлап отырғанымыз да жасырын емес) және «Бізде Менделеев кестесіндегі элементтің барлығы бар». Әуелгі мақтаныш әлі күшінде болса (яғни, ешкім әзірге бізді 9-орыннан ығыстырмады), екіншісінің растығына күмәндана бастағандаймыз. Мұны біз емес, ғалымдар айтып отыр. Кеңестік кезеңде Менделеев кестесіндегі кез келген элементті жер астынан суырып алатын қуатты минералдық-шикізаттық база болды, бірақ оның да шегі бар. Қазіргі ахуал онша емес. Геологиялық барлау ісінің бәсеңдеп қалуына бірнеше фактор себеп дейді мамандар.

Соның бірі – қаржыландыру жайы. Мемлекет қазір геологиялық барлаудың бір...

Фото: kursiv.media

100% үлесі «Самұрық-Энерго» АҚ-на тиесілі Eneymentau Wind Power ЖШС мемлекеттің 15 млрд теңгесін желге ұшырған. Бұны Астана қаласы бойынша Ішкі мемлекеттік аудит департаменті анықтаған.

Eneymentau Wind Power ЖШ 2020 жылы «Олимп Транс Сервис» ЖШС-мен Ерейментау ауданында жалпы сомасы 26,1 млрд теңгені құрайтын, қуаты 50 МВт жел электр станциясын (ЖЭС) салуға шарт жасасады.

Шарт талаптарына сәйкес нысан 17 ай бұрын, 2021 жылдың 4 маусымына дейін салынып бітуі тиіс болған. Алайда ол жылы мердігер құрылыс жұмысын бастамаса да, 10,5 млрд теңге көлемінде аванс төлеген.

Бірақ мердігерге бұл аванс жеткіліксіз көрініп, 11 жел генераторы кешенін жеткізу үшін тағы да...

Фото: kursiv.media

Таулы Қарабақ билігі біржақты тәртіпте атысты тоқтату туралы шешім қабылдады. Сондай-ақ Таулы Қарабақ басшылығы Әзірбайжан билігін республикадағы «орталық» басқарушы орган санайтынын және Бакумен сындарлы диалог құруға ниетті екенін мәлімдеді.

Мойындалмаған республика билігінің хабарлауынша, біржақты атысты тоқтату туралы шешім Таулы Қарабақта орналасқан ресейлік бітімгершілік контингентінің араласуымен жүзеге асқан.

«Ресей бітімгершілік контингентінің орналасу аймағынан Армения Республикасы Қарулы Күштерінің қалған бөлімдері мен әскери қызметкерлерін шығару және Таулы Қарабақ қорғанысының қарулы құрамаларын тарату және толық қарусыздандыру, әскери ауыр техника мен қару-жарақты Таулы Қарабақ аумағынан шығару туралы келісімге қол жеткізілді», делінген мойындалмаған Таулы Қарабақ Республикасының ақпараттық орталығы...

фото: dengi.ua

ҚР Президенті Қасым-Жомарт Тоқаев 16 қыркүйек күні республикадағы қаржылық мониторинг агенттігіне қатысты ережеге енгізілген өзгерістерді мақұлдады.

Жарлыққа сәйкес, ҚР Қаржы мониторингі агенттігі қылмыстық жолмен алынған кірістерді заңдастыруға, терроризмді қаржыландыруға, жаппай қырып-жою қаруын таратуды қаржыландыруға қарсы іс-қимыл жөнінде өзге де шаралар қабылдайтын орган екендігі нақтыланды.

Сонымен қатар, органның тікелей ҚР Президентіне бағынатыны хабарланды.

Қаржылық мониторинг агенттігінің мынандай қызметтік бағыттары бар.

Олар: терроризмді қаржыландырумен күрес, мұндай сарындағы қызметтерді тоқтату, ескерту, анықтау, жолын кесу;

Қазақстан Республикасының заңнамасына негізінде осы органның қарамағындағы экономикалық және қаржылық құқық бұзушылықтарды ашу және тергеу.

Бірқатар қаржылық қылмыстармен күресу мақсатында агенттіктің функцияларына мыналар...

Ғылым және жоғары білім министрлігі ғылым саласындағы сыйлықақылар мен мемлекеттік ғылыми стипендияларын беру қағидаларын бекітті.

Министрлік бұйрығына сәйкес көтермелеу мақсатында ғалымдар мен ғылыми қызметкерлерді ғылым мен техниканың дамуына үлес қосқан ғылыми ұйымдар мен жоғары және жоғары оқу орнынан кейінгі білім беру ұйымдары ұсынады. Яғни, ғалымдар үздік ғылыми зерттеулері мен жұмыстары, ғылым саласындағы аса зор
жетістіктері үшін жыл сайынғы сыйлықтарды алуға және мемлекеттік ғылыми стипендияларды алуға ұсынылуы мүмкін.

Ал мемлекеттік ғылыми стипендиялар мемлекет үшін басым бағыттарда іргелі немесе қолданбалы ғылыми зерттеулерді жүргізуге, ғылыми кадрларды даярлауға белсене қатысатын ғалымдар мен ғылыми қызметкерлерге, ғылыми проблемаларды шешу бойынша зерттеулер жүргізуге белсене қатысатын және...

Фото: kursiv.media

Азия даму банкі (АДБ) Азия-Тынық мұхиты аймағындағы дамушы елдердің экономикалық өсу болжамын 4,8%-дан 4,7%-ға дейін төмендетті.

АДБ есебіне сәйкес, келер жылы ЖІӨ өсімінің болжамы 4,8% деңгейінде қалды.

Осы аймақтағы тұтынушылық бағалар биыл 3,6% өсуы ықтимал. Бұл бұл алдыңғы 4,2% болжамнан төмен. Оған негізінен Қытайдағы төмен инфляция, сондай-ақ азық-түлік пен энергия бағасының тұрақталуы себеп.

2024 жылға арналған инфляция болжамы 3,5% құрайды.

«Азия-Тынық мұхиты аймағындағы экономикалық өсім тәуекелдер де артып келе жатқанына қарамастан, тұрақты болып қалады деген болжам бар. Биыл бірінші жартыжылдықта аймақтағы экономикалық өсім оптимистік болды, жақсы ішкі сұраныс пен жақсы сұраныспен қолдау...

фото: kursiv.media

Жаңадан жарияланған зерттеулерде Ресейден елге ағылған компаниялар көшінің жалғасын тауып жатқаны хабарланды. Мобилизация ықпалымен, халықаралық деңгейде шиеленіскен геоахуалмен тұспа-тұс келген биылғы жылы Қазақстанда шетел капиталының қатысуымен жұмыс істеп тұрған заңды тұлғалардың саны 24,3% өсіп, 54,4 мыңға жеткен.

Қазақстан экономикалық сергелдеңге ұшырағандардың «әлеуметтік баспанасына» айналғандай. Биыл шетелдік компаниялардың абсолютті өсімі тіркелді, яғни – 10,3 мың. Жаңа кәсіпорындардың басым бөлігі – 78%-ы сауда, қызмет көрсету, ІТ кластері кәсіпкерлері және әкімшілік және қосалқы қызмет көрсету саласындағы мамандардан тұрады.

Біржақты сауда мен диджитал нарықтың ауқымы артқанын сөз ету негізсіз, баяу өсім экономиканың өзге салаларында да байқалады.

Зерттеуде дәйектелгендей...

фото: gazeta.uz

Америкалық Air Products Өзбекстанда сомасы 10 млрд доллардан асатын жаңа инвестициялық бағдарламаны іске асыратын болды. Мұның аясында Өзбекстан басшысы Шавкат Мирзиёев компания басшысы Сеифи Гасемимен бірнеше келіссөзге қол қойды. Өзбек басшысы Air Products президентін орденмен марапаттады.

Өзбекстан президенті Шавкат Мирзиёев Нью-Йорктегі жұмыс сапары Air Products компаниясының басқарма төрағасы, президенті және бас атқарушы директоры Сеифи Гасемимен кездесті.

Кездесуге АҚШ Мемлекеттік хатшысының энергетика жөніндегі орынбасары Джеффри Пайетт те қатысты, деп хабарлады Өзбекстан президентінің баспасөз қызметі.

Сонымен қатар, екіжақты әңгімелесу ауанынан байқағанымыз, кездесуде көмірді газдандыру, техникалық газдарды өндіру, сутегі мен аммоний өндіру, сондай-ақ қышқыл газдарды кәдеге жарату жобалары талқыланған.

Air...

Абай облысы, Бесқарағай ауданы, Жетіжар ауылының тұрғыны сібір жарасын жұқтырды деген күдікке ілінді. Соған байланысты ауылда төтенше жағдай жарияланды.

«Облыс әкімдігінің баспасөз қызметінің хабарлауынша, науқас ПТР тестінен өткен, қазіргі уақытта ауру расталмаған. Дегенмен, төтенше жағдайлардың алдын алу және жою жөнінде өткен жоспардан тыс облыстық комиссия отырысында халықтың қауіпсіздігін қамтамасыз ету мақсатында, жергілікті ауқымда табиғи төтенше жағдай жариялау туралы шешім қабылданған», делінген хабарламада.

Қазір ауылдың кіреберісіне санитарлық бекет орнатылып, ауылшаруашылық өнімдерін сыртқа шығаруға уақытша шектеу қойылған. Сонымен қатар, жағдайдың себептерін анықтау бойынша аудиторлық жұмыстар жүргізілуде.

«Сібір жарасы ауа-тамшы жолдары арқылы...

Фото: Офелия Жакаева

2020-2022 жылдары Қазақстанның туристік саласына 4 млрд АҚШ доллары көлемінде инвестиция тартылған. Былтыр салынған инвестиция көлемі 513,3 млрд теңгені құрады. Сонымен қатар, осы жылдары елімізде 400-ден астам туристік нысан бой көтерген. Бұл туралы Туризм және спорт министлігі хабарлайды.

«Мемлекет отандық туризмді дамыту үшін жеке капиталды белсенді түрде тартуда. Өткен жылдан бастап мемлекеттік қолдау шараларымен туризм объектілерін салу, тау шаңғысы курорттарын дамыту және туристік автобустар сатып алу жөніндегі жобалар қамтылды. Сондай-ақ туроператорларға шетелдік туристерді тартқаны үшін субсидиялар беріледі. Бұдан басқа, ел ішінде саяхаттайтын Қазақстан азаматтары үшін балалар авиабилеттері субсидияланады. Шетелдік инвесторларды...

фото: kursiv.media

«Қазгеология» АҚ-сының дауысқа салатын акциялары «Тау-Кен Самұрық» ұлттық тау-кен компаниясына 100% берілді. Бұл турасында «Тау-Кен Самұрық» ұлттық компаниясының баспасөз қызметі хабарлады.

Хабарламада келісім жайына қатысты:

«Тиісті шартқа «Самұрық-Қазына» АҚ-сы мен «Тау-Кен Самұрық» АҚ-сы арасында қол қойылды», – делінген.

Бұған дейін Қазақстан Үкіметінің 2022 жыл, 30 желтоқсандағы № 1128 қаулысына сәйкес, «Қазгеология» компаниясы акцияларының мемлекеттік пакеті «Самұрық-Қазына «ҰӘҚ» АҚ орналастырылатын акцияларына ақы төлеу үшін берілген болатын.

«Тау-Кен Самұрық» ұлттық компаниясы АҚ басқарма төрағасы Бақыт Амангелдіұлы компанияның табысты қызметін ілгерлету жолында қажетті жағдайлардың қарастырылатынын айта келіп, хабарламада:

«Тау-Кен Самұрық» ұлттық компаниясы...

Азия даму банкі Қазақстанның ЖІӨ өсімі бойынша болжамын 2023 жылы 4,1%-ға, 2024 жылы 4,3%-ға дейін жақсартты, деп хабарлайды банктің баспасөз қызметі.

«Қазақстанның өсу болжамы сәуірдегі 3,7% және 4,1% көрсеткішінен 2023 жылы 4,1% және 2024 жылы 4,3%-ға дейін қайта қаралды. Оған тұтыну мен инвестицияның өсуіне байланысты мемлекеттің инфрақұрылым мен әлеуеттік бағдарламаларды жаңғыртуға жұмсаған шығындары әсер етті», делінген хабарламада.

ЖІӨ өскенімен, АДБ инфляциялық жағдайдың нашарлауын болжайды. Юолжамға сәйкес осы жылы инфляция 12,7% құрайды. Ал сәуірдегі болжам – 11,8% болған. Ал 2024 жылы – 7,6% болады деп күтілуде. Бұрынғы болжам бойынша бұл көрсеткіш 6,4%-ды құраған. Өз...

БҰҰ Бас Ассамблеясы 78-сессиясының аясында «Орталық Азия – АҚШ» саммиті өтті. Жиынға Қырғызстан, Өзбекстан, Қазақстан, Түркіменстан, Тәжікстан мемлекеттері басшылары АҚШ Президенті Джозеф Байден және сол елдің мемлекеттік хатшысы Энтони Блинкен қатысты.

Қазақстан. Ақорданың баспасөз қызметі, Қасым-Жомарт Тоқаев АҚШ Президенті Джозеф Байденнен кейін бірінші болып сөз алғанына мән беріпті. Жиында С5+1 серіктестігі арқылы экономика, энергетика және қауіпсіздік салаларында Орталық Азияның егемендігін, орнықты дамуын және өркендеуін одан әрі нығайту үшін бірлесіп жұмыс істеу мәселесі талқыланды.

«Кездесу барысында стратегиялық серіктестікті, саяси диалогты, сауда-экономикалық, инвестициялық және гуманитарлық салалардағы ынтымақтастықты одан әрі дамыту, сондай-ақ Еуразия құрлығындағы бейбітшілік...

Экономикалық зерттеулер институты Қазақстан қалаларындағы жалақы деңгейі бойынша рейтингін жариялады. Бұл тізімде Астана небәрі алтыншы, ал Алматы сегізінші орында тұр.

Қай қалада жалақы ең жоғары?

Зерттеуге сәйкес, ең жоғары жалақы Жаңаөзен қаласындағы мамандар алады – 686 744 теңге, ал ең төменгі жалақы Талдықорған қаласында тіркелген: 212 136 теңге. Айырмашылық 3,2 есе.

Рейтингтегі екінші орынды 513 мың теңгеден астам жалақымен Атырау қаласы иеленді. Үздік үштікті Сәтбаев түйіндеп тұр (475 мың теңге). Одан кейін Ақтау (442 мың теңге), Жезқазған (400 мың теңге) және Астана (389 мың теңге) қалалары келеді.

Жетінші орында Балқаш (351 мың теңге), сегізінші орында Алматы...

Алматы әкімдігі сатып алуға ұсынылмайтын тұрғын үй кешендерінің тізімін жариялады.

Алматы қаласы құрылыс бақылау басқармасы рұқсат құжаттарының толық пакеті жоқ тұрғын үй кешендерінің тізімін жариялаған. Ол тізімге енген үйлердің кейбірі жобадан ауытқыған, кейбірінің сәулет жоспарлау тапсырмасы қайтарылып алынған. Сондай-ақ бұл үйлердің біразында эскиздік жобасы мен сараптама қорытындысы жоқ болып шыққан.

Бұл үйлер тізімінде «Sky Club House» ТҮК, «Kairat» ТҮК, «ALATAUHOUSE» ТҮК, «Apple Park» ТҮК, «Мұнартау» ТҮК, Таунхаус (атауы белгіленбеген), «Бағанашыл» ЖТҮК, «Рriority» ТҮК клуб үйі, «Sofia Village» таунхаусы, «Питтсбург» ТҮК, “Sky  Park, «Dostar Deluxe» ТҮК, «Verona» ТҮК, «DEMEU Residencе» ТҮК, «Auezov Apartaments» ТҮК, «Tole BI Residence» ТҮК, «Castle...

Ресей Қорғаныс министрлігі Ресей бітімгерлерінің Таулы Қарабақтағы ең қауіпті аймақтардан бейбіт тұрғындарды эвакуациялағанын хабарлап, Әзірбайжанның «атысты тоқтату» қарарын бұзағанын айтты.

Ресей тарапы не дейді?

Ресей федерациясының Қорғаныс министрлігнің мәліметінше, Ресей әскери күштері айақтағы жағдайды бақылауды өз мойнына алады. Сонымен қатар, атысты тоқтату режимінің сақталуын бақылайды.

«19 қыркүйек сағат 12:00-ден бастап Ресейдің бітімгершілік контингенті Әзірбайжан тарапынан атысты тоқтату режимін бұзғанын айғақтайтын көптеген фактілерді анықтады. Бүкіл байланыс желісі бойынша тіркеді», – делінген хабарламада.

Қанша тұрғын эвакуацияланды?

Ақпаратқа сенсек, қақтығыс аймағынан 469 адам, оның ішінде 185 бала эвакуацияланған. Медицина қызметкерлері жараланған тоғыз азаматқа, оның ішінде...

БҰҰ Бас Ассамблеясы 78-сессиясының Жалпы дебатында сөз сөйлеген Украина Президенті Владимир Зеленский Ресей Қазақстанға да дөңайбат шегіп отырғанын мәлім етті. Оның айтуынша, ол ел басқыншылық пиғылын он жылдан бері ашық көрсетіп келеді.

«Әр онжылдықта Ресей жаңа соғыс бастайды. Молдова мен Грузия территориясының жекелеген бөліктерін басып алды. Ресей Сирияны қирандыға айналдырды. Егер Ресей болмаса, онда химиялық қару ешқашан қолданылмас еді. Ресей Беларуссияны жұтып қойды, Қазақстан мен Балтық жағалауы елдеріне дөңайбат көрсетіп, қауіп төндіруде», деді Зеленский.

Ол сондай-ақ, бүкіл адамзат өмірін сақтап қалу үшін әлем елдерін бірлікке шақырып, бұрынғыдан да толық ынтымақтастықта әрекет ету керек екенін...

KAZ Minerals Group компания атын жамылған жалған веб-сайттың пайда болғанын хабарлады.

«Ғаламторда өзін KAZ Minerals Тобының корпоративтік ресурсы ретінде таныстыратын веб-сайт пайда болды. Бұл – жалған байланыс ақпараты бар корпоративтік веб-сайттың көшірмесі. Осы орайда компания www.kazminerals.com және www.kazminerals.info екі ресми ресурсы ғана бар екенін хабарлайды. Басқа сайттардың бізге қатысы жоқ», делінген баспасөз хабарламасында.

Компания көшірме сайт әзірлеушілері ықтимал құрбандарын адастыру үшін қылмыстық мақсаттарды көздейтінін ескертеді.

«Қазіргі таңда KAZ Minerals жалған ресурсқа тосқауыл қою шараларын қабылдауда.
Компанияның ақпараттық қауіпсіздік мамандары азаматтарды қырағы болуға, алаяқтардың айласына түспеуге шақырады. Сіз жалған болып шығуы...

Шымкент қаласы әкімдігінің лауазымды тұлғасы 700 млн теңге көлеміндегі қаражатты жымқырды деген күдікке ілінді. Бұл жайлы Қаржы мониторингі агенттігінің баспасөз қызметі хабарлады.

«Шымкент қаласының Әл-Фараби ауданы әкімдігінің лауазымды тұлғасына қатысты бюджет қаражатын аса ірі мөлшерде жымқырды деген күдікпен істі ҚМА аумақтық Департаменті тергеуде. Күдікті өзінің лауазымдық жағдайын пайдалана отырып, қала аумағындағы көпқабатты үйлердің 150 ауласын абаттандыру бойынша сметалық құжаттамада жұмыстар мен материалдардың бағасын негізсіз қымбаттатқан», делінген хабарламада.

Ол шамамен 700 млн теңгеден астам сомаға аса ірі мөлшерде бюджет қаражатын жымқырды деген күдікке ілініпі отыр.

«Сот санкциясымен аталған азамат...

Дүние жүзіндегі пайыздық мөлшерлемелердің өсуіне қарамастан, жаһандық қарыз 2023 жылдың екінші тоқсанында рекордтық 307 триллион долларға жетті. Бұл туралы Халықаралық қаржы институтының (IIF) есебінде жазылған.

Жаһандық қарызда үкіметтердің, банктердің, қаржылық емес корпорациялардың және барлық елдердің үй шаруашылықтарының қарызы қоса есептеледі. IIF есебіне сәйкес 2023 жылдың бірінші жартысында жаһандық қарыз 10 триллион долларға, ал соңғы онжылдықта 100 триллион долларға артқан. Осы жылдың екінші тоқсанында жаһандық қарыздың әлемдік ЖІӨ-ге қатынасы 336 пайызға дейін өскен. Жалпы, көрсеткіштер 2023 жылға дейін 7 тоқсан бойы төмендеп келген. Ал осы жылдың екі тоқсанында қарыз көлемі көтеріле түскен.

Сарапшылар пікірінше, бұл арақатынастың ұлғаюына...

Корея мен Қазақстан арасындағы тауар айналымы 6 млрд доллардан асқан. Бұл жайлы Мемлекет басшысының Корея Республикасының Президенті Юн Сок Ёльмен кездесуі барысында айтылды.

Әңгімелесу барысында қазақ-корей стратегиялық серіктестігін одан әрі дамыту перспективалары талқыланған. Қасым-Жомарт Тоқаев өз кезегінде Қазақстан мен Оңтүстік Корея арасында достық қарым-қатынастар орнағанын және қарқынды дамып келе жатқан экономикалық байланыстардың маңызы зор екенін атап өтті.

Қазақстан Президенті екіжақты тауар айналымы былтыр 6 миллиард доллардан асып, тұрақты өсім байқалып отырғанын айтты. Сонымен қатар корей компанияларының Қазақстан экономикасына салған инвестицияларының жалпы көлемі 8 миллиард доллардан асып, еліміздегі ең ірі 10 инвестордың қатарында нық тұрғанын жеткізді.

Бүгінде Қазақстанда 700-ден астам...

Президент Қасым-Жомарт Тоқаев БҰҰ Бас Ассамблеясы 78-сессиясының Жалпы дебатында сөз сөйледі, деп хабарлайды Ақорда.

Мемлекет басшысы өз сөзін қазіргі геосаяси қақтығыс мәселесінен бастады.

«Бүгінде адамзат баласы бұрын-соңды басынан өткермеген аса үлкен сын-қатерлермен бетпе-бет келіп, геосаяси қақтығыстардың жаңа кезеңіне өтті. Бұған БҰҰ Жарғысындағы халықаралық құқықтың негізгі принциптерінің бір мезетте бұзылуы себеп болып отыр. Құқықтық темірқазықтың жойылуы қазіргі халықаралық қатынастар жүйесіне уақыт өткен сайын ауыртпалық түсіріп, түрлі қарама-қайшылық тудырады», деді ол.

Сондай-ақ халықаралық құқықтық құжаттар тәртібін сақтамау алаңдататынын айтқан Президент мұның соңы адамазаттың араздығына әкелуі мүмкін екенін атап өтті.

Американдық Microsoft Корпорациясы тоқсандық дивидендтерді 10% – ға арттырды, делінген компанияның баспасөз хабарламасында.

Microsoft корпорациясының Директорлар кеңесі тоқсандық дивидендтерді бір акцияға 68 центтен 75 центке дейін көтеретінін жариялады.

Жаңа дивидендтер 14 желтоқсанда төленеді, акционерлер тізілімі 16 қарашада жабылады.

Сонымен қатар, компания акционерлердің жылдық жиналысы 7 желтоқсанда өтеді.

Microsoft акциялары сейсенбі күнгі сауда-саттықтың басында 1,2% – ға арзандады.

Әзірбайжан Қорғаныс министрлігі Қарабахта Конституциялық жүйені қалпына келтіру мақсатында «терроризмге» қарсы операцияның басталғанын жариялады. Сондықтан «Эйр Астана» таулы Қарабақтағы тұрақсыз жағдайға байланысты ұшу қауіпсіздігінің барлық шараларын қабылдауда.

«Таулы Қарабақтағы тұрақсыз жағдайға байланысты «Эйр Астана» компаниялары тобының Түркияға, Еуропаға және Израильге рейстер сол аумақты айланып жүзеге асырылады. Әуе компаниясы жағдайды жіті қадағалап, ұшу қауіпсіздігінің барлық шараларын қабылдауда»-делінген компания баспасөз қызметінде.

Айта кетейік, Қайта тұтанған қақтығыс: Әзірбайжан Қарабақта «терроризмге» қарсы арнайы әскери операция бастады.