Жаңалықтар

Фото: Қазақстан пресс-клубы

«Байтақ» Қазақстанның жасылдар партиясының көшбасшысы Азаматхан Әміртай партия қатарынан шығарылды. Бұл туралы «Байтақтың» Алматы қалалық филиалының төрағасы Бейбіт Әпсенбетов айтты.

Мұндай шешім аталған партияның 6 мамырда өткен Саяси кеңесінің кезектен тыс отырысында қабылданған.

Арнайы баспасөз мәслихатын өткізіп, хабарлаған Бейбіт Әпсенбетовтің айтуынша Азаматхан Әміртай «Байтақ» Партиясының беделін түсіріп, оның мүддесіне нұқсан келтіретін әрекеттерге барған. Оның айтуынша, жәй ғана қозғалыс кезінен партия болып тіркелгенге дейін жетекшілік еткен Әміртайдың саяси ұйым қатарына шығарылуына оның партия Жарғысына, партиялық жолдастық қағидаттарына және адамгершілік қарым-қатынас нормаларына қайшы келетін бірқатар мәлімдемелері мен әрекеттері себеп болған.

Баспасөз мәслихатына келген партия мүшелері бұрынғы төрағаның заңсыз...

Фото: kursiv.media

2023 жылдың 1 қаңтары мен 31 наурызы аралығында әлем бойынша 235 миллион саяхат жасалған, бұл көрсеткіш бір жыл бұрынғы кезеңмен салыстырғанда екі есе көп. Халықаралық туризм биыл бірінші тоқсанда пандемияға дейінгі деңгейінің 80%-на дейін жетті, деп хабарлайды БҰҰ Дүниежүзілік туристік ұйымы.

«Жыл басынан бері туризм тез қалпына келіп жатыр. Көптеген аймақтарда біз пандемияға дейінгі деңгейге жақынбыз немесе одан да асып кеттік. Бірақ туризмнің қалпына келуіне кедергі келтіретін қиындықтар әлі де бар. Бұл: геосаяси тұрақсыздық, кәсіби кадрлардың жетіспеуі, көлік пен қонақүйде тұру құнының қымбаттауына әкеп соғатын инфляция», – деп түсіндірді UNWTO хатшысы Зураб Пололикашвили...

Polymetal International plc («Полиметалл») акционерлері мақұлдаған жағдайда Қазақстандағы «Астана» халықаралық қаржы орталығына (АХҚО) қайта тіркелу ниеті туралы хабарлайды. Бұған дейін ресейлік компания Джерси аралына тіркелген еді. Акционерлердің жалпы жиналысын шақыру туралы хабарлама бүгін жарияланды.

«Бүгін біз өз акционерлерімізге компанияны АХҚО-да қайта тіркеу ұсынысын қолдау туралы өтінішпен жүгінеміз. Директорлар кеңесі бұл компанияның үздіксіз жұмысын жалғастыру және ағымдағы жағдайларда акционерлік құнды қалпына келтіру үшін қажетті және маңызды қадам деп санаймыз» делінген компания таратқан хабарламада.

Редомициляция нәтижесінде компания акциялары Лондон қор биржасындағы сауда-саттықтың негізгі талаптарына сәйкес келмейді. Басқарма мен менеджмент LSE-де листинг пен сауда-саттықты сақтаудың барлық мүмкін нұсқаларын қарастырғанымен, бұл нұсқалардың ешқайсысы...

Еуразиялық экономикалық комиссия ЕАЭО бойынша жалпы сыртқы қарыздың азайғанын мәлімдеді.

«2023 жылғы 1 қаңтардағы жағдай бойынша ЖІӨ-ге қатысты ЕАЭО сыртқы қарыздың қысқаруы байқалды. Соңғы 10 жылда одаққа мүше барлық мемлекеттерде сыртқы борыштың ұқсас синхронды төмендеуі тіркелді. 2016-2018 жылдар кезеңінде сыртқы борыш халықаралық резервтермен жабылған», делінген құжатта.

Сыртқы қарызды халықаралық резерв есебінен жабу бойынша Ресей 152,9 пайызбен бірінші орында тұр. Ал Қазақстанның көрсеткіштері – 21,9 пайызды құраған. Беларусияныкі – 20,0%, Арменияныкі – 26,9%.

Комиссия зерттеулеріне сенсек, 2023 жылғы 1 қаңтардағы жағдай бойынша 2022 жылғы 1 қаңтармен салыстырғанда 106 млрд долларға немесе 14,9%-ға төмендеген. Оны...

Қазақстан мен Шыңжаң-Ұйғыр автономиялық ауданы арасындағы ауыл шаруашылығы өнімінің тауар айналымы жылына 1 млрд долларға жетуі мүмкін. Тиісті келісімге ҚР Ауыл шаруашылығы министрі Ербол Қарашөкеев пен ҚХР ШҰАА ҚКП парткомының хатшысы Ма Синжуйдің кездесуі кезінде қол жеткізілді.

«Қазақстан мұздатылған ет жеткізуді қайта бастауға, салқындатылған ет және балық өнімдерін, құс еті мен қосалқы өнімдерді, шошқа еті, жұмыртқа, жылқы еті және басқа да тауар түрлерін экспорттауды бастауға дайын», делінген хабарламада.

Сонымен қатар, Қытай нарығы қазақстандық астық экспорты үшін үлкен қызығушылық тудырып отыр. 

«Бүгінгі таңда жыл сайынғы жеткізілім көлемін 1 млн тоннаға дейін...

Мәжіліс төрағасы Ерлан Қошанов мемлекет басшысы Қасым-Жомарт Тоқаевтың Ресейге сапарына қатысты пікір білдірді.

«Мен мұны дұрыс сапар деп есептеймін. Себебі, Ұлы Отан соғысы мен Ұлы жеңіс — біздің ортақ тарихымыз. Сондықтан барлық бауырлас мемлекеттердің басшысы осы Парадта болды. Мұны соғыста қайтыс болған аталарымызға, әкелерімізге арналған құрмет деп ойлаймын. Бұл мәселені саясиландырудың қажеті жоқ», – деді Ерлан Қошанов.

Сондай-ақ Қошанов Қазақстаннан 1 млн 200 мың адам соғысқа кеткенін айтып өтті.

«Оның жартысы оралмады. Олардың көбісі Ресейде жатыр. Олардың іздеушісі, жоқтаушысы болу керек пе, болмау керек пе? Менің ойымша, ол — қазақ халқы...

Фото: kursiv.media
«AMANAT» партиясының депутаттары азаматтарға микроқаржы ұйымдары арқылы онлайн несие рәсімдеуге тыйым салуды ұсынды.

Қазақстан Республикасының Бас прокуроры мен Қаржы нарығын реттеу және дамыту агенттігінің Төрайымына жолдаған сауалында депутат Елнұр Бейсенбаев:

«Халық арасында қазір онлайн несие алуға сұраныс күрт артқан. Қарапайым адамдар микроқаржы ұйымдарынан жетіскеннен қарыз алмайды. Айлығы шайлығына жетпегендіктен осылайша бір қарызды екінші қарызбен жамайды. Бүгінде елімізде 239 микроқаржы ұйымы бар. Банктен несие рәсімдей алмаған аңқау халықты делдал-алаяқтар құрыққа оңай түсіріп, осындай ұйымдарға алып келеді. Тығырыққа тірелген адамның мойнына жүздеген пайыздық несие рәсімделеді», деді.

Сонымен бірге депуат 5 жылда интернет алаяқтық бойынша...

Фото: shutterstock.com

ЕуроОдақ Қытай компанияларына санкция салуы мүмкін деген хабар тарады. Бұл рас болса, Қытай мұның Еуропаға «әсері қатты» болатынын ескертті.

«Қытай Халықтық республикасы Ресейді қолдады деп танылған компанияларға санкция салынса, Еуропа үшін оның «әсері қатты» болатынын ескертті», деп жазады Bloomberg.

Осыдан біраз уақыт бұрын Еурокомиссия Ресей Федерациясына әскери мақсатта пайдаланылатын құрал-жабдық жеткізетін Қытайдың бірнеше компаниясын санкция тізіміне енгізуді көздеп отырғаны туралы хабарланған.

Ал Financial Times кейбір қытайлық компаниялардың АҚШ-тың санкциялар тізімінде тұрғанын, бірақ ЕО Қытаймен тікелей қарсыласудан сақтанып, санкция салмай отырғаны туралы жазған.

Financial Times мәліметіне сенсек, санкцияға енуі мүмкін компаниялар...

Мәжіліс сәрсенбі күнгі отырысында Қазақстанда Католик шіркеуінің мүшелері төлем қабылетін растамастан тұрақты тұруға рұқсат беретін Заң жобасын ратификациялады. Бұл туралы Мәжілістің баспасөз қызметі хабарлады.

Ақпаратқа сәйкес, бұл мүмкіндік католик шіркеуінің кез келген субъектілерінде қызмет ету мақсатында шетелден ұзақ уақытқа келген дін қызметкерлеріне беріледі.

«Бұл мәселелер 1998 жылғы 24 қыркүйектегі Қазақстан Республикасы мен Қасиетті Тақтың арасындағы қатынастар туралы келісімге Қосымша келісіммен реттеледі. Құжат төлем қабілеттілігін және тұрғылықты жерін растауға қойылатын талаптарды католик шіркеуінің құзыретті органының жазбаша міндеттемесіне ауыстыруды қарастырады» делінген ақпаратта.

Фото: «ҚазТрансОйл» АҚ

Сәуір айында Ақтау портынан экспортқа кеткен мұнай көлемі 2023 жылғы наурызбен салыстырғанда 60,5 мың тоннаға немесе 24%-ға өсті. Осылайша жалпы көлем – 312,6 мың тоннаны құрады. Соның 152,4 мың тоннасы Баку портына жетті деп хабарлайды «ҚазТрансОйл» АҚ баспасөз қызметі.

Соның ішінде Теңіз кен орнынан 115 мың тонна, 19,2 мың тонна Доңға кен орнынан және 178,3 мың тонна Бозашы түбегінің кен орындарынан жөнелтілген.

«Қазақстан мұнайын Ақтау портынан экспортқа тасымалдау көлемінің өсуі Баку порты бағытында жөнелтілетін шикізат көлемінің 2023 жылдың наурызымен салыстырғанда 87 мың тоннадан 152,4 мың тоннаға немесе 75%-ға ұлғаюы есебінен...

Еуропалық комиссия президенті Урсула фон дер Ляйен Киевке сапары барысында Украина президенті Владимир Зеленскиймен кездесіп, олар Еуро Одақтың Ресейге салатын 11-ші санкциялар пакетін талқылады. Енді, санкцияларды айналып өтуге көмектесетін фирмалар мен компанияларға ерекше назар аудырылады.

«Өткен жұмада комиссия 11-ші санкциялар пакетіне қатысты өз ұсынысын енгізді. Бұл пакетте баста назар аударатын мәселе – санкцияларды айналып өтуге қарсы күрес болып тұр. Біз мұны халықаралық әріптестерімізбен бірге, әсіресе G7 елдерімен тығыз байланыса отырып, жүзеге асырып жатырмыз», деді кездесуде Еуро комиссия басшысы.

Фон дер Ляйеннің айтуынша ЕО «транзитке тыйым салатын өнім» тізімін толықтырған. Оның ішінде «озық технология өнімдер...

Самокат тебетіндер үшін жаңа ережелер әзірленіп жатыр. Бұл туралы Ішкі істер министрі Марат Ахметжанов хабарлады.
Министрдің айтуынша, қазір аталған құжат Мәжілісте талқыланып жатыр.
Ол жерде бірнеше норма қамтылған: самокат жүргізетіндер жолдың тек оң жағымен жүруге болады; олардың басында міндетті түрде шлем болуы керек; түнде жарық шағылыстыратын белгілер болуға тиіс.

«Қазір заң жобасы қабылданған жоқ. Құжат депутаттардың ұсынысымен енгізілген. Заң самокат тебетіндердің жолда жүруін заңмен реттейді. Мысалы, қазір самокат мінген адам 18 жасқа толған болуы керек әрі жүргізуші куәлігі болуға тиіс. Олар жолдың тек оң жағымен жүре алады», – деді Марат Ахметжанов Мәжілістің жалпы отырысынан кейін.

Ахметжанов самокат...

Алаяқтар әлеуметтік желілер және WhatsАрp арқылы азаматтарға хабарлама жіберіп, биыл маусым – қыркүйек айлары аралығында зейнетақы жинақтарының бір бөлігін төменгі жеткілікті шегіне қарамастан шешіп алуға болатыны туралы жазуда.

БЖЗҚ ескертеді: бұл ақпарат шындыққа жанаспайды. Сондықтан, «жалған» хабарламаларды елемеуге, ақпаратты тек ресми көздерден алуға кеңес береді.

Бірыңғай жинақтаушы қоры зейнетақы жинақтарын мерзімінен бұрын пайдалану шарттарын тағы да ескертеді.

Қазақстан Республикасының заңнамасында міндетті зейнетақы жарналары және міндетті кәсіптік зейнетақы жарналары есебінен қалыптастырылған зейнетақы жинақтарын тұрғын үй жағдайларын жақсарту және емделуге ақы төлеу мақсатында пайдалану көзделген. Ол үшін:

– зейнетақы жинақтарының сомасы зейнетақы жинақтарының ең төменгі жеткіліктілік шегінен асуы керек. Бұл жағдайда...

Фото: shutterstock.com

Ішкі істер министрі Марат Ахметжанов журналистерге қысым жасалуына қатысты сұраққа жауап берді.

Мәжіліс депутаты Жанарбек Әшімжан министрге сұрақ қойып, жекелеген журналистердің қызметіне қатысты түрлі әрекет жасалып жатқанын айтты.

«Қазір қоғам белсенділеріне қатысты іс-шаралар жүргізіліп жатыр. Әрине, тәртіпті бұзғандар әртүрлі жағдайда заңмен жауап беруі керек. Бірақ жекелеген журналистердің қызметіне қатысты түрлі әрекет жасалып жатыр. Өткен аптада Еренғайып Қуатаев деген азамат Бостон, Лондон, Токио марафондарында жүгірген. Оны Алматыдан ұшып келіп, Қарағандыға бара жатқан жерінен ұстап алып, 4,5 сағат ұстап, қолынан із алған. Оның саясатқа қатысы жоқ. Бұған қатысты әртүрлі мысалдар бар», – деді депутат Әшімжан Мәжіліст...

Фото: shutterstock.com

2030 жылға қарай цифрландыруға байланысты 16 қызметкердің 1-і жұмыс орнында жаңа міндеттерді орындауы тиіс, 2036 жылға қарай барлық жұмыс процестерінің 50% автоматтандырылады деп болжануда. ЭЫДҰ бағалауы бойынша, Қазақстандағы жұмыс орындарының 52% автоматтандыру тәуекеліне ұшырауы мүмкін, деп жазады Экономикалық зерттеулер институтының мамандары.

Цифрландыру жұмысшылардан жаңа міндеттерді орындау үшін жаңа дағдыларды талап ете отырып, қолданыстағы қызметтерді өзгертеді. Мамандықтардың өмірлік циклі қысқарады, үнемі біліктілікті арттыру және өмір бойы жаңа білім алу қажеттілігі туындайды – мамандықтан дағдыларға бет бұру.

Соңғы зерттеулерге сәйкес, цифрлық дағдылары бар жұмысшылардың цифрлық дағдылары төмен жұмысшыларға қарағанда жоғары табыс табу ықтималдығы 41% жоғары. Болашақта дамитын 4 негізгі дағды бар...

Фото: shutterstock.com

Сәрсенбі күні өткен Азия нарықтарындағы сауда барысында WTI мұнайы фьючерстерінің құны төмендеді.

Нью-Йорк тауар биржасында WTI маркалы мұнайдың маусым айындағы фьючерстері барреліне 73,17 долларды құраған.

Сессияның ең төменгі көрсеткіші WTI мұнайының барреліне 63,64 доллар болды.
АҚШ долларының алты негізгі валюта қоржынына қатынасын көрсететін USD индексі бойынша фьючерстер 0,05%-ға төмендеп, 101,35 долларды құрады.

ICE-де сатылатын басқа тауарларға келер болсақ, шілдеде жеткізілетін Brent маркалы мұнай фьючерстері 0,71%-ға төмендеп, барреліне 76,89 долларды құрады. Brent мұнайы мен WTI мұнайы келісімшарттары арасындағы айырмашылық бареліне 3,72 доллар болды.

Фото: kursiv.media

«Қорғас» шекара маңы ынтымақтастығы халықаралық орталығы «Арнайы экономикалық аймақтың басқарушы компаниясы» АҚ акциялары республикалық меншіктен шығарылып, Жетісу облысы әкімдігінің коммуналдық меншігіне өтт.

«Қорғас» шекара маңы ынтымақтастығы халықаралық орталығы» «Арнайы экономикалық аймақтың басқарушы компаниясы» акционерлік қоғамының 100% көлеміндегі мемлекеттік акциялар пакеті Қазақстан Республикасының заңнамасында белгіленген тәртіппен республикалық меншіктен Жетісу облысы әкімдігінің коммуналдық меншігіне берілсін», делінген Үкімет қаулысында.

Қаулы күшіне енді.

Осыдан үш жыл бұрын Қорғастағы «Арнайы экономикалық аймақтың басқарушы компаниясының» акциялары Алматы облысының коммуналдық меншігінен республикалық меншікке ауыстырылған болатын.

«Қорғас» халықаралық шекара маңы ынтымақтастығы орталығы – екі мемлекеттің шекаралас аумақтарында орналасқан...

АҚШ қор индекстері сейсенбіде сауда-саттықты теріс мәнде аяқтады, инвесторлар корпоративтік есептерді бағамдауда және АҚШ-тағы инфляция туралы статистиканы күтіп отыр.

Сәуір айындағы Штаттардағы тұтыну бағасының динамикасы туралы деректер сәрсенбіде жарияланады. Trading Economics-ке сұхюат берген сарапшылар сәуірде Штаттардағы инфляция наурыздағы 5% деңгейінде қалды деп болжайды.

Базалық инфляция (азық-түлік пен жанармай бағасын қоспағанда) 5,6% – дан 5,5% – ға дейін төмендеді деген үміт бар.

Инфляцияның баяулауы ақша-несие саясатының қатаңдату циклінде кідіріс тудыруы мүмкін, дейді сарапшылар. Нарық қатысушылары маусым айында өтетін келесі отырыста Орталық банк мөлшерлемені көтермеу ықтималдығы 82% деп есептейді.

Компания бірінші тоқсандағы ең нашар кіріс туралы есеп бергеннен кейін және Аризонадағы зауытын...

Фото: shutterstock.com

Еуропа Одағы Израиль әуе күштері Газа секторына жасаған соққысының салдарына алаңдап отыр. Бұл туралы Еуропалық сыртқы саясат қызметінің (EBU) ресми өкіліне сілтеме жасай отырып Интерфакс агенттігі хабарлады.

«Еуропа Одағы Израильдің бүгінгі әуе шабуылдарынан кейін Газадағы жағдай шиеленісіп кете ме деп қатты алаңдайды. ЕО бейбіт тұрғындардың, соның ішінде балалардың қыршын кетіп жатқанына қайғырып, халықаралық гуманитарлық құқықты құрметтеуге шақырады. Кез келген жағдайда бейбіт тұрғындардың өмірі қорғалуға тиіс», делінген Брюссельде жарияланған мәлімдемеде.

EBC өкілі Еуропалық Одақ қос тарапты барынша ұстамдылыққа, тыныштықты сақтау мен аймақтық тұрақтылық үшін жұмыс істеуге шақыратынын атап өтті.

Сейсенбі күні Times of...

Қасым-Жомарт Тоқаев Президент Жеңістің 78 жылдығына орай Мәскеудегі Қызыл алаңда өткен әскери парадқа барды. Сондай-ақ Белгісіз жауынгер бейітіне гүл шоғын қою рәсіміне қатысты. Бұл туралы Ақорданың баспасөз қызметі хабарлады.

Парадта Мемлекет басшысы Қасым-Жомарт Тоқаевпен және Ресей Президенті Владимир Путинмен қатар Беларусь Президенті Александр Лукашенко, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Өзбекстан Президенті Шавкат  Мирзиёев, Армения Премьер-министрі Никол Пашинян болды.

Мемлекет басшысының баспасөз қызметі оның 8-9 мамыр күндері Ресейге сапарлайтынын хабарлаған болатын. Ол сапар аясында 8-мамыр күні Мемлекет басшысы Ресейдің Ржев округі Трубино деревнясындағы бауырластар зиратына гүл шоғын қойды. Бұл жерде...

Фото: Автордан

Қазақстаннан АҚШ-қа барып, түрлі салада жетістікке жетіп, бизнесін дөңгелетіп отырған жастар аз емес. Солардың бірі, қарағандылық Айдын Есенгелді. АҚШ-та тағылымдамадан өтіп жатқан «Kursiv.media» тілшісі Гүлвира Биғалиева, кәсіпкерден арнайы сұхбат алған еді. Сұхбаттың видеонұсқасын төмендегі сілтемеден көруге болады.

Осы уақытқа дейін Қазақстанда талай бизнесті бастап, пандемияның кесірінен тақырға отырған Айдын ақшасыз, жұмыссыз қалады. Әлемді аралап, Қытайда білім алған ол қанша қиындықты бастан кешсе де, тәуекел етіп Америкаға жол тартқан.

Нью-Йоркқа келген күннен бастап, Қытай мен АҚШ арасын жалғайтын бизнес құрған Айдын Есенгелді «Yess» компаниясын құрып, түрлі керек-жарақтың барлығын осы компаниясы арқылы тасымалдайтын болды.

Үш түрлі бағытта бизнесін дөңгелетіп...

Фото: kursiv.media

Он жерден керемет идея болса да, кейде оларды іске асыру қиын болып жатады. Өйткені жүзеге асырған кезде оны жан-жақты зерттеп, артықшылығы мен кемшілігін таразылап алу қажет. Сол тұрғыдан алып қарағанда әр стартапшыны зерттеуші десек болады. Ол іске асатын, табыс әкелетін, әрмен қарай ісі дөңгелеп кететіндей бизнес-модель іздейді. Бүгінгі материалымызда бизнес бастаған кезде қандай қадамдардан бастау керегін айтамыз. 

Мемлекет басшысы Қасым-Жомарт Тоқаев қазақстандықтарды Жеңіс күнімен құттықтап, бұл күннің ел тарихында айрықша орны бар мереке екенін атап өтті.

«Сондай-ақ бейбітшілік пен бостандық үшін күрескен аға буынның жанқиярлығын, қажымас қайраты мен ерік-жігерін әйгілейтін мейрам. Сұрапыл соғыс жылдарында отандастарымыз қайсарлық пен қаһармандықтың теңдессіз үлгісін танытты», делінген құттықтауда.

«Соғыста опат болған боздақтарымыздың рухына тағзым етіп, ардагерлерімізге лайықты құрмет көрсету – біздің перзенттік борышымыз» деді Қасым-Жомарт Тоқаев.

Жеңімпаз аға буынның өшпес ерлігі – кейінгі ұрпаққа үлгі-өнеге деген Президент, Майдангерлер жан аямай қорғаған азаттық, әділдік, теңдік құндылықтары Әділетті Қазақстан үшін де мызғымас темірқазық болып қала беретінін атап өтті.

10 мамырда Индонезияның Флорес аралында Оңтүстік-Шығыс Азия елдері қауымдастығының саммиті басталады. Бұл туралы Хабар 24 хабарлады.

АСЕАН деген атымен белгілі бұл ұйымға 10 мемлекет енген. Осы аралдың тұрғындары бұл шараға үлкен үміт артып отыр. Өйткені елді мекенде негізінен балықшылар тұрады. Флорес аралы болашақта бүкіл әлемге белгілі шипажайға айналуы мүмкін.

Сондықтан туризм саласы дамитын болса, жергілікті тұрғындар жаңа кәсіппен айналысады, дейді жергілікті билік өкілдері.