Жаңалықтар

AMANAT билік партиясы мәслихат пен мәжіліс сайлауына үміткерлер тізімін жариялады. Олардың қатарында мәжілістің бұрынғы төрағасы Ерлан Қошанов, экс-білім министрі Асхат Аймағамбетов және тағы басқалары бар.

AMANAT партиясы Астанда кезектен тыс  XXV съезін өткізіп, мәслихаттарға 3821, Мәжіліске 119 кандидат ұсынды.

Партиядан үміткерлер қатарында ғалым, QazBioPharm ұлттық холдингінің бас директоры, QazVac вакцинасын әзірлеушілердің бірі Күнсұлу Закарья, кәсіпкер, Green Tal әлеуметтік шеберханасының директоры Эмир Әскеров, саяси бақылаушы Никита Шаталов, «Адам және заң» республикалық заң газетінің бас директоры Марат Бәшімов, Ұлттық тестілеу орталығының экс-басшысы Дидар Смағұлов, бұрынғы ақпарат вице-министрі Александр Данилов, қазақстандық спортшы, боксшы Фируза Шәріпова бар.

Үміткерлердің толық тізімімен...

Google компаниясы ChatGPT нейрондық желіге бәсеке болатын жаңа «Bard» қызметтін іске қосады. Бұл туралы Bloomberg сайты жазды.

Компания «Bard» атты жаңа қызметіне тәжірбие жасауға дайын екендігін мәлімдеді. Ресми түрде бұл қызмет алдағы апталарда іске қосылады деп күтілуде.

«Bard» атты жаңа сөйлесу қызметінің берген жауаптары ақпарат жағынан сапалы, қауіпсіз және сенімділігінің жоғары стандарттарға сәйкес келетініне көз жеткізу үшін біз оны өзіміздің ішкі тестілеумен біріктіреміз», – дейді «Alphabet» бас директоры Сундар Пичаи.

Айта кетейік, жаңа қызмет түрі қарапайым сұрақтарға нақты жауап береді.

Google компаниясының өкілінің айтуынша, бұндай тәжірбиелер компанияны жұмысын жақсартуға және тұрақты пайдаланушылардың нақты не керек екенін түсінуге көмектеседі.

Астанада Ұлттық экономика министрі Халықаралық валюта қорының бюджеттік мәселелер жөніндегі Департаментінің аға экономисі – миссия Басшысы Сахе Де Клэркпен кездесу өткізді. Әлібек Қуантыров ХВҚ сарапшыларының екі апталық миссия барысында елдің бюджет-салық саласының ашықтығын бағалау үшін ақпарат жинау және талдау бойынша ауқымды жұмыс жүргізгенін атап өтті, -деп хабарлайды http://t.me/presseconomy телеграм арнасы.

Халықаралық сарапшылардың алдын ала бағалауына сәйкес, Қазақстан бюджетті жоспарлау мен орындауды жүзеге асыру үшін жеткілікті нормативтік негізбен қамтамасыз етілген. Атап айтқанда, Бюджет кодексі нақты реттеуші құжат болып табылады.

Сондай-ақ, олар макроэкономикалық болжамдардың жеткілікті түрде негізделгенін және уақтылы жасалғанын атап өтеді. Сонымен қатар, Қазақстанның қаржылық ашықтығын одан әр...

Құжат Ұлттық Банктің баға тұрақтылығын қамтамасыз ету мақсатына, сондай-ақ қаржылық тұрақтылық саласындағы рөліне негізделген және оның стратегиялық, орта мерзімді зерттеу міндеттерін айқындайды. Бұл туралы Ұлттық Банк хабарлады.

Бұл мақсаттарға тұрақты қол жеткізу экономикалық ортаны, өзара ықпал ету арналарын қалыптастыратын көптеген факторларды зерделеу мен есепке алуды, Қазақстан экономикасы бетпе-бет келетін сын-тегеуріндерді нақты пайымдауды талап етеді. Құжат негізгі бес бағыттан тұрады:

Әрбір бағыт бойынша жан-жақты зерттеуді қажет ететін қойылуы мүмкін сұрақтар қалыптастырылған. Алдағы уақытта сол...

Үкімет отырысында Премьер-министр көкөніс өнімдерінің тапшылығына байланысты жергілікті әкімдіктердің жұмысына көңілі толмайтынын айтып, олардың жұмысын сынға алды.

Оның айтуынша, Үкіметтің алдында тұрған міндет 2023-ші жылдың қорытындысы бойынша инфляцияның деңгейін 10%-тен асырмау.

Бұған қол жеткізуге әбден болады, деген Үкімет басшысының сөзінше, бұл үшін барлық өңірлердің азық-түлік бағасын тұрақтандыру, әсіресе, маусымаралық кезеңде бағаны ұстап тұру бойынша белсенді жұмысы қажет.

«Біз өткен жылғы егіннен қажетті қор жинақтап алдық. Сондықтан, белгіленген бағамен көкөніс өнімдерінен тапшылық болмауы тиіс еді. Әкімдерге бағаны ұстау үшін қажетті тетіктердің барлығын бердік. Қаржы да бөлінді. Бірақ, баға бәрібір өсіп жатыр. Әкімдіктердің тиімді жұмысын көріп отырғанымыз...

Сауда және интеграция министрі Серік Жұманғарин жыл басталғалы әлеуметтік маңызы бар тауарлардың қаншалықты қымбаттағанын айтты.

«Жыл басынан бері ең жоғары өсім пияз (22,5%), күріш (5,2%), қырыққабат (4,1%), сүт және сәбіз (3,1%), картоп (3,0%), рожки (2,6%) өнімінде тіркелді», – деді Жұманғарин үкімет отырысында.

Министрдің айтуынша, 2023 жылдың қаңтарының қорытындысы бойынша инфляция 1,1%, оның ішінде азық-түлік 1,4%, азық-түлік емес 0,9%, ақылы қызметтер 0,7%-ды құрады.

«Азық-түлік инфляциясының ең жоғары деңгейі Астана және Шымкент қалаларында 2,2%-дан, Қызылорда және Солтүстік Қазақстан облыстарында 1,8%-дан, Ақтөбе облысында – 1,7%, Ұлытау облысында – 1,5% құрады», деді ол.

Сондай-а...

Мемлекеттік департаменттің Консулдық істер бюросы ұсынған іскерлік және туристік статистикасына сәйкес, 2022 жылы Қазақстан Республикасының азаматтарына АҚШ-қа виза беруге шектеу бары жазылған.

Егер 2020 жылы Қазақстан Республикасының азаматтарына виза беруден бас тарту деңгейі – 47,34 % құраса, 2021 жылы бұл көрсеткіш – 43,29 пайызға жеткен. Ал 2022 жылы тіптен – 44,02% көрсеткішіне дейін жеткен.
Сонымен қатар, санкцияларға қарамастан, ресейліктерге виза беріледі. Виза беруден бас тарту деңгейіне келетін болсақ, 2020 жылы – 17,79%, 2021 жылы – 29,42%, 2022 жылы – 26,18% құрады.
2020 жылы Қырғызстан азаматтарына АҚШ-қа виза беруден бас тарту пайызы өте жоғары болды. Тіптен – 65,6% құрады. 2021 жылы көрсеткіш...

«Астана» халықаралық қаржы орталығында ITS жаңа халықаралық сауда хабы жұмысын бастайды. Ол реттеуші рұқсаттарды алған соң, инвесторларға әлемдік ең ірі компаниялардың мыңдаған шетелдік акцияларын сатып алуға мүмкіндік береді. Жаңа платформаның басты артықшылықтарының бірі – әлемдік нарықтағы ең жақсы бағамен мәмәле жасай отырып, тәулігіне 16 сағат бойы Азия, Еуропа мен АҚШ-та бағалы қағаздармен сауда жасау мүмкіндігі болмақ.

ITS классикалық мағынадағы жаңа биржа емес. Бірақ Қазақстандағы KASE және AIX алаңдарымен бірге жұмыс істейтін қосымша сауда алаңына айналады. ITS – көпжақты сауда объектісі (MTF), оның классикалық қор биржаларынан айырмашылығы – бағалы қағаздардың бастапқы листингі, яғни IPO болмайды. Әлемнің түкпір-түкпірінен мыңдаған құралдарды сатуға...

2022 жылы елімізде 130 мыңнан астам тұрғын үй салынды. Алайда сегіз өңір тұрғын үйді пайдалануға берудің жоспарын орындай алмады. Бұл туралы индустрия және инфрақұрылымдық даму министрі Марат Қарабаев үкімет отырысында мәлімдеді.

«Тұрғын үйді іске қосудың жалпы республикалық жоспарлы көрсеткіші 101,8 %-ға орындалды. 2022 жылы 15,1 млн шаршы метр салынады деп жоспарланды. Бір жылда 15, 4 млн шаршы метр тұрғын үй салынды», деді Марат Қарабаев.

Астана (+18,5 %) және Алматы (+14,7 %) қаласы әкімдері жоспарлы көрсеткішті асыра орындады.

«8 өңір тұрғын үйді пайдалануға берудің жоспарын орындаған жоқ, оның ішінде Ұлытау (52,8 %), Солтүстік Қазақстан (74,8 %) және Атырау (86,8 %) облыстарының көрсеткіштері ең төмен», – деді министр.

2023 жылы 15 млн...

Мұздатылған етті еріту кезінде одан бөлінетін судың белгілі нормасы бар. Ол 4%-тен аспауы керек. Бұл туралы Хабар 24 Техникалық реттеу және метрология комитетінің төрағасы Қуаныш Елікбаев мәлімдемесіне сілтеме жасап хабарлады.

«Өңделген құс етіне фосфат пен тағам дәмін күшейткіш ағзаға зиянды заттарды қосуға қатаң тыйым салынған. Ережеге бағынбағандарға 600 мың теңгеге дейін айыппұл салынуы мүмкін. Бұл біздің ғана емес, Армения, Беларусь, Қырғызстан және Ресей елдері қолданатын бірыңғай стандарт», – дейді комитет төрағасы.

«Тіпті мерзімі өткен құс етіне тамақ дәмін күшейтетін консерванттарды қосатындар да бар. Бірақ жаңа ережеге сәйкес енді мұндай жағдай орын алмауы тиіс»-деді Қуаныш Елікбаев.

Қазақстандық құтқарушылар жер сілкінісінен зардап шеккендерге көмек көрсету үшін Түркияға аттанды. Бұл туралы Төтенше жағдайлар министрлігінің баспасөз қызметі хабарлайды.

Тиісті тапсырманы Қазақстан Президенті Қасым-Жомарт Тоқаев берді. Борт бірінші кезекте Газиантеп қаласына барады.

Жасақ құрамында Қазақстан ТЖМ құтқарушылары, кинологиялық есептер және Апаттар медицинасы орталығының медицина қызметкерлері бар.

ТЖМ құтқарушыларының иелігінде құтқарушы құрал-жабдықтары: гидравликалық және пневматикалық жабдықтар, гидравликалық домкраттар, пневмодомкраттар, перфораторлар, жарықтандыру құралдары, палаткалар, спутниктік терминал, каркасты модуль, автотехника бар.

Естеріңізге сала кетейік, Мемлекет басшысы Түркия Президенті Режеп Тайип Ердоғанмен телефон арқылы сөйлескен еді.

Телефон арқылы сөйлесу барысында Президент Қасым-Жомарт Тоқаев Түркияның бірнеше провинциясында болған жойқын зілзала салдарынан көптеген адамның қаза...

Apple компаниясы рекордтық қымбат смартфон шығаруды көздеп отыр. Бұл туралы Bloomberg хабарлайды.

Сарапшы Марк Гурманның айтуынша, американдық компания 2024 жылы өз қатарындағы ең қымбат смартфонды шығаруы мүмкін. Гурман iPhone 16 Ultra моделінің бағасы кем дегенде 1 099 долларға тұруы мүмкін.

Марк Гурман iPhone 16 Ultra құрылғысы ең озық құрамдас бөліктер мен мүмкіндіктерді алатынын айтты. Сарапшы болашақ флагманның үлкейтілген дисплейі, ең өнімді чипі және жетілдірілген камерасы болуы мүмкін екенін атап өтті.

2022 жылы табиғи апаттардан келген экономикалық шығын 260 миллиард  долларға жеткен.

Бұған тосқауыл қоюдың бірден бір жолы – көміртек шығындыларын азайту және экономиканы қоршаған ортаны қорғау бағытына бұру.  Әуелгіде мұны жай ғана дүрлігу деп елемегенімен, сан тараптан соққы берген алапат апаттар ойланбасқа шара қалдырмады. 2019 жылдың тамыз айында АҚШ тың 180-нен аса алпауыт компаниясы бас қосып, заманауи экономика моделі жөнінде ақпарат жариялайды.

Олардың тұжырымынша, бүгінгі дәстүрлі экономиканың түбі құлдырауға соқтырады. Сондықтан, уақыт  оздырмай заманауи, кемел болашаққа құрылған бизнес модель құру қажет. Яғни, экономиканың өсуіне ықпал ететін негізгі факторлар ескерілуі тиіс.

Мамандар экономиканың үш факторға сүйенетінін алға тартады: Бірінш...

Тауарлық газ өндірісі 25,5%-ке, көмір өндіру 3%-ке артып, мұнай, газ, химия өнімдерінің көлемі де 6,5 есеге ұлғаяды. Бұл туралы Хабар мәлімдеді.

Электр энергетикасына қатысты жаңа жобалардың арқасында 12 ГВт-қа жуық қосымша қуат алуға мүмкіндік туады. Жаңартылатын энергияның үлесін 12,5%-ке жеткізу де жоспарда бар. Премьер-Министрі Әлихан Смайылов республиканың бірыңғай энергия жүйесін құру жұмыстарын тиімді жүргізуді тапсырды.

Қазақстанның шағын шаруа қожалықтарында биылдан баламалы энергия көздері мен ылғал үнемдейтін технологиялар пайдаланыла бастайды. Біріккен Ұлттар Ұйымының Даму бағдарламасы негізінде жүзеге асып жатқан бұл жобаны Жапония мемлекеті қаржыландырып отыр.

Өткен жылдың күзіне дейін «Атамекен» ҰКП сайтында шаруа қожалықтарынан осы жоба бойынша өтінімдер қабылданған.  Онда 36 фермер қатысуға ниет білдірген. Осы күнге дейін ол өтінімдердің БҰҰ Даму бағдарламасы бекіткен критерийлерге сәйкестігі анықталып, ішінен 10 шаруа қожалығы іріктелді. Атап айтқанда, жылқы шаруашылығы, етті мал шаруашылығы, құс және қой шаруашылығы, көкөніс шаруашылығы, дәрілік шөптер мен жидек өсіру, балық шаруашылығы, сүт-тауар шаруашылығы, сүт өңдеу сияқты 10 бағыт негізге алынған.

Ал іріктеуден со...

Түркия президенті Режеп Тайып Ердоған жер сілкінісі салдарынан қаза тапқандар үшін елде бір апталық аза тұту жариялады.

«Елімізде 2023 жылдың 6 ақпанында болған жер сілкінісіне байланысты жеті күндік ұлттық аза тұту жарияланды», делінген түрік БАҚ-ы таратқан Ердоғанның мәлімдемесінде.

«Біздің туымыз 2023 жылдың 12 ақпаны, жексенбі күні күн батқанға дейін барлық ұлттық және шетелдік миссияларда түсіреміз», деп қосты ол.

Биыл көктемгі егіс жұмыстарын жүргізуге 413 мың тонна дизель отыны бөлінетін болады. Бұл туралы АШМ баспасөз қызметі хабарлады.

Дизель отынының тапшылығын, сондай-ақ мұнай өңдеу зауыттарының біркелкі жүктемесін болдырмау үшін дизель отынын жеткізу ақпан айынан бастап кесте бойынша біркелкі жүргізіледі.

Энергетика министрлігі ақпан айына дизель отынының кепілдік берілген көлемінің құнын МӨЗ-ден тоннасына 222 мың теңге деңгейінде айқындады. Жеткізу бойынша шығыстарды ескере отырып, қазақстандық шаруалар үшін жанармайдың түпкілікті құны жанармай құю станцияларының нарықтық бағасынан 15-20%-ға арзан болады деп күтіліп отыр.

Дизель отынын жеткізу кезеңінде Ауыл шаруашылығы министрлігі Энергетика министрлігімен бірлесіп, өңірлерге МӨЗ-ден жөнелту кестесінің сақталуына күнделікті мониторинг жүргізетін болады.

2023 жылы облыс...

Иран билігі әйелдердің қоғамдық орындарда хиджаб киюін бақылауға алмақ, деп хабарлайды Хабар 24 тілшісі.

Бұл талаптың орындалуы бейнекамералардың көмегімен бақыланатын болады. Біріншіден, әйелдерге мәтіндік хабарламалар арқылы құқық бұзушылық туралы ескертіледі, ал екінші рет айыппұл салынады.

Ақмолалық зейнеткер шетелдік «нейрохирургке» сеніп, 5 млн теңгесінен айырылды, – деп хабарлайды Polisia.kz.

Өзін Сириялық нейрохирург деп таныстырған алаяқпен хат алмасқан ақмолалық 5 млн теңгесінен айырылды. Зейнеткердің ақшасын жалған БҰҰ өкілдері әскери дәрігердің Қазақстанға ұшуын ұйымдастыру қажет деп алдап иеленген.

Щучинск қаласының 71 жастағы тұрғыны ерекше алаяққа тап болды. 5 ақпан күні зейнеткер жергілікті полиция бөліміне хабарласып, шетелдікпен хат алмасқаннан кейін 4,9 млн теңгесінен айырылғанын айтты. Алты айға жуық уақыт бойы алаяқтар шетелдіктің Қазақстанға кедергісіз ұшып келуі үшін жәбірленушіден әртүрлі себептермен АҚШ доллары түрінде қаражат сұрап отырған. Алаяқтық фактісін полицейлер ҚР ҚК-нің 190-бабы 3-бөлігі (Алаяқтық) бойынша сотқа...

АҚШ-тың азық-түлік өндірушісі Tyson Foods 2023 қаржы жылының бірінші тоқсанында таза кіріс күрт төмендеді.

Есепті кезеңде компанияның таза табысы 316 миллион АҚШ долларын немесе бір акцияға 0,88 долларды құрады. Өткен жылдың сәйкес кезеңіндегі 1,12 миллиард доллар немесе бір акция үшін 3,07 доллар болған.

Өткен тоқсанда сиыр етін сату көлемі 2,9%-ға, тауық еті – 2,5%-ға, дайын өнім – 1,2%-ға өсті. Сонымен бірге шошқа етін сату 7,4% төмендеді.

Американдық Starbucks Corp. 2025 жылдың соңына дейін Қытайдағы кофеханалар санын 9000-ға дейін арттыру жоспарын әлі де ұстануда, деп хабарлайды Синьхуа агенттігі компания басшылығының мәлімдемесіне сілтеме жасап.

Өткен жылдың соңында елдегі кофеханалар саны 6,09 мың болған. Қазан-желтоқсан айларында Starbucks 69 дүкен ашты, оның ішінде 10 жаңа қалада.

Компанияның пайымдауынша, COVID-19 пандемиясынан қалпына келетін Қытай нарығы үлкен тұтынушылық сұранысты тудырады.

Қытайдағы алғашқы Starbucks 1999 жылдың қаңтарында Бейжіңде ашылды.

Соңғы бір жылда Starbucks-тың капиталдандыруы дерлік 10%-ға (120 млрд долларға дейін) өсті, ал Standard & Poor’s 500 қор индексі осы кезеңде 8,1%-ға төмендеді.

2023 жылдың 6 ақпан күні Алматыда «Қазақстан аруы» ұлттық байқауының ұйымдастыру комитетінің баспасөз конференциясы өтті, онда жұртшылықты және шараға қатысқан әрбір адамды толғандыратын маңызды мәселелер мен соңғы жаңалықтар айтылды.

Баспасөз конференциясына байқау президенті Айдай Исаева, жоба директоры Катрин Безверхова және байқаудың PR директоры Кәмшат Әкімқожақызы қатысты.

«Қазақстан Аруы – 2022» атағының иегері Томирис Кәкімова биыл мамыр айында өтетін әлемдік сұлулық байқауына дайындықты бастап кетті. Байқаудың қай күні және қай елде өтетіні әлі белгісіз, ұйымдастыру комитеті байқау ұйымдастырушыларынан нақты ақпарат күтуде.

Томирис Кәкімованы байқауға жіберуді қаржыландыру және демеушілер іздестіру мәселесі талқылануда. Қазақстандағы «Әлем аруы» сұлулық байқауының эксклюзивті лицензиясының иегері ретінде «Қазақстан...

Мемлекет басшысына Агенттіктің былтыр атқарған жұмыстары мен оның тапсырмаларының орындалу барысы жөнінде есеп беріліп, алдағы кезеңге арналған жоспары туралы баяндалды.Бұл туралы Ақорда баспасөз қызметі хабарлады.

Президентке мемлекеттік қызметке кіру ісіндегі артық кедергілерді жою, одан шығу тәртібін жеңілдету үшін жүргізілген жұмыстар туралы мәлімет берілді. Дархан Жазықбаевтың айтуынша, мемлекеттік қызметке іріктеу және қабылдау процесін толық цифрландыру мақсатында «Е-қызмет» жүйесі жаңғыртылды және оның базасында биыл 1 наурыздан бастап жаңа іріктеу жүйесі пилоттық жоба ретінде іске қосылады.

Агенттік төрағасы бюрократиялық кедергілерді азайтуға бағытталған мемлекеттік органдардың қызметін талдау нәтижелері туралы да баяндады. Дархан Жазықбаев Агенттікті толыққанды HR-институтқа айналдыру жөніндегі жоспарлы шараларға арнайы тоқталды.

Бұдан бөлек...

«Қазақстан халқына» қоғамдық қоры ауыр және орфандық сырқаты бар азаматтарды дәрі-дәрмекпен қамтамасыз етуді жалғастыруда. Өткен жылдан бері Қор ауыр, сирек (орфандық) өмірге қауіп төндіретін және созылмалы дерті бар 131 науқасқа (оның ішінде 100-і бала) 15,5 млрд теңгеден астам сома болатын дәрі сатып алды.

Оның ішінде онкологиялық ауруы бар 24 адам жалпы сомасы 2 млрд 271 млн теңгеге «Китруда», «Лорбрена», «Алунбриг», «Рибоциклиб», «Атезолизумаб», «Ленвима», «Кискали», «Карзиба» препараттарымен қамтамасыз етілді. Сондай-ақ «Коселуго» дәрісі бойынша шарт жасалып, 3 балаға жеткізіледі деп күтілуде.

Мысалы, 2 млрд теңгеге нейробластома диагнозы қойылған 13 балаға «Динутуксимаб бета» («Карзиба») дәрісі алынды. Оның ішінде өңірлерден 9 бала Алматы қаласындағы...