Жаңалықтар

Ғани Бейсембаевты оқу-ағарту министрі қызметінен алар қарсаңында өңірлердегі ұстаздар Астанаға барып, Ақорда алдында ереуіл өткізбек болған. Өйткені жеке мектептердің біразы мамыр айының ақысын әлі ала алмай жүр. Бұл туралы Kursiv.Media-ға Жекеменшік білім беру ұйымдарының республикалық қауымдастығы төрайымы Роза Садықова айтты.

Ұстаздар ереуілі

«Қазіргі жағдайды баяндар болсам, мамыр айының ақысын әлі алмаған мектептер бар. Ұстаздардың конституциялық құқығы бұзылды деп санаймыз. Мұғалімдер мен кәсіпкерлер бүгінгі күнге дейін шыдап келді. Расында да, Ақорданың алдына барамыз деген сөздер шықты. Қауымдастығымдағы мектептер емес. Түркістан облысы және басқа да кәсіпкерлер ереуіл өткізу үшін бейсенбі күні (25 қыркүйек) Астанаға барады...

Интернет алаяқтар «Darknet» нарығымен байланысты «RAKS exchange» сервисі арқылы заңсыз жолмен табылған қаражатты жылыстатып отырған. Бұл туралы Қаржылық мониторингі агенттігі хабарлады.

«Блокчейн арқылы криптотранзакцияларды бақылау барысында интернет-алаяқтық пен есірткі саудасынан түскен кірістерді жылыстатуға кәсіби қызмет көрсеткен «RAKS exchange» атты криптоайырбастау сервисі анықталды. Аталған сервис қылмыстық ортада жоғары беделге ие болған және 5 млн астам қолданушысы бар 20 ірі «Darknet» нарығымен жұмыс істеген», – делінген агенттік хабарламасында.

Агенттік мәліметінше, бұл сервис арқылы ТМД елдеріндегі Қазақстан, Ресей, Украина және Молдова елдерінің 200-ден астам есірткі дүкендері 3 жыл қатарынан заңсыз қаражат жылыстатып келген.

Жалпы бұл платформа...

Дүйсенбі, 29 қыркүйек күні Қазақстан қор биржасындағы саудада теңге құнсызданды. АҚШ долларының бағамы 4 теңгеге өсіп, күндізгі сауда қорытындысы бойынша 548,79 теңге деңгейінде қалыптасты.

Биржадағы мәміле шамамен 250 млн доллар көлемінде жасалған. Сарапшылардың пікірінше, валюта бағамы алдағы уақытта 548,7–₸549,5 теңге дәлізінде тұрақталуы мүмкін.

Айырбастау пункттерінде доллар қазірдің өзінде 550 теңгеден жоғары сатылып жатыр.

Өткен апта соңында да теңге қысымға ұшыраған еді: жұма күні сауда 545,80 теңге деңгейінде жабылып, орташа сараланған курс 544,45 теңге болып, апталық максимумды тіркеген.

Германияның ең ірі әуе компаниясы Lufthansa 2030 жылға дейін әкімшілік аппараттағы шамамен 4000 жұмыс орнын қысқартатынын жариялады. Үнемдеу цифрландыру, автоматтандыру және үдерістерді тиімдірек ету есебінен жүзеге аспақ, деп жазады Euronews.

Lufthansa біраз уақыттан бері пайда азайып, шығындардың көбейіп жатқанымен күресіп келеді. Компания ішіндегі дереккөздер алдағы жылдары Lufthansa әкімшілік аппаратының шамамен 20 пайызын қысқартатынын хабарлаған.

Дүйсенбі күні Мюнхенде өтетін инвесторларға арналған іс-шарада компания шығындарды қысқарту жоспарын таныстырады деп күтіліп отыр.

Француздың AirFrance-KLM немесе британдық British Airways компанияларына қарағанда, Lufthansa соңғы жылдары позициясын қалпына келтіруде қиналып келеді. Компания көрсеткіштері әлі де 2019 жылғы, яғни коронавирус пандемиясына дейінгі деңгейден төмен.

Бір жылдан сәл астам уақыт бұрын Lufthansa...

Chery компаниясы Tiggo 8 кроссоверінің жаңартылған нұсқасының алғашқы суреттерін жариялады. Бұл модель келесі буын ретінде таныстырылып отыр. Жаңа модельдің сыртқы келбеті жаңарып, айтарлықтай үлкейген. Ресми таныстырылымы 2025 жылдың IV тоқсанына жоспарланған.

Жаңа Chery Tiggo 8 үшін алдыңғы бөліктің екі түрлі дизайны әзірленген. Екеуі де қазіргі нұсқамен салыстырғанда өзгеше. Бірінші нұсқада дәстүрлі жарық элементтері қолданылған, жүріс шамдары BMW маркасының оптикасын еске салады. Екінші нұсқада негізгі шамдары бамперге жасырылған, екі қабатты фаралар орнатылған. Сонымен қатар, бұл нұсқалар радиатор торының пішіні мен ішкі құрылымы, бампердің сыртқы пішіні жағынан да ерекшеленеді. Артқы бөлікте енді біртұтас жарық шамы пайда болып, шығатын түтік конфигурациясы өзгертілген.

Жаңа Tiggo...

Түркістан облысында 46 млрд теңгеге салынып жатқан «Қасқасу» тау-шаңғы курорты құрылысы 2029 жылы аяқталады. Бұл туралы орталық коммуницкациялар қызметінде өткен брифингте Туризм индустриясы комитетінің төрағасы Нұртас Кәріпбаев айтты.

Облыс әкімдігі «Қасқасу» тау-шаңғы курорты инфрақұрылымы, электрмен жабдықтау және кәріз құрылысына қолдау көрсету үшін шамамен 3 млрд теңге бөлген.

«Әкімдік ақпараты бойынша, жобаның құны шамамен 46 млрд теңге. Құрылыс 2029 жылға дейін жалғасады, құрылыс-монтаждау жұмыстары 2024-2028 жылдары жүргізіледі», – деді Кәріпбаев.

«Қасқасу» тау-шаңғы курорты салынатыны 2019 жылы айтылды. Сол кезде жоба Түркістан облысының 2024 жылға дейінгі әлеуметтік-экономикалық дамуының кешенді жоспарына енгізілді.

Жоспар бойныша теңіз деңгейінен 1750-ден...

«Солтүстік Қазақстан облысы бойынша «Азаматтарға арналған үкімет» Мемлекеттік корпорациясы» Ресейдің 720 азаматына жеке сәйкестендіру нөмірін заңсыз берген. Бұл туралы Бас прокуратураның баспасөз қызметі хабарлады.

«Солтүстік Қазақстан облысының прокурорлары шетел азаматтарына жеке сәйкестендіру нөмірлерін беру кезінде заң бұзушылықтарды анықтады», – делінген баспасөз хабарламасында.

Прокуратура мәліметінше, «Солтүстік Қазақстан облысы бойынша «Азаматтарға арналған үкімет» Мемлекеттік корпорациясы» КАҚ филиалы заң талаптарына қайшы келетін әрекеттерде жол берген. Нәтижесінде 720 шетелдік азаматқа Қазақстан Республикасының аумағында болмағанына қарамастан, өтініштері рәсімделіп, жеке сәйкестендіру нөмірлері бірелген.

Прокуратура шешімімен заңда көрсетілген нормаларға сәйкес, мұндай жеке сәйкестендіру нөмірлерінің күші жойылып, кінәлі азаматтар жауапқа...

29 қыркүйек күнгі сауда сессиясында ForteBank (тикер: ASBN) акцияларының құны күрт төмендеді. Бағалы қағаздар 9,5% арзандап, ₸16,80 теңгеден сатылды. Бұған Қазақстан жеке инвестора қауымдастығы назар аударды

Жалпы сауда көлемі 35,6 млн теңгені құрады. Айта кету керек, ASBN бағалы қағаздары KASE индексінің құрамына кірмейді.

Қыркүйек айының басында ForteBank акциялары екі есе арзандап барып қайта қымбаттаған болатын. Ол кезде банк бағалы қағазы 22,26 теңгеден 12,26 теңгеге дейін арзандады.

Жақында қаржы ұйымы Home Credit Bank акцияларының 26,8%-ын сатып алды.

ForteBank-тің түпкі иесі – кәсіпкер Болат Өтемұратов. Forbes оның дәулетін 3,7 млрд доллар деп бағалап, Қазақстандағы ең бай...

Halyk Bank Ресейдің Тула қаласында орналасқан парк-отельді 5,7 млрд теңгеге сатуды жоспарлап отыр. Бұл ақпарат банктің Halykzalog сайтында жарияланған.

Қонақүй кешенінің жалпы аумағы шамамен 10,5 мың шаршы метрді құрайды. Оның ішінде 8,3 мың шаршы метрі пайдалануға берілген, ал 2,2 мың шаршы метріне VIP-корпус пен SPA-орталықтың құрылысы аяқталмаған.

Отель Тула қаласының «Мәскеу» вокзалынан 12,2 шақырым және автовокзалдан 8,6 шақырым жерде орналасқан. Кешен бес негізгі корпустан және бірнеше инфрақұрылымдық нысандардан тұрады.

Мұнда мейрамхана, лобби-бар, спорт залы, конференция және банкет залдары, балалар бөлмелері, ойын алаңдары, ойын-сауық паркі, от жағатын арнайы алаң, сондай-ақ күзетілетін автотұрақ бар. Конференц-залдар заманауи техникамен жабдықталған.

Қонақүйде барлығы...

Елдегі мұнай компанияларына жалпы, 50 млрд теңге көлемінде айыппұл салынған. Компаниялар оның тек 1 млрд теңгесін өтеген.

Жалпы елде жер қойнауын пайдалануға қатысты 327 келісімшарт жасалған. Оның 133-і барлаумен байланысты, 12-сі дайындық кезеңінде, 182 келісімшарт бойынша өндіру жұмыстары жүргізіледі.

Ал 2025 жылғы 1 маусымнан бастап ҚР Энергетика министрлігі қолданыстағы заңнамаға сәйкес, көмірсутектер саласындағы жер қойнауын пайдаланушылардың келісімшарттық міндеттемелерді орындауын мониторингілеу бойынша кешенді жұмыс жүргізген.

Бұл жұмыстар нәтижесінде жалпы мұнай компанияларына салынған айыппұлдар мен берешектердің жалпы сомасы 50 млрд теңге құрағанын анықтаған. Оның ішінде 2024 жылғы айыппұлдар көлемі – 19 млрд теңгені құраған.

«Жер...

Қасым-Жомарт Тоқаев Италия президенті Серджо Маттарелланы І дәрежелі «Достық» орденімен марапаттады. Ал Маттарелла Тоқаевқа Италияның ең жоғары наградасы – «Италия Республикасына сіңірген еңбегі үшін» орденін тапсырды. Бұл туралы Ақорда хабарлады.

Тоқаев Италия президентіне халықтың қолдауына ие болған көшбасшы, әлемге танымал беделді саясаткер деп баға берді.

«Еліңізде экономика, инновациялық технология саласында тың жобалар жүзеге асырылып жатыр. Экология, «жасыл» энергетика бағытында озық бастамаларыңыз бар. Италияның терең тарихы, бірегей мәдени мұрасы – бүкіл адамзаттың құнды қазынасы», – деді президент.

Айтуынша, екі ел арасындағы саяси диалог жоғары деңгейде жүріп жатыр. Сауда-экономикалық және мәдени-гуманитарлық байланыс қарқынды дамып келеді.

Маттарелла...

Қаржы нарығын реттеу және дамыту агенттігі мерзімі өткен берешекті реттеу бойынша іс-қимыл тетігі белгіленгенін еске салып, оларды қолдану тәртібін түсіндірді.

Қарыз талаптарын өзгерту

Қарыз алушы қаржылық қиындықтар туындаған жағдайда өз кредиторына (банк, МҚҰ немесе коллекторлық агенттік) міндеттемелерді орындау талаптарын өзгерту туралы жазбаша өтінішпен жүгіне алады.

Өтінішке қаржылық жағдайдың нашарлағанын немесе мерзімді кешіктірудің себептерін растайтын төмендегі құжаттардың бірін қоса беру қажет:

Үкімет алдағы үш жылда бюджеттен тыс қор құру, әлеуметтік бастамалар, мәдениет нысандары және жаңа әкімшілік ғимарат салуға қаражат бөлуге уақытша шектеу қойды. Бұл шешім мемлекеттік қаржының тиімділігін арттыруды және экономикалық өсімге серпін беретін жобаларды басымдықпен қаржыландыруды көздейді.

Мораторий аясында республикалық және жергілікті бюджеттен:

Сонымен қатар мемлекеттік органдар мен квазимемлекеттік сектор ұйымдары үнемделген қаржыны өз бетінше пайдалана алмайды. Тек орталық уәкілетті органдармен алдын ала келісілген жобаларға ғана...

Ресейге жұмыс іздеп барып, Украинадағы соғыста қаза тапқан Қазақстан азаматының мәйіті елге қайтарылды. Бұл туралы заңгер Мейірман Шекеев хабарлады.

Қаза тапқан азаматтың аты-жөні – Кәкімбек Мысаев. Ресейге 2024 жылдың басында жұмыс істеу үшін аттанған. Алайда жарты жыл өткен соң, Мысаев Украинадағы соғыстан бірақ шыққан. Туыстары бауырларының қалай соғысқа аттанып кеткенінен бейхабар. Кәкімбекпен 2024 жылдың соңында сөйлескен. Содан кейін хабар-ошарсыз кеткен.

«Ініміз Мысаев Кәкімбек Зейноллаұлы Ресей еліне 2024 жылдың қаңтар-ақпан айында жұмыс істеуге кеткен еді. Ресейде 6-7 ай шамасында жұмыс істеп жүрді. Соңғы рет 2024 жылдың желтоқсан айының басында хабарластық. Ол кезде де, өте асығыс...

Астанадағы орталық көшелердің біріне саяхатшы Марко Поло есімі беріледі. Бұл туралы Қасым-Жомарт Тоқаев пен Италия президенті Серджо Маттарелланың Ақордадағы кездесуі кезінде айтылды.

Кездесуде тараптар мәдени-гуманитарлық ықпалдастық мәселелеріне де ерекше көңіл бөлген. Марко Поло есімімен орталық көшеге беру қос мемлекеттің берік достығының символы болады.

Тоқаев Италияның Қазақстанның үш ірі сауда серіктестерінің бірі екенін айтқан. Италияның кейінгі 20 жылда экономикамызға 7,6 миллиард доллар инвестиция құйған.

Қазір Қазақстанда 250 италиялық компания жұмыс істеп жатыр.

«Италия Қазақстанның үш ірі сауда серіктестерінің бірі болып қала береді. Экономикалық ықпалдастығымыз өте қарқынды дамып келеді және оны одан әрі арттырудың әлеуеті зор...

«Қайрат» футбол клубының бас бапкері Рафаэль Оразбахтин мен қорғаушысы Егор Сорокин «Реал Мадридке» қарсы матч қарсаңында баспасөз конференциясын өткізді. Олар Чемпиондар лигасы аясындағы маңызды ойында қандай тактика қолданатынын айтты.

«Реал» Алматыда жеңу үшін барын салады

Оразбахтин «Реал Мадридті» «әлемдегі ең танымал клуб» деп атады. Оның пікірінше, Килиан Мбаппе бастаған испан командасы екі матч қатарынан ұтылмас Орталық стадионда барын салады деп есептейді. Екі күн бұрын, 27 қыркүйекте «Реал» Ла лигада жергілікті «Атлетикодан» 5:2 есебімен ұтылып қалған еді.

«Реал» Қазақстанда алғаш рет ойнағалы тұр. Сол себепті ол ең мықты футболшыларын алып келді. Соңғы матчта ұтылып қалғандықтан...

Атырау мұнай өңдеу зауытының бұрынғы басшысы Мұрат Досмұратов қайтыс болды. Қаралы хабарды «ҚазМұнайГаз» ұлттық компаниясы баспасөз қызметі жеткізді.

Белгілі мұнайшы Мұрат Досмұратов еңбек жолын «Петро Қазақстан Ойл Продакс» компаниясында технологиялық қондырғылардың операторы болып бастап, зертхана меңгерушісі, аға инженер, өндірістік-техникалық бөлімнің басшысы, бас технолог қызметтерін атқарған.

Ол көп жыл «ҚазМұнайГаз» ұлттық компаниясының құрылымында, соның ішінде «Kazakhstan Petrochemical Industries Inc», «KLPE», Атырау мұнай өңдеу зауытында және «ҚМГ Инжиниринг» компаниясында жауапты басшылық қызметтер атқарды.

Досмұратовқа қатысты сот

Мұрат Досмұратов 2024 жылы Атырау қаласы сотының үкімі негізінде Қылмыстық кодекстің 371-бабының 2-бөлігі бойынша қылмыстық құқық бұзушылық жасағаны үшін кінәлі деп танылып, қылмысты...

Алдын ала есеп бойынша «Қайрат – Реал Мадрид» ойынына 4 мыңнан аса турист келеді. Бұл туралы Туризм индустриясы комитетінің төрағасы Нұртас Кәріпбаев орталық коммуницкациялар қызметінде өткен брифингте айтты.

Маманның сөзінше, Алматы қаласы туристерді қабылдауға дайын.

«Квота бойынша бізге 4 мыңнан астам шетелдік турист келеді. Матч өткеннен кейін қанша шетел азаматының қай елден келгенін нақты айта аламыз. Стадион бойынша билет толық сатылған. Алматы инфрақұрылымы, қонақүйлері туристерді қабылдауға дайын», – деді Кәріпбаев.

Айтуынша, алдын ала болжам бойынша шетелдік туристерден бюджетке 2-3 млрд теңге қаражат түседі.

Испанияның атақты «Реал Мадрид» футбол клубы Алматыға 28 қыркүйекте келді. Команда...

29 қыркүйекке қараған түні «Реал Мадрид» футбол командасының ойыншылары Алматыға келді. Футболшылар шаһардың орталығындағы бесжұлдызды InterContinental Almaty қонақүйіне орналасты. Клуб қонақүйді екі күнге толық жалға алған.

Қазір қонақүйден онлайн-сервис немесе телефон арқылы бөлме брондау мүмкін емес. Тек 1 қазаннан кейін ғана бөлме жалдауға болады.

15 қабатты қонақүйде жалпы 277 нөмір бар, InterContinental Almaty нөмір қоры түрлі санаттан тұрады: классик, люкс, және «Pasha» және «Sultan» сынды президенттік люкс бөлмелер.

Бағалары бөлме түріне қарай өзгереді:

Қарақат Әбілдина FlyArystan мен Қызылорда әуежайының қызметіне көңілі толмайтынын жеткізді. Ол Астанада өнер көрсете алмай қалған.

Оның айтуынша, FlyArystan ұшақтары ұдайы кешігіп ұшатын болса, Қызылорда әуежайының CIP залдары нашар қызмет көрсетеді.

«Иә, FlyArystan! Сағат алтыда ұшуы керек болған ұшағымыз әдеттегідей кешеуілдеді. CIP залда ешкім жоқ. Таңқалдыратын нәрсе, адамдар кезек күтпесі үшін ақысын төлеп,  Қызылорданың ақылы залы – CIP зал қызметіне жүгінеді.  Бірақ онда қара судың өзін тегін бермейді», – деп шағымданды Қарақат Әбілдина.

«Парасат» орденінің иегерінің айтуынша, басқа қалаларда ахуал басқаша. CIP залда, әсіресе, кешігу болып жатқанда, сусынын, шайын, тіске басарын ұсынып жатады. Ал Қызылордада ол жағы мүлде қарастырылмаған. 

Ұлттық қауіпсіздік комитеті 2025 жылғы қыркүйекте полиция және прокуратурамен бірлесіп қару-жарақты іздестіру және заңсыз айналымнан алу бойынша бірқатар жедел-іздестіру іс-шараларын жүргізгенін хабарлады.

Рейд Алматы, Шымкент қалаларында, Атырау, Жамбыл, Қарағанды, Қызылорда, Алматы, Батыс Қазақстан, Түркістан, Ұлытау, Абай, Жетісу облыстарында жүрген.

Іздеу шаралары барысында 62 бірлік қару-жарақ, оның ішінде 3 Калашников автоматы, 16 тапанша, 43 мылтық, 4 граната және 4 мыңнан астам оқ-дәрі тәркіленген. ҰҚК дерегінше, оның ішінде 2022 жылғы Қаңтар оқиғасы кезінде ұрланған 10 қару-жарақ анықталған.

Көрсетілген фактілер бойынша жедел-тергеу іс-шаралары жүргізіліп жатқаны хабарланды.

ҰҚК қаңтар оқиғасы кезінде ұрланған қаруларды бұған дейін де тәркілеген.

Астанаға Италия президенті Серджо Маттарелла келді. Бұл туралы Ақорда хабарлады.

«Ақордада Астанаға ресми сапармен келген Италия президенті Серджо Маттарелланы салтанатты қарсы алу рәсімі өтті», – делінген баспасөз хабарламасында.

Артынша Қасым-Жомарт Тоқаев пен Серджо Маттарелла арасында келіссөз өткен. Келіссөз барысында президент Италия президенті Серджо Маттарелланың Қазақстанға сапары екі ел арасындағы ынтымақтастықты нығайта түсетінін айтқан. Президент екі елдің сауда саласындағы серіктестігі нәтижелі болғанын да атап өткен.

«Президент мырза, Сізді мәртебелі мейман ретінде қарсы алғаныма қуаныштымын. Қазақстанға жасаған алғашқы сапарыңыз ынтымақтастығымыздың жаңа парағын ашатыны сөзсіз. Қазақстан мен Италия арасында тығыз...

Қазақстанның жеті облысындағы республикалық жолдарында көктайғақ күтілуде.

Синоптиктердің мәліметінше, 29 қыркүйекте Қазақстанның бірқатар өңірінде қолайсыз ауа райы сақталады.

«Абай, Ақмола, Ақтөбе, Жетісу, Қарағанды, Қостанай және Шығыс Қазақстан облыстарының кей жерлерінде қар аралас жаңбыр мен көктайғақ күтілуде. Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз»,— деп хабарлады ҚазАвтоЖол.

Айта кетейік Қостанай облысында таңертеңнен бастап қар аралас жаңбыр жауып жатыр. Қыс мезгіліне әлі дайындалып үлгермеген жүргізушілер қалың қарға батып жатыр. Патрульдік полиция қызметкерлері жол шетіндегі сайға сырғанап кеткен тоғыз автокөлікті шығарған.

«QAITADAN» фильмі прокаттан үш апта ішінде 1 млрд теңге касса жинаған. Бұл туралы Мәдениет және ақпарат министрлігі хабарлады.

«Қазақстандық режиссёр Думан Еркімбектің дебюттік толықметражды фильмі «QAITADAN» үш апта ішінде 1 млрд теңгеден астам табыс жинап, отандық кинопрокатта көш бастады. Фильм – кино өндірісіне жұмсалған мемлекет қаражатынан бес есе артық табыс тапқан алғашқы жоба», – делінген баспасөз хабарламасында.

Айта кетейік, «QAITADAN» фильмі қыркүйекі айының басында прокатқа шыққан болатын. Бір апта ішінде кинотуынды касадан 400 млн теңге жинаған болатын.

Фильм көрерменді оқиға желісі, визуалымен баураған. Фильмнің терең драмалық мазмұны шынай сезімдерге негізделген...