Жаңалықтар

Solidcore Resources (бұрынғы Polymetal International) алтын компаниясы 2026 жылдың екінші тоқсаны мен бірінші жартыжылдықтағы өндіріс нәтижесін жариялады. Түскен табыс үш еседей өсіп, өндіріс көлемі де артты. Дегенмен Ресейден алтын құйма тасымалдауда уақытша кедергілер пайда болған.

Түсім көлемі өсті

2026 жылдың алғашқы алты айында Solidcore компаниясының түсімі 199%-ға өсіп, 972 миллион долларға жетті. Салыстырмалы түрде, өткен жылдың сәйкес кезеңінде бұл көрсеткіш 325 млн доллар болған еді. Екінші тоқсанның өзінде компания 369 млн доллар түсім алды. Бұл өткен жылдың екінші тоқсанымен салыстырғанда 71%-ға артық.

Табыстың бұлай өсуіне бірнеше фактор әсер етті. Негізгі себеп – өндіріс пен...

Қазақстандағы Haval модельдік қатары жақын арада H6 кроссоверінің жаңа гибридті нұсқаларымен толығуы мүмкін. Бұл көлік құралы типін мақұлдау құжатындағы өзгерістерде көрсетілген.

Құжатта бұған дейінгі 1,5 және 2 литрлік қозғалтқышы бар нұсқалардан бөлек, енді параллельді-тізбекті жүйе бойынша жұмыс істейтін екі қосылатын гибридті нұсқа көрсетілген. Олар – алдыңғы жетекті және толық жетекті модельдер.

Екі бензин-электрлі көліктің де капот астында 150 ат күшін шығаратын GW4B15M индексіндегі 1,5 литрлік қозғалтқыш орналасқан. Ол кіріктірілген электр қозғалтқышы бар DHT гибридті жүйесімен бірге жұмыс істейді.

Ал толық жетекті нұсқада артқы осьте қосымша тағы бір электр қозғалтқышы орнатылады.

Көлік құралы типін мақұлдау құжатында гибридті күштік қондырғылардың жалпы...

2025 жылға дейін күректеп табыс тауып келген банктердің биыл таза пайдасы қысқарып жатыр. 2026 жылдың алты айында Қазақстандағы 23 екінші дейгейлі банк 1,2 трлн теңгеге жуық таза пайда алған. Бұл қаржы былтыр банктер екі тоқсанда тапқан 1,37 трлн теңгеден 14 пайызға аз.

Үздік ондық

Ұлттық банк дерегіне сәйкес, таза пайда бойынша көш басында әдеттегідей ірі банктер келеді. Тізім басында 463,6 млрд теңге таза пайда алған «Қазақстан Халық Банкі» АҚ тұр.

Екінші орынды 226,8 млрд теңге пайдамен Kaspi Bank келеді. Үздік үштікті «Банк ЦентрКредит» түйіндейді. Оның таза пайдасы...

Apple алдағы айларда iPhone, iPad және Mac құрылғыларын жеткізуде қиындықтар туындауы мүмкін екенін ескертті. Алайда бұл жағдай жеткізушілердің мәселесінен емес, Apple құрылғыларына деген сұраныстың болжамнан әлдеқайда жоғары болуынан туындаған.

Бұл жағдай туралы Apple компаниясының бұрынғы бас директоры Тим Кук компанияның 2026 жылдың үшінші тоқсанындағы есебі кезінде айтты. Оның сөзінше, iPhone мен Mac компьютерлеріне деген сұраныс болжамнан әлдеқайда жоғары болған. Осының салдарынан компанияның жеткізу жүйесі барынша жоғары жүктемемен жұмыс істеп жатыр. Әсіресе Apple құрылғыларында қолданылатын заманауи чиптерді өндіруге қажетті өндірістік қуат тапшылығы қатты сезілуде.

«Бұл серіктестеріміз бен жеткізушілерге қатысты мәселе емес. Біз iPhone мен Mac...

Қазақстанда әлеуметтік желілерде бейәдеп сөздер айтып, қоғамдық тәртіпті бұзған азаматтар әкімшілік жауапкершілікке тартылып жатыр.

Соңғы күндері Павлодар мен Ақтөбе облыстарында осындай екі жағдай тіркелді.

Павлодарда полиция әлеуметтік желілерге жүргізілген мониторинг барысында тікелей эфирде көлік тізгіндеп отырып, былапыт сөздер айтып, қауіпсіздік белдігін тақпаған жүргізушіні анықтады. Ол – 26 жастағы қала тұрғыны Аслан Амантаев. Сот оны әкімшілік жауапкершілікке тартып, 20 тәулікке қамауға алды.

Ал Ақтөбе облысында TikTok пен Instagram желілерінде бейәдеп сөздер қолданған 38 жастағы Санат Нұртаевқа қатысты әкімшілік іс қозғалды. Полиция әлеуметтік желілер де қоғамдық кеңістік саналатынын, сондықтан интернеттегі әрекеттерге де заң талаптары толық қолданылатынын ескертті.

Алматы облысында 22 жастағы...

Қазақстан теннис федерациясы «Billie Jean King Cup» командалық әлем чемпионатының финалдық кезеңіне қатысатын әйелдер ұлттық құрамасын жариялады.

Биылғы әлем біріншілігі 22–27 қыркүйек аралығында Қытайдың Шэньчжэнь қаласындағы «Shenzhen Bay Sports Center Arena» спорт кешенінде өтеді. Әлемнің ең үздік құрамалары жиналатын дүбірлі додада еліміздің намысын WTA рейтингінің үздік ондығындағы жұлдыздар мен жас, келешегінен үміт күттіретін теннисшілер қорғайды.

Қазақстан ұлттық құрамасының құрамы:

Құрама капитаны: Юрий Щукин.

Әлемдік рейтингте 7-орында тұрған Қазақстан құрамасы турнирдегі жолын 4-орындағы Испания құрамасына қарсы...

Біріккен Араб Әмірліктерінің (БАӘ) мамандары Түркістан облысында қазақстандық әріптестерін жасанды жауын-шашын шақыру технологиясына үйретіп жатыр.

Болашақта бұл тәжірибені Қазақстанның барлық өңіріне енгізіп, кейін Орталық Азия елдеріне бөлісу жоспарланған. Бұл туралы «Курсивтің» сауалына Цифрлық үкіметті қолдау орталығы мәлімдеді.

Орталықтың мәліметінше, жоба әзірге пилоттық кезеңде. Дегенмен, қазақстандық мамандарды оқыту аяқталғаннан кейін елде осы бағыттағы дербес инфрақұрылым қалыптасады.

Қазір БАӘ мамандары қазақстандық сарапшыларды метеорологиялық талдау жүргізуге, ұшу миссияларын жоспарлауға, жауын-шашынды жасанды түрде көбейту технологияларын қолдануға және олардың тиімділігін бағалауға үйретуде.

Жинақталған тәжірибе кейін Қазақстанның өзге өңірлеріне таратылмақ. Сонымен қатар, алдағы уақытта Түркістан облысы жасанды жауын-шашын технологиясы бойынша мамандар даярлайтын және Орталық Азия...

Азия футболының бас басқарушы ұйымы (АФК) ФИФА-ның соңғы коммерциялық жобасына қатысты УЕФА мен КОНКАКАФ-тың қатаң позициясын толық қолдайтынын мәлімдеді. Ұйымдардың арасындағы туындаған келіспеушілік соншалық, конфедерациялар тарапынан келесі Әлем чемпионатына қатысудан бас тартып, жаһандық турнирге бойкот жариялау қаупі туындап отыр.

Даудың басы – FIFA Forward Enterprise

Даудың туындауына ФИФА-ның 28 шілдеде жариялаған жаңа шешімі себеп болды. Халықаралық футбол федерациясы FIFA Forward Enterprise (FFE) деп аталатын жаңа құрылым құрып, оған ұйымның медиалық және коммерциялық құқықтарын, соның ішінде Әлем чемпионаттарын трансляциялау құқығын жеке инвесторларға беруді жоспарлаған. Бұл ретте ФИФА FFE үстінен жалғыз өзі бақылау жүргізіп, турнирлер мен күнтізбені басқарудағы шектеусіз құзыретін сақтап...

Сербияның Белгард қаласында 24 жастағы Қазақстан азаматы көз жұмды. Ақпаратты Сыртқы істер министрлігі растады.

Қазіргі уақытта Қазақстанның Сербиядағы Елшілігі жергілікті құзырлы органдармен бірлесіп, оқиғаның мән-жайын анықтап жатыр.

«Қазақстандық дипломаттар марқұмның туыстарымен де тұрақты байланыста болып, оларға барлық қажетті консулдық-құқықтық көмек көрсетуде. Сыртқы істер министрлігі Сербияда қайтыс болған отандасымыздың туған-туыстарына қайғырып көңіл айтады», – делінген хабарламада.

Марқұмның әкесінің айтуынша, қызы хабар-ошарсыз кеткеннен кейін ол Белградқа барып, оның қайтыс болғанын білген. Отбасы оқиғаның мән-жайын анықтап, денесін Қазақстанға жеткізуді жоспарлап отыр.

Мән-жайы

Туыстарының айтуынша, қыз Белградтағы тұрғын үйдің алтыншы қабатынан құлап қайтыс болған. Жақындары қайғылы оқиғаға мұқият...

Қасым-Жомарт Тоқаев өзара сенімнің нығаюы мен өңірлік ықпалдастықтың тереңдеуінің арқасында Орталық Азия жаңа тарихындағы аса табысты кезеңді бастан өткеріп жатқанын мәлімдеді.

Іс-қимыл жоспарын әзірлеуді ұсынды

Мемлекет басшысы Түрікменстан Президенті Сердар Бердімұхамедовке Орталық Азия елдерінің «XXI ғасырдағы Орталық Азия: достық, тату көршілік және ынтымақтастық туралы шартқа» қосылғаны үшін алғыс айтты.

Сондай-ақ Қасым-Жомарт Тоқаев аталған құжаттың ережелерін іс жүзінде жүзеге асыруға көшуді ұсынып, осы мақсатта нақты іс-шаралар жоспарын әзірлеу қажеттігін атап өтті.

«Осыған байланысты достық пен тату көршілікті одан әрі нығайтуға, сауда-экономикалық, мәдени-гуманитарлық қарым-қатынасты бекемдеуге бағытталған ұзақмерзімді өзара ықпалдастығымыздың анық бағдарлары көрсетілген іс-шаралар жоспарын...

Сенбі, 1 тамызда Австралияның Сидней қаласында «Челси» мен «Тоттенхэм» арасындағы ойын өтеді. Матчтың тікелей трансляциясы Қазақстан уақытымен сағат 14:45-те басталады.

«Челси» Австралия мен Азиядағы маусымалды турнесіндегі алғашқы кездесуін жергілікті «Вестерн Сидней Уондерерс» клубына қарсы өткізді. Голдарға толы болған нәтижелі матчта лондондықтар 6:4 есебімен жеңіске жетті. Осы кездесудің 6-минутында-ақ Дастан Сатбаев есеп ашып, «Челси» сапындағы алғашқы дебюттік голын соқты. Сонымен қатар, лондондықтар сапынан Дариу Эссугу (38-мин) мен Джейми Гиттенс (66-мин) мергендік танытса, ойын соңында Жоао Педро хет-трик (80, 85, 89-мин) автор атанып, матчтың қаһарманына айналды.

Ал «Тоттенхэм» ұжымы бұл маусымалды дайындық аясында үш ойын өткізіп үлгерді. Соңғы кездесуінде олар австралиялық «Сидней...

Үш аптадан кейін мобильді құрылғылар нарығында сұр сегменттің үлесін айтарлықтай азайтуды көздейтін жаңа реттеу ережелері күшіне енеді. Жаңа ережелер бір жылдан сәл астам уақыт бұрын іске қосылған IMEI арқылы мобильді құрылғыларды тіркеу мен тексеру жүйесін толықтырып, күшейтеді. Осыған байланысты нарықтың ірі қатысушылары елде смартфон сатып алу тәсілін өзгертіп жатыр. «Freedom Электроника» гаджеттердің заңдылығын тексеру сервисін іске қосып, клиенттеріне сұр құрылғыларды ресми құрылғыларға айырбастауды ұсынуда.

20 тамыздан кейін не өзгереді

Бір ай бұрын ҚР Президенті Қасым-Жомарт Тоқаев сауда қызметін реттеу, тұтынушылардың құқықтарын қорғау және байланыс туралы заңдарға енгізілген түзетулерге қол қойды. Олар 2026 жылғы 20 тамыздан бастап күшіне енді. Осы...

Прокуратура Бауыржан Байбектің әкесіне тиесілі компанияны заңсыз тексерістен қорғады. Ақмола облысы Зеренді ауданының прокуратурасы «Qazaq Kaolin» ЖШС-на қатысты үш әкімшілік істі тоқтатқан. Бұл компания Алексеев кен орнында тау-кен байыту комбинатын салып жатыр.

Аталмыш инвестициялық жобаның жалпы құны 5,8 млрд теңгені құрайды. Оны іске асыру аймақтың өнеркәсіптік әлеуетін арттыруға және жаңа жұмыс орындарын ашуға мүмкіндік бермек.

Алайда прокуратура жүргізген талдау нәтижесінде уәкілетті мемлекеттік органдар инвестор көші-қон заңнамасын сақтамады деген желеумен заңсыз тексеріс жүргізгенін анықтаған. Бұл тексеріс прокуратурамен алдын ала келісілмеген және құқықтық статистика және арнайы есепке алу органдарында тіркелмеген

«Прокурорлық фильтр» механизміне сәйкес, инвесторларға...

Қазақстан құрамасы информатикадан Еуропа жасөспірімдер олимпиадасында үш медаль және бір грамота алды. Жарысқа 25 елден жүзден астам оқушы қатысты.

Олимпиада Литваның Каунас қаласында 24-30 шілде аралығында өтті. Оған 16 жасқа дейінгі мектеп оқушылары қатысты. Жарыс дарынды балаларды бағдарламалау, алгоритмдеу және компьютерлік ғылымдар бағытындағы қабілеттерін дамытуға арналған.

Оқу-ағарту министрлігінің мәліметінше, Қазақстан намысын жалпы білім беретін пәндер бойынша республикалық олимпиаданың информатика пәнінен жеңімпаздары мен жүлдегерлерінен жасақталған ұлттық құрама қорғады.

Жарыс қорытындысы бойынша Қазақстан құрамасы бір алтын, бір күміс және бір қола медаль, сонымен бірге бір мақтау грамотасын иеленді.

Шомылу маусымы басталған 1 маусымнан бері Қазақстанда 102 адам суға батып қаза тапты. Оның 34-і – кәмелетке толмаған.

ТЖМ ақпаратына қарағанда, өткен жылдың осы кезеңінде 88 адам, оның ішінде 28 бала суға кеткен болатын.

Өкінішке қарай, суға бату салдарынан болатын өлім-жітімнің 85%-ы шомылуға рұқсат етілмеген әрі арнайы жабдықталмаған су айдындарында тіркеледі.

«Адамдардың қауіпті су айдындарында қаза болу қаупін азайту мақсатында Төтенше жағдайлар министрлігі, Ішкі істер министрлігі және еріктілер ұйымдарының күшімен судағы қауіпсіздік ережелерінің сақталуын бақылау үшін 39 мыңнан астам рейд пен патрульдеу жүргізілді. Ережені бұзған 1 995 азамат әкімшілік жауапкершілікке тартылып, оларға жалпы сомасы...

Миллиардер Владимир Ким мен кәсіпкер Эдуард Огай былтыр сатқан «Қазақмыс» активтерінен 400 млрд теңге дивиденд алды. Kazakhmys Copper компаниясының акционерлеріне дивиденд төлейтіні туралы хабарлама Қазақстан қор биржасында орналастырылған.

«Kazakhmys Copper» (Қазақмыс Коппер) АҚ (KASE тикері – KMCP) 2026 жылғы 24 шілдеде 2025 жыл үшін жай акциялар бойынша дивиденд төледі. Бір акцияға шаққандағы дивиденд мөлшері – 11,50 теңге, төлемнің жалпы сомасы – 399 615 581 365 теңге», делінген хабарламада.

Kazakhmys Copper – былтырға дейін «Қазақмыс» корпорациясына тиесілі ірі өндіріс орындарын басқарып келген компания. Ол 2016 жылғы 15 қарашада тіркелді. Қазір...

Алматыда 2025-2026 оқу жылында буллинг пен қысым көрсетуге қатысты 450-ге жуық өтініш түскен. Бұл туралы Алматы қаласы Балалардың құқықтарын қорғау басқармасының басшысы Жанат Айтпаева Өңірлік коммуникациялар қызметінің баспасөз мәслихатында мәлімдеді.

«2025-2026 оқу жылында **111 сенім телефонына және кеңес беру алаңына 6 мыңнан астам өтініш келіп түсті. Оның шамамен 450-і буллинг пен қысым көрсету жағдайларына қатысты болды. Расталған фактілер бойынша бес заңды өкіл әкімшілік жауапкершілікке тартылды», – деді Жанат Айтпаева.

Алайда басқарма басшысы 450 өтініштің нақты қаншасы расталғанын нақтылаған жоқ. Сондай-ақ ол қалада мектеп әкімшілігінен тәуелсіз, буллинг туралы хабарлауға арналған арнайы арна құру жоспары бар-жоғын айтпады.

Алматы әкімдігі Гоголь және Байтұрсынов көшелерінің қиылысында орналасқан бұрынғы трамвай депосының орнына креативті кластердің құрылысы басталғанын хабарлады.

Нысанның жалпы ауданы шамамен 32 мың шаршы метр. Кластер құрамында төмендегідей нысандар мен кеңістіктер қарастырылған:

Бұдан бөлек, жоба аясында амфитеатр, жазғы сахна, саябақ аймағы және балалар ойын инфрақұрылымы бар көркейтілген аумақ салынып, тұрғындар үшін ашық әрі қолжетімді қоғамдық кеңістік қалыптастырылады.

Әкімдік аталған аумақтың ұзақ уақыт бойы пайдаланылмауы жобаны әзірлеу мен келісу...

Шетел азаматтарына арналған мемлекеттік стипендиялық бағдарламасы аясындағы конкурстық іріктеу аяқталды. Байқау қорытындысы бойынша 550 шетел азаматы білім грантының иегері атанды. Бұл туралы Ғылым және жоғары білім министрлігі хабарлады.

Бағдарлама 2019 жылдан бері жүзеге асырылып келеді. Мақсаты – халықаралық академиялық ынтымақтастықты дамыту, сондай-ақ дарынды шетелдік жастарды Қазақстанның жетекші жоғары оқу орындарында білім алуға тарту.

2026 жылы бағдарлама шеңберінде:

Бакалавриат бағдарламалары бойынша оқуға – 490 білім беру гранты;

Магистратура бағдарламалары бойынша оқуға – 50 грант;

Докторантура бағдарламалары бойынша оқуға – 10 грант бөлінді.

Конкурстық іріктеуге әлемнің 71 елінен 16 098 үміткер қатысты. Қатысушылардың едәуір бөлігін Қазақстан Республикасының азаматтығы жоқ қаза...

Жамбыл облысында полиция қызметкерлері аса ірі көлемдегі есірткіні тасымалдау дерегінің жолын кесті.

Қордай – Алматы автожолында жүргізілген жедел іс-шара барысында көлік тоқтатылды. Көлікті қызметтік ит Сэмнің көмегімен тексеру кезінде оның капотынан полиэтилен пакетке салынған шамамен 8,5 келі гашиш табылды.

Анықталғандай, 55 жастағы жүргізуші есірткіні Алматы қаласына алып бара жатқан. Тәркіленген заңсыз заттың қара нарықтағы құны шамамен 10 млн теңге деп бағаланды.

«Полицейлердің жедел әрекетінің нәтижесінде он мыңдаған адамның өмірі мен денсаулығына қауіп төндіретін аса ірі көлемдегі есірткі заңсыз айналымға жіберілмей, дер кезінде тоқтатылды. Аталған дерек бойынша сотқа дейінгі тергеу басталды», – делінген полиция ақпаратында

Қолданбалы экономиканы зерттеу орталығы (AERC) Қазақстанның 2026 жылға арналған макроэкономикалық болжамын жаңартты. Сарапшылардың шілде айындағы шолуына сүйенсек, ел экономикасының өсу қарқыны артқанымен, халықтың қалтасын қымбатшылық қағады.

AERC өкілдері жиынтық сұраныс пен жиынтық ұсыныс моделдерінің нәтижесіне сүйене отырып, Қазақстан экономикасының өсім болжамын сәуірдегі 4,6%-дан 4,8%-ға дейін көтерді.

Ұсыныс тарапынан оң өзгерістер көлік саласы, құрылыс және өңдеу өнеркәсібіндегі жоғары белсенділікпен түсіндірілсе, сұраныстың өсуіне үй шаруашылықтарының тұтынуы мен негізгі капиталға салынған инвестициялар арқау болмақ.

Сонымен бірге, елдегі мұнай мен газ конденсатын өндірісіне қатысты болжам 92,5 млн тоннадан 96,4 млн тоннаға артты.

Оған сәуір-мамыр айларындағы өндірістің нақты динамикасын...

Дастан Сәтбаев әйгілі EA Sports FC 27 (бұрынғы FIFA) футбол симуляторының деректер базасына ресми түрде енгізілді. SoFIFA порталының мәліметінше, жас таланттың бастапқы рейтингі 66, ал өсу потенциалы 82 деп бағаланып отыр.

Дастанның ойынға қосылуына сәтті дебют жасауы себеп болды. Sydney Super Cup халықаралық турнирі аясында австралиялық «Вестерн Сидней Уондерерс» клубына қарсы өткен матчта «ақсүйектер» сапында алғаш рет алаңға шығып, бірден гол соққан еді.

Еске сала кетейік, EA Sports FC 27 футбол симуляторының тұсаукесері 25 қыркүйегіне жоспарланған. Соған қарамастан, виртуалды футбол әуесқойлары SoFIFA порталы арқылы отандық футболшының көрсеткіштерімен қазірдің өзінде таныса алады.

Оқи отырыңыз...

Қазақстанда 1 миллионнан астам пациент телемедициналық консультация алды. Бұл шалғай елдімекендер тұрғындары үшін өте маңызды.  

Денсаулық сақтау министрлігі мәліметінше, медициналық көмектің қолжетімділігі мен сапасын арттырудың бір жолы ретінде телемедицина жүйелі түрде дамып келеді.

«Жоба аясында ауылдық жерлердегі шамамен 7,5 миллион тұрғынға қашықтан медициналық көмек көрсету мүмкіндігі жасалған. Ел бойынша бірыңғай телемедицина жүйесі қалыптастырылады», – дейді ДСМ баспасөз қызметі.

Министрліктің ақпаратынша, телемедициналық шешімдер 6 900-ден астам мектепке енгізіліп, 3,6 миллионнан астам оқушыны қамтиды. Бұл профилактикалық тексерулер өткізуге, онлайн кеңес беруге және балалардың денсаулығын тиімді бақылауға мүмкіндік береді.

Жыл басынан бері елімізде 23,1 миллион...

Елімізде апта ішінде бірқатар әлеуметтік маңызы бар азық-түлік бағасы арзандады. Бұл туралы Ұлттық статистика бюросы мәлімдеді.

2026 жылғы 29 шілдедегі жағдай бойынша картоптың бағасы – 2,8%, қызанақ – 2,4%, алма – 1,9%, қияр – 1,2%, сәбіз, қаймақ және қара шай – 0,2%, сондай-ақ тауық еті, қатты және жартылай қатты ірімшік, майлылығы 2-3% айран – 0,1% арзандады.

Есепті аптада ұн, бірінші сұрыпты ұннан пісірілген бидай наны, жылқы еті, сүйекті сиыр еті, сондай-ақ майлылығы 2,2%-дан 6%-ға дейінгі пастерленген, ультрапастерленген және стерильденген сүт бағасы өзгеріссіз қалды.

Өңірлік бөліністегі бағаның жаппай төмендеуі

Әлеуметтік маңызы бар азық-түлік тауарларының жалпы бағасы Павлодарда...