Жаңалықтар

Еуразиялық даму банкінің өзара инвестициялар мониторингіне сәйкес, соңғы жылдары Азия елдерінен Еуразиялық өңірге құйылған инвестициялар рекорд деңгейіне жетті. Осы үдерісте Қазақстан Орталық Азиядағы негізгі инвестиция қабылдаушы елдердің бірі ретінде айқын көрініп отыр.

Сарапшылар Орталық Азия инвесторлар үшін ең тартымды өңірге айналып отырғанын айтады. Соңғы жылдардағы инвестициялық динамика соның айқын дәлелі.

2016 жылдан бастап 2025 жылдың бірінші жартыжылдығына дейінгі кезеңде Азия елдерінен өңір экономикасына тартылған жинақталған инвестициялар көлемі 2,3 есеге өсіп, 29,9 млрд доллардан 68 млрд долларға жетті.

2025 жылдың алғашқы алты айының қорытындысы бойынша, Азиядан тартылған барлық жинақталған тікелей инвестицияның 57%-ы дәл осы Орталық Азия елдеріне тиесілі.

Әзербайжан инвесторлары Абай облысында «Алакөл» сауықтыру кешенін салмақшы. Қазір құрылыс орны анықталып жатыр, деп хабарлады облыс әкімдігі.

Сондай-ақ Шипалы көлінде балшықпен емдейтін санаторий салу көзделіп отыр. Эскиздік жобасы әзірленді, сәуір айында құрылыс жұмыстарын бастайды. Одан бөлек «Abay Hospitality Group» ЖШС және «PanaComplexSemey» ЖШС Абай ауданының Жидебай аумағында этнокешенді визит-орталығын, «Тары» кафесін салуды жоспарлап отыр.

Жалпы алдағы үш жылда 87,4 млрд. теңгеге 48 жобаны іске асыруы керек.

Ал Семей қаласында «Shygys Mall» сауда ойын-сауық орталығының құрылысы жүріп жатыр. Биыл осы жылы көктемде аяқталып, пайдалануға беріледі деген жоспар бар.

«Екі қабатты ғимараттың бірінші қабатында...

Алматылық «Қайрат» футбол клубы Чемпиондар лигасының негізгі кезеңіне қатысқаны үшін қомақты қаржы иеленді. Клубтың турнирдегі өнері 18,62 млн еуро табыс әкелген. Бұл шамамен 11,23 млрд теңгеге тең.

Қосымша төлемдер

Бұған қоса, «Қайрат» жалпы кезеңдегі бір тең ойын үшін 700 мың еуро (шамамен 422,1 млн теңге) және турнир кестесіндегі соңғы орын үшін 275 мың еуро (шамамен 165,8 млн теңге) алды.

Жалпы табыс көлемі

Осылайша, алматылық клубтың Чемпиондар лигасындағы өнерінен түскен жалпы табысы 19,59 млн еуроны, яғни шамамен 11,81 млрд теңгені құрады.

Алда тағы төлемдер бар

Айта кетейік, еурокубок маусымы толық аяқталғаннан кейін бұл сомаға теледидарлық және маркетингтік құқықтарды...

Шымкентте тағы бір әйелді тапа-тал түсте пышақтап өлтіріп кеткен. Қайғылы жағдай 28 қаңтар күні болған. Оқиға қалай болды? Жәбірленуші мен күдікті кім? Куәлер не дейді?

Қанды оқиға Әл Фараби ауданы Текстиль ықшамауданында кеше шамамен сағат 15:00-те болған. Емханадан шыққан әйелге ер адам пышақ ала жүгірген. Полиция әйел бірнеше жерінен жарақат алғанын хабарлады. Ол алған жарақаттарынан оқиға орнында көз жұмған

Куәлер не дейді

Көшеде әйелді пышақтап жатқаны жөнінде ақпаратты полицияға куәлер хабарлаған. Олардың бірінің сөзінше, әйел мен оған шабуыл жасаған еркек әуелі алысқан. Сосын еркек қолындағы пышақпен оны бауыздап, оқиға орнынан бой тасалаған.

«Ол анау...

АҚШ экономикасы терең дағдарыс алдында тұр. 2008 жылғы дағдарыс мұның қасында баланың ойыны болып қалмақ.

2008 жылғы дағдарысты алдын ала болжаған америкалық экономист әрі биржалық брокер Питер Шиффтің пікірінше, доллар сабан ақшаға айналуы ғажап емес.

Fox-ке берген сұхбатында, ол АҚШ үшін тағы қара аспанды төндіретін сценарийді суреттеді. Шиффтің айтуынша, «АҚШ-тың басынан бағы тая бастайды». Ал доллар құлдырауға ұшырамақ.

«Доллар құлайды. Доллардың орнын алтын басады», – деп кесіп айтты Шифф.

Оның сөзінше, орталық банктер «алтын сатып алып, доллар мен қазынашылық облигациялардан құтылып жатыр». Экономистің болжамына сенсек, әлем жаңа валюта шындығына дайындалып жатыр. Енді америкалы...

ҰҚК тергеуге алған OrdaMed компаниясының басшысы Еркін Ділімбетовке іздеу жарияланды. Ақпарат Құқықтық статистика және арнайы есепке алу органдарының порталында жарияланды

Ділімбетовтің аты аталған қылмыстық іс «OrdaMed» АҚ-ның қызметімен байланысты. Тергеу нұсқасына сәйкес, компания арқылы бюджет қаржысы заңсыз шығарылған. Мемлекеттік ауруханаларға «Қазақстанда өндірілген» деген желеумен медициналық жабдықтар жеткізілген. Алайда техника шетелден әкелінген. Ал жалған құжаттар жеңілдіктер алуға және ірі келісімшарттарды ұтып алуға мүмкіндік берген. Соның ішінде медициналық бұйымдардың 28 түрін жеткізу бойынша келісімдер де бар. Тергеу бағалауынша, осының салдарынан мемлекетке 4,5 млрд теңге көлемінде шығын келтірілген.

«Ordamed» компаниясы науқастар алдындағы жауапкершілігін орындауға және өзінің іскерлік репутациясын қорғауға дайын екенін компания басшысы...

Қытай компаниясы Түркістан қаласында аумағы 12 гектардан асатын ең үлкен аквапарк салуды көздеп отыр. Ол елдің басқа да өңірлерінің тұрғындары ғана емес, шетел туристері үшін де тартымды демалыс орнына айналуы мүмкін. Бұл туралы Kursiv.Media облыс әкімдігінің мәліметіне сүйене отырып хабарлайды.

Ауқымды жобаны Qingdao Wanlin қытай компаниясы ұсынған. 29 қаңтарда Түркістан облысының әкімі Нұралхан Көшеров компания басшысы Яньтао Лимен тағы да кездесті. Олар қалада қалада ірі демалыс кешенін іске асыру жоспарын талқылады.

«Жобаға сәйкес, аквапарк кешенінің жалпы аумағы 120 мың шаршы метрден асады. Мұнда су аттракциондары бар аквапарк аймағы, кемпинг форматындағы...

Қоғамда жиі дау тудыратын пікірдің бірі: «арақ ішкен адам 40 күнге дейін ораза ұстай алмайды» деген түсінік. Бұл сөз, әсіресе, Рамазан айы қарсаңында көп талқыланады. Алайда ислам дінінде бұл мәселе қалай түсіндіріледі? Шын мәнінде, арақ ішкен адамға ораза ұстауға тыйым салынған ба?

«40 күн қабыл болмайды» деген сөз қайдан шыққан?

Қазақстан мұсылмандары діни басқармасының (ҚМДБ) мәліметінше, арақ ішуге қатысты хадистер бар. Кейбір хадистерде:

«Кімде-кім арақ ішсе, қырық күн бойы оның намазы (ғибадаты) қабыл болмайды»
деген мағынадағы ескерту айтылады.

Алайда бұл жерде «қабыл болмайды» деген сөзді көп адам қате түсінеді. Ол – ғибадаттың міндеттен...

Жоғары аудиторлық палата Алматы қаласының бюджет қаражатына аудит жүргізді. Аудиторлар дерегінше, қаладағы өндірістік және инновациялық секторлардың даму серпіні төмен. Бұл Алматының өсу қарқынын тежейді.

Тексеру кезінде жоспарлау, басқару және бақылау саласында кемшіліктер мен жекелеген бұзушылықтар анықталды.

«Мәселен, Алматының 2021-2025 жылдарға арналған даму жоспары үнемі түзетулер енгізілуіне қарамастан, басқарудың айтарлықтай тиімді құралына айналмады. Аудит барысында жоспарланған іс-шараларды толық қаржыландырмау практикасы анықталды. Бұл жекелеген нысаналы индикаторларға қол жеткізуге мүмкіндік бермейді», – дейді аудиторлар.

Тексеру барысында Қалалық мобилділік басқарманың жұмысына қатысты сұрақ туындады. Басқарма 2022-2025 жылдары тасымалдаушыларға 2,3 млрд теңгеге негізсіз субсидиялар төлеген.

Ал «Алматы» әлеуметтік-кәсіпкерлік корпорациясыны...

Ұлттық банк 29 қаңтарда алтын бағасын тағы 3 340 теңгеге көтерді. Осылайша бір грамм алтынның ресми бағасы 85 504 теңге болды. Бұл – тарихи рекорд.

Бес жылда үш есе қымбаттады

Бұл уақытта әлем нарығында алтынның бір унциясы 5,5 мың доллардан асып кетті. Қазір құнды металл 5 549 доллардан саудаланып жатыр. Алтын құны бір тәулікте шамамен 245 долларға, яғни 4.60%-ға көтерілді.

Күміс те қымбаттап жатыр. Қазір оның бір унциясы 118 доллар тұрады.

Әлемдегі бағаны ескерген Ұлттық банк те бір грамм алтын құнын бір айда шамамен 15 мың теңге көтерді.

Салыстырар болсақ, ҰБ 2025 жылғы қаңтарда шамамен...

Сенатор Андрей Лукин елдің инвестициялық тартымдылығының азаюына ең алдымен мемлекеттік органдардың селқостығы себеп болып отыр деп есептейді.

Үкіметке жолдаған сауалында депутат Ауыл шаруашылығы министрлігінің Жер ресурстарын басқару комитеті тарапынан орын алатын негізсіз бас тартуларға назар аударды.

Лукиннің сөзінше, комитет жобаларды «егжей-тегжейлі жоспарлау жобаларына немесе жер санатына сәйкес келмейді» деген сылтаумен инвестициялық келісімшарттарды келісуден бас тартады. Алайда мұндай шешімдер қала құрылысы заңнамасын ескермейді. Заң бойынша негізгі құжат бас жоспар болып саналады, ал ЕЖЖ-ға түзетулерді инвестициялық келісімшарт жасалғаннан кейін де енгізуге болады.

«Инвестициялық келісімшарттар жасалғаннан кейін де заң бұзушылықтарға жол беріледі. Әкімдіктер жер телімдерін беру және жалдау...

Президент Қасым-Жомарт Тоқаев қылмыстық жолмен алынған кірістерді заңдастыру, терроризмді қаржыландыру және жаппай қырып-жою қаруын таратуды қаржыландыруға қарсы іс-қимылды күшейтуге бағытталған бірқатар жарлыққа өзгеріс енгізді. Бұл туралы «ҚазАқпарат» агенттігі хабарлайды.

Жарлыққа сәйкес Қаржы нарығын реттеу және дамыту агенттігі, Бәсекелестікті қорғау және дамыту агенттігі және Қаржылық мониторинг агенттігінің функциялары кеңейтіліп, нақтыланды.

Қаржы нарығын реттеу және дамыту агенттігінің қылмыстық жолмен алынған кірістерді заңдастыруға және терроризмді қаржыландыруға қарсы заңнама талаптарының сақталуына бақылау және қадағалау жөніндегі өкілеттіктері нақтыланған.

Агенттіктің бақылау аясына Қазақстанның Экспорттық-кредиттік агенттігі, бейрезидент банктер мен сақтандыру ұйымдарының филиалдары, бейрезидент сақтандыру брокерлері, сондай-ақ ұлттық пошта операторы енгізілді.

2026 жылғы 31 қаңтардан бастап Отбасы банкінің ипотекасын өтеу үшін зейнетақы жинақтарын пайдалану ережелері өзгерді. Бұл түзетулер Өнеркәсіп және құрылыс министрінің міндетін атқарушысының жарлығымен бекітілген және 31 қаңтардан бастап күшіне енеді.

Не өзгерді

Зейнетақыны пайдалану ережелерінде «қарыз» ұғымы «негізгі қарыз» деп өзгертілді. Бұл дегеніміз:

Ал пайыздар, айыппұлдар, кешіктірілген және кейінге шегерілген төлемдер, сондай-ақ депозитке міндетті аударымдар тек қарыз алушының өз қаражаты есебінен төленеді.

Айта кетейік, қазақстандықтар енді «Отбасы банктен» басқа да банкте тұрғын...

Қазақстандық теннисші Анна Данилина екінші мәрте Үлкен дулыға санатындағы ірі турнирдің финалына шықты. Серб қызы Александра Крунич пен Данилина жұбы бейсенбі, 29 қаңтар күні Аустралия ашық біріншілігінің жартылай финалында жеңіске жетті.

Анна мен Александра бүгін Габриэль Дабровски мен Луиза Стефани жұбымен кездесті. Тартысты өткен матч үш сетке созылды. Алғашқы партия жеңімпазы тай-брейкте ғана анықталып, мұнда Данилина/Крунич басым түсті. Бірақ екінші сете 6:3 есебімен жеңілді. Финалға шығатын жұп матчтың үшінші партиясында ғана анықталды. Қорытынды сетте Анна мен Александра 6:4 есебімен басым түсіп, финалға өтті.

Данилина осымен екінші мәрте Үлкен дулыға санатындағы ірі турнирдің ақтық сынына өтіп отыр. Анна осыдан...

Қазақстандық әуе компаниялар Иранның әуе кеңістігін айналып өтуі керек. Елдің Авиациялық әкімшілігі әуе компанияларына осындай нұсқау жіберді.

Қазір қазақстандық «Эйр Астана», «FlyArystan» және «SCAT» әуе компаниялары Дубай, Шарм-эль-Шейх, Жидда, Доха және Медина бағыттары бойынша ұшқанда баламалы маршруттарды қолданады. Олар Иран әуе кеңістігін айналып өту үшін Түркия, Ирак, Пәкістан және Ауғанстан көгін пайдаланады. Бірақ бұл рейстің уақытына әсер етуі мүмкін.

«Иранның әуе кеңістігін айналып өту нәтижесінде Дубай, Доха, Жидда, Медина және Шарм-эль-Шейх бағыттары бойынша ұшудың орташа ұзақтығы Астанадан 40 минуттан 2 сағатқа дейін, ал Алматыдан 40 минуттан 60 минутқа дейін ұзарды», – деп хабарлайды Авиациялық әкімшіліктен.

Қазір Ирандағы...

2026 жылғы 2 ақпаннан мемлекеттік сатып алу саласында қосылған құн салығы (ҚҚС) белгіленген цифрлық теңгені қолдану пилоттық жобасы іске қосылады. Қаржы министрлігі жоба ережесін бекітті.

Жобада жаңа қосылған құн салығын әкімшілік басқару механизмі енгізіледі: цифрлық теңгедегі қаражаттың бір бөлігі ҚҚС сомасына тең. Ол бюджетке салық төлеу үшін немесе басқа салық төлеушілермен есеп айырысуға ғана жұмсалуы мүмкін. Пилоттық жоба жыл соңына дейін жұмыс істейді.

Жоба мемлекеттік сатып алу келісімшарттары бойынша жұмыс істейтін жеткізушілер, банктер, мемлекеттік кірістер органдары, Ұлттық банк және цифрлық теңге жүйесі операторына қатысты болады.

Жобаның мақсаты – салық міндеттемелерін орындауды жеңілдету және тапсырыс берушілер...

Ресейдің Кавказ аймағында енді кинотеатрларда көрсетілетін фильмдерде 18+ сахналары болмайды. Алдын ала қиып тастап жатыр.

Жас шектеуі көрсетілгеніне қарамастан, жалаңаш денелер, құмарлыққа толы сүйісулер мен интим көріністер қара экранмен жабылады.

Mash дерегінше, цензура алғаш болып «Горничная» триллеріне қатысты қолданылған. Көпшілік бұл фильмге жартылай жалаңаш Сидни Суини үшін барған. Алайда көрсетілім барысында көрермендерді «тосынсый» күткен. Актрисаның іш киіммен, тіпті іш киімсіз сүйіктісімен құмарлана сүйісетін тұсы кесілген. Сюжетте не болып жатқанын тек дыбысынан ғана аңғаруға болған.

Кинотеатр басшылығы мұның себебін діни ұстаныммен түсіндіреді. «Харам», «әдепсіздік» дегендей. Олар фильмді бүкіл отбасы келіп көрсе, төсек көріністері ер адамға әйелі мен балаларының алдында ыңғайсыз...

Қазақстанда соңғы бес жылда өмір сүру құны шамамен 75%-ға өсті. Бұл халықтың өмір салтына тікелей әсер етті. Көбі әдеттегі шығындардан бас тартуға, демалысты кейінге қалдыруға және несиеге өмір сүруге мәжбүр болуда.

Energyprom.kz дерегінше, 2022 жылдың соңынан бері баға 33,9%-ға қымбаттаған. Ал 2020 жылмен салыстырғанда өсім 74,7%-ға жеткен. Яғни соңғы бес жылда қазақстандықтар бұрынғы өмірі үшін шамамен екі есе көп төлеуге мәжбүр.

Инфляция ең қатты сезілетін аймақтар

Ең қымбат өңірлер қатарында Маңғыстау облысы, Астана және Қарағанды облысы бар, бұл аймақтарда инфляция 80%-дан асты. Сарапшылардың айтуынша, тіпті салыстырмалы түрде тұрақты өңірлерде де бағаның өсуі жалақының артуынан әлдеқашан озып кеткен.

Бүгін, 29 қаңтарда, Қазақстанның бірінші ракеткасы Елена Рыбакина (WTA №5) Australian Open-2026 турнирінің жартылай финалында кортқа шығады.

Қазақстандық теннисші финал жолдамасы үшін АҚШ өкілі, әлемнің алтыншы ракеткасы Джессика Пегуламен (WTA №6) күш сынасады.

Кездесу Қазақстан уақытымен 15:00-де басталады. Матчтың тікелей трансляциясын келесі сілтеме арқылы көруге болады.

Айта кетейік, ширек финалда Елена Рыбакина Польшаның үздік теннисшісі, әлемнің екінші ракеткасы Ига Швёнтекті 7:5, 6:1 есебімен ойсырата жеңіп, жартылай финалға жолдама алған еді. Ал Джессика Пегула америкалық дербиде Аманда Анисимованы (WTA №4) 6:2, 7:6 (7:1) нәтижесімен ұтты.

Тағы бір жартылай финалда әлемнің бірінші ракеткасы, Беларусь өкілі Арина Соболенко украиналы...

АҚШ-тың Иммиграция және кедендік бақылау қызметі (ICE) Италияда басталатын қысқы Олимпиада ойындары кезінде өз агенттерін жібермекші. Олар америкалық қауіпсіздік күштеріне қолдау көрсетеді жазады ВВС.

Басылым мәліметінше, АҚШ-тың бірнеше ведомствосы Иммиграция және кеден полициясы бөлімшесінің Олимпиадада белгілі бір рөл атқаратынын растаған. Бұл туралы хабарламалар Италияда үрей мен наразылық тудырды.

«Олар адамға оқ ататын қарулы құрылымдар. Әрине, олардың Миланда болғанын ешкім қаламайды. Мен [ICE агенттері] Италияға келмеуі тиіс деп санаймын, өйткені олар біздің қауіпсіздікті қамтамасыз етудегі демократиялық тәсілімізге кепілдік бермейді, – деді Милан мэрі Беппе Сала италиялық радиоға берген сұхбатында.

Америкалық шенеуніктердің сөзінше, агенттер тек «қосалқы» қызмет...

Ауыл шаруашылығы вице-министрі Аманғали Бердалин Қазақстанның үш өңірінде колледждер мен университеттерде агросынып ашу үшін дайындық жұмыстары жүргізіліп жатқанын мәлім етті.

Етті мал шаруашылығын қолдау шаралары туралы Мәжілісте өтіп жатқан дөңгелек үстелде вице-министр Ресейді мысалға келтірді.

Оның айтуынша, Ресейдегі кәсіптік білім беретін оқу орындары мен университеттерде агросыныптар жұмыс істейді.

«Олар оқуға түскенде гранттарға келгенде басым құқыққа ие. Қазақстанда да салалық қажеттілікті ескеріп, колледжер мен университеттер базасында агросыныптар ашуға болады. Қазақстанның үш облысы – СҚО, Қостанай мен Ақмола облысы мұндай сыныптарды ашуға дайын», – дейді ол.

Айта кетейік, соңғы екі жылда елдегі агроөнеркәсіп саласын қолдауға...

Илон Маск Tesla компаниясы Model S және Model X автокөліктерінің өндірісін тоқтату туралы шешім қабылдағанын мәлімдеді.

«Сәл мұңды жаңалық. Бірақ Model S пен Model X жобасын аяқтайтын уақыт шынымен келді», – деді Маск.

Ол «Tesla «пайдаланылатын кезең бойы» қазіргі автокөлік иелерін қолдауды жалғастыра береді деп уәде етті. Бұл модельдер өндірістен биылғы жылдың екінші тоқсанында алынады.

Инвесторлармен өткен телефон конференциясы барысында Маск осыдан кейін Калифорния штатындағы Фримонт қаласында орналасқан зауыт адамтектес Optimus роботтарын шығаруға қайта бейімделетінін айтқан еді.

Бұл жоспарларға баға берген Илон Маск «бағытты өзгертіп, болашаққа қадам басатын уақыт келді» деп атап өтт...

АҚШ пен Ұлыбритания санкциясына ұшыраған «Лукойл» мұнай компаниясы активтерін сатты. Оларды Carlyle компаниясы сатып алды. Дегенмен ресейлік компания Қазақстандағы меншігін сақтап қалды. Бұл туралы Kursiv.Media компания таратқан ресми мәлімдемеге сүйене отырып хабарлайды.

Қазақстандағы иелігін сатпады

«Лукойл» компаниясы шетелдегі активтерін сату жөнінде келісімге отырды. Оларды Carlyle инвестициялық компаниясы сатып алатын болды.

«Келісімге Қазақстан Республикасындағы активтер кірмейді. Оларды «Лукойл» тобы өз меншігінде қалдырды», – деп хабарлады компания.

Лукойл мәліметінше, оның Қазақстандағы иеліктері «тиісті лицензиялар аясында» жұмыс істей береді.

Ресейлік компания активтері 22 млрд долларға бағаланған. Олардың ішінде Қазақстан, Әзербайжан және Ирактағы мұнай кен...

Қазақстанның өз көлік бренді болады. «Бәйтерек» холдингі болашақ жобаның жай-жапсарын түсіндірді деп жазады LS.

Холдинг мәліметінше, қазір шетелдік серіктестің технологиялық шешімі базасында қазақстандық автобренд өндіру нұсқасын қарастырып жатыр. Бастапқыда машина нөлден бастап құрастырылмайды, бірақ уақыт өте келе біртіндеп барлық бөлшектерін елде құрастыруды қолға алмақшы.

Әзірге алдын-ала талдау жүргізіліп жатыр. Тұрақты серіктеспен барлық есеп-қисап жүргізілгеннен кейін ғана нақты шешім қабылданады. Көліктің моделі мен техникалық тұсы да сол кезде белгілі болады.

«Қазіргі кезеңде тараптар PROTON брендінің жергілікті серіктесін анықтауы, сондай-ақ қаржыландырудың ықтимал механизмдерін пысықтауы қажет. Түпкілікті параметрлер талқылау сатысында және олар тиісті процедуралардың қорытындысы бойынша анықталады», – деп...