Жаңалықтар

Қазақстанның халық әртісі Роза Рымбаева Алматыда өтетін концертінен түскен табысты мүгедек балаларды қолдау үшін жібереді. Бұл туралы ол Youtube-тегі Тимур Балымбетов арнасына берген сұқбатында айтты.

7 ақпанда Алматыдағы Республика сарайында Роза Рымбаева сахнада ән айтып жүргеніне 50 жыл толуына орай мерейтой концерт бермек. Осы концерттен түскен қаржыны қайырымдылыққа жұмсауды жөн көрген.

«Бұл концертімізде түсетін ақшаны да қайырымдылыққа жұмсаған жөн көріп отырмыз. Мүгедек балаларды қолдауға жібереміз. Билеттен түскен ақша олардың шотына аударылады. Осындай игі жасайтын мүмкімдігіміз барына шын қуаныштымын», – деді әнші.

Ол өзінің өнерге қалай келгені, марқұм жары Тасқын Оқапов қарым-қатынасы, билікпен қатынасы туралы...

Қытайдың China National Nuclear Corporation (CNNC) компаниясы Алматы облысының Жамбыл ауданында Атом электр станциясын (АЭС) салады, тиісті шешімді премьер-министр Олжас Бектенов қабылдады.

«Атом энергиясын пайдалану туралы» Қазақстан Республикасы Заңының 5-бабының 2) тармақшасына және 12-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ: 1. «Екінші атом электр станциясы» ядролық қондырғысының құрылысы және Алматы облысының Жамбыл ауданы – ядролық қондырғының құрылысы туралы шешім қабылдансын», – делінген премьер-министр қол қойған Үкімет қаулысының мәтінінде.

Қаулы қол қойылған күнінен бастап, 26 қаңтардан бастап қолданысқа енгізіледі.

Өткен жылдың желтоқсанында Қазақстан президенті Қасым-Жомарт Тоқаев елде салынады деп жоспарланған екінші атом электр станциясы (АЭС...

Қарағандыда әуесқой хоккей лигасының матчы кезінде «СКА-Приозерск» командасының 45 жастағы ойыншысы қайтыс болды. Апат туралы ақпарат «Патриот» Telegram-арнасы ақпарат таратты.

Ойын кезінде ер адам өзін нашар сезінген. Денсаулық сақтау басқармасының ақпаратына сүйенсек, оқиға орнына жедел жәрдем көлігі келмей тұрып, ер адам қайтыс болған.

Қарағанды облысының полициясы 45 жастағы ер адамның зорлық-зомбылық өлімінің сыртқы белгілерінсіз қайтыс болу фактісін тіркегенін атап өтті.

«Сот-медициналық зерттеудің алдын ала мәліметтері бойынша, өлімнің себебі атеросклеротикалық жүрек ауруы болды», – делінген полиция хабарламасында.

Айта кетейік, өткен жылы 16 қазанда «Хан-Тәңірі» футбол клубының 19 жастағы ойыншысы Диас Төлеу матч кезінде өзін жайсыз сезініп...

Қазақстанның сыртқы істер министрі Ермек Көшербаевты Анкараға ресми сапары барысында Түркия президенті Режеп Тайып Ердоған қабылдады, деп хабарлады министрлік.

Кездесу барысында түрік президенті кеңейтілген стратегиялық әріптестік деңгейінде екіжақты қарым-қатынастардың үдемелі дамуын атап өтіп, Қазақстан мен Түркия арасындағы көпжақты ынтымақтастықты одан әрі тереңдетудің маңыздылығын атап өтті.

Ермек Көшербаев, өз кезегінде, мемлекет басшысы Қасым-Жомарт Тоқаевтың атынан Түркия президентіне жылы лебіздер мен ізгі тілектерді жеткізді, сондай-ақ, бұрын жоғары және жоғары деңгейде қол жеткізілген уағдаластықтардың іске асырылу барысы туралы хабардар етті.

Тараптар бауырластық пен тұрақты достық қағидаттарына негізделген қазақ-түрік өзара іс-қимылын одан әрі нығайту перспективаларын талқылады. Халықаралық ұйымдар шеңберінде, оның ішінде Түркі интеграциясы желіс...

Оңтүстікте жаңбыр, шығыста қар жауады. Ал батыспен солтүстікте көктайғақ болады. «Қазгидромет» 3 ақпанған ауа райы болжамын ұсынды.

Қайтарылған активтерді басқару компаниясының (КУВА) лоттарының ішінде еуропалық сарайлардағыдай фрескалар мен интерьерлері бар пәтер пайда болды. Лот КУВА сайтында орналастырылған.

Ауданы 231,8 шаршы метр тұрғын үй Астанадағы «Green Village» тұрғын үй кешенінде орналасқан. Пәтердің бастапқы бағасы – 214 млн теңге. Сауда-саттық 18 ақпаннан басталады.

Пәтердің интерьері бағандармен, витраждармен, каминмен және періште фигуралары салынған шатырмен ерекшеленеді. Бұл пәтер қарапайым қалалық тұрғын үйге қарағанда еуропалық сарайлардың залдарын еске түсіреді.

Айта кетейік, бұл тұрғын үй кешені Астанадағы ең қымбат жабық қалашықтағы тұрғын үй кешендерінің бірі. Мұнда пәтерлердегі шаршы метрдің бағасы 1 миллион теңгедей болады.

«Бурабай» мемлекеттік ұлттық табиғи паркі туристік және рекреациялық жобаларды іске асыру үшін жер учаскелерін ұзақ мерзімді жалға беруді жоспарлап отыр. Бұл туралы «Бурабай» МҰТП әкімшілігі хабарлады.

Ақпаратқа сүйенсек, бастама курорттық инфрақұрылымды дамытуға бағытталған. Сондай-ақ Бурабай курортының аумағында қонақүйлер, этноауылдар, туристік және рекреациялық мақсаттағы басқа да объектілерді орналастыру мүмкіндігін көздейді.

«Аталған бастама Қазақстан Республикасының Президенті Қасым-Жомарт Тоқаевтың «Ақбура», Жүкей көлі, Қатаркөл және Текекөлді қоса алғанда, жаңа туристік аймақтарды дамыту жөніндегі тапсырмасы аясында жүзеге асырылуда. «Бурабай» ұлттық паркі инвестиция тарту және рекреациялық инфрақұрылымның бірегей нысандарын құру мақсатында, сирек баратын әрі әлеуеті жоғары локацияларды игеруге басымдық бере отырып...

Алматыда Шақшақ Жәнібек көшесіндегі №3 тұрғын үйдің үшінші қабаты бұзыла басталды. Жұмыстарды меншік иесінің өзі жүргізеді, сот шешімін орындайды, деп хабарлады Қала құрылысын бақылау басқармасы.

Мемлекеттік органның мәліметінше, жоспардан тыс тексеру кезінде үй иесі рұқсат құжаты жоқ ғимаратты қайта құрып, ауданы шамамен 200 м2 болатын үшінші қабатты тұрғызғаны анықталды.

Оған ғимараттың заңсыз салынған бір қабатын белгіленген мерзімде қирату туралы бұйрық берілді. Меншік иесі талапты орындамады, содан кейін басқарма Медеу аудандық сотына талап арыз берді. 2025 жылдың тамызында сот үшінші қабатты бұзу туралы шешім қабылдады. Ғимаратты бұзу 1 ақпанда басталды.

Қызылордалық 25 жастағы полиция лейтенанты Павлодар облысына келіп, әйел адамнан бір мәселені шешу үшін 550 мың теңге алмақ болған, деп хабарлайды KazInform.

Тергеу мәліметтері бойынша, Қызылорда облысының Арал қаласында жұмыс істейтін жедел уәкіл алаяқтық туралы күдіктіден жауап алу үшін Павлодарға келген. Күдіктінің анасымен сөйлесу кезінде полиция қызметкері 550 мың теңге алып, проблемаларды шешуге жәрдемдесуді ұсынған. Әйел келіскен, алайда сол күні сыбайлас жемқорлыққа қарсы қызметке хабарлаған. Лейтенант пара алған кезде ұсталған.

Қылмыстық іс «Ірі мөлшерде пара алу» бабы бойынша ашылған. Жұмыстан шығарылған полицейдің адвокаты алаяқтық фактісі бойынша соттау керек деп талап етті, бірақ сот айыпталған баптың дұрыс екенін айтты.

«Қылмысты...

Әлеуметтік желіде Шымкент көшелерінің бірінде жалғыз өзі кетіп бара жатқан қызды жасөспірім жігіт көтеріп алып кеткен видео тарады. Оқиға нақты қалай болғаны, немен аяқталғаны әзірге белгісіз.

Оқиғаға қатысты полицияға арыз түскен. Полиция «кәмелетке толмаған қызға қатысты құқыққа қарсы әрекет жасауға оқталу жайты» бойынша қылмыстық іс қозғаған.

«1 ақпанда жасөспірімнің кәмелетке толмаған қызды ұстап алып, құқыққа қарсы әрекет жасамақ болғаны туралы арыз түсті. Полиция қызметкерлері оқиға орнына жедел жетті. Күдікті ізін суытпай ұсталып, уақытша ұстау изоляторына қамалды. Жасөспірімнің ата-анасы полицияға жеткізілді», – делінген қалалық полиция департаментінің хабарламасында.

«Қазатомөнеркәсіп» Ақдала уран кен орнын сенімгерлік басқаруға алады. Бұл туралы Ұлттық компания хабарлады.

Ақдаладағы келісімшарт бойынша уран өндіру құқығы қазіргі таңда «Оңтүстік тау-кен химиялық компаниясына» тиесілі. Бұл «Росатом» мемлекеттік корпорациясының құрылымына кіретін Uranium One (70% үлесі) және «Қазатомөнеркәсіптің» (30% үлесі) бірлескен кәсіпорны.

«Қазатомөнеркәсіп» жер қойнауын пайдалануға арналған келісімшартты ұзарту кезінде ондағы кемінде 90% үлесті алуға тиіс. Компания келісімшарттың қолданылу мерзімінің өтуіне байланысты 2026 жылғы 28 наурыздан бастап Ақдала кен орнында уранды барлауға және өндіруге ие болады. Осыған дейінгі 2001 жылғы 28 наурыздан бекітілген пайдалануға беру туралы келісімшарттың уақыты біткен.

Компания Ақдала кен орнында келісімшарт аяқталған кезде технологиялық процесті тоқтата тұруға...

2 ақпандағы Қазақстан қор биржасындағы (KASE) сауда-саттық қорытындысына сәйкес, АҚШ долларының теңгеге шаққандағы орташа өлшенген бағамы қайтадан өсті.

Бағам бір доллар үшін 505,17 теңгені құрады. Бұл алдыңғы аптадағы деңгейден 3,93 теңгеге жоғары. Сауда-саттық көлемі 425,1 млн доллар болып, жұма күнгі көрсеткіштерден 50,7 млн долларға төмен болды.

Сауда-саттық барысында ең төмен баға 503,5 теңгеге, ал ең жоғары баға бір доллар үшін 506,6 теңгеге жетті. Бұл ретте сауда-саттық 504,9 теңге белгісімен аяқталды.

Қазақстан қор биржасындағы доллар бағамы қаңтардың соңғы жұмыс күнінде 503 теңге болған еді. 5 қаңтардан бастап теңге 513-тен 503-ке дейін нығайды.

Қаңтар айында республикалық бюджетке трансферт бөлу үшін Ұлтты...

Шымкентте сот Тұран аудандық полиция басқармасының басшысы Нұржан Тілеуовті 6 жылға түрмеге жапты. Сотталушы сот үкімімен келіспейді. Оның қорғаушысы әрі әйелі бұл қолдан ұйымдастырылған арандатушылық деп бағалайды.

Сот үкімі

Шымкент қалалық қылмыстық істер жөніндегі ауданаралық соты 50 жастағы Нұржан Тілеуовті Қылмыстық кодекстің «Пара алу» бабымен кінәлі деп таныды. Оны 6 миллион теңге пара алды деген айыппен 6 жылға бас бостандығынан әрі полковник шенінен айырды.

Нұржан Тілеуов жазасын қауіпсіздігі орташа түзеу мекемесінде өтейтін болды. Оған шығарылған үкім күшіне енгенге дейінгі 1 күні жаза мерзімінің бір жарым күніне есептелді.

Сот барысы

Судьяның сөзінше, Тілеуовтің кінәсі өзінің және жәбірленушінің сотқа дейінг...

Ыбырай Алтынсарин атындағы Ұлттық білім академиясының президенті тағайындалды. Бұл туралы академияның баспасөз қызметі ақпарат таратты.

«Қазақстан Республикасы Оқу-ағарту министрінің 2026 жылғы 2 ақпандағы бұйрығымен және конкурстық комиссияның 2026 жылғы 26 қаңтардағы хаттамалық шешімімен Зүльфия Темірханқызы Төребекова Ы. Алтынсарин атындағы Ұлттық білім академиясының президенті лауазымына тағайындалды», – делінген хабарламада.

Зүльфия Төребекованың білім және ғылым саласында 20 жылдан астам еңбек өтілі бар. Ол Мұхтар Әуезов атындағы Оңтүстік Қазақстан мемлекеттік университетінде «Физика, математика және информатика пәні мұғалімі» мамандығы бойынша білім алған. 2016 жылы АҚШ-тың Дьюк университетінде магистратураны тәмамдады және Сиракьюс университетінде докторантурада оқыған. PhD дәрежесіне ие...

Бәзбіреулер UFC дүлдүлі Шавкат Рахмоновтың атынан әлеуметтік желіде фейк парақша ашқан. Бұл туралы спортшының өзі жазды.

«Әлеуметтік желілерде менің атымнан фейк аккаунттар ашылып жатыр. Онда жарияланған жазбалар мен пікірлердің маған ешқандай қатысы жоқ. Жалған аккаунт. Арандатушылыққа ермеңіздер. Тек ресми және тексерілген дереккөздерге сеніңіздер», – деп жазды Рахмонов.

Жалған парақшада халық талқылап жатқан Конституция жобасына қатысты пікір жазылған.

Әйелі жол апатына түсті

Шавкат Рахмоновтың әйелі Гүлайым Рахмонова 2025 жылдың 27 шілдесінде Алматы – Екатеринбург тас жолының 299-шақырымында жол апатына түсті. Toyota Land Cruiser 200 автокөлігінің жүргізушісі рөлге ие бола алмай, көлік аударылып кеткен. Апат салдарынан екі адам...

«Өнер қырандары» әзіл-сықақ театрының басшысы Мадияр Серікбаев танымал әнші Құдайберген Бекіштен пародия жасағаны үшін кешірім сұрады

«Мен Құдайберген Бекіш ағамнан кешірім сұраймын. Құдайберген аға, кешіріңіз. Мен кезінде сіздің рұқсатыңызсыз дауысыңызға, әніңізге, күлкіңізге, сөзіңізге пародия жасадым. Түрім қатты ұқсады сізге. Даусыммен еліктедім. Сосын өте танымал «Қуыр, қуыр, қуырмаш» әніңізді айтып шығып, концертте сізге пародия жасадым. Сізден кешірім сұрап, үлгерген жоқпын сол кезде. Сізді ренжіп жүр деп естідім», – деді Мадияр Серікбаев.

Оның айтуынша, екеуі бір тойда кездесіп қалған кезде пародия үшін Құдайберген Бекіш ренішін білдірген.

«Иә, черный, сен маған пародия жасап жүр екенсің ғой. Сен менімен...

2 ақпанда Ұлттық банк (ҰБ) бағаны бірден 7,5 мың теңгеге түсіріп, 1 грамм алтын құнын 81 562 теңге деп белгіледі. Әлем нарығында алтын мен күміс арзандап жатыр.

Алтын мен күміс бағасы

Бір күн бұрын ғана ҰБ алтынның бір грамын 89 мың теңгеден сатқан. Бұл – қадағалаушы банк тарихындағы ең жоғары баға.

Әлем нарығында алтынның бір унциясы 5 600 долларға дейін көтеріліп, қайта түсті. Қазір ол шамамен 4 763 доллардан сатылып жатыр. Баға айналдырған үш-төрт күннің ішінде қатты түсті. Алтын бір тәулікте 120 долларға арзандады.

Алтынмен бірге күміс те құнын жоғалтып жатыр. Қазір оның бір унциясы шамамен...

«Қорғас» шекара маңы халықаралық ынтымақтастық орталығы (ШЫХО) 16 ақпаннан 1 наурызға дейін уақытша жұмысын тоқтатады. Бұл туралы арнайы экономикалық аймақтың әкімшілігі хабарлады.

Осы кезеңде Қытайда Көктем мерекесі (ай күнтізбесі бойынша Жаңа жыл) атап өтіледі.

«Аталған кезеңде Қазақстан тарапында туристерге қолайлы жағдай жасау мақсатында жоспарлы жөндеу жұмыстары жүргізіледі», – делінгеген хабарламада.

2 наурыздан бастап «Қорғас» орталығы қалыпты режимде жұмысын қайта бастайды.

Сондай-ақ 16–18 ақпан аралығында Қазақстан–Қытай шекарасындағы автокөлік өткізу пункттері де жұмыс істемейді. Бұл да Қытайдағы мерекеге байланысты. Аталған кезеңде адамдар, көлік құралдары мен жүктерді өткізу уақытша тоқтатылады, ал теміржол...

Италиядағы Турин қаласында тұрғындар биліктің әлеуметтік орталықты сүруіне қарсы болды. Осы себеппен 15 мыңға жуық адам көшеге шығып, соңы әлеуметтік наразылыққа ұласты деп жазады халықаралық БАҚ.

Алғашқыда щеру көпшілік пікірін білдіріп, бейбіт түрде басталғанымен, соңы полициямен қақтығысқа ұласты. Полицейлердің бірі көтеріліске шыққан азаматты ұрып соққан. Оны көрген өзге тұрғындар сол маңайдағы тәртіп сақшыларына жаппай тиісе бастайды.

«Бұл кісі өлтіруге оқталу»

Италия журналистерінің жазуынша, 97 полицей жарақат алған.

Елдің премьер-министрі Джордж Мелони Туринге барып, ауруханада жатқан тәртіп сақшыларымен кездесті.

Біреуді балғамен ұрғанда, оның салдары өте ауыр болуы мүмкін екенін біле отырып әрекет етесің. Бұл протест...

Әсет Ерғалиев президент кеңесшісі болды. Бұл туралы Ақорда хабарлады.

«Мемлекет басшысының жарлығымен Әсет Ерғалиев Қазақстан президентінің кеңесшісі – Стратегиялық жоспарлау және реформалар агенттігінің төрағасы лауазымына тағайындалды», – делінген ақпаратта.

Ерғалиев 2021 жылдың қаңтарынан 2022 жылдың қаңтарына дейін Ұлттық экономика министрі болды. Содан кейін Стратегиялық жоспарлау және реформалар агенттігінің төрағасы, президентінің экономикалық мәселелер жөніндегі көмекшісі қызметін атқарған.

2024 жылдың мамырынан 2025 жылдың ақпанына дейін Дүниежүзілік сауда ұйымы мен халықаралық экономикалық ұйымдар жанындағы Қазақстанның тұрақты өкілі болды.

Бір жыл бұрын Стратегиялық жоспарлау және реформалар агенттігінің төрағасы қызметіне қайта кіріскен.

Қаңтар айындағы ҰБТ-ны 139 мың талапкер тапсырды. Бұл туралы Ғылым және жоғары білім министрлігінің баспасөз қызметі хабарлады.

Ведомствоның мәліметінше, талапкерлердің 76 пайызы тестілеуді қазақ тілінде, 24 пайызы орыс тілінде және 86 адам ағылшын тілінде тапсырған. Екі аптаның қорытындысы бойынша талапкерлердің 69 пайызы шекті балл жинады. Бес пән бойынша орташа балл 64 балды құрады. Ең жоғары нәтиже – 138 балл.

«Ерекше білім беру қажеттіліктері бар оқуға түсушілер үшін қолайлы жағдай жасаудың арқасында ҰБТ-ға 328 талапкер қатысқанын айта кеткен жөн. Талапкерлердің тест тапсырмаларының мазмұны бойынша тестілеу аяқталғаннан кейін 30 минут ішінде апелляцияға беру құқығы бар. Техникалы...

2025 жылы «Қазатомөнеркәсіп» уран өндірісін 11%-ға арттырып, 25,8 мың тоннаға жеткізді. Алайда сатылым бағасы арзандап, 2026 жылға болжам қысқарған.

Ұлттық атом компаниясының дерегінше, 2025 жылы жалпы уран өндірісі 25 839 тоннаға жетіп, бір жылда 11%-ға өсті. Өсім негізінен «Буденовское» бірлескен кәсіпорнының жобалық қуатқа шығуымен байланысты.

Компаниялар тобы бойынша сатылым көлемі де дәл осы қарқынмен өсіп, 18 495 тоннаны құрады. Ал «Қазатомөнеркәсіптің» үлесіне шаққандағы өндіріс көлемі 13 519 тонна болды.

Баға динамикасы табысқа қысым түсіреді

Өндіріс пен сатылым артқанымен, нарықтағы баға компания үшін жағымсыз сигнал берді. Уран концентратының орташа сату бағасы 6%-ға төмендеп, бір фунты...

2025 жылдың қорытындысы бойынша Қазақстанның жалпы мемлекеттік борышы шамамен 38,7 трлн теңге, яғни 77 млрд доллардан асты. Бұл туралы Kursiv.Media Қаржы министрлігінің мәліметіне сүйене отырып хабарлайды.

Мемлекет борышы көбейді

2026 жылғы 1 қаңтардағы мәліметке қарағанда, қарыз 77 млрд 90 млн доллар болды. Соның 72,5 млрд доллары мемлекеттік қарызға, қалғаны мемлекет кепіл болған борыштарға жатады.

Қарыз айналдырған екі айдың ішінде шамамен 20%-ға көбейгенін көріп отырмыз. Себебі 2025 жылғы қазанда ғана Қаржы министрлігі борышты 64,7 млрд доллар деп есептеген. Қарыз аз уақытта шамамен 12,3 млрд долларға артқан.

Үкімет қарызы

Қарыздың басым бөлігін, яғни 69,3 млрд

Ақпаннан бастап балалар тұратын және білім алатын мекемелер ескертусіз тексеріледі.

Денсаулық сақтау министрлігі санитариялық-эпидемиологиялық бақылау комитеті төрағасының орынбасары Марал Рақымжанованың айтуынша, бұл тізімге балабақша, мектеп, медициналық ұйымдар, интернаттар, студенттік жатақханалар, медициналық-әлеуметтік мекемелер, балалар үйлері, сәбилер үйлері кіреді.

Айтуынша, мемлекеттік мекеме мен кәсіпорын, сондай-ақ мемлекеттік бюджеттен қаржыланатын жеке бизнес тексеріледі.

«Бақылаушы органдарға мектеп ішіндегі асхана, медициналық пункт, спорт залдарын  бір уақытта тексеруге мүмкіндік беріледі. Бұл балалардың мектеп ішіндегі жағдайын көруге көмектеседі», – дейді маман.

Бұған дейін алдын ала хабарлау арқылы жүргізілген тексеру заң бұзушылықты жасыруға мүмкіндік беріп келген. Енді кенеттен барып тексеру бақылауды тиімді етеді.

Мәселен, алдын...