Жаңалықтар

Қарағанды облысынан Павлодар облысындағы Баянауыл мемлекеттік ұлттық табиғи паркінің жеріне жеткен қызыл жалын 6 мың гектар жерді шарпып өтті. Бұл туралы Павлодар облысының әкімдігі хабарлады.

Әкімдіктің мәліметінше, өрт аумағы шамамен 6 мың гектар жер болған. Өрт сөндіру жұмыстары әлі де жүргізіліп отыр. Қатты соққан жел мен биік шөптер тілсіз жауды одан сайын өршітіп жіберген.

Өңір әкімі Асайын Байханов кеше түнде аймақтық жедел штабтың отырысына қатысты. Өртті ауыздықтауға 310 адам, 51 арнайы техника, 1 әуе кемесі және 3 ұшқышсыз ұшу аппараты жұмылдырылған. Жергілікті атқарушы органдар өрт сөндірушілерге қажетті тамақ пен арнайы техниканың жұмысына арналған отынмен қамтамасыз етіп отыр.

Кез келген қазақстандық Алматы мен Астанадан үй алуды армандайтыны анық. Оның ішінде ипотека алмай, қарызға кірмей, ақша жинап үй алуды қалайтындар да көп. Қазақстанда үй алуға ақшаны қалай жинау керек? Бұл туралы кursiv.media мамандардан сұрап көрді.

«Үй алайық» ипотекалық компаниясының жетекшісі Мадина Болатханқызының айтуынша, бала дүниеге келген кезден бастап үй алуға ақша жинау керек. Өздеріне ақша жинай алмай жүрген адамдар балаларына қалай ақша жинау керек екендігін білмейді.

«Кез келген адам қандай жалақыда болмасын, 30 мың теңге, 60 мың теңге болса да, алдымен өзіңізге де, балаңызға да депозит ашыңыз. Содан кейін қанша көлемде ақша салу қиын емес...

Антикор «Астана» футбол клубын сынға алды, бұл туралы Сыбайлас жемқорлыққа қарсы іс-қимыл агенттігі хабарлады.

Сыбайлас жемқорлыққа қарсы іс-қимыл агенттігі мен Туризм және спорт министрлігі бірлесе отырып, спортты қаржыландыру саласындағы сыбайлас жемқорлық тәуекелдеріне сыртқы талдау жүргізді. Талдау қорытындысы отандық спорттың дамуына және әлемдік аренада жоғары нәтижелерге жетуге кедергі келтіретін жүйелі сыбайлас жемқорлық тәуекелдерінің бар екенін көрсетті.

Инфрақұрылымның жағдайы

Антикордың мәліметінше, спорт кешендері мен футбол академияларын салудың орнына спорттық ұйымдар легионерлерді ұстауға көп ақша жұмсаған.

Мысалы, 2023 жылы «Астана» ФК Қазақстандағы ең қымбат спорт клубы ретінде танылды, оның шығыны 2018-2023 жылдары 50 млрд теңгені құраған. Алайда осы уақытқа дейін клуб...

Еуразиялық банктің директорлар кеңесіне банк акционерлерінің бірі – Патох Шодиевтің қызы Муниса Шодиева енді. «Еуразиялық қаржы компаниясы» АҚ акционерінің шешімі банк сайтында орналастырылған.

Сонымен қатар банктің тәуелсіз директор ретінде Нұрышев Арман сайланған. Бұған дейін тәуелсіз директор қызметін атқарған Жанбота Бекенов кеңес құрамынан шықты.

Енгізілген өзгеріске сәйкес, банктің директорлар кеңесі 5 адамнан тұрады: Александр Машкевич, Шухрат Ибрагимов, Муниса Шодиева, Виталий Репей, Арман Нұрышев. Директорлар кеңесіндегі Александр Машкевич пен Арман Нұрышев Қазақстан азаматтары болса, қалған үшеуі – бейрезиденттер.

Бұл банкке «Еуразиялық қаржы компаниясы» арқылы Мукадасхан Ибрагимова, Патох Шодиев және Александр Машкевич иелік етеді. Олардың әрқайсысына 33,3% акция тиесілі. Муниса Шодиева...

Стэнфорд университетінің профессоры Илья Стребулаев және технологиялар мен цифрлық стратегия бойынша кеңесші Алекс Дангтың бірлесіп жазған «Венчурлік ойлау жүйесі» атты бестселлері қазақ тіліне аударылды.

Кітапта инвесторлар мен кәсіпкерлерге бизнесті табысты трансформациялау жолында дұрыс шешім қабылдауға көмектесетін тоғыз қағида көрсетілген. Авторлар Amazon және McKinsey секілді компаниялардағы венчурлық капиталистердің ойлау жүйесі мен механизмдері табысты бизнес құруға қалай ықпал ететінін көп жылдар бойы зерттеген.

«Венчурлік ойлау жүйесі: саналы түрде бәс тігу арқылы орасан зор табысқа қалай жетуге болады» кітабы BYB capital мен «Сәби» қорының негізін қалаушылары Кенес Рақышев, Әсел Тасмағамбетова және басқарушы серіктес Асқар Білісбековтің қатысуымен өтті. Кітап солардың қолдауымен жарық көрд...

Мемлекеттік қызмет туралы заңға қарамастан, Есік қаласының әкімі Аңсатбаев пен Іле ауданының әкімі Қарасаев ұсталса да, Алматы облысының әкімі Марат Сұлтанғазиев отставкаға кетпейді. Әкімнің аппараты кursiv.media сауалына өз уәжін айтты. Әкімдік келтірген дәйекке сүйенсек, облыс әкімі сайланған аудан, қала әкімдеріне жауап бермейді.

«Есік қаласының әкімі А.М.Аңсатбаев «Қазақстан Республикасындағы сайлау туралы» Қазақстан Республикасының Конституциялық заңына сәйкес сайланғандықтан, облыс әкімінің отставкаға кету мәселесі заңнамада айқындалмаған», – дейді Алматы облысы аппараты.

Есесіне, оның тікелей басшысы Еңбекшіқазақ ауданының әкімі А.М. Досумбаев жазаға тартылып, 2024 жылдың 17 ақпанынан бастап өз еркімен орнын босатқан.

Алматы облысы әкімдігі аппаратындағылардың пікірінше, Іле ауданыны...

Рудныйдағы ұн тарту кәсіпорнында төрт жұмысшы қайтыс болды. Жұмысшылардың өліміне байланысты полиция еңбек қауіпсіздігі ережелерін бұзу бойынша тергеу бастады.

6 қазанда Қостанай облысында төрт жұмысшы қайтыс болғаны туралы ақпаратты өңірлік ТЖД порталы жариялады. Қайтыс болған азаматтар бес метрлік бункерді тазартуға кірген. Ешбірі кері шыға алмаған. Компания өкілдері құтқарушы жасақ, полиция мен жедел жәрдем шақырған.

«Құтқарушылар жұмысшылардың денесін бункерден шығарды. Жедел жәрдем өкілдері олардың қайтыс болғанын хабарлады», – делінген облыстық ТЖД ақпаратында.

Жұмысшылардың неден қайтыс болғаны әзірге белгісіз.

Полиция «екі немесе одан да көп адам өліміне әкеп соқтырған еңбек ережелерін бұзу» факторы бойынша тергеу жұмыстарын...

«Кселл» ақционерлік қоғамы (Kcell байланыс операторы) былтыр ақпанда алған 90,5 млрд теңге несие желісінің негізгі борышы мен сыйақысын толық өтегенін хабарлады. Компания кредитін 2 ақпан күні жапқан. Бұл туралы хабарлама Қазақстан қор биржасында орналастырылған.

Kcell байланыс операторы 2023 жылдың басында Halyk bank-тен 90,5 млрд теңгеге тең несие желісін ашу туралы келісіміге қол қойды. Бұл қарыздың мақсаты – қажет жабдықтарды сатып алу мен айналым қаражатын толықтыру деп көрсетілген еді. Қарыз мөлшері эмитент активтері құнының 20%-нан асқан. Сол кезде компания  326,4 млрд теңге активке иелік ететін.

Бұл қарызды компания 2026 жылдың қазанына дейін толық өтеуі тиіс еді. Экономист...

«Қазақмыс» корпорациясының Қарағанды облысындағы шахтасында 2 жұмысшы қайтыс болғаннан кейін, тергеу жұмыстары басталды. Бұл туралы облыстық полиция департаменті хабарлады.

«Саяқ-3» шахтасында болған қайғылы оқиғаға байланысты полиция Қылмыстық кодекстің 277-бабы 2-бөлігі яғни адам өліміне алып келген тау-кен, құрылыс немесе өзге де жұмыстарды жүргізу кезінде қауіпсіздік қағидаларын бұзуға қатысты қылмыстық іс қозғады.

«Қазіргі уақытта полиция болған оқиғаның барлық мән-жайларын анықтауға бағытталған тергеу жүргізуде», – делінген полиция хабарламасында.

Бұдан бөлек, еңбек инспекциясы департаменті де аталған іске қатысты тергеу жұмыстарын бастаған. Арнайы құрылған комиссия құрамына санитар-эпидемиология бақылау ұйымы, еңбек инспекциясы мен «Қазақмыс» корпорациясының өкілдері енген.

7 қазанда қазақстандық миллиардерлер Владимир...

Қарағанды облысында дала өртін сөндіру кезінде 33 жастағы өрт сөндіруші-құтқарушы Хали Хайрат қаза тапты. Бұл туралы Төтенше жағдайлар министрлігі хабарлады.

«Оқиғаның мән-жайы анықталып жатыр. Сотқа дейінгі тергеу жұмыстары басталды.
Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетіп жатыр. Қазақстан Республикасы Төтенше жағдайлар министрлігі өрт сөндірушінің туыстары мен жақындарына көңіл айтады!», делінген министрліктің хабарламасында.

Төтенше жағдайлар министрлігінің мәліметінше, 6 қазанда Қарағанды облысы, Қарқаралы ауданының Қоянды ауылы маңында құрғақ шөп өртеніп кеткен. Өрт шыққан орынға орман шаруашылығы, ТЖД және ерікті өрт сөндіру жасақтарының күштері дереу аттанған.

Алдын ала деректер бойынша, өртт...

Қазақстан 2023 жылы алтын қорын көбейткен 10 елдің қатарына енді. 2023 жылы әлем елдерінің орталық банктері 1037 тонна алтын сатып алған.

«РБК-Инвестиция» басылымының жазуынша, Орталық банктердің былтыр сатып алған алтыны – кейінгі 10 жылдағы рекордтық көрсеткіш. Соңғы 10 жылда алтын сатып алуды арттырған елдердің көш басында Ресей келеді. 2013-2023 жылдар аралығында көрші мемлекет 1298 тонна алтын сатып алған.

Бұл жылдары Қытай да алтын қорын біршама толықтырған. Аспан асты елі 1181 тонна алтын сатып алды. Үшінші орында – Түркия. Бұл елдің алтын қоры 424 тонна алтынға толыққан.

Жоғарыда аталған 3 мемлекеттен бөлек, Польша (+256) және Үндістан...

Қазақстан Денсаулық сақтау министрлігі Марбург вирусының алдын алу туралы ескерту жариялап, профилактикалық шаралар тізімін ұсынды.

Дүниежүзілік денсаулық сақтау ұйымының Марбург вирусының қаупі туралы ескерткеннен кейін, Қазақстан Денсаулық сақтау министрлігі эпидемиологиялық бақылауды күшейткен.

Марбург вирусы адамдарға жарқанаттардан жұғуы мүмкін. Қызу көтеріліп, тамақ пен іш ауырып, мұрын мен көз қанауы мүмкін. Ол тікелей байланыспен жұғады, яғни науқастың киімі немесе төсек орны секілді вирус сақталып тұруы мүмкін заттарды ұстағаннан да тарауы мүмкін. 

Вирусты бірден анықтау мүмкін емес, вирус жұқтырғаннан кейін, 2-21 күн аралығында алғашқы симптомдар пайда болады. Дерттің негізгі ошағы – Оңтүстік Африка елдері.

Бас мемлекеттік санитариялық дәрігер Сархат Бейсенованың айтуынша, әзірге әуежайлар бақылауға алынған. Мемлекеттік шекараларда санитариялық-карантиндік тексерулер...

Орталық референдум комиссиясы 6 қазан күні өткен АЭС салу бойынша республикалық референдумның алдын ала қорытындысын жариялады.

Референдумдағы барлық учаскеде дауыстарды санау аяқталғанын ОРК төрағасы Нұркен Әбдіров мәлімдеді.

Орталық референдум комиссиясының мәліметінше, дауыс беруге қатысу құқығы бар Қазақстан Республикасы азаматтарының жалпы саны 12 284 487 адам. Дауыс беруге қатысқан азаматтар саны 7 820 204 жалпы көрсеткіштің 63,66%-ды құрады. 5 561 937 адам, яғни 71,12%-ы «иә» деп дауыс берді.

Айта кетейік, Қазақстанда 6 қазанда өткен АЭС салуға қатысты жалпыұлттық референдумда таңғы сағат 6:00-де басталып, кешкі 20:00-де тоқтатылды. Елдегі дауыс беру жасына жеткен азаматтардың 63,66%-ы, яғни 7 820 204 қазақстандық науқанға қатысқан.

Қазан айының басында Мемлекет басшысы Тоқаев Шетелдік инвесторлар кеңесінің жаңа құрамын бекітті. Бір қызығы, онда «ТМК» (Трубная металлургическая компания – ред.) директорлар кеңесінің төрағасы Пумпянский мен RUSAL бірлескен компаниялардың президенті Олег Дерипаска тізімде жоқ.

Олег Дерипаска иелігіндегі RUSAL – әлемдегі ең ірі екі алюминий шығарушының бірі. Әлемдегі алюминий өндірісінің 7%-ын өндіреді. Бес құрлықтың 20 елінде жұмыс істейді.

2017 жылы Олег Дерипаска Кипр азаматтығын алғанымен, АҚШ-тың санкциясынан құтыла алмады. 2018 жылы «Кремль тізіміне» енді.

Дмитрий Пумпянскийге Украинаның аумақтық тұтастығын бұзғаны және Ресей агрессиясын қолдағаны үшін жеке халықаралық санкция салынған. 2022 жылдың наурыз айында бүкіл Еуроодақ елдерінің санкциясына ілікті. Өйткені, еурпалықтардың пікірінше...

Қытай астанасында өткен ITF J300 BEIJING 2024 CHINA OPEN турнирінде Қазақстандық жас теннисші Әмір Омарханов жеңіске жетті. Бұл туралы Қазақстан теннис федерациясы хабарлады.

Федерацияның мәліметінше, 18 жасқа дейінгі Қазақстанның бірінші ракеткасы, әлемдік юниорлар рейтингінде 15-орында тұрған Әмір Омарханов финалда британдық Оливер Бондингті (ITF Juniors рейтингінде 19-орын) жеңді. Алғашқы сет тай-брейкпен Оливердің еншісінде қалса да, кейінгі екі партияда Әмір басымдық танытып, 6:0, 6:4 есебімен жеңіске жетті.

Бұл – қазақстандық спортшының ITF Juniors сериясындағы жеке разрядтағы алтыншы жеңісі. Бұған дейін Қарағанды теннис мектебінің түлегі Таиландта (J300), Кореяда (J300), Египетте (J100), Грузияда (J60) және өз туған қаласы Қарағандыда (J60) жеңімпаз атанған еді.

Ресей Бас прокуратурасы Ұлыбританияның Shell энергетикалық корпорациясының кейбір бөлімшелеріне қарсы сотқа шағым түсірді. Бұл туралы Мәскеу сотына түскен арызда жазылған.

Шағым Мәскеу төрелік сотына 2 қазанда келіп түскен. Зардап шегуші тарап ретінде «Газпром экспорт», Ресей Энергетика министрлігі, Сахалин облысының құқық қорғау органдары, «Сахалин Энерджи» компаниясы көрсетілген.

Істің нақты қандай мәселеге байланысты басталғаны туралы ақпарат жария болмаған. 

Жауап беруші ретінде көрсетілген Shell Exploration and Production Services BV компаниясы Ресейде мұнай-газ кен орындарын барлау және игеру бойынша қызметін жүргізген. Shell Global Solutions International BV компаниясы мұнай өңдеу бойынша консультациялық қызметтер көрсеткен. Shell Sakhalin Holdings BV компаниясы Shell корпорациясының еншілес ұйымы ретінде...

Корпоративтік инсайдерлер 2024 жылы АҚШ-тың қор нарығынан өсім күтпейді. Қытай акцияларына деген күмән күшейіп келеді. Қорғаныс секторларындағы инвестициялау моделі өзгерді. Осы және өзге де тақырыптар туралы демалыс күндеріне арналған шолудан оқыңыз.

S&P индексінің өсімі оң нәтиже көрсетпеуі мүмкін

АҚШ-тағы президенттік сайлау мен Таяу Шығыстағы шиеленістің өршуі аясында инвесторлар тағы бір қауіпке тап болды. Бұл – үшінші тоқсанда америкалық корпорациялардың пайдасы төмен болуы мүмкін деген жаңалық деп хабарлады Bloomberg.

2024 жылы S&P 500 индексі 20%-ға өсіп, нарықтық капиталдандырылуына 8 трлн доллардан астам қосқан. Өсім негізінен ақша-несие саясатының жұмсаруы мен тұрақты табыс перспективаларына деген үмітке негізделген.

Алайда жағдай өзгеруі мүмкін...

«Қазақмыс» корпорациясының Қарағанды облысындағы «Саяқ-3» шахтасында екі жұмысшы қайтыс болды. Бұл туралы компанияның баспасөз қызметі хабарлады.

Ақпаратқа сүйенсек, «Саяқ-3» шахтасында көміртегі газы бөлініп, жұмысшылар эвакуациясы басталған. Қайғылы оқиға кезінде 2 жұмысшы қайтыс болған.

«Зардап шеккендер жақын жердегі медициналық мекемелерге жеткізілді. Өкінішке қарай, екі жұмысшы қайтыс болды», – делінген компания хабарламасында.

Қазіргі таңда оқиғаға байланысты ішкі тергеу басталып, қайғылы жағдайдың себептерін анықтау үшін комиссия құрылған.

Компания өкілдері қаза тапқандардың отбасына көңіл айтып, оларға қолдау көрсетілетінін айта кетті.

«Қазақмыс» корпорациясы – 70% және 30% «Kazakhmys Copper» арқылы Владимир Ким мен Эдуард Огайға тиесілі.

Еске сала кетсек, бұған дейін корпорацияны...

Астанада 7-13 қыркүйек аралығында алғаш рет үстел теннисінен Азия чемпионаты өтеді. Бұл туралы Туризм және спорт министрлігі хабарлады.

Қазақстан атынан кімдер шығады?

Министрліктің мәліметінше, чемпионатта барлығы 26 елден келген 210 спортшы бақ сынайды. Бахрейн, Гонконг, Үндістан, Иордания, Иран, Йемен, Катар, Қытай, Қытай Тайбэйі, КХДР, Қырғызстан, Малайзия, Мальдив, Моңғолия, Непал, Оман, Пәкістан, Сауд Арабиясы, Сингапур, Таиланд, Өзбекстан, Филиппин, Шри-Ланка, Оңтүстік Корея, Жапония және Қазақстаннан келген шеберлер медаль үшін сынға түседі.

Қазақстан құрамасын Рио-2016, Токио-2020, Париж-2024 Олимпиадаларының қатысушысы Кирилл Герасименко, 2020 жылғы Олимпиада қатысушысы Анастасия Лаврова, аралас жұптағы жастар арасындағы әлем чемпионы Алан Құрманғалиев, халықаралық турнирлердің жүлдегерлері Сарвиноз...

Алматының Алмалы ауданында тұрғын үй кешенінің 18-қабатынан бойжеткен қыз құлап, қайтыс болды. Бұл туралы Алматы қаласының полиция департаменті хабарлады.

6 қазан күні кешкі сағат 19:00 шамасында Алмалы ауданындағы тұрғын үйлердің бірінің 18-қабатынан қыз баланың құлаған белгілі болған. Оқиғаның себебін полиция анықтап жатыр.

«Алмалы ауданының полиция департаменті оқиға бойынша қылмыстық іс қозғады. Істің мән-жайы тергеу барысында анықталады», – делінген полиция хабарламасында.

Айта кетейік, бұл Алматы қаласындағы алғашқы қайғылы оқиға емес. 16 қыркүйекте дәл осы Алмалы ауданында екі жасөспірім қыздың терезеден құлап қайтыс болғаны белгілі болған.

Ішкі істер министрлігі ата-аналарға ескерту жасап, балалардың қауіпсіздігі туралы ақпарат...

Еуразиялық интеграция институтының exit-poll мәліметтері бойынша қазақстандықтардың 71,8%-ы АЭС салуға келісім берген. Бұл туралы Орталық сайлау комиссиясы хабарлады.

Институт сауалнамасы 250 учаскені қамтыған. Оның ішінде 159 қалалық, 91 ауылдық учаскелерде сауалнама жүргізіліп, 30 546 азамат референдумда қалай дауыс бергендерін айтқан.

Сауалнама қорытындысы бойынша пікір білдірген қазақстандықтардың 71,8%-ы елде атом электр станциясын салуды қолдаса, 28,2%-ы қарсы шыққан.

Сыртқы істер министрлігінің ақпаратына сүйенсек, шетелдегі 74 учаскеде де дауыс беру аяқталып, комиссия жұмысын тоқтатқан. Жалпы 59 елде ашылған сайлау учаскелеріне жалпы саны 9976 қазақстандық азамат келіп дауыс берген.

Айта кетейік, Қазақстанда 6 қазанда өткен АЭС салуға қатысты жалпыұлттық референдумда таңғы сағат 6:00-де...

Exit Poll  АЭС құрылысына қатысты республикалық референдумның алдан ала нәтижесі шықты. Оны «Астана – кешенді әлеуметтік зерттеулер институты» жеке қорының талдаушысы Әлібек Тәжібаев жариялады.

Әлібек Тәжібаевтың мәліметінше, референдум қатысушыларының 69,8%-ы Қазақстанда АЭС салуға қарсы еместігін білдіріп, бұл бастаманы қолдаған. Ал 30,2 %-ы керісінше, атом электр станциясының құрылысына келіспейтінін жеткізіп, қарсы шыққан. Жеке қор талдаушысы үздіксіз ағын әдістемесінің көмегімен Қазақстанның 189 учаскесінде дауыс берген 283 519 азамат қамтылғанын атап өтті.

«Олардан референдум аясында қойылған «Сіз Қазақстанда атом электр станциясын салуға келісесіз бе?» сұрағына қалай жауап бергені сұралды. Exit-poll нәтижелері қорытындысы мынадай: Дауыс беруге қатысқан сауалнамаға қатысқан...

Ресей енді Қазақстаннан қауын тасуға тыйым салды. Россельхознадзор ҚР Ауыл шаруашылығы министрлігінің Агроөнеркәсіптік кешендегі мемлекеттік инспекция комитетіне 2024 жылдың 7 қазанынан бастап жаңа піскен қауындарға (Қазақстаннан шыққан) фитосанитариялық сертификат беруді тоқтатуды сұрады.

Бұған кейінгі екі жылда Қазақстаннан жеткізілген қауындарда карантиндік объект – қауын шыбыны (Myiopardalis pardalina) бірнеше рет анықталғаны себеп болды деп түсіндірген. Егер осы зиянкес Ресей аумағына тарап кетсе, аталған мекеме шығын 250 млн рубльге дейін жетеді деп есептеген.

Россельхознадзор қазан айында Қазақстанның Ауыл шаруашылығы министрлігіне Ресей Федерациясына экспортталатын астық, қызанақ, бұрыш және күнбағыс тұқымдарын қабылдамайтынын мәлімдеді.

Ресей тарапының Қазақстаннан тасымалданатын өнімдерге фитосанитариялық сертификат беруді тоқтатуына байланысты Ауыл...

Бүгін, 6 қазанда, Қазақстанда өткен АЭС салу бойынша референдумда ел азаматтарының 63,87%-ы дауыс берді. 7 820 918 сайлаушы референдум учаскелеріне барып, АЭС құрылысына қатысты өз ұстанымдарын жеткізді. Орталық референдум комиссиясының хатшысы Мұхтар Ерман дауыс берудің соңғы сағатындағы деректерді жариялады.

Саяси науқанда Қызылорда облысының тұрғындарының белсенділігі жоғары болған. Аталған өңірдің 82,48 %-ы референдумға қатысқан. Түркістан облысының халқы да маңызды шешім қабылдауда қалыс қалмады, мұндағы өңір азаматтарының 75,31%-ы дауыс берген. Үздік үштікті 75,11 %-бен Ақтөбе облысының сайлаушылары түйіндеді. Ал Алматы қаласының белсенділігі, керісінше ,ең төмен болды. Оңтүстік астана жұртының тек 25,39%-ы өз таңдауын жасау үшін референдум учаскесіне барған.

Мұхтар Ерман учаскелік...