Жаңалықтар

Жетісу облысында Ішкі мемлекеттік аудит департаментінің қызметкерлері өңірдің білім беру ұйымдарында 78,5 млн теңгеге қаржылық заң бұзу, сондай-ақ 416,8 млн  теңгеге процедуралық заң бұзу дерегін анықтаған.

Қаржы министрлігінің хабарлауынша, бұл туралы білім беру ұйымдарында қаржылық және қылмыстық құқық бұзушылықтарға ықпал ететін жағдайларды жою жөніндегі кеңесте айтылды.

«Жыл басынан бері 23 аудиторлық тексеру жұмыстары жүргізіліп, оның қорытындысы бойынша тиісті ұйымдарға анықталған бұзушылықтарды түзету үшін 23 ұйғарым жіберілді. Бұл тексерулердің нәтижесінде (қалпына келтіру арқылы) шамамен 8,7 млн теңге және (өтем төлемі арқылы) 19 млн теңге мемлекеттік бюджетке қайтарылды», – делінген хабарламада.

Тексеру нәтижесінде 20 лауазымды тұлға тәртіптік...

Бұдан былай адам папилломасы вирусына қарсы вакцина жөнінде жалған ақпарат таратқандар жазаға тартылуы ықтимал. Бұл туралы Денсаулық сақтау министрлігінің Санитарлық-эпидемиологиялық бақылау комитеті хабарлады.

Аталған комитет «адам папилломасы вирусына (АПВ) қарсы вакцинация бедеулікке соқтырады» деген әлеуметтік желілер мен түрлі хабарлама көздерінде кеңінен таралған ақпаратты фейк деп атады. Комитеттің пікірінше, бұл ғылымға қайшы келеді әрі шындыққа жанаспайды.

«Нақты емес ақпаратты тарататын адамдардың іс-әрекеттеріне құқықтық баға беру үшін материалдар құқық қорғау органдарына берілді. Әлеуметтік желілерді пайдаланушыларды және барлық азаматты өз денсаулығына жауапкершілікпен қарауға, тек ресми көздерден алынған сенімді ақпаратқа ғана сенуге шақырамыз», – делінген хабарламада.

Бұл комитеттің дерегінше...

2024 жылдың тамыз айында Қазақстандағы тұтынушылық сенім индексі (ССІ) біршама төмендеп кеткені белгілі болды. Көрсеткіштердің төмендеуі барлық субиндекстерден байқалды, бірақ ССІ оптимистік аймақ аясынан шыға қойған жоқ. Төртінші ай қатарынан тоқтаусыз өскен инфляциялық күтулер инфляцияның нақты деңгейінен асып түсті, дегенмен біздің нарықтағы тұтынушылар бағалардың өсуіне қатысты болжамдарын біршама ұстамды бағытқа қарай түзетуге бейім.

Десек те бұл жолы отандастарымыз тауар және қызмет түрлерінің бағасы мейлінше өсе түскеніне баса мән берген, әсіресе, «азық-түліктің негізгі түрлерінің бағасы өсіп барады» дегенді жиі айтқан. Ал отандық еңбек нарығындағы жағдай мен депозиттік құралдарды олар біршама тұрақты деп бағалаған, бірақ кредит алуды «кейінге қалдырған дұрыс» деп...

SpaceX компаниясының Polaris Dawn ғарыш кемесінің экипажы бес күндік тарихи миссиядан кейін жерге сәтті оралды. Dragon капсуласы АҚШ-тың Флорида жағалауына қонды және бұл сәтті SpaceX тікелей эфирде көрсетті.

NASA-ның айтуынша, бұл миссия коммерциялық ғарыш индустриясы үшін «үлкен серпіліс» болды. SpaceX негізін қалаған Илон Масктың арқасында ғарышты зерттеуде жаңа дәуір басталып, жеке тұлғалардың ғарышқа шығуына мүмкіндік пайда болды.

Төрт адамнан тұратын экипажды қаржыландырып, басшылық еткен миллиардер Джаред Айзекман ғарышқа соңғы 50 жылдағы ұшқан астронавтардан да үлкен қашықтыққа жетті. Экипаж құрамында АҚШ Әскери-әуе күштерінің зейнеттегі пилоты Скотт Потит, сондай-ақ SpaceX қызметкерлері Сара Гиллис пен Анна Менон болды.

Айзекман мен Гиллис тарихта...

Өзгенің мүлкіне аса ірі мөлшерде қол салған күдікті Түркиядан экстрадицияланды. Ол 2022-2023 жылдар аралығында Алматы қаласындағы коммерциялық ұйымдардың бірінде бухгалтері болып қызмет атқарған.

Бас прокуратураның хабарлауынша, сол кезде төлем тапсырмаларына жалған мәліметтер енгізіп, өзіне сеніп тапсырылған 27 миллион теңгеге жуық қаражатты жымқырған.

Бухгалтер әйел жазадан жалтару үшін шетелге жасырынған. Сондықтан құқық қорғау органдары оған халықаралық іздеу жариялаған-ды.

Биыл тамыз айында ол Түркия аумағында ұсталды. Қазақстан Бас прокуратурасының сұрауы бойынша қазақстандық құқық қорғау органдарына берілген. Қазіргі уақытта Астана қаласының тергеу изоляторына жеткізілді.

Бұл қылмысқа дүние-мүлкі тәркіленіп, жеті жылдан он екі жылға дейін бас бостандығынан айыру жазасы қарастырылған.

Мұның алдында...

Ресей үкіметі 1 қазаннан бастап импортталатын жеңіл автокөліктердің утильалымын екі есе, ал коммерциялық көліктердің алымын 75-80%-ға өсіреді. Бұл жайлы Moscow times басылымы хабарлады.

Ресейлік автодилерлер бұл қаулы жеке пайдалануға арналған шетелдік автокөліктердің кіруіне кедергі келтіретінін айтады. Қаулыға сәйкес 2030 жылға дейін утильалым мөлшерлемесі жыл сайын 10-20%-ға индекстелетін болады. Сарапшылар бұл жағдай көліктердің қымбаттап, инфляцияның одан әрі жеделдеуіне жол ашатынын ескертеді.

Ресейде утильалым мөлшерлемесі бекітілгеннен кейін, Орталық банктің жыл соңына дейін инфляция 6,5-7% деңгейіне дейін түседі деген болжамы орындалмайтынын айтады экономист Дмитрий Полевой.

«Бұл инфляцияға қарқын беріп, 0,5-0,6%-ға дейін артуына жол ашады. Сонымен қатар...

Мемлекет басшысы Қасым-Жомарт Тоқаев Ұлттық қауіпсіздік комитетінің екі лауазымды қызметкерін қызметінен босатты.

Олар: Ұлттық қауіпсіздік комитеті Төрағасының орынбасары – Терроризмге қарсы қызметінің бастығы Руслан Темірғалиұлы Сейсембаев және  Ұлттық қауіпсіздік комитеті Төрағасының орынбасары – Сыртқы барлау қызметінің директоры Асқар Баймерденұлы Әмірханов.

Айта кету керек, Руслан Темірғалиұлы Сейсембаев ІІ дәрежелі «Айбын» орденімен, ведомстволық және мерейтойлық медальдармен марапатталған.

2021 жылы ҚР Президентінің Жарлығымен ұлттық қауіпсіздік генерал-майоры атағы берілді. 1997-2008 жылдары ұлттық қауіпсіздік органдарында офицерлік лауазымдарда қызмет атқарды. 2008-2023 жылдар аралығында  ұлттық қауіпсіздік органдарында басшы лауазымдарда қызмет атқарды. 2023 жылғы сәуір айында ҰҚК Төрағасының орынбасары болып тағайындалған.

Ал Асқар Баймерденұлы Әмірханов ІІ дәрежелі «Айбын» орденімен, «Жауынгерлік ерлігі үшін» медалімен,  ведомстволық және мерейтойлы...

Құрастырмалы ойыншық шығаратын LEGO компаниясы көшпенділер мәдениетін дәріптейтін киіз үй ойыншығын шығаруы мүмкін. Бұл жоба LEGO Ideas платформасында ұсынылып, дауыс беру жүріп жатыр.

LEGO – әлемдегі ең танымал ойыншықтардың бірі. Ол балалардың қиялын дамытып, шығармашылық қабілетін арттырады.

LEGO Ideas платформасы арқылы кез келген адам өзінің ерекше идеяларын ұсына алады. Егер жоба қажетті дауыс жинайтын болса, LEGO компаниясы оны өндіріс жоспарына енгізеді. LEGO киіз үй жобасын қазақтың ұлттық ойындарын жаңа дизайнмен насихаттап жүрген Айнұр Полатова ұсынды. Оның айтуынша, бұл жоба тек балалар үшін ғана қызықты ойыншық емес, сонымен қатар қазақ мәдениетін әлемге танытатын құрал бола алады.

Алдағы бірнеше күнде Алматыда ауа сапасы күрт нашарлап, ауада зиянды заттардың көрсеткіші көтеріле түседі деп күтілуде. Бұл жайлы «Қазгидромет» хабарлады.

«16 қыркүйек күні және 17 қыркүйекте түнде метеорологиялық жағдайлар қала атмосферасында ластаушы заттардың жиналуына ықпал етеді. Жалпы қала бойынша ауаның ластану деңгейінің жоғарылауы күтілуде», – делінген «Қазгидромет» болжамында.

Қаланың ауа райы алдағы бірнеше күнде бірқалыпты әрі жауын-шашынсыз болады деп күтілуде. Күндіз 21-23 градус жылы болса, түнде сынап бағаны +8 немесе +10 градусқа дейін төмендейді.

Ал Астанада керісінше ауа сапасы жақсара түспек. «Қазгидромет» болжамынша 16 қыркүйекте метеорологиялық жағдайлар қала атмосферасында ластаушы заттардың таралуына ықпал...

АҚШ-тың құпия қызметі Республикалық партиядан президенттікке үміткер Дональд Трампқа қастандық жасамақ болған азаматты тұтқындады. Оқиға жексенбі, 15 қыркүйек күні Флорида штатының Вест Палм-Бичтегі гольф алаңында болған. Бұл жайлы Reuters басылымы жазды.

Басылымның хабарлауынша, қастандық Трампқа гольф ойнап жатқанда жасалмақ болған. Құпия қызмет агенттері бұл алаңға жақын жердегі ағаштардың арасынан қарулы адамды байқап қалған. Агенттер күдіктінің соңына түсіп, бірнеше рет оқ атқан. Алайда күдікті оқиға болған жерден бой тасалап үлгерген. Артынша оның сөмкесі мен қаруы табылғаны хабарланды.

«Күдікті АК-47 автоматы мен басқа да заттарын оқиға орнында қалдырып, көлікке отырып қашып кеткен», деп жазады басылым...

Ұлыбританияның премьер-министрі Кейр Стармерге қатысты соталды тергеу жүргізілуде. Шенеунік әйелі Викторияға кәсіпкердің демеуімен қымбат киім сатып алғаны үшін жазықты болып отыр.

The Times басылымының жазуынша, мультимиллионер бизнесменнің саясаткердің әйеліне берген сыйлығы үшін Стармердің басы дауға қалған.

«Премьер-министр мультимиллионер-кәсіпкердің, яки өз партиясының донорының әйеліне қымбат киім сатып алғанын жарияламай, парламенттік жоспарды бұзды», – делінген материалда.

Демеуші Ұлыбритания Лордтар палатасының мүшесі Вахид Алли екені белгілі болды. Ол билікке келгенге дейін де премьер-министр әйелінің жеке сауда кеңесшісінің қызметін қаржыландырған.

Кеңсе тарту-таралғының жалпы құнын айтпады. Викторияның оларды қашан қабылдағаны да белгісіз.

Кейр Стармер 2024 жылдың 5 шілдесінде ресми түрде Ұлыбританияның премьер-министрі болып тағайындалды...

Жыл өткен сайын мобайл ойындардың неше түрлі жаңарған нұсқасы шығып жатыр. Жаңадан шықса да көпшіліктің оң бағасын алып жатқандары қаншама?! 2024 жылы геймерлердің көңілінен шыққан 25 ойынды назарыңызға ұсынып отырмыз. Мұның ішінде жаңа тайтлдарға қоса, сүйікті ойынға айналған қолданбалардың жаңа кейіпкерлер, деңгейлер мен мүмкіндіктер қосылған түрлері де бар. Әрі түрлі жанрды қамтуға тырыстық: RPG, динамикалық шутерлер, стратегиялық ойындар мен симуляторлар — бәрі бар. 

1. Genshin Impact

Бұл ойынды геймер қауым жақсы біледі. Танымал болуына контентінің қызық әрі бай болғаны мен тұрақты түрде жаңартып тұратыны да себеп болса керек. Биылғы өзгерістерге тоқталсақ, 2024 жылы жаңа аймақтар, персонаждар мен оқиғалар қосылады. Жыл...

Ақтау қаласын тағы да түтін басты. 15 қыркүйек күні бірқатар шағынауданның тұрғындары жағымсыз иістің таралғанын айтып шағымданған.

Маңғыстау облыстық төтенше жағдайлар департаменті баспасөз қызметінің хабарлауынша, Мұнайлы ауданынының Баянды ауылынан 25 шақырым жердегі тұрмыстық қалдықтар полигоны жанып жатыр. Полигонның жалпы аумағы – 25 гектар, тереңдігі – 13 метр.

Қазіргі уақытта осы қалдықтар аумағының 650 шаршы метр бөлігі өртенуде. Төтенше жағдайлар департаменті мен жергілікті атқарушы орган ұйымдастырған жұмыс тобы қалдықтардың жануын сөндіруде. Рекультивацияға 15 жұмысшы мен 12 техника жұмылдырылған. Аталған дерек ТЖД-ның есеп кітабына тіркелді.

Полигон аумағы Мұнайлы ауданының әкімдігіне қарасты «МаңғыстауЖылу» МҚК-ға тиесілі. Қоқыс алаңы Ақтау қаласына жақын орналасқан.   Google картада...

Жексенбіге қараған түні күшті су тасқынының салдарынан Аустрияның кейбір бөліктерінде теміржол қозғалысы тоқтатылды және Венадағы метро жартылай жабылды. Билік Төменгі Аустрия провинциясындағы 24 ауылды өте қауіпті аймақта тұр деп 14 қыркүйекте тұрғындарды эвакуациялауға көшті.

Еуропа елдері қазіргі уақытта тасқынға қарсы күресуде. Жұма, 13қыркүйек күні Чехияда нөсер күшейіп, қоймалардан су жіберу көлемі ұлғайды. Метеорологтар Польша мен Германия, Аустрия мен Словакияға тасқын қаупі күшейетінін ескертті. Еуропа елдері дайындыққа кірісті.

Чехия өз аумағында 20 жылдан бері жаумаған нөсердің басталуы мүмкін екенін болжаған. Опава қаласында тасқыннан зардап шеккен адамдарды эвакуациялауда. Елде 63 мыңдай адам жарықсыз қалған.

BBC мәліметі бойынша Румынияда төрт адам қаза тапқан...

EZIE миссиясының ауысуы ғалымдарға ғарыш аппараттарының жұмысын жердегі приборлармен синхрондауға мүмкіндік береді.

NASA жердің магнит сферасын зерттеуге арналған EZIE ғарыш миссиясын бастайтын күнді қайтадан белгіледі.

Electrojet Zeeman Imaging Explorer (EZIE) миссиясы полярлық сәулелердің бөлігі болып табылатын қарқынды электр токтарын зерттеуге бағытталған.

Поляр шұғыласы (солтүстік шапақ деп те аталады) жердің магнит өрісінің күн желінің зарядталған бөлшектерімен әрекеттесуінің нәтижесінде пайда болады. Содан тұрғындар аспаннан әртүрлі түсті сәуленің шашырағанын көреді.

EZIE миссиясы үш кубсаттан (текше бөліктерден тұратын шағын приборлар) тұрады. Бұл құрылғылар жер бетінен 100 шақырым биіктікте – біздің планетамызды қоршаған кеңістіктен нақты бөліп тұратын ионосфера деп аталатын атмосфералық қабаттағы электр тогын өлшейтін...

Қазақстан мен Қытай сауда саласындағы интеграцияны арттырмақ. Сауда және интеграция министрі Арман Шаққалиев Шаньдун провинциясының Халық үкіметі төрағасының орынбасары Сун Цзюнцзимен осы мәселені талқылады.

Төраға орынбасары Шыңжаң-Ұйғыр автономиялық ауданындағыдай Шаньдун қаласында «QazTrade» АҚ сауда өкілдігін ашуды ұсынды. Жаңа алаң тауар айналымын ұлғайтуға, бизнес мүддесін қорғауға мүмкіндік береді.

«Өткен жылдан бері біз Қытаймен сауда-саттықты аймақтандыру принципі бойынша дамытып, әр өңірмен оның ерекшеліктерін ескере отырып жұмыс істеп жатырмыз. Бұл тәсіл қазірдің өзінде Сычуань, Хубэй және Шыңжаң провинцияларында қолданылған. Біз сондай-ақ сауда-экономикалық байланыстарды арттыру үшін аймақтық өзара іс-қимыл тетіктерін пайдалана отырып, Шаньдунмен ынтымақтастықты нығайтуға дайынбыз», – деді Шаққалиев.

Дүниежүзілік денсаулық сақтау ұйымы Bavarian Nordic даниялық фармацевтикалық компаниясының MVA-BN вакцинасын ұсынған. Препарат алдын ала квалификациядан өтті. Яғни бұл екпені ДДҰ мақұлдады деген сөз. Соның негізінде елдер мен халықаралық ұйымдар вакцинаны сатып алу туралы шешім қабылдай алады.

ДДҰ бұл шешім халықтың осал топтарына вакцинация салуды кеңінен қамтуға және осылайша жұқтыруды азайтуға көмектеседі деп күтеді.

Маймыл шешегіне қарсы MVA-BN вакцинасын 18 жастан асқан адамдарға араға төрт апта салып екі инъекциялық доза түрінде беруге болады. Аймақта вакцина тапшы болса, ДДҰ бір дозаны қолдануды ұсынады. Егер адам ауруды жұқтырмаған болса, MVA-BN вакцинасының бір дозасының тиімділігі 76%, ал екі дозасы 82% тиімді деп бағаланған...

Жаздың жаймашуақ күндері азайып, күн суыта бастағанда көңіл-күй құбылатыны бар. Мұндайда ешқайда барғыңыз келмей, күні бойы қалың көрпеге оранып, жата бергіңіз келуі мүмкін. Әліңіз құрып, ештеңеге зауқыңыз болмайды. Поэзияда бұл құбылысты көркемдеп «күзгі блюз» деп сипаттап жатады. Ал психологияда мұны «депрессия», нақтырақ айтқанда «аффектив бұзылыс» дейді. Күзге қарай байқалатын бұл құбылыстың пайда болу себебі неде? Оны қалай реттеуге болады? «Курсив» осы тақырыпты зерттеп көрді.

Біз айтқан бұл күйдің «күзгі хандра» деген атауы да кездеседі. Десек те, медицина тұрғысынан айтсақ, мұны маусымдық аффектив бұзылыс деген дұрысырақ. Бұл үлкен депрессиялық бұзылысқа ұқсас келеді. Бірақ бір ерекшелігі — маусымдық түрінде атауы айтып...

Қытай билігі шетелде зауыт салатын автоөндірушілерге негізгі технологияларды серіктестерге бермеуге шақырды, деп хабарлады Bloomberg агенттігі.

Шектеу электр көліктеріне арналған блоктарды жинауға қатысты.

Bloomberg дерегінше, ҚХР Сауда министрлігінің өкілдері жергілікті оннан астам автоөндірушілермен кездесулер өткізген. Оларға Үндістан өнеркәсібіне инвестиция салуды шектеу, сондай-ақ Өнеркәсіп министрлігімен және жергілікті елшілікпен Түркиядағы локализациялау жоспарларын алдын ала талқылауды ұсынды.

Қытай билігі шетелдік зауыттарға тек құрастыру жинақтарын жеткізетін өндірушілерді ынталандыруды көздеп отыр. Негізгі мақсат – Қытай электромобиль нарығындағы озық технологияларды экспорттан қорғау. Алайда Қытайдың автомобиль өнеркәсібі өкілдерін шетелдіктердің мұндай үндеулеріне сенбеуге шақырды.

Қытай билігінің ұсыныстары автокөлік өндірушілердің шетелдік өндіріс орындарын құруға инвестиция салуы мен дөп келд...

Қазақстан Моңғолияға асыл тұқымды қой экспорттайды. Бұл туралы ҚР АШМ Ветеринариялық бақылау және қадағалау комитеті төрағасының м.а. Самат Төлегенов пен Моңғолия Ветеринария бас басқармасының өкілдері  Батсух Басаан және Дэлгэрмаа Басаанмен кездесуінде белгілі болды.

Айта кететіні, биылғы жылдың тамыз айында екі елдің ведомстволары экспорталатын тауарлық және асыл тұқымды қойлар мен ешкілерге арналған ветеринариялық сертификат бойынша келісімге келген болатын.

«Қыркүйек айының басында Моңғолия өкілдері Түркістан облысының шаруашылықтарына ветеринариялық-санитариялық талаптарға сәйкестігі бойынша тексеріс және тәуекелдерді бағалау жүргізді. Ветеринариялық қызметтің құрылымы мен елде жүргізіліп жатқан ветеринариялық-профилактикалық іс-шаралар оң бағаланды», – деп хабарлады АШМ.

Еске сала кетсек, былтыр Қазақстанда асыл тұқымды мал шаруашылығын дамытуға қосымша 30 млрд теңге бөлінді.

Қаржы Абай, Жетісу, Ақмола, Алматы, Шығыс Қазақстан, Жамбыл, Батыс Қазақстан, Маңғыстау, Павлодар және Солтүстік Қазақстан облыстарында асыл тұқымды мал шаруашылығын дамытуға бағытталды.

Тежегіш ақауларына байланысты BMW әлем бойынша 1,5 млн автокөлігін кері қайтарып алды.

Компанияның хабарлауынша, жеткізушінің біріктірілген тежеу ​​жүйесіндегі (IBS) ақаулар бұрын ойлағаннан да кең таралған. Жаңа баспасөз-релизде компания бұл көліктерге арналған жалпы кепілдендірілген жөндеу шығындары миллиондаған долларға жететінін хабарлады.

Осының нәтижесінде BMW тұтынушыларға әлі жеткізілмеген 320 000 көлік тасымалын тоқтатты. Компания кері қайтарып алу және жеткізуді тоқтату жылдың екінші жартысында бүкіл әлем бойынша сатылымның төмендеуіне әкелетінін хабарлады.

Айта кететіні, бірқатар BMW үлгілерінде, тежеу ​​желілерінде қысымның тұрақты деңгейін сақтап тұратын IBS жүйесінің электрондық контроллерінің ақаулығы анықталды. Бұл қондырғыны BMW зауыттарына Continental компаниясы жеткізген.

Осы ақау Қытай, АҚШ, Германия және Оңтүстік...

Қырғызстан Ресейде жұмыс істеп жүрген қырғыз тігіншілері мен құрылысшыларын еліне қайтуға үндеді. Бұл туралы Қырғызстан президентінің баспасөз хатшысы Асхат Алагөзов хабарлады.

«Қырғызстанда тігін және құрылыс саласында жұмыс күші тапшы. Мұнда жалақы Ресей табатын ақшамен бірдей», – деп жазды Алагөзов желідегі парақшасында.

Бұған дейін Қырғызстан азаматтарын Ресейге барудан уақытша бас тартуға шақырған.

Ведомство бұл ұсынысын «Ресей аумағында енгізілген қосымша қауіпсіздік шараларының жалғасуымен және мемлекеттік шекара арқылы кіруге бақылаудың күшейтілген режимімен» байланыстырды.

Crocus City Hall ғимаратында 140-тан астам адамның өмірін қиып, 500-ден астамы жараланған теракттен кейін, ондаған қырғызстандық Ресейде «қара тізімге» іліккен болатын.

Лаңкестік әрекеттен кейін, Ресей билігі мигранттарға қатысты заңдарын күшейтті. Дума...

Президент Қасым-Жомарт Тоқаев Туризм және спорт министрлігіне 2025 жылдың сәуіріне қарай Алматы тау кластерін дамыту жоспарын бекітуді тапсырды. Аталған орын – шетелдік туристерді тарту әлеуеті жоғары басымдыққа ие үш бағыттың бірі. Бірақ оны дамыту үшін жүздеген миллиард теңге қажет.

Туризм және спорт вице-министрі Ержан Еркінбаевтың айтуынша, 82 елге арналған визасыз режим және шетелдік авиакомпаниялар үшін «ашық аспан» жүйесі 2024 жылы Қазақстанға келетін шетелдік туристер ағынын екі есе арттырған. Сондықтан x2 трендіне қол жеткізілді деп айтуға негіз бар. «Өткен жылдың қорытындысы бойынша Қазақстанға 9,2 млн шетелдік турист келді. Бұл 2022 жылмен салыстырғанда екі есе көп. Ал егер осы жылдың жартыжылдығын өткен...

Қазақстан Республикасы Президентінің Жарлығымен XVII жазғы Паралимпиада ойындарында жоғары жетістіктерге жеткен спортшылар мен атлеттердің жаттықтырушылары мемлекеттік наградалармен марапатталды, деп хабарлады Ақорданың баспасөз қызметі.

Атап айтқанда, алтын медаль иегерлері Дегтярев Давид Мамиевич І дәрежелі «Барыс» орденімен, Науатбек Ақмарал Маратқызы ІІІ дәрежелі «Барыс» орденімен  наградталды. Күміс медальға қол жеткізген Ғаббасов Еркін Тілеуғабылұлы, Жұмағали Нұрдәулет Мақсұтұлы және Шәмей Ерғали «Парасат» орденінің кавалерлері атанды. «Құрмет» орденімен Паралимпиада ойындарының қола жүлдегерлері Мұқашбеков Дастан Мұратұлы, Райфова Зарина Райфқызы, Федосова Даяна Владимировна және Шүкірбеков Жұрқамырза Бақытұлы марапатқа ие болды.

Ұлттық құрама бас бапкерлері мен спортшылардың жеке жаттықтырушыларының арасынан 5 азаматқа «Парасат» ордені, 7 адамға «Құрмет» ордені берілді. Сонымен қатар екі жаттықтырушы Қазақстан Республикасы Президентінің Құрмет грамотасымен наградталды.