Жаңалықтар

Жекеменшік компания Ulytau Resources Ltd 2024-2028  жылдар аралығында Жамбыл облысы Мойымқұм ауданындағы «Жусандала» кен алаңынан уран және сирек кездесетін элементтерді іздеу және бағалау жұмыстарын жүргізбек. Бұл турады ecoportal-да хабарланды. 

Тамыз айының 14 күні барлау жұмыстарын өткізу үшін Ақсүйек тұрғындарымен қоғамдық тыңдау өткізілген. Тұрғындарды «жайылып жүрген малдарға, адамдарға зияны жоқ па?» деген сауал қызықтырып отыр. Одан бөлек, ауылға не пайда келетіні жайында сұраған. 

Экопроект 2017 ЖК өкілі О.В.Матвееваның айтуынша, қоршаған ортаға зиян барынша азайту шаралары жасалмақ. Ол жоба уран және сирек кездесетін металдар деп көрсетілген, алайда сирек элементтер ізделінетін айтқан. 

Барлау жұмыстары аяқталған соң, қордың есебі жасалып, теңерімге қойылмақ. Содан кейін тау-кен...

30 тамызда Қазақстан Республикасының Конституциясы күні қарсаңында Астана мен Алматы қалаларында мерекелік іс-шаралар өтеді.

Елімізде 30 тамызда Қазақстан Республикасының Конституциясы күні атап өтіледі. Осыған байланысты Астанада 50-ден астам мәдени, спорттық, әлеуметтік іс-шара өткізу жоспарланып отыр, деп хабарлайды елорда әкімдігінің ресми сайты.

29 тамыз күні Есіл өзенінің жағалауында сағат 19:00-де «ЖАСАЙ БЕР, ҚАЗАҚ ЕЛІ» концерті ұйымдастырылады.

29 тамыз күні сағат 10.00-ден бастап Қазақстан Республикасының Ұлттық музейінде Конституция күніне орай салтанатты іс-шара өтеді. Іс-шара барысында шақырылған ресми тұлғалардың құттықтау сөздері, мәдени бағдарлама, сондай-ақ, Қазақстан Республикасы Конституциясының тарихына арналған Ұлттық музей залдарына экскурсия жүргізілу жоспарланған.

29 тамызда сағат 17:00-де Жастар сарайында «Жасыл...

Жоғары аудиторлық палата 2024 жылдың екінші жартыжылдығында Назарбаев университеті мен «ҚазМұнайГаз» ұлттық компаниясын тексереді. Бұл туралы президент Қасым-Жомарт Тоқаевпен кездесу кезінде палата төрағасы Әлихан Смайылов айтты.

«Биыл екінші жартыжылдықта тексеру жұмыстары Назарбаев Университеті және «ҚазМұнайГаз» ҰК» АҚ қызметін, сот жүйесін, сондай-ақ ауыл шаруашылығындағы, өңдеу өнеркәсібіндегі және құрылыстағы жекелеген бағыттарды қамтиды», – делінген Ақорда хабарламасында.

Айта кетейік, 2023-2025 жылдарға арналған республикалық бюджетте Назарбаев университетіне 918 миллион 786 мың теңге бөлінген.

Ақорданың баспасөз қызметі Аудиторлық палата биылғы жылдың екінші тоқсанында тексерген салалар туралы ақпарат беріпті. Смайылов басқаратын палата теміржолға баса назар аудара отырып, көлік саласына аудит жүргізген...

«Манчестер Сити» жұлдызы Эрлинг Холанд пен «Арсенал» ойыншысы Мартин Эдегор 6 қыркүейк күні Алматыға келеді. Норвегия ұлттық құрамасының ресми сайтында команданың Ұлттар лигасы аясындағы Қазақстан мен Аустрияға қарсы матчтарына шақырылған ойыншылардың тізімі жарияланды. Олардың ішінде «Манчестер Сити» жұлдызы Эрлинг Холанд пен «Арсенал» ойыншысы Мартин Эдегор бар.

Қақпашылар: Матиас Дюнгеланн («Бранн»), Эрьян Нюланн («Севилья», Испания), Эгил Селвик («Хёугесунн»);

Қорғаушылар: Кристофер Айер («Брентфорд», Англия), Фредрик Бьёркан («Будё-Глимт»), Йеспер Даланн («Кардифф Сити», Англия), Андреас Ханче-Ольсен («Майнц 05», Германия), Юлиан Рюэрсон («Боруссия» Дортмунд, Германия), Фредрик Шёвольд («Будё-Глимт»), Давид Мёллер Вольфе (АЗ, Нидерланды), Лео Эстигор («Ренн», Франция);

Жартылай қорғаушылар: Патрик Берг («Будё-Глимт»), Сандер Берге («Фулхэм...

«ҚазСервис» Қазақстанның мұнай-сервистік компаниялар одағы мұнай-газ саласындағы ең ықпалды 75 тұлғаның рейтингін жариялады.

Рейтинг осымен сегізінші рет жарияланып отыр. Биыл тізім кеңейтілген. Бұған дейін тізім 50 адамнан тұратын.

«Мұнай-газ саласының ел экономикасына қосқан орасан зор үлесін ескере отырып, тізімді 75 адамға дейін ұлғайту туралы шешім қабылданды», – деп хабарлады одақ.

Рейтинг отандық мұнай-газ саласы сарапшылары пікірлері негізінде жасалған. Кандидаттарды іріктеу кезінде олардың заңнамалық бастамаларға және саланы құқықтық реттеуге ықпалы қарастырылған. Бұған қоса олар басқаратын компаниялардың нарықтық құны, мұнай өндіру нарығындағы үлесі, төленген салық сомасы, білікті қызметкерлердің саны да маңызды болды.

Осылайша...

Биыл өнімнің көп болуына орай, елімізде алманы шетелден автокөлікпен әкелуге тыйым салынды. Бұл жайлы 27 тамызда Үкіметте өткен ведомствоаралық комиссияның отырысында премьер-министрдің орынбасары Серік Жұманғарин айтты.

Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның отырысында Қазақстан аумағына алма әкелуге тыйым салу мәселесін қараған.

«Комиссия Қазақстан аумағына алма әкелуге тыйым салу мәселесін қарады. Ауыл шаруашылығы министрлігінің мәліметінше биылғы жылы 300 мың тонна алма жиналады деп болжанып отыр», –делінген баспасөз хабарламасында.

Өнімнің мол түсуіне өткен жылғы көрсетілген мемлекеттік қолдау шаралары әсер еткен. Осының нәтижесінде биылғы жылы алма бақтарының толық жеміс...

2024 жылғы шілде айында ірі бизнеске берілген несиелердің пайыздық мөлшерлемесі тиімдірек бола түсті. Бірінші кредиттік бюро бұл кейінгі екі жылға жуық уақыттағы ең жақсы көрсеткіш деп хабарлады.

Шілдеде ірі кәсіпкерлік субъектілеріне берілген теңгелік несиелер бойынша ЕДБ-ның орташа алынған мөлшерлемесі 16,6%-ды құрады.

Маусыммен салыстырғанда 0,3%-ға төмендеп, 2022 жылдың қыркүйегінен бастап ең төменгі деңгейге жетті.

Бұл ретте орта және шағын бизнес сегменттерінде (жеке кәсіпкерлерді қоса алғанда) қарама-қарсы динамика байқалды.

Мәселен, орта бизнеске берілген несие мөлшерлемесі айлық 0,4%-ға, яғни, 17,9%-ға, шағын бизнес үшін айлық көсеткіш – 0,5%, жалпы 22,3%-ға жетті.

Банктердің жалпы барлық кәсіпкерлік субъекті бойынша сыйақысы 0,1%-ға...

Hyundai 2025 жылғы Elantra моделінің жаңартылған нұсқасын таныстырды. Оның бағасы 21 875 доллардан басталатынын жариялады деп хабарлайды Carscoops.com.

Жаңартылған модель Elantra SEL үлгісінің жаңа жабдықтар пакетімен толықтырылды. Ал SEL Sport моделі жылтыр қара түсті, артқы спойлер, айна корпустары және 17 дюймдік жеңіл дөңгелектермен жабдықталды.

Сонымен қатар сатып алушылар алюминий педальдарын, былғары рөлді, смартфонға арналған сымсыз зарядтау құрылғысын және 8 дюймдік ақпараттық-ойын-сауық жүйесін пайдалана алады. SEL Sport Hybrid жабдықтары 10,25 дюймдік цифрлық аспаптар панелі мен үлкенірек 10,25 дюймдік ақпараттық-ойын-сауық жүйесімен қамтамасыз етілген.

Elantra Hybrid Blue

Hyundai компаниясы гибридтік модельдерін арзандатып, сатылымды арттыруға бағытталған. Атап айтқанда, Elantra Hybrid Blue бастапқы...

Berkshire Hathaway компаниясы Bank of America ( BofA)-дағы үлесін азайтып жатыр. Уоррен Баффеттің инвестициялық компаниясы соңғы үш сауда сессиясында өзі «жақсы көретін» банктің акциялар пакетін шамамен 1 млрд долларға сатқаны туралы есеп берді. Шілде айының ортасынан бері Berkshire BofA-дағы үлесін шамамен 13%-ға қысқартты.

Толығырақ

Berkshire Hathaway 23-27 тамыз аралығында BofA акцияларын 982 млн долларға сатты. Осылайша, АҚШ-тың екінші ірі банкіндегі инвестицияларын қысқартуды жалғастырып жатыр. Бұл туралы инвесткомпанияның есебінде жазылған. Bloomberg-тің есебінше, Berkshire шілденің ортасынан бері Bank of America акцияларының шамамен 13%-ынан құтылып, жалпы 5,4 млрд доллар пайдаға кенелген.

Баффет өзінің Bank of America-дағы үлесін не үшін азайтып...

Қазақстаннан АҚШ-тың Нью-Йорк қаласына тікелей рейстер 2025 жылдың соңына дейін ашылатын болды. Бұл туралы Канаданың Монреаль қаласындағы ИКАО (халықаралық авиация нормаларын қадағалайтын ұйым) штаб-пәтерінде болған кездесуде белгілі болды.

«Монреальдағы ИКАО штаб-пәтерінде ҚР Көлік министрлігі мен АҚШ федералды авиациялық әкімшілігі (FAA) арасында Нью-Йоркке рейстерді ашу туралы келіссөздер өтті», – делінген Көлік министрлігінің хабарламасында.

Көлік министрі Марат Қарабаев Монреальда өткен ИКАО-ның 14-ші аэронавигациялық конференциясына қатысып, АҚШ федералды авиациялық әкімшілігінің (FAA) басшылығымен кездескен.

Кездесу барысында 2025 жылдың соңында АҚШ-қа тікелей әуе қатынасын ашу жоспарланған. Рейстер кем дегенде аптасына 2 рет орындалуы тиіс.

Айта кетейік, Air Astana әуе компаниясы 2026 жылға қарай Қазақстаннан АҚШ-қа тікелей рейстер...

Алматы арқылы өтетін негізгі өзендерде көшкін қаупінің картасы әзірленеді. Қала басшылығы осылайша тау бөктерінің қауіпті аймақтарында салынатын заңсыз құрылыс санын азайтуды көздеп отыр.

Бұл туралы қалалық мәслихаттың кезекті сессиясында Алматы қаласы сейсмикалық қауіпсіздік және жұмылдыру дайындығы басқармасы басшысының міндетін уақытша атқарушы Темірлан Жапарбек айтқан.

Басқарма өкілінің айтуынша, осы жылдың наурыз-шілде айлары аралығында қаланың 5 ауданының әкімдіктерімен бірлесіп көшкін мәселесі бойынша жиындар өткізіп, тау бөктеріндегі елді мекендердің жай-күйін зерттеген. Нәтижесінде сел мен көшкін қаупі жоғары учаскелерде құрылыс жүргізуге тыйым салу туралы шешім шығарған.

«Тау бөктерлерінде құрылыс салу мәселелерін шешу мақсатында ұзақ мерзімді перспективада...

«ҚазМұнайГаз» 2024 жылдың екінші тоқсанының қаржылық есебін жариялағаннан кейін, Freedom Broker компания акцияларына қатысты болжамын жаңартты.

«ҚазМұнайГаздың» бір акциясының жаңартылған нысаналы бағасы 17 500 теңгені құрайды. Бұл компания құнды қағаздары соңғы нарықтық бағадан 24%-ға өсуі мүмкін дегенді білдіреді. Ұсыныс – «Сатып алу», – деп хабарлады брокер.

Айта кететіні, «ҚазМұнайГаз» кірісі Румыниядағы мұнай өңдеу зауыттарындағы жөндеу жұмыстарына және кейбір кен орындарында «қара алтын» өндірудің аздап азаюына байланысты төмендеген. Бірақ операциялық шығындар да қысқарды.

Сонымен қатар «ҚазМұнайГаз» бірлескен компаниялары айтарлықтай көп дивиденд төледі. Мұның бәрі EBITDA өсімінің түзетілуіне және маржаның айтарлықтай артуына әкелді. Осының аясында...

Қазақ этносын әйелдер қалыптастырды. Бұл туралы Qalam Global Семей қаласында ұйымдастырған «Қазақ руларының тарихы» атты дәріс барысында Радик Темірғалиев айтып берді.

Оның айтуынша, қазақ этносы өзге ру өкіліне тұрмысқа шығып, салт-дәстүр мен тілді таратқан әйелдер арқылы қалыптасқан. Осылайша, біртұтас мәдениет пен ортақ тілі бар қоғам пайда болған.

«Қазақтарда жеті атадан аспай туысатын қызға үйленуге болмайды деген пікір бар. Яғни туыстық байланыс бұдан ары, мәселен, сегізінші атада болса, тұрмыс құруға рұқсат дейді. Шын мәнінде, бұл – соңғы кездері пайда болған ең жұмсақ талап. Әуеліде ережелер әлдеқайда қатал болған: генеологиялық тұрғыдан жұбайлардың арасы неғұрлым...

Тәтішевтер отбасы Тоқмәдидің туыстарының мәлімдемесіне жауап қайтарды. Марқұмның отбасы Мұратхан Тоқмәдидің толық көлемде адам өлтіргені үшін жауапқа тартылмағанын, бұл ісіне шын мәнінде өкінбейтінін айтып, мерзімінен бұрын босап шығуына қарсылық білдіріп отыр.

Тәтішевтің отбасы Тоқмәдидің туыстары келтірген уәжді орынсыз санайды. Бұл жайлы олар кәсіпкердің туыстарының 2024 жылғы 27 тамызда таратқан баспасөз хабарламасына берген жауабында айтқан.

Түрмеде жазасын өтеп отырған кәсіпкердің туыстары таратқан баспасөз хабарламасында шартты түрде мерзімінен бұрын босату туралы сот отырысының ешқайсысына жәбірленуші тараптың қатыспағаны айтылған. Алайда қаза тапқан банкирдің отбасы бұл сот отырыстары жайлы хабар алмағанын айтады.

«Баспасөз хабарламасында «Қонаев сотының отырысы...

Маңғыстау прокурорлары өңірдегі бірнеше балабақшаға 100 млн теңгеден астам айыппұл салды. Мектепке дейінгі білім беру мекемелерінде бірқатар заң талаптары өрескел бұзылған.

Өңірдегі балабақшаларда санитарлық нормалар, өрт қауіпсіздігі, еңбек заңнамасы, білім беру және медициналық қызмет көрсету бағытында заң бұзушылықтар болған.  Мемлекет бюджетіне айтарлықтай шығын әкелген балабақшалар да бар.

«Қазір аяқталған тексерулер бойынша 600-ге жуық әкімшілік іс қозғалып, жалпы көлемі 100 млн теңгеден аса айыппұл салынды. Сондай-ақ тексеру нәтижесімен 15 балабақшадан (3 мемлекеттік, 12 жекеменшік балабақша) 72,2 млн теңгеге мемлекетке залал келтіру дерегі анықталды», – делінген прокуратура хабарламасында.

Мәселен, 12 жекеменшік балабақша келмеген балалар үшін мемлекеттен 47 млн теңге көлемінде...

Шэньчжэньде алғашқы жүргізушісіз басқарылатын автобустар жұмыс істей бастады деп хабарлайды қытайлық БАҚ.

Ұзындығы 5,44 шақырым болатын жаңа B998 бағыты бойынша енді мемлекеттік Shenzhen Bus Group компаниясының бес шағын автобусы қатынайды. Олар жәй қоғамдық көлік емес, ерекше көліктер. Себебі автобустардың жүргізушісі жоқ, қашықтан басқарылады.

Олар жергілікті уақыт бойынша 9:30-дан 17:00-ге дейін жолаушы тасымалдайды. Бастапқы сынақ кезеңінде бұл ерекше көліктермен тегін қатынауға болады.

Сапарларды онлайн брондау мүмкіндігі де қарастырылған. Автобусқа кірген кезде WeChat платформасының Ride Code шағын қосымшасы арқылы QR кодын сканерлеу керек.

Қоғамдық көлік қызметін 18 жастан асқан адамдар ғана пайдалана алады. Әр автобуста төтенше жағдайларда оны бақылауға алатын...

Қырғызстанда тәуілсіздік күніне орай Филипп Киркоров пен Стас Михайлов бастаған ресейлік әншілердің өнер көрсетуіне жергілікті халық қарсы.

31 тамызда Ала-Тоо алаңында Қырғызстан тәуелсіздігінің 33 жылдығын мерекелеу аясында шетелдік жұлдыздардың қатысуымен гала-концерт өтеді. Бұл ақпаратты Қырғызстанның Мәдениет министрлігінің баспасөз қызметі растады.

Министрліктің мәліметінше, концерт бағдарламасында ресейлік әншілер Стас Михайлов, Филипп Киркоров, Люся Чеботина, сондай-ақ швед әншісі Bosson және итальяндық әнші In-Grid өнер көрсетеді деп күтілуде. Сонымен қатар танымал әнші Амирхан Батабаев, яғни Амирчик те сахнаға шығады.

Қырғызстанның тәуелсіздігіне арналған концертте ресейлік жұлдыздардың қатысуы әлеуметтік желілерде қызу талқыға түсті. Пайдаланушылар неге дәл осы жұлдыздар шақырылғанын және оларға қаражаттан қайдан төленетінін сұрады. Қырғызстан...

1980 жылға дейін дүниеге келген Қазақстан азаматтары табиғи шешекке қарсы екпе алған. Табиғи шешек – маймыл шешегіне ең жақын дерт. Бұл туралы «Курсивке» берген ресми жауабында Денсаулық сақтау министрлігі хабарлады.

«Маймыл шешегінің ең жақын туысы – табиғи шешек. 1980 жылы Дүниежүзілік денсаулық сақтау ұйымы ұйымдастырылған ғаламдық вакцинация арқылы жойылды. 80-ші жылға дейін туған Қазақстан азаматтары табиғи шешекке қарсы екпені алған», – делінген хабарламада.

Министрліктің ақпаратына сүйенсек, дәл қазір Қазақстанда қолданылатын ешбір екпе маймыл шешегінен қорғай алмайды.

Айта кетейік, Қазақстанда маймыл шешегінен қорғану шаралары қабылданып жатыр. Дегенмен министрлік әлемде жаңадан маймыл шешегі пандемиясы жарияланбайтынын хабарлады.

«Соңғы...

Қарағандыда 27 тамыз бен 4 қыркүйек аралығында Қарағанды облысының әкім кубогы аясында «Masters» және «Masters Women» атты екі халықаралық шахмат турнирі өтеді. Бұл турнирде Қазақстан, Армения, Ресей, Үндістан, Швеция, Украина, Польша, Моңғолия және Испаниядан келген шахмат шеберлері бір-бірімен бақ сынасады. Бұл туралы Қазақстан шахмат федерациясы хабарлады.

Федерацияның мәліметінше, халықаралық жарыстың бағдарламасында тағы үш ашық турнир өткізіледі, онда әртүрлі жастағы әуесқойлар үздік гроссмейстерлермен бір залда ойнайды. Мұндай жоғары деңгейдегі халықаралық жарыс Қарағанды облысында алғаш рет ұйымдастырылып отыр.

Аталмыш шахмат турнирі Қазақстан шахмат федерациясы, Қарағанды облысының әкімдігі және Freedom Broker компаниясының қолдауымен өткізіліп отыр. Жарыс жеңімпаздары мен жүлдегерлері ақшалай сыйлықтармен марапатталады...

Германия экономикасы қайтадан қысқара бастады. Ал Қытайдың өнеркәсіп секторы жоғары технологиялық салалар есебінен пайданың өскені туралы есеп берді. АҚШ-та инфляциялық күтулер төмендейді. Бұл ФРЖ-ның ақша-несие саясатын жеңілдетуге деген шешімін күшейтуі мүмкін. Осы және өзге де тақырыптар туралы 27 тамыздағы шолуымыздан оқыңыз.

АҚШ-та тұтынушылардың сенімі артып келеді

АҚШ тұтынушыларының The Conference Board сенім индексі тамыз айының қорытындысы бойынша алты айлық максимумға дейін шілдедегі 101,9-дан 103,3-ке дейін өсті деп хабарлады Reuters. Бұрын агенттік сауалнамасына қатысқан экономистер индекс іс жүзінде өзгермейді деп болжам жасаған еді.

Индекс келесі алты ай ішінде бизнесті жүргізу шарттарын қабылдаудың жақсарғанын көрсетеді. Сонымен қатар сауалнама келес...

«Bank RBK» АҚ Қазақстан Республикасы банк секторының қаржылық тұрақтылығын арттыру бағдарламасы шеңберінде алынған 16,6 млрд теңге қаражатты ішінара мерзімінен бұрын өтеді. Бұл туралы қаржы ұйымы хабарлады.

Тиісті шешімді банк акционерлері 2023 жылғы қызметтің қорытындылары бойынша қабылдаған. Қаржы ұйымы 2017-2018 жылдары аталған бағдарлама шеңберінде өтеу мерзімі 2032 жылғы қарашада басталатын реттелген облигацияларды шығару және орналастыру арқылы қаражат тартты.

«Бұған дейін 2022 жылдың қорытындысы бойынша банк 13 млрд теңгеге жуық мемлекеттік қаражатты мерзімінен бұрын қайтарған болатын», – деп хабарлады қаржы институты.

Осылайша банк жалпы сомасы 29,6 млрд теңге қаржыны мерзімінен бұрын өтеді. Сондай-ақ, 2017 жылдан...

Қазақстанда мүгедек адамдардың жұмыс орындарын жабдықтауға берілетін субсидиялар мөлшері белгіленді. Еңбек және халықты әлеуметтік қорғау министрлігі 2024 жылғы 21 тамыздағы «Арнайы жұмыс орнын жабдықтауға берілетін субсидиялардың мөлшерін айқындау туралы» бұйрығын бекітті.

 «Мүгедектерге арналған бір арнайы жұмыс орнын жабдықтауға берілетін субсидиялар мөлшері республикалық бюджет туралы заңда белгіленген айлық есептік көрсеткіштің 300 еселенген мөлшерінен аспауы тиіс», — делінген құжатта.

Биыл бұл сома 1 107 600 теңгені құрайды. Бұйрық 7 қыркүйектен бастап күшіне енеді.

Айта кетейік, 2023 жылдан бері қазақстандық жұмыс берушілер мүгедектігі бар адамдар үшін жұмыс орындарын құру шығындарын жабу үшін субсидия алады. Жұмыс берушілерді субсидиялау...

1334 жылы Әз Жәнібек сұлтанға арнап жазылған 96 беттік қолжазба табылды. Бұл туралы Мәдениет және ақпарат министрлігі хабарлады.

Министрліктің мәліметінше, қолжазбада Әз Жәнібек ханның түпатасы Шыңғыс ханнан өз әкесі Өзбек ханға дейінгі ататегі қысқаша алтын нақышпен беріліп, негізгі мәтінде хикметтер туралы баяндалған.

Әз Жәнібек ханға арнап жазылған қолжазбаның ішкі мұқабасында Осман сұлтаны ІІ Баязидтің (1447-1512) мөрі қойылған.

Аталған тарихи мұраны Түркияның Ыстанбұл қаласында ҚР Мәдениет және ақпарат министрлігінің ұйымдастыруымен өткен ғылыми-зерттеу жұмыстары барысында орталық мемлекеттік архив қызметкері, қазақ ғалымы Өмірбек Қанай анықтады.

Айта кетейік, Әз Жәнібек хан 1342-1357 жылдар аралығында билік еткен Алтын Орданың 11 ханы. Өзбек ханның баласы...

Ресей импорттаушылары тағы қиындықтарға тап болды. БАӘ банктері Ресейден келетін төлемдерді бұғаттауға кіріскен. Бұл жайлы Ресей басылымдары хабарлады.

Нарық қатысушылары мұндай шаралардың Қытай тарапының бастамасымен жүргізіліп жатқанын айтады. Ресей кәсіпкерлері Қытай банктері төлем қабылдамай қойған соң, ол елден келетін импорт үшін төлемді БАӘ банктері арқылы жүргізіп отырған. Тауар БАӘ-ге іс жүзінде кіргізілмей, бірден Ресейге жетізілген.

Алайда қайталама санкциялардан сақтану мақсатында Қытай бұл бағыттағы төлемдерді де тексере бастаған. Нәтижесінде Біріккен Араб Әмірліктеріне кіргізілмеген тауар үшін төлемдерді қабылдаудан бас тартқан.

Көбінде ресейлік импорттаушылар бұл схема арқылы Қытайдан техника түрлерін кіргізеді. Мәселен, Ресей нарығына жеткізілетін ноутбуктердің 10-20%-ы БАӘ арқылы кіред...