Жаңалықтар

Алматы қаласының мамандандырылған ауданаралық экономикалық сотының шешімімен «Жібек жолы» қайырымдылық мекемелері қауымдастығына кіретін 26 қайырымдылық мекеменің мемлекеттік тіркеуі жойылып, қызметі тоқтатылды. Апелляциялық сот та бұл шешімді күшінде қалдырған.

«Уәкілетті орган тексерісінің қорытындысы бойынша Алматы қаласында қайырымдылықпен және білім беру саласындағы қызметпен айналысатын 26 мекеменің тек 11-і нақты жұмыс істеген, ал 15-і тіркелген жерінде жоқ екені анықталған», – делінген Жоғарғы сот хабарламасында.

Қауымдастыққа кіретін ұйымдар қатарында «Ана Аманаты» қыздар мектеп-интернаты, «АМАНАТ әлеуметтік балалар үй-интернаты», «Алмалы» әлеуметтік балалар үйі-интернаты, «Сауран-Ислам мәдени орталығы» және т.б. қайырымдылық ұйымдары бар.

Сот хабарлауынша, мекемелерде балалардың өмірі мен денсаулығына тікелей байланысты, соның ішінде көші-қон, еңбек, жер...

Өнеркәсіпті дамыту қоры 25 млрд теңгеге қосымша акция орналастырады. Бұл туралы Қазақстан қор биржасында жарияланған құжатта жазылған.

Құжатқа сәйкес, АҚ Директорлар кеңесі  12,5 мың жай акцияны орналастыру туралы шешім қабылдаған.

Биржадағы ақпаратқа сүйенсек, бір акцияның бағасы 2 млн теңге болмақ.

«Қоғамның жалғыз акционері акцияларды басымдықпен сатып алу құқығын іске асыру жолымен бір акция үшін 2 млн теңге болатын 12,5 мың жай акция орналастырылсын», – деп жазылған.

Бұған қатысты шешім 2024 жылдың 20 мамырында қабылданды. Алайда шешім тек 28 мамыр жарияланды.

«Шешім қаржылық-экономикалық негіздеме бекітілген күннен бастап күшіне...

Әлемдік орталық банктер цифрлы валюта (CBDC) шығаруға ден қоя бастады. Бұл, әрине, белгілі бір қажеттіліктен туындаған қадам. Қатарда Қазақстан да бар. Былтыр Ұлттық банк ресми түрде цифрлы теңгені таныстырған болатын.

CBDC дегеніміз не?

Алдымен цифрлы валютаның мәні мен мағынасына тоқталып өтелік. Бұл – орталық банк шығаратын цифрлы ақша, бірақ қандай да бір криптовалюта емес және қолма-қол төлемді ауыстырмайды.

CBDC қаржылық қол жетімділіктің әлеуетті артықшылықтарын ұсынады. Бірақ Дүниежүзілік экономикалық форумның цифрлық валютаны басқару консорциумының бірқатар ресми құжатында атап өтілгендей, ескеру қажет мәселелер бар.

«Үкіметтер мен орталық банктер CBDC-ге деген қоғамдық сенімді нығайту үшін цифрлық валюталардың ықтимал...

Қазіргі уақытта Атырау облысынан басқа еліміздің барлық өңірінде су тасқыны кезеңі аяқталды. Қазақстанның су қоймаларына 12 млрд текше метрден астам тасқын суы жиналды. Енді су қоймаларына жиналған тасқын су ауылшаруашылығы мен өнеркәсіп салаларының қажеттілігін қамтамасыз етеді.

Ведмстволар қоймалардағы суды тиімді пайдалану жолын қарастырамақ. Мамандар су қорын ауыл шаруашылығына бағыттау оң нәтиже беретінін айтады. Ұзақ жылдар бойы қаңсып қалған өзен-көлдер қайтадан жанданды. Мол су бір жағынан құрғақшылықтың алдын алуға септеседі. Осының есебінен ел экономикасын нығайта түсу маңызды.

Су реурстары министрлігіне қарасты су ресурстарын пайдалануды реттеу басқармасының бас сарапшысы Ғалымжан Қамбарбеков су қоры шаруашылық салаларына пайдаланылатынын айтты.

Ұлыбританияда жаңа Мұсылман фильмдері кинофестивалі ұйымдастырылып отыр. Іс-шара мамырдың 30 басталып 2 маусымға дейін жалғасады. 

Фестиваль директоры Саджид Варданың айтуынша, фестивальде «өмірімізде жиі қайталанса да, байқай бермейтін оқиғалар» назарға ұсынылмақ.

«Бұқаралық ақпарат құралдарында, әлеуметтік желілерде мұсылмандарға қара күйе жағатын ақпарат толып жүр. Батыста ислам әлемінің өкілдеріне жақтырмай қарайды. Сондықтан  осы фестиваль арқылы дұрыс “мұсылман» мен «ислам» түсінігін қайтаруды көздеп отырмыз”, – дейді Саджид Варда. 

Фестивальде «Оскар» иегері Риза Ахмед пен Набхан Ризван түскен фильмдер де көрсетіледі. Ашылу  салтанатында Касабланкада түсірілген «Иттер» фильмінің премьерасын өткізу жоспарланған. Туынды режиссері Камаля Лазрака – бірқатар марапаттың, соның ішінде Канн жүлдесін...

Бұл туралы «Қазақстандағы атом энергетикасын дамыту перспективалары» форумы барысында Атом энергетикасы және өнеркәсіп департаментінің директоры Ғұмар Серғазин айтты.

«Тәжірибе көрсеткендей АЭС-тен алынатын электр энергиясының тарифі арзандайды. Әрине, гранттық қаржыландыруды алатын болсақ, оны алғашқы жылдары тариф арқылы өтеуге тура келеді. Бірақ Бірыңғай сатып алушы моделі аясында бұл байқалмайды. Сонымен қатар, біз жүктеме артқан уақытта электр қуатының тапшылығын көрмейміз. Қазақстан Ресейден келетін электр энергиясына тәуелді болмайды», – деді Ғұмар Серғазин.

Қазақстанда атом электр стансасын салу туралы шешім жалпыхалықтық референдум қорытындысы бойынша қабылдануы тиіс. Энергетика министрлігі ақпаратынша, арнайы сауалнамаға қатысқан респонденттердің 50%-дан астамы АЭС құрылысын қолдайды.

Қазақстан мен Қытай шекарасында халықаралық жүк тасымалдайтын үшінші теміржол бекеті ашылады. Бұл жайлы Көлік министрлігінің сайтында жарияланған қаулыда жазылған.

«Қоса беріліп отырған 2012 жылғы 6 маусымдағы Қазақстан Республикасының Үкіметі мен Қытай Халық Республикасының Үкіметі арасындағы Қазақстан – Қытай мемлекеттік шекарасы арқылы өткізу пункттері және олардың жұмыс режимі туралы келісімге толықтыру енгізу туралы хаттаманың жобасы мақұлдансын»,- делінген құжатта.

Атап айтқанда құжатта халықаралық жүктің Бақты – Абай облысы, Үржар ауданы; Покиту – Тачэн округі, Тачэн қаласы арқылы өтетіні жазылған.

Құжат түсіндірмесінде бұл жобаны қабылдау екі ел арасындағы трансшекаралық теміржол тасымалдарының тиімділігін арттыруға және...

Alef 2024 жылы Абу-Дабидегі бірінші IPO-ны өткізбек, ал Дубайда екі листинг өтіп үлгерді / Фото: Unsplash/Belinda Fewings

БАӘ-дегі Alef Education онлайн білім беру компаниясы осы жылы Абу-Дабидегі бірінші IPO-ны өткізуді жоспарлап отыр. Alef акционерлері листинг нәтижесінде 0,5 млрд долларға дейін ақша түседі деп күтуде, ал компанияның жалпы құны 2,6 млрд долларға дейін бағалануы мүмкін. Абу-Даби биыл екі ірі листинг өткізген көршілес Дубайдан IPO қарқыны бойынша артта қалды.

Толығырақ

Alef Education өз акцияларына 1,3 дирхамнан 1,35 дирхамға дейінгі аралықта (0,35-0,37 доллар) баға диапазонын белгіледі деп хабарлады Bloomberg. Егер IPO жоғарғы шек бойынша өтсе, бүкіл компания 9,45 млрд дирхамға...

Қазақстанда су қауіпсіздігін қамтамасыз етуге жыл сайын шамамен 350-370 млрд теңге қаражат керек. Бұл жайлы Аграрлық мәселелер комитетінің отырысында Су ресурстары және ирригация вице-министрі Ерболат Ибрайханов айтты.

Министрдің айтуынша, соңғы 30 жылда республика аумағында небәрі 5 су шаруашылығы құрылыстары салынған. Оның ішінде тек екеуі ғана маңызды ірі жоба саналады. Оның бірі – Түркістан облысындағы Көксарай контрреттегіші болса, екіншісі – Астана қаласының қорғаныс бөгеті.

«Көріп отырғанымыздай, су шаруашылығы құрылыстарын салу және қайта құру «қалдық қағидаты» бойынша қаржыландырылып, назардан тыс қалған. Тұтастай алғанда, елдің су қауіпсіздігін қамтамасыз ету және біздің есептеріміз бойынша қолда бар объектілерд...

Жыл басында «ҚазМұнайГаз» және итальяндық Eni S.p.A компаниясы Жаңаөзен қаласында гибридті электр станция салу жобасын іске асыру туралы бірлескен шешімге қол қойды.

Жоба аясында салынатын нысандар:

Аталған жобаның мақсаты – өңірдегі ҚМГ-ның өндірістік нысандарын электр қуатымен тұрақты қамтамасыз ету.

«Мұндай гибридті жоба Қазақстанда алғаш жүзеге асырылатын болады. Жобаның алдын-ала құны – 306 млн АҚШ доллары. Жоба толық қуатына 2025 жылдың соңында шығады деп жоспарланған. Құрылыс кезінде жұмысқа 800 адам, ал пайдалану кезінде 80 адамға дейін тартылады. Жоба ҚМГ мен Eni...

Qiwi Kazakhstan мен Ресейдің депозиттерге кепілдік беру агенттігі Қазақстандағы Qiwi әмиян иелеріне рубль, доллар және еуродағы қаражаттарын қайтарады. Бұл турады компанияның баспасөз қызметі хабарлады.

Ақша тек «Кәсіби» мәртебесі бар электронды әмияндардың иелеріне қайтарылады. Егер әмиянның мәртебесі «Ең аз» немесе «Негізгі» болса, оны «Кәсіби» деңгейіне дейін жаңарту керек.

Қазақстандық клиенттер «Qiwi Kazakhstan» ЖШС-да бұғатталған сомалар бойынша төлемдерді талап ету туралы келісімге қол қоюға тиіс. Келісімге қашықтан, компания сайтында электрондық цифрлық қолтаңба арқылы қол қоюға болады.

«Барлық құжат 10 маусымға дейін (қоса алғанда) қабылданады. Бұрын Ресейдің депозиттерге кепілдік беру агенттігіне құжаттарды жолдаған және төлемді алу үшін кредиторлар...

Nasdaq 100 индексімен салыстырғанда америкалық PDD Holdings қолхаттарының дисконты барлық сауда кезіндегі ең жоғары деңгейіне жетті. Наурыз айынан бастап қытайлық Temu маркетплейсіне иелік ететін компания қағазының құны биржада 45%-ға өсті. Алайда нарықпен салыстырғанда оның бағасы мен болашақ кірістің арақатынасы бойынша әлі де арзан. Бағаға Қытай мен АҚШ-тың арақатынасы, қытайлық онлайн-сауда саласындағы қатал бәсекеге алаңдап отырған инвесторлардың күдігі әсер етуде.

Толығырақ

АҚШ-тағы PDD қолхаттарының құны қазір келер жылы күткен пайдадан 13 есе жоғары боп тұр. Бұл АҚШ-тың Nasdaq 100 индексінің бағаланған құнының жартысы ғана, оның құрамына қағаздары осы биржада сатылатын ең ірі компаниялар кіреді деп хабарлады Bloomberg. Агенттік бұл...

Азаматтық некедегі жары Салтанат Нүкенованы өлтірді деп сотталған бұрынғы ұлттық экономика министрі Қуандық Бишімбаевтың қорғаушылары сот үкіміне қатысты үш аппеляциялық шағым түсіруді жоспарлап отыр. Бұл туралы «Курсив» тілшісіне Бишімбаевтың адвокаты Ерлан Ғазымжанов хабарлады.

Адвокаттың айтуынша, апелляция мерзімінің соңғы күні – 28 мамыр. 

«Бүгін «Сот кабинеті» арқылы сағат 16:00-17:00 шамасында апелляция береміз. Қазір тергеу изоляторында отырмыз. Апелляциялық шағымды әріптестерімізбен талқылаймыз. Әркім өз атынан жазады. Біз, іс қаралған бапты өзгерту бойынша талап қоямыз», – деді Ғазымжанов.

Журналистің «Бишімбаевтың өзі шағым түсіре ме» деген сауалына жауап берген адвокат «шағым түсіреді» деп нақты айтты.

«Біз қорғап...

Алматы қаласында Xiaomi теледидарларын құрастырып шағаратын зауыты іске қосылды. Бұл жайында  Өнеркәсіп және құрылыс министрі Қанат Шарлапаев мәлімдеді.

Ведомство басшысының мәліметінше, елімізде тұрмыстық техника өндірісі 3,8 есе өскен.

«Түркістанда коммерциялық тоңазытқыштарды құрастыру жоспарлануда, ал Оңтүстік Кореяның Samsung Electronics және Қытайдың HKC компанияларымен келіссөздер жүргізілуде»,- деді министр Үкімет отырысында.

Жеңіл автомобильдер өндірісі 160 мың бірлікке дейін ұлғаяды

Министр  металургия саласындағы жұмыстарға тоқталды. Мәселен, биыл бұл салада 4,7 мың жаңа жұмыс орнын ашуға мүмкіндік беретін 21 жобаны жүзеге асыру жоспарлануда. Оның жалпы инвестиция көлемі 464,2 млрд теңге. Қаржыландыру алатын жобалардың қатарында Қарағанды ​​облысындағы «TEMPO Қазақстан» болат құбырлар...

QazaqGaz компаниясы Қазақстан газ тасымалдау жүйесін жаңғыртуға инвестиция салмақ. Бұл Ресейдің Өзбекстанға газ экспортын 11 млрд текше метрге дейін арттыруына ықпал етеді. Энергетика министрі Алмасадам Сәтқалиевтің айтуынша, Қазақстан Ресей газын Өзбекстанға тасымалдаудан қомақты пайда табады.

Қазіргі кезде Ресейден Өзбекстанға Қазақстан арқылы жылына 3,8 млрд текше метр газ тасымалданады.

«Мұндай жоспар бар. Қазірдің өзінде Өзбекстанға 3,8 млрд текше метр ресейлік газ транзиті жоспарланған. Оны көбейту үшін газ тасымалдау жүйесін жаңғырту жоспарланған. Qazaq Gaz компаниясы инвестиция салуға дайын», – деді Сәтқалиев.

Министрдің айтуынша, Ресей газын Өзбекстанға тасымалдау жобасы Қазақстан үшін қаржылық та, паритет тұрғысынан...

Энергетика министрі Алмасадам Сәтқалиев «Жайық мұнай» компаниясының «Метанол» өндіру жобасын кешіктіру туралы Бас прокуратура шағымына жауап берді.

Сәтқалиевтің айтуынша, басты себеп қызметкерлердің жүктемесі көп болып, комиссияның уақытылы құрылмауында болуы мүмкін. Алайда бұл әрекеттердің жобаның уақытылы іске асуына еш әсері болмайтынын айтты.

«Мәселеге қатысты шешім шығару үшін комиссия құрылуы керек. Энергетика министрлігі дәл осы комиссияны құру бағыты бойынша жұмыстарды мойнына алған. Комиссияның құрылуы жобаның іске асуына әсер еткен жоқ. Қызметкерлердің жүктемесі көп болғандықтан, жобаның кешігіп жатқанын мойындаймыз»,– деді министр. 

Бұған қоса, Сәтқалиев жобаны іске асыру үшін бірнеше қосымша мәселені шешу керектігін айтты.

«ҚазМұнайГаз» 2024 жылдың І тоқсанының қаржылық есебін жариялады. Теңгемен есептегенде мұнай бағасы небәрі 1,5%-ға өскеніне қарамастан, кіріс, еркін ақша ағыны, операциялық және таза пайда анағұрлым жоғары динамика көрсетті. Бұл ретте Freedom Broker сарапшылары компания акциялары бағасының өсу әлеуетіне қатысты болжамын жаңартты.

«Өткен жылы бос ақша ағыны теріс болды, ал алдыңғы тоқсанда ҚМГ таза шығынға ұшырады. EBITDA маржасы да аздап өсті. Бұл кірістің өсуімен бірге таза пайданың өсуіне әкелді. Ол соңғы бір жарым жылдағы екінші жоғары көрсеткіш», – деп түсіндірді Freedom Broker сарапшылары.

Ал дивидендтер деңгейі 2023 жылмен бірдей болды. Дегенмен бұл фактор...

Утильалымға қарсы петицияны Үкімет ескере ме? Бұл сұрақққа Өнеркәсіп және құрылыс министрі Қанат Шарлапаев жауап берді.

Үкімет сағатынан кейін өткен брифингте журналистер министрден утильалым мәселесін сұрады. Утильалымға қарсы петицияны қолдағандар санының 50 мыңнан асып кеткенін айтқан журналистер қоғамда бұл алым түріне қатысты наразылық көбейгенін жеткізді.

«Үкімет осыдан біраз уақыт бұрын киік атуға рұқсат берді. Артынша, Тоқаев ақбөкендерді атуға тыйым салды. Қазіргі уақытта утильалымға қатысты қоғамда наразылық көбейген. Ертең президент халық пікірін ескеріп, алып тастау туралы шешім шығарса, сіз мемлекет басшысының бұл шешіміне қарсы шығасыз ба?», – деп сұрады журналист.

Министр Шарлапаев Президент...

Бас прокуратура Қаңтар оқиғасы кезіндегі азаптау фактісі бойынша Алматы қаласы полиция басқармасы бастығының орынбасары Берік Әбілбековтің ұсталғанын растады.

«Қылмыстық іс шеңберінде, 2024 жылғы 28 мамырда ҚПК-нің 128-бабына сәйкес Алматы қаласы Полиция департаменті бастығының бұрынғы орынбасары Б. Әбілбеков ұсталды», – делінген Бас прокуратура хабарламасында.

Ақпаратқа сүйенсек, полицей 2022 жылдың қаңтарында Алматы облысы Қарасай ауданы Кошмамбет ауылында орналасқан арнайы қабылдау орнында азаматтарды азаптауісі бойынша қамауға алынған.

Өзге ақпараттың ҚПК-нің 201-бабы негізінде жария болмайтынын хабарланды.

Айта кетейік, Әбілбеков Алматы қаласы полиция басқармасы басшысының орынбасары қызметіне 2019 жылы тағайындалған. Ал оның қашан жұмыстан шыққаны немесе шығарылғаны туралы нақты ақпарат жоқ.

Өнеркәсіп және құрылыс министрі Қанат Шарлапаев су тасқынынан зардап шеккен баспаналарға өтемақы төлегенде, өңірдегі нарықтық баға ескерілетінін айтады. Министрдің сөзінше, су басқан өңірдің бәріне бір баға бекітілмейді.

Журналистер Қанат Шарлапаевтан су тасқынынан зардап шеккен Құлсары тұрғындарына қанша өтемақы төленетінін сұрады. Алайда министр сұраққа нақты жауап бермей, мемлекет зардап шеккен баспаналарды қалай бағалап жатқанын қайталады.

Шарлапаев зардап шеккендерге 100 АЕК төленгенін айтып өтті. Егер баспана бүлінген және жөндеуді қажет ететін болса, онда шығын бағаланып, өтемақы соның нәтижесіне қарай төленбек.

Сонымен қатар министр әр өңірдегі нарықтық баға ескерілетінін айтады. Өйткені Құлсары қаласын ғана емес, еліміздің 10 облысын су басқандықтан, әр...

Бұл туралы Үкімет отырысында Қазақстан Энергетика министрі Алмасадам Сәтқалиев айтты. Оның сөзінше, биылғы жылдың 4 айының қорытындысы бойынша мұнай өңдеу көлемі 5,9 млн тоннаны немесе өткен жылдың сәйкес кезеңімен салыстырғанда 105,4%-ды құрады. Ал мұнай өнімдерін өндіру 4,28 млн тоннаны немесе өткен жылдың сәйкес кезеңімен салыстырғанда 94% болған.

Мұнай өнімдерін экспортқа шығару жоспарланған

«2023 жылмен салыстырғанда жанар-жағармай материалдары нарығындағы жағдай жақсарды», – деген министр алдағы жылдары мұнай өнімдерін өндіруді ұлғайту бойынша жоспарға тоқталды.

Оның ішінде:

Еуропалық орталық банк 6 маусымда өтетін отырыста пайыздық мөлшерлемені төмендетуі мүмкін, Қытай чип өндірушілерді қолдау үшін 47,5 миллиард долларлық ұлттық қор құрды, Америка банкі АҚШ экономикасының айтарлықтай күрделі жағдайға тап болмайтынын күтіп отыр. Осы және басқа да тақырыптар туралы 27 мамырдағы әлемдік БАҚ-тың шолуын оқыңыз.

BofA стратегі: Қазіргі ахуал – бұл «жұмсақ қону»

Bank of America-ның АҚШ пен Канададағы акция жөніндегі стратегі Осунг Квонның пікірінше, АҚШ-тың акциялар нарығындағы қазіргі жағдай ел экономикасының айтарлықтай күрделі емес екенін көрсетеді. Бұл туралы ол Yahoo Finance-қа мәлімдеді. 2024 жылдың басынан бастап негізгі қор индекстері рекордтық деңгейге жақындады. Сондай-ақ Уолл-стрит стратегтері бәйге әл...

Биыл 20 сәуірде биткон халвиңі (халвинг) өтті. Бұл — криптовалюта әлеміндегі айтулы оқиға. 23 мамыр күнгі дерек бойынша криптовалюта нарығының капитализациясы 2,73 триллион доллар болып отыр. Ал соның ішінде биткоиндыкі — 1,37 триллион доллар. Бұл дегеніңіз нарықтың жартысына жуық дегенді білдіреді. Ал капитализация бойынша екінші орында Ethereum тұр. Оның үлесі — 454,08 миллиард доллар. Үшінші орында тұрған Tether-дің үлесі 111,68 миллиард доллар ғана. Осыған қарап-ақ, биткоиннің салмағын бағамдай беріңіз. Олай болса, халвиң деген не? Соған тоқталайық.

Халвиң

Халвиң (halving) дегеніміз — майнерлерге биткоинның блокчейн желісіндегі операцияларды орындағаны үшін берілетін сыйақыны қысқарту. Ол әр төрт жылда бір...

Премьер-Министр Олжас Бектенов Өнеркәсіп министрлігі мен өңір әкімдеріне су тасқынынан келген шығынды бағалау жұмыстарын осы апта соңына дейін аяқтауды тапсырды.

Үкімет басшысы бұл бағыттағы жұмыстар кейбір өңірде баяу жүріп жатқанын айтты.

«Мысалы, Батыс Қазақстан, Ақтөбе облыстарында. Сондықтан әкімдіктерге Өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырамын. Азаматтарымыздың қиын жағдайына түсіністікпен және жан-жақты мұқият қараңыздар. Жұмыстарды кешіктірмей барынша тездету керек», – деді Олжас Бектенов. 

Ал Премьер-Министр орынбасары Қанат Бозымбаев залалды өтеу алгоритмі қалай жүріп жатқанын және тасқын салдарынан қанша баспана мен мүлікке залал келгенін баяндап берді. Айтуынша...