Жаңалықтар

«ҚазМұнайГаз», «Сибур» холдингі және Sinopec жылына 1,25 млн тонна полиэтилен өндіретін кәсіпорынды іске қосуды жоспарлап отыр. Бұл жөнінде «ҚазМұнайГаздың» баспасөз қызметі хабарлады.

«Жоба Қазақстан Республикасының экономикасы үшін маңызды, өйткені оның құрылысы елімізде көмірсутек шикізатын терең өңдеуді дамытуға мүмкіндік береді. Белгілі бір нәтижеге қол жеткізілді, алда бізді құрылыс кезеңі мен зауытты іске қосу үшін әлі де қарқынды жұмыс күтіп тұр», – деді «ҚазМұнайГаз» ҰК АҚ басқарма төрағасының міндетін атқарушы Асхат Хасенов.

Асхат Хасенов Sinopec Overseas Investment Holding Limited (Sinopec) компаниясының президенті Зоу Венджи, және «Сибур» ЖШҚ жобалау, күрделі инвестициялар және инвестициялық жобалар мәселелері жөніндег...

Үкімет Шымкент мұнай өңдеу зауытының қуатылығын жылына 6 млн тоннадан 12 млн тоннаға дейін арттыруды көздеп отыр. Жобаның алдын ала техникалық-экономика негіздемесі экономиканы жаңғырту жөніндегі мемлекеттік комиссияның отырысында талқыланады.

«Шымкент МӨЗ қуаттылығын жылына 6 млн тоннадан 12 млн тоннаға дейін арттыру» жобасы – Қазақстан бойынша 15 ірі жобаның қатарында.

Қазіргі уақытта Шымкент мұнай өңдеу зауты технологиялық схемасының конфигурациясы және мемлекеттік қолдау шаралары, оның ішінде салықтық және кедендік преференциялар бойынша алдын ала ТЭН-і жасақталуда.

ТЭН нәтижелері экономиканы жаңғырту мәселелері жөніндегі мемлекеттік комиссияның отырысына енгізіледі.

Осылайша, Энергетика, Ұлттық экономика, Экология және табиғи ресурстар, Сыртқы істер, Өнеркәсіп және құрылыс, Сауда және интеграция, Қаржы...

Halyk Bank-тің таза табысы 2024 жылдың бірінші тоқсанында 7,5%-ға, 178 млрд теңгеге дейін азайды. 2023 жылдың осы кезеңінде бұл көрсеткіш 192,5 млрд теңгені құраған. Банктің қаржылық есебінде бұл жайт қаржы ұйымының несие және төлем бизнесінің өскеніне қарамастан орын алғаны жазылған.

Банк сәуір айында мемлекеттік көмекті қайтарудан болған шығынды бөлек атап көрсетеді. Есеп беру кезінде осылай болатыны болжанған еді. Шығын көлемі 66,1 млрд теңгені құрады (салық шегерілгенге дейін). Сәуір айында Халық банкі Қазкоммерцбанктің 2015 жылы алған 250 миллиард теңге мемлекет көмегін толығымен қайтарды. Бұған дейін, 2023 жылдың маусым және желтоқсан айларында Халық екі траншпен Казкоммерцбанктің мемлекетке 68,4 миллиард...

Транскаспий халықаралық көлік бағыты арқылы қазақстандық теңіз порттарында жүктерді ауыстырып тиеу көлемі артты.

ҚР Көлік министрлігінің мәліметі бойынша Ақтау және Құрық теңіз порттары арқылы жүк тасымалдауды ұлғайту бойынша жұмыс жалғасуда. Биыл Құрық портын тереңдету жоспарланған. Бұл кемелердің портқа кіруі үшін жеткілікті тереңдікті қамтамасыз ету үшін қажет.

Биылғы 4 айдың қорытындысы бойынша аталған бағытта жүк тасымалы көлемінің өсімі 15 пайызды құрады. Құрық порты арқылы жүк көліктерінің өтуі 34 пайызға, ал Ақтау порты арқылы өтетін контейнерлер саны 27 пайызға өсті.

Қытайдан Еуродақ елдеріне контейнерлік транзиттің өтуі 3,4 есе артқан.  

Биылғы ақпан айында Ақтау порты арқылы жөнелтілетін Қазақстан мұнайының экспорттық көлем...

Фото: kursiv.media

Жоғары аудиторлық палата (ЖТП) 2023 жылы бюджетке 4,6 миллиард теңге түспей қалғанын анықтаған. ЖТП мүшесі Нұрлан Нұржанов Мәжілісте 2023 жылы республикалық бюджеттің атқарылуына қатысты Үкімет есебінің маңызды тұстарына тоқталды.

«Сонымен қатар, жоспарлы салықтық түсім мен кедендік бақылаудың уақтылы жүргізілмеуінен бюджетке келген шығын 4,6 миллиард теңгеге жеткен», – деді ол

Нұржанов айтуынша, жоспарлы салық түсімдерінің орындалмай қалуына корпоративтік табыс салығы, ішкі нарықта өндірілген тауарларға салынатын ҚҚС және импорттық тауарларға салынатын ҚҚС сияқты үш ірі бюджет құраушы салықтың тиісті дәрежеде түспей қалуы әсер еткен. Жеткіліксіз сомасы 2,3 триллион теңге.

Аудиторлық тексеріс кезінде көршілес Қытаймен арадағы...

Tele2 мен Altel байланыс операторларын сатып алатын қатарлық инвестор 5G-ге қатысты тендерді өткізді үш жылға шегере тұруды сұрайды. Бәсекелестікті қорғау және дамыту агенттігінің басшысы Марат Омаров нарықтық бәсекеге сай емес деп санайды. Бұл туралы LS агенттігі хабарлайды.

Брифинг барысында агенттік басшысы аукцион өткізбеу – түпкілікті бәсекелестік тұрғысынан дұрыс емес екенін айтты.

«Тіпті әлеуетті инвесторлар келсе де, радиожиілік спектрі мен ресурстары жоқ нарыққа жаңа ойыншылардың келуі – бизнесті дамыту емес. Қазір аукцион болмайды деп айту дұрыс емес. Мұндай бастаманы құптамаймыз», – деді ол.

Агенттік басшысы радиожиілік спектрінің шектеулі екенін айтып өтті. Сондықтан алдымен спектр мәселесін шешіп алу керек...

Үкімет резервінен Атырау облысынан қосымша қаржы бөлінуі мүмкін. Бұл туралы Қаржы вице-министрі Дәурен Темірбеков айтты.

«Заңға сәйкес, Үкіметтің №13.58 деген қаулысы бар. Сол қаулыда «егер қандай да бір жарамды үйлер болса, тиісті бағалау жүргізіліп, сол бағалау құны берілетіні» жазылған. Оның қандай да бір максималды шегі жоқ. Максималды шек үйдегі заттарға, яғни, тоңазытқыш, теледидар секілді тұрмыстық заттарға 150 АЕК-ке (553 800 теңге) дейін беріледі. Сома одан аспауы керек», – деді Дәурен Темірбеков.

Бұдан бөлек, жөндеу жүргізілетін үйлердің шығынын да мемлекет толық көлемде өтеуге тиіс. Құлсары қаласында тсу тасқынынан келген шығын көлемі есептеліп жатыр.

Оның айтуынша, қазір 24 мың отбасыға...

Freedom Holding Corp. бас атқарушы директоры Тимур Турлов БҰҰ-ның Орталық Азиядағы Жаһандық шарт Консультативтік комитетінің төрағасы болып тағайындалды. Бүгінгі таңда бизнесмен өңірдегі тұрақтылықты ілгерілетуге өзінің жеке қайырымдылығы ретінде 24,5 млрд теңгеге жуық соманы Freedom Holding Corp. арқылы аударған. Оның 15 млрд теңгесі Орталық Азиядағы тұрақты дамуға бағытталған жобаларды қолдауға жіберіледі.

Кеше, 16 мамыр күні Алматыда БҰҰ-ның Орталық Азиядағы Жаһандық шарты Консультативтік комитетінің үшінші отырысы өтті. Оған Қазақстандағы БҰҰ Тұрақты үйлестірушісі Михаэла Фриберг-Строй ханым,Премьер-Министрдің орынбасары Тамара Дүйсенова және Қазақстан мен Өзбекстанның ірі компанияларының топ-менеджерлері қатысты. БҰҰ Жаһандық шарты адам құқықтары, еңбек, қоршаған орта және сыбайлас жемқорлыққа қарсы күрес сияқты төрт негізгі саланы...

Маңғыстау облысының әкімі болып, «Өзенмұнайгаз» АҚ-ның атқарушы директоры болған Нұрдәулет Қилыбай тағайындалды. Бұл жайлы Ақорда хабарлады.

«Мемлекет басшысының жарлығымен Нұрдәулет Игілікұлы Қилыбай Маңғыстау облысының әкімі лауазымына тағайындалды»,- делінген Ақорда хабарламасында.

Нұрдәулет Игілікұлы Қилыбай 1978 жылы Маңғыстау облысы Бейнеу ауылында дүниеге келген. Ол 1999 жылы Алматы темір жол көлігі инженерлері институтын, инженер мамандығы бойынша аяқтаған. Ал 2003 жылы Гумилев атындағы Еуразия ұлттық университеті экономист мамандығы бойынша тәмамдаған.

1999-2000 жылдары Атырау көлік басқармасының станция бойынша кезекшісі болып қызмет еткен. Кейін Астана станциясының кіреберіс жолдары бойындағы жүктерді қабылдаушы, аға жеткізуші қызметін атқарған.

Ал...

Шығын табысымыздан көп / Коллаж: kursiv.media, бильд-редактор: Ахтам Зиперов

Мәжіліс депутаттары «2023 жылғы республикалық бюджеттің атқарылуы» туралы Жоғары аудиторлық палата есебін тыңдады. Жиында мәжіліс депутаты Асхат Аймағамбетов Қаржы вице-министрі Дәурен Темірбековтен елдегі қорларда жиналған қаржы көлемі туралы сұрады.

Сұраққа жауап берген вице-министр 1 қаңтардағы жағдай бойынша айналымда 17 трлн теңге сомасында мемлекеттік бағалы қағаздар барын айтты.

«Ұзақ мерзімді 13,5 трлн теңге, орта мерзімді 2 трлн теңге. Сондай-ақ Бірыңғай зейнетақы қорына 0,9 трлн теңге, Мемлекеттік әлеуметтік сақтандыру қорының көрсеткіштері 5%, мемлекеттік қор – 5%. Екінші деңгейлі банктерде 21%-ды құрайды», – деген вице-министр оның артықшылықтары мен кемшіліктеріне тоқталды.

Қазақстан Еуразиялық даму банкінің төленген жарғылық капиталындағы үлесін сатып алуға жоспарланғаннан да көбірек қаражат жұмсауы мүмкін. «Ашық бюджеттер» мемлекеттік порталындағы бюджеттік бағдарламада оның сомасы шамамен 30 млрд теңге көлемінде көрсетілген.

Атап айтқанда, Үкімет Ресейден Еуразиялық даму банкінің акцияларын алдағы 4 жылда сатып алуды жоспарлап отыр. Ондағы мәліметтерге сәйкес, мемлекет 2024 жылы 16 287 бірлік акциясын 7 492 365 000 теңгеге сатып алады. Сатып алынатын акциялар әр жылға теңдей бөлінген. Яғни жоспарға сәйкес, мемлекет әр жыл сайын акциялардың 25 пайызын сатып алмақ.

Сонда акцияларға жұмсалатын бүкіл қаражат 29 969 460 000 теңгені құрайды. Яғни Қазақстан Ресейден ЕАДБ үлесін сатып алуға...

Фото: kursiv.media

2023 жылы Үкімет бюджеттің 489 млрд теңгесін тиімсіз жаратқан. ҚР Жоғары аудиторлық палата бұл көрсеткіш 2022 жылмен салыстырғанда 16%- ға асып түскенін анықтаған.

Бұдан басқа, аудит қорытындысы бойынша, қазынадан қаражатты негізсіз жоспарлау және пайдалану, 537 млрд теңгеге пара-пар бюджеттік бағдарламаларды тиімсіз басқару оқиғалары анықталған.

Сондай-ақ, аудиторлар инвестицияланған қаражаттың экономикалық әсері барлық қажетті шығыстар бойынша, әсіресе Бюджеттік инвестициялық жобалар мен субсидиялар бойынша байқалмайтынын анықтады. Сала мамандарының  пікірінше, жүргізілген жұмыстардың ауқымын бағалауға мүмкіндік бермейді.

«Бюджеттік инвестициялық жобаларды іске асыру кезінде де кемшіліктер анықталды. Олардың ішінде: жобалау кезінде сапалы алдын ала талдау жеткіліксіз, ведомствоаралық өзара байланысты...

Қаржы министрлігі 2024 жылы үкіметтің ішкі және сыртқы борышына қызмет көрсетуге 2,02 трлн теңге жұмсауды жоспарлаған. Бұл туралы министрліктің ашық үкімет порталына жариялаған құжатында жазылған.

2023 жылы үкіметтік қарызға қызмет көрсетуге 1,8 трлн теңге жұмсалған. 2024 жылға жоспарланған қаржы 2,02 трлн теңгені құрайды. Ал 2025-2026 жылдары осы мақсатта 2,74 және 2,75 трлн теңге жұмсалмақ. 2027 жылы үкіметтік қарызға қызмет көрсету үшін 2,89 теңге қарастырылады.

Бұл қаржы сыртқы және ішкі үкіметтік қарыздар бойынша сыйақылар, комиссиялық және басқа да төлемдер төлеуге бағытталған.

«Мемлекеттің қаржылық міндеттемелері бойынша төлемдердің уақтылы және толық болуы халықаралық ауқымдағы кредиттік...

Қазақстанның Ұлттық қауіпсіздік комитеті «А» арнайы мақсаттағы қызметі, Сыртқы барлау қызметі және ҰҚК Академиясы үшін ту мен эмблеманы өзгерткісі келеді. Комитеттегілер жаңа рәміздер қауіпсіздік қызметкерлеріне «қоғам мен мемлекет алдындағы миссиянын» үнемі еске салып тұрады деп санайды.

ҰҚК басшысы Ермек Сағымбаев Президенттің «ҚР Ұлттық қауіпсіздік органдарының рәміздері туралы» Жарлығына өзгерістер енгізуді ұсынып отыр. Тиісті жоба «Ашық НҚА» порталында  жарияланды. Қоғамдық талқылаулар 30 мамырға дейін жалғасады.

«ҰҚК жекелеген органдарының ерекшелігін ескере келе, ҰҚК ведомстволары үшін ту мен эмблеманы («А» арнайы мақсаттағы қызметі мен сыртқы барлау қызметі), ҰҚК Академиясы үшін ту мен эмблеманы айқындау ұсынылады. Бұл рәміздер...

Freedom Finance Global компаниясы оныншы ай Қазақстан, Өзбекстан, Қырғызстан және Тәжікстан сияқты Орталық Азияның төрт елінің тұрғындарының тұтынушылық сенімділігін, инфляциялық және девальвациялық күтулерін зерделеуде. 2024 жылғы сәуірде қайтадан әртүрлі қызықты нәтижелер болып, әр елде осындай серпіннің жергілікті себептері мен факторлары қандай болатынын көрсетті.

Айта кетейік, сәуір айында Қазақстанда тұтынушылық сенімділіктің қалпына келуі тіркеліп отыр, онда индекс төрт ай қатарынан төмендеген болатын. Бұл ретте, CСI индексі 100-ден сәл төмен болып қалды, бұл теріс жауаптардың оң жауаптарға қарағанда сәл басым екенін көрсетеді. Екінші жағынан, Өзбекстанда күрт төмендеу болды, онда индекс төртінші ай қатты өзгермелі көрсеткіш көрсетуде. Ал Қырғызстан мен Тәжікстанда ол...

2023 жылдың қортындысы бойынша Қазақстанның жалпы ішкі өнімі 5,1%-ға өсті. Бұл туралы Қаржы вице-министрі Дәурен Темірбеков айтты.

Мәжілісте Үкімет мүшелері мен Жоғарғы аудиторлық палата республикалық бюджеттің атқарылуы туралы есеп берді. Мәселен, соңғы бір жылда өңдеу өнеркәсібі ұлғайып, құрылыс индустриясы мен саудада өндіріс өскен. Қаржы вице –министрінің баяндауынша көлік қызметі, көтерме және бөлшек сауда салаларында да оң өзгерістер байқалады.

«Инфляция деңгейі 9,8 пайызды құрады. Бюджет түсімдері 99,9 пайызға орындалып, 19,296 трлн теңгені құрады. Шығындар 22,417 трлн теңгеге (99,6%) орындалды. Бюджет тапшылығы 3,121 трлн теңгені құрады, бұл жалпы ішкі өнімнің 2,6 пайызын құрайды», – деді Темірбеков.

Вице-министр...

Air Astana 2024 жылдың I тоқсанында 5,2 млрд теңге шығынға ұшырады. Осыған қатысты компания түсініктеме берді. Тасымалдаушы таратқан ақпаратқа сүйенсек, I тоқсан әлемнің көптеген әуе компанияларында сұраныс төмен болған. Тиісінше, авиакомпаниялар  шығынға ұшыраған.

«5,2 млрд теңге мөлшеріндегі шығын көбінесе 2024 жылдың I тоқсанында IPO өткізуге шамамен 2,8 млрд теңге сомаға бір реттік шығынға байланысты. Сондай-ақ 2023 жылдың бірінші тоқсанындағы нәтижеге Ресейдегі ішінара мобилизациялау байланысты 2,3 млрд теңге мөлшеріндегі кірістің ұлғаюы айтарлықтай әсер еткенін ұмытпау керек. 2024 жылы Ресей азаматтары легінің жағдайы өзгерді», – деп хабарлады Air Astana АҚ-ның Корпоративтік коммуникациялар бөлімі.

Тасымалдаушы, егер осындай...

Қазақстандық мұнай, газ және энергетика секторы ұйымдарының қауымдастығы KAZENERGY ірі компанияларға электр энергиясын өндіруге кеткен шығындарды өтеу шартымен қуаттың белгілі бір бөлігін беру мүмкіндігін қарастыруды ұсынады.

«ТШО мен NCOC кәсіпорындарының резервтік энергия қуаттары KEGOC-қа соңғы жылдары электр энергиясының қосымша көлемін беру жағдайын түзетуге бірнеше рет көмектесті. Себебі ірі жер қойнауын пайдаланушылардың Өнімді бөлу туралы келісім мен Әріптестікті құру туралы келісімге сәйкес электр энергиясын басқа ұйымдар мен тұтынушыларға сатуға құқы жоқ. KAZENERGY ірі компанияларға электр энергиясын өндіруге кеткен шығындарды өтеу шартымен резервтік қуаттар шеңберінде генерацияның белгілі бір көлемін беру мүмкіндігін қарастыруды ұсынады», – деп жазылған...

Грузияға саяхаттап баратын қазақстандықтар 1 маусымнан бастап медициналық сақтандыру полисін алуы керек. Бұл жайлы «Еуразия» СК баспасөз қызметі хабарлады.

Баспасөз қызметінің хабарлауынша, Грузияда туризм туралы заңға өзгеріс енгізілген. Заң талабына сәйкес, шетелдік туристерден медициналық сақтандыру талап етіледі. Десе де, елге бірінші рет келген туристің мұндай сақтандыруы болмаса, шекара қызметі оны елге кіргізуден бас тартпайды. Тек сақтандыру полисіне қатысты талап бірнеше рет бұзылған жағдайда, Грузия тарапы шетел азаматтарын елге кіргізуден бас тартуы мүмкін.

Сонымен бірге құжтқа сәйкес, елдің көші-қон қызметі немесе шекара бақылауы туриске айыппұл сала алады. Сақтандыру полисі болмаған жағдайда, азаматтарға салынатын ең төменгі айыппұл мөлшері 300 ларид...

10 маусым күні Алматыда Қазақстан автомобиль индустриясындағы бірегей оқиға KURSIVAUTO 2024  форумы өтеді. 

Қазақстанның автомобиль нарығының барлық негізгі қатысушысын, сарапшыларды, салалық қауымдастық пен реттеуші органдардың өкілдерін біріктіретін бірегей салалық форум. Іс шара қазақстандағы автокөлік индустриясының жағдайын, оның даму келешегі мен жаңа сын-қатерлерін талқылауға және талдауға бағытталған.

Форумда:  

— Азамат Панбаев — Қазақстан Республикасы өнеркәсіп және құрылыс министрлігінің Өнеркәсіп комитетінің төрағасы;

—    Қайрат Еламанов, Қазақстанның өнеркәсіптік инвесторлары одағының президенті;

—    Дмитрий Ботанов, CEO Kolesa Group;

—    Бекнұр Несіпбаев, «Астана Моторс» ҚМК бас директоры және басқалар баяндама жасайды.

Форум барысында арнайы баяндама – автонарықтың қазіргі жағдайына жасалған тәуелсіз зерттеу таныстырылады. Сондай-ақ 2024 жылғы автонарықты...

Atelier Cauchemar галереясында Батырхан Шөкеновтің туған күні қарсаңында фотограф Николай Постниковтың көрмесі ашылды. Kursiv LifeStyle көрмеге барып, сирек кездесетін суреттерді алғашқы болып көрді.

Шөкенов қоғамдық қорының командасы алматылық фотограф Николай Постниковтың көрмесін ашты. Іс-шара музыканттың туған күніне орайластырылды. 2024 жылдың 18 мамырында Батырхан Шөкенов 62 жасқа толар еді. Мұнда автордың 36 фотосуреттері ұсынылған. Оның 20 алғаш рет көрсетіліп отыр. 

Николай мен Батырханды көпжылдық достық байланыстырды. Фотограф музыканттың өнер жолындағы алғашқы қадамдарынан бастап куәгер болған.

Көрмеде музыканттың ұлы Мақсұттың анасы Екатерина Шеляковамен бірге Батырханның суретін көруге болады. Сирек кадрлар 2024 жылдың көктемінде кездейсоқ табылды. 

Сондай-ақ, Шөкенов қоры KazakhYuvelir-мен бірлесіп жасаған әшекейлер...

«Бәйтерек» ұлттық басқарушы холдингі фермерлерді қаржыландыруға 100 млрд теңге бөлген. 2024 жылы холдинг агроөнеркәсіптік кешен жобаларына 300 млрд теңге бөлуді жоспарлаған. Бұл туралы компанияның баспасөз қызметі хабарлады.

Фермерлерді қаржыландыру үшін холдинг Қазақстан қор биржасы алаңында облигациялар сатып алған. Фермерлердің көктемгі егіс және егін жинау жұмысын уақтылы қаржыландыру мақсатында «Аграрлық кредиттік корпорацияның» еншілес ұйымдарына бөлінген.

«АӨК жобаларын нарықтық қаражат есебінен егіс жұмыстарына жоспарланатын қаржыландырудың жалпы көлемі 2024 жылы 300 млрд теңгені құрайды. Бұл ретте сыйақы мөлшерлемесін субсидиялауды ескере отырып, АӨК субъектілері жеңілдікті қаржыландыруды алады», – делінген хабарламада.

Бұл қаржы жалпы көлем...

Қазақстанға арзанырақ көліктер көптеп әкеліне бастады. Жыл басынан бастап Қазақстанға көлік ипорты артты. Бірақ бұл автолардың бағасы былтырғыдан анағұрлым төмен болды, деп хабарлайды Бірінші кредиттік бюро.

Бұған статистика дәлел. Мәселен, 2024 жылы Қазақстанға импортталған өнімдердің жалпы құны бір жыл бұрынғыдан 21%-ға төмен болды. Алайда импорттық автокөліктер саны 14%-ға өсіп, 31,3 мың бірлікке жетті.

Бұл елге арзан көліктер көптеп жеткізіле бастағанын білдіреді. Мысалы, 2024 жылдың қаңтар-наурыз айларында бір автокөлікке шаққандағы орташа сома 17,1 мың долларды құрады. Былтырғы осы кезеңде көрсеткіш 24,7 мың долларды құраған.

«Мұндай айырмашылық жылдық көрсеткіште де байқалатынын атап өтейік. 2023 жылдың IV тоқсанымен...

Roche шығарайын деп жатқан бұл дәрі Novo Nordisk өнімі Wegovy мен Eli Lilly өнімі Zepbound үшін бәсекелес бола алады / Фото: Reuters

Швейцариялық фармацевтикалық алпауыт Roche өзінің семіздікке қарсы препаратының алғашқы кезеңдік сынағының нәтижелері туралы айтты. Бұл өнім Novo Nordisk шығаратын Wegovy мен Eli Lilly өндіретін Zepbound бестселлерінің бәсекелесіне айналуы мүмкін. Осы мәлімдемеден кейін Roche қағаздары саудада қымбаттады, ал Novo мен Eli Lilly акциялары арзандады.

Толығырақ

— Бейсенбі күні Копенгагендегі саудада Novo Nordisk акциялары 883,2 Дания кронына (шамамен 128 доллар) дейін төмендеді. Бұл – алдыңғы саудадағы жабылар кездегі бағадан 3,8%-ға төмен. Novo Nordisk ADR-і Нью-Йорктегі саудада құнының 1,2%-ын жоғалтты.