Жаңалықтар

Қазақстанның депозиттерге кепілдік беру қоры салымшыларға қолданыстағы ағымдағы шоттары бар-жоғын тексеріп, қажет болса жаңадан ашуға кеңес береді. Өйткені 10% мөлшеріндегі өтемақы (сыйлықақы) осы ағымдағы шоттарға түседі.

Теңгедегі депозиттер бойынша сыйлықақы салымшылардың ағымдағы банк шоттарына аударылады. Ал Отбасы банкінің епозиторларына келетін болсақ, 10 пайыздық сыйлықақы олардың жинақ шоттарына аударылатын болады. 

Банктер өтемақы төлеуге өтініштер қабылдауды 2023 жылғы 10 ақпанда аяқтаған. Салымшыға 10%-дық сыйлықақыны оған депозит ашқан банк төлейді.

Төлемдер 2023 жылдың 23 ақпанынан кейін төленеді. Осы күні Теңгелік депозиттерді қорғау бағдарламасы да аяқталады. Сәйкесінше салымшы 2023 жылдың 24 ақпанынан бастап, өтемақы төленетін салымынан ішінара немесе толық көлемде ақша алуға...

Түркияда күндіз-түні жұмыс істеп жатқан құтқарушыларға алғыс айтқан Мемлекет басшысы Қасым-Жомарт Тоқаев олар елге аман-есен оралған соң оларды міндетті түрде марапатталатынын айтты.

«Бұл – ең алдымен, құтқарушы мамандарға жүктелетін зор сенім, үлкен жауапкершілік. Құтқару қызметі – өте маңызды сала. Соңғы кезде жер жүзінде төтенше оқиғалар жиілеп барады. Жұртымыз мұндай қауіп-қатерге әрдайым дайын болуы керек. Сондықтан осы салада қызмет етіп жүрген мамандардың еңбегі еліміз үшін өте маңызды», деді Мемлекет басшысы Мәлік Ғабдуллин атындағы Азаматтық қорғау академиясы студенттерінің алдында сөйлеген сөзінде.

Бұл академия жыл сайын 150-ден астам офицер даярлап шығарады. Үкіметаралық келісімдер аясында академияда...

2030 жылға қарай елордада 2,5 миллион адам тұруы мүмкін. Бұл туралы премьер-министрдің орынбасары Алтай Көлгінов айтты.

«Бас жоспарға сәйкес квадратура тығыздығының стандарты бар. Полицентрлік принципі бойынша бұл әр ауданда әлеуметтік нысандар болуы керек дегенді білдіреді. Халықтың қарқынды өсуін, жаңа аудандардың ашылуын, көлік санының ұлғаюы қаланың жаңа Бас жоспарында ескеріледі», – деді Алтай Көлгінов Үкімет отырысынан кейін.

Оның айтуынша, алғашқы бас жоспар бойынша елордада 800 мың адам тұрады деп жоспарланған.

«2010 жылы бекітілген бас жоспарда 2030 жылы елордада 1 млн 200 мың адам тұрады деп көзделді. Алайда біз бұған...

Қазіргі кезде сақталып отырған инфляциялық тәуекелдер базалық мөлшерлемені ағымдағы деңгейде ұстап тұруды талап етеді, деп мәлімдеді ҰБ төрағасының орынбасары Берік Шолпанқұлов. Қазақстанда айлық инфляция динамикасы 2022 жылғы наурыз айындағы ең жоғары мәнге (3,7%) жеткеннен бері, аздап төмендеп келеді.

Оның айтуынша, логистиканың өзгеруі, жоғары инфляциялық болжам, сұранысты фискалдық қолдау және кредит берудің артуына байланысты, инфляция өсуін жалғастырып келеді. Осы сақталып тәуекелдер базалық мөлшерлемені ағымдағы деңгейде ұстап тұруды талап етеді.

Биыл қаңтарда айлық инфляция біртіндеп 1,1%-ға дейін төмендеді. Соған қарамастан, ол орташа жылдық мәннен едәуір асатын деңгейде қалып отыр.

«Жылдық мәнде 25,7%-ға жеткен азық-түлік бағасының өсуі инфляцияның өсуіне...

Президент Қасым-Жомарт Тоқаев Түркия Республикасына қосымша гуманитарлық көмек жіберу жөнінде Үкіметке тапсырма берді.

Бұл туралы Ақорданың баспасөз қызметі хабарлады.

«Мемлекет басшысының тапсырмасы бойынша жер сілкінісі болған аудандардағы зардап шеккендерге көмек көрсету үшін шатырлар, жылытқыштар, жылы киімдер және басқа да ең қажетті заттар жіберіледі», делінген хабарламада.

Осыған дейін Қазақстан Түркияға 1 млн доллар көмек берген болатын. Бұдан бөлек, тұрғындар тарапынан да бұл елге қайырымдылық кампаниясы жалғасып жатыр. Сондай-ақ, 100 шақты құтқарушы зілзаладан зардап шеккен аймақтарда құтқару жұмыстарына атсалысып жатыр.

Ұлттық музейдің бұрынғы басшысы және экс-министр Арыстанбек Мұхамедиұлының қамауда болу мерзімі тағы да 2 айға ұзартылды, деп хабарлайды Астана қалалық сотының баспасөз қызметі.

«2023 жылғы 13 ақпанда Астана қаласының мамандандырылған ауданаралық тергеу соты күдікті А. Мұхамедиұлының қамауда болу мерзімін 2 айға ұзартты», делінген хабарламада.

Қазақстанның бұрынғы мәдениет министрі 2022 жылдың мамыр айында бірден үш айға қамауға алынған еді. Тамыз айында Арыстанбек Мұхамедиұлын қамауға алу мерзімі алғаш рет ұзартылды.

Бастапқыда ол 146 миллион теңге бюджет қаражатын жымқырды деген күдікке ілінген болатын.

Тамыз айында Антикор оның ісі бойынша мемлекетке келтірілген шығынның алдын ала сомасы...

Премьер-министрдің орынбасары – қаржы министрі Ерұлан Жамаубаев Орал қаласындағы әуежайдың құрылтайшысы өзгергеруіне қатысты пікір білдірді.

«Орал әуежайы республикалық меншіктегі нысан емес. Бұл жерде ұшып-қону жолағы ғана стратегиялық маңызы бар нысан саналады. Алайда әуежайдың өзі, яғни ғимараты мен қоймалары, тағы басқасы жергілікті органға тиесілі объектілер және «Ақжайық» әлеуметтік-кәсіпкерлік корпорациясына тиесілі», деді Ерұлан Жамаубаев Үкімет отырысынан кейін.

Сондай-ақ қаржы министрі осы мәселеге қатысты қосымша ақпарат беретінін айтты.

«Мемлекеттік мүлікті басқару комитетіне тиісті тапсырма беремін», – деді ол.

Премьер-министрдің тағы бір орынбасары Алтай Көлгіновтің айтуынша, стратегиялық нысан әуежайдағы жаңа терминалды жөндеу және салумен айналысқан мемлекетке тиесілі.

«Бірақ бұл жеке инвестор… оны инвестор...

Кейінгі екі жылды ғылым саласын республикалық бюджеттен қаржыландыру екі есеге жуық өскен. Сонымен қатар, алдағы уақытта «Ғылым және технологиялық саясат туралы» жаңа заң жобасы әзірленбек. Бұл туралы ғылыми және ғылыми-техникалық қызмет нәтижелерін коммерцияландыру мәселелері қаралған Үкімет отырысында айтылды.

«Жетекші ғалымдарға еңбекақы төлеу базалық қаржыландыруға қосылған. Іргелі ғылыми зерттеулерге қаражат бөлінеді. Әзірленіп жатқан ғылыми жобалар мен бағдарламаларды қаржыландыру ұзақтығы 5 жылға дейін ұлғайтылды. Жас ғалымдарды қолдау үшін гранттар мен стипендиялар бөлінеді, олардың ғылыми еңбектерін жариялау белсенділігі артып келеді», — деді Әлихан Смайылов.

Үкімет басшысы ғылыми ұйымдар мен кәсіпорындардың үйлесімді жұмысын қамтамасыз етіп, өзара іс-қимылды...

Биылғы қаңтарда Қазақстанның экономикалық өсімі 5,6%-ды көрсетті. Бұл туралы үкімет отырысында Ұлттық экономика вице-министрі Тимур Жақсылықов мәлімдеді.

Оның айтуынша, нақты сектордағы өсім 2,3%, ал қызмет көрсету саласында – 7,6% көрсетті.

«Барлық негізгі сала бойынша оң динамика байқалады. Сауда, ақпарат және байланыс, сондай-ақ құрылыс саласы ең жоғарғы өсуді көрсетті. Инвестициялар ағыны өнеркәсіпте – 9,2%, оның ішінде тау-кен өндіру өнеркәсібінде – 12,6%, ауыл шаруашылығында – 33,7%, жылжымайтын мүлікке қатысты операцияларда – 33,7%, көлік және қойма – 31,8% өсті», – деді Тимур Жақсылықов.

Өңірлер арасында Алматы, Ұлытау, Жамбыл және Маңғыстау облыстары көш бастап тұр.

Қазіргі кезде Қазақстанның сыртқы қарызы 7,8 трлн теңгені немесе 17,0 млрд АҚШ долларын құрайды. Қаржы министрлігі еліміздің сыртқы қарызы туралы ақпарат жариялады.

Қаржы министрлігі Мемлекеттік қарыз алу департаментінің директоры Асанәлі Дүйсембайдың айтуынша, борыштың тұрақтылығы тұрғысынан сыртқы борыштың үлесін қолайлы деңгейде ұстап тұру өте маңызды. Өйткені сырттан қарыз алу валюталық тәуекелдерге ұшырап тұрады.

«Борышты сапалы басқару кезінде бұл тәуекелдер ұлттық валютадағы борыш үлесінің шетел валютасындағы қарыздан басым болуы, сондай-ақ валюталық борыш себетін және борышты басқарудың басқа құралдарын әртараптандыру арқылы айтарлықтай теңестірілуі мүмкін», дейді департамент директоры.

Жалпы мемлекеттік борыш көлемінде сыртқы борыш үлесі  – 31%, ал ішкі борыш үлесі 69% құрайды...

Премьер-министрдің орынбасары – қаржы министрі Ерұлан Жамаубаев қаңтарда бюджет қаражатын игере алмаған министрліктерді атады.

Қаңтарда мемлекеттік бюджеттің шығыстары 93,5%-ға республикалық бюджеттің шығыстары 94,7%-ға, жергілікті бюджеттердің шығыстары 96,3%-ға атқарылған.

«Республикалық бюджет бойынша 1,5 трлн теңге сомасына шығыс жүргізілді. 84 млрд теңге атқарылмады, оның ішінде 13 млрд теңге – үнемдеу, Игерілмегені – 71 млрд теңге. Қаражатты ең көп игермеу сомасы Денсаулық сақтау, Мәдениет және спорт, Экология және табиғи ресурстар, Ақпарат және қоғамдық даму министрліктерінде қалыптасты», – деді Жамаубаев Үкімет отырысында.

Қаражатты игермеудің негізгі себебі – төлемнің негізділігін растайтын құжаттардың болмауы немесе ұсынылмауы, шарттарды, қосымша келісімдерді жасасу рәсімдерін ұзақ жүргізу. Сондай-ақ бюджеттік бағдарламаларды...

Үкімет басшысы Әлихан Смайылов Петропавл қаласындағы мектепте болған оқиғаға байланысты министрліктерге тапсырма берді.

Бұған дейін мектепте жасөспірім үш оқушыны жарақаттағаны белгілі болды.

«Бұл өте қауіпті жағдай. Халықтың арасында үлкен алаңдаушылық тудырды. Балалардың қауіпсіздігіне алаңдамайтын отбасы жоқ. Мектептің ішінде де қауіп барын көріп отырмыз. Сондықтан бұл мәселені қайта қарап, оқу орындарына тексеру жүргізу қажет. Бейне камералардың санын көбейтіп, мектептегі кіреберісте бақылауды күшейту мәселесін қарау керек», – деді премьер-министр Үкімет отырысында.

Премьер-министр министрліктерге арнайы тапсырма берді.

«Ішкі істер министрлігі келісілген ұсыныстарды енгізсін. Денсаулық сақтау министрлігі зардап шеккен балаларды ерекше бақылауға алсын. Оқу-ағарту министрлігі, Ішкі істер...

Тұрақтандыру қорлары арқылы Қазақстанда инфляцияны төмендетуге арналған іс-шаралар басталды. Инфляцияға тікелей әсер ететін азық-түлкітің бағасын төмендету үшін ақпан-сәуір аралығында резервтегі қор шығарыла бастайды.

Қаңтар айында азық-түлік бағасы қатты көтерілді. Мәселен пияз – 22,5%, күріш – 5,2%, қырыққабат – 4,1%, сүт және сәбіз – 3,1%, картоп – 3% қымбаттаған. Билік бағаны ұстап тұру үшін әлеуметтік маңызы бар 19 түрлі азық-түлік түріне ең төменгі көтерме баға енгізуді ұсынды. Яғни халық көп тұтынатын ұн, нан, мүйіз, жұмыртқа, қарақұмық, күріш, қант, күнбағыс және май, сиыр еті, тауық еті, сүт, айран, сүзбе, картоп, сәбіз, пияз, қырыққабат және тұз сынды өнім түрлері 90 күн бойы билік...

Республика аумағында барлығы 1806 гидротехникалық құрылыс болса, соның ішінде 1322 гидротехникалық құрылыс ғимараты тексерістен өткен. 471 нысан жөндеу және жаңғыртуды  қажет етеді. Бұл туралы Экология және табиғи ресурстар министрі Зулфия Сүлейменова айтты.

Президент қабылдауына болған министр еліміздегі гидрометеорологиялық жағдай мен су тасқыны кезеңіне дайындық барысы туралы мәлімдеген.

Мнистрдің айтуынша, су тасқыны кезеңінде гидротехникалық нысандардың қауіпсіз пайдаланылуын қамтамасыз ету шаралары қолға алынған. Осы мақсатта ведомство Абай және Шығыс Қазақстан облыстарында тексеру жұмыстарын жуық арада жүргізуді жоспарлап отыр.

Сонымен қатар Зүлфия Сүлейменова броконьерлікке және орман ағашын заңсыз кесуге қарсы күрес шаралары күшейтіліп жатқанын жеткізді. Оның айтуынша, қазіргі таңда министрлік...

Қазақстандағы әрбір екінші көліктің жолда жүргеніне 20 жылдан асып кеткен. Осындай 2 миллоннан аса көлік бар. Еліміз шеттен келетін ескі «автоқоқысқа» толып барады, деп жазады Еnergyprom.kz

2022 жылы жеңіл автокөліктер саны 2,9%-ға өсіп, 2023 жылдың басында 3,91 млнды құрады. Соның ішінде 10 жылдан асқан көлік саны қазірдің өзінде 2,76 миллионға жеткен.

Бұл 2022 жылдың басындағы көрсеткіштен 14,7%-ға көп. Шыққанына 10 жылдан асқан автокөліктердің үлесі бір жылда 63,4%-дан 70,6%-ға дейін өскен.

Оның үстіне Қазақстан Республикасындағы 10 жеңіл көліктің бесеуінің жолда жүргеніне 20 жылдан асқан – бұл 2 миллионға жуық автокөлік. Елімізде шыққанына 10-20 жыл болған 816 мың автокөлік...

S&P Global Ratings Орталық Азия және Кавказ елдерінің банк секторына қатысты болжамын жариялады. Агенттік сарапшыларының бағалауынша, Армения, Әзірбайжан, Грузия, Қазақстан және Өзбекстан елдерінің қаржы институттары үшін 2023 жыл жайлы болады. Банктер жаңа бизнесінің көлемін ұлғайтып, тұрақты кіріске ие болып, активтер сапасын арттыра түспек.

Агенттік сарапшыларының айтуынша, былтыр ақпанда Ресей-Украина соғысы басталғаннан бері өңірде адам мен капитал ағыны байқалған. Сондай-ақ сауда ағыны да артқан.

«Бұл Ресейге қатысты енгізілген санкциялармен байланысты. Сонымен бірге, бұл елден халықаралық компаниялардың көптеп кетуі де әсерін тигізді. Біздіңше, бұл ахуал өңірдегі елдердің экономикалық өсіміне оң әсер етеді. Бұл уақытта ауқымды көші-қон жағдайы...

Сауда-саттық қорытындысы бойынша, теңгенің нарықтық бағамы бір аптада 1,7%-ға (458,69 теңгеден) нығайып, 1 АҚШ доллары үшін 450,79 теңге деңгейінде қалыптасты. Ұлттық Банк 2023 жылғы 3-10 ақпан аралығындағы жекелеген дамушы елдердің валюталарына шолу жариялады.

Ұлттық банк дерегінше, 2023 жылғы 3-10 ақпан аралығында теңгенің бағамына әсер еткен, сыртқы валюта нарығында бірқатар маңызды оқиға болды.

АҚШ-тың Еңбек министрлігі өткен аптада жұмыссыздық бойынша жәрдемақы алуға жаңадан өтініш берген америкалықтардың саны 13 000-ға өсіп, 196 000-ға жеткенін хабарлады. Бұл сарапшылардың орташа болжамынан асып түсті. Еңбек нарығы бойынша аралас деректер шыққаннан кейін, АҚШ ФРЖ төрағасы Джером Пауэлл, басқа басшылармен...

Нұрқожа Ерсайын – кәсіпкер, тарихшы, археолог және медиа маман.  Нұрқожа қазіргі кезде жастарға жаңартылған форматта  қазақ тарихын насихаттау мақсатында derekkoz.kz қолға алған. Оның айтуынша бұл коммерциялық жоба емес. Сұхбатымыз осы жоба туралы болды.

– Нұрқожа, өзіңіз жайлы қысқаша айтып кетсеңіз?

– Мен Ұлытау облысындағы Жаңаарқа деген жердің тумасымен. Ауылдың тыныс-тіршілігін бойыма сіңіріп, ата-әженің қолында өскен қазақтың баласымын. Негізгі мамандығым – реставратор. Қарапайым тілмен айтқанда, тарихи құндылықтарды қалпына келтіруші. Өзім түрлі археологиялық қазба жұмыстарына қатыстым. Көптеген ғылыми жобалардың экспедиция мүшесі  болдым. Өзімнің де көптеген проектілерім бар. Тіпті Біріккен Ұлттар Ұйымындағы жиында өзімнің ғылыми жұмыстарымды таныстырып, ұсынған болатынмын. Ал, алғашқы ғылыми...

Қазақстан Versatile Excellence Travel Awards (VETA) марапаттау рәсімінде үндістандық туристер үшін ең үздік тренд бағыты болып танылды. Бұл Үндістанның туризм саласындағы жыл сайынғы ірі іс-шараларының бірі, онда саланың дамуында айтарлықтай өсім көрсеткен үздік компаниялар мен туристік орындар көрсетілді-деп, хабарлайды Мәдениет және спорт министрлігі.

Travelscapes – үкіметтік мекемелер, бірінші дәрежелі қонақүйлер, Туризм индустриясы, елшіліктер және корпоративтік секторлар арасында танымал үнділік кәсіби b2b  басылымы.

Марапаттау рәсіміне ҚР Мәдениет және спорт министрлігі Туризм индустриясы комитетінің төрағасы Дастан Рыспеков қатысты.

«Үндістан азаматтары үшін 14 күндік визасыз режим енгізілгеннен бері біз Қазақстанға үнді саяхатшылары санының айтарлықтай өскенін көріп отырмыз және біз танымал туристік бағыт ретінде...

Қазір карточкамен жалақы немесе жәрдемақы, зейнетақы алатын кез-келген адам алаяқтардың құрбаны болып жатады. Қаржы алаяқтары болса, оларға күні-түні телефон шалып, банктің немесе мекеменің атын атап карточкадағы аздаған тиын-тебендерін өздеріне аудартып алуға тырысады. Сол кезде алданғаныңызды сезсеңіз карточкаларыңызды бұғаттау үшін дереу құқық қорғау органдарына, сондай-ақ банкке жүгіну қажет. Банк карточкаларды бұғаттап, жаңаларын қайта шығарады. Бұл туралы fingramota.kz сайты сараптамалық мақала жазды

Микрокредиттерді ресімдеу бойынша онлайн-сервистерде банктік қосымшадағы жеке кабинеттен құпия сөздерді міндетті түрде өзгертіңіз.

Алаяқтардың сіздің атыңызға жалған кредитті ресімдемегеніне көз жеткізу үшін тоқсанына бір рет кредиттік тарихыңызды тексеріңіз. Дербес кредиттік есепті кредиттік бюролардан (Мемлекеттік кредиттік бюро немесе...

Еуразиялық банк Өзбекстанның Орталық банкіне осы елде еншілес ұйым ашуға өтініш берді. Бұл туралы «Курсив Өзбекстанға» қаржы институтының басқарма төрағасы Ләззат Сатиева хабарлаған.

Сатиева еншілес банк ашуға рұқсат алу туралы өтініш Өзбекстан Республикасының Орталық банкіне 2022 жылдың желтоқсан айында берілгенін атап өтті. Осыған дейін Қазақстанның Қаржы нарығын реттеу және дамыту агенттігі ұйымға Өзбекстанда еншілес компания ашуға рұқсат берген. Оның айтуынша, Өзбекстанда банктерді лицензиялау процедурасы екі кезеңнен тұрады.

«Бірінші кезеңде Өзбекстан Республикасының Орталық банкі банк құруға алдын ала рұқсат береді. Екінші кезеңде лицензия беріліп, мемлекеттік тіркеуден өтеді», деп түсіндірді Еуразиялық банктің топ-менеджері.

Ләззат Сатиева...

Балқаш көлі жылдан жылға азайып келеді. Экологтар осындай дабыл қағып отыр. Ынталы топ осы су айдынының проблемасына қоғам назарын бұру мақсатында «Ұлы Балқаш шақырады!» атты шара өтткізді. Шараға қатысушылардың қатарында білім, ғылым, мәдениет, спорт және қоғам қайраткерлері бар және «Курсив» ақпараттық порталының тілшісі Баян Талдыбай да қатысып қайтты.

«Іс-шараны Балқаш көлінің мұзды айдынында өткізуіміздің өзіндік мәні бар. Тарихи, мәдени-этнографиялық, экономикалық маңызы ерекше Балқаш көлінің құрғап кету қаупі төніп тұр. Соңғы жылдары су деңгейі төмендей бастаған. Әлемді алаңдатқан Жаһандық жылынудың Балқаш көліне де кесірі тиіп кетуі бек мүмкін.  Бұл тұстағы біздің негізгі идеямыз – көл экологиясының бүгінг...

Еуропалық Одақ Ресейге қатысты 10-санкциялар пакеті аясында Альфа-Банкті қоса алғанда, төрт банкке шектеулер енгізуі мүмкін.  Бұл туралы inbusiness.kz сайты хабарлады.

Санкцияларға ұшырауы мүмкін басқа банктердің атаулары басылымда көрсетілмеген.

Әзірге ЕО мемлекеттерінің тұрақты өкілдері өз елдерінің билігіне Еуропалық комиссияның ұсыныстары туралы хабарлайды, ал сәрсенбіде олар санкциялардың жаңа пакеті талқыланады.

2022 жылдан бастап Еуропалық Одақ Ресейге қарсы барлығы тоғыз санкция пакетін енгізгенін еске саламыз.

Жаңа Зеландияның солтүстігінде төтенше жағдай жарияланды. Бұл туралы Хабар 24. хабарлады. Тұрғындарға тропикалық «Габриэль» циклоны қауіп төндіріп тұр.

Қатты желдің салдарынан 55 мыңға жуық үй жарықсыз және байланыссыз қалды. Мегаполисте қоғамдық көліктер мен қала маңындағы пойыздардың қозғалысы тоқтатылды. Көптеген мектептер, балабақшалар, кітапханалар мен спорт нысандары жабылды.

Метеорологиялық қызметтің болжамына сәйкес, алдағы күндері елде циклонның әсерінен ауа райы нашарлайды. Қатты жаңбыр жауып, екпінді жел күтіледі.