Жаңалықтар

Солтүстік Қазақстан облысының Покровка ауылында балаларға арналған қайырымдылық спорт залы ашылды. Бұл «Қазақстан халқына» қорының «Батыр боламын» қорымен серіктестікте «24 балалар спорт залы» қайырымдылық жобасы бойынша ашылған сегізінші спорт зал. Жобасы аясында ауыл балалары спорт секцияларына тегін қатыса алады.

Спорт зал жергілікті мәдениет үйінің ғимаратының ішінен ашылды. Осыған дейін тұрғындар ауылшаруашылық колледжінің спорт залына баратын, алайда онда тұрақты жаттығу жүргізу үшін қажетті жағдай жасалмаған. Сондықтан залдың ашылуын ауылдастар, әсіресе, балалар асыға күтті. «Қазақстан халқына» қорының қолдауымен үй-жай қажетті заманауи жабдықтармен және спорттық мүкәммалмен жарақтандырылды. Залда екі жаттықтырушы жұмыс істейді.

«Қазір облыстық чемпионаттарда біздің ауданның атынан шығатын боксшылар жоқ. Бірнеше жыл...

Air Asia Aviation Group компаниясының кірістер және маршруттар жөніндегі директоры Пол Кэррол мырза, сондай-ақ Air Asia Х әуекомпаниясының атқарушы директоры Беньямин Исмаил мырза Нұрсұлтан Назарбаев халықаралық әуежайында болды.

Қонақтарды «Нұрсұлтан Назарбаев халықаралық әуежайы» АҚ Басқарма төрағасы Дәулет Хамзин қарсы алды.

Кездесу барысында тараптар Қазақстан мен Малайзия арасындағы тұрақты жолаушылар және жүк әуе қатынасы мәселелерін, сондай-ақ елордалық әуежайдың инфрақұрылымдық мүмкіндіктерін талқылады.

2023 жылдан бастап оңтүстік-шығыс Азияның ірі лоукостері «Air Asia» Куала-Лумпур – Астана жаңа бағытын ашуды жоспарлап отыр.

Естеріңізге сала кетейік, бүгін ҚР Индустрия және инфрақұрылымдық даму министрі Қайырбек Өскенбаев Air Asia Aviation Group компаниясының коммерциялық директоры Карен Чан ханыммен кездест...

2022 жылғы 1 қазандағы жағдай бойынша жергілікті атқарушы органдардың рұқсатымен Қазақстан аумағында 15 434 шетел азаматы еңбек етеді. Бұл туралы ҚР Еңбекмин баспасөз қызметі хабарлады.

Шетел жұмыс күшін (бұдан әрі – ШЖК) тартуға рұқсаттардың арасында мынадай санаттар бар: басшылар мен олардың орынбасарлары үшін 586 рұқсат (бірінші санат), құрылымдық бөлімшелердің басшылары үшін 3 076 рұқсат (екінші санат). Тартылған ШЖК негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше олар 7 910 және 891 адам. Сондай-ақ маусымдық жұмыстарға 1 380 адам, ал корпоративтік ауыстыру аясында 1 591 адам тартылды.

Қазіргі уақытта Қазақстанда ШЖК пайдаланатын 1 751 жұмыс беруші бар. Оларда...

Freedom Finance Europe (FFE) Еуропаның ең ірі үш орталық контрагентінің бірі European Central Counterparty Ltd. (EuroCCP) клирингтік орталығына тікелей мүшелікке кірді. 

EuroCCP-мен әріптестік компанияның клиенттеріне сауда-саттық көлемі бойынша жетекші панъеуропалық Cboe Europe қор биржасына, сондай-ақ басқа еуропалық алаңдарға тікелей шығуға қамтамасыз етеді.

Евгений Тяпкин, Freedom Finance Europe атқарушы директоры:

«EuroCCP-те есеп айырысу, Euroclear-ға жеткізу, бұл — тек инвестициялық компанияда ғана болатын биржалық инфрақұрылым. EuroCCP-ке тікелей мүшелік бұл – бүкіл холдингтің биржалық инфрақұрылымының дамытуының маңызды кезеңі әрі Freedom Finance Europe-тің Еуропаның қаржы нарығындағы іскерлік беделін тағы бір растау болып саналарды. Әлемдегі ең ірі қаржы ұйымдары EuroCCP мүшелері болып табылады әрі біз...

Алматыдан Мәскеуге ұшқан SU9 FV6536 ұшағы Шереметьевоға шұғыл қонуға мәжбүр болды. Бұл туралы «Известия» хабарлады.

Yandex.Travel сайтының хабарлауынша, рейс Sukhoi Superjet 100 ұшағы «Россия» әуе компаниясына тиесілі. Ұшақ қонар алдында кеме экипажы қозғалтқыштан гидравликалық сұйықтық ағып жатқаны туралы белгі берген.

Зардап шеккендер жоқ, басқа мәліметтер анықталуда.

«Россия» авиакомпаниясы Аэрофлот тобына кіреді. Сондай-ақ, Ресейдегі ең ірі әуе тасымалдаушыларының бірі болып табылады. 1934 жылы 7 мамырда құрылған. Штаб-пәтері Санкт-Петербургте орналасқан. Компания 130 ұшақты басқарады. 2021 жылдың соңында ол 9,96 миллион адамды тасымалдады.

Петропавл тұрғыны өздерін банк қызметкерімін деп таныстырған телефон алаяқтарының алданып 6 банктен несие алған, – деп хабарлайды Петропавловск.news сайты.

Келтірілген шығын көлемі 8,5 млн теңгені құрады.

Алаяқтар әйелге оның атына несие рәсімделгелі жатқанын айтқан. Әйел алаяқтардың айтқанын мүлтіксіз орындап, алты банктен несие рәсімдеген.

Алматы қаласында жүргізілген жедел-іздестіру іс-шараларының барысында аталған қылмысқа қатысы бар 2 азамат анықталды. Олар 4 және 3,5 жылға бас бостандығынан айырылды.

Америкалық мамандарды балалар арасында «тридемияның» тез таралуы да алаңдатып отыр. Бұл туралы «Хабар 24» хабарлады.

Қазіргі кезде елде бір уақытта респираторлық вирусты, ковид пен тұмауды жұқтырып жатқандар көбейіп барады. Кейбір өңірде балалар ауруханасында науқастарды жатқызатын орын жетіспей жатыр.

Көптеген қалаларда, оның ішінде:Вашингтон, Дэлавер, Род-Айленд және Мэн штаттарында педиатриялық бөлімде төсек орынның 90 проценті бос емес. 

«Қазақстан темір жолы» теміржол компаниясы төменгі сөрелерде жолақыны көтеру идеясынан бас тартуға шешім қабылдады. Бұл туралы «Қазақстан темір жолы» ҰК»АҚ баспасөз қызметі хабарлады.

  «Жолаушылар тасымалы» АҚ бес коммерциялық пойыздың жоғарғы және төменгі орындарына жол жүру құнына сараланған тәсіл қолдану бойынша пилоттық жобаны жойды,-деді хабарламада.

Өткен аптада әлеуметтік маңызы бар азық-түлік тауарларына бағалар 0,2%-ға, ай басынан 0,6%-ға, жыл басынан бері 20,3%-ға өсті. Жылдық мәнде олар 19,7%-ға қымбаттады, бұл 2021 жылдың ұқсас кезеңімен салыстырғанда 4,6 пайыздық тармаққа жоғары. Бұл туралы Ұлттық статистика бюросы хабарлады.

Өткен апта ішінде арзандады:

Сәбіз – 0,9%

Картоп – 0,4%

Қарақұмық – 0,2%

Өткен апта ішінде қымбаттады:

Жұмыртқа, І санат – 1,6%

ҚР бойынша әлеуметтік маңызы бар кейбір тауарлардың орташа бағасы

2022 жылғы 26 қазанға:

Рожки – 293 тг/кг

Сүзбе – 1839 тг/кг

Қырыққабат – 96 тг/кг

Әлеуметтік маңызы бар азық-түлік тауарларының тізбесіне...

«Kaspersky» мәліметтері бойынша, 2022 жылдың қаңтар — қыркүйек айларында әлемде мобильді құрылғыларды пайдаланушыларға трояндық тыңшылардың шабуылдары 2021 жылдың сәйкес кезеңімен салыстырғанда 29%-ға өсті.

Осы уақыт ішінде Қазақстанда компания осындай 13 мыңға жуық шабуылды тіркеді. Бұл бағдарламалар пайдаланушының жеке деректерін олардың келісімінсіз жинайды және оларды алаяқтарға береді. Олар әлеуметтік желілерде және мессенджерлерде хат алмасуға қол жеткізе алады, батырмалардың басылуын талдай алады, экранның скриншотын түсіре алады. Және бұл олардың жасай алатын функционалының толық тізімі емес. Зиян бағдарламалар қарапайым пайдаланушыларды аңду үшін де, компанияларға күрделі мақсатты шабуылдар аясында да қолданылады. 

Құрылғыда шпиондық БҚ орнатылғанын өз бетіңізше анықтау өте қиын. Жанама белгілердің қатарында...

Мемлекет басшысының Павлодар облысына жұмыс сапарының қорытындысы бойынша Астана-Павлодар бағыты бойынша тікелей әуе рейстерін ашу тапсырылған болатын. Осыған орай ҚР Индустрия және инфрақұрылымдық даму министрлігінің Азаматтық авиация комитеті тиісті жұмыстарды жүргізді. Бұл туралы ҚР ИИДМ баспасөз қызметі хабарлады.

Нәтижесінде биылғы жылдың 1 қарашасынан бастап «Qazaq Air» авиакомпаниясы аптасына 4 рет жиілікпен әлеуметтік маңызы бар Астана-Павлодар авиамаршрутын іске қосты. Аталған бағыттағы билеттер құны 10 мың теңге көлемінде және оны сату бүгінгі күннің соңына дейін басталады.

Қазақ масс-медиасындағы түрлі тақырыптарды қозғайтын алаң, биыл басымдықты META жобаларына берді, деп хабарлайды «Хабар 24».

«Жаңа – дәуір – Жаңа медиа». Биылғы шара осылай аталады. «Жаңа дәуір» дегеніміз түсінікті, ал «Жаңа медиа» қалай қалыптаспақ?

«Еліміздің тұрғындары мен  аудиториясына бейімделген осы ват-сап, телеграмм, TikTok желілерін қалай жүргіземіз? Оларды қалай пайдаланамыз? Қандай контент ұсына аламыз? Қандай бағыттар бере аламыз? Осылар медиа уикте талқыланады. Өйткені МЕТА әлемі ол жаңа бір құбылыс, жаңа бір әлем болып саналады»,-деді ҚР Ақпарат және қоғамдық даму министрлігінің басқарма басшысы Айбек Теміров.

Біздегі интернет тұтынушылардың 63%-і әлеуметтік желіні ақпарат алу үшін қолданады. Әсіресе 16-64 жас аралығындағылар. Media weekте...

2022 жылғы 1 қазандағы жағдай бойынша жұмыспен қамтуға жәрдемдесу шараларымен 210 мыңнан астам жас қамтылды. Оның ішінде 75 мың адам тұрақты жұмыс орындарына орналастырылды. Бұл туралы ҚР Еңбекмин баспасөз қызметі хабарлады.

Жұмыспен қамтуға жәрдемдесудің негізгі шараларының ішінде мыналарды бөліп көрсетуге болады: Жастар практикасы; «Алғашқы жұмыс орны» және «Ұрпақтар келісімшарты» жобалары; қоғамдық жұмыстар; «Бастау бизнес» жобасы бойынша кәсіпкерлік негіздеріне оқыту, оның қорытындысы бойынша бизнес-идеяны іске асыруға грант алуға болады; жұмыс берушілердің өтінімдері бойынша қысқа мерзімді оқыту.

Бұл жобалар мамандығы бойынша тәжірибесі жоқ, жақында оқуын аяқтаған, сондай-ақ NEET санатына жататын 16-28 жас аралығындағы жастарға арналған.

Осылайша, жастар практикасын ұйымдастыру шеңберінде соңғы үш...

Суық ауа райының басталуымен пештерді дұрыс пайдаланбауға байланысты жазатайым оқиғалардың саны артады, нәтижесінде тұрғындардың улы газдан улануы орын алады. Бұл туралы ҚР ТЖМ баспасөз қызметі хабарлады.

         Негізінен бұл жағдайлар аяздың басталуымен, пешпен жылыту басталған кезде және халық қарапайым қауіпсіздік ережелерін естен шығарған кезде болады.

         Өткен аптада республика аумағында пешті дұрыс пайдаланбау себебінен 6 адам улы газдан уланды, оның ішінде 2-і бала, сондай-ақ 2 адам термиялық күйік себебінен ауруханаға жатқызылды.

         Атап айтқанда, Астана қаласында Сарыарқа ауданындағы жеке тұрғын үйде қатты отынмен жылытылатын пештің ақауына байланысты улы газдан уланып, 1997 ж.т., 2018 ж.т. және 2020 ж.т. 3 адам ауруханаға...

Астанада Қазақстан Республикасының Президенті Қасым-Жомарт Тоқаевтың төрағалығымен ТМД мемлекеттері Басшылары кеңесінің кезекті отырысы өтті, оның шеңберінде мемлекет басшылары Тәуелсіз Мемлекеттер Достастығына қатысушы мемлекеттердің сыбайлас жемқорлыққа қарсы іс – қимылдағы ынтымақтастығы туралы келісімге қол қойды. Бұл туралы ҚР СЖҚІА хабарлады.

Бұл құжат 2008 жылы әзірленіп, тек 2022 жылы тараптар түпкілікті редакциясына және жоғары деңгейде қол қою туралы келісті. Келісімнің қолданылуы сыбайлас жемқорлық туралы қылмыстық істер бойынша жәрдем көрсетуге; сыбайлас жемқорлыққа қарсы күресті күшейтуге ықпал ететін үйлестірілген және келісілген іздестіру іс-шараларын және басқа да шараларды жүргізуге мүмкіндік береді.

Келісімнің қолданылуы құқық бұзушылықтармен күресте ынтымақтастықтың тиімділігін арттыруға, сыбайлас жемқорлыққа қарсы іс-қимыл...

Мемлекет басшысы Қасым-Жомарт Тоқаевтың тапсырмасы бойынша шағын және орта бизнеске келтірілген залалды өтеу бойынша ғана емес, сондай-ақ қаңтар оқиғалары барысында автокөліктері бүлінген немесе жойылған Алматы қаласының тұрғындарына да қатысты жұмыс жүргізілуде. Бұл туралы Алматы әкімдігінің баспасөз қызметі хабарлады.

Қазіргі уақытта Алматы қаласы аудандарының әкімдіктеріне автокөлік иелерінен келтірілген залалды өтеу туралы 143 өтінім келіп түсті. Жеке тұлғаларға келтірілген залалды өтеу тетігіне сәйкес (Үкіметтің 2013 жылғы 28 тамыздағы № 877 қаулысымен бекітілген терроризм актісі нәтижесінде жеке және заңды тұлғаларға келтірілген мүліктік зиянды өтеу Ережелеріне сәйкес) жалпы сомасы 566,7 млн теңгеге барлық 143 өтінімге қолдау көрсетілді.

Өтініштерді аудан әкімдіктері келіп түскен күннен бастап 1 ай ішінде қарайды. Мүлікке...

Пилоттық режимде «Жолаушылар тасымалы» АҚ 2022 жылғы 1 желтоқсаннан бастап 2023 жылғы 28 ақпанға дейін жөнелтілетін коммерциялық пойыздар вагондарындағы жоғарғы және төменгі орындарға жол жүру құнына сараланған тәсілді енгізеді. Бұл туралы Қазаақстан Теміржолы баспасөз қызметі хабарлады.

Жоғарғы және төменгі орындар арасындағы жол ақысының айырмашылығы 20% құрайды.

Жоба вагондағы орындарды біркелкі бөлу, сондай-ақ жолаушылардың төменгі орындарға деген сұранысын қанағаттандыру мақсатында жүзеге асырылады.

Сараланған тәсіл келесі жолаушылар пойыздарында қолданылады:

Орта есеппен екінші тоқсанда жан басына шаққанда үй шаруашылықтары 3,5 литр күнбағыс майын тұтынған. Бұл турал ҚР Ұлттық статистика бюросы хабарлады.

Ауыл тұрғындары үй шаруашылығында тоқсанына 3,7 литр май жұмсаса, қалалық жерлерде тұтыну көрсеткіші 3,3 литрді құрады.

Қыркүйек айында күнбағыс майының бір литрі бөлшек саудада орта есеппен 891 теңгеден сатылды.

Ал өңірлер арасында күнбағыс майының ең қымбат бағасы Қонаевта (1001 теңге) тіркелген, ал ең арзан баға Өскемен қаласында. Ондағы майдың бағасы литрына 743 теңгеден.

Елімізде пандемия болып, карантинде отырған сәтте , әсіресе төтенше оқиға болған кезде үнемі  дабылдың даусын естідік. Яғни  тұрғындардың қауіпсіздігін сақтау үшін төтеншеліктер үнемі сиренаның даусын қосатын. Сол дабылды зорайтқыштарды ұсынатын елімізде арнайы компанияның бірі  Маяк-Broadcast  жақында «Жаршы» атты жобаны ел назарына ұсынды. Төтенше жағдайлар министрлігімен қоян- қолтық жұмыс істейтін мекеме  телефон қоңыраулары, sms және электрондық пошта арқылы хабардар етуге арналған «Жаршы» ұжымдық жедел ескерту жүйесінің функционалдық ерекшелігін түсіндірді.

 Онда алдымен  жазылушылар тізімі жасалады  және басқарылады

 SMS және электрондық поштаны орнату және жіберу

 Дауыстық хабарламаларды жазып, оларды ұялы және/немесе қалалық телефондарға жібереді

 Ескертулер туралы есептерді қарайды және жүктейді

«Жаршы» қолдану аясы:

Сапар бағдарламасында өзара мүддені көздейтін мәселелерге қатысты екіжақты келіссөз жүргізу қарастырылған. Сапар 27 қазанға жоспарланған

Сондай-ақ осы күні Астанада Орталық Азия мемлекеттері басшылары мен Еуропалық Кеңес Президентінің кездесуі жоспарланып отыр.

Алматы қаласы бойынша «1315» бірыңғай нөмірі бар Call-орталық іске қосылды, деп хабарлайды Алматы қаласы әкімдігінің баспасөз қызметі.

Әкімдіктің мәліметінше, бірыңғай нөмір арқылы 20 қарашада өтетін Қазақстан Республикасы Президентінің кезектен тыс сайлауында дауыс беруге арналған сайлау учаскесінің мекенжайы мен нөмірін тексеруге болады.

«Бірыңғай нөмір барлық ұялы байланыс операторларының абоненттері үшін қоңырау шалу тегін. Call-орталықтың жұмыс уақыты – демалыс күндерін қоса алғанда, күн сайын сағат 8.00-ден 20.00-ге дейін»,- делінеді хабарламада.

Сондай-ақ әкімдікте Алматы қаласы әкімдігінің «Open Almaty» қоғамдық қабылдауының сайты мен білім басқармасының мемлекеттік қызметтер порталында сайлаушылар тізімінде өзін тексеруге мүмкіндік беретін сервис қолжетімді екенін хабарлады.

Осыған ұқсас қызмет Telegram Bot арқылы да іске...

Исламтанушы болып жұмыс істеген Елжан Қажымұқан қазіргі кезде ұлттық нақыштағы заманға сай шапан сатып, үлкен кәсіпті дөңгелетіп отыр. Бизнесті бастаған күні 5 сағатта 37 шапан сатып, 500 мың теңгеден аса пайда тапқан Қажымұқан мырзадан сұхбат алдық.

–  Неге шапан сату кәсібін қолға алдыңыз?

– Мен бұл саланы тек бизнес емес, еліміздің даму жолындағы әлеуметтік жоба ретінде қарастырамын. Бұл – ел руханиятының дамуына қосып жүрген үлесім.

–  Сіздер тігетін шапанның ерекшелігі қандай?

 – Біздің өнім – дизайнерлермен арнайы ақылдасып, күнделікті киюге ыңғайлы шапандар. Біз бұрынғы шапан деген стереотипті жойдық. Біздің шапандар сапалы маталардан тігіледі. Тіпті астарына дейін, бәрі ойластырылған. Біздің шапандарға...

«Алматы» ауданы ПБ криминалдық полиция қызметкерлері жедел-іздестіру іс-шараларын жүргізу барысында ұрлық жасады деген күдікпен 24 жастағы қала тұрғынын ұстады,- деп хабарлайды Астана қаласы ПД Баспасөз қызметі.

Тергеу барысында, күдіктінің Нәжімеденов көшесінің бойындағы құрылыс нысанының жетекшісі (прораб) болып жұмыс істегені анықталды. Содан ол пайдакүнемдік мақсатында құрылыс нысанына тиесілі құны 1 млн. 500 мың теңгені құрайтын бетонды белгісіз біреуге сатып жіберген.

Аталған фактіге қатысты «ұрлық» бабы бойынша сотқа дейінгі тергеу амалдары жүргізілуде. Ұсталған азамат кінәсін мойындады, оның елорда аумағында осыған ұқсас басқа да қылмыстарға қатыстылығы тексерілуде.

Астана қаласының Полиция департаменті қырағы болуды, құрылыс нысандарында күзетті күшейтуді және бейнебақылау камераларымен жабдықтауды ұсынады.

Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/– 1 п.т. пайыздық дәлізімен жылдық 16%-ға дейін көтеру туралы шешім қабылдады. Бұл туралы ҚР Ұлттық Банк баспасөз қызметі хабарлады.

Өтімділікті ұсыну жөніндегі тұрақты қолжетімді операциялар бойынша мөлшерлеме 17%, ал өтімділікті алу жөніндегі тұрақты қолжетімді операциялар бойынша мөлшерлеме – 15% болады.

Шешім мөлшерлеме траекториясын түзетеді, ол алдыңғы шешімдер мен коммуникациялар бойынша айқындалған бағыт пен қарқынды сақтайды. Мөлшерлеменің артуы өсіп отырған инфляциялық қысымды көрсететін факторлардың жиынтығына байланысты. Қыркүйек айының нәтижесі бойынша инфляция болжамнан айтарлықтай асып түсті. Шешім қабылдауға негізгі факторлар жоғары инфляциялық күтулер, орнықты сұраныс, фискалдық серпін, тұрақты тауар жеткізу жолдарына қайта бағыттауға байланысты өндіріс шығасыларыны...