Жаңалықтар

Канада жасанды интеллект секторын дамытуға арнайы қорды іске қосып,  жобаға 1,8 млрд доллар жұмсауды жоспарлап отыр.

Bloomberg ақпаратына сүйенсек, 7 сәуірде үкімет 2,4 млрд канадалық долларды (1,8 млрд АҚШ доллары)  құрайтын жасанды интеллектіге қатысты жобалар пакетін жариялады. Жасанды интеллект зерттеушілерінің стартаптардың және басқа компаниялардың жұмысын жеделдетуге бағытталған технологиялық инфрақұрылымға 2 млрд канадалық доллар бағытталады.

Нақтырақ айтқанда, 1,47 млрд есептеу қуатын және басқа да инфрақұрылымды құруға, 147 млн ауыл шаруашылығы, экология, денсаулық сақтау және өңдеу өнеркәсібі саласындағы стартаптарға, 73,5 млн компаниялардың өнімділігін арттыруға, 36,8 млн канадалық жасанды интеллект қауіпсіздік институтын құруға жұмсалады.

«Ауыл шаруашылығы және денсаулық сақтау сияқты салаларда...

Barron ‘s-тің  жазуынша, осы аптада наурыз айындағы инфляция туралы мәліметтер және бірінші тоқсандағы есеп беру маусымы басталады.

 Аптаның соңында АҚШ-тың бірнеше ірі банктері-Citigroup, JPMorgan Chase және Wells Fargo, сондай-ақ BlackRock және State Street инвестициялық компаниялары кіріс деректерін бірден жариялайды. АҚШ-тағы ең ірі Delta Air Lines авиакомпанияларының бірі аптаның ортасында қаржылық нәтижелері туралы есеп бермек.

Уолл-стрит үшін басты макроэкономикалық оқиға АҚШ-тың наурыз айындағы инфляция деректерін жариялау. АҚШ-тағы тұтыну бағасының өсу қарқыны туралы деректерді Федрезерв мұқият қадағалайды. Олардың динамикасы ақша-несие саясаты туралы шешім қабылдаудағы негізгі факторларының бірі.

 Америкалық Орталық Банктің мақсатты инфляция деңгейі 2%-ды құрайды.

Осы жылдың басында инвесторлар ФРЖ...

Air Astana Атыраудан Алматыға ұшу билетінің құны 500 мың теңгеге өскені туралы желіде тараған ақпаратқа түсініктеме берді. Компания ақпараттың қате екенін атап өтті.

«Аталған скриншоттарда Атыраудан Алматыға, Астанаға немесе Ақтауға әуе билеттерінің құны жарияланды. Алайда Ыстамбұлда бір немесе екі рет ауысып отыратын рейстер көрсетілген. Сондай-ақ билеттердің бірі бизнес-класпен ұсынылған. Мұндай ақпарат қате», – делінген компания хабарламасында. 

Әуе компаниясының ресми сайтында немесе Air Astana қосымшасында эконом-класта тоқтаусыз тікелей рейстерді таңдауға кеңес берген. Мұндай билеттердің құны бір бағытта 60 мың теңгеден басталады. 

Air Astana 9 сәуірде компания Атырау облысындағы су тасқыны салдарынан Алматыдан Атырауға және кер...

Солтүстік Қазақстан облысындағы Сергеев су қоймасы 180%-ға толды. Ондағы судың ернеуінен асып төгілуі 415 сантиметрге жетті.

Орталық коммуникациялар алаңында СҚО ТЖД бастығының орынбасары Мұрат Қанғожинов өңірдегі ахуалды баяндады. Оның айтуынша өңірде соңғы рет ауқымды су тасқыны 2017 жылы тіркелген, ол уақытта бөген суы 338 сантиметрге асып төгілген.

«Бұл 3 аудан мен Петропавл қаласында су басу қаупін тудырады. Су басу аймағына 845 тұрғын үй және 5 мың саяжай кіреді. 12 сәуірден бастап облыс орталығына дейін үлкен судың келуі күтіледі, шыңы 23 сәуірге келеді», – деп баяндады спикер.

20 наурыздан бастап өңірде жедел штаб ашылған. Мұрат Қанғожинов қанша...

Еуропаның бірқатар елдерінде Салтанат Нүкенованы қолдауға бағытталған митиң өткізілді. Бұл жайлы әлеуметтік парақшаларда жарияланып жатыр.

7 сәуір күні Италиядағы студенттер Сицилияның Мессина қаласында Салтанат Нүкенованы қолдау мақсатында бейбіт шеру өткізген. Олар «Заң Салтанат құрсын» деген үндеумен шыққан. Сонымен бірге ұрып-соққаны үшін, тұрмыстағы зорлық-зомбылық үшін қылмыстық жаза қарастыру мәселесін көтерді.

Сонымен бірге Берлинде де бейбіт шеру ұйымдастырылды. Еркін митиңге 120-дан астам адам жиналған. Олар да Қазақстанда мұндай қылмыс үшін жауапкершілікті қатаңдатуды талап еткен. Сонымен бірге жастар Қуандық Бишімбаевқа өмір бойы бас бостандығынан айыру жазасын қарастыруды сұрады.

«Берлинде Қазақстандағы тұрмыстық зорлық-зомбылыққа қарсы акцияға ондаған...

Ресейлік «Лукойл» ЖАҚ «ҚазМұнайГаздан» Kalamkas Khazar Operating  компаниясының 50% үлесін 200 млн долларға сатып алған. Бұл жайында ҚМГ-ның қаржы есебінде жазылған.

Аталмыш компания Каспий теңізі қайраңындағы «Қаламқас-Теңіз», «Хазар» және «Әуезов» кен орындарында мұнай өндіру құқығына ие.

«2023 жылдың 21 қыркүйегінде «Лукойл» АҚ 200 миллион доллар көлемінде ақшалай өтемақы төледі (төлем күнінде 94,644 миллион теңгеге тең)», – делінген есепте.

Өз кезегінде ҚМГ бұрынғы еншілес кәсіпорнына 93,2 млрд теңге (шамамен 200 млн доллар) инвестиция салған.

Жоба операторы – «Қаламқас-Хазар Оперейтинг» компаниясының 2023 жылдың 1 қаңтарынан бақылауды жоғалтқан күнге дейінгі таза шығыны...

Астанада бұрынғы ұлттық экономика министрі Қуандық Бишімбаев ісі бойынша кезекті сот отырысы өтіп жатыр.

8 сәуірдегі сот отырысында да экс-министрге жәбірленуші тарап өкілдері сұрақ қойып жатыр.

Адвокат Жанна Уразбахова Бишімбаевтан 2023 жылдың 9 қарашасында сотталушының не себепті көрікпелге хабарласқаны туралы сұрақ қойды.

«Өз жауабыңызда 9 қарашада көрікпелге хабаралсқаныңызды айттыңыз. Ол кім? Қанша уақыттан бері таныссыздар? Қай қалада тұрады?», – деп сұрады адвокат.

Сотталушы Бишімбаев көрікпелдің Шымкентте тұратынын, шамамен 1,5-2 жылдан бері бизнес мәселесі бойынша хабарласып тұрғанын жеткізді.

«Көрікпел деп атаған кісінің медициналық білімі бар-жоғынан хабарыңыз бар ма?», –  деп сұрады адвокат...

Президент Қасым-Жомарт Тоқаев облыс және қала әкімдерімен байланысып оларға аймақтарды көгалдандыру бойынша тапсырмалар берген.

«Президент Қасым-Жомарт Тоқаев облыстар мен қалалардың әкімдеріне аумақтарды абаттандыру, көгалдандыру жөнінде бірқатар тапсырма берді», – делінген Ақорда хабарламасында.

Ақорда ақпаратына сүйенсек, Тоқаев бұл тапсырманы cу тасқынына ұшырамаған облыстар мен қалалардың әкімдеріне берген. Дәлірек айтқанда, оларға көшелерді тазарту, көгалдандыру және елді мекендердің аумақтарын абаттандыру науқанын бастауды тапсырып, жолдарды ретке келтіру міндетін жүктеген.

Президент бұл жұмыстарға тұрғындар мен еріктілерді тұрақты түрде тарту маңызды екенін атап өтіп, елді мекендер мен қоғамдық демалыс орындарын күтіп-баптау әкімдер қызметін бағалаудың тағы бір өлшемі болатынын айтқан.

Су басқан аймақ әкімдері есеп берді

Осыған...

Қазақстан Премьер-Министрі Олжас Бектенов Астана қаласының әкімі Жеңіс Қасымбек және Ақмола облысының әкімі Марат Ахметжановпен Астана маңындағы су қоймаларына барып, ондағы жағдайымен танысты. Үкіметтің хабарлауынша, жағдай тұрақты.

Сапар барысында Бектенов Астана қаласы арқылы тасқын суларды өткізуге және ықтимал су тасқынынан қорғауға арналған Астана контрреттегішінің жұмысын тексерген.

Астаналық контрреттегіште судың ағуы қазір секундына 30 текше метрді құрайды. Ал контрреттегішке келіп жатқан ағын су секундына 248 текше метр. Осыған орай контрреттегіштің су ағызу қабілетін секундына 40 текше метрге дейін арттыру жоспарланып отыр.

Бірақ бұл көлемдегі ағызу Астанаға су тасқыны қаупін тудырмайтыны айтылға.

«Су ресурстары және ирригация...

Сарапшылардың пікірінше,  2024 жылдың тамыз айына дейін мұнайды тасымалдаудағы үзілістерге байланысты, оның бағасы бір баррель үшін 100 долларға дейін жетуі мүмкін. Ал инвесторлар дамушы елдердің жасанды зерде стартаптарына белсенді түрде  инвестиция салмақ.

Акциялар қоры I тоқсанда кірісті 9,1% – ға арттырды

АҚШ-тағы акциялар 2024 жылдың бірінші тоқсанында тез көтерілді. Refinitiv  Lipper-дің мәліметтері бойынша, АҚШ-тағы акциялар қоры тоқсан ішінде орташа есеппен 9,1% – ға өсті. Салыстыру үшін, 2023 жылы өсім 21,1%-ды құрады.  Ал тиімділік бойынша дәстүрлі түрде технологиялық компаниялардың акциялары көш бастап тұр.

Жалпы алғанда, I тоқсанның нәтижелері болжағаннан да жақсы болды. Наурыз айында негізгі индекстер рекордтарды жаңартты, акцияларды...

Вена қор биржасы «Қазақстанның Даму Банкінің» орта мерзімді облигациялары листингін растады. Бұл туралы ҚДБ-ның Қазақстан қор биржасына жолдаған хабарламасында жазылған.

Вена қор бижасына банктің 3 млрд долларлық облигациялары орналастырылмақ.

«2024 жылғы 3 сәуірде Вена қор биржасы Компанияның 3 000 000 000 АҚШ доллары сомасына (бұдан әрі – Облигациялар бағдарламасы) орташа мерзімді облигациялар шығару бағдарламасының листингін растады» – делінген хабарламада.

Банк облигацияларын Вена қор биржасына орналастылғанда ҚДБ-ның осы бағдарлама аясында шығарған облигациялары KASE-ден делистинг жасамайды.

2 сәуірде банк еурооблигацияларының екі шығарылымын орналастыру мүмкіндігін қарастырып жатқаны белгілі болды. Одан түскен қаржы бұрынғы...

Миллиардер Илон Маск Бразилия Жоғарғы сотының X әлеуметтік желісінің кейбір есептік жазбаларын бұғаттау туралы шешіміне қарсы шықты. Ол платформадағы белгілі бір аккаунттарды бұғаттауға бұйрық беріп, судьяның отставкаға кетуін талап етті.

«Істі жүргізген судья бірнеше рет Бразилия Конституциясы мен халқына опасыздық жасады. Ол отставкаға кетуі немесе импичмент жариялауы керек. Александр, масқара», – деп жазды Маск X парақшасында.

Reuters ақпаратына сүйенсек, Маск судья Александр де Мораестің Бразилиядағы кейбір ашылмаған Х аккаунттарына қойған барлық шектеулерін алып тастап, судья қарсылығына қарамастан, бұйрықтың егжей-тегжейін жариялайтынын хабарлады.

«Судья үлкен айыппұл салды, біздің қызметкерлерді тұтқындаймын деп қорқытты...

Тасқын салдарынан еліміздің 7 облысында 3 745 жеке тұрғын үй су астында қалды. Бұл туралы ТЖМ Азаматтық қорғаныс және әскери бөлімдер комитетінің аға офицері Ерасыл Сайпаш мәлім етті.

Орталық коммуникациялар алаңында ТЖМ мен Қазгидромет өкілі су тасқынына байланысты мәліметтерді жариялады. Ерасыл Сайпаштың айтуынша су тасқыны басталғалы 75 982 адам құтқарылған, оның 18 681-і бала.

«Тартылған әуе кемелерінің көмегімен 2 811 адам, оның ішінде 865 бала құтқарылды. Уақытша орналасу пункттеріне 7 мыңнан астам адам, оның ішінде 2 794 бала орналастырылды. 69 971 жануар қауіпсіздік жерге айдалды. Зардап шеккен өңірлерге 126 тонна гуманитарлық көмек жеткізілді. Бірлескен күштермен 7,7 млн...

Қазақстанда «Қазгидрогеология»  ұлттық гидрогеологиялық қызметі» коммерциялық емес акционерлік қоғамы құрылады. Бұл жайлы «Ашық НҚА» порталына орналастырылған Су ресурстары және ирригация министрлігінің қаулысында жазылған.

«Жарғылық капиталына мемлекет жүз пайыз қатысатын «Қазгидрогеология» ұлттық гидрогеологиялық қызметі» коммерциялық емес акционерлік қоғамы құрылсын», –   делінген қаулыда.

Құжатта мекеменің жерасты су ресурстарын басқаруды цифрландырумен айналысатыны айтылған. Сонымен бірге бұл компания деректер қорын және гидрогеология және геофильтрациялық модельдер, цифрлық және картографиялық деректер қоры саласындағы тұрақты жұмыс істейтін геоақпараттық жүйелерді және жерді қашықтықтан зондтау деректерін қолдана отырып, оларды басқару жүйелерін құруға тиіс.

«Қазгидрогеология»  ұлттық гидрогеологиялық қызметі» коммерциялық емес акционерлік...

Toyota Motor Corp. өзінің Daihatsu Motor Co брендті автомобильдерін сертификаттау және қайта өндіру жұмыстарын бастап кетті. 

Bloomberg ақпаратына сүйенсек, компания өзінің жеңіл көлік өндірісін жандандыруды қолға алмақ. Daihatsu дамушы елдердегі Toyota бөлімшелерін өзара біріктіріп, өндірісті жандандырады.

«Құрылымдағы осы өзгерісті ескере отырып, екі компания Азияда неғұрлым тәуелсіз және өзара байланысы келісілген ұжым құруға ұмтылады», – делінген компания хабарламасында.

2016 жылы Toyota жүз пайыздық еншілес кәсіпорны болған Daihatsu автомобиль шығаруды тоқтатуға мәжбүр болған. Себебі ішкі тексеру кезінде қауіпсіздік сертификаттауда ондаған жылдар бойы құқық бұзушылықтар орын алғаны анықталған.

2024 жылы Toyota бірқатар жанжалдарға тап болды. Соның ішінде Toyota Industries Ltd. қаңтар айында жапондық автоөндірушілерге жеткізген...

Су тасқынынан зардап шеккен Батыс Қазақстан облысындағы 481 отбасыға 89 млн теңге көлемінде бір реттік төлем берілген. Бұл жайлы премьер-министрдің орынбасары – ұлттық экономика министрі Нұрлан Байбазаров айтты.

Өңірдегі жағдайға тоқталған министр су тасқыны басталғаннан бері Батыс Қазақстан облысының 3700-ге жуық тұрғыны эвакуациялық орталықтарға орналастырылғанын айтты. Бүгінде 2700-ге жуық адам үйлеріне оралған. Қалған 1000-нан астам адам 13 эвакуация пунктіне орналасқан.

«Олар азық-түлікпен әрі қажетті медициналық көмекпен қамтамасыз етілді. Қажет болған жағдайда өңірде 30 мыңнан астам орынға эвакуациялық пункттер дайындалды. Облыс тұрғындарына келтірілген материалдық шығынды есептеу жұмыстары басталды. 581 тұрғын үйдің 236-сына техникалық тексеру жүргізілді. Бұл жұмыс жалғасады. Су тасқынынан зардап...

Су басқан аймақ әкімдері президент Қасым-Жомарт Тоқаевқа есеп беріп, тасқынға байланысты жағдайдың бақылауда екенін баяндады.

«Мемлекет басшысы Қасым-Жомарт Тоқаев Ақмола, Ақтөбе, Қостанай және Солтүстік Қазақстан облыстарының әкімдерімен телефон арқылы сөйлесті», – деп хабарлады Ақорда.

Облыс әкімдері президентке өңірлердегі ахуал жайында, табиғи апатпен күресу және су тасқынының зардаптарын жою үшін қабылданған шаралар жөнінде есеп берген.

Олардың сөзінше, су тасқынына қатысты жалпы жағдай жіті бақылауда, табиғи апатпен күресу үшін адам күші де, техника да жеткілікті.

Бұдан бөлек, Тоқаев тапсырмасымен үкімет басшысы Олжас Бектенов бастаған республикалық штаб мүшелері су тасқынынан зардап шеккен аймақтарға жіберілген.

Су тасқынына байланысты ахуал

Қазақстанны...

Еңбек министрлігі су тасқынынан зардап шеккендерге өтемақы төленетіні туралы әлеуметтік желілер мен мессенджерлерде тараған ақпаратты жоққа шығарды.  Ведомство бұл мәселемен айналыспайтынын мәлімдеді.  

«Еңбек министрлігі су тасқынынан зардап шеккендерге өтемақы төлемдерін жүзеге асыратыны туралы әлеуметтік желілерде және мессенджерлерде жалған ақпарат таратылуда. Белгісіз тұлғалар төлемдерді алу үшін «Толығырақ» батырмасын басуды немесе сілтемеге өтуді ұсынады. Хабарламада көрсетілген сілтеме алаяқтардың азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін ешбір жағдайда сілтемеге өтпеуге кеңес береміз», – делінген хабарламада.

Ведомство өкілдерінің мәлімдеуінше, мемлекет басшысының тапсырмасына сәйкес, су тасқынынан зардап шеккен қазақстандықтарға жергілікті атқарушы органдар біржолғы...

15 сәуірден бастап Алматы қаласында әлеуметтік нысандар мен тұрғын үйлерде жылу кезең-кезеңмен өшірілетін болады.

Әкімдік ақпаратына сүйенсек, 2023 жылы жылыту маусымына дайындық  аясында Алматы қаласының табиғи монополиялар субъектілерінің инвестициялық бағдарламасы бойынша («АлТС» ЖШС, «Алматы Су» МКК, «АТЭС» ЖШС) және жергілікті бюджет есебінен 30 млрд теңге бөлінген.

2024-2025 жылдарға жылыту маусымына дайындыққа 35 млрд теңге бөлінді. 2025 жылы қосымша 32 млрд теңге бөлу жоспарлануда.

Алматы қаласы энергетика және сумен жабдықтау басқармасының басшысы Талғат Малыбаевтың  сөзінше, қалада ауаның орташа тәуліктік температурасының +8⁰ және одан жоғары болуына байланысты жылыту маусымын аяқтау туралы шешім қабылданған.

«Жылуды өшіру 15 сәуірден басталады. Келесі тәртіппен кезең-кезеңмен өшіріледі: алдымен...

Қазақстанның 7 жол учаскесінің 3206 метріне су жайылған. Осыған орай 14 автомобиль жолдарында қозғалысқа шектеу енгізілген.

«2024 жылғы 8 сәуірдегі сағат 07:00-дегі жағдай бойынша халықаралық және республикалық маңызы бар автомобиль жолдарында ауа райының жылынуы мен қардың тез еруі салдарынан Атырау, СҚО, Павлодар, Қостанай облыстарының7 жол жүру учаскесінде жалпы ұзындығы 3206 метр болатын су тасқыны болды», – делінген баспасөз хабарламасында.

«Қазавтожол» хабарлауынша, Ақтөбе, Ақмола, Атырау, Қостанай, Павлодар, Маңғыстау, Солтүстік Қазақстан облыстарында республикалық маңызы бар 14 автомобиль жолдарында ұзындығы 679 км қозғалысқа шектеу қойылған.

Өңірлердегі ахуал

Өңірлердегі су тасқынына қатысты жағдай әлі де күрделі. Су тасқыны басталғалы...

Түркия су тасқынына байланысты Қазақстанға көмек көрсетуге дайын. Бұл туралы елдің Сыртқы істер министрлігі хабарлады.

Ведомство ресми сайтында 7 сәуір күні ауқымды су тасқынына байланысты Қазақстан халқына көңіл айту хаты жария болды. Түркия Қазақстанға кез келген қажетті көмекті көрсетуге дайын екенін атап өткен. 

«Біз Қазақстанның әртүрлі өңірлеріндегі жойқын су тасқыны байланысты қатты қайғырамыз. Су тасқыны ауыр зардаптарға әкеліп соқты. Он мыңдаған қазақстандық бауырларымызды эвакуациялауға мәжбүр етті. Біз Қазақстан халқына және Үкіметіне көңіл айтамыз. Түркия табиғи апаттан зардап шеккен халыққа қажетті кез келген көмекті көрсетуге дайын», – делінген СІМ мәлімдемесінде.

Осыған дейін Қырғызстан Қазақстанға 270 тонна гуманитарлық көмек жөнелткен. Қазақстанның су тасқынынан зардап шеккен өңірлерінің тұрғындарына...

Атырауда ҚР Премьер-министрі Олжас Бектеновтің жетекшілігімен Су тасқынына қарсы іс-шараларды үйлестіру және су тасқыны салдарын жою жөніндегі республикалық штабтың көшпелі отырысы өтті.

«Су тасқынына қатысты жағдай өте күрделі. Президент су басқан аумақтарда құқықтық тәртіпті қамтамасыз ету міндетін қойды. Қалалар мен ауылдардың тыныс-тіршілігін тиісті деңгейде қамтамасыз ету қажет. Тұрғындарды керекті нәрселердің барлығымен қамту керек. Бақылауды күшейтіп, азық-түлік бағасының негізсіз өсуіне жол бермеуді тапсырамын. Ондай фактілердің жолын кесу керек. Қазір бірқатар өңірде залалды өтеу және өтемақы төлеу жұмыстары басталды. Бұл жұмысты бюрократияға салмай, жедел түрде мүмкіндігінше ашық жүргізу керек. Ешкім көмексіз қалмауы керек. Әкімдер жағдайды ерекше бақылауда...

Мемлекет басшысының тапсырмасына сәйкес Қостанай, Батыс Қазақстан, Ақмола, Ақтөбе, Атырау және Солтүстік Қазақстан облыстары үшін мемлекеттік материалдық резервтен 15 мың 400 адамға апатты жағдайда қажет болатын жабдықтар бөлінді. 51 арнайы және автомобиль техникасы (экскаваторлар, вахталық автомобиль, балшық сорғылары, автосамосвалдар) іске қосылды, шатырлар мен төсек-орын жабдықтар жеткізілді.

Резерв есебінен бүгінге дейін 1 млрд 474 млн теңгенің көмегі көрсетілді.  Бұл жөнінде ОКҚ-ның ақпарат алаңында мемлекеттік материалдық резер комитеті төрағасының орынбасары Руслан Ормағамбетов хабарлады.

«Бұдан басқа Шығыс Қазақстан облысында су тасқынына байланысты төтенше жағдайлардың алдын алу үшін осы өңірлердің әкімдіктері мемлекеттік материалдық резервтен қажетті тауарларды шығаруды қарастыруда. Мемлекеттік материалдық резерв қоры төтенше...

Су тасқынының салдарынан Солтүстік Қазақстан облысындағы 13 ауданның 8-інде ауыр жағдай қалыптасып отыр. Бұл жөнінде ОКҚ брифингінде облыс әкімінің орынбасары Қанат Дүзелбаев хабарлады.

Әзірше Есіл өзеніндегі Сергев су қоймасы 163%-ға толған. Алдағы уақытта қоймадағы судың деңгейі 4 метрге жетуі мүмкін. Петропавл қаласы мен үш ауданды тасқын судан сақтау кезек күттірмес мәселеге айналды. Алдағы 7-8 күнде облыс орталығына көп мөлшерде су келмек.  

Облыс бойынша 262 елдімекенде су басу қаупі жоғары. 38 үйдің 25-і су астында қалды. 100 адам көшіріліп, оның 36-сы үйіне қайтты.

«Жолдарда 48 су толып кету жағдайы тіркелді, 36-сы дәл қазір. Жол төсемін...