Жаңалықтар

 ҰКП туризм департаментінің басқарушы директоры Дамиля Кұнанова атқарылған жұмыстар туралы есеп бере отырып, қазіргі кездегі түйткілді мәселелердің бірі Алакөл көліне көлікпен қолжетімділікті қамтамасыз ету екенін айтты. Бұл туралы аtameken.kz сайты хабарлады.

«Теміржол оның сапасы мен пойыздың құрамына қатысты мәселе пысықталуда. Дегенмен, жолаушылар ағыны жыл сайын артып келеді. 2022 жылы жолаушылар ағынының көлемі 33,5%-ға ұлғайды, 243 мың жолаушы тасымалданды. Алғаш рет Алматы-Достық бағыты бойынша «Тұлпар Тальго» класындағы пойыз іске қосылды. Әуе қатынас үлгісі бойынша ҚТЖ туроператорлар үшін ерте брондау механизмін іске қосты»,-деді Дамиля Кұнанова.

Биыл ҰКП және Комитетпен үлкен жұмыс атқарылды. Елге кіруді шектеу мәселелері шешілді, сонымен қатар визалық мәселелерді жедел...

Қазақстандықтар Республика күніне орай мерекелік демалыс күндеріне байланысты осы аптада бес күн емес, алты күн жұмыс істейді.

Сенбідегі демалыс күнін үкімет 24 қазан дүйсенбіге ауыстыру туралы шешім қабылдады. Осылайша, қазақстандықтардың алты күндік жұмыс істеп, одан кейін үш күн қатарынан – 23, 24 және 25 қазанда демалады.
Еске сала кетейік, қыркүйек айының соңында Сенат депутаттары Мәжіліс мақұлдаған «Қазақстан Республикасының кейбір заңнамалық актілеріне кинематография, мәдениет және мерекелер мәселелері бойынша өзгерістер мен толықтырулар енгізу туралы» заң жобасын қабылдаған болатын.
Түзетулерге сәйкес Республика күні Қазақстандағы басты мемлекеттік мерекеге айналады. Енді 25 қазан мемлекеттік мереке болады.

2022 жылғы 20 қазанда Брюссель қаласында (Бельгия) ҚР Индустрия және инфрақұрылымдық даму министрлігі Азаматтық авиация комитетінің төрағасы Талғат Ластаев бастаған қазақстандық делегация «Қазақстанның авиациялық әкімшілігі» АҚ (бұдан әрі – ҚАӘ) бас директоры Каталин Раду мен ҚАӘ өкілдерінің қатысуымен Еуропалық комиссиямен, ұшу қауіпсіздігі жөніндегі Еуропалық агенттікпен (EASA) және Еуропалық Одақ мүшелері мемлекеттер өкілдерімен техникалық кездесу өткізді. Еуропалық делегацияны Еуропалық комиссияның ұшу қауіпсіздігі бөлімі басшысының орынбасары Питер Соренсен басқарды. Бұл туралы ҚР ИИДМ баспасөз қызметі хабарлады.

Кездесу барысында қазақстандық тарап ұшуды пайдалану, ұшуға жарамдылық, авиаперсоналды лицензиялау және Қазақстандағы ұшу қауіпсіздігінің деңгейін жақсарту бойынша ҚАӘ процестерін стандарттау бөлігінде қабылданған шаралар мен іске асырылып...

Перудың Хуануко қаласында сапасыз алкогольді тасымалдау салдарынан кем дегенде 21 адам қайтыс болды. Бұл туралы ru.euronews сайты хабарлады.

Мас күйінде зардап шеккендердің барлығы көшеден табылды. Бірнеше адам аман қалды.

Қазір тергеу амалдары жүргізілуде. Билік жергілікті базарды тексеріп, сатылған бірнеше арзан ішімдіктің сынамаларын алып, уланудың көзін анықтауда.

Қарыз алушыларға кредит бойынша мерзімі өткен берешек пайда болған жағдайда не істеу және қайда жүгіну керектігі жөнінде Fingramota.kz толығырақ айтып береді.

Агенттік азаматтардың мерзімі өткен берешегін реттеу тетігі енгізілген сәттен бастап бір жыл бойы тұрақты негізде банктердің және МҚҰ-ның осы тәртіпті қолдануының мониторингі мен талдауын жүргізуде. Кредиттік ұйымдар қарыз алушының өтінішін кезең-кезеңмен қарау процесін қоса алғанда, қарыздар бойынша мерзімі өткен берешекті реттеудің бірыңғай тәртібін қолдануды регламенттейтін ішкі нормативтік құжаттарға өзгерістер енгізді. Банктер мен МҚҰ өз клиенттері үшін ресми интернет-ресурстарда, әлеуметтік желілерде және бар болса мобильді қосымшаларда ақпарат орналастырады, сондай-ақ call-орталықтар арқылы азаматтарға кеңес береді.

Агенттіктің мәліметінше жасалған кредиттік шарттардың талаптарын өзгерту үшін банктер мен МҚҰ-ға...

Әлемдегі мектепке дейінгі дайындық жүйелері қалай жұмыс істейді? Бұл сұраққа Қазақстан Республикасының Оқу-ағарту министрі Аймағамбетов Асхат Қанатұлы өзінің жеке Telegram арнасында жауап берді.

«Білім туралы аналитикамен бөлісуді жалғастырамын. Осыдан бірнеше күн бұрын Экономикалық ынтымақтастық және даму ұйымы жыл сайынғы «Education at a Glance 2022» білім беру көрсеткіштері туралы баяндамасын жариялады. Биылғы басылымның жоғары білімге бағытталғанына қарамастан, қызықты деректер басқа деңгейлер бойынша да берілген. Онда мектепке дейінгі тәрбие мен білімнен бастайық»,-деді Аймағамбетов.

Әлемдегі мектепке дейінгі дайындық жүйелері қалай жұмыс істейді?

• ЭЫДҰ-ның барлық елінде 3-5 жас аралығындағы балалардың 83%-ы мектепке дейінгі біліммен қамтылған. 2005-2020 жылдары орта есеппен 3-5 жас аралығындағы балаларды мектепке...

Оппозиция жетекшісі Алексей Навальныйға қатысты жаңа қылмыстық іс қозғалды. Бұл туралы саясаткердің өзі Instagram әлеуметтік желісіндегі аккаунтында хабарлады.

Оппозиция жетекшісінің айтуынша, ол түрмеде отырған кезінде «терроризмді насихаттап, экстремизмге ашық түрде шақырды, экстремистік әрекеттерді қаржыландырды» деген фактілерге байланысты өзіне қатысты жаңа қылмыстық іс қозғалғаны туралы ресми хабарлама алған.

Қазіргі уақытта Алексей Навальный Владимир облысының Мелехово қаласындағы No6 колонияда жазасын өтеп жатыр. Ол 2021 жылдың қаңтарында Ресейге оралғаннан кейін бірден бас бостандығынан айырылды.

Өткен аптада әлеуметтік маңызы бар азық-түлік тауарларына бағалар 0,2%-ға, ай басынан 0,5%-ға, жыласынан бері 20,1%-ға өсті. Жылдық мәнде олар 19,6%-ға қымбаттады, бұл 2021 жылдың ұқсас кезеңімен салыстырғанда 4,1 пайыздық тармаққа жоғары. Бұл туралы Ұлттық Статистика бюросы хабарлады.

Өткен апта ішінде арзандады:

Пияз – 2,6%

Сәбіз – 1,7%

Картоп – 0,9%

Өткен апта ішінде қымбаттады:

Жұмыртқа, І категория – 1,9%

ҚР бойынша әлеуметтік маңызы бар кейбір тауарлардың орташа бағасы /2022 жылғы 18 қазанға/: Қарақұмық – 524 тг/кг Картоп – 152 тг/кг Айран, 2,5% – 345 тг/л

Әлеуметтік маңызы бар азық-түлік тауарларының тізбесіне 19 атау кіреді

«Бір күнде 600 мың консерві шығаратын  Орал қаласындағы “Кублей» зауыты жабылатын болса, 700 –ден астам адам жұмыссыздар қатарын толықтырып, 3000-ға жуық фермер ет өнімдерін ешқайда өткізе алмай шығынға батады.  Жұмыссыз қалатын тұрғындар отбасын асырай алмай, несиелерін жаба алмай, түбі әлеуметтік –экономикалық жағдайларды одан әрі ушықтырып жіберуі мүмкін”- деп дабыл қаққан «Кублей» ЖШС –ның бір топ заңгерлері мен басшылары және қоғам қайраткерлері Алматылық журналистермен баспасөз мәслихатын өткізді.

Айтуларынша барлығына кінәлі- Орал қаласының әкімдігі. Яғни  қала әкімдігі санитарлық аумақтан көпқабатты тұрғын үйлерді салуға заңсыз рұқсат берген.  Заң бойынша, өнеркәсіп шоғырланған  аймаққа  үй салуға болмайды.  Өндірістік қалдықтар бәрібір адам денсаулығына қауіпті.  «Кублей» кәсіпорныны...

Сақтандыру мәртебесін алудың жаңа механизмін енгізу МӘМС жүйесіндегі көпшілік күткен және тиімді өзгерістердің бірі болып табылады. 5 қыркүйектен бастап бір жыл бұрын алдын ала сақтандырылу мүмкіндігі пайда болды. Бұл тұрғыда өткен 12 айдың қарызын өтеу міндетті емес. Бұл жаңашылдықты 2,6 мыңнан астам азамат пайдаланып үлгерді әрі оң бағалауда.

Әлеуметтік медициналық сақтандыру қорында атап өтілгендей, ағымдағы жылдың 5-қыркүйегінен бастап алдағы 12 айға МӘМС жарналарын төлеудің жаңа тетігі іске қосылды. Бұрын өткен 12 ай үшін жарналардың төленген болуы міндетті еді. Ал қазір жаңа әдісті таңдағанда өткен жылы төленбеген кезеңдер үшін төлеудің қажеті жоқ.

Қазан айының алғашқы жартысында 2600 астам азамат жаңа механизмд...

Мемлекет басшысы Қасым-Жомарт Тоқаевтың Жетісу облысы жұртшылығымен кездесуі басталды.

«Мен тағы бір мәселеге арнайы тоқталғым келіп отыр. Бүгінде ұлы Абайдың кесенесі – еліміздегі ең танымал нысанның бірі. Алайда, Талдықорған облысында Абайға арналған бірде-бір лайықты ескерткіш жоқ. Бұл – ұят нәрсе, үлкен олқылық. Оны түзету керек. Алтынемелде қазақтың әйгілі ғалымы Шоқан Уәлихановтың мәңгілік мекені бар екені барша жұртқа белгілі. Шаңқанай ауылында оның ескерткіші, мұражайы бар. Жергілікті жұрт қазақтың ұлы перзенті жерленген жерді қараусыз қалдырмаған. Бірақ, бұл жеткіліксіз. Біз Шоқанды әлемдік деңгейде дәріптеуіміз керек. Жалпы, біз ұлы перзенттерімізді құрметтей білуіміз керек. Мұндай тарихи орындар туралы үнемі айтып, ұрпаққа таныстырып отыру қажет. Осы...

ХҚО-дан дайын құжаттарды алуға енді үйден тапсырыс беруге болады, оларды Яндекс Доставка курьерлері әкеп береді. Жеткізу уақыты орта есеппен бір сағатты құрайды. Осылайша Сіз танымал мемлекеттік қызметтердің 150 түрі бойынша құжаттарды ала аласыз. Қызмет Қазақстанның 17 қаласында қолжетімді.

Бұл қалай жұмыс істейді?

Пайдаланушының смартфонына 1414 нөмірінен құжаттардың дайын болғаны туралы, сондай-ақ express.gov4c.kz порталында дайын құжаттарды жеткізуді ресімдеуге ұсыныс білдіретін SMS-хабарлама жолданады. Бұдан әрі форманы толтырып, жеткізу мекен-жайы мен телефонын көрсетіп, жеткізілім ақысын төлеу керек.

Курьер бірден тағайындалады, ал жеткізудің нақты уақыты тапсырыс берілген кезде белгілі бір аймақтағы курьерлік қызметтерге сұраныстың болуымен, межелі жерге дейінгі қашықтыққа және жолдағы жағдайға байланысты анықталады...

«Мега Алматы» сауда орталығының төңірегінде азаматтарды әлеуметтік нысандармен қамтамасыз ету үшін қала тұрғындарының өтініштерін ескере отырып, Алматы әкімдігі саябақ аймағы бар 500 келушіге арналған емхана салу үшін 1,1 га жер телімін сатып алды.Бұл туралы Алматы қаласы әкімдігінің баспасөз қызметі хабарлады.

2023 жылдың IV тоқсанында қажетті құжаттама әзірленгеннен кейін құрылыс басталады.

«Балалар шұғыл медициналық көмек орталығында» операциялық блог пен қабылдау бөлімшесін салу жұмыстары 50%-ға аяқталды. Құрылыс келесі жылы аяқталады.

2023 жылдың ақпанында «Керуен Медикус» жеке клиникасы перзентханасының жаңа ғимараты салынып бітеді.

Мемлекет басшысы Қасым-Жомарт Тоқаевтың Жетісу облысы жұртшылығымен кездесуі басталды.

«Еліміздегі 4 қант зауытының екеуі Жетісуда орналасқан. Оның біреуі – Ақсу қант зауыты жұмыс істемей тұр. Зауытты іске қосуға 2017 жылдан бастап облыстық бюджеттен 12 миллиард теңге жұмсалды. Алайда, серіктес инвестор тарапынан серпінді жұмыс байқалмай отыр. Биыл жазда елімізде қант бірден қымбаттап, тіпті, тапшылық туындады. Оның бәрі құзырлы органдардың салғырттығының кесірінен болды. Тіпті, тиісті кадрлық шешімдер қабылдауымызға тура келді» ,-деді Президент.

«Қант саласын дамытудың 2026 жылға дейінгі кешенді жоспары әзірленді. Оған 500 миллиард теңгеге жуық инвестиция салу көзделіп отыр. Алдағы 5 жылда өзіміз өндіретін қанттың үлесі 7 пайыздан 43 пайызға...

Инженерлік желілердің жоғары деңгейде тозуы аудандағы негізгі мәселенің бірі, ол 55%-дан асады. Бұл туралы қала әкімі Ерболат Досаев Бостандық ауданының тұрғындарымен кездесуде мәлімдеді. Жыл басынан бері инженерлік желілерде 671 апат болды. Орбита, Алмагүл шағын аудандарында, Жароков – Сәтбаев – Назарбаев – Әл-Фараби, Розыбакиев – Мыңбаев – Тілендиев – Тимирязев көшелерінің бөлігінде және Ерменсай шағын ауданында сумен және жылумен қамтамасыз ету бойынша апаттар жиі болып тұрады.

Мәселені шешу үшін не істелуде?

Қыркүйек айында Ерғожин, Ганди көшелеріндегі, «Орбита-4» шағын ауданында ұзындығы 1,6 км жылу желілері қайта жаңартылды. Бұл 546 көпқабатты тұрғын үйге, 20 білім беру мекемесіне және 12 денсаулық сақтау нысанына...

2022 жылғы 1 қазандағы жағдай  бойынша 129,9 мың отбасындағы 668,8 мың адамға атаулы әлеуметтік көмек (бұдан әрі – АӘК) тағайындалды. Биыл  осы мақсаттарға бюджеттен 83,8 млрд теңге бөлінді. Бұл туралы ҚР Еңбекмин баспасөз қызметі хабарлады.

АӘК отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-ынан төмен азаматтарға тағайындалады.

Бұдан басқа, АӘК көрсетудің жаңа тетігін іске асыру шеңберінде еліміздің барлық өңірінде табысы аз отбасылардың мектеп жасына дейінгі балаларын кепілдік берілген әлеуметтік топтамамен (бұдан әрі – әлеуметтік топтама) қамтамасыз ету бойынша жұмыс жүргізілуде.

2022 жылғы 1 қазандағы АӘК алушылар қатарындағы
1 жастан 6 жасқа дейінгі 178,4 мың бала...

Қостанай облысында алаяқтар тұрғынның депозитінен 10 млн теңге шешіп алған, – деп хабарлайды Polisia.kz.

Алаяқтар әртүрлі транзакциялар жасайды, ал банктік шот иелері бұл туралы тіпті білмейді. Қостанайлық полицейдің жедел іс-әрекетінің арқасында қаскүнемдер арам ойын іске асыра алмады. Алаяқтардың қармағына Қостанай ауданы Заречный кентінің тұрғыны түсті.

Ол банктің жалған қызметкерлерінің нұсқауы бойынша мобильді қосымшаны жүктеп алып, нәтижесінде 10 миллион теңге акшасынан айырылды. 

«Маған алаяқтардың менің депозитімнен ақша алғысы келетінін және қосымшаны жаңартуым керек екенін айтты. Мен олардың осылайша телефоныма кіруге мүмкіндік алғандарын білмедім. Депозиттен ақша жоғалғанын білгенде, бірден полицияға хабарластым», – дейді 60 жастағы жәбірленуші.

Алаяқтар ұсталды...

Қазақстан Республикасының азаматтары кодекстің 209-бабының 8-тармағына сәйкес транспланттау мақсатында қайтыс болғаннан кейін ағзаларды алуға келісімін немесе бас тартуын тірі кезінде тіркей алады. Бұл туралы ҚР Денсаулық сақтау мигистрлігінің баспасөз қызметі хабарлады.

Бұл қайтыс болғаннан кейінгі ағзаларды донорлық ету құқығын білдірген азаматтарды тіркеу тізілімі (бұдан әрі – Тізілім) арқылы тіркелген жері бойынша емханаға немесе «электрондық үкімет» веб-порталына тікелей хабарласу арқылы жүзеге асырылады. egov.kz порталында қайтыс болғаннан кейін донорлыққа келісім беру немесе бас тарту үшін азамат электрондық цифрлық қолтаңба (ЭЦҚ) немесе бір реттік пароль арқылы жүйеге кіріп, бұдан әрі «Денсаулық сақтау» бөлімінде «Трансплантациялау мақсатында қайтыс болғаннан кейін...

2022 жылдың қаңтар-қыркүйек аралығында Қазақстанда 5 087,7 мың тонна сүт өндірілді, бұл өткен жылдың сәйкес кезеңімен салыстырғанда 1,8% артық. Бұл туралы Ұлттық ститистика бюросы хабарлады.

Осы мерзім ішінде 3824,4 млн дана тауық жұмыртқасы өндірілді.

Сондай-ақ мал мен құс етінің сойыс салмақтағы көлемі 846 959,1 тоннаны құрады.

1 қазандағы жағдай бойынша ірі қара мал саны 8 963 856 басты құрады (2021 жылдың сәйкес кезеңімен салыстырғанда 4,7% – ға көп). Қой малының бас саны 20 960 522 болса, жылқы – 3 785 680, құс саны 50 019 554 құрады. Ірі қара мен қой саны бойынша Түркістан облысы көш бастап тұр...

Мемлекет басшысы Қасым-Жомарт Тоқаев Алматы облысына жұмыс сапарымен барды.Бұл туралы Ақорданың баспасөз қызметі хабарлады.

Қасым-Жомарт Тоқаевтың Алматы облысы жұртшылығымен кездесуі басталды.

«Бүгінде Үлкен Алматы каналының жағдайы сын көтермейді. Қазір бұл канал 60 мың гектар жерге су жеткізеді. Бірақ, іске қосылғаннан бері оған бір де бір күрделі жөндеу жүргізілмеген. Әкімдік Үкіметпен бірлесіп, бұл жұмысты шұғыл қолға алуға тиіс. Су тапшылығы болғандықтан, Сорбұлақтың тазартылған суын пайдалану мәселесі өзекті болып отыр. Қазір Сорбұлақтың суымен 2,7 мың гектар егіс алқабы суарылады. Бұл су қоймасын шамадан тыс толып кетуден сақтайды. Әйтпесе, экологиялық апатқа тап болуымыз мүмкін. Алайда, мұның бәрі әлі күнге дейін реттелмеген. Сондықтан...

Мемлекет басшысы Қасым-Жомарт Тоқаев Алматы облысына жұмыс сапарымен барды. Бұл туралы Ақорданың баспасөз қызметі хабарлады.

Мемлекет басшысы Қасым-Жомарт Тоқаевтың Алматы облысы жұртшылығымен кездесуі басталды.

«Қонаев ғылым-білім орталығына және студент жастардың қаласына айналуы керек. Қазір жоғары оқу орындарының көбі Алматыда орналасқан. Бұл халық онсыз да тығыз қоныстанған қаланың ахуалына өз әсерін тигізеді. Онда көлік кептелісі көп. Жатақхана және қолжетімді баспана тапшылығы бар. Шаһардың ауасы да ластанып барады. Осының бәрін ескере отырып, Қонаевта «академиялық қалашық» құру мәселесін қарастырған жөн деп санаймын. Ірі қалалардың жанынан инновациялық орталық құрған елдер аз емес. Үкімет бұл мәселе бойынша жаңа жылға дейін нақты ұсыныс беруі керек», дед...

Қытайда өндіріс өсімі небәрі 5%-ды құрады, Оңтүстік Кореяда — 2%-дан аз, ал жапон және британдық автоөндірушілер минуста. Бұл туралы Energyprom.kz мәлімдеді.

Жалпы автомобиль өнеркәсібі қиын кезеңдерді бастан өткеріп жатыр: ұзаққа созылған пандемия және одан кейінгі локдаундар, жартылай өткізгіштердің тапшылығы және жаһандық жеткізу тізбегінің бұзылуы автоөнеркәсіпке кері әсер етті. Оған қоса Украинадағы соғысқа байланысты геосаяси дағдарыс қосылды. Нәтижесінде автоөнеркәсіпке қажетті шикізат пен компоненттердің тізбегін тіптен бұзды.

Дегенмен, дағдарыс Қазақстанның автоөнеркәсіп саласына соншалықты әсер еткен жоқ: мысалы, биылғы қаңтар–тамыз айларында елімізде 68,6 мың автокөлік шығарылды, бұл өткен жылдың сәйкес кезеңімен салыстырғанда бірден 24,7% артық.

Алматыда әскери міндеттілердің жиыны өтті. Радиоэлектроника және байланыс әскери-инженерлік институты оқу орталығының базасында запастағы офицерлер үздіксіз және тұрақты басқаруды қамтамасыз ету мамандықтары бойынша оқу-тәжірибеге қатысты.
Аталған әскери оқу орнының оқытушылары мен тәжірибелі нұсқаушылары бір ай бойы запастағы офицерлерге заманауи байланыс құралдарында жұмыс істеуді үйретті, бөлімшелерді басқару негіздері бойынша білімдерін жетілдіріп, қару-жарақты қолдану тәжірибесін меңгертті.

«Жиынға шақырылған резервтегілер өздерін жақсы жағынан көрсете алды. Әрқайсысының жауынгерлік рухы биік, оқу-жаттығу тапсырмаларын бұлжытпай орындап шықты», – деп атап өтті Радиоэлектроника және байланыс әскери-инженерлік институтының өкілі полковник Айдын Чунетов.

Жиынға қатысушы запастағы лейтенант Нұрсұлтан Бекбосынұлы Алматы облысынан шақырылған, жеке кәсіпкер. Шақырту қағазын алған соң Отан алдындағы...

Қазақстанда 12 мыңнан астам әлеуметтік қызметкер жұмыс істейді, олар халықтың әртүрлі санаттарына өмір сүру сапасын жақсарту және күрделі өмірлік жағдайдан шығу үшін көмек көрсету мақсатында арнаулы әлеуметтік қызметтер көрсетеді. Бұл туралы ҚР Еңбекмин баспасөз қызметі хабарлады.

Қазіргі уақытта әлеуметтік қызметкерлер қарттарға, мүгедектігі бар адамдарға, оның ішінде балаларға, белгілі бір тұрғылықты жері жоқ, бас бостандығынан айыру орындарынан босатылған адамдарға, тұрмыстық зорлық-зомбылық пен адам саудасының құрбандарына арнаулы әлеуметтік қызметтер (АӘҚ) көрсетеді.

Әлеуметтік қызметкердің негізгі міндеттері қызмет алушыларды өзіне-өзі қызмет көрсету, өзін-өзі бақылау, қарым-қатынас дағдыларына үйрету болып табылады. Сондай-ақ, әлеуметтік қызметкерлер отбасы мүшелерімен оңалту іс-шараларын іске асыру және қызмет алушылардың қоғамда өздерін бейімдеу...