Жаңалықтар

Қазақстандық миллиардер Владимир Кимге тиесілі «Қазақмыс» компаниясында биыл өндірістік жарақаттану өткен жылмен салыстырғанда 3 есе көп болған. Бұл туралы Үкімет отырысында премьер-министр Әлихан Смаилов айтты.

Үкімет басшысының айтуынша, Қазақстанда жылына 2 мыңға жуық адам өндірісте жарақат алса, 200 астам азамат қайтыс болады.

«Қазақмыс» компаниясында биыл өндірістік жарақаттану былтырмен салыстырғанда 3 есе өссе, бұрынғы «АрселорМиттал Теміртауда» адам өліміне алып келген жағдайлар саны 7 есе өскен», – деді премьер.

Бұдан бөлек, ол қазіргі адам өмірін сақтандыру жүйесі өндіріс компанияларын еңбек жағдайын жақсартуға жол ашпайтынын айтты. Дәл қазір тек 32% өндіріс орны өз қызметкерлерін сақтандырған.

«Көптеген елдерде Сақтандыру компаниялары сақтандыру сыйақысының белгіл...

Шымкентте «ЖК-OTAU KZ» қаржы пирамидасын ұйымдастырушылар 450 млн теңгеге жуық шығын келтірген. Бұл туралы Қаржы мониторинг агенттігі хабарлады.

2018 жылдан бастап екі ұйымдастырушы салымшылардан қаражат алып, оны басқа қатысушылар арасында қайта бөліп, 150 жәбірленушіге аса ірі көлемде 432 млн теңгеден астам материалдық шығын келтірген.

Қаржы мониторинг агенттігі Шымкент қаласы бойынша департаменті «ЖК-OTAU KZ» қаржы пирамидасын құру және басқару бойынша сотқа дейінгі тергеп-тексеруді аяқтаған.

Сот үкімімен қаржы пирамидасын ұйымдастырушы азаматтар кінәлі деп танылып, 6,5 жылға бас бостандығынан айырылған. Агенттік айыпталушылар туралы ақпарат таратпады.

Алайда Шымкентте тіркелген «ЖК-OTAU KZ» тұтынушы кооперативінің директоры ретінде Айгүл Дәулетбаева екені туралы ақпарат бар. Учет.kz мәліметіне...

Жоғары Еуразиялық экономикалық кеңестің отырысында Бақытжан Сағынтаевтың жаңа қызметке тағайындалатыны белгілі болды. Бұл туралы отырыс барысында Ресей президенті Владимир Путин айтты.

Ол 2024 жылдың 1 ақпанынан бастап Еуразиялық экономикалық комиссияның төрағасы қызметін атқаратын болады.

«2024 жылдың 1 ақпанынан бастап комиссия төрағасы қызметіне келетін Сағынтаев мырзаға ықылас білдіргім келеді. Біз оны жақсы танимыз. Ол осыған дейін ЕЭК алқасының мүшесі болған. Оның өз жұмысына байыпты әрі белсенді кірісіп кететініне сенімдімін», – деді Путин.

Осыған дейін бұл қызметті Беларусь Республикасының бұрынғы премьер-министрі Михаил Мясникович атқарған. Ал Сағынтаев Қазақстан Еуразиялық экономикалық комиссия алқасының мүшесі болған.

Бақытжан Сағынтаев осыған дейін Қазақстан премьер-министрі қызметін...

Тоқаев Еуразиялық экономикалық одақ Еуразия кеңістігін байланыстыратын стратегиялық буын қызметін атқаратынын айтты / Фото: Ақорда

2024 жылы Еуразиялық экономикалық одақ органдарына Армения төрағалық етеді. Бұл жайлы Санкт-Петербургте өткен Жоғары Еуразиялық экономикалық кеңестің отырысында айтылды.

Саммитке Қазақстан Президенті Қасым-Жомарт Тоқаевпен қатар Ресей Президенті – ЖЕЭК төрағасы Владимир Путин, Армения Премьер-министрі Никол Пашинян, Беларусь Президенті Александр Лукашенко, Қырғызстан Президенті Садыр Жапаров қатысқан. Сондай-ақ ЕАЭО жанындағы бақылаушы мемлекет басшысы – Куба Президенті Мигель Марио Диас-Канель Бермудес бейнеүндеу жолдады.

Қасым-Жомарт Тоқаев жиында осы жылдың оңай болмағанын, әсіресе, жаһанды жайлаған тұрақсыздықтың күшейе түскенін атап өтті. Инфляцияның қысымы, халықаралық логистикалық тізбектердің трансформациясы, аймақтардағы қақтығыстар, санкциялық текетірестер сынды...

Қазақстанның 5 облысында республикалық маңызы бар автожолдардың 21 учаскесінде көлік қозғалысына шектеу енгізілді. Бұл жайлы «ҚазАвтоЖолдың» баспасөз қызметі хабарлады.

«Ақмола облысының – 6 учаскесінде «Астана-Петропавловск» автожолының 18-234 км, яғни Астана қаласы мен Щучинск қаласына дейінгі аралық. Сонымен бірге «Көкшетау-Атбасар» автожолының 47-184 шақырымы бойынша, Зеренді ауылынан – Атбасар қаласына дейін, «Екатеринбург – Алматы» автожолының 917-1230 км, Жақсы ауылынан – Қажымұқан ауылына дейін, «Қостанай-Әулиекөл-Сұрған» автожолында 232-260 км, Қостанай облысының шекарасынан – Сұрған ауылына дейінгі аралық, «Жезқазған-Петропавловск» автожолында 377-552 км, Қостанай облысының шекарасынан -Сұрған ауылына дейін, «Жақсы-Есіл-Бұзылық» автожолында 0-82 км, Жақсы ауылынан – Бұзылық ауылына дейінгі жол жабылды...

25 желтоқсаннан бастап жаңа дизайндағы, номиналы 5 000 теңгелік банкноталар айналымға шығады. Бұл туралы Ұлттық Банк хабарлады.

Бұл – «Сақ стилі» жаңа сериясының алғашқы банкнотасы. Ол дәстүрлі қазақ ою – өрнегінің бастаушысы болып саналатын және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейтін «Сақ стилі» элементтеріне негізделген.

«Номиналы 5 000 теңге болатын жаңа банкноталар 2023 жылғы 25 желтоқсаннан бастап айналымға енеді және жыл бойы айналымдағы 2011 жылғы үлгідегі номиналы 5 000 теңге болатын ұлттық валюта банкноталарымен (бұдан әрі – ескі үлгідегі банкнота) ауыстырылады.

Яғни, ескі үлгідегі барлық банкноталар бір жылдың ішінде айналымнан біртіндеп алынатын...

Британдық миллиардер Джим Рэтклифф Манчестер Юнайтед футбол клубының 25% акциясын 1,25 миллиард фунт стерлингке (1,3 миллиард доллар) сатып алу туралы келісімге келді, деп жазады BBC.

Кәсіпкер бүкіл клубтың құнын 5,4 миллиард долларға бағалап, «қызыл шайтандар » акциясы үшін 33 доллар төледі. Бұрын хабарланғандай, команда иелері Глейзер отбасы клубты 2005 жылы шамамен 1,35 миллиард долларға сатып алды.

Сонымен қатар, Рэтклифф клубты дамытуға 300 миллион доллар береді.

«Манчестер Юнайтедті» сату туралы келіссөздер 2022 жылдың аяғынан бері жүргізіліп келеді. Бастапқыда Глейзерлер бүкіл клубты сатқысы келді, ал сатып алуға үміткерлердің қатарында АҚШ пен Таяу Шығыстың әртүрлі кәсіпкерлері болды.

Рэтклифф-Ineos химиялық компаниясының иесі. Ол Манчестерде...

Әділет министрлігі Республикалық ЖСО палатасымен бірлесіп АІЖО ААЖ (атқарушылық іс жүргізу органдарының автоматтандырылған ақпараттық жүйесі) мобильді қосымшасын әзірледі. Бұл туралы министрліктің баспасөз қызметі хабарлады.

Айта кетейік, пайдаланушылар үшін келесідей қызметтер қолжетімді:

Бірыңғай тізілімінен борышкерлер туралы ақпаратты іздеу және қарыздарын төлеу.

Елден шығуға уақытша тыйым салу мен шектеулерін тексеру.

Онлайн режимінде 30 минут ішінде қарызды толық өтеген кезде шектеу шаралары жойылады (елден шығуға, тіркеу әрекеттеріне тыйым салу, нотариаттық іс-әрекеттер, мемлекеттік сатып алуға қатысу және т.б)

Атқару құжатын іздестіру, оның жағдайы мен орналасқан жерін қадағалау.

QR кодын сканерлеу арқылы мобильді құрылғыда сот орындаушысының шешімін алу.

Қосымшаны мобильдік App Store және GooglePlay платформасынан...

Астанада 13-23 желтоқсан аралығында шахматтан Қазақстан чемпионаты өтті. Жеңімпазды анықтау үшін 13 тур жеткіліксіз болды. Себебі Қазақстан чемпионатында 5 ойыншы бірдей ұпай жинаған.

Ережеге сәйкес, Алдияр Аңсат, Арыстанбек Оразаев, Денис Махнев, Әлішер Сүлейменов және Әбілмансұр Әбділхайыр арасындағы жеңімпазды анықтау үшін шахматшылар қосымша тай-брейк ойнады.

Алғашқы екі партияда жеңіске жеткен Алдияр Аңсат көшбасшылықты сенімді түрде сақтап Қазақстан чемпионы атанды. Шахматшы 1938 жылдан бері сақталып келе жатқан 85 жыл бұрынғы рекордты жаңартты. Себебі кезінде Шамшиден Мырзағалиев 16 жасында Қазақстан чемпионы атанған еді. Ал елордалық шахматшы небәрі 15 жасында чемпион атанды.

«Жеңімпаздар мен жүлдегерлерді шын жүректен құттықтаймын. Бүгінгі жеңіс...

«Самұрық-Қазына» Ұлттық әл-ауқат қоры «ҚазМұнайГаз» АҚ компаниясының 23 466 133 акциясын (жалпы акцияның 3,85%) Қаржы министрлігіне сатып жіберді.

Қаржы министрлігі қор акциясын сатып алуға 249,9 млрд теңге жұмсаған. Яғни бір құнды қағаз үшін 11 540 теңге шығындаған. Осылайша қордың үлесі 71,27%-дан 67,42%-ға дейін түсіп, министрлік үлесі 20%-ға өсті. 

Қор акцияларын сатып алуға арналған қаржы Ұлттық қор есебінен алынған. Осы тектес алғашқы келісім қазан айында жасалған. Жалпы Ұлттық қордан осы мақсатта осы кезге дейін 1,3 трлн теңге алынған.

2023 жылғы 26 қазанда Самұрық-Қазына мен Ұлттық банк «ҚазМұнайГаз» компаниясының 122 024 мың дана қарапайым акциясын сатып алу-сату шартын жасасты. Мәмілені жыл соңына дейін аяқтау жоспарланған.

2022 жылдың желтоқсан айында «Қазақстан Республикасының мемлекеттік қаржысын басқарудың 2030 жылға...

Қараша айында ҚНРДА қаржы жағдайы нашар банктерді мемлекеттің қатысуынсыз сауықтыратын жаңа үлгіге көшетінін жариялаған. Осы ретте Halyk Finance сарапшылары заңнаманы әр жерден бір өзгерткеннен гөрі, қаржы ұйымдары мәселелерін жүйелі түрде шешетін бөлек саясат керек деп тұжырымдайды.

«Заңнаманы әр жерден өзгерткенше, проблемалық қаржы институттары түйткілдерін шешуде Еуропа Одағының «Несие мекемелері мен инвестициялық фирмалардың мәслелерін реттеу және қалпына келтіру» директивасына ұқсас бөлек саясатты бекіту қажет»,– деп атап өтті Halyk Finance сарапшылары.

Жыл басында Дүниежүзілік банк Қазақстан бойынша арнайы баяндамасы жарияланып, онда 2008-2009 жылғы қаржы дағдарысынан 2021 жылға дейін Қазақстандағы жағдайы шатқаяқтаған банктерді сауықтыру нарықты...

Ресей Ақтауда бас консулдықты ашу туралы шешім қабылдады және Қазақстан билігімен келісті. Бұл туралы Ресей Федерациясының Сыртқы істер министрінің орынбасары Евгений Иванов kp.ru-сайтына берген сұхбатында айтты.

 «Екі елшілік Буркина-Фасода және Экваторлық Гвинеяда ашылады. Ал Қапанда (Армения), Ақтауда (Қазақстан), Самарқандта (Өзбекстан), Денпасарда (Индонезия) және Маледе (Мальдив Республикасы) Бас консулдықтар ашу туралы шешімдер қабылданды», – деді дипломат.

Ол Мәскеу Достық елдерде дипломатиялық қатысуды одан әрі кеңейтуді жоспарлап отырғанын атап өтті.

«Алдағы жылдарға арналған жоспарда – Президентінің 2023 жылғы 31 наурыздағы №229 Жарлығымен бекітілген Ресей Федерациясының сыртқы саясатының жаңа тұжырымдамасына сәйкес, біз...

Президент Жоғары Еуразиялық экономикалық кеңес отырысына қатысу үшін Санкт-Петербург қаласына жетті.    

«Мемлекет басшысы Қасым-Жомарт Тоқаев Ресей Президенті Владимир Путиннің шақыруымен Жоғары Еуразиялық экономикалық кеңес отырысына қатысу үшін Санкт-Петербург қаласына барды», – деп жазылған Ақорда баспасөз қызметі таратқан ақпаратта.

Сонымен қатар Еуразиялық экономикалық одақ елдерінің басшылары интеграциялық процестерді одан әрі дамытудың басты міндеттері мен негізгі бағыттарын талқылауды жоспарлап отырғаны айтылған.

Сондай-ақ Қазақстан Президенті ТМД елдері басшыларының бейресми кездесуіне де қатысады.

Интерфакс ру хабарлауынша ЕАЭО мемлекет басшыларының кездесуінде Ресейдің бірлестіктегі төрағалығының қорытындылары шығарылып, интеграциялық үдерістердің перспективалы бағыттары талқыланады. Саммит қорытындысы бойынша бірқатар құжаттарды, оның ішінде...

Украина Дүниежүзілік Банктің «Украинада тұрақты мемлекеттік басқаруды қамтамасыз ету бойынша мемлекеттік шығындарды қолдау» (Peace in Ukraine) жобасы аясында 1,34 миллиард доллар алды, деп хабарлады елдің қаржы министрлігі.

Peace жобасының алтыншы пакетін қаржыландыруға, Украинаны қалпына келтіру және реформалау сенім қоры (URTF) арқылы Норвегиядан $190 млн, АҚШ үкіметінен $50 млн, сондай-ақ Швейцария үкіметінен $20 млн қаржылай көмек көрстелді.

«Ақшалай қаражат Украинаның Мемлекеттік бюджетінің шығындарына, атап айтқанда, зейнетақы төлемдері мен төтенше жағдайлар жөніндегі мемлекеттік қызмет қызметкерлеріне төленетін жалақыны ішінара өтеуге бағытталатын болады», – деп атап өтті Қаржы министрлігі.

Айта кетейік, Джо Байден 2024 жылы ұлттық қорғанысқа...

«Республика» қаржы холдингі бір құнды қағазын 1,5 мың теңге деп бағалап, 100 мың жай акция орналастырды. Акцияны сатып алудың басым құқығы компанияның акционерлері – бизнесмен Еркін Көшкінбаев пен оның Successful Investment Trust фирмасына тиесілі. Эмиссияға дейінгі ақпарат Қазақстан қор биржасының (KASE) сайтында жарияланды.

12 желтоқсанда компанияның директорлар кеңесі карапайым акцияларды орналастыру туралы шешім қабылдап, компанияның құнды қағаздары биржада листинг рәсімінен өткен. 22 желтоқсанда «Республика» қаржы холдингінің 49 мың қарапайым акциясын сатып алу бойынша сауда-саттық шаралары өтті. Алайда қағаздарды сол күні-ақ компанияның өзі 519,4 млн теңгеге сатып алған.

Эмиссияға дейін биржада орналасқан 3 млн акцияның ішінде 1,45 млн қарапайым акция болған. Компания акцияларының нарықтағы жалпы құны 15,9 млрд теңгені (34,61 млн доллар) құрайды. Акциялардың негізгі үлескері (89,99%) кәсіпкер Еркін Көшкінбаев, ал қалған 10% үлесі Successful Investment Trust иелігінде. Алайда түптеп келгенде бұл компанияның да бенефициары...

Сауда және интеграция министрлігі Ресейден сүт өнімдерін әкелу мәселесіне ерекше назар аудармақ. Бұл туралы Мәжілісте өткен сауда саясатын дамыту мәселелеріне арналған Үкімет сағатында айтылды.

«Сапасы төмен импорттың жоғары қысымы отандық өндірістің жағдайына және тұтынушылардың құқығына кері әсер етеді. Биыл министрлік жанынан барлық бақылаушы мемлекеттік органдардың қатысуымен ахуалдық штаб құрылды. Бірлескен алгоритмді пайдалана отырып, импорттық сүт өнімдерінің үлгілері іріктелді. Сегіз кәсіпорынға күшейтілген зертханалық бақылау енгізілді. Импорттық өнімді ел аумағына әкелуге шектеу енгізіліп, сәйкестікті растайтын 67 құжаттың күші жойылды», – деді Сауда және интеграция министрі Арман Шаққалиев.

Министрдің мәлімдеуінше, елімізде азық-түлік өнімдеріне зертханалық бақылау күшейтіліп, қауіпт...

Жыл өткен сайын Қазақстанда ипотекалық бағдарлама саны азайып келеді. Бұған дейін іске қосылған бағдарламалар біртіндеп миссиясын аяқтап, жабылып жатыр. Енді бірінің шарттары бұрынғымен салыстырғанда қатаңдай түсті. 2024 жылы ипотекалық бағдарламалар арқылы қалай үй сатып алуға болады? Kursiv Media тілшісі шолу әзірледі.

Ипотека алатындардың портреті қандай?

Kursiv Research әлеуметтік зерттеулер орталығы ипотека алатын қазақстандықтардың бейнесін сипаттау үшін 1600 азаматқа сауалнама жүргізген. Нәтижесі мынадай болды: респонденттердің 11 пайызы алдағы уақытта ипотекаға үй алуды жоспарлап жүр. Алғысы келетін, бірақ әлдебір себеппен алуға жағдайы келмей жүрген қала тұрғындарының үлесі — 15,8, ал ауылдықтардың үлесі 19,3 пайыз екен. Көп жағдайда үйді ипотекаға рәсімдеуге 44 пайызында...

Жекешелендіру жоспарынан бірнеше компания алынып тасталды / Фото: kursiv.media

Ұлттық экономика министрлігі жекешелендірудің 2021 – 2025 жылдарға арналған жоспарына өзгеріс енгізді. Өзгеріс енгізу жөніндегі құжат «Ашық НҚА» порталына орналастырылды.

Өзгеріске сәйкес, жекешелендірудің 2021 – 2025 жылдарға арналған кешенді жоспарынан жекешелендіру объектілерін қосу және алып тастау жөніндегі әдістеменің талаптарын сақтамағаны үшін лауазымды тұлғалардың тәртіптік жауапкершілігі белгіленеді.

Сонымен бірге жекешелендірудің 2021 − 2025 жылдарға арналған кешенді жоспарындағы ұлттық басқарушы холдингтердің, ұлттық компаниялардың және олармен үлестес, басым тәртіппен бәсекелестік ортаға беруге ұсынылатын өзге де заңды тұлғалардың ірі еншілес, тәуелді ұйымдарының тізбесі бекітілген. Тізімге QazaqGaz-дың еншілес ұйымы енген.

БЖЗҚ активтерін сенімгерлікпен басқаратын Ұлттық банк қарашада жалпы сомасы 323,2 млрд теңгеге Қазақстан, АҚШ, Филиппин, Венгрия және Сауд Арабиясының мемлекеттік бағалы қағаздарын сатып алды. Ал қазан айында БЖЗҚ жоғарыда аталған елдердің бағалы қағаздарынан бөлек, Чили, Оман, Румыния және Шардж әмірлігінің мемлекеттік бағалы қағаздарын 369,4 млрд теңгеге сатып алған еді. Бұл туралы БЖЗҚ активтерін инвестициялық басқару туралы ақпаратта жазылған.

БЖЗҚ зейнетақы активтері портфеліндегі сыртқы мемлекеттік қарыз құны есепті айда 245,69 млрд теңгеге азайып, 253,92 млрд теңгені құрады. Қараша айында БЖЗҚ 243,2 млрд теңгеге орташа алынған жылдық кірістілігі 5,34% шетелдік мемлекеттік бағалы қағаз сатып алған. 231,55 млрд теңгеге – АҚШ...

Shishkin_like жобасының негізін қалаушы журналист Дмитрий Шишкин басылымның әлеуметтік желідегі парақшасына шабуыл жасалғанын айтты. Жобаның TikTok аккуантына белгісіз адамдар жаппай арыз түсіре бастаған.

Шабуыл жасалғаннан кейін Қазақстан экс-президентінің қызы Дариға Назарбаеваның активтері туралы басылымда жарияланған видео уақытша жоғалып кеткен.

«Shishkin_like жобасының TikTok аккаунтына шабуыл жасалып жатыр. Бүгін таңертең Қанды қаңтар оқиғасынан кейінгі Дариға Назарбаеваның активтері туралы бейнежазбаның бұғатталғаны туралы ақпарат алдық. Біздің TikTok-тағы бейнежазбаларымызға жаппай арыз түсіп жатты. Әлеуметтік желі нақты ақпарат бермегендіктен, шабуылдың деңгейі туралы айта алмаймын. Бұдан бөлек, нақты қай елдерден шабуыл жасалып жатқаны белгісіз», – деп жауап берді «Курсив» сауалына Дмитрий Шишкин.

Бір өзі бірнеше маманға татитын, жаңа жобаны бастан-аяқ жүргізіп бере алатын IT-маман кімге болсын керек. Мұндай алтынбасты мамандық иесі фулстек-бағдарламалаушы (fullstack developer) деп аталады. Бэкендті де, фронтендті де қамтитын бағдарламалаушының немен айналысатынын, орта есеппен қанша табыс табатынын және осы мамандықты меңгергісі келетіндердің не білуі керегін бүгінгі материалымызда айтамыз.

Fullstack developer деген кім?

 Бұл маман сайттар мен уеб-қолданбаларды толық жасап шыға алады. Фулстек бағдарламалаушы сервер жағына да, клиенттік бөлікке де жауап беруге қауқарлы. Сервер жағы деген не? Ол — сайттың арғы жағында жасырылып тұрған дүниелер. Яғни қолданушыларға көрінбейтін, бірақ сөйте тұра аса маңызды бөлік. Өйткені оның ішінде деректер базасы, скрипттер...

Пиротехника пайдалану уақыты шектеледі / Фото: kursiv.media

Пиротехниканы рұқсатсыз сатқан және пайдаланған адамдар жазаланады. Бұл жайлы Бұл жайлы ІІМ өткізген брифингте Қазақстан Республикасы Ішкі істер министрлігі Әкімшілік полиция комитетінің департамент басшысы Асылбек Ыдырысов айтты.

Осы мақсатта 25 желтоқсаннан бастап 2024 жылғы 3 қаңтар аралығында Ішкі істер министрлігі Төтенше жағдайлар министрлігінің азаматтық қорғау бөлімшелерімен бірлесіп «Пиротехника» жедел алдын алу іс-шарасын өткізеді.

«Екі ведомство бірігіп, нарықтарда сертификатталмаған пиротехникалық бұйымдарды, сондай-ақ рұқсатсыз бей-берекет сату фактілерін анықтау іс-шараларын жүргізеді. Іс-шаралар барысында пиротехникалық бұйымдарды сақтау, есепке алу, пайдалану, тасымалдау тәртібінің сақталу мәніне заңды тұлғалар және мамандандырылған сауда орындарын тексеред...

25 желтоқсанда Алматы қаласында қазақстандық файтер Шавкат Рахмонов журналистермен кездесу өткізіп, әлемде өзінің ғана емес, қазақ тілінің де танымалдығы артып келе жатқанын айтты.

Ол америкалық файтер Стивен Томпсонмен кездесуі аясында өзінен сұхбат алған журналистердің қазақ тілінде сөйлегенін естігенде қандай сезімде болғанын айтты.

«Басқа ұлттың адамдары қазақ тілінде сөйлеп тұрғаны мен үшін қуаныш, бақыт. Қазақ тілін құрметтеп, мен үшін қазақ тілінде сөйледі. Бұл керемет сезім… Қазақы тұмақты киіп шығып, оны әлемге танытып, өз дәстүрімізбен таныстырып жүргеніміз үлкен бақыт», – деді Рахмонов.

Сонымен қатар, қазақстандық файтер 6 жеңісінен кейін елге оралғанда жанкүйерлерінің өзін Алматы әуежайында күтіп алған кездесу...

Сауда орталықтары мен сауда үйлерінің қожайындары ойларына келгенін істеп, бағаның көтерілуіне ықпал етіп жатыр. Мәжілісте өткен сауда саясатын дамыту мәселелеріне арналған Үкімет сағатында депутат Анас Баққожаев осылай деп дабыл қақты.

Депутат бағаның көтерілуіне сауда орталықтары мен сауда үйлерінің қожайындары кінәлі екенін жариялап: «Сауда орталықтары қожайындарының бәрі – Forbes тізіміндегі олигархтар. Олар мемлекеттің ішінен қоғамның ешбір талабына бағынбайтын мемлекет құрып алған», – деді.

Анас Баққожаев 2018 жылы сауда орталықтарындағы дүңгіршектерді жалға беру құны 1 шаршы метр үшін 4 мың теңге болғанын, қазір 21 мың теңгені құрайтынын, баға 5 есе өскенін алға тартты.

«Салдарынан киім-кешектің бағасы жыл...