Жаңалықтар

Ермек Имантаев ҚР ҚК-нің 189-бабы 4-бөлігінің 2-тармағы бойынша, яғни сеніп тапсырылған бөтен мүлікті аса ірі мөлшерде ұрлады деген айыппен сотталды. Бұл туралы Ақтөбе қаласының №2 сотының баспасөз қызметі хабарлады.

Имантаев Ақтөбе ӘКК басқарма төрағасы бола тұра, «Садовое» тұрғын үй алабында орналасқан көлемі 24 га жер учаскесін, бағасын 10 есе түсіріп заңсыз түрде сатқан.

Сотталушы жердің нарықтық құнын қасақана 20 млн теңгеге дейін төмендетіп, жер учаскесі туралы жалған ақпарат ұсынып, төлемдің жасалмағанына қарамастан, жалған сатып алушы С.-пен заңсыз сатып алу-сату келісімшартын жасаған.

Әрі қарай, жер учаскесі жалған тұлға С.-қа қайта рәсімделіп, жердің нысаналы мақсаты «жеке тұрғын үй құрылысынан» «көпқабатты тұрғын...

Ұлттық экономика Вице-министрі Азамат Әмрин Мәжілістегі Бюджет кодексінің тұсаукесерінде Ұлттық қордан нысаналы трансферт алу үшін «аса маңызды» жоба қандай критерийлерге сәйкес келу керектігін айтты. Бұған дейін Ұлттық қордан қаражатты пайдалануға шектеу енгізіліп, тек маңызды инфрақұрылымды дамытуға ақша бөлуге рұқсат берілген болатын.

«Маңызды нысандарға жұмыс орындары мен қосымша салықтар беретін зауыт сияқты құрылыс кіреді. Сонымен қатар күнделікті тіршілікті қамтамасыз ететін инфрақұрылым (жылу электр станциялары, кәріз тазарту құрылыстары). Бір мезгілде бірнеше облыстың аумағында бірдей нысандар салынатын «жайлы мектептер» жобасы сияқты жалпыхалықтық жобаларға». Жеке бапта «балаларға арналған Ұлттық қор» бойынша ережелер енгізілген, — деп түсіндірді Әмрин.

Маңызды объектілерге...

Ұлттық экономика министрлігі алдағы бес жылға әлеуметтік салада мемлекеттік-жекешелік әріптестікті кешенді дамыту жоспарын дайындады. Ол Ашық АНҚ порталында орналастырылған және жеке қаржыландыруды тарта отырып, түрлі әлеуметтік объектілердің құрылысын көздейді.

Ұсынылған жоспар бес бөлікке бөлінеді: жоғары білім, денсаулық сақтау, халықты әлеуметтік қорғау, спорт, білім беру және балалар демалысы (соңғы екі бағыт бір жерге біріктірілген).

Жоспар авторлары Қазақстанда студенттер, магистранттар мен докторанттар саны жоспарлы түрде өсіп келе жатқанын атап өтті. Қазіргі уақытта 101,5 мың орынға есептелген жатақханаларда 626,2 мың адам бар. Министрлік тапшылықты 46,4 мың төсек-орынға бағалайды. Сонымен қатар, ағымдағы жылдың 1 қыркүйегінен бастап Қазақстанда студенттерді, магистранттар мен докторанттарды жатақханалардағы орындармен...

Фото: shutterstock.com

«РЖД Логистика» АҚ қазақстандық филиалының директоры Жасұлан Әлиев АҚШ компанияларының біздің нарыққа келуі қайталама санкциялар қаупін сейілтеді деп тұжырымдайды.

«Америкалық компаниялар нарыққа технологиямен, инвестициямен кіреді. Олардың нарықта болуы батыс компанияларымен көбірек кооперация құруға мүмкіндік береді. Екіншіден, мұндай компаниялардың Қазақстанда транспорттық-логистикалық хаб құруға жағдай жасауы қайталама санкциялардың да тәуекелін азайтады. Өйткені ондай компаниялардың талабы күшті. Олар тек саяси тұрғыдан тұрақты, экономикалық тұрғыдан адал және тиімді нарықта ғана жұмыс істейді», – дейді Жасұлан Әлиев.

Президенттің Нью-Йоркте Wabtec және Citigroup компаниясының басшыларымен кездесіп, көлік-логистика саласындағы ынтымақтастық мәселелерін талқыға салғаны белгілі. Wabtec компаниясы Қазақстанға 1 млрд...

Kcell/activ, Tele2/Altel және Beeline Израильдегі өз абоненттеріне сын сағатта қолдау көрсетеді. Ұялы байланыс операторлары роумингте ақысыз байланыс пакеттерін ұсынбақ.

Нақтырақ айтқанда оларға келесі ресурстар кірді: 30 минут және 3 ГБ трафик және бұл мүмкіндіктер 14 күн ішінде әрекет етеді. Қажет болған жағдайда пакеттерді ұзарту мүмкіндігі бар.

Сонымен қатар, жер сілкінісінің салдарын жоюға көмектесу үшін Ауғанстанға ұшып кеткен ҚР ТЖМ қызметкерлерінің жұмысын қолдау мақсатында, барлық ұялы байланыс операторлары құтқарушыларға роумингте тегін пакеттерін ұсынады. Оларға 3ГБ мобильді интернет және 30 мин. дауыстық байланыс кіріп отыр.

Айта кетейік Қазақстан Палестина-Израиль қақтығысының өршуіне алаңдаушылық білдіреді деп хабарладық.

Қазақстанның Израильдегі елшілігі қазақстандықтарға үндеу...

TikTok 10 қазандағы Дүниежүзілік психикалық денсаулық күніне орай қазақстандықтар үшін жаңа функционалды іске қосады. Жаңа баған қолданушылардың психикалық әл-ауқатына қамқорлық жасау мақсатында құрылады.

Енді қолданушы қосымшадағы іздеу жүйесіне психикалық денсаулыққа қауіп төндіретін сөздерді енгізген жағдайда, психологиялық жай-күйіне көмектесетін ресурстар туралы ақпараты бар бет ашылады. Сонымен қатар, Қазақстандағы TikTok-тың ресми серіктесі саналатын telefon150 психологиялық қолдау қызметімен байланыс орнайды.

TikTok әкімшілігінің хабарлауынша, платформа қолданушылары өз психологиялық жағдайына қатты алаңдайды:

TikTok қолданушылары психикалық әл-ауқат тақырыбына көбірек қызығушылық танытып, өздеріне қамқорлық жасауға көмектесетінін байқаймыз. Мысалы, #психикалық денсаулық хэштегіндегі бейнелер 300 миллионнан астам қаралды, – дейді TikTok әкімшілігі.

Сыртқы істер министрлігінің баспасөз қызметі 10 қазан күні Астана уақыты бойынша сағат 16:45-те Израильдің Тель-Авив қаласынан Қазақстанға репатриациялық рейс ұшып шыққанын хабарлады.

«Бортта 166 жолаушы бар, олардың ішінде 124 ҚР азаматы және 42 шетелдік азамат. Бүгін кешке ұшақ Алматы қаласына келеді деп күтілуде», делінген министрлік таратқан хабарламада.

СІМ ресми өкілі Айбек Смадияров борттағы 124 қазақстандық барлығы да елге қайтуға ниет білдіргендер екенін мәлім етті.

Сонымен қатар, 42 шетелдік азаматтың дәл осы репатриациялық рейске отыруына қатысты, ол азаматтар билет ақысын төлегенін атап өтті. Олардың көпшілігі «бұдан бұрын Эйр-Астананың рейстерімен ұшып шыға алмаған жолаушылар», дед...

Президентке Қызылорда қаласының жаңа жылу электр орталығының жобасы таныстырылды. Бұл туралы Ақорда баспасөз қызметі хабарлады.

Былтыр Энергетика министрлігі түркиялық «Aksa Enerji Uretim AS» компаниясымен Қызылорда қаласында жаңа бу-газ қондырғысын орнату жөнінде келісімшартқа қол қойды. Шетелдік инвестиция есебінен салынып жатқан жаңа ЖЭО 240МВт электр қуатын және сағатына 277 жылу қуатын өндіре алады. Жобаның болжамды құны – 215 миллиард теңге.

Облыс әкімінің айтуынша, қазір құрылысқа дайындық жұмыстары қызу жүріп жатыр. 2025 жылдың соңына дейін пайдалануға берілетін ЖЭО қаланың жылу және электр қажеттілігін толық қамтамасыз етіп қана қоймай, артылған электр энергиясын басқа өңірлерге сатуға мүмкіндік береді.

Қазіргі қолданыстағы жылу электр орталығы 1964 жылы...

Қырғызстанның Ұлттық Банкі халықаралық санкцияларды сақтау мәселелері бойынша коммерциялық банк өкілдерімен кезекті жұмыс кездесуін өткізді. Бұл туралы Қырғызстанның ҰБК баспасөз қызметі хабарлады.

Банк өкілдері электрондық компоненттер, электрондық интегралдық схемалар сияқты әскери мақсаттарда пайдаланылуы мүмкін Ұлыбританияның акциялық тауарларының жаңа тізімі туралы айтып берді. Ұлттық банк коммерциялық банктерді халықаралық санкция тізіміндегі адамдармен және тауарлармен операциялар жүргізуге жол бермеу жөніндегі ішкі бақылау мен арнайы шараларды күшейтуге шақырды.

«Банктерге ағымдағы экономикалық және геосаяси жағдайды ескере отырып, халықаралық санкцияларды қатаң сақтау қажеттігі туралы қайта еске салынды. Кездесу сонымен қатар коммерциялық банктердің клиенттерге қызмет көрсетуге қатысты мәселелерін және оларды шешудің мүмкін жолдарын талқылады», — делінген...

Сұйытылған мұнай газын автокөлікпен экспорттауға 3 жылға, ал теміржол көлігімен әкетуге 6 айға тыйым салынды. Энергетика министрлігі әзірлеген бұйырық «Ашық НҚА» порталына талқылауға шығарылды.

«Өнімді бөлу туралы келісім не Қазақстан Республикасының Президенті бекіткен жер қойнауын пайдалануға арналған келісімшарт шеңберінде  өндіруді жүзеге асырған, «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 722-бабының 1-тармағына сәйкес салық режимінің тұрақтылығына ие  жер қойнауын пайдаланушылардың әкетуін қоспағанда, Қазақстан Республикасының аумағынан сұйытылған мұнай газын (ЕАЭО СЭҚ ТН коды 2711 12 970 0), пропанды (ЕАЭО СЭҚ ТН коды 2711 12 940 0) және бутанды (ЕАЭО СЭ...

фото: kursiv.media

Халықаралық валюта қоры жаһандық экономиканың 2024 жылға арналған өсу болжамы көңіл көншітпейтінін хабарлады. Есепке сәйкес, әлемдік өсу болжамы 2022 жылғы 3,5%-дан 2023 жылы 3,0%-ға дейін баяулайды. Қазақстан экономикасы осы жылдан 2024 жылға қарай табысты өрлейді. Бұл жайлы ХВҚ-ның қазан айында жариялаған World Economic Outlook есебінде нақтылады.

Зерттеу есебіне сәйкес, экономикасы жақсы дамыған елдерде аталмыш көрсеткіш 2022 жылғы 2,6 пайыздан 2023 жылы 1,5 пайызға және 2024 жылы 1,4 пайызға дейін баяулайды деп көрсетілген. Бұған себеп ретінде саяси жағдайлардың шиеленісуі көрсетіледі.

Әлемдегі экономикалық құбылыстарға қатысты есепте инфляцияның тұрақты түрде төмендеп, ақша-кредит саясатының есебінен тауар бағасы төмендейтіні жазылған:

фото: kursiv.media

ХАМАС Израильге шабуыл жасағаннан кейінгі өршіген шиеленіс әсерінен активтерге сұраныс артып, алтын бағасы ерекше өсті. Алтын бағасы шілде айындағы межеден асты. Бұл туралы Bloomberg жазды.

Дүйсенбіде бағалы металл 1,2%-ға қымбаттады, өйткені қаржы нарықтары Газа содырларының соққысынан туындаған құбылмалылық пен «экономикалық үсіктің» жүріп өтуіне дайындалды. Қақтығыстан кейін мұнай бағасы өсті, өйткені қақтығыс Таяу Шығыстағы шиеленісті күшейтуге қауіп төндірді. Айта кетейік, мұнда әлемдік жеткізілімдердің үштен бірі орналасқан. Сонымен қатар, доллар нығайды.

Израильдегі кенеттен болған дағдарыс алтынға кішігірім сыйлықақы қосқанымен, үлкен өсім қақтығыстың бүкіл аймақта қатты күшейген жағдайында ғана болады, дейді Дэвид Леннокс, Fat Prophets...

Қазақстандықтардың 33,3%-ының интернет-провайдерлердің жұмысына көңілі толмайды. Бұл жайлы ҚР сауда және интеграция вице-министрі Қайрат Балықбаевтың төрағалығымен өткен тұтынушылардың құқықтарын қорғау мәселелері жөніндегі ведомствоаралық кеңестің IV-ші отырысында айтылды.

10 мың респонденттің тәуелсіз социологиялық зерттеу нәтижелері барысында интернет-провайдерлердің қызметтеріне деген наразылығы 33,3%-ға артқаны белгілі болған. Тұтынушылардың құқықтарын қорғау Комитетінің басшысы Асқар Тынысбековтің айтуынша ұялы байланыс қызметтеріне, интернет-провайдерлерге тарифтерді көтерудің, сондай-ақ рекреациялық, туристік, қонақ үй бизнесіне қатысты салаларға тұтынушылардың шағымдары мен өтініштер саны артқан.

Байланыс операторлары байланыс қызметін көрсету Заңы мен ережелерінің талаптарын елемейді, бұл халық тарапынан үлкен наразылық туғызады және жедел әрі жүйелі шешімді талап...

Мемлекет басшысы Қасым-Жомарт Тоқаев Қызылорда облысына сапары барысында Сырдария ауданы, Нағи Ілиясов ауылының тыныс-тіршілігімен танысты. Еңбек адамдарымен кездесуі барысында ол күрделі геосаяси ахуал кезеңінде Қазақстанның өркендеуі жолында бірлік танытып, еңбек етуге шақырды. Бұл туралы Ақорда хабарлайды.

«Шын мәнінде, еңбек адамдары халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек. Сіздер осы ақ күріштің атасы – Ыбырай Жақаевтың жолын жалғап жүрсіздер. Сондықтан мен сіздерді қолдаймын»,– деді Мемлекет басшысы.

Президент жастарымыздың еңбекқор, ұқыпты, отансүйгіш болуы керек екенін және оларға әрқашан қолдау көрсетілетінін атап өтті.

«Ауылда жастардың жұмыс...

Заман ағымынан қалмай, Қазақстан компаниялары да жасанды интеллект көмегіне жиі жүгіне бастаған. Бұл орайда қазақ тілді жасанды зердеге де сұраныс бар. Бұл жайлы Қазақстанда бизнес секторға бағытталған қазақ тілді жасанды интеллектті іске қосқан Awara IT халықаралық компаниясының өкілдері айтты.

Компания елімізде бизнес-секторға бағытталған Prompt Wagon қосымшасының қазақ тіліндегі бета-нұсқасын іске қосты. Жоба Microsoft Global AI Hackathon аясында еліміздегі ірі компанияның тапсырысымен арнайы қазақ тілінде дайындалған.

Жалпы, Стенфорд университеті жариялаған The AI Index Report 2023 есебіне сәйкес, 2022 жылы әлем бойынша жасанды интеллект көмегімен жұмыс істейтін ұйымдардың үлесі, 2017 жылмен салыстырғанда екі есе ұлғайып, 50-60%-ға артқан. Өйткені соңғы уақытта ЖИ...

фото: kursiv.media

Швейцария банктік баспана сынына байланысты салық төлеуден жалтаруға қарсы күресті күшейтіп жатыр. Ел активтер туралы мәліметтерді жариялап, биылғы жылы Банктік ақпаратпен автоматты түрде алмасу үшін 100-ден астам мемлекеттің тізіміне Қазақстан, Мальдив және Оманды қосты. Бұл жайлы Швейцарияның федералды салық басқармасы хабарлады.

Швейцария елдің салық төлеуден жалтаруға қарсы халықаралық міндеттемелерін негізге ала отырып, қаржылық активтер туралы ақпарат алмасатын елдер санын көбейтті. Тізімде Қазақстан да бар:

дереккөз: www.sif.admin.ch

Швейцария билігі биылғы жылы Банктік ақпаратпен автоматты түрде алмасу үшін Қазақстан, Мальдив және Оман елдерін қатарға қосқан. Қызмет көрсетілетін шоттардың жалпы саны биыл 3,6 миллионға дейін өсті, ал 2022 жылғы...

Фото: kursiv.media

Қазақстанда кеншілер зейнетке ерте шыға алады. Ол үшін екі талапқа сай боуы керек: жасы 55-тен асуы және кейінгі 7 жыл міндетті кәсіптік зейнетақы жарнасының болуы. Бұл туралы Еңбек және әлеуметтік қорғау министрі Светлана Жақыпова мәлімдеді.

Ведомство басшысының айтуынша, министрлік жыл соңына дейін заң жобасын даярлап, бұл норма 2024 жылдан өз күшіне енбек. Қазіргі кезде өмірді сақтандыру компанияларымен бірге есеп-қисап жүргізіліп жатыр.

«Төлем үш көзден жүргізіледі. Біріншісі – республикалық бюджет, екіншісі – өмірді сақтандыру компаниялары және жұмыс беруші. Қазір бір күнкөріс шегі көлеміндегі бюджеттік өтінімді бердік, жылына 15 млрд теңгеден, 3 жылға...

фото: kursiv.media

Қазақстанда байлық салығын енгізу мәселесі, «дәулетке салық салу» бойынша жұмыс атқарылып жатыр. ҚР премьер-министрінің орынбасары – қаржы министрі Ерұлан Жамаубаев қазіргі уақытта бұл бағыттың жан-жақты қарастырылып жатқанын айтты. Жаңа салық түрін енгізу мәселесі арнайы институт базасында талқыға түсуде.

Министр байлық салығының ешкімнің бай болудағы жолын бөгемейтінін айтты. Салық кодексінің шеңберінде әділетті шешім шығарылатынын мәлімдеді.

Қазір жұмыс процесі жүріп жатыр. Талқыланады. 30-40 адам жұмыс тобында отырады. Бұл түпкілікті шешім емес. Халықтың әртүрлі санаты ұсынылғандықтан әліптің артын бағу қажет. Олар әртүрлі құрылымдарда жұмыс істейді. Әрине, біз түрлі пікірлерге құлақ асамыз. Ешкім иелігінде 5-6 пәтері бар...

Фото: ҚР Үкіметінің баспасөз қызметі

Үкіметте жақында ғана құрылған «Заңсыз иемденілген активтерді мемлекетке қайтару жөніндегі комиссияның» бірінші отырысы өтті. Заңға сәйкес, активтерді өз еркімен қайтаратын адамдарға нақты кепілдіктер беріледі. Өз еркімен қайтару шарттары, сондай-ақ тізілімді қалыптастыруды қоса алғанда, мәжбүрлі түрде қайтару жөніндегі іс-қимылдар және т.б. комиссия қарайды. Бұл туралы Үкіметтің баспасөз қызметі хабарлады.

Премьер-Министрі Әлихан Смайыловтың төрағалығымен өткен отырыс барысында комиссия мүшелерінің назарына заңда көзделген рәсімдер шеңберінде активтерді мемлекетке өз еркімен және мәжбүрлі түрде қайтаруға дайындық туралы ақпарат ұсынылған.

Жақын арада Комиссияның қарауына Комитетпен ынтымақтастыққа дайын тұлғалардың активтерді өз еркімен қайтаруы жөніндегі ұсыныстар, сондай-ақ тізілім арқылы...

Оқу-ағарту министрі Ғани Бейсембаев мектептердегі хиджап мәселесі шешілген, орамал тағуына байланысты мектепке бара алмай жүрген оқушы жоқ деп мәлімдеді. Оның айтуынша, мектептің ең бірінші – міндеті сапалы білім беру.

Журналистер Үкімет кулуарында министрден «Атырау облысында орамал тағатын 150 қыз мектепке хиджаб киюге рұқсат етілмегендіктен, мектепке бармайды деген нақты ақпарат бар. Басқа аймақтар туралы мәлімет бар ма?» деп сұрады.

Ғани Бейсембаев қыркүйектің басында хиджаб кигеніне байланысты 150-ден астам қыз мектепке бармағанын, бірақ кейін ата-аналармен түсіндіру жұмыстары жүргізілгенін айтып өтті.

«Мектеп балалардың сапалы білім мен тәрбие алуы үшін құрылғанын бәріңіз жақсы түсінесіздер. Сондықтан ата-ананың көпшіліг...

фото: kursiv.media

Премьер-министрдің орынбасары – Қаржы министрі Ерұлан Жамаубаев және Ұлттық экономика министрі Әлібек Қуантыров Үкімет кулуарында теңгенің әлсіреуі мен мұнай бағасының өсуіне қатысты пікір білдірді.

Қаржы министрі Ерұлан Жамаубаев жыл басындағы мұнай бағасына қатысты болжамның айна-қатесіз болғанын айтып, республикалық бюджет кірістілігінің кемігенін мәлімдеді.

Осы уақытқа дейін, қыркүйек айында, мұнай бағасы барельіне 90 долларға дейін жетткен жағдайлар болды. Мұндай «ойнамалы» көрсеткіштің біздің нарықтық экономикамызға қатерлі екенін айтуға болады. Жыл басында біз 85 долларға дейін жететінін болжағанбыз, қазір бұл деңгейде тұр. Бұдан бөлек, сегіз ай бойы мұнай бағасы қатерлі шекке дейін құлдырады. Мұндай жағдайда республикалық бютжет кірістілігінің кемід...

Премьер-министрдің орынбасары – қаржы министрі Ерұлан Жамаубаев 2023 жылдың қаңтар-қыркүйегінде бюджет қаржысын игере алмай отырған министрліктер мен облыстар атады.

Министрдің айтуынша, биыл 9 айда мемлекеттік бюджетке 13,8 трлн теңге және республикалық бюджетке 9,2 трлн теңгеге жуық кіріс түскен. Жергілікті бюджеттердің кірісі – 4,7 трлн теңге.

«Республикалық бюджет бойынша шығыс көлемі – 16 трлн теңге. Атқарылмау – 70 млрд теңге, оның ішінде үнемдеу – 16 млрд теңге. Игерілмегені – 54 млрд теңге. Экология және табиғи ресурстар, Туризм және спорт, Ішкі істер және Төтенше жағдайлар министрліктері неғұрлым ірі соманы игермеген», – деді Жамаубаев Үкімет отырысында.

Сондай-ақ жергілікт...

фото: kursiv.media

Жыл басынан бері Ұлттық Банктің алтын-валюта резервтері 31,9 млрд долларға дейін, яғни 9%-ке төмендеді. Ұлттық қордың активтері жыл басынан 57,8 млрд долларға дейін 3,7%-ке, атап айтқанда, 2,1 млрд долларға өскен. Қыркүйекте теңге бағамы 3,4%-ке әлсіреп, 1 доллар үшін 474,99 теңгеге дейін барған. Бұл жайлы ҚРҰБ Төрағасының орынбасары Б. Шолпанқұлов мәлімдеді.

2023 жылғы қаңтар-қыркүйектегі республикалық бюджеттің атқарылуы және Қазақстандағы әлеуметтік-экономикалық ахуалы жайлы баяндамада инфляциялық процестердің динамикасы нақтыланды. Ақпаратқа сәйкес, қыркүйек қорытындысы бойынша, Қазақстанда іскерлік белсенділік индексі төмендеп, 49,0 мәнінде теріс аймаққа өтті.

Сонымен қатар, іскерлік бизнес қана емес, индекстің айтарлықтай төмендегені құрылыс саласында байқалып, көрсеткіш 48,5 мәніне дейін...

Коллаж: kursiv.media

Қазақстан жалпы ішкі өнімінің өсімі қаңтар-қыркүйекте 4,7%-ға дейін баяулаған. Қаңтар-тамыз айында ол 4,9 пайызды құраған еді. Бұл туралы Ұлттық экономика министрі Әлібек Қуаңтыров мәлімдеді.

«Биыл қаңтар-қыркүйек айларының қорытындысы бойынша Қазақстан экономикасының өсу қарқыны 4,7 пайызды құрады, оның ішінде нақты сектордағы өсім 3,7 пайызды, қызмет көрсету саласында – 5,1 пайызды құрады», – деді ол үкімет отырысында.

Құрылыс, сауда, ақпарат және байланыс салаларында ең жоғары өсім байқалды. Негізгі капиталға салынған инвестиция қаңтар-қыркүйекте 12,1%-ға, оның ішінде көлік пен қоймаға – 59%-ға, саудаға – 37,5%-ға, білім беруге – 24%-ға, ауыл шаруашылығына – 13%-ға, өнеркәсіпке – 8,7%-ға...