Жаңалықтар

Ұлттық банктің алтын-валюта резервтері алдын ала деректерге сәйкес 274 млн АҚШ долларына төмендеп, 34,2 млрд АҚШ долларына жеткен. Бұл жайлы Ұлттық банк төрағасының орынбасары Әлия Молдабекова айтты.

Теңге 1,4%-ға нығайды

Теңге бағамы шілденің қорытындысы бойынша 445,89-ға дейін – 1,4%-ға нығайды. Жалпы, бұл ай ұлттық валюта үшін позитивті болды – нығаю үрдісі мұнайға белгіленген бағаның өсуіне және бейрезиденттер қаражатының мемлекеттік бағалы қағаздарға әкелінуіне де байланысты болды.

«Шілде соңында Қазақстанның мемлекеттік бағалы қағаздарына бейрезиденттердің салымдары жыл басынан бері 178 млрд теңгеге ұлғайып, 559 млрд теңгені құрады. Шілде айында ғана ҚР мемлекеттік борышына жаңа қаражаттың әкелінуі шамамен...

9 тамызда сағат 15-57-де Астана қаласы ТЖД өрт сөндіру бөлімшелері «Еуразия» сауда орталығындағы өрт бойынша шақыртуға шықты. Бұл туралы ТЖМ баспасөз қызметі хабарлады.

Өрт сөндірушілер келгеннен кейін бірінші қабатта 20 ш.м. алаңда заттар мен бутик қабырғасының қаптамасы өртенгені анықталды.

Өрт сөндірушілердің күшімен өрт 16-11-де оқшауланып, сағат 16-33-те жойылды. Құрбандар мен зардап шеккендер жоқ.

Өртті сөндіруге Астана қ. ТЖД жеке құрамның 68 адамы және 14 техникасы жұмылдырылды.

Алматы қаласы мәдениет басқармасының ұйымдары мен кәсіпорындары қызметкерлерінің жалақысы өседі. Бұл туралы ҚазАқпарат хабарлады.

Алматы мәслихаты осы жылдың тамыз айынан бастап Алматы қаласы мәдениет басқармасының ұйымдары мен кәсіпорындары қызметкерлерінің жалақысын 30%-ға өсіру туралы шешім қабылдады.

Хайуанаттар бағы, цирк, қуыршақ театры, «Алатау» дәстүрлі өнер театры, мемлекеттік мұрағат, кітапхана, музейлер бірлестігі, «Алматы әуендері» қызметкерлерінің еңбекақысы өседі. Қазіргі уақытта мәдениет саласы қызметкерлерінің орташа жалақысы – 138 мың теңге.

Алматы мәдениет басқармасының хабарлауынша, жалақыға байланысты жас мамандар жұмыстан жиі кетеді. Сондықтан Алматы қаласы мәдениет басқармасының ұйымдары, кәсіпорындары қызметкерлерінің лауазымдық жалақыларына ынталандырушы үстемеақылар белгілеу мәселесі Алматы қаласы мәслихатының қарауына ұсынылды.

Алматы салықтары республикалық бюджеттің 28%-ын қамтамасыз етеді. Бұл туралы мәслихаттың VII сессиясында Алматы әкімінің орынбасары Асқар Әмрин мәлімдеді.

Ол өз сөзінде Алматы республика бюджеті үшін негізгі донорлардың бірі болып қала беретінін атап өтті. Алматы бірнеше жылдан бері республикалық бюджетке берілетін салық түсімдері бойынша көшбасшылардың бірі болып келетінін айтқан ол:

«2023 жылы мемлекеттік бюджетке түсетін қаржы көлемі шамамен 3 трлн теңгені құрады, оның ішінде республикалық бюджетке 2,1 трлн теңге немесе 72%. Қаланың жергілікті бюджетіне түсетін түсімдер 129%-ға асыра орындалды және 843 млрд теңгені құрады», деді Асқар Әмрин.

Ол сонымен бірге кірістердің өсуінің жоғары қарқынын...

Алматыда жол ақысы көтеріледі. Осыған дейін «Оңай» картасымен немесе басқа қосымшалар мен смс хабарлама арқылы төлеу құны 100 теңгені құраса, қолма-қол төлем мөлшері 200 теңге көлемінде болатыны хабарланған болатын.

«Алматы көлік холдингі» ЖШС ақпараты бойынша, қалалық қоғамдық көлікті пайдаланатын жолаушылардың 97%-ы жол ақысын қолма-қол ақшасыз тәсілмен – «Оңай» карталарымен, оның ішінде «Оңай» қосымшасындағы виртуалды карталармен, сондай-ақ QR немесе SMS арқылы төлейді. Осылайша, Алматы жолаушыларының көпшілігі үшін қолма-қол ақшасыз төлем кезінде жол жүру ақысын 20 теңгеге көтеріп, 100 теңгені құрайды. Бұл ретте барлық жеңілдікті санаттар сақталады және олар үшін жол жүру құны тек 10 теңгеге дейін...

Қайталама нарықтағы баспаналар арзандап келеді. Өткен айда бір шаршы метрдің құны 1,7%-ға төмендеп, 494,4 мың теңгені құрады, деп жазады DataHub телеграм арнасы, Ұлттық статистика бюросына сілтеме жасап.

Баға соңғы 5 айдың 4-інде төмендеген. Тек мамыр айында ғана баспана құны тұрақтап қалған. Сарапшылардың пікірінше, 2015 жылдың басынан бері мұндай бағалардың төмендеу үрдісі байқалмаған.

Жалпы көрсеткіштің динамикасына үлес қосқан негізгі 5 ірі қала Астана, Алматы, Көкшетау, Қостанай және Өскемен. Астанада қайталма нарықтағы баспаналар -3,4%-ға, Алматыда -1,5%-ға, Көкшетауда -1,3%-ға, Қостанайда – 1%-ға бағасы төмендеген. Ал Өскеменде соншалық төмендей қоймағанымен, біршама өзгеріс бар, онда қайталама нарықтағы баспаналар -0,5%-ға арзандаған.

Жалпы...

Ұлттық киноны қолдау мемлекеттік орталығы 2023 жылы қаржыландыруға үміткер киножобаларды іріктеу үшін конкурсты қайта жариялайды. Мұндай шешім аудиторлық тексеру қорытындысы бойынша бекітілді. Бұған дейін жарияланған конкурстық өтінімдерді қабылдау нәтижелері жарамсыз деп танылды. Бұл туралы Ұлттық киноны мемлекеттік қолдау орталығының баспасөз қызметі хабарлады.

Ақпаратқа сәйкес, жаңа конкурсқа үміткерлердің құжаттары 9-29 тамыз аралығында қабылданады. Киножобалар Сараптамалық кеңес отырысында қорғау қыркүйек айының соңында өтеді. Конкурстық іріктеудің қорытындысы биыл қазан айында жарияланады.

«Біз мемлекеттік қаржы есебінен түсіріліп, кейін «ұлттық фильм» деп танылатын жобалар туралы айтып отырмыз. Сондықтан тексеру жүргізген аудиторлардың ұсыныстары мен шешімін ескеру және орындау керек. Ең алдымен...

Қаржы нарығын реттеу және дамыту агенттігі микроқаржы ұйымдарының тұтыну несиелерін беруіне талапты күшейтіп, шағын және олрта бизнесті несиелендіру шарттарын жеңілдетті. Сонымен қатар, ломбардтарға қойылатын талаптар қайта қаралды. Бұл туралы агенттіктің баспасөз қызметі хабарлады.

Биылғы 7 маусым күні Агенттік басқармасы «Қазақстан Республикасының кейбір нормативтік құқықтық актілеріне микроқаржылық қызмет мәселелері бойынша өзгерістер мен толықтыру енгізу туралы» қаулы қабылдаған еді. Ол құжат ұйымдардың жүзеге асыратын қызметі мен тәуекел-бейініне қарай пруденциялық нормативтерді саралауды көздейді.

Осылайша, кепілсіз тұтынушылық кредит берудің өсуін шектеу және микроқаржы ұйымдары үшін халықтың шамадан тыс кредит алу тәуекелдерін азайту жөніндегі шаралар шеңберінде қысқа мерзімді кепілсіз тұтынушылық микрокредиттерді тәуекел-саралау көрсеткіштері 200%-дан 500%-ға дейін...

Тұңғыш Президент Нұрсұлтан Назарбаевтың күйеу баласы Тимур Құлыбаевтың иелігіндегі (67%) «Шұбаркөл Премиум» АҚ көмір компаниясы 2022 жылдың бірінші тоқсанында жай акциялар бойынша 31,14 миллиард теңге көлемінде дивиденд төледі. Бұл туралы KASE-де жарияланған құжатта айтылған.

Ақпаратқа сәйкес, бір жәй акцияға шаққандағы төлемдер 7 284,61 теңгені құраған. 2022 жылдың тамыз айында компания 2022 жылдың үш айы үшін дәл осындай сомаға 31,14 миллиард теңге көлемінде дивиденд төленетінін жариялаған болатын. Төлем 2022 жылдың 18 тамызы мен 27 қазаны аралығында жүргізілетіні хабарланған.

Акционерлер тізілімінің деректері бойынша 2023 жылдың 1 шілдесіндегі жағдай бойынша «Шұбаркөл Премиум» АҚ-ның 67%-ы Тимур Құлыбаевтың «Joint Resources» компаниясына тиесілі. Көмір...

Павлодар облысына жұмыс сапары барысында Президент Екібастұздағы жылу электр орталығында жүргізіліп жатқан жөндеу жұмыстарымен танысты. Бұл туралы Ақорда хабарлайды.

Президент ЖЭО-на қатысты жағдайды «күрделі» деп атады. Себебі, жабдықтардың басым бөлігі тозған.

«Бұл жұмыс бақылауымызда болады. Бұл – өте маңызды жұмыс. Олқылықтар болса, тиісті шешімдер қабылдаймыз. Былтыр қыста болған жағдай қайталанбауы керек. Азаматтарымыз шыдамдылық, сабырлық танытып отыр. Бірақ оның да шегі бар. Сондықтан әкімдерге осындай тапсырма берілді. Тиісті қаражат бөлініп жатыр. Жоспарлардың бәрін міндетті түрде іске асыру керек», – деді Қасым-Жомарт Тоқаев.

Айта кету керек, Үкімет резервінен бөлінген қаражат есебінен Екібастұзда 5,4 шақырым...

«Яндекстің» қазақстандық баспасөз қызметі БАҚ-та тараған Қазақстанның «Yandex Go» сервисін тұтынушыларының жеке деректеріне Ресейдің федералдды қауіпсіздік қызметі қол жеткізе алады деген ақпаратқа түсініктеме берді.

Баспасөз қызметінің хабарлауынша, Қазақстандағы сервиске және оның пайдаланушыларына ресейлік заңнама қолданылмайды, өйткені тұтынушылар Ресейден тыс жерде жол жүріп, қолданбаны пайдаланады.

«Қазақстандағы пайдаланушыларға Yandex Go қызметін ұсынатын «Yandex.Taxi Corp» ЖШС қазақстандық компаниясы республика заңнамасына сәйкес пайдаланушылардың жеке деректерін өңдейді, сонымен қатар деректер субъектілерінің барлық құқықтарын қамтамасыз етеді», делінген компания хабарламасында.

Дегенмен, Яндекс Қазақстандағы қызметтің жұмысына қатысты деректерді уәкілетті шетелдік, оның ішінде ресейлік мемлекеттік органдар «тек ресми сұрау салу арқылы және белгіленген...

Қазақстанға турист ретінде келіп, Ресей арқылы Еуропаға бармақ болған шетелдік 5 азамат ұсталды. Бұл туралы ҰҚК баспасөз қызметі хабарлады.

Ақпаратқа сәйкес, ҰҚК ШҚ БҚО бойынша департаментінің шекарашылары ұстаған шетелдіктер өткізу пункттерінен тыс жерден Ресей аумағына қарай өтіп кетуге талпынған.

«Аталған адамдар Қазақстан Республикасына әуе жолымен турист ретінде келген. Алдын ала мәлімет бойынша олар жақсы өмір сүру жағдайын іздеп Еуроодақ елдеріне жол тартқан. Ұсталғандар Батыс Қазақстан облысы Тасқала аудандық сотының қаулысымен әкімшілік жауапкершілікке тартылып, ел аумағынан шығарылды», делінген хабарламада.

Айта кетейік, Мәдениет және спорт министрлігі шетелдік туристердің елімізде орта есеппен қанша күн аялдайтынына қатысты ақпарат таратқан...

Мәдениет және спорт министрлігі eQonaq ақпараттық жүйесінің деректеріне сүйене отырып, шетелдік туристердің Қазақстанда орта есеппен қанша күн аялдайтыны туралы ақпарат жариялады. Ақпаратқа сәйкес, қытайлық туристер елімізде орта есеппен 3,5 күнге тоқтайды екен. Көрші мемлекеттерден келетін саяхатшылар арасында елімізде өзбекстандықтар ең ұзақ аялдайды, 10 күнге дейін.

«eQonaq ақпараттық жүйесінің дерегі бойынша туристік мақсатпен келген АҚШ, Германия, Оңтүстік Корея және Үндістан азаматтары Қазақстанда орта есеппен 4 күн өткізеді», делінген хабарламада.

Сонымен қатар, Германиядан келген саяхатшылар да Қазақстанда 4 күнге аялдайды. Ал, ресейлік туристер 6 күн, Беларусь азаматтары 5 күнге тоқтайды.

Айта кету керек, туристерге...

Қырғызстанда ресейлік компаниялар құрылады. Олар Орталық Азияда параллельді импорттау мүмкіндіктерін іздестіреді, деп хабарлайды Коммерсантъ.

Бішкек маңында 28,8 гектар жерде Қырғызстандағы ең ірі, аумағы 163 мың шаршы метрді құрайтын Asia Park кешені құрылып жатыр. NF Group өкілі құрылып жатқан кешенді Ресей компаниялары жалдайтынын айтқан. Ол жерде логистикалық операторлары мен маркетплейстер орналастырлмақ.

Ресейлік бизнестің посткеңестік кеңістіктегі елдердегі қоймаларға деген қызығушылығы өткен жылдың күзінен бастап логистикалық тізбектерді мәжбүрлеп қайта қарауға және параллельді импортты дамытуға байланысты арта бастады. Бірақ бұл сұраныстың артуы қоймалардың тапшылығына әкелді.

«Орын тапшылығына байланысты Қырғызстандағы жалға алу тарифтері Мәскеу облысындағы объектілермен тең дәрежеде...

C&D AGRI GROUP ауыл шаруашылығы бизнес корпорациясы қазақстандық майлы дақылдарды сатып алуды жоспарлап отыр.

Атап айтқанда, Қытай мемлекеттік корпорациясы күнбағыс майын, сонымен қатар күнжара сияқты ақуызы жоғары дақылдарды импорттауға мүдделі. 7 тамызда қытайлық компания өкілдері сауда қарым-қатынастарын дамыту және Қазақстанның май өнеркәсібі саласымен танысу мақсатында Майлы дақылдарды өңдеушілер ұлттық қауымдастығының басшылығымен келіссөздер жүргізді.

Содан кейін Қауымдастық бастамасымен корпорация өкілдері Алматыда орналасқан Қазақстандағы екі ірі мұнай зауытына барды. Өз кезегінде Майлы дақылдарды өңдеушілер ұлттық қауымдастығының өкілдері ынтымақтастық орнату мақсатында C&D AGRI GROUP өкілдері еліміздің әртүрлі аймақтарында орналасқан басқа өңдеу кәсіпорындарында келіссөздер мен кездесулер ұйымдастыратынын атап өтті.

C&D AGRI GROUP...

Ашық НҚА порталында Қазақстан Республикасы Үкіметінің резервінен қаражат бөлу туралы Премьер-министрдің қаулысы жария талқылауға шығарылды. 22 тамызға дейін ашық талқылауда болатын құжат мәтініне сәйкес, Экология және табиғи ресурстар министрлігіне 2023 жылға арналған республикалық бюджетте шұғыл шығындарға көзделген Үкімет резервінен 1 200 628 517 (бір миллиард екі жүз миллион алты жүз жиырма сегіз мың бес жүз он жеті) теңге сомасында қаражат бөліну көзделген.

Ол қаражатқа Экология министрлігі орман өрті кезінде бүлінген техниканы жөндеп, ормандарды әуеден бақылау үшін тікұшақ жалдауға жұмсауы тиіс.

«939 377 517 (тоғыз жүз отыз тоғыз миллион үш жүз жетпіс жет...

Қонаев қаласының Бас жоспары күшіне енді. Енді қала сол жоспарға сәйкес дамиды.

Алматы облысының орталығы – жаңа әкімшілік мәртебе берілуімен қаланы дамытудың жаңа стратегиясы айқындалды. Бұл стратегиялық жоспарда қаланың болашақта қандай болатыны сипатталған.

Осы бекітілген құжатқа сәйкес Қонаев қаласы Алматы облысының заманауи көпфункционалды әкімшілік, қаржы және мәдениет орталығына, өнеркәсіптік-инновациялық орталыққа, Алматы агломерациясының инновациялық-индустриялық белдеуіне және азық-түлік белдеуіне айналмақшы. Сонымен бірге қала болашақта мұнай өңдеу, газ өңдеу және мұнай-химия, көлік-логистикалық, әскери-өнеркәсіптік, ғылыми-білім беру, туристік,су рекреациясы және су спорты, туризм, аңшылық және балық аулау орталығы болады деп жоспарланып отыр.

«Бас жоспардың негізгі мақсаты жоспарлау құрылымыны...

Мемлекет басшысы Сингапур Президенті Халима Якобқа құттықтау жеделхатын жолдады, деп хабарлайды Ақорда.

Мемлекет басшысы Қасым-Жомарт Тоқаев Президент Халима Якобты Сингапур Республикасының Ұлттық күнімен құттықтады.

«Президент екі ел арасындағы шынайы достық пен табысты саяси диалогқа негізделген серіктестікке жоғары баға бере келе, мамыр айында өткен екіжақты келіссөздер барысында қол жеткізілген уағдаластықтар Қазақстан мен Сингапур арасындағы стратегиялық байланыстарды дамыту үшін берік негіз болатынына сенім білдірді», делінген баспасөз хабарламасында.

Мамырда Сингапур Президенті Халима Якобтың Қазақстанға мемлекеттік сапармен келді. Ресми сапары барысында екі ел арасында маңызды 4 келісімге қол қойылды. 

Біріншіден, Қазақстан Республикасы мен Сингапур Республикасы арасындағы қызметтер саудасы және инвестициялар...

Тамыз айында Қазақстан өңірлеріне 369 мың тоннадан астам АИ-95 бензині тасымалданады, деп хабарлайды Индустрия және инфрақұрылымдық даму минстрлігінің баспасөз қызметі.

«Мұнай өңдеу зауыттарынан жүктерді жеткізуге байланысты барлық өтініш 100% қамтамасыз етіліп келеді. Қазір Қазақстандағы магистральді автожолдар арқылы бензин тиелген 1 047 цистерна өңірлерге жеткізіліп жатыр. Олардың ішінде АИ-95 маркалы жағармайы бар цистернаның саны – 341. Барлық мұнай өнімі диспетчерлік бақылаумен белгіленген жылдамдықпен жеткізілмек», делінген баспасөз хабарламасында.

Баспасөз орталығының хабарлауынша бензинді жеткізу жүк тасымалдаушы ұйым мәлімдеген жоспарларға сәйкес жүзеге асырылып жатыр және мұнай өңдеу зауыттарынан жүктерді тасымалдауға қатысты барлық өтініш 100%-ға қамтамасыз етілген.

«Жоспар бойынша тамызда ішкі нарыққа АИ-95 маркілі бензиннің 369,7 мы...

Қазір бизнесте тасын өрге домалатып жүрген әйелдер жеткілікті. Бұрын «бизнестегі әйелдер» деп бөле-жара айтсақ, қазір бұл қалыпты құбылысқа да айналды. Ал көз үйренбеген саламыздың бірі – цифрлы технологиялар секторында да қаракөздер қатары көбейіп келе жатыр. Бұған елімізде қолға алынып отырған бірегей жобаның да септігі тигені сөзсіз.

Techno Women Central Asia бірлестігі өз істерін дамытқысы келетін әйелдер және бизнес-ханшайымдар нетворкингі үшін қолайлы алаң қалыптастырды. Techno Women Central Asia жетекшісі Әзиза Шөжееваның айтуынша, әйелдер ұйымымен бірге әрекет ету мансап жолында мүмкіндіктер туғызып, цифрлы бәсекелестікті арттырады.

Осы бағытта елеулі еңбек етіп жүрген жанның бірі – Аружан Меде. Ол әйелдерге арналған BTS Education e-commerce...

ҚР Ғылым және жоғары білім министрлігінің жанынан студенттерді жатақханалардағы орындармен қамтамасыз ету бойынша ахуалдық орталық құрылды. Бұл туралы министр Саясат Нұрбек жоғары оқу орындары ректорларының қатысуымен өткен кеңейтілген алқа отырысында мәлімдеді.

Ведомство басшысы студенттерді барынша жатақханалармен қамтамасыз ету қажеттілігіне ерекше назар аударды.

«Барлық студенттерді жатақханалармен қамтамасыз ету мүмкін емес екені анық. Бұл әзірге жүйелі мәселе, бірақ министрлік осы бағытта жұмыс жүргізуде. Атап айтқанда, біздің ведомство студенттерге жатақханалардан орын алуға көмектесетін ахуалдық орталық құрды», – деп атап өтті министр.

Сондай-ақ, Саясат Нұрбек студенттердің мәселелеріне бей-жай қарамайтын қоғам қайраткерлері мен азаматтарды ахуалдық орталықтың құрамына кіруге шақырды.

Студенттерд...

Индустрия және инфрақұрылымдық даму министрлігіне 2023 жылға арналған республикалық бюджетте көзделген ҚР Үкіметінің шұғыл шығындарға арналған резервінен қоныс аударған мемлекеттік қызметшілерді қызметтік орналастыру үшін коммуналдық меншікке тұрғын үйді сатып алуға Алматы облысының әкімдігіне ағымдағы нысаналы трансферттер түрінде 432 432 000 теңге сомасында қаражат бөлінеді. Бұл туралы ҚазАқпарат хабарлады.

Құжатқа сәйкес, Индустрия және инфрақұрылымдық даму министрлігі, Алматы облысының әкімдігі осы қаулыдан туындайтын іс-шараларды қабылдайды. Ал Қаржы министрлігі заңнамада белгіленген тәртіппен бөлінген қаражаттың нысаналы пайдаланылуын бақылауды қамтамасыз етеді.

Сонымен қатар Алматы облысы әкімдігі 2023 жылғы 1 желтоқсанға дейінгі мерзімде Индустрия және инфрақұрылымдық даму министрлігіне бөлінген қаражатты нысаналы пайдалану жөніндегі есепті ұсынады...

Фото: EPA/Vostock-photo

Еуропалық Одақ Нигермен ынтымақтастықтың барлық түрлерін тоқтатты және Батыс Африка мемлекеттерінің Экономикалық Қоғамдастығы елдерінің басшыларының кездесуінің нәтижелерін күтуде, деп мәлімдеді ЕО дипломатия басшысы Жозеп Боррелдің ресми өкілі Петер Стано.

«Біз қазіргі уақытта Нигермен кез келген ынтымақтастықты тоқтаттық. Түсінікті болу үшін қазір барлық іс – шаралар тоқтатылды: қаржылық қолдау, азаматтық миссиялар, қауіпсіздік бойынша ынтымақтастық»,-деді баспасөз хатшысы Брюссельде өткен брифингте.

«Біз Нигердегі қазіргі заңсыз билікпен жұмыс істемейміз», – деп қосты ол.

Оның айтуынша, Еуроодақ жағдайды мұқият қадағалап отыр.

«Біз ЭКҰ-ның барлық әрекеттері мен шешімдерін барынша...

Дүниежүзілік денсаулық сақтау ұйымы (ДДСҰ) Ирак Республикасының аумағында құрамында токсиндер бар cold out препаратының партиясы табылғанын хабарлады. Бұл туралы ҚР Медициналық және фармацевтикалық бақылау комитеті хабарлады.

Зертханалық зерттеулердің нәтижелері препараттың құрамында жол берілмейтін жоғары концентрацияда диэтиленгликоль (0,25%) және этиленгликоль (2,1%) бар екенін анықтады. Диэтиленгликольдің де, этиленгликольдің де шекті рұқсат етілген концентрациясы 0,1% – дан аспайды.

COLD OUT – құрамында ацетаминофен мен хлорфенираминнің қосындысы бар сироп, жалпы суық тию мен аллергия белгілерін емдеу және жеңілдету үшін қолданылады.

Бүгінгі күні COLD OUT сиропы Қазақстан Республикасында тіркелмеген, сондай-ақ көтерме және бөлшек сегментте сатылмайды.

Қаптамадағы ақпаратқа сәйкес сиропты Үндістанның FOURRTS зертханасы DABILIFE PHARMA...