Жаңалықтар

Қазақстандық еріктілерге мемлекеттік сақтандыру қажет. Бұл мәселені Астанада өтіп жатқан халықаралық волонтерлар форумында «Ұлттық еріктілер» желісінің басшысы Вера Ким көтерді.

«Соңғы кезде Төтенше жағдайлар жиілеп кетті. Бұл тек біздің елімізде ғана емес, біз бауырлас елдерге де көмек көрсетіп жатамыз. Осы бағытта жүрген жандарды, волонтерларды, төтенше жағдай салдарымен күресіп жүрген адамдардың мемлекет тарапынан қорғалуын қалаймыз. Осындай азаматтарымыз мемлекет тарапынан сақтандырылғаны дұрыс деп ойлаймын. Бұл біздің волонтерларымыздың да алаңсыз жұмыс істеуіне жағдай жасайды», дейді Вера Ким.

Сонымен қатар еріктілер тобының жетекшісі мұндай сақтандыру арнайы оқытылып, сертификат алған еріктілерге берілу керек екенін айтты.

АҚШ қор индекстері соңғы аптадағы айтарлықтай өсімнен кейін сейсенбі күнгі сауда-саттықта төмендеді. Бұл туралы Trading Economics басылымына сілтеме жасай отырып «Интерфакс-Қазақстан» агенттігі хабарлады.

Дүйсенбі күні биржалар мерекеге байланысты жұмыс істемеді. Сейсенбіде Dow Jones Industrial Average 245,25 пунктке (0,72%) төмендеп, 34 053,87 тармақты құрады. Индекс құрамындағы компаниялардың ішінде Intel корпорациясының акциялары қатты арзандады.

Ал Standard & Poor’s 500 бір күндегі мәні 20,88 пункт (0,47%) төмендеп, 4388,71 тармақты құрады. Nasdaq Composite индексі 22,28 пункт(0,16%) жоғалтып, сессияны 13677,29 тармақпен аяқтады.

Инвесторлар Федералды резерв жүйесінің басшысы Джером Пауэлл сәрсенбі күні Өкілдер палатасы мен бейсенбі күнгі Сенаттағы жиында не айтады деп...

Ал, энергетика саласындағы 500-ден аса кәсіпорын жыл сайын қысқа дайын екенін көрсететін паспорт алуға өтінім бермейді. Мұны жылумен қамтитын мекемелерге жүргізілген аудит қорытындысы талқыланған Мәжіліс отырысында депутат Ринат Зайытов мәлімдеді. Ол сұрағын энергетика министрі Алмас Сәтқалиевке жолдап, жағдайдың себебін түсіндіруді сұрады.

«Энергетика министрлігінің бақылауында 40 кәсіпорын (ЖЭО – автор) 2020 жылдан 2022 жылға дейін күзгі-қысқы жұмысқа дайындық құжаттарын алмаған, өтінім бермеген. Осының кесірінен дайындық құжаттары, яғни паспорт деген жай ресми нәрсе сияқты болып қалды. Оны ешкім қажет етпейтін сияқты. Соның салдарынан жыл сайын 500-ден аса кәсіпорын дайындық паспортын алуға өтінім бермейді. Қалай сонда? Осы жерде заңды...

Фото: kursiv.media

Алматы қаласындағы «Тереңқұр» су қоймасының жоғарғы бөлігі мемлекетке қайтарылды. Бұл жайлы Медеу ауданы тұрғындарымен кездесуі барысында Алматы қаласының әкімі Ерболат Досаев айтты.

«Аудандағы қоғамдық кеңістіктерді дамыту аясында Тереңқұрдағы су қоймасының жоғарғы бөлігі мемлекет меншігіне қайтарылды. Бүгінгі таңда оны реконструкциялауға жобалау-сметалық құжаттама әзірленуде . Жобалау-сметалық құжаттаманы осы жылдың қараша айында аяқтаймыз). Сондай-ақ осы жылдың соңына дейін Тереңқұрға жөндеу жұмыстары жүргізіледі», деді әкім.

Әкім сонымен бірге Каменское платосындағы жер асты су көзіндегі су деңгейінің 2,5 есе төмендеп кеткенін атап өтті. Бұл мәселені шешу үшін төтенше жағдайлар желісі бойынша шілде айында су беруге арналған...

Фото: ҚМГ баспасөз қызметі

«ҚазМұнайГаз» ҰК АҚ және Rosneft Deutschland Шведт қаласындағы PCK Raffinerie мұнай өңдеу зауытына шикі мұнай жеткізу туралы келісімшартқа қол қойды. Бұл туралы компанияның баспасөз қызметі хабарлайды.

Мұнайды «ҚазМұнайГаз» ҰК АҚ еншілес ұйымы — KazMunayGas Trading AG сататын болады. Ал мұнайды сатып алушы тарап — PCK Raffinerie мұнай өңдеу зауыты акционерлерінің бірі Rosneft Deutschland GmbH.

«Бүгін біз жыл соңына дейін ай сайын 100 мың тонна мұнай жеткізу туралы келісімшартқа қол қойдық. «ҚазМұнайГаз» атынан Қазақстан тарапының Германияға мұнай тасымалдау жұмысын жалғастыруға және көлемін арттыруға мүдделі екенін жеткізгім келеді, сондай-ақ серіктестерімізге осы бағытта...

Ақмола облысының прокуратурасы баспасөз қызметінің хабарлауынша, Ақмола облысында жол құрылысына арналған 1 млрд теңгеден аса соманы жымқыруға қатысы бар деген күдікпен экс-шенеунік ұсталды.

«Ақмола облысының арнайы прокурорларымен мемлекеттік қаражатты жымқырды деген күдікпен Ақмола облысының Жолаушылар көлігі және автомобиль жолдары басқармасы бастығының орынбасары лауазымында бұрын істеген тұлға ұсталып, уақытша ұстау изоляторына қамалды. Сот санкциясымен ол күзетпен ұстауға алынды», делінген хабарламада.

Ақпаратқа сәйкес, ол жол салуға бөлінген бюджеттік қаражатты аса ірі көлемде жымқыру фактісіне қатысы бар деп күдік қойылып отыр.  Атап айтқанда, нақты жұмыстарды орындалмағанына қарамастан, ол бюджеттен 1 млрд. 244млн. тенге төленген.

Осы факт бойынша ҚК 189 бабы 4 бөліг...

Ұлттық қауіпсіздік комитеті 22 маусым күні қазақ-қытай шекарасында автокөлік бекеттері уақытша жабылатынын хабарлады.

«ҰҚК Шекара қызметі екі ел Үкіметтері арасындағы «Қазақстан-Қытай мемлекеттік шекарасы арқылы өткізу пункттері туралы» келісімге сәйкес ҚХР-да тойланатын «Айдаһар қайықтары мейрамына (Дуань У)»байланысты 2023 жылғы 22 маусымда қазақ-қытай шекарасындағы автокөліктік өткізу пункттерінде адамдар, көлік құралдары, жүктер мен тауарлар өткізілмейтінін хабарлайды», делінген хабарламада.

Ақпаратқа сәйкес, теміржолдағы өткізу пункттері штаттық режимде жұмыс істейді.

Фото: Ашық деректер

Қаржы мониторингі агенттігі «Қазақстан барысына» жұмасалған қаражатты тексеріп жатыр.

«Алматы қаласы бойынша департаменті сотқа дейінгі тергеу аясында «Қазақстан барысы» қазақ күресінен турнир өткізуге бөлінген 1,075 млрд теңге бюджет қаражатының жұмсалу заңдылығын тексеруде» делінген баспасөз хабарламасында.

Басшылардан, мердігер өкілдерінен жауап алу, тінту және құжаттарды алуды қамтитын тергеу әрекеттері жүргізілуде.

Тергеу мүддесін көздеу мақсатында басқа ақпарат жария етуге жатпайды.

Фото: СІМ баспасөз қызметі

ҰҚШҰ Сыртқы істер министрлерінің Минскіде өткен кеңесінде бірқатар саяси, оның ішінде Ауғанстандағы жағдай және ғарыш кеңістігінде қару-жарақ бәсекесінің алдын алу жөніндегі мәлімдемелер қабылданды. Бұл туралы СІМ хабарлайды.

Кеңеске Премьер-Министрдің орынбасары – Сыртқы істер министрі Мұрат Нұртілеу бастаған қазақстандық делегация қатысты.

Кездесу барысында ҰҚШҰ-ға мүше мемлекеттердің сыртқы істер министрлері халықаралық және өңірлік жағдай бойынша пікір алмасып, Ұйымның ағымдағы қызметінің кең ауқымды мәселелерін және ҰҚШҰ-дың сыртқы байланыстарын дамытуға қатысты кейінгі қадамдарды талқылады.

ҚР СІМ басшысы М.Нұртілеу отырысқа қатысушыларды ҰҚШҰ форматындағы ынтымақтастық бойынша Қазақстанның ұстанымы туралы хабардар етіп, Ұйымның одан әрі жан-жақты дамуына бағытталған бірқатар ұсыныстарын...

Фото: kursiv.media

Қазақстандықтарды сумен қамтамасыз ету жөніндегі ресми статистика елді мекен тұрғындарына жүргізген сауалнамасымен сәйкес келмейді. Бұл жайлы ҚР Парламенті палаталарының бірлескен отырысында Сенат депутаты Ернұр Әйткенов айтты.

Сейсенбі күні Мәжіліс пен Сенаттың бірлескен отырысында қаралған үкімет есебіне сәйкес, 2022 жылы ауыз сумен қамтамасыз ету үшін бюджеттен 231 миллиард теңге бөлінген. ҚР Индустрия министрлігінің мәліметінше, қазіргі уақытта Қазақстан халқын сумен жабдықтау қызметімен қамтамасыз ету деңгейі қалаларда 98,4%, ауылдық жерлерде 94,5% құрайды.

«Сонымен бірге БАҚ пен әлеуметтік желілерде ауылдық елді мекендерді ауыз сумен қамтамасыз ету деңгейінің төмендігі және елорда мен Алматы, Шымкент сияқты ірі қалаларда...

Фото: kursiv.media

Freedom Holding компаниясы қазақстандық Arbuz Group тобының 81,92% үлесін жеке инвесторлардан сатып алды. Бұл туралы холдингтің хабарламасында айтылған.

Холдингпен бірге Arbuz.kz құрылтайшыларының бірі, Freedom Holding-тің Бас атқарушы директоры Тимур Турловтың айтуынша, Freedom Bank және Arbuz интеграциясы сервисті үздіксіз жақсартуға және пайдалы қызметтерді дамытуға және бонустық бағдарламаларды жүзеге асыруға мүмкіндік береді. Ол электронды азық-түлік дүкені жалпы алғанда онлайн-сатуларды дамытуда драйвер рөлін атқара алады.

«Соңғы жылдары «Арбуз» қазақстандық тамақ өнеркәсібінің флагмандарының біріне айналды. Қызметтің ыңғайлылығы, жылдамдығы және бірегей технологиялық шешімдері оның халық арасында танымалдығының өсуіне ықпал етеді. Отандық ірі интернет-сайттардың бірі бола отырып, стартап...

Фото: kursiv.media

Қазақстанның бұрынғы Төтенше жағдайлар министрі Юрий Ильиннен Абай облысындағы орман өртіне қатысты куәгер ретінде сұралады. Бұл туралы ҚР Бас прокуроры Берік Асылов айтты.

«Одан жай ғана куә ретінде жауап алынды, болды. Оның куәгер ретіндегі қандай да бір мәртебесі жоқ. Қазір тергеу жүріп жатыр. Жоғары лауазымдыларлан (шенеуніктерден) ешкім жоқ. Өртті сөндіріп жатыр сол себепті, мамандар мен өрт сөндірушілерге кедергі жасамауды жөн санадық. сол жұмыстар аяқталғаннан кейін біз тергеу барысында жауап аламыз», деді Асылов парламент палаталарының бірлескен отырысында.

Жаңалықтар толықтырылып жатыр.  

Үкімет отырысында ҚР Ішкі істер министрі Марат Ахметжанов Бас прокуратураның Абай ауданындағы ауқымды...

Елімізде инвестициялық жобаларды іске асыру мерзімі жүйелі түрде бұзылып отырады. Нәтижесінде құрылыс шығыны артады. Бұл мәселені ҚР Парламенті палаталарының бірлескен отырысында депутат Ұласбек Сәдібеков көтерді.

«Инвестициялық жобаларды іске асыру мерзімдерін бұзу жүйелі түрде орын алуда. 2022 жылы бюджеттік инвестициялық жобаларды іске асыру үшін жергілікті атқарушы органдарға республикалық бюджеттен триллионнан астам теңге бөлінді. Құрылыстың нормативтік мерзімдері сақталмайды. Жобалау-сметалық құжаттаманың сапасыз әзірленуі, оны іске асыру барысында жобалық шешімдердің өзгеруі объектілердің уақытша тоқтатылуына және қымбаттауына алып келеді, осылайша оларды іске асыру мерзімі созылып кетеді. 2022 жылы мердігерлердің шарттық міндеттемелерді орындамауы себебінен 18,1 млрд теңге игерілмей қалды», дейд...

Қазақстанда шағын кәсіпкерлікті қолдауға бағытталған әрі еліміздегі шағын және орта кәсіпкерліктің дамуын ынталандыруға бағытталған «Бизнес-трамплин» конкурсы басталды.

Конкурсты цифрлық төлемдер индустриясындағы әлемдік көшбасшы – Visa компаниясы іске асырады. Жобаның техникалық серіктесі «Астана» халықаралық қаржы орталығы болып табылады. «Бизнес-трамплин» жобасы жергілікті шағын кәсіпкерлікті қолдау мақсатында Visa #WhereYouShopMatters #buylocals жаһандық бастамасы шеңберінде іске асырылатын болады.

Конкурсқа Қазақстанда негізі қаланған, өнім өндіретін не қызмет көрсететін әрі салық төлейтін, жұмыс жасап жатқан компаниялар қатыса алады. Қатысушы өз идеясын жүзеге асыра алатындығын дәлелдеу керек және бөлінген қаражатты пайдаланудың қаржылық жоспарын ұсынуы тиіс. Өтінімдерді қабылдау 2023 жылдың 3 шілдеге дейін (3 шілдені қоса алғанда...

Фото: kursiv.media

Квазимемлекеттік секторда пайдаланылмаған қаражат 46 млрд теңгені құрайды. Бұл жайлы ҚР Парламенті палаталарының бірлескен отырысында Жоғары аудиторлық палата төрайымы Наталья Годунова мәлімдеді.

«Өкінішке орай, бірқатар маңызды, біздің ойымызша, ұсынымдар орындалмай қалды.
Осылайша, квазимемлекеттік сектор субъектілерінің қолма-қол ақшаны бақылау шоттарында пайдаланылмаған қаражат мәселесі осы уақытқа дейін шешілген жоқ. Бүгінде ол 46 млрд теңгені құрап отыр», деді Годунова.

Сонымен қатар Палата төрайымы мемлекеттік органдардың жұмысты нақты орындамай, эскроу-шоттарды пайдалануды жалғастырып жатқанын да айтты.

«Мемлекеттік жекелеген әріптестік саласында ашықтық жоқ, бұл сыбайлас жемқорлық тәуекелдерін тудырып, сәйкесінше инвесторларды тартуда қиындықтар туғызады...

Астанада бұрынғы мәдениет және спорт министрі Арыстанбек Мұхамедиұлына сот үкімі шықты. Судья Бағлан Ыдырысов Арыстанбек Мұхамедиұлын 8 жылға бас бостандығынан айырды.

Айта кетейік, Астана қаласы Байқоңыр ауданының №2 сотында Арыстанбек Мұхамедиұлы, Азамат Көшенов, Алмаз Нұрасхан және Айым Садвакасоваға қатысты қылмыстық іс қаралды.

Тергеу мәліметіне сәйкес, Арыстанбек Мұхамедиұлы 2020 жылы Ұлттық музейді басқарып тұрған кезде «Алтын адамның әлем музейлеріне шеруі» халықаралық көрме жобасы аясында «Ұлы дала: кеңістік, уақыт, мәдениет» көрмесін шетелдерде өткізуге қаражат бөлінген. АҚШ, Германия, Италия, Индонезия, Литвада халықаралық көрмелер өткізуге шамамен 1,27 млрд теңге бюджет сомасы бекітілген.

2020 жылдың қаңтарында аталған елдер ұсыныстан бас тартқан. Алайда Мұхамедиұлы көрме өткізетін...

Президент Қасым-Жомарт Тоқаев Батыс елдері жариялаған санкциялардың сақталуына қатысты пікір білдірді. Бұл туралы Ақорданың баспасөз қызметі хабарлады.

Қасым-Жомарт Тоқаев Қазақстан ең алдымен ДСҰ ережелері мен нормаларын басшылыққа алатынын мәлім етті.

«Сондай-ақ халықаралық нарықта қабылданған барлық ережені сақтаймыз. Ал екі мақсатта қолданылатын тауарлардың Ресейге экспорты туралы айтар болсақ, бұл мүлдем шындыққа жанаспайды. Өйткені, жаңа ғана айтқанымдай, біз ДСҰ ережесін және Еуропалық Одақ жариялаған барлық санкция талаптарын сақтаймыз. Әйтсе де, Ресеймен сауда-саттық жасаймыз. Былтыр екі ел арасындағы тауар айналымының көлемі 28 миллиард долларға жетті. Бұл қолданыстағы халықаралық стандарттарға толық сай келеді», деді Қазақстан Президенті.

Қазақстанда 1 шілдеден кадастр паспорты енгізіледі. Ол мемлекеттік акті мен тұрғын үйдің техпастортын алмастырады. Бұл туралы Krisha.kz жазады.

Кадастр паспорты жаңа тұрғын үйге және объектілерді қайта тіркеу кезінде беріледі.

Қолданыстағы техпаспорт пен мемлекеттік актілер заңды күшінде қалады. Қолданыстағы құжаттарын жаңа кадастр төлқұжатына ауыстырғысы келетіндер өз еркімен ауыстыра алады.

Қызмет құны әзірге белгісіз.

Кадастр паспорты жылжымайтын мүлік тізілімі мен жер кадастрының мәліметтер базасы біріктіретін жаңа Бірыңғай мемлекеттік жылжымайтын мүлік кадастры құрылғаннан кейін қолданысқа енгізіледі.

Бірыңғай жүйеге жылжымайтын мүлік туралы деректер мамыр айында берілген. 1 шілдеге дейін жер кадастрынан ақпарат беру аяқталады.

Жүйе іске қосылған соң Қазақстанда жер...

Фото: kursiv.media

Бес ай ішінде үш мыңнан астам азамат өз құқықтарын конституциялық қорғауға жүгінді. Бұл жайлы ҚР Парламенті палаталарының бірлескен отырысында Конституциялық Сот Төрайымы Эльвира Әзімова мәлімдеді.

«Конституциялық Соттың бес айдағы жұмысы азаматтардың өз өтініштерінде заңдардың жекелеген ережелерінің конституциялылығы проблемаларын әділ көтеретінін көрсетті. Бес ай ішінде үш мыңнан астам азамат өз құқықтарын конституциялық қорғауға жүгінді. Бұл цифрлар азаматтардың жаңа органға деген жай ғана қызығушылығының дәлелі болып табылмайды, өтініш берушілердің әрқайсысының өз құқықтарын қорғау ниетін растайды», деді Сот төрайымы.

Келіп түскен өтініштердің жартысына жуығы, шамамен 41% сот шешімдерімен келіспеуге қатысты екен. Бұл ретте сот...

Дәрі-дәрмектің жағымсыз әсері туралы енді DariKZ қосымшасы арқылы Дәрілік заттар мен медициналық бұйымдарды сараптау ұлттық орталығына ақпарат жолдауға болады. Сонынен қатар, дәрі бағасын қымбаттатқан дәріхана үстінен шағымдануға болады. Қосымшаның жаңа нұсқасында осындай функция бар. Бұл туралы Дәрілік заттар мен медициналық бұйымдарды сараптау ұлттық орталығының баспасөз қызметі хабарлады.

Дәрілік заттың жағымсыз әсері баяндалатын карта-хабарламалар немесе «сары карталар» деп аталады. Бұл қызмет Дәрілік заттар мен медициналық бұйымдарды сараптау ұлттық орталығына дәрінің жағымсыз реакциялары жөніндегі ақпаратты онлайн режимде жедел қабылдауға мүмкіндік береді.

Сонымен бірге, DariKZ мобильді қосымшасының жаңа нұсқасында дәрі-дәрмектерге шекті рұқсатты бағасынан қымбатқан жағдайда шағымдар түсіру қызметі іске қосылған.

Қазақстан мен Германия президенттері БАҚ өкілдері үшін бірлескен мәлімдеме жасау кезінде Қасым-Жомарт Тоқаев Украинадағы жағдайға қатысты Қазақстанның ұстанымын тағы да нақтылап өтті.

Оның айтуынша, Қазақстан БҰҰ Жарғысын қатаң сақтауы керек.

«Мен бұл күрделі мәселеге қатысты ұстанымымызды айқындадым. Біріншіден, біз БҰҰ Жарғысын қатаң сақтауымыз керек. Әрине, Біріккен Ұлттар Ұйымын әлемде теңдесі жоқ әрі әмбебап ұйым ретінде қолдауға тиіспіз», деді Қасым-Жомарт Тоқаев.

Сонымен қатар, ол Қазақстан Қытай және өзге мемлекеттердің бейбіт бастамасын қолдауы тиіс екенін айтты. Бұған қоса Ресеймен Қазақстанның стратегиялық серіктес екенін атап өтіп, Ресеймен тығыз байланысты сақтауы қажет екенін...

Фото: kursiv.media

Қазақстанның мемлекеттік қарызы ЖІӨ шаққанда 25 пайыздан төмен деңгейде қалыптасқан. Бұл жайлы Премьер-Министрінің орынбасары-Қаржы министрі Ерұлан Жамаубаев ҚР Парламенті палаталарының бірлескен отырысында мәлімдеді.

Қаржы министрі 2022 жылы республикалық бюджеттің көрсеткіштері біршама жақсарғанын айтты.

«Өткен жылы пандемиядан кейін экономиканың біршама жанадануы байқалды. Жалпы ішкі өнім 3.3 пайызға өсті. Көптеген негізгі салаларда оң нәтижеге қол жеткізілді. Өңдеу өнеркәсібі – 3.3%, құрылыс саласы – 9.4 пайыз, көлік – 3.9 пайыз, мал шарушылығы – 9,1 пайызға өсті. Негізгі капиталға салынған инвестициялар көлемі 7.9 пайызға ұғайды. Республикалық бюджеттің негізгі параметрлері атқарылды. Түсімдер 102 % атқарылып, 16.1 трлн теңге...

Бүгін Индустрия және инфрақұрылымдық даму министрі Марат Қарабаев Ақорда кулуарында 4 пайыздық автонесие бағдарламасы жұмысын тоқтатынын мәлімдеді. Осы ретте «Өнеркәсіпті дамыту қоры» АҚ автокредит беру бағдарламасына арналған қаражаттың нысаналы мақсаты неге өзгергенін түсіндірді. Енді қаражат тек лизингпен автобус алуға бөлінеді.

Қор мәліметінше, бағдарлама аясында осы уақытқа дейін 13335 нессие берілген.

«Қазіргі кезде автокөліктің ең сұранысқа ие түрі – автобус болып тұр, бүкіл сапардың 67 пайызы автобустарға тиесілі. Статистикаға сәйкес, елдегі автобус паркінің 45%-ы 10 жылдан бері жұмыс істеп келеді. Астана, Шымкент, Алматы, Ақтөбе, Қызылорда қалаларында қоғамдық көліктердің тозуы – 25 %, Түркістан, Қарағанды...

Денсаулық сақтау министрлігі Алматыдағы Орталық қалалық клиникалық ауруханасында емделіп жатқан АИТВ-ның оң мәртебесі бар 3 пациенттің анықталуына байланысты жүргізілген жоспарлан тыс тексеру туралы ақпарат берді.

«Тексеру барысында барлық пациенттер 2023 жылдың сәуір айында ОКҚА-ның бірнеше бөлімшелерінде медициналық көмек алғаны анықталды», делінген хабарламада.

Қазіргі уақытта осы пациенттермен байланысты болған 593 адамнан АИТВ-ға тексеру үшін материал алынды, оның 419-ында нәтиже теріс, қалған 174-і әлі сараптамадан өтіп жатыр.

Естеріңізге саламыз, 14 маусым күні Алматы қ. ЖИТС орталығының мамандары Алматы қаласының Орталық қалалық клиникалық ауруханасында (ОҚКБ) АИТВ оң мәртебесі бар үш жағдайды анықтағаны хабарланған болатын.