Жаңалықтар

Фото: shutterstock.com

14 мамырда Түркияда өткен президент сайлауының бірінші кезеңіндегі нәтиже бойынша үшінші орынға тұрақтаған үміткер Синан Оған мәлімдеме жасады. Ол алдағы 28-мамырда өтетін президент сайлауының екінші кезеңінде қазіргі мемлекет басшысы Режеп Тайип Ердоғанды қолдайтынын ресми мәлімдеді.

Синан елдегі ең ірі саяси дода президенттік сайлауға «Ата» альянсының атынан үміткер ретінде қатысып, нәтиже кезінде сайлаушылардың 5,17 пайызының қолдауыан ие болған еді. Бір қызығы кейбір сарапшылар осы «Ата» альянсына кіретін «Жеңіс» партиясының көшбасшысы Умут Оздағты сайлау кезінде екінші орынға табан тіреген, екінші кезеңдегі Ердоғанның негізгі қарсыласы болатын Кемал Кылычтароғлұны қолдауы мүмкін деген пікір айтады. Жергілікті ақпарат құралдарының жазуынша екі саясаткер бүгін...

Батыс Қазақстан облысында Life is good және Hermes қаржы пирамидаларына қатысты тергеу жүріп жатыр. Олар салымшыларына 24-54 пайыз аралығында табыс уәде етіп, 120 млн теңге жинап алған. ҚМА аумақтық Депаратменті қаржы пирамидасын ұйымдастырды деген күдікке ілінген тұлғаларға қатысты қылмыстық іс ашқан.

«Инвестициялық» деген ат жамылып, миллондаған қаржы тартқан азамат ұсталып, сот санкциясымен 2 ай мерзімге қамауға алынған. Сотқа дейінгі тергеп-тексеру жалғасуда.

Кеше Қаржы мониторингі агенттігі қаржы пирамидасы ретінде әрекет етеді деген күдікке ілінген, сондай-ақ сот үкімі шыққан ұйымдардың тізімін жариялады. Тізімге кірген 22 ұйым арасында жарнамасы жер жарған Chia Tai Tianqing, Q-net, Incruises, QazHome бар.

Үкімет Көкшетау қаласын қысқы мерзімге дайындауға көшті. Өңірлік жылу электр орталықтары мен басқа да жылу көздерін алдағы қысқа дайындау мақсатында Көкшетау қаласындағы қазандықтарды жөндеу жұмыстарына 1,9 млрд теңгеден астам қаражат бөлді, деп хабарлайды Primeminister.kz.

Бұл қаражат қаланың өз резервінен бөлінген және оған шаһардағы тозған екі қазандықты жөндеу жоспарланып отыр. Қазандықтардың бірі 1977 жылы салынған, екіншісі 1998 жылдан бері қаланы жылумен қамтамасыз етіп келеді. Бұл нысандардың түтін мұржалары, қазандық қондырғылары, газ құбырлары мен ауа жылытқыштары жөндеуден өтеді.

«Нәтижесінде 2023-2024 жылдардағы және одан кейінгі жылыту маусымы іркіліссіз өтуі қажет. Бүгінде жаңа кәсіпорындардың іске қосылуы мен жалпы...

Фото: Ақжігіт Әділбеков

Алматы әуежайында жер асты көлік тұрағы болмайды. Оның орнына лаунж-аймақ салынады. Бұл туралы TAV Construction Co атқару комитетінің мүшесі Джимхур Каур мәлімдеді.

Жалпы, 2024 жылдың жазынан бастап Алматы әуежайында жаңа халықаралық терминал пайдалануға берілмек. Жаңа терминалдың арқасында жолаушылар ағыны 2 есе артады деп жоспарланып отыр. Еуразиялық даму банкінің (ЕАДБ) ұйымдастыруымен, жаңа терминал құрылысы аймағында өткен әуежай басшылары мен журналистердің кездесуінде Джимхур Каур, алдағы қыста климаттық ахуал тосын жағдайлар тудырмаса, құрылыс белгіленген мерзімнен ерте аяқталуы да мүмкін екенін жеткізді. Қазіргі уақытта жоба 59,16 пайызға аяқталып тұр екен. Жобаның жалпы құны 737 млн доллар болса, соны...

Сингапурдың «Indorama Corporation Pte» компаниясы Жамбыл облысы аумағында фосфорлы тыңайтқыштар шығаратын зауыт салу жобасын іске асырады. Жоба құны – 250 миллион АҚШ доллары. Жобалық қуаты – 150 000 тонна түйіршікті суперфосфат өндіру. Бұл туралы облыс әкімдігінің баспасөз қызметінен хабарлады.

Қазақстан-Сингапур бизнес-форумы аясында Жамбыл облысының әкімі Нұржан Нұржігітов пен «Indorama Corporation Pte» компаниясының өкілі өзара ынтымақтастық туралы Меморандумға қол қойды.

Зауыт жобасын іске асыру аясында 800 жұмыс орны құрылады деп күтілуде. Айта кету керек, «Indorama» компаниясының әлемнің 37 елінде 150-ден астам өндірістік алаңы бар десек, оның ішінде 8 елде 10 тыңайтқыш зауыты жұмыс істейді.

Үндістан премьер-министрі Нарендра Моди G7 отырысында сөйлеген сөзінде БҰҰ бұдан былай қақтығыстардың алдын ала алмайтынын айтып, оны реформалауға шақырды. Бұл туралы үнділік The Economic Times басылымы хабарлады.

«БҰҰ бүгінгі күннің шындығын көрсетпейді. ХХ ғасырда құрылған ұйымдар ХХІ ғасырдың шындығын көрсетпейді. Сондықтан БҰҰ сияқты ірі институттарды реформалау қажет», – деді ол.

Моде сонымен қатар  БҰҰ мен оның Қауіпсіздік кеңесі қазіргі әлемнің шындығын көрсетпейді және «Жаһандық оңтүстікке» құлақ аспай, тек «сөйлеуші» ретінде қалып отыр дейді.

«Әртүрлі форумдарда бейбітшілік пен тұрақтылық туралы не үшін айтуымыз керек екенін талдауымыз қажет. Бейбітшілікті сақтау мақсатында құрылған...

Астанада бұрынғы мәдениет және спорт министрі Арыстанбек Мұхамедиұлы және өзге де лауазымды тұлғаларға қатысты сот процесі жалғасып жатыр. 22 мамырда өткен сот отырысында сотқа куәгер ретінде бұрынғы мәдениет және спорт министрі Ақтоты Райымқұлова мен Қазақстанның Үндістандағы елшісі болған Ерлан Әлімбаев қатысты, деп хабарлайды Kursiv.kz тілшісі.
Отырыс барысында Арыстанбек Мұхамедиұлының адвокаты Райымқұловадан Ұлттық музей директорының кінәлі екенін дәлелдің бар-жоғын сұрады.
«Сізде Мұхамедиұлының бюджет қаражатын иемденгені туралы дәлел бар ма?», деп сұрады адвокат.
Ақтоты Райымқұлова бұл сұрақ өзіне қойылмауы қажет екенін айтты.

«Менде мұндай ақпарат жоқ. Бұл ақпараттың рас-өтірігін анықтау басқа органның міндеті. Алайда кез келген жоспар мен іс-шараларды жүзеге асыру...

Зорлық-зомбылығы үшін халықаралық іздеуде жүрген Германия азаматы Астанада ұсталды. Бұл туралы ҚР ІІМ баспасөз қызметі хабарлады.

Көліктегі полиция департаменті экстремизмге қарсы іс-қимыл басқармасының қызметкерлері Астана қаласында жүргізілген жедел-іздестіру іс-шаралары барысында 2019 жылдан бері халықаралық іздеуде жүрген 1960 жылы туған Германия азаматын ұстады.

Қылмыскер Германияның ҚК 177-бабында көзделген қылмыс жасағаны үшін іздеуде болған.

Ол Астана ПД-ның УҰИ-ға қамалды.

Сауда-саттық қорытындысы бойынша, 19 мамырда теңгенің нарықтық бағамы бір аптада 0,5%-ға (445,99 теңгеден) әлсіреп, 1 АҚШ доллары 448,31 теңге болды. Бұл туралы Ұлттық Банк баспасөз қызметі хабарлады.

2023 жылғы  12-19 мамыр аралығында сыртқы валюта нарығында бірқатар маңызды оқиға болды. Мәселен, АҚШ мемлекеттік борышының шекті деңгейіне қатысты келіссөздерде келісімге келуді күту аясында АҚШ долларының нығайғаны сезілді. АҚШ долларының DXY индексі жеті апталық ең жоғары көрсеткішке жетіп, қаралып отырған кезеңде 0,5%-ға (102,7-ден 103,2-ге дейін) нығайды. Жұмыссыздық бойынша жәрдемақы алуға арналған алғашқы өтінімдер (251 мың өтінім болжамында 242 мың өтінім) сияқты АҚШ-тың қуатты деректерінің шығуы, одан қалды, сәуірде Филадельфия ФРЖ өндірістік белсенділік...

Биылғы ҰБТ бойынша бейнежазбаларға 31 қазанға дейін талдау жасалады. Ұлттық тестілеу орталығының директоры Руслан Емелбаев биылғы ҰБТ-ға қатысты түсініктеме берді. Бұл туралы ҚазАқпарат хабарлады.

«2023 жылғы ҰБТ аяқталғаннан кейін, 31 қазанға дейін тестіге қатысты бейнежазбаларға талдау жасалып, түсірілген видео тексеріледі. Тыйым салынған заттарды пайдалану немесе ереже талаптарын орындамау фактілері анықталған жағдайда, бұл талапкерлердің ҰБТ-ға қатысты нәтижелері жойылады», – деді Руслан Емелбаев.

Оның сөзіне қарағанда, тест тапсырғаннан кейін 30 минут ішінде апелляцияға өтініш беру мүмкіндігі бар. Сертификатты апелляциялық комиссияның шешімінен кейін талапкердің жеке кабинетінен алуға болады.

Фото: kursiv.media

Энергетика министрлігі  Цифрлық майнерлерге электр желілеріне қосылу талаптарын бекітті.               

Құжатқа сәйкес Цифрлық майнерлерді электрмен жабдықтау Қазақстан Республикасының азаматтық заңнамасында жасалған шарттарға сәйкес электр энергиясының көтерме сауда нарығында жүзеге асырылады.

Майнерлер электр энергиясын сатып алу-сату шартымен айқындалған электр тұтыну режимдерін сақтай отырып, тұтынады. Сонымен бірге Қазақстан Республикасының электр энергетикасы саласындағы заңнамасына сәйкес тәртіп бойынша тұтынушының меншігіндегі электр және энергия құрылғылары мен коммерциялық есепке алу аспаптарының тиісті техникалық жай-күйін тексеріп отырады және оған қойылатын талаптарды орындауы тиіс.

Майнинг арқылы ақша тапқысы келетіндер жүйелік оператордың және энергия беруші ұйымның жедел-ақпараттық кешенімен біріздендірілген уәкілетті диспетчерлік орталыққа қосылған телеметриялық ақпаратты жинау...

Құмар ойындарға тәуелділікке қатысты Қазақстанда ешқандай статистика жүргізілмейді. Сондықтан Алматыда құмар ойындарға тәуелділік мәселесін зерттеу басталады. Бұл туралы Алматы қаласы Өңірлік коммуникациялар қызметінің алаңында «Хақ Назар» қорының төрағасы Нұржан Жақыпов мәлім етті.

Оның айтуынша, зерттеу жыл соңына дейін аяқтаталмақ.

«Онда елдегі лудомандар санын, олардың психотипін, ең бастысы аурудың себептерін көргіміз келеді. Бізде бұл мәселені шешудің нақты жолдары, соған сәйкес ұсыныстар да бар», – деп атап өтті спикер.

Қоғам белсендісінің айтуынша, құмар ойындарға тәуелділік әлеуметтік қана емес, экономикалық салдары да бар мәселе. Оның зардабы көп жағдайда лудомандардың жақындарына тиеді. Мысалы, ата-анасы, жұбайы, туыстары қарызды...

ЕО Украинаны әскери тұрғыда қолдауды жалғастырады. ЕО осы мақсатта еуропалық әскери өнеркәсіптің өндірістік қуатын арттырады. Бұл туралы Франция СІМ басшысы Катрин Колонна хабарлады.

«Мен Еуропалық өндірістік қуаттылықты арттыруға мүмкіндік беретін пакеттің (әскери көмек) үшінші компонентін айтып отырмын. Яғни, Украинаға оқ-дәрі жеткізуге қабілетті болу үшін біз өнеркәсіпті күшейтеміз. Мұны тез арада жасау қажет», – деді француз министрі.

Оның айтуынша, бүгінде Украинаның қажеттіліктері негізінен оқ-дәрілер, броньды машиналар, танктер болып табылады.

«Біз уәдемізді орындаймыз», – деді Францияның Сыртқы істер министрі.

Фото: kursiv.media

Meta компаниясына ЕуроОдақ тұтынушылары туралы ақпаратты АҚШ-қа тасымалдағаны үшін рекордық көлемде айыппұл салынды. Айыппұл көлемі 1,3 миллиард долларды құрайды, деп жазады Ведомости басылымы The Wall Street Journal басылымына сілтеме жасап.

Бұл сот ісіне Австрияда тұтынушылардың құпиялылығы үшін күресіп жүрген қоғам белсендісі Макс Шремстің шағымы негіз болған. Ол өз зерттеулерінде ЕуроОдақ азаматтарының деректерін АҚШ-қа беру пайдаланушыларды Америка бақылауынан қорғамайтынын айтқан. Ал Ирландияның Деректерді қорғау жөніндегі комиссиясы (DPC) Metaның «Деректерді қорғаудың жалпы ережесін» бұзғанын мәлімдеді.

Комиссия Меtаға «бес ай бойы Америка Құрама Штаттарына жеке деректерді беруді тоқтатуды» міндеттеді. Алайда Меtа комиссия шешімімен келіспейді.

Индонезия Президенті Джоко Видодо G7 басшыларын қақтығыстарды тоқтату және бүкіл әлемде бейбітшілік орнату үшін ревалюция жасауға шақырды, деп хабарлайды Индонезия агенттігі ANTARA.

«Көшбасшылар ретінде біз осы әлемге өзгеріс енгізу және барлық қақтығыстарды тоқтату үшін үлкен төңкеріс жасауға дайын болуымыз керек. Әлемдегі болып жатқан қақтығыстар тек адам шығынына әкеледі. Барлық тараптар бүкіл әлемде бейбітшілікті, тұрақтылықты және өркендеуді қалайды. Бірақ қазіргі жағдай бұған сәйкес келмейді», – деді Индонезия Президенті.

«Қақтығыстарды шешуде біз айтарлықтай прогресс көрсеткен жоқпыз. Бірге өзгеріс жасайық», – деп қорытындылады Видодо.

G7 саммиті 19-21 мамырда жапон Хиросимасында өтті.

Айта...

Фото: kursiv.media

Қырғызстанның әскери прокуратурасы қазақ генералы Серік Күдебаевты шекарадан заңсыз өткізу ісін тергеп жатыр. Бұл туралы құқық қорғау орындарындағы өз дереккөзіне сілтеме жасай отырып 24.kg сайты хабарлайды.

Алматы облысы ІІД бұрынғы басшысы қазақ-қырғыз шекарасын заңсыз кесіп өткені айтылады. Әлі де нақтылауды қажет ететін ақпарат бойынша, кеден бекеттерінің бірінде Шекара қызметінің сарбазы Күдебаевтың Қырғызстанға өтуін заңдастырып берген.

«Кейін Серік Күдебаев «Манас» әуежайы арқылы Түркияға ұшты. Әскери прокуратура шекараны заңсыз кесу фактісі бойынша қылмыстық іс қозғады. Қазір бұл іске қатысты 4 адам бар. Олар Бішкектегі СИЗО-1 мекемесінде отыр. Алдын ала мәлімет бойынша, сотталушылардың бір...

Фото: kursiv.mediа

Әскери мақсатқа пайдаланылатын дрондардың Қазақстан арқылы Ресеге тасымалдануына қатысты Сауда және интеграция вице-министрі Қайрат Төребаев журналистер сауалына нақты жауап бере алмады деп жазады Lsm.kz.

«Бұл қызықты ақпарат, бірақ оны Қаржы министрлігіне жолдау керек. Өйткені, экспорт пен импорт жасайтын кәсіпорындарды тіркейтін солар. Менде ешқандай ақпарат жоқ. Ал біздің тарапымыздан, компаниялар абайсызда заңды шектеулерді бұзбауы үшін, санкциялар пакетін толығымен қазақ және орыс тілдеріне аударып, сайтқа салып қойдық», деді вице-министр.

Бұған дейін БАҚ-да Ресейдің тәуелсіз журналистері Ресейге Қазақстан арқылы тасымалданатын соғысқа қатысы бар электрондық тауарлар тізбегін және оны кімнің, қандай көлемде тасымалдайтынын анықтағаны жарияланған еді.

Маусым айының соңына қарай Қытайда COVID-19-дың жаңа толқыны басталып, аптасына шамамен 65 миллион адам инфекция жұқтыруы мүмкін. Елде XBB штаммына қарсы вакцина енгізілмек.

«XBB салдарынан сәуір айынан бері Қытайда инфекция жұқтырғандар көбейгені байқалды. Мамыр айының соңына қарай аптасына 40 миллион кісі инфекция жұқтырса, ал маусымда бұл көрсеткіш 65 миллионға жетеді», – деп хабарлайды жергілікті Paper басылымы.

Бұл туралы респираторлық аурулар жөніндегі маман Чжун Наншанның биотехнологиялық конференциядағы баяндамасына айтылған.

Қытай сонымен қатар ХВВ-ға қарсы жаңа вакцина шығаруға дайындалып жатыр. Чжун Наншан екі дәріге алдын ала рұқсат берілгенін айтты.

Қытай билігі 2020 жылдан бер...

Үкімет екінші деңгейлі банктерге 2024 жылдың 1-қаңтарына дейін Қазақстаннан қолма-қол Ресей рублін әкетуге рұқсат беруді көздеп отыр. «Қазақстан Республикасының қаржылық тұрақтылығын қамтамасыз етудің кейбір мәселелері туралы» Қазақстан Республикасы Үкіметінің қаулы жобасы Ашық НҚА порталында жария талқылауға шығарылды.

Қаулы жобасында атап өтілгендей:

Екінші деңгейдегі банктердің қолма-қол ақшасыз нысанға айырбастау және шетелдік банктердегі өздерінің корреспонденттік шоттарын толықтыру үшін қолма-қол Ресей рублін Қазақстан Республикасынан әкете алады,.

Жобаға сәйкес:

Фото: kursiv.media

Жапонияның Хиросима қаласында «Үлкен жетіліктің» кездесуі өтті. Кездесуде Украинаны қолдау жалғаса түсетіні, ал Ресейге қатысты қысым артатыны мәлім болды. Алайда бұл кездесу Қытайға ұнамады.

Санкция күшейеді, Укаринаға көмек жалғасады

Ұлыбритания енгізген санкцияларға қосымша, G7 елдері де Ресейге бағытталған қысымды көбейтуге келісті. Атап айтқанда, ЕуроОдақ Ресей алмаздарымен есеп айырысуға шектеу қойды. Сонымен бірге осы елдердегі Ресей активтері соғыс аяқталмайынша бұғаттан шығарылмайтыны айтылды.

«Біз ЕуроОдақпен бірге Украинаға көбірек қару-жарақ, көп оқ-дәрі беруді және оны тездетіп жеткізу мәселесін қарастырып жатырмыз. Бұл өте маңызды. Біз әрдайым Украина жағында боламыз және соңына дейін осы ұстанымнан таймаймыз», дед...

Kcell 18 мамырда өткен акционерлердің жылдық жалпы жиналысының шешімдері туралы Қазақстан қор биржасына хабарлады.

Ақпаратқа сәйкес, «Kcell» АҚ акционерлері 2022 жылға жай акциялар бойынша дивидендтер төлемеу туралы шешім қабылдаған.

Акционерлер компанияның 2022 жылғы аудиттелген жеке және шоғырландырылған қаржылық есептерін бекітті. Сонымен қатар:

«Кселл» АҚ-ның 2022 қаржылық жылындағы таза табысы бөлінбесін және «Кселл» АҚ жай акциялары бойынша дивидендтер төленбесін. Шешім қарапайым көпшілік дауыспен қабылданды», делінген компанияның KASE-ге жолдаған ақпаратында.

Бұған дейін, Kcell 5G жиілігін сатып алуды аяқтағаны хабарланған болатын. Қазақстан қор биржасының ақпаратына сәйкес, Kcell акцияларының 51%-ы «Қазақтелеком» иелігінде...

Сингапур Президенті Халима Якобтың Қазақстанға мемлекеттік сапары барысында маңызды 4 келісімге қол қойылды. Бұл туралы Ақорда хабарлайды.

Қасым-Жомарт Тоқаев пен Халима Якоб келіссөз жүргізіп, тараптар Қазақстан мен Сингапур қатынастарының қазіргі жай-күйі мен перспективасын жан-жақты талқылаған.

«Сингапур Президентінің Орталық Азия елдерінің арасында ең әуелі Қазақстанға келуі – біз үшін зор мәртебе. Сіздің Қазақстанға сапарыңыз – тарихи оқиға. Бұл сапар біздің өзара тиімді ынтымақтастығымыздың жаңа кезеңіне жол ашатынына сенімдімін. Қазақстан Сингапурмен арадағы қарым-қатынасты одан әрі нығайта түсуге ниетті», деді Мемлекет басшысы.

Өз кезегінде Халима Якоб бұл Қазақстанға, жалпы Орталық Азияға алғашқы сапары екен...

Costco, Nvidia және Zoom осы аптаның ішінде қаржы нәтижелерін бөліспек. Инвесторлардың назары АҚШ-тың экономикалық талдау бюросы (BEA) Жалпы ішкі өнім (ЖІӨ) өсіміне берген бағасында, Федералдық сақтық қор жүйесі мәжілісінің хаттамасында және инфляция туралы ақпаратта болмақ. Бұл туралы Barron’s хабарлайды. 

Мамырдың 22-сі, дүйсенбі күні тоқсандық нәтижелерін Zoom Video Communications жарияламақ. Инвестор күнін JPMorgan Chase өткізеді. 

24 мамыр, сәрсенбі күні, микрочип өндіруші Nvidia тоқсандық нәтижесін жариялайды. Компания құнды қағаздарының бағасы осы жылдан бастап 114%-ға ұлғайды. Сонымен қатар, осы күні Федералдық сақтық қор жүйесі мәжілісінің хаттамасы шығады. 

Мамырдың 25-сі, бейсенбі күні Costco Wholesale, Dollar Tree, Canadian Imperial Bank of Commerce, Royal Bank of...

2023 жылдың I тоқсанында шағын және орта бизнес тарапынан несиеге деген төмендеуін жалғастырды. Ал ірі бизнестің сұранысы алдыңғы тоқсандағыдай қалған. ҰБ екінші деңгейлі банктер арасында жүргізілген сауалнама қорытындысын жариялады.

«Алдыңғы тоқсандағыдай, ШОБ тарапынан сұраныс индексінің төмендеуі несие құнының қымбаттығына байланысты. Бұдан бөлек, ірі банктер атап өткендей, мемлекеттік бағдарлама бойынша қаржыландырудың уақытша тоқтатылуы да өз әсерін тигізді», дейді Қазақстан Ұлттық Банкі Қаржылық тұрақтылық және зерттеулер департаментінің директоры Олжас Кубенбаев.

Кейбір банктерде скорингтік модельдер негізінде ШОБ үшін кепілсіз кредиттік өнімдер бойынша кредиттік өтінімдер саны өсуін тоқтатқан жоқ. Нәтижесінде ШОБ-тың кредиттік өтінімдерінің жалпы саны, тиісінше...