Жаңалықтар

Ауылда тұрған жақсы ма, қала дұрыс па? Мұхиттың арғы жағындағы америкалықтар да мегаполистерден қашып, жанға тыныш жайлы жер іздеп жатыр. Себеп сол –  тамақ қымбат, салық бар, коммуналдық төлемақы да халықты ығыр қылған,-деп хабарлайды 24.kz сайты.

Осындай қымбатшылық француздарды да шаршатты. Бұл елде үйсіз-күйсіз жүргендер көбейді. Нақтыласақ 4 миллион адам баспанаға мұқтаж.  Америка халқы қаладан қашып, жайлы өмірді ауылды жерден іздеуге көшті. Өйткені алып мегаполистерде күн көру қиын. Қымбатшылық емін-еркін өмір сүруге мұрша бермейді. Ұлттық риелторлар қауымдастығының дерегіне сәйкес, былтыр елдің 25 штатынан азаматтардың жаппай қоныс аударуы байқалған. Мәселен, қалталылар қаласына айналған Нью-Йорктен өткен жылы 300 мың адам...

Мұндай өңдейтін шағын зауыттардың өкілдері өндірілген өнімді экспорттауға тыйым салудың орындылығы туралы мәселе көтерді. Шектеу зауыттар қызметін тоқтып, барлау, көлік және сервистік кәсіпорындар сатысында тәуелсіз және шағын мұнай өндіруші ұйымдардың шаруашылық қызметіне әсер етуі мүмкін-деп, хабарлайды «АТАМЕКЕН» ҰКП Қоғаммен байланыс департаменті директорының орынбасары Назерке Бастами.

Тыйым салынғаннан кейін бюджетке мұнай өндеуші шағын зауыттардан түсетін салық көлемі азаюы мүмкін. Орта есеппен алғанда, 2021 жылы экспорттық кедендік баждарды төлеуден түскен түсім 10 млрд теңгені құрады. Бұл кәсіпорындарда 1000-нан астам адам жұмыс істейді. Сондай-ақ, шектеу зауыттың резервуар паркінде сақтаудағы дайын өнімнің артық жиналуына әкеп соғады.

 «Мұнай өңдейтін шағын зауыттарда дизель...

Мемлекет басшысы SCAT әуе компаниясының президенті Владимир Денисовті қабылдап, ол әуе компаниясының былтыр атқарған жұмыстарының негізгі нәтижесі, сондай-ақ алдағы кезеңге арналған даму жоспары туралы баяндады.

Мемлекет басшысына 2030 жылға дейін компанияның әуе кемелері паркі мен бағыт желілерін кеңейту жөнінде мәлімет берілген.

Бұдан бөлек, Президентке Шымкент әуежайындағы аэровокзал кешені құрылысының барысы және авиациялық хабты дамыту шаралары туралы ақпарат берілді.

«Мемлекет басшысы Шымкенттегі авиациялық хабтың құрылысын аяқтаудың, авиациялық тасымалдау саласының өңірдегі бәсекеге қабілеттілігін қамтамасыз етудің және көрсетілетін қызметтердің сапасын арттырудың маңыздылығына назар аударды», делінген хабарлама.

Үкімет баспасөз қызметінің хабарлауынша, Премьер-Министрі Әлихан Смайыловтың төрағалығымен өткен кеңесте Агроөнеркәсіп кешенін дамыту түжырымдамасының жобасы қаралған.

Құжат алдағы жылдары отандық агроөнеркәсіптік кешені саласына әсер ететін жаһандық сын-қатерлер мен әлемдік трендтер, сондай-ақ бизнес пен сарапшылардың ұсыныстары ескеріле отырып әзірленген.

Тұжырымдаманың негізгі міндеттері:

Атап айтқанда, тұқым сатып алуды субсидиялау және тұқым шаруашылықтарын жаңғырту есебінен бидай өнімділігін 20 ц/га дейін арттыру жөнінде шаралар қабылданады. Суармалы...

«Өнеркәсіпті дамыту қоры» АҚ («Қазақстанның Даму Банкі» АҚ еншілес ұйымы) ағымдағы жылдың 6 ақпанында Жеңілдетілген автонесиелеу бағдарламасы бойынша өтінімдерді қабылдау үшін пилоттық платформаны іске қосады, -деп хабарлайды аталмыш қордың баспасөз қызметі.

Өтінімдерді қабылдау Астана уақыты бойынша сағат 10.00-де www.autonesie.kz ресми сайтында іске қосылады. Өтінім беру үшін өтініш берушінің қол астында компьютері, электрондық-цифрлық қолтаңбасы (ЭЦҚ), интернеті болуы қажет, сондай-ақ автоөндірушілерді алдын ала таңдауы шарт. Платформада тек Қазақстан Республикасының аумағында тіркелуге болады.

Сайтта өтінім берген кезде өтініш берушінің деректері автоматты түрде ЭЦҚ арқылы қалыптасады. Өтініш беруші міндетті түрде тек телефон нөмірін енгізіп, автоөндірушіні таңдап, өтінімге қол қоюы керек. Өтінімнің тіркелу фактісін Өтініш...

Арам пиғылдылар өздерін мемлекеттік орган қызметкерлері ретінде таныстырады. Осыған байланысты Өңірлік коммуникациялар қызметі алаңында Алматы қаласы Әділет департаменті өкілдерінің қатысуымен шұғыл брифинг өткізілді. 

Алаяқтардың қалай алдап-арбайтынын атқару өндірісін қамтамасыз ету жөніндегі бөлім басшысы Әнуар Жексеков  айтып берді.

«Алаяқтар біздің азаматтарымызға телефон соғып, өздерін әділет департаментінің қызметкерлері ретінде таныстырып, алдау және сендіру жолымен азаматтарымыздың қаржыларын сыпырып алады. Арам пиғылды алаяқтар жалған өнімді интернет, әлеуметтік желілер арқылы жоғары бағамен сату схемасы арқылы жасайды. Ал, алданған тұрғындармен келісім жасалғаннан кейін, барлық телефондарды өшіреді. Әрі қарай, алаяқтар жәбірленушілерге өздерін Әділет департаментінің қызметкерлері ретінде таныстырып, телефон шалады, алаяқтардың ұсталғаны туралы хабарлайды, жалған куәліктер береді және...

Дүниежүзілік  алтын кеңесі (WGC) 2022 жылы соңғы он жылдықтарда алтынға деген сұраныстың шамадан тыс артқанын мәлімдеді.  Бұл туралы gold.org сайты арнайы сараптама жазды.

Алтынға деген жылдық сұраныс 4,7 мың тоннаға дейін жетіп, ол 18%  пайызды құрады. 2011 жылдың деңгейімен есептесек, бұл инвестициялық сұраныстың жоғары болуымен ерекшеленді. Әсіресе,  2022 жылдың соңғы айларында алтынға деген сұраныстың жоғарылағаны сонша, оның көлемі   1,3 мың тоннаны құрады.   Бұл бүкіл жылдық  жиынтығының рекордттық көрсеткіші болды.

Дегенмен, 2022 жылы алтыннан жасалған зергерлік бұйымдарға деген сұраныс  3% -ға төмендеп, ол 2,1 тоннаны құраған еді. Алайда, құймаларға деген сұраныстың артуына  Орталық  банктер өз үлестерін қосты. Орталық банктерд...

XXI ғасырдың басынан 2019 жылға дейін жаһандық парниктік газ (ПГ) шығарындылары негізінен CO2 шығарындыларының артуына байланысты, мысалы, Қытайда және басқа да дамушы және дамыған экономикаларда біртіндеп өсті. Нәтижесінде атмосферадағы парниктік газ концентрациясы айтарлықтай көбейіп, табиғи парниктік әсерді арттырды. Бұл жердегі тіршілікке теріс әсер етеді.

2020 жылы қазбалы отынның жаһандық CO2 шығарындылары 2019 жылмен салыстырғанда, негізінен, COVID-19 пандемиясына байланысты 5,3% төмендеді. Алайда, 2021 жылы бұл көрсеткіш шамамен 2019 жылғы деңгейге дейін төмендеп, 37,9 гигатоннаға жетті, 2019 жылмен салыстырғанда небәрі 0,36% аз, яғни өте аз үзілістен кейін CO2 шығарындыларынан әлем «коронадағдарысқа» дейінгі деңгейге қайта оралды.

БҰҰ-ның Климаттың өзгеруі туралы негіздемелік конвенциясын ескере...

Заречный-2 ауылындағы үйлердің бірінде ұрлық жасалды. Белгісіз адам үйге кіріп, жатын бөлмеден 340 мың теңге, екі ноутбук, күзен тон және алтын алқаны ұрлап кеткен. Бұл туралы polisia.kz сайты хабарлады.

Көп ұзамай полицейлер жәбірленушінің 35 жастағы жүргізушісін ұстады. Күдікті өз ісін мойындады және ұрланған заттарды ломбардқа өткізіп жібергенін айтты. Заттай дәлелдемелер тәркіленді.

ҚР ҚК-нің 188-бабы 3-бөлігі «Ұрлық» бойынша сотқа дейінгі тергеу жүргізіліп жатыр.

2023 жылдың басынан бері 9,8 мың азамат, оның ішінде 1,4 мыңға жуығы жұмыссыз, SKILLS.ENBEK.KZ онлайн кәсіптік оқыту платформасында (бұдан әрі – Платформа) курстардан өткені туралы сертификаттар алды. Платформада жалпы 207,9 мың қазақстандық тіркелді, оның 15,4 мыңы 2023 жылы тіркелген. Бұл туралы ҚР Еңбекмин хабарлады.

Оқудан өткен 1,5 мың жұмыссыз азаматтың 300-і – негізінен Ақтөбе, Алматы, Қызылорда, Түркістан облыстары мен Алматы қаласының жастары.

Платформа іске қосылған сәттен бастап авторлар онда әртүрлі бағыт бойынша 179 курс жариялады, оның 124-і тегін. Курстардың ұзақтығы 1-ден 72 сағатқа дейін.

Ең танымал курстар – «Разведение КРС молочного направления», «Жылыжайда көкөніс өсіру технологиясы модулінің мақсаты, міндеті және...

Жобаның мақсаты – кәсіпкерлерге әртүрлі әкімшілік кедергілерді, құжаттарды ресімдеу кезінде әуре-сарсаңдарды еңсеруге көмектесу, мемлекеттік қызметшілер қабылдайтын шешімдердің мерзімдері мен ашықтығын сақтауды қамтамасыз ету. Бұл туралы Сыбайлас жемқорлыққа қарсы қызмет агенттігінің баспасөз қызметі хабарлады.

Кәсіпкерлер жерді ресімдеу, сәулет және басқа да бақылаушы органдардан рұқсат алу, коммуникацияларды қосу, сондай-ақ мемлекеттік қолдауды (кредиттер, гранттар, субсидиялар) алу кезінде кездесетін нақты проблемаларды шешумен айналысатын болады.

Өңірлерде бизнес өтініштерін қабылдау үшін арнайы алаңдар мен байланыс арналы жұмыс істеп жатыр.

Аумақтық департаменттердің басшылары Facebook парақшаларында хабарламаларды қабылдайды.

2022 жылдың 1 қаңтарындағы жағдай бойынша Қазақстандағы қарттар мен мүгедектер (ересектер) үйінде 20 733 зейнеткер тұрады.

Оның 11868-і ерлер, 8865-і әйелдер.

Үйлердің көпшілігі Шығыс Қазақстан (2787 орындық 17 үй), Қарағанды (2527 орынға арналған 11 үй) және Батыс Қазақстан облыстарында (1294 орынға арналған 11 үй) жұмыс істейді. Одан кейінгі орында Қостанай облысы (1723 орынға 9 үй). Ақмола (1218 орынға) және Алматы облыстарында (1810 орынға) 8 үйден бар. Елдің басқа аймақтарында 2-ден 6-ға дейін қарттар мен мүгедектер үйі бар.

Алматы полициясы жұртты 22 млн теңгеге сан соқтырған алаяқ әйелді ұстады, – деп хабарлайды Polisia.kz.

Аса ірі көлемде алаяқтық жасады деген күдікке ілінген БҚО-ның тумасы, 53 жастағы Р. есімді әйел ұсталды.

«25 жәбірленушіге келтірілген жалпы материалдық шығын 22 млн теңгеден асады. Күдікті ҚР ҚПК-нің 128-бабына сәйкес, ПД-ның уақытша ұстау изоляторына қамалды. Тергеудің осы кезеңінде әйелдің азаматтардың сеніміне кіріп, оларға жер телімдерін нарық бағасынан төмен бағаға сатып алуды ұсынғаны анықталды. Ол «әлеуетті клиенттерден» бастапқы жарнаны алған, оның сомасы жер телімінің орналасқан жеріне байланысты өзгеріп отырды. Әйел адам ақшаны алғаннан кейін хабарсыз кеткен. Қазіргі таңда 25 қылмыстық эпизод анықталды...

Атырауда «2021-2025 жылдарға арналған кәсіпкерлікті дамыту жөніндегі Ұлттық жоба» жоспары жүйелі жүзеге асып келеді. Құжаттың негізгі міндеттемесі – қаржылай қолдау көрсету. Соның ішінде субсидиялау, кепілдеме беру, жеңілдікпен микрокредиттеу, инфрақұрылым құрылысы және мемлекеттік гранттар беру қарастырылған. Бұл жерде субсидиялау дегеніміз – банктердің бизнесті дамытуға беретін несиелерінің сыйақы мөлшерлемесін төмендету деген сөз. Ал кепілдеме беру – банктердің несиелері бойынша кепілзат ретінде ішінара кепілдік беру болып табылады. Бұл құжатты бұған дейінгі жасап шығарылған мемлекеттік бағдарламалардың барлығын кірістіре отырып, Ұлттық экономика министрлігі әзірлеген. 

«Ұлттық жоба бойынша қолдау тапқан жобалар туралы айтар болсам, 2022 жылы жағдай бойынша бизнес субъектілеріне келесідей қаржылай қолдау көрсетілді. Былтыр Ұлттық жоба...

Қазақстан Еуропалық Одақ елдеріне органикалық өнім жеткізушілердің ондығына енді. Бірақ ішкі нарықта азық-түлік өнімдерін сертификаттау жағы көңіл көншітерлік емес. Қазақстандық техникалық регламентпен экологиялық таза немесе органикалық өнім өндіргісі келетіндер көп емес. Дәнді дақыл мен көкөністі пестицидсіз, етті антибиотиксіз өсіру қиын және қымбат.

Ал ҚР Техникалық реттеу және метрология комитетінің Ұлттық аккредиттеу орталығының сарапшылары Қазақстанда гринвошинг (ағылшынша greenwashing, whitewash деген секілді — «ағарту», кейде «жасыл камуфляж») үрдісінің кең етек тарап жатқанын мәлімдейді. Сертификатталмаған немесе органикалық екендігі дәлелденбеген болса да, компаниялар өнімдеріне Bio және Organic заттаңбасын жабыстырады.

Сыртқы нарықтарға сатуға келетін болсақ, ҚР Ауыл шаруашылығы министрлігінің мәліметінше, Қазақстан Еуропаға...

Дамыған елдер ішінде Ұлыбританияның болашағы бұлыңғыр. Бұл туралы 24.kz сайты хабарлады

Халықаралық валюта қорының болжамы осындай. Жыл соңына дейін елде өндіріс көлемі 0,6 процентке қысқаруы мүмкін. Салық та айтарлықай өскен. Энергия көздерінің де бағасы шарықтап тұр. Инфляцияға байланысты Ұлыбританияда ереуілдер толастар емес.

Бұл туралы Өңірлік коммуникациялар қызметінің брифингі барысында «Алматы су» МКК бас директоры Ілияс Қазиев хабарлады. Атап өтетіні, кәсіпорын тек Алматы қаласын ғана емес, мегаполиске іргелес елді мекендерді де сумен және кәріз жүйесімен қамтамасыз етеді.

 Ілияс Қазиевтің айтуынша, өткен жылы сумен жабдықтау және кәріз жүйесін жаңғырту және дамыту шаралары жалғасты. Жұмыс бірнеше бағытта жүргізілді, ең алдымен, бұл нысандарды, желілерді және жабдықтарды қыс мауысымында пайдалануға дайындау, сондай-ақ желілердегі апатты жағдайларды азайтуға және су ысырабын азайтуға бағытталған шаралар болды.

 «Жазғы жөндеу науқанында кәсіпорынның жеке қаражаты есебінен жалпы көлемі 103 550 м3 39 таза су резервуары жуылып, тазаланды, 1,5 мың құдық, 1,9 мың вентиль...

Аталған жоба аясында жыл аяғына дейін 300-ге жуық жас жұмыспен қамтылады деп күтілеуде. Бұл туралы облыстық Жұмыспен қамтуды үйлестіру және әлеуметтік бағдарламалар басқармасының басшысы Азамат Мәмбетов мәлім етті, деп хабарлайды Атырау облыстық Өңірлік коммуникациялар қызметі. 

– Жастарды қолдау бағытында «Жастар практикасы» және «Алғашқы жұмыс орны» жобаларына қатысу кезеңі ұзартылып, еңбек ақылары да ұлғайтылды. Бұрын жастар практикасына жолданған жастардың еңбек ақысы 25 айлық есептік көрсеткіш мөлшерінде белгіленсе, қазір 30 айлық көрсеткішке дейін өсті, жұмыс мерзімі 6 айдан 1 жылға дейін. Алғашқы жұмыс орны жобасына қатысу кезеңінің ұзақтығы 1 жылдан 18 айға дейін, еңбекке төленетін ақы мөлшері 20 АЕК-тен 30 АЕК-ке дейін...

ҚР Индустрия және инфрақұрылымдық даму министрлігі машина жасау саласын дамыту бойынша кешенді жоспар әзірлеп жатыр. Осыған байланысты Индустриялық даму комитетінде автомобиль және ауыл шаруашылығы машина жасау кәсіпорындары өкілдерінің қатысуымен жиын өтті,- деп хабарлайды ҚР ИИДМ баспасөз қызметі.

Қазіргі уақытта кешенді жоспарды әзірлеу шеңберінде саланың қазіргі жай-күйіне талдау жүргізіліп, түйткілді мәселелерді анықтау және оларды шешу жолдары қарастырылуда. Жиын барысында, әсіресе, саладағы кадр тапшылығы мәселесіне ерекше назар аударылды.

«Кадрлық әлеует – кез келген кәсіпорынның жоғары табысының маңызды факторы. Кадрлардың кәсіби даярлығы өнім өндірісін кеңейтуге ықпал етіп, ішкі және сыртқы нарықтарда бәсекеге қабілеттілігін қамтамасыз етеді. Бүгінде отандық машина жасау өнеркәсібі жоғары білікті кадрлардың тапшылығы...

2025 жылға қарай 5G пайдаланушылар қазіргіден үш еседен артық көбейеді

Бүгінгі таңда интернеттің адамзат үшін маңызы өлшеусіз. Қазақстанның телекоммуникация саласының маңызды міндеттерінің бірі 5G ұялы байланысының бесінші буынын енгізу.

Ескерту: көптеген елдерде 5G-ді енгізу қарқынды жүріп жатыр, ал кәсіпкерлер мен жұртшылық бұл байланыс түрінің артықшылықтарын жоғары бағалап үлгерді. Statista мәліметінше, Қытай мен АҚШ 5G енгізуде басқа елдерден көш ілгері: барлығы 652 қала бесінші буынмен қамтылған, оның 356-сы Қытайда, 296-сы АҚШ-та.

5G қосуда алғашқы бестікке Филиппин (98 қала), Оңтүстік Корея (85 қала) және Канада (84 қала) кіреді. Алғашқы ондыққа Испания, Италия, Германия, Ұлыбритания және Сауд Арабиясы енді.

Пандемиядан кейінгі кезеңде...

Associated Press ақпарат агенттігін хабарлауынша, бұл бұйрық елдегі барлық мемлекеттік және жеке меншік университетке қатысты. Билікке келгелі Талибан біртіндеп нәзік жандылардың оқу мүмкіндігін шектеп жатыр,-деп жазды 24 кз сайты

Мәселен 2021 жылы қыздарға мектепке баруға тыйым салынды. БҰҰ Ауғанстан үкіметінен әйелдердің еңбек ету және білім алу құқығын шектемеуін талап етіп отыр. Осыған байланысты, ұйым Бас хатшысының бірінші орынбасары Амина Мохаммед Кабул мен Кандагар қалаларына барып қайтты. Ол басқарған делегация жергілікті тұрғындармен, билік және гуманитарлық ұйымдардың өкілдерімен кездесті. Амина Мохаммед, БҰҰ Бас хатшысының бірінші орынбасары: – Ауғанстандағы әйелдердің құқықтарын қорғау ісінде көршілес елдер және бүкіл халықаралық қауымдастықтан көмек күтеміз. Тәлібтер...

ҚМА Ақтөбе облысы бойынша департаменті облыстық прокуратурамен бірлесіп Есірткі және психотроптық заттарды аса ірі көлемде сақтау және өткізу фактілері бойынша сотқа дейінгі тергеп-тексеруді жүргізіп жатыр.

Қаржылық барлаудың талдамалық материалдары негізінде жүргізілген жедел-іздестіру іс-шараларының нәтижесінде есірткінің түрлерін, оның ішінде синтетикалық есірткілерді аса ірі көлемде сатумен айналысқан Ақтөбе қаласының тұрғыны анықталды.

Жедел-іздестіру іс-шаралары нәтижесінде ол қылмыс үстінде ұсталып, оның тұрғылықты жерінде тінту жұмыстары жүргізіліп, одан «Alfa-PVP» синтетикалық есірткі заты; кокаин және каннобиноидты топтың есірткі заттары табылып, тәркіленді.

Аталған азамат ұсталып, уақытша ұстау изоляторына қамалды.

Нихара қаласында мигранттар тұратын қалашық өртке оранды. Бұл туралы Хабар 24 сайты хабарлады.

200-дей адам қауіпсіз жерге көшірілді. Өртке не себеп болғаны әзірге белгісіз. Кеңесі осы қалашықты бұзып тастау жөнінде шешім шығарды. Сот үкімінде заңсыз салынған үйлердің әбден тозығы жеткені айтылған. Мұнда Африкадан келген мигранттар мекендейді. Олар осы өңірдегі фермаларда жалданып жұмыс істейтін. Жүздеген лашықтан тұратын қалашық осыдан 15 жыл бұрын салынған. 

Сауда-саттық қорытындысы бойынша, 27 қаңтарда теңгенің нарықтық бағамы бір аптада 0,5%-ға (462,55 теңгеден) нығайып, 1 АҚШ доллары үшін 460,43 теңгені құрады. Бұл туралы ҚР Ұлттық Банк хабарлады.

2023 жылғы 20-27 қаңтар аралығында сыртқы валюта нарығында бірқатар маңызды оқиға болды. Осылайша, АҚШ Сауда министрлігінің мәліметі бойынша, елдің ЖІӨ 2022 жылдың соңғы үш айында жылдық есептеуде 2,9%-ға өсті. Сонымен бірге, АҚШ ФРЖ төрағасы Джером Пауэлл жалақы динамикасын қызметтер бағасын өсірудің негізгі себептерінің арасында бөліп, инфляция болжау кезінде негізгі фактор ретінде атап өтті. Желтоқсанда жалақының өсу қарқынының бірден бәсеңдеуі ФРЖ үшін үміт белгісі болды, яғни, жалақының орташа жылдық өсуі өткен айдағы 7,6%-бен салыстырғанда...