Жаңалықтар

Ресей мұнай өндіруді тәулігіне 500 мың баррельге қысқартқаны белгілі. Алайда, елдің теңіз арқылы экспортталатын қара алтынының көлемі әлі де жоғары деңгейде. Бұл туралы Bloomberg агенттігі жазады. «Кремль өндірісті қысқартқанымен, ресейлік мұнай ағыны тұрақты» аталатын мақаласында басылым, өткен бір апта ішінде Ресей мұнайының теңіз экспорты бар болғаны тәулігіне 123 мың баррельге қысқарғанын жазыпты, ал мұның алдындағы аптада ол 3,1 млн баррельге қысқарған болатын.

Әзірге Ресей мұнайын көптеп сатып алып отырған ірі импортер Үндістан. Ал, бұған дейін ресейлік арзан мұнайға қызыққан Қытай төрт апта бойы сатып алу көлемін қысқартып келеді.

Дегенмен, Bloomberg-тің жазуынша теңіз арқылы экспорт көлемі әзірге тұрақты...

2023 жылғы қаңтар-ақпан айларында негізгі капиталға салынған жалпы инвестиция көлемі 1,6 трлн теңгені құрады. Оның 53%-ы ірі кәсіпорындарға тиесілі, деп жазады Экономикалық зерттеулер институты.

Негізгі капиталға салынған инвестициялардың негізгі көзі – инвесторлардың меншікті қаражаты. Ол жалпы инвестицияның 82 пайызын, яғни 1,3 трлн теңгені құрады.

Ал бюджеттен түскен қаражат көлемі 135 млрд. теңге болған. Бұл ретте Жетісу (43%), Түркістан (35%) және Шығыс Қазақстан (30%) облыстарындағы инвестиция құрылымында бюджет қаражатының үлесі басым екені байқалады.

Инвестиция көлемі бойынша аймақтар арасында Атырау облысы әлі де көш бастап тұр – 424 млрд теңге немесе жалпы инвестиция көлемінің 26%-ын құрады. Бұл ретте...

Алматы қаласында «Qnet» қаржы пирамидасын басқару фактісі бойынша күдіктінің ұсталғаны туралы Қаржы мониторингі агенттігі хабарлады. Агенттіктің мәліметінше, күдіктіні құрықтауға ҚМА Алматы қаласы бойынша департаменті және қалалық прокуратура атсалысқан.

«Ол азаматтардан ақша жинап, біреуінің жарналарының есебінен басқа қатысушыларды байыту мақсатында қайта бөлді. Айта кету керек, «Qnet» қызметі желілік маркетинг және электрондық коммерция түрінде жасырылған. Бірқатар шет елдерде «Qnet» компаниясы қаржы пирамидасы болып танылды. Сондай-ақ, оны ҚР Қаржы нарығын реттеу және дамыту агенттігі қаржы пирамидасының белгілері бар компаниялар тізіміне енгізді» делінген хабарламада.

Алматы қаласының мамандандырылған тергеу соты күдіктіге қатысты 2 айға «қамауда ұстау...

Мемлекет басшысы Қасым-Жомарт Тоқаев VIII сайланған Қазақстан Республикасы Парламентінің бірінші сессиясының ашылуында сөз сөйлейді. Бұл туралы Ақорда хабарлайды.

Жиынға мемлекеттік органдардың басшылары, Ұлттық құрылтай мүшелері, қоғам қайраткерлері мен басқа да азаматтар шақырылған.

Парламенттің бірлескен палаталарының отырысындағы Президенттің сөйлейтін сөзі 29 наурыз күні сағат 10:00-де республикалық телеарналарда және әлеуметтік желілерде тікелей эфирде көрсетіледі.

Дүйсенбі күні Мемлекет басшысының жаңа сайланған VIII шақырылым депутаттарын бірінші сессияға шақырған жарлығы жарияланған еді.

Абай облысындағы психикалық денсаулық орталығындағы 600-ден астам қызметкеріне 128 млн теңге жалақы төлемеген. Бұл туралы ҚазАқпарат хабарлады.

Облыстық психикалық денсаулық орталығының 646 қызметкеріне жалақы берешегі 128,1 млн теңгеге жеткен.

Абай облыстық прокуратурасы баспасөз қызметінің мәліметіне сүйенсек, осы мәселені дереу шешу мақсатында денсаулық сақтау басқармасы басшысының атына заң бұзушылықтарды жою туралы ұсыныс енгізілді.

Сондай-ақ орталықтың басшылығымен, ұжымымен және кәсіподақ өкілдерімен кездесу ұйымдастырылды.

«Соның нәтижесінде, қазіргі уақытта психикалық денсаулық орталығының медицина қызметкерлерінің алдындағы жалақы бойынша берешегі толығымен өтелді. Осы жылдың ақпан айындағы жалақы да уақтылы берілді», – делінген ақпаратта.

 Банкротқа ұшыраған америкалық Silicon Valley Bank банкінің активтері мен несиелерін бәсекелес First Citizens BancShares банкі сатып алды. Бұл туралы  ВВС агенттігі хабарлады.

Наурыз айының басында Silicon Valley Bank банкінің күйреуі басқа да несие ұйымдарының тұрақтылығына қауіп төндірді. Нәтижесінде бүкіл әлемдегі банктердің акциялары арзандады.

Дүйсенбіде биржалық сауда-саттықта банк секторындағы акциялар өскенімен, нарық әлі де алаңдап тұр.

Банк активтерді сатудан болған шығындарды жабу үшін 2,25 миллиард доллар таба алмады.

Ал банктің толық күйреуіне bank run – клиенттердің қашуы себеп болды. Әртүрлі себептерге байланысты SVB клиенттері өз жинақтарын жаппай ала бастады.

Американдық қаржы реттеушісі Silicon Valley Bank-т...

Премьер-Министр Ә. Смайыловтың тапсырмасы шеңберінде қазақстан-қытай шекарасындағы өткізу пункттерінің өткізу қабілетін арттыру және тасымалдаушылар үшін электрондық кезекті оңтайландыру бойынша шаралар қабылдануда. Бұл туралы ҚР ҚМ МКК Баспасөз қызметі «Атамекен» ҚР ҰКП Баспасөз қызметі хабарлады.

ҚР ҚМ Мемлекеттік кірістер комитеті ҚР ҚМ «Ақпараттық-есептеу орталығы» АҚ-мен бірлесіп (CarGoRuqsat электрондық кезегінің әкімшісі) электрондық кезекке қоюға сәйкес келмейтін көліктің болуы тұрғысынан басқа мемлекеттік органдармен салыстыру жүргізді.

Салыстыру нәтижесі тасымалдаушылар мен жүргізушілердің едәуір санында халықаралық тасымалдарды жүзеге асыру үшін куәліктер мен рұқсат карточкалары жоқ екенін көрсетті.

Бұдан басқа, кейбір тасымалдаушылар бұған дейін барлық қажетті құжаттары жоқ бола тұра  кезекті брондаған және «запасқа» кезек қойған. Қазір...

Бүгін «Ақ жол» демократиялық партиясының Ұлттық кеңесінің пленумы өтті. Онда ҚР Парламенті Мәжілісінің сегізінші шақырылымындағы депутаттарды сайлау қорытындылары талқыланып, депутаттық мандаттар бөлінді. Бұл туралы «Ақ жол» демократиялық партиясының баспасөз қызметі хабарлады.

Пленумның бірауыздан шешім шығаруымен Мәжілістің депутаттық мандаттар келесі кандидаттарға сеніп тапсырылды:

Барлыбаев Ерлан Хайланұлы – экономист, ҚР Парламенті Мәжілісінің VII шақырылым депутаты
Бейсенбаев Ержан Алмабекұлы – жас бизнесмен, «BIGLIFE» ЖШС тәуелсіз директоры, Жетісу облысы
Еспаева Дания Мәдиқызы – финансист, ҚР Парламенті Мәжілісінің VII шақырылым депутаты
Иса Қазыбек Жарылқасынұлы – ақын, Партия төрағасының орынбасары, ҚР Парламенті Мәжілісінің VII шақырылым депутаты
Перуашев Азат Тұрлыбекұлы – Партия төрағасы
Садықов Асқар Аманбайұлы – бизнесмен, партияның облыстық филиал төрағасы...

ҚазТрансОйл» АҚ Ақтау портында қазақстандық Теңіз кен орнынан Баку – Тбилиси – Джейхан мұнай құбырына шикізатты одан әрі жеткізу үшін President Heydar Aliev танкеріне 9.959 тонна мұнай жөнелтті. Бұл туралы «ҚазТрансОйл» АҚ жұртшылықпен байланысжәне ішкі коммуникациялар департаменті хабарлады.

Наурыз айының соңына дейін бұл бағыт бойынша тағы 10 мың тонна теңіз мұнайын жөнелту жоспарлануда. 2023 жылдың сәуір айына Баку – Тбилиси – Джейхан бағытында мұнай жөнелтудің жоспарланған массасы 125 мың тоннаны құрайды.

Еске сала кетейік, ақпан айының басында Түркиядағы жер сілкіністерінен кейін «ҚазТрансОйл» АҚ Джейхан теңіз терминалында жүк тиеу жұмыстарының уақытша тоқтатылуына байланысты форс-мажорлық жағдайлар туралы хабарлама алған болатын. Осыған байланысты...

«ҚазТрансОйл» АҚ 25 мың тонна ресейлік мұнайды Қазақстан Республикасының аумағы арқылы Өзбекстан Республикасына «Омбы – Павлодар – Шымкент – мұнай тиеу тірегі Шағыр» (темір жол цистерналарына тиеу) бағыты бойынша транзиттік тасымалдауды бастады. Мұнайды тасымалдау Қазақстан Республикасы Энергетика министрлігі бекіткен мұнай беру кестесіне сәйкес жүзеге асырылады. Бұл туралы «ҚазТрансОйл» АҚ жұртшылықпен байланыс және ішкі коммуникациялар департаменті хабарлады.

2023 жылы «ҚазТрансОйл» АҚ магистральдық мұнай құбырлары жүйесі арқылы Өзбекстан Республикасына ресейлік мұнай транзитінің күтілетін көлемі 250 мың тоннаны құрайды.

Binance криптовалюта биржасы Грузияда өзінің аймақтық хабын ашады. Компания мұндай шешімді жас таланттарды тартуға және аймақта криптовалютаны енгізуді жеделдету үшін қабылдады.

«Біз Грузияда Жаңа Binance блокчейн хабының ашылғанын хабарлаймыз. Біз блокчейн секторындағы ең мықты таланттарды тартуға, осы салада білім беруді ілгерілетуге тырысамыз»,-деп жазды компанияның баспасөз қызметі.

Осыған орай Binance 2023 жылдың соңына қарай жұмыс орындарын көбейтуді жоспарлап отыр.

Қазақстан да Binance-пен тығыз ынтымақтастықта. Қазақстандық криптобиржа бөлімшесінің басшысы Жаслан Мәдиевтің айтуынша, цифрлық теңге бастамасы-CBDC нарықтарын дамытудың ең озық бастамаларының бірі.

Сауда-саттық қорытындысы бойынша, 24 наурызда теңгенің нарықтық бағамы бір аптада 0,8%-ға (460,79 теңгеден) нығайып, 1 АҚШ доллары 457,29 теңге деңгейінде қалыптасты. Бұл туралы Ұлттық банк хабарлады.

2023 жылғы  17-24 наурыз аралығында сыртқы валюта нарығында бірқатар маңызды оқиға болды. АҚШ ФРЖ риториканы біраз жеңілдетіп және мөлшерлеменің «біршама» өсу қажет екенін атай отырып, мөлшерлемені 4,75-5%-ға дейін 25 базистік тармаққа көтерді. Мөлшерлемені дамыған елдердің бірқатар Орталық банктері: Англия Банкі 4,25%-ға дейін 25 базистік тармаққа, Швейцария Орталық банкі 1,5%-ға дейін 50 базистік тармаққа, Норвегия Орталық банкі 3%-ға дейін 25 базистік тармаққа арттыру туралы шешім қабылдады. ҚХР-дағы әлеуметтік желілердің ең ірі компаниясы Tencent Holding...

Кім де болса көбірек табыс тапқысы келеді. Ал бір жерде ғана жұмыс істеп, көлемді жалақы алатын мүмкіндік бәрінде бола бермеуі мүмкін. Мұндайда қосымша жұмыс қарастыру деген нұсқа бар. Ресми түрде бірнеше жерде еңбек етуге бола ма? Ондай жағдайда әлеуметтік төлем көлемі қалай өзгереді? Бүгінгі материалымызда осы тақырыпты қозғаймыз. 

Бірнеше жұмысты қатар істеуге бола ма?

Қазақстан Республикасының Еңбек Кодексінің 196-бабы 1-тармағына сәйкес, қызметкердің бұрыннан еңбек қатынастарын жасасқан бір жұмыс берушімен де, бірнеше жұмыс берушімен де еңбек шартын жасасуға құқығы бар. Бірақ бұл жерде біреуі негізгі болады. Ал қалғандарымен толық емес жұмыс күні бойынша істейді. Мұндай еңбек шарттарын қанша жұмыс берушімен...

Air Astana әуекомпаниясы көктемгі-жазғы ұшу кестесіне ауысты. Ол 26 наурыздан бастап 29 қазанға дейін жалғасады. Бұл туралы компанияның баспасөз қызметі хабарлады.
Ақпаратқа сәйкес, осы кезеңде жолаушылардың танымал бағыттардағы сұранысын қанағаттандыру және саяхаттау үшін көбірек мүмкіндіктер ұсыну үшін әуекомпания бірқатар халықаралық рейстер санын бірте-бірте ұлғайтады.

«Алматыдан Анталияға рейс саны аптасына 10, Астанадан 7, ал Тбилисиге сәйкесінше аптасына 7 және 3 рейске дейін ұлғаяды. Алматыдан Ташкентке аптасына 14, Астанадан 5, Алматыдан Бішкекке 9, ал Лондонға 5 рейске дейін ұшулар жүзеге асырылады. Алматыдан Чендуға апта сайынғы рейске қоса әуекомпаниясы Алматыдан Бейіжіңге күн сайын және Астанадан атптасына 2 рет...

2023 жылғы 1 ақпанда жеке тұлғалардың депозиттері жыл басындағы көрсеткішпен салыстырғанда 0,8%-ға азайып, 16,9 трлн теңгені құрады. Бұған Қаржы нарығын реттеу және дамыту агенттігі жариялаған Қазақстандағы банк секторының жағдайы туралы есебі дәлел.

Теңгедегі депозиттерді қорғау бағдарламасы талаптарының бірі – былтыр есепшотта тұрған ақшаны депозитте 24 ақпанға дейін шешіп алмау болғанына қарамастан, салымдар азайған. Мемлекет бұл шартты орындағандарға 10 пайыз үстемақы төледі. Осы екі жағдайды ескере отырып, Қордың хабарлауынша, Ұлттық банк Қаржы министрлігімен бірлесіп жоспарланған 550 млрд теңгенің 306,6 млрд теңгесі ғана төленген.

Екінші деңгейлі банктердегі депозиттердің жалпы көлемі 1 ақпандағы жағдай бойынша жыл басынан бері 1,4%-ға азайып...

Сегізінші сайланған Парламенттің бірінші сессиясын шақыру туралы, Мемлекет басшысы Қасым-Жомарт Тоқаевтың Жарлығы жария етілді.

«Қазақстан Республикасы Конституциясының 59-бабының 2-тармағына сәйкес ҚАУЛЫ ЕТЕМІН:
1. Сегізінші сайланған Қазақстан Республикасы Парламентінің бірінші сессиясы 2023 жылғы 29 наурызда сағат 10-да Астана қаласында шақырылсын.
2. Осы Жарлық қол қойылған күнінен бастап қолданысқа енгізіледі» делінген Президент қол қойған Жарлықта.

Америкалық Twitter Inc қызметкерлері компания акциялары түрінде өтемақы алатын болды. Оның құны 20 миллиард долларға бағаланған компания құнына сәйкес келеді. Бұл туралы The Wall Street Journal Илон Масктың қызметкерлерге жазған хатына сілтеме жасай отырып хабарлаған.

Қызметкерлерге жазған хатында Маск «Мен 250 миллиардтан асатын бағаға жеткізер қиын да болса айқын жол көріп тұрмын» деген. Былтыр ол компанияны 44 миллиард долларға сатып алған.

Масктың айтуынша, Twitter тез өзгеріп жатыр. Әлеуметтік желі иесі бұндай өзгерістер банкроттықтың алдын алу үшін қажет дейді.

Компания құнының 20 млрд долларға дейін төмендеуі желінің меншік иесі ауысқаннан кейін тап болған проблемаларын көрсетеді, деп жазады...

Мемлекет басшысы Қасым-Жомарт Тоқаев ҚКП ОК Саяси бюросының мүшесі, ҚХР Шыңжаң-Ұйғыр автономиялық ауданы ҚКП партия комитетінің хатшысы Ма Синжуйді қабылдады. Бұл туралы Ақорданың баспасөз қызметі хабарлады.

Ақпаратқа сәйкес, әңгімелесу барысында өңіраралық ынтымақтастықты дамыту мәселесіне назар аударылған. Қазақстан Шыңжаң өлкесімен өнеркәсіп, көлік, логистика, ауыл шаруашылығы және туризм секілді көптеген бағыт бойынша табысты қарым-қатынас жасап отыр. Қасым-Жомарт Тоқаев Қазақстан Қытаймен стратегиялық серіктестік пен мәңгілік достық рухында жан-жақты ынтымақтастықты тереңдетуге баса мән беретінін айтты. Мемлекет басшысы екі ел арасында барлық деңгейде белсенді әрі сенімді саяси диалог қалыптасқанына тоқталып, ҚХР-ды Қазақстанның басты сауда серіктестерінің бірі ретінде атап өтті.

Kaspi.kz финтех тобы ғаламдық депозиттік қолхаттарын қайта сатып алу бойынша төрт айлық бағдарламаны бастауды жоспарлап отыр. Kaspi.kz наурыздың 24 күні өзінің төртінші buyback бағдарламасын өткізетіндігі туралы хабарлады. Мұндай ақпаратты компания Қазақстан қор биржасында жариялады.

Kaspi.kz J.P. Morgan Securities plc (JPMS) компаниясымен келісімге отырды, ол өз кезегінде финтех компанияның ғаламдық депозиттік қолхаттарын нарықтан сатып алып, сосын компанияға қайта сатады. Аталған компания бұған дейін де Kaspi.kz акцияларын сатып алып, Лондон қор биржасында оның ғаламдық депозиттік қолхаттарын орналастыру кезінде компаниялар тобының мүддесіне әрекет еткен болатын.

Кезектегі төртінші құнды қағаздарды кері сатып алу бағдарламасы бойынша компания $100 млн сомасына ғаламдық депозиттік қолхаттар...

Отбасы банк салымшылары 30% басталатын алғашқы жарнамен құрылыс компаниялары арқылы тұрғын үй сатып ала алады. Бұл жайлы Отбасы банктің Алматы қаласы бойынша филиалының директоры Данагүл Түсіпова мәлімдеді.

Әдетте, коммерциялық нарықтан үй сатып алғанда Отбасы банк 50% бастапқы жарнамен несие береді. Бірақ құрылыс компанияларымен жасалған келісімдердің арқасында, салымшылар бастапқы жарна сомасын 30 пайызға дейін төмендете алады. Алматыда осы әдіс бойынша Отбасы банк клиенттеріне қаланың 10 тұрғын үй кешенінен 850 пәтер ұсынылған. Тұрғындарымыз өздеріне ұнайтын нысанды таңдап, «Баспана Маркет» порталында немесе банк бөлімшесінде пәтер брондатып, несиеге өтініш береді.

Бұл несие механизмі арқылы Алматыда жылдық 7% мөлшерлемемен несиеге...

2023-2025 жж арналған бюджет параметрлері қолданыстағы бюджет ережелеріне сәйкес бекітілген. Бұл туралы «Курсивке» Ұлттық экономика министрлігінен хабарлады.

«Бюджет кодексі екі контрциклі бюджет ережесінің регламентіне сай әзірленген. Олар мұнай түсімдеріне тәуекелді азайту мен бюджет шығындарының өсу қарқынын шектеуге бағытталған. 2023-2025 жж арналған бюджет параметрлері контрциклі бюджет ережелеріне сәйкес бекітілген. 2023-2025 жж арналған кепілдендірілген трансферт көлемі Ұлтық қорға мұнай ұйымдарынанү түсетін тікелей салықтық түсімдерден аспайтан көлемде есептелген», деп жауап берді басылым сауалына Ұлттық экономика вице-министрі Азамат Әмрин.

Оның атап өтуінше бұл ереже тек кепілдендірілген трансферт үшін жарамды.

Бюджет кодексіне сәйкес, Ұлттық қордың мақсатты трансферттері Президенттің шешімімен аударылады...

Кейінгі екі айда шетелден әкелінген 69 мыңнан астам көлік заңдастырылды. Бұл туралы ІІМ Әкімшілік полиция комитетінің төрағасы Қайсар Сұлтанбаев мәлімдеді.

Елімізде 2022 жылдың қыркүйегіне дейін әкелінген шетелдік автокөліктерді заңдастыру жүріп жатыр. Өтініштер ХҚКО-да және электронды сервис арқылы қабылданады. Сондай-ақ азаматтарға арналған электронды үкімет порталында және екінші деңгейлі банктердің мобильді қосымшалары арқылы рәсімдеуге болады.

Әкімшілік полиция комитеті төрағасының айтуынша, 23 қаңтар – 26 наурыз аралығында 69 мыңнан астам көлік құралы заңдастырылды. Оның ішінде 67%-ы Ресейден, 19%-ы Армениядан, шамамен 10%-ы Қырғызстаннан, 2%-ы Грузиядан әкелінген.

Сонымен қатар қосалқы бөлшектер ретінде жаратуға әкелінген автокөліктерді де заңдастыру бағыттарын айқындайтын Үкімет қаулысының жобасы әзірленд...

Орталық сайлау комиссиясы Мәжіліс сайлауының нақты қорытындысын жариялады.

ОСК төрағасы Нұрлан Әбдіров партиялардың қанша дауыс жинағанын және Мәжілістен қанша мандат иеленетінін мәлім етті. Оның айтуынша, нәтиже төмендегідей:
Amanat партиясы – 53,90% (40 орын);
«Ауыл» партиясы – 10,90% (8 орын);
Respublica партиясы – 8,59% (6 орын);
Қазақстан халық партиясы – 6,80% (5 орын);
«Байтақ» жасылдар партиясы – 2,30% (Мәжіліске өтпеді);
«Ақ жол» партиясы – 8,41% (6 орын);
Жалпыұлттық социал-демократиялық партиясы – 5,20% (4 орын).

Сонымен қатар, сайлаушылардың 3,90%-ығ яғни 248 291-і бәріне қарсы дауыс берген. Барлық дауыс бергендер саны – 6 366 441.

19 наурыз күні елімізде Мәжіліс және Мәслихат депутаттарын сайлау өткені белгілі. Оған саййлаушыларды...

Ақпандағы жойқын жер сілкінісі салдарынан Түркияның өнеркәсіп кәсіпорындарына келген шығын 170 миллиард лира немесе 9 миллиард долларды құраған. Бұл туралы елдің Индустрия және технология министрі Мұстафа Варанктың баяндамасында айтылады.

Түрік билігінің айтуынша, кәсіпорындардың инфрақұрылымы, ғимараттар мен жабдықтарын жөндеуге, сонымен қатар өнім қорын қалпына келтіруге осыншама қаржы керек.

Министрдің айтуынша, жер сілкінісі болған аймақта 5600 кәсіпорын айтарлықтай зардап шеккен. 33 мың кәсіпорнында өндіріс қалпына келтірілгенінмен толық қуатымен жұмыс істеп түрған жоқ.

Ол Түркияның шағын және орта бизнесті қолдау ұйымы жер сілкінісінен зардап шеккен кәсіпорындар үшін жедел несие бағдарламасын іске қосқанын, бұл бағдарлама арқылы шағын және орта бизнес...