Жаңалықтар

 Оңтүстік Кореядағы жауған жауыннан су тасып, көшкін болып, мыңдаған адам эвакуацияланды, 32 адам қаза тапты, деп хабарлады ҚазАқпарат Yonhap агенттігіне сілтеме жасап.

Табиғи апаттармен күресу және қауіпсіздік шаралары жөніндегі орталық штаб жексенбі күні таңертең елге жауған нөсер жаңбырдан қаза тапқандардың саны өткен аптада 26-ға жеткенін хабарлаған еді.

Құтқарушылар орталықтағы Осон қаласындағы су басқан жерасты туннелінде тұрып қалған автобустан тағы алты адамның денесін алып шықты. Ұзындығы 685 метрлік туннельде жолаушылары бар автобус және шамамен 15 жеңіл көлік болған. Құтқару жұмыстары жалғасуда. Зардап шеккендердің саны артуы мүмкін екені хабарланды.

Қаза тапқандардың басым бөлігі Солтүстік Кёнсан оңтүстік-шығыс провинциясында тіркелген, онда...

 Қарағанды қаласының шекарасын Бұқар жырау ауданының 281 гектар жерін қосу арқылы кеңейту жоспарланып отыр. Бұл туралы ҚазАқпарат хабарлады.

«Қазақстан Республикасы Үкіметінің келісімі бойынша Қарағанды қаласының әкімшілік-аумақтық шекарасына Бұқар жырау ауданы жерінің 281 гектар бөлігін қосу арқылы Қарағанды облысы Қарағанды қаласы мен Бұқар жырау ауданының әкімшілік-аумақтық шекаралары өзгертілсін», – делінген Ашық НҚА порталында жарияланған әкім қаулысы мен қалалық маслихаттың бірлескен шешімінде.

Құжат 26 шілдеге дейін көпшілік талқылауда болады.

Өрт сөндіруге жеке құрамнан 329 адам, 101 бірлік техника (ТЖМ 161 адам ж/қ, оның ішінде Павлодар облысының ТЖД 40 адам ж/қ; 24 бірлік техника, Астана қ. ТЖД 67 адам ж/қ, 15 бірлік техника, Қарағанды қ. ТЖД 33 адам ж/қ және 6 бірлік техника, ШҚО ТЖД 21 адам ж/қ және 5 бірлік техника; «Ертіс орманы» 32 бірлік техника, 130 адам, ПД 4 бірлік техника және 8 адам ж/қ, ЖАО 26 адам және 13 бірлік техника, Қазақстан Алюминийі 4 адам ж/қ және 2 бірлік техника) және 2 борт (МИ-8 және ТЖМ Еврокоптер) жұмылдырылды. Бұл туралы Павлодар облысы әкімінің баспасөз қызметі хабарлады.

15 шілде күні, Абай облысы ТЖД «Семей орманы» МОТР қызметкерлерінен 11:40-та Беген орманшылығы аумағында құрғақ шөптер мен ағаштардың жануы туралы ақпарат келіп түсті (57 және 58 орамдар). Бұл туралы ҚР ТЖМ хабарлады.

Сағат 11:52-де өрт орнына ТЖМ бөлімшелерінің күштері мен құралдары : облыстың ТЖД, ТЖМ 68303 әскери бөлімінің, ШҚО ТЖД жеке құрамдарының 100 адамы және 20-дан астам техникасы жіберілді.

Өртті жедел сөндіру жәрдемдесу мақсатында ТЖМ авиациясы жіберілді.

Қазіргі уақытта «Семей орманы» МОТР ақпараты бойынша өрттің алдын ала ауданы 20 га құрайды.

Ауа райы: +28 градус, солтүстік-батыс жел 16 м /с.

Өрттің жанында қазіргі уақытта «Шошқалы» демалыс аймағы орналасқан. ТЖД...

2023 жылдың қаңтар-мамыр аралығында Қазақстаннан Ресейге тауар экспорты ақшалай мәнде өткен жылдың сәйкес кезеңімен салыстырғанда 45%-ға немесе 2,79 млрд доллардан 4,04 млрд долларға дейін (+45%) өсті. Бұл туралы «Ведомости» басылымы хабарлады.

2023 жылдың бес айында Ресеймен тауар айналымының жалпы көлемі 10,5 млрд долларға жетті (2022 жылдың осы кезеңінде 9,59 млрд доллар). Бұл кезеңде Қазақстанның тауар айналымындағы Ресейдің үлесі 18,6%-дан 18,8%-ға өсті. Жалпы, 2023 жылғы қаңтар-мамырда Қазақстанның ЕАЭО елдерімен тауар айналымы 10,5%-ға артып, 11,43 млрд долларды құрады (2022 жылдың бес айында 10,34 млрд доллар).

Қазақстаннан ЕО елдеріне экспорт 2023 жылдың қаңтар-мамыр айлары аралығында (2022 жылдың сәйкес кезеңіндегі 14,77 млрд доллармен...

АҚШ Конгрессінің Өкілдер палатасы 2024 қаржы жылына жоспарланған жалпы бюджеті 886 млрд доллар болатын «Ұлттық қорғаныс туралы» заң (National Defense Authorization Act немесе NDAA) жобасын қолдап дауыс берді, деп хабарлайды Интерфакс-Қазақстан The Hill басылымына сілтеме жасап.

219 конгрессмен заң жобасын қолдап, 210 қарсы дауыс берді. БАҚ өкілдері заң жобасының қабылдануы Өкілдер палатасының спикері Кевин Маккарти мен палатада көпшілікті құрайтын республикашылдар үшін үлкен жеңіс болғанын айтады.

Ал, Демократиялық партия бақылайтын АҚШ Сенаты келесі сейсенбіде «Ұлттық қорғаныс туралы» жеке заң жобасын дауысқа салады. Содан кейін екі палата соңғы NDAA-ді талқылайды. Кейінірек заң жобасы АҚШ президенті Джо Байденге қол қоюға жіберіледі.

The New...

Түрікменстанның жалпы халқының саны 7 миллион 57,8 мың адамды құрады, деп хабарлады Turkmenportal басылымы.

Мемлекеттік статистика комитетінің төрағасы Довлетгелди Аманмұхамедов 2023 жылғы 14 шілдеде былтырғы 17 желтоқсанда жүргізілген жалпы халық санағының қорытындысын жариялады.

«2022 жылдың 17 желтоқсанындағы жағдай бойынша ел халқының жалпы саны 7 миллион 57 мың 841 адамды құрады», – деді жұма күні Үкіметтің кеңейтілген отырысында халық санағы туралы баяндама жасаған Комитет төрағасы.

Санақ мәліметтері бойынша, халық ең тығыз қоныстанған өңір – Мары велаяты (облысы) – 22,9% болды. Екінші орында Дашогуз велаяты – 22%. Шығыс Лебап велаятында ел халқының 20,5%-ы тұрады. Халықты...

Астанада тазалау жұмысын бастамас бұрын, алдымен, арнайы сүңгуірлер су түбінде нақты не жиналғанын анықтаулары тиіс, яғни, жұмыс барысы кезең-кезеңмен жүргізіледі. Мамандардың айтуы бойынша, климаттық жағдайға байланысты, балықтың уылдырық шашу кезеңін ескере отырып, тазарту процесі кемінде 10 жылға созылуы мүмкін деп болжайды.

Себебі, 1 жылда 5 айдай ғана жұмыс істеуге мүмкіндік болады.

1970 жылы салынған Астана су қоймасына осы уақытқа дейін тазарту жұмысы жүргізілмеген. Ол елордамызды ауыз сумен қатамасыз ететін жалғыз су қоймасы. Қойманың жалпы көлемі 410,9 млн текше метр. Қазіргі көлемі 312,36 млн текше метр. Осыдан екі жыл бұрын, Қазгидромет мекемесі батиметрикалық түсірілім жасап, қойманың 46,7 млн текше метр...

Тілсіз жаудан болжам бойынша 800 гектар жердегі құрғақ шөп жанды, деп хабарлады Pavlodarnews.kz.

Облыстық төтенше жағдайлар департаментінің баспасөз қызметінің мәлімдеуінше, 14 шілдеде сағат 12:45-те Баянауыл ауданында, Қызылтау ауылынан 20 шақырым жерде ашық аумақта өрт шыққаны туралы хабарланған

«Өрт Баянауыл ұлттық паркі аумағына өтті. Долинское орманшылығында 20 гектар жерді және 115, 117, 118 кварталдарын қамтыды. Жалын ТЖД күштері мен құралдарының арқасында оқшауланды», – делінген хабарламада.

Тілсіз жауды өшіруге жеке құрамның 27 адамы және 7 бірлік техникасы жұмылдырылды. Сондай-ақ, өртті сөндіруге орман шаруашылығынан 40 адам және 13 бірлік техника, ЖЗҚ-дан 55 адам және 11 бірлік техника және...

 ҚР Премьер-Министрінің орынбасары – сауда және интеграция министрі Серік Жұманғариннің төрағалығымен өткен Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның кезекті отырысында инфляцияны тежеу, ішкі нарықты және отандық өндірісті қамтамасыз ету үшін маңызды мәселелер бойынша шешімдер қабылданды.

Атап айтқанда, дизель отынын және мұнай өнімдерінің жекелеген түрлерін автомобиль көлігімен Қазақстан Республикасының аумағынан әкетуге қолданыстағы шектеулерді 2023 жылғы 31 қаңтардан 31 шілдеге дейін тағы 6 айға ұзарту туралы шешім қабылданды.

Бұдан басқа, отандық электротехникалық жабдықтарды өндірушілерді қажетті шикізатпен қамтамасыз ету үшін Еуразиялық экономикалық одақ алаңында электротехникалық өнімдерді өндіру үшін импорттық шикізатқа кедендік әкелу баждарын азайтуды қарастыру туралы...

Азаматтар «Alayaq.net» порталы ақылы интернеттегі алаяқтық жағдайлары туралы хабарлап қана қоймай, өзінің қаржылық сауаттылығын арттыра алады, сондай-ақ, интернеттегі алаяқтыққа қарсы республикалық жастар қозғалысына қосыла алады деп, хабарлады Азаматтық бастамаларды қолдау орталығының баспасөз қызметі.

Қазақстанда ҚР Ақпарат және қоғамдық даму министрлігінің қолдауымен республикалық «Alayaq.net»  жастар қозғалысы қарқын алуда. Ол жастардың қаржылық сауаттылығын арттыруға, интернеттегі алаяқтық жағдайларының алдын алуға, интернет-алаяқтыққа қарсы күресте жастар мен мемлекеттік органдарды, банк секторын жұмылдыруға бағытталған.

2024 жылдың соңына дейін іске асырылатын жоба шеңберінде «Медицина жастары» қоғамдық бірлестігі алаяқтық схемалардың алдын алу және жастардың қаржылық сауаттылығын арттыру жөніндегі «Alayaq.net» интернет-порталының жұмысын ұйымдастырды. 

«Интернет-порталға кірушілерд...

Астанада 2019 жылы бекітілген қаланың дизайн-кодына сәйкес сыртқы жарнама мен маңдайшаларды ретке келтіру бойынша белсенді жұмыс жүріп жатыр, деп хабарлады қалалық әкімдіктің ресми сайты.

Қазіргі уақытта бекітілген дизайн кодқа сәйкес келмейтін 1200-ден астам жарнамалық элемент бөлшектелді. Мұндай бұзушылықтарды жою үшін шағын және орта бизнес иелеріне сыртқы жарнаманы сәйкестендіру туралы хабарламалар жіберіледі. Бұл жұмыс қаланың барлық ауданында жүргізіледі.

Астана қаласының Урбанистика орталығы маңдайшалар бойынша 400 эскиздік ұсыныс пен ұсыным әзірледі. Қалалық Урбанистика орталығында келісілмеген сыртқы жарнама визуалды шу шығаратынын, қаланың жалпы көрінісі мен үйдің келбетін бұзатынын атап өтті. Мақсат – сыртқы жарнаманы ретке келтіру, біртұтас және тартымды қалалық ортаны құру.

Ақтөбе облысында «Ауылдық денсаулық сақтауды жаңғырту» ұлттық жобасын іске асыруға кірісті. Бұл туралы ҚР Денсаулық сақтау министрлігінің баспасөз қызметі хабарлады.

Ұлттық жоба екі жылдың ішінде ауылдарды,  оның ішінде шалғайдағы жету қиын елді мекендерді медициналық инфрақұрылыммен қамтамасыз етеді, аудандық ауруханаларды көп бейінді медициналық мекемелердің деңгейіне дейін жаңғыртады және ауылдағы медициналық көмектің басқа да бағыттарын жетілдіреді, сондай-ақ 655 медициналық объектінің құрылысын көздейді.

Бүгінгі таңда 99 медициналық объектінің құрылыс-монтаждау жұмыстарын (ҚМЖ) жүргізуге қаражат бөлінді.

Ақтөбе облысында ұлттық жобаға сәйкес 8 МСАК объекті бойынша құрылыс жоспарланған.

Осыған байланысты облыста жоспарланған 8 медициналық объектінің 6-ның  құрылыс-монтаждау жұмыстары басталды. Бұлар Байғанин ауданының Қаражар, Қосарал...

Фото: kursiv.media

2022 жылы Google іздеу жүйесінде «нейрон желілері» деген кілт сөзі кейінгі бес жылмен салыстырғанда жиірек ізделген екен. Бұл дегеніміз соңғы кездері оның көпшілікке қызық болып жатқанын білдіреді. Технология нарығы өсіп жатыр. Мысалы осыдан үш жыл бұрын 14 миллиард доллар болса, 2030 жылға қарай нарық 152 миллиард долларға өседі деген болжам бар. Демек, нейрон желілері туралы жаңалықтардан естігеніміз — естіген.

Нейрон желісі қалай жұмыс істейді?

 Қолданушылар нейрон желілерінің игілігін пайдалануды үйреніп келеді. Өйткені күнделікті өмір салтымызға сіңіп жатыр. Сурет салады, мәтін жазады, қиын да күрделі есептерді демде шығарып береді, жоспар жасайды — қолынан келетіні өте көп. Ендеше, нейрон желілер...

Соңғы 10 жылды 3 кезеңге бөліп қарастыруға болады

Тәуелсіздік алғалы бері Қазақстанның банк секторы сан алуан өзгеріске ұшырады. Десе де негізгі тінінен ажыраған жоқ. Солқылдақ кезеңдер болғанына қарамастан, түрлі сын-қатерден аман өтті. Сектор бәсекеге қабілетті екенін байқатты. Иә, банктердің басым бөлігі мемлекеттен қолдау алған. Әлі күнге алушылар да бар. Алайда Қазақстанның банк секторы дағдарыстарға жұтылмаған, заманауи экожүйені қалыптастыруда көп елден көш ілгері озған сала болып есептеледі.

Әсіресе, соңғы бірнеше жыл қысымға толы болды: пандемия, геосаяси ахуал, инфляция өсімі, санкция. Десе де осы қысылтаяң сәттерден отандық банк секторы қиналмай өтті деуге негіз бар.

Jusan Analytics сарапшыларының айтуынша, соңғы 10 жылды...

Фото: kursiv.media

Маусым айында АҚШ бюджетінің тапшылығы 227,768 млрд долларды құрады, көрсеткіш өткен жылдың сәйкес кезеңімен салыстырғанда (88,842 млрд доллар) 2,6 есе жоғары, деп хабарлайды Интерфакс-Қазақстан аталған елдің Қаржы министрлігіне сілтеме жасап.

Осы ретте бюджет кірістері 9,2%-ға азайып, 418,317 млрд долларды құраған. Ал шығыстар 17,6%-ға өсіп, 646,085 млрд долларға жетті. 1 қазаннан бері АҚШ бюджетінің тапшылығы бір жыл бұрынғы 515,067 млрд доллармен салыстырғанда 1 трлн 392,64 млрд долларды құрады.

2023 қаржы жылының басынан бері (2022 жылдың 1 қазанынан бері) АҚШ бюджетіне түсетін түсімдердің көлемі 11%-ға азайып, 3,413 трлн долларға жуықтады. Бұл ретте шығыстар 10%-ға өсіп, 4,805 трлн долларға жетті.

Еске...

Антикордың 2022 жылғы Ұлттық есебіне сәйкес, барлық құқық қорғау және арнаулы мемлекеттік органдар 1 724 сыбайлас жемқорлық қылмысты тіркеді, 2021 жылы – 1 557 болған.

Ақпаратқа сәйкес, өткен жылы сыбайлас жемқорлық қылмыс жасағаны үшін 725 адам сотталды, 2021 жылы көрсеткіш 892 адам болған. Олардың ішінде:

ішкі істер органдарының қызметкерлері (жұмыскерлері) – 187 (2021 жылы 207);
әкімдік қызметкерлері – 143 (2021 жылы 145);
әкімдер – 7 (2021 жылы 5);
Қаржы министрлігі – 40 (2021 жылы 34);
Ауыл шаруашылығы министрлігі – 18 (2021 жылы 19);
Индустрия және инфрақұрылымдық даму министрлігі – 14 (2021 жылы 5);
Денсаулық сақтау министрлігі – 5 (2021 жылы 16);
Төтенше жағдайлар министрліг...

Jusan bank Jusan тобына тиесілі активтердің Қазақстандық юрисдикцияға қайтарылуын құптайтынын мәлім етті. Банк осыған қатысты арнайы баспасөз хабарламасын таратты (редакцияға келді).

Онда, Jusan Bank Jusan тобы төңірегіндегі даудың конструктивті және түпкілікті түрде шешілуі қаржы институтының әрі дамуы үшін жаңа перспективалар ашады делінген.

«Банк топтың активтерін Қазақстан Республикасының құзыретіне қайтару туралы шешімді құптайды. Осыған байланысты банк негізгі басқарушылық және операциялық шешімдерді жақын арада қабылдайды, бұл жайында мүдделі тұлғалар белгіленген уақытта хабардар етіледі», делінген мәлімдемеде.

Сонымен қатар, Jusan Bank Қазақстандағы білім беру жобаларын қаржыландыру бойынша топ бизнесінің гуманитарлық бағыты сақталатынын мәлімдеді.

Еске сала кетйік, бұған...

13 шілде күні сағат 21:12-де қолайсыз ауа-райы жағдайында «Қазақмыс Энерджи» ЖШС-на қарасты ЖЭО-да Ақадыр-Жезқазған 500 кВ электр беру желісі ажыратылды. Электр желісіндегі ақау Жезқазған ЖЭО-ның №7 және 11 қазандықтарының сөнуіне әкелді. Будың болмауына байланысты №4, 7 турбиналар тоқтатылып, салдарынан генерация толық төмендеген.

«Станцияның жұмыс режимін қалпына келтіру бір сағаттан кейін сағ.22:20-да басталды. Технологиялық бұзушылық фактісі бойынша жан-жақты тергеу жүргізу мақсатында Атомдық және энергетикалық қадағалау мен бақылау комитетінің комиссиясы құрылды», делінген Энергетика министрлігі таратқан ақпаратта.

Жезқазған ЖЭО-нда 2023 жылдың 19 маусымында электрдің үзілуі салдарынан станция генерациясы тоқтаған.

«Жоғарыда айтылғандарды...

Фото: Орталық коммуникациялар қызметі

Қазақстан азаматтар енді жұмысқа орналасу үшін өз біліктілігін растауы тиіс болады. «Кәсіптік біліктілік туралы» заң негізінде осындай талаптар енгізілмек. Яғни жұмыс іздеп жүрген маман жұмысқа орналаспас бұрын тәуелсіз сертификаттаудан өтуі керек болады. Бұл жайлы ҚР еңбек және халықты әлеуметтік қорғау вице-министрі Олжас Ордабаев айтты.

Министрдің айтуы бойынша, бұл маманның еңбек нарығына шығуына жылдам жол ашады. Бұл орайда мемлекет жұмыссыз адамдарға тегін ваучер береді. Яғни жұмыс іздеуші өз біліктілігін растау үшін арнайы орталыққа жүгінеді. Бағалау процедурасының өзі теориялық және практикалық емтихандар түрінде жүзеге асырылады. Құзыреттерді бағалаудан өту кезеңінде қызметкерлерге еңбек заңнамасына сәйкес даярлау, қайта даярлау...

Автокредиттеу қызметтері нарығын талдау Бәсекелестікті қорғау және дамыту агенттігінің 2022 жылға арналған жұмыс жоспарына сәйкес жүргізілді.

Агенттік дерегінше, жалпы, 2015 жылдан бастап жеңілдікті автокредиттеуді қаржыландыру бағдарламаларының бірқатар проблемалық аспектілері болды.

«Автокредиттеуді жеңілдетілген қаржыландырудың негізгі проблемасы автомобильдерге сұраныс пен ұсыныстың сәйкес келмеуіне байланысты. Сұраныстың артуына байланысты жеңілдікті бағдарламаларды тоқтата тұруға тура келді, себебі бөлінген қаражат таусылды», делінген есепте.

Осының салдарынан қарыз алушы револьверлік қаражаттың түсуін күтіп, банкте өтінімді қарауға ұзақ уақыт кезекте тұруға мәжбүр болды.

Бұл жағдай пандемия кезеңінде логистикалық маршруттардың ұзаруына, сондай-ақ елімізде құрастырылған автомобильдерді сатуды жүзеге асыратын автодилерлерд...

Пилоттық жоба аясында 17 жасар балаларды әскери есепке қою автоматты түрде  жүргізілетін болады. Бұл туралы Қорғаныс министрлігі хабарлады.

Қорғаныс ведомствосының бастамасын Премьер-Министр, мүдделі мемлекеттік органдар, Астана, республикалық маңызы бар қалалар мен облыстардың әкімдіктері қолдады.

«Жыл сайын 120 мыңға жуық 17 жасар бала әскери есепке алынады. Қызметті автоматтандыру шақыру учаскелеріне тіркеуді ұйымдастыру және жүргізу үшін жергілікті атқарушы органдарға жыл сайын бөлінетін миллиард теңгеден аса бюджет қаражатын үнемдеуге мүмкіндік береді. Ал үнемделген қаражат медициналық комиссия мүшелеріне еңбекақы төлеу, шалғайдағы ауылдық округтерден жастарды әскери комиссариаттарға алдыру, кеңсе тауарлары және т. б. қызметтерге жұмсалатын болады», делінген хабарламада.

Фото: kursiv.media

«Artsport» жобасы бойынша 11 адамға қатысты 19 қылмыстық іс қозғалған. Бұл жайлы Сыбайлас жемқорлыққа қарсы іс-қимыл агенттігінің қорытындысында жазылған.

Үйірмелер мен секцияларды мемлекеттік қаржыландыру жолымен, бұқаралық балалар спорты мен шығармашылығын дамытуға бағытталған «Artsport» жобасы шеңберінде анықталған сыбайлас жемқорлық схемалары қоғамда үлкен резонанс тудырған болатын.

Бұл жобаға мемлекеттен 43 млрд теңге бөлінді. 2021 жылы – 5,8 млрд теңге бөлінсе, 2022 жылы – 37 млрд теңге бөлінген.

«Бағдарламаны іске асырудың қысқа мерзімі ішінде 11 адамға қатысты 19 қылмыстық іс тіркелді. 6 адам сотқа берілді, оның 4-еуі сотталды, 5-еуіне қатысты – қылмыстық қудалау...

Фото: ТЖМ

Президенттің сынынан кейін отставкаға өтініш берген Төтенше жағдайлар вице-министрі Марат Күлдіков қызметінен босатылды. Бұл жайлы Үкіметтің баспасөз қызметі хабарлады.

«ҚР Үкіметінің қаулысымен Марат Мұхаметқалиұлы Күлдіков берген өтінішіне сәйкес ҚР төтенше жағдайлар вице-министрі қызметінен босатылды», делінген хабарламада.

Естеріңізге сала кетсек, бір ай бұрын, Абай облысы «Семей орманы» резерватындағы өрт кезінде құрылған жедел штаб отырысында Президент Төтенше жағдайлар жөніндегі вице-министр Марат Күлдіковтің сөзін бөліп, оның баяндамасы негізгі мәселеден ауытқып кеткенін ескерткен. ТЖМ басшысы дер кезінде келмегенін, облыс әкімі орынбасарларын жіберіп, жұмысқа деген немқұрайлы қарым-қатынас жасалғанын баса айтқан еді Тоқаев.

Ал 11 шілде...