Жаңалықтар

Теңгеге байланысты рубль курсы күшеюді жалғастырып жатыр. Қазақстан қор биржасының мәліметі бойынша, кеше күндізгі сауда кезінде 1 рубль 8,4 теңгеге бағаланған. Қазір Алматыда 1 рубльді сатып алу – 7,48 теңге, сату – 7,88 теңге. Нұр-Сұлтанда сатып алу бағамы – 7,6 теңге, сату бағамы – 7,76 теңге. Сондай-ақ Мәскеу биржасының дерегі бойынша, рубль бағамы доллар мен еуроға қатысты да күрт күшейген.

Рубльдің қымбаттауы Ресейден келетін импортты да қымбат қылады. Біз онсыз да Ресейге импорттық тұрғыдан тым қатты тәуелді елміз. Азық-түлік дүкендерімізді толтырып тұрған өнім атаулының жартысынан астамы солтүстік көршімізден келеді.

«Ресей валютасының шамадан тыс нығаюы көрші нарық экономикасындағы бұрмалануларға байланысты. Санкциялар...

Қазақстанның Сыртқы істер министрлігі ауған халқына көңіл айтты. Ауғанстанның шығысындағы жойқын жер сілкінісі салдарынан мыңдаған адам қаза тапқан.

«Қазақстан халқы мен басшылығының атынан осы апаттан қаза тапқандар мен зардап шеккендердің отбасыларына шын жүректен көңіл айтамыз. Қалыпты тіршілікке тезірек оралуға тілектестік білдіреміз» делінген хабарламада,

Айта кетейік, Ауғанстан төтенше жағдайлар жөніндегі министрінің орынбасары Шарафуддин Муслим жер сілкінісінен мыңнан астам адам қаза тауып, 600-ден астам адам жарақат алды деп хабарлады.

АҚШ геология қызметінің мәліметінше, жер сілкінісінің күші 5,9 баллды құраған. Жер сілкінісінің ошағы провинцияның әкімшілік орталығы – Хост қаласынан 44 шақырым жерде орналасқан.

Қазақстанның ірі команиялары 27-29 маусым күндері жастарға арналған алғашқы бос жұмыс орындары  онлайн-жәрмеңкесіне қатысады. Электронды еңбек биржасында қазақстандық компаниялардың HR-менеджерлері өз мекемесін таныстырады. Бос жұмыс орындары жәрмеңкесіне 18-35 жас аралығындағы азаматтар қатысуға құқылы. Ол үшін Enbek.kz порталында тіркелу қажет, деп хабарлайды ЕХӘҚМ баспасөз қызметі.

Тіркелу үшін порталдың басты бетіндегі жәрмеңке баннерін басып, өтінім беру керек. Онда жәрмеңкеге қатысу ережелерімен және бағдарламасымен танысуға болады.

Бос жұмыс орындары жәрмеңкесінде жұмыс берушілер онлайн-таныстырылым өткізіп, өздерінің компаниясы, еңбек жағдайы, бос жұмыс орындары және өзге де ақпарат туралы айтып береді.

Жәрмеңкеде 1300-ден астам бос жұмыс орнын Еуразиялық топқа (ERG) және Республикалық тау-кен өндірушілері және тау-кен...

Қазақстан 2026 жылға қарай шетелден тікелей келетін инвестиция көлемін $25,5 млрд жекізуді жоспарлап отыр. Бүгін Үкімет отырында бекітілген инвестициялық саясат тұжырымдамасының жобасында осындай болжам жасалған.

Тұжырымдама бойынша 2026 жылы негізгі капиталға құйылатын инвестиция деңгейін ЖІӨ-нің 25,1%-не дейін жеткізу керек.

Премьер-министр Әлихан Смайылов шетелдік инвестиция тартуда Қазақстан Орталық Азияда көш бастап отырғанын атап өтті.

«Осы деңгейді ұстап тұру үшін шетелдік инвестиция үшін тартыста белсенділік танытып, инвесторларға барынша қолайлы жағдай жасау керек. Сонымен қатар экономиканың шикізаттық емес секторындағы инвестициялық жобаларды қаржыландыру көздерін көбейту қажет.  Бұл тұжымдама экономиканы дамытатын драйвер, халықтың әл-ауқатын көтеруге ықпал ететенін жаңа инвестициялық циклдың бастауы болуы тиіс» дед...

ҰҚК Төрағасының орынбасары – Шекара қызметінің директоры генерал-лейтенант Д.А. Ділманов,  Шекара қызметі Алматы облысы бойынша департаменті «Нұр Жолы» шекара бақылау бөлімінің бастығы майор Н. Арысбаев және басқа да адамдар ұсталып, уақытша ұстау изоляторына қамалды, деп хабарлайды ҰҚК баспасөз қызметі.

Олар  22 маусымда Ұлттық қауіпсіздік комитеті Қазақстан-Қытай шекара бекеттерінде билігін асыра пайдалану фактілері бойынша жүргізіп жатқан сотқа дейінгі тергеу шеңберінде ұсталған.

Өзге ақпарат тергеу мүддесінде жариялауға жатпайды делінген хабарламада.

Қазақстандағы қант тапшылығы халық пен бизнеске қатты әсер етіп отыр. Бұл елімізде тәтті тұтыну көлемінің азайғанынан аңғарылады. Мәселен, республикада бір адам орта есеппен айына 1,5 келі құмшекер жейді. Ал жыл басынан бері үш ай ішінде әр қазақстандық орта есеппен 10,3 келі қант, джем, бал, шоколад және кондитерлік өнім тұтынды, ал бұл көрсеткіш 2021 жылмен салыстырғанда 1,3%-ға аз, деп хабарлады Energyprom.kz.

Сарапшылардың хабарлауынша, жыл басынан бері құмшекерге деген сұраныс артқан. Ай сайын тұтынатын 10,3 келі қант өнімдерінің ішінде 4,5 келісі – құмшекер. Бұл көрсеткіш былтырғы қаңтар-наурызбен салыстырғанда 7,2%-ға артқан. Сондай-ақ сұраныс артқан өнімдер арасында балмұздақ (2,6%-ға артты), шоколад (0,5%) бар.

Балаларды тегін спорт және өнер үйірмелерімен қамтамасыз ету үшін қолға алынған Артспорт бағдарламасының айналасында шу басылмай тұр. Бірқатар аймақтарда тегін үйірмелерді қаржыландыратын ақша таусылып, жабылып жатыр. Бүгін осы бағдарламаға жауапты Мәдениет және спорт министрлігінің басшысы Дәурен Абаев қаржыландыру мәселесі өзекті болып тұрғанын айтып, қаржы тапшы деп мәлімдеді.

«Өкінішке қарай, қазіргі уақытта ол (бағдарлама – Kursiv.media) толық жұмыс істеп тұруын қамтамасыз етуге қаражат жоқ екенін мойындауымыз керек. Дегенмен, расталған ваучерлерге керек қаражат табылатынын айтқымыз келеді. Қазіргі уақытта 495 000 бала 15 000-нан астам үйірмеге қатысады. Оған 32 миллиард теңгеден астам қаржы бөлінді. Жыл соңына дейін қосымша 97 млрд теңге қажет» дед...

Қазақстанда мүлік иелерінің бірлестігін енгізу мерзімі 2023 жылғы 1 шілдеге ауыстырылды, деп хабарлайды ҚР ИИДМ.

Аталған норма кондоминиум объектісін басқарудың жаңа нысандарына сапалы көшу мақсатында енгізілген. Заң жобасы ҚР Парламенті Мәжілісінің пленарлық отырысында мақұлданды.

Айта кетерлігі, көзделген жаңашылдықты іс жүзінде жүзеге асыру барысында тұжырымдамалық деңгейде заңнамалық түзетулер енгізуді талап ететін проблемалар анықталған. Сонымен қатар, қолданыстағы басқару нысандары мен жеке құрылыс салушылар тарапынан кедергілер орын алған. Атап айтқанда, қажетті техникалық және қаржылық құжаттама жаңадан құрылған басқару нысандарына берілмеген.  

Айта кетейік, «Қазақстан Республикасының кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» ҚР Заңы 2020 жылғы...

Тегеран қаласында өткен бизнес-форумда ирандық және қазақстандық бизнесмендер  жалпы құны 200 млн доллардан асатын 12 құжатқа қол қойды.  Атап айтқанда, түсті металдар мен полиэтилен өнімдері саласындағы ынтымақтастық туралы уағдаласты. Сонымен қатар,  қазақстандық бидай мен басқа да ауыл шаруашылығы тауарларын Иран аумағы арқылы тасымалданатын болды.

Бұл форум  мемлекет масшысының Иран Ислам Республикасына сапары шеңберінде  ұйымдастырылған.

«Қазақстан мен Иран арасындағы екіжақты ынтымақтастықтың инвестициялық және сауда-экономикалық көрсеткіштері бүгінде одан әрі дамуға үлкен әлеуетке ие» деп мәлімдеді ҚР Премьер-Министрінің орынбасары – сауда және интеграция министрі Бақыт Сұлтанов.

Пандемия мен санкцияларға байланысты өзара сауда көлемі айтарлықтай төмендегенімен, 2021 жылдан бастап оң динамика байқалады. 2022 жылғы қаңтар-сәуірде...

«ВТБ Банк (Қазақстан) АҚ ЕБ-ның жалғыз акционері – ВТБ Банк (Ресей) өзінің қазақстандық еншілес банкіне жариялаған акциялар санын әрбіріне 10 мың теңге номиналды құнмен 7 995 700 бірлікке дейін ұлғайтуға шешім қабылдады. Бұл туралы Қазақстан қор нарығының (KASE) ресми сайтында жарияланған құжат мәтінінен білуге болады.

«Акционерлік қоғамдар туралы» Қазақстан Республикасының 2003 жылғы 13 мамырдағы №415-II Заңының 36-бабы 1-тармағының 3-тармақшасына және Банк Жарғысының 9.2-тармағының 9.2.4-тармақшасына сәйкес: – Банктің жариялаған қарапайым акцияларының саны әрқайсысының номиналды құны 10 мың теңгеден 7 995 700 данаға дейін ұлғайтылсын. Әрқайсысының номиналды құны 10 мың теңге болатын саны 2 995 700 дана бұрын орналастырылған жай акцияларға қосымша ретінде әрқайсысының номиналды құны 10 мы...

Қазақстанның тұңғыш президенті Нұрсұлтан Назарбаевтың немере інісі, ҰҚК төрағасының  бұрынғы орынбасары Самат Әбіштен жауап алынып жатыр. Бұл туралы 22 маусымда журналистерге ҰҚК төрағасының орынбасары Асқар Әмерханов мәлім етті.

«Самат Әбіш те тергеу орбитасында. Олкуәлік беріп жатыр, бірақ мен оның статусын білмеймін» деді ол.

Бұл ретте Амерханов өзінің Самат Әбішті көрмегенін атап өтті.

«Ол Қазақстанда. Мен оны өзім көрмедім. Тергеу жүріп жатыр, ол сонда болы керек» деді ҰҚК төрағасының орынбасары.

Бұған дейін Самат Әбіштің ҰҚК-дағы қызметінен босатылғаны хабарланған болатын. Тиісті жарлыққа Қазақстан президенті Қасым-Жомарт Тоқаев қыста қол қойды.

Бүгін Мәжіліс отырысында депутаттар «Геодезия, картография және кеңістіктік деректер туралы» заң жобасын бірінші оқылымда мақұлдады.

Заң жобасын таныстырған Цифрлық даму, инновациялар және аэроғарыш өнеркәсібі министрі Бағдат Мусин 2002 жылы қабылданған қолданыстағы заңды қайта қарау керек дейді.

«20 жылдың ішінде геодезия және картография саласы үлкен өзгеріске ұшырады. Өндіріске цифрлық технологиялар мен спутниктік құралдар енгізіліп, кеңістіктік деректердің дәлдігі мен тиімділігіне, қолжетімділігіне деген талаптар күшейді. Сондықтан олқылықтар мен қайшылықтарды жөндеу үшін қазіргі заңды редакциялап, ілеспе заң қабылдау қажет»  деді Бағдат Мусин.

 Министрдң айтуынша, негізгі Заңның жобасы жүзеге асса, жер қатынастары, сәулет, құрылыс, жер қойнауын пайдалану мен қоршаған ортаны қорғау, геология, тұрғын үй-коммуналды...

Үлкен Талдыкөл маңында шыққан өртті сөндіруге МИ-8 ұшағы мен  отыз шақты техника жұмылдырылды, деп хабарлайды ТЖМ.

20 маусым күні сағат 15-ке таман  Қорғалжын тас жолы бойында, үлкен Талдыкөл көлі  маңында  жалпы аумағы шамамен 6,5 га   болатын қамыс өртенген.

Өрт бүгін таңғы алтыға таман толық өшірілген.

2021 – 2025 жылдарға арналған кәсіпкерлікті дамыту жөніндегі ұлттық жобаа жыл басынан бері 185 мың адам қатысқан. 167,1 мың адам жұмысқа орналастырылды. Оның 91,2 мыңы тұрақты жұмыс тапты, деп хабарлайды Еңбек және халықты әлеуметтік қорғау министрлігі.

Жұмыс берушілердің өтініші бойынша 3,4 мың адам оқу үшін оқыту ұйымдарына жіберілді.

1,5 мың адам өз кәсібін бастауға мемлекеттік грант алды.

Субсидияланатын жұмыс орындарына 82,5 мың адам орналастырылды. Әлеуметтік жұмыс орындарымен 11,4 мың, жастар практикасымен 8,6 мың, қоғамдық жұмыстармен 61,1 мың адам қамтылды. «Алғашқы жұмыс орны» жобасы аясында 1,1 мың, «Ұрпақтар келісімшарты» жобасы аясында 138 адам,  «Күміс жас» жобасы аясында 226 адам...

3 науқастың жағдайы ауыр

22 маусымдағы мәлімет бойынша, 225 адам коронавирус инфекциясынан (–150+ және 55 КВИ-) емделіп жатыр, олардың ішінде 42 пациент стационарда, 183 науқас амбулаториялық деңгейде ем қабылдауда.

КВИ+, КВИ- шалдыққандардың арасында:
• 3 адамның жағдайы ауыр,
• 1 науқас ӨЖЖ аппаратында жатыр.

Енді Орталық Азия жастарына жаңа мүмкіндіктер ашылмақ

Жуырда Еуропалық білім беру қоры (ETF) Орталық Азия жастарына жаңа мүмкіндіктер ашатын DARYA келісіміне қол қойып, аймаққа деген ықыласын білдірді. Атап өтейік, Еуропалық білім беру қоры – бұл Еуропалық Одақтың айналасындағы елдерге білім беру, оқыту және еңбек нарығы жүйелерін ілгерілетуде қолдау көрсететін Еуроодақ агенттігі.

DARYA келісімі Қазақстан, Қырғызстан, Тәжікстан, Түркіменстан және Өзбекстан жастарына сапалы білім алу мен оқуға қол жеткізуге, инклюзивті оқыту және жұмыспен қамту жүйелерін пайдалануға және еңбек нарығына қажетті дағдыларды дамытуға көмектеседі. Жоба бес елдің әрқайсысында, сондай-ақ өңірлік деңгейде қызмет ететін болады.

Пандемияға жағдайына дейін де Орталы...

«Өнеркәсіпті дамыту қоры» АҚ «Еуразиялық банк» АҚ мен «Қазақстан Халық Банкі» АҚ банктеріне жеңілдетілген автонесиені қаржыландыру бағдарламасы аясында кезекті транш бөлінгенін хабарлады.

 Бөлінген лимит мөлшері:

Осылайша, бағдарлама аясында қатысушы банктерге 90 млрд теңге аударылды, оның ішінде:

Бөлінген транш игерілгеннен кейін 10 млрд теңге көлеміндегі қалған лимит «Еуразиялық банк» АҚ-на бөлінеді.

Қазіргі кезде қатысушы банктер жалпы сомасы 82 млрд теңгеге...

Елімізде шегіртке сынды зиянкестерді жоюға 2,5 млрд теңге бөлінген. Бұл туралы ҚР АШМ Агроөнеркәсіптік кешендегі мемлекеттік инспекция комитетінің төрағасы Алмабек Марс айтып өтті.

Орталық коммуникациялар қызметінде шегіртке және өзге де  зиянкестерге қарсы күрес, егістіктерді аса қауіпті зиянды организмдерден қорғау жайынан хабардар етті.

Маманның айтуынша, республика аумағында ерекше қауіпті организмдердің 12 түрі, зиянды организмдердің 5 түрі мен карантиндік объектілердің 14 түрі таралған.  Соның ішінде шегірткемен күреске ерекше көңіл бөлінеді. 

«Биыл үйірлі шегірткелер 997,2 мың га алаңда таралған, оның ішінде итальяндық прус – 760 мың га, азиялық шегірткелер – 201 мың га және марокко шегірткелері 35 мың га жерді жайлады. Сонымен қатар...

Елімізде мұғалімдер тапшылығы бар және білім сапасы нашар өңірлерге үздік педагогтерді тарту бойынша арнайы бағдарлама басталды, деп хабарлайды Оқу-ағарту министрлігі.

Қазіргі уақытта байқауға қатысуға құжат қабылдау жүріп жатыр. Қажетті құжаттар тізімі жергілікті атқарушы органдардың және НЗМ ақпарат ресурстарында орналастырылған. Құжаттар 2022 жылғы 26 ​​маусымға дейін қабылданады.

Түркістан, Атырау, Маңғыстау және Алматы облыстарына математика, физика, химия, орыс тілі мен әдебиеті, шет тілі мұғалімдері қажет.

«Халықаралық PISA 2018 зерттеуінің және Ұлттық бірыңғай тестілеудің нәтижелері басқа облыстардың оқушыларымен салыстырғанда осы өңірлер оқушыларының білімінде алшақтық барын көрсетіп отыр. Осы өңірлердің білім сапасын арттыру және педагог тапшылығы мәселесін шешу үшін үздік мұғалімдерді тарту мақсатында арнайы...

Суға шомылу маусымы басталғалы бері 36 адам суға кетіп қайтыс болған. Соның ішінде 19 бала суға кеткен. Бұл туралы Орталық коммуникациялар қызметінде ҚР ТЖМ Азаматтық қорғаныс және әскери бөлімдер комитетінің төрағасы Сыздықов Бауыржан  айтты.

 Қазіргі кезде елімізде шомылуға рұқсат етілген 497 орын бар. Оның ішінде 142 коммуналдық және 341 жеке жағажай, олардың саны жыл сайын артып келеді. 

ТЖ министрлігінің құтқару бөлімшелерінің  493 құтқарушысы тәулік бойы  125 су  учаскесін бақылайды.

Еліміздің су айдындарында алдын алу жұмыстары аясында жыл басынан бері 50 адам құтқарылған.

Қазақстанда 1 шілдеден бастап жекелеген микронесие түрі бойынша сыйақы есептелмейтін болды. Бұл туралы Қаржы нарығын реттеу және дамыту агенттігі төрағасының міндетін атқарушы Нұрлан Әбдірахманов хабарлады.

«Микронесие бойынша проблемалық берешек көлемін шектеу үшін 2022 жылдың 1 қаңтарынан бастап тұтынушылық микронесие, соның ішінде онлайн микронесиеге қатысты міндеттемені орындау мерзімі 90 күннен асқаннан кейін комиссия мен өсімпұл есептеуге тыйым салынды. Сонымен қатар, микрокредит бойынша мерзімі өткен берешектің өсуіне жол бермеу мақсатында 2022 жылғы 1 шілдеден бастап тұтынушылық микрокредиттер бойынша міндеттемені орындау мерзімі 90 күн кешіктірілгеннен кейін сыйақыны есептеуге тыйым салуды белгілейтін заңнамалық түзетулер қабылданды» деді Әбдірахманов.

Ол сондай-ақ:

«Берег» полигонында ТМД  елдерінің Қарулы күштері инженерлік әскері бөлімшелерінің бірлескен жиыны басталды. Іс-шараға Беларусь, Қазақстан және Ресейдің әскери қызметшілері қатысып жатыр, деп хабарлайды Қорғаныс министрлігінің баспасөз қызметі.

Жиынға Қазақстан әскері атынан инженерлік-саперлік құраманың әскери қызметшілері қатысып отыр.

«Сапер мамандар теориялық білімдерін іс жүзінде бекітіп, тактикалық-арнайы және арнайы дайындықтар бойынша нормативтерді орындайды. Жиын барысында Іле өзені арқылы паромдық өткел жүргізу, робототехникалық кешендерді қолдана отырып, жол учаскесін және объектілерді минасыздандыру секілді инженерлік қамтамасыз ету тапсырмалары бірлесіп пысықталатын болады» делінген хабарламада.

Инженерлік бөлімшелердің бірлескен жиыны 23 маусымға дейін жалғасады.

Мамыр айында ЕАЭО елдерін арасында  Ресейде жылдық инфляция деңгейі ең жоғары – 17,1%. Ал Беларусь 17% көрсеткішпен екінші орында тұр.  Ал Қазақстан үшінші орынға шықты. Елімізде жылдық инфляция деңгейі 14 пайызды құрады, деп хабарлайды ҚР Ұлттық статистика бюросы.

Төртінші орын Қырғызстанға тиесілі – 14%, ал ең төменгі инфляция Арменияда – 9%.

Азық-түлік пен  алкогольсіз сусындар  Ресейде 22%-ға қымбаттаған Ал  Беларусьте тұрғын үй қызметі, су, электр қуаты, газ және т.б. тарифтер 17%-ға, қымбаттағаны атап өтілді.

Мамыр айында өткен аймен салыстырғанда тұтыну бағасының индексі Қазақстанда – 101,4%, Беларусьте – 100,7%, Қырғызстанда – 100,3%, Армения мен Ресейде – 100,1% құрады.

Мамыр айында екінші деңгейлі банктер мен банктік емес жекелеген айырбастау пунктерінде жалпы салмағы 92,7 келі 3 316 алтын құйма сатылды, деп хабарлайды Ұлттық банктің баспасөз қызметі.

Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 3,2 тоннаға жуық 94 545 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында ең көп сұранысқа ие түрі – 10 грамдық алтын құйма. Жалпы сатылған құймалар арасында оның үлесі – 26%, яғни, 24 493 дана. Одан кейін...