Жаңалықтар

Астана қаласында оқушылардың тәртібі мен қауіпсіздігін жасанды интеллект камералары қадағалайды. Бұл туралы Kursiv.Media елорда әкімдігінің мәліметіне сүйене отырып хабарлайды.

Астанадағы №107 мектепке орнатылған бейнебақылау камералары жасанды интеллект жүйесіне қосылған. Соның көмегімен мектеп басшылығы балалардың қауіпсіздігі мен тәртібін жіті назарда ұстайды.

2024 жылы қаланың Есіл ауданында ашылған мектепте 847 оқушы бар. Білім ордасы толықтай цифрлық жүйеге көшкен.

«Қыркүйек айынан бастап біз ЖИ негізіндегі мектеп моделін жүзеге асыра бастадық. Жоба аясында мектептің бейнекамераларына ЖИ мүмкіндіктері енгізілді. Ол үшін біз «Protector AI» компаниясымен келісімшарт жасастық. Нәтижесінде олар бізге жаңа құрылғылар орнатты», – деді мектеп директоры...

18 қаңтарда Алматы халқы Рәтбек қажы Нысанбайұлын ақтық сапарға шығарып салды. Күннің аяз болғанына қарамастан, Орталық мешітке адам көп жиналды.

Рәтбек қажы Қазақстан мұсылмандары діни басқармасының алғашқы төрағасы болып, бас мүфти қызметін он жыл атқарған.

Дін қайраткерінің жаназа намазын Рәтбек қажының шәкірті, қазіргі бас мүфти Наурызбай қажы Тағанұлы оқып, қайғы жамылған әулетке сабыр тіледі.

«Рәтбек қажы хазірет – Қазақстан мұсылмандары діни басқармасының ғана емес, халқымыздың үлкен ақсақалы еді. Зиярат етіп барғанымызда әркез халықтың, елдің тілеуін тілеп отыратын. Марқұмның тіршілігіндегі барша ізгі амалдарын Алла Тағала қабыл етсін!» – деді ол.

Азалы жиында мүфти президент Қасым-Жомарт Тоқаев

18 қаңтарда Иранның бір шенеунігі елдегі нарызылық кезінде кем дегенде 5 мың адам қаза тапқанын айтты. Оның ішінде қауіпсіздік күштерінің шамамен 500 қызметкері мерт болған. Мәліметті Reuters жариялады.

Аты-жөні баспасөзде аталғанын қаламаған парсы шенеунігі қанды қақтығыстардың бірі Иранның солтүстік-батысында, күрділер көп тұратын ауданда болғанын мәлімдеді. Бұған қоса, шенеунік наразылыққа шыққандарды «содыр», «қарулы бүлікші» деп айыптаған. Дереккөз қаза болғандар саны күрт өспейтінін атап өткен.

Сонымен бірге шенеунік «Израиль мен шетелдің басқа да қарулы топтары» наразы топқа қолдау көрсетті деп мәлімдеген. Иран билігі халық наразылығының себебін үнемі сырттан іздейді, деп жазды Reuters.

Бұл уақытта бас кеңсесі АҚШ-та орналасқан HRANA адам...

Қытай тіліндегі әлеуметтік желілер 18 қаңтардағы ірі жол апатын талқылап жатыр. Онда Model Y жеңіл электромобилі жол талғамайтын Tank 300-ді аударып түсірген.

Вирус боп тараған апат

Көліктер соғысқан кезде түсірілген видео Weibo, Douyin секілді желілерде вирус боп тарады.

Model Y электрокарын миллиардер Илон Масктің Tesla компаниясы шығарған. Ал Қытайда танымал Tank 300 көлігін Great Wall Motors өндіреді.

Апатқа кім кінәлі

Желілерде тараған видеодан жеңіл электрокардың ауыр...

Газа секторында бейбітшілік орнатуға қатысқың келсе, 1 млрд доллар төле. АҚШ президенті Дональд Трамп «Бейбітшілік кеңесіне» мүше болу құнын белгіледі. Бұл туралы Bloomberg жазды.

Басылымның мәліметінше, жаңадан құрылатын халықаралық құрылымға кімдер кіретінін Трамп шешеді. Мамандар Ақ үй басшысының мұндай әрекеті Біріккен Ұлттар Ұйымының беделіне нұқсан келтіреді деп есептейді.

Алғашқы жылы 1 млрд доллар аударған елдер кеңестен шықпайды, ал қатысқандарының мандаты үш жылға созылады, деп таратты БАҚ.

Reuters мәліметінше, Иордания королі Абдалла осы кеңеске кіруге шақырту алған. Оны Трамптың өзі шақырған.

Бір күн бұрын Израиль билігі Трамп әкімшілігінің Таяу Шығысқа қатысты кеңес құру әрекетін сынаған. Премьер-министра Биньямина Нетаньяху...

«Теңізшевройл» мұнай компаниясының Атырау облысы Жылыой ауданында орналасқан зауыты өртеніп, жүздеген жұмысшы эвакуацияланды.

Жергілікті «Ақ Жайық» газетінің мәліметінше, өрт 18 қаңтарда таңертең сағат 09:55 шамасында шыққан. Теңіз кен орнындағы үшінші буынға жататын зауыттың 52-учаскесі өртенген.

«От бірінші және екінші генератор арасындағы трансформатор орналасқан аумақта тұтанған», – деп таратты басылым.

Зауыт аумағындағы жүздеген жұмысшы эвакуацияланған. Баспасөз барлығы 473 адам шығарылғаны туралы мәлімет таратты. Өрттен зардап шеккендер туралы мәлімет әзірге жарияланбады. Өрт сөндірілді.

«Теңізшевройл» компаниясына тиесілі зауыттың өртену себебі анықталып жатыр.

Астана қаласының Сарыарқа ауданындағы Кубрин көшесінде орналасқан он екі қабатты тұрғын үйде өрт шықты. Төтенше жағдайлар министрлігі 23 адам эвакуацияланғаны туралы мәлімет таратты.

Министрліктің мәліметінше, биік ғимараттың бірінші қабаттағы пәтерлерінің бірінде жиһаз жанған. Өрт сөндірушілер тұрғындарды тез арада эвакуациялауға кірісті.

«Құтқарушылар күшімен баспалдақ арқылы 23 адам, оның ішінде тоғыз бала эвакуацияланды», – деп таратты «112».

Тілсіз жау 25 шаршы метрге жайылып үлгерді. Өрт сөндірушілер жалынды сөндірді.

Төтенше оқиғадан ешкім зардап шекпеді. Қазір өрттің шығу себебі анықталып жатыр.

Естеріңізге сала кетейік, бір күн бұрын ғана Астанада көпқабатты тұрғын үй өртеніп, құтқарушылар үш...

Guoyou Materials Group қытай компаниясы Маңғыстау облысындағы Құрық портын дамытуға 1,1 млрд доллар инвестиция салуды көздеп отыр. Бұл туралы Kursiv.Media Kazakh Invest мәліметіне сүйене отырып хабарлайды.

Ұлттық компания осы аптада қытай инвесторларымен кездесіп, ірі жобаны іске асыру болашағын талқылады. Жүздесу барысында Қытай – Каспий – Кавказ – Еуропа бағытында теңіз–теміржол желісі үшін «Құрық» портында кешенін салу мәселесі сөз болды.

«Жобаның бірінші кезеңі бойынша инвестиция көлемі шамамен 300 млн долларға бағаланады. Барлық кезеңдерді іске асырған уақытта инвестиция көлемі 1,1 млрд долларға жетуі мүмкін», – деп таратты ұлттық компания.

Кешенде 800 тұрақты жұмыс...

Бар болғаны 21 жасында бақилық болған Нұрай Серікбайды өлтірді деген күдікпен ұсталған адамның туыстары кешірім сұрады. Күдіктінің бір туысы танымал блогер болып шықты.

Әулеттің үлкендері кешірім сұрады

Қамаудағы күдіктінің аты-жөні Шерхан Аймахан екені мәлім болды. 28 жастағы жігіт екі айға қамалып, «кісі өлтіру» бабымен тергеліп жатыр.

Күдіктінің аты-жөнін оның жақын туысы, блогер Мағжан Аймаханов әлеуметтік желіге жазды. Ол Instagram-да жарияланған видеода марқұмнын туыстарынан кешірім сұрады.

«Шымкентте Нұрайға қатысты болған оқиғаға бойынша (эфирге – ред.) шығып тұрмыз.
Ең әуелі Нұрайдың ата-анасына, туған-туыстарына қайғырып көңіл айтамыз», – деді блогер.

Экс-президенттің бауыры Болат Назарбаев пен оның немересінің суреті Threads әлеуметтік желісінде көпшіліктің ызасын туғызды.

Тредсті дүрліктірген жазба

Қазақстанда танымал әлеуметтік желіге @bolatovadiii аккаунтымен тіркелген қолданушы Болат Назарбаев пен оның немересі түскен суретті жариялап, «Жатқан жеріңіз жайлы болсын ата» деп жазды. Бір тәуліктің ішінде жазбаны 815 млн адам көріп, мыңдаған адам пікір жазды. Олардың дені сыни пікір қалдырды. Көпшілік аккаунт иесін марқұмның немересі деп есептейді.

Ең көп «like» жинаған үш пікірдің мазмұны мынадай:

«Қайрат» футбол клубы аргентиналық жартылай қорғаушы Себастьян Себальоспен келісімшартқа қол қойды. Бұл туралы Kursiv.Media алматылық клуб мәліметіне сүйене отырып хабарлайды.

24 жастағы Себальостың келісімі 2027 жылдың аяғына дейін жарамды. Жартылай қорғаушы бұған дейін аргентиналық «Реал Оруро» клубында ойнаған. Өткен маусымда 40 матч өткізіп, 18 гол соққан.

«Сары-қара отбасыға қош келдің, Себастьян!» – «Қайрат» жаңа футболшыны осылай қарсы алды.

«Қайрат» клубы сұрамын нығайтып жатыр. Бұған дейін алматылық команда бразилиялық қорғаушы Лукас Африкомен келісімшартқа отырған. 30 жастағы «Фламенго», «Сантос», «Лондрина» және «Эшторил» сынды танымал клубтардың намысын қорғаған.

Алматылық команда...

АҚШ Гренландияны қосып алу үшін келіссөздер жүргізуге дайын, деп мәлімдеді президент Дональд Трамп. Ақ үй басшысының осы сөздері Еуропа елдерінің шамына тиді.

Трамп Данияны мазақтады

Трамп Құрама Штаттардың Еуропа одағы елдеріне, соның ішінде Данияға да ұзақ жылдар бойы субсидия бөліп келген, енді осы көмекті қайтаратын уақыт келгенін ескертті.

«Қытай мен Ресей Гренландияға көз тігіп отыр, Даниялар оларға ештеңе істей алмайды. Қазір олардың итке жегетін екі шанасы ғана бар, екіншісін жақында ғана алған», – деп мысқылдады Трамп өзіне тиесілі Truth Social әлеуметтік желісіне.

Бұған қоса, Трамп Дания, Норвегия, Швеция, Франция, Германия, Ұлыбритания, Нидерланд...

Қазақстандық теннисші Юлия Путинцева Аустралия ашық біріншілігінің (AO-2026) алғашқы раундынан сүрінбей өтті. Ол 18 қаңтарда, жексенбіде басталған ірі турнирдегі бірінші матчында бразилиялық Беатрис Хаддад Майяны жеңді.

Тартысты өткен матч үш сетке созылды: 3:6, 7:5, 6:3. Ойын шамамен үш сағатқа созылды. Путинцева үш мәрте эйс орындап, бір мәрте допты ойынға қосудан қателесті.

Кездесу кезінде 11 мәрте брейк жасалды, солардың алтауын Юлия жүзеге асырды.

Бүгін Александр Бублик Мельбурндегі алғашқы ойынын өткізеді. Ол америкалық Джексон Бруксбимен кездеседі. Матч Маргарет Корт стадионында Астана уақытымен түскі 13:00-ден кейін басталады.

Биыл Австралия ашық біріншілігіне Қазақстан атынан бес теннисші қатысып жатыр. Зарина Дияс пен Александр...

Алматыда мегаполистегі танымал ойын-сауық орындарының бірінен келушілерге есірткі затын таратты деген күдікпен аспаз ұсталды. Бұл туралы Polisia.kz хабарлады.

Жедел іс-шаралар барысында ас үй қызметкері жұмыс орнында құрықталды. Ол келушілерге есірткі заттарын таратты деген күдікке ілінген.

Күдіктіні жеке тінту кезінде ұнтақ тәрізді зат, өзіне тән иісі бар өсімдік тектес масса тәркіленген. Барлығы сараптамаға жолданды. Сонымен қатар полицейлер күдіктінің тұрғылықты мекенжайы бойынша да қосымша тінту жұмыстарын жүргізді.

«Біздің негізгі мақсатымыз – есірткінің таралуына жол бермеу және жастарды осы қауіптен қорғау. Адамдар көп жиналатын демалыс орындарында мұндай қатаң әрі жүйелі шаралар тұрақты түрде жалғасады», – деп мәлімдед...

Димаш Қытайға барып, авторлық «Fire» композициясымен Tmall NEWTY Festival шымылдығын ашты. Сондай-ақ осыдан 10 жыл бұрын Қытайдың «Singer» жобасында зор табыспен орындаған аңызға айналған «All By Myself» әнін шырқады. Бұл жайлы әртістің ресми сайты хабарлайды.

Tmall NEWTY Festival жаңа брендтер арасындағы «Оскар» сыйлығы деп аталады. Мұнда маркетинг, сән, дизайн және мәдениет саласындағы идеялар тоғысады. Инновациялар үшін марапаттау рәсімі танымал әртістердің музыкалық нөмірлерімен ұласты.

Димаш салтанатты шараның жабылуында «Олимпико» кантатасын орындап, көпшіліктің зор қошеметіне бөленді.

Димаштың бұл платформа шараларына қатысуы игі дәстүрге айналған. Бұған дейін ол Шанхайда өткен «Global Shopping Festival» аясында «Кошки» мюзикліндегі «Memory» әнін орындаған еді.

Былтыр жыл соңында Димаштың Love Is Not Over Yet ән...

Тоқаевтың өкімімен Қаныш Асанханұлы Әбубәкіров ҚР Қорғаныс министрінің бірінші орынбасары, Қарулы Күштер Бас штабының бастығы лауазымына тағайындалды.

Ол бұған дейін атқарған Қорғаныс министрінің орынбасары лауазымынан босатылды.

Қаныш Әбубәкіров 1977 жылы Түркістан облысында дүниеге келген. ҚР Қарулы Күштерінің Әскери академиясын және Ұлттық қорғаныс университетін тәмамдаған.

Еңбек жолы: 

Президенттің тағы бір өкімімен Сұлтан Бүркітбайұлы Камалетдинов ҚР Қорғаныс министрінің бірінші орынбасары, Қарулы Күштер Бас штабының бастығы лауазымынан босатылды.

Осыған дейін 13 қаңтарда Қорғаныс министрі Дәурен Қосановты қабылдап, Қарулы күштер жағдайын...

AirlineRatings сарапшылары сервистік қызмет көрсететін және бюджеттік (лоукостер) бағыттағы ең сенімді авиатасымалдаушылардың тізімін ұсынды.

Рейтингті жасау кезінде бірнеше маңызды фактор негізге алынды:

AirlineRatings басшысы Шарон Петерсеннің айтуынша, үздік 25 әуе компаниясының арасындағы қауіпсіздік айырмашылығы өте аз.

«Топ-25 тізіміне енген барлық компаниялар – әлемдік көшбасшылар. Сондықтан бір компания екіншісінен айтарлықтай қауіпсіз деп кесіп айту қиын», – деп атап өтті Шарон Петерсен.

Толық сервис көрсететін ең қауіпсіз әуе компаниялары:

Енді алаяқтар зиянды бағдарламаларды Telegram-дағы «кітап боттары» арқылы таратып жатыр. Бұл жайлы Қазақстан Республикасы Бас прокуратурасының жанындағы Қылмыстық қатерлерді болжау орталығы ескертеді.

Шетелдік дереккөздер мен киберқауіпсіздік мамандарының мәліметінше, алаяқтар пайдаланушыларды тегін электрондық кітаптармен қызықтырып, олардың жеке деректері мен қаржысына қол жеткізуді көздейді.

Алдау тәсілі қарапайым әрі психологиялық тұрғыдан сенімді етіп жасалған:

Логистика – кез келген ел экономикасының қан айналымы іспеттес. Өндіріс пен тұтыну арасын жалғайтын негізгі көпір – жүк тасымалы жүйесі. Қазақстан үшін бұл саланың маңызы тіптен ерекше. Ел аумағының кеңдігі, экспортқа бағытталған шикізаттық экономика, транзиттік әлеует – мұның бәрі тасымал көлемінің жыл сайын артуына тікелей әсер етеді. 2025 жылғы деректер соның айқын дәлелі.

2025 жыл қорытындысы: рекордтық көрсеткіш

2025 жылы Қазақстан бойынша тасымалданған жүк көлемі 1 163,6 млн тоннаға жетті. Бұл – соңғы жылдардағы ең жоғары деңгейлердің бірі. Яғни бір жыл ішінде ел ішінде және халықаралық бағыттарда миллиард тоннадан астам жүк қозғалысқа түскен.

Инфографика 01: 2025 жылдың қорытындысы бойынша...

Сағадат Нұрмағамбетов атындағы Құрлық әскерлері әскери институтында ұшқышсыз ұшу аппараттарының (ҰҰА) мамандарын даярлайтын арнайы мектеп жұмысын бастады. Бүгінде 300-ден астам курсант заманауи соғыс тәсілдерінің негізіне айналған FPV-дрондарды меңгеруге кірісті деп хабарлайды Қорғаныс министрлігінен.

Оқу бағдарламасының ерекшеліктері

Курсанттар тек ұшуды ғана емес, дрон технологиясының толық циклын меңгереді:

Мектеп аумағында арнайы дрон-трасса салынған. Практикалық сабақтар кезінде курсанттар дрондарды ұшырып, кедергілер...

Елорданың Алматы ауданында орналасқан көпқабатты тұрғын үйлердің бірінде ірі өрт болды. Бұл туралы ҚР ТЖМ баспасөз қызметі хабарлады.

Төтенше жағдай туралы хабарлама «101» пультіне таңғы сағат 07:57-де түскен. Тілсіз жау №194 пәтердегі 40 шаршы метр аумақты шарпып, жиһаздар мен үй заттарын күлге айналдырған.

Өртті сөндіруге және адамдарды құтқаруға жеке құрамның 40 адамы мен 10 бірлік техникасы жұмылдырылды. 54 адам қауіпсіз жерге шығарылды.

Өрт сөндірушілердің жедел әрекетінің арқасында 4 тұрғын құтқарылды, оның ішінде үш бала бар.

Астана қаласы ТЖД Өрт сөндіру қызметі кезекшісінің көмекшісі Әділ Бұсырмановтың айтуынша, газ-түтіннен қорғау қызметінің үйлесімді жұмысының арқасында сағат 08:15-те өрт ауыздықталды. Ал сағат 08:39-да тілсіз жау толықтай жойылды.

Оқиға салдарынан қаза тапқандар мен зардап...

Шығыс Қазақстан облысы Алтай ауданындағы Парыгино ауылында рекордтық аяз тіркелді. Тұрғындардың хабарлауынша, ауа температурасы –50 градустан төмен түскен.

Синоптиктер мен жергілікті тұрғындардың мәліметінше, 15 қаңтар күні Парыгино ауылында термометр бағаны –45 градусты көрсетсе, 16 қаңтардың таңында аяз күшейіп, –53 градусқа дейін жеткен. Түскі уақыттың өзінде ауа температурасы –48 градус шамасында болды.

Әлеуметтік және өмірлік маңызды нысандар штаттық режимде жұмыс істеп тұр, ешқандай ақаулар мен іркілістер тіркелген жоқ. Жағдай толық бақылауда, – деді Алтай ауданының әкімі Ренат Құрмамбаев.

Ал Парыгино ауылдық округ әкімі Ғани Төлеков ауыл тұрғындарының мұндай қатаң ауа райы жағдайларына жақсы дайындалғанын атап өтті.

Демалыста...

Түркістан облысының полиция департаменті Ұйымдасқан қылмысқа қарсы күрес басқармасының қызметкерлері ақша бопсалады деген күдікпен 32 жастағы блогер әйелді құрықтады. Бұл туралы Polisia.kz хабарлады.

Жедел-іздестіру шаралары барысында белгілі болғандай, күдікті өзін «қоғам белсендісімін» деп таныстырған.

Тергеудің алдын ала мәліметтері бойынша, блогер әйел Келес ауданындағы медициналық мекеме басшысынан 1 миллион теңге көлемінде сыйақы талап еткен. Күдікті бұл соманы бермеген жағдайда, әлеуметтік желілерде мекеме басшысының беделіне нұқсан келтіретін (дискредитациялайтын) материалдар жариялаймын деп сес көрсеткен.

Қазіргі таңда аталған дерек бойынша қылмыстық іс қозғалды. Заттай дәлелдемелер тәркіленді. Болған оқиғаның барлық мән-жайын анықтау мақсатында сотқа дейінгі тергеу амалдары жүргізіліп жатыр.

Осыған дейін Хромтау әкімі Сағындық Шабықбаев пара алғаны...

Шешенстан басшысы Рамзан Қадыровтың ұлы Адам Қадыров Грозныйдағы Республикалық клиникалық ауруханаға жеткізілді. Оның жағдайы ауыр болуы мүмкін. Бұл туралы «Кавказ.Реалии» басылымы екі бірдей дереккөзге сілтеме жасап хабарлады.

«Ауруханаға баратын жолдар жабық, өйткені ол жерге Адамды жеткізген. Ол ес-түссіз реанимацияда жатыр», – деп хабарлады Грозныйдағы дереккөздердің бірі.

Шешенстандық оппозициялық NIYSO Telegram-каналының хабарлауынша, Қадыровтың кортежі «әдеттегідей жоғары жылдамдықпен келе жатқанда, алдынан кедергі шыға келеді». Салдарынан көліктер бірінің артына бірі соғылып, ірі жол апаты болады.

Адам Қадыровтан бөлек, тағы бір жоғары лауазымды шешен шенеунігінің ұлы зардап шеккен болуы мүмкін. Тағы үш күзетші ауыр жарақат алған.

Қазір  аурухана маңындағы даңғыл жабылып...