Жаңалықтар

Lufthansa әуе компаниясының Мюнхен – Бейжің бағытымен ұшқан LH 0722 рейсінің жолаушысы әуе рейсі кезінде көз жұмды. Борт Алматы халықаралық әуежайына шұғыл қонды. Бұл туралы Қазақстанның Авиациялық әкімшілігі хабарлады.

Жолаушы есінен танып қалған соң, экипаж шұғыл қону туралы шешім қабылдаған. Әуе кемесіне Алматы халықаралық әуежайының медициналық қызметі мен қалалық жедел жәрдем бригадасы дереу жіберілген.

«Медицина қызметкерлері келген сәтте жолаушы ұшу барысында көз жұмғаны анықталды», – делінген хабарламада.

Алдын ала болжам бойынша өлім себебі – жедел жүрек жетіспеушілігі. Оқиғаға байланысты Қазақстанда қылмыстық іс қозғалды. Қазір тергеу жүріп жатыр.

Барлық рәсімдер аяқталған соң, ұшақ Алматыда жанармай...

Қазақстандағы мұнай-газ жобаларының қоғамдық тыңдауларын кездейсоқ аудит арқылы тексеруді бұған дейін депутаттар ұсынған еді. Алайда премьер-министр Олжас Бектенов бұл ұсынысты орындауға бейіл болмай шықты.

Жалпы мұнай-газ саласында 2023 жылы ашық түрде 3082 (өтті – 2897, өтпеді – 185), 2024 жылы 3496 (өтті – 3247, өтпеді – 249), 2025 жылдың 10 айында 3096 (өтті – 2896, өтпеді – 200) қоғамдық тыңдау ұйымдастырылған.

Ашықтықты, жобаларға еркін қол жеткізуді, сондай-ақ жұртшылықтың шешім қабылдауға қатысуын қамтамасыз ету үшін министрлік «Ұлттық ақпараттық технологиялар» АҚ-мен бірлесіп «eGov mobile» электрондық үкіметінің мобильді қосымшасында «қоғамдық тыңдау» компонентінің мобильді нұсқасын әзірлеген. Онда азаматтар қоғамдық тыңдау кезінде өз ұсыныстары...

Қазақстандықтардың банк депозитінде сақтап отырған ақшасы тағы бір рекордты жаңартты. Ranking.kz Ұлттық банк деректеріне сүйене отырып, халықққа тиесілі депозит 226,7 трлн теңгеге жетті деп хабарлайды. Бір айдың ішінде бұл көрсеткіш 1,1%-ға немесе 282,7 млрд теңгеге өскен. Ал бір жылдағы өсім 17,8%-ды құрады.

Елдегі ірі банктер арасында халық салымдарының айлық өсімі бойынша Bank RBK көш бастап тұр. Банктегі жеке тұлғалардың депозиттері бір айда 27,9%-ға (169,7 млрд теңгеге) артып, 777,7 млрд теңгеге жетті. Жылдық өсім 43,8%-ды құрады.

Екінші орынды Bereke Bank иеленді. Банктегі депозиттер бір айда 3,9%-ға артып, 853,1 млрд теңгеге жетті. Ал үштікті Отбасы банк түйіндед...

ЛГБТИК+ белсендісі Виталий Шевченко Мәжіліс депутаты Еділ Жаңбыршинді сотқа берді. Арызды Астана қалалық азаматтық істер жөніндегі ауданаралық соты қабылдап, сот отырысы өтетін күнді белгіледі.

«Не кукарекать» деген

Сотқа шағым түсірген Шевченко парламент өкілі оның ар-ұжданына тиіп, іскерлік беделіне нұқсан келтірді деп есептейді. Соған байланысты белсенді депутаттан кешірім сұрауды талап етті.

Істі судья Айгүл Аяпбергенова қарайды. Алғашқы сот отырысы 2026 жылғы 14 қаңтарда сағат 15:00-де өтеді. Соттың осы іске қатысты анықтамасы әлеуметтік желілерде таралды. Онда судья Ерденова бұған дейін тараптарды татуластыруға тырысқаны, бірақ оның бұл әрекетінен түк шықпағаны айтылған.

Шевченконың айтуынша, татуласуға депутат та, оның адвокаты да келмеген – Жаңбыршин...

АҚШ-тың Ішкі қауіпсіздік министрлігі ең қауіпті шетелдік қылмыскерлердің тізімін жариялады. Олардың қатарында Қазақстанның үш азаматы да бар.

Министрліктің ресми сайтында көрсетілгендей, бұл тізімге АҚШ-тың Иммиграциялық және кедендік бақылау қызметі ұстаған аса қауіпті шетелдіктер енгізілген.

Ведомство мәліметінше, министр орынбасары Ноэмнің басшылығымен Ішкі қауіпсіздік департаменті (DHS) пен Кедендік бақылау қызметі (ICE) бұрынғы президент Дональд Трамптың бастамасын жүзеге асырып жатыр. Ол бастама бойынша ауыр қылмыс жасағандардан бастап, заңсыз мигранттарды жаппай елден шығару көзделген.

Тізімге енген қазақстандықтардың үшеуі де әртүрлі ауыр қылмыстар үшін жауапқа тартылған. Олардың бірі Алабама штатының Бруквуд қаласында ұсталып, шабуыл жасағаны және ұрланған мүлікті иемденгені үшін сотталған. Екіншісі Флоридада...

Актриса Томирис Жанғазинова «Гипноз» фильмінде түскен 18+ сахнасына қатысты ойын айтты. Оның сөзінше, бұл рөл – өзі үшін әрі кәсіби, әрі эмоциялық тұрғыдан күрделі тәжірибе болған.

«Төсек сахнасы эротикаға толы, қиын, жаңа эксперимент. Дене жалаңаш болғаннан кейін, жүректің жалаңаштығы екі есе ауыр екен. Бірақ маған жоба ұнады. Бұл – болашағы бар жоба екенін түсіндім. Осындай рөлдер көбейе берсін», – деді актриса.

Томиристің айтуынша, мұндай сахналар актерден физикалық дайындықты ғана емес, ішкі батылдық пен психологиялық тұрақтылықты да талап етеді. Соған қарамастан, «Гипноз» фильмі өзіне үлкен тәжірибе бергенін атап өтті.

Президент Қасым-Жомарт Тоқаев мемлекеттік басқару жүйесін одан әрі жетілдіру жөніндегі шаралар туралы қаулыға қол қойды.

Соған сәйкес жасанды интеллект және цифрлық даму министрлігінің кей функциясы Ұлттық қауіпсіздік комитетіне берілді.

Жарлық қол қойылған күнінен бастап қолданысқа енгізіледі.

Осылайша, ҰҚК ақпараттық-коммуникациялық инфрақұрылымның аса маңызды объектілерінің ақпараттық қауіпсіздігі бөлігінде ақпараттандыру саласындағы мемлекеттік бақылауды жүзеге асырады;

ҰҚК берілетін функциялар мен өкілеттіктерге сәйкес жасанды интеллект министрлігінің құқықтық мирасқоры болады;

Үкімет пен Ұлттық қауіпсіздік комитеті бірлесіп, қажетті заңнамалық түзетулер әзірлеуді, Жарлықты іске асыру бойынша өзге де шара қабылдануын қамтамасыз етеді.

Бұған дейін президент Ұлттық қауіпсіздік комитетінің жанынан сыбайлас жемқорлыққа қарсы арнайы қызмет құру туралы...

Қазақстанда инвесторлардың құқығын бұдан былай Бас прокуратураның үйлестіруімен Инвесторлардың құқықтарын қорғау комитеті қорғайды.

Инвестициялық прокурорлардың міндеті қандай

Бас прокуратурада Инвестициялар комитеті мен «Kazakh Invest» ұлттық компаниясының өкілдері қатысқан жұмыс кеңесі өтті. Кеңесте инвесторлардың құқықтарын қорғауды күшейту және инвестициялық жобаларды сүйемелдеу тиімділігін арттыру мәселелері қаралды.

Жақында Президент жарлығымен Инвесторлардың құқықтарын қорғау комитеті құрылған. Инвесторлардың құқықтарын қорғау деңгейін арттыру мақсатында инвестициялық омбудсмен функциялары Бас Прокурорға жүктелді. Енді өңірлерде инвестициялық прокурорлар жұмысын бастайды.

Жаңа комитеттің негізгі міндеттері – инвестициялық қызмет саласында қадағалауды күшейту, инвесторлардың құқықтарын қорғау және олардың бұзылуына жол бермеу. Сондай-ақ құқықбұзушылықтарға ықпал ететін себептер мен жағдайларды анықтау...

2026 жылдың 1 қаңтарынан бастап жаңа Салық кодексі күшіне енеді. Соған сәйкес қосылған құн салығы `(ҚҚС) 12%-дан 16%-ға дейін көтеріледі. Ал бұл салықты төлеуден қандай кәсіп түрлері мен қызмет босатылады?

ҚҚС төлемейтін кәсіпкерлер

Алдымен, жаңа кодекске сәйкес, жылдық айналымы 10 мың айлық есептік көрсеткіштен (43,2 млн теңге) аспайтын кәсіпкерлер ҚҚС төлеуші ретінде тіркелуге міндетті емес. Бұл дегеніміз, айналым белгіленген шектен асқанға дейін кәсіпкерге ҚҚС есептелмейді, есептілік тапсырмайды және тауар мен қызмет бағасына ҚҚС қоспайды. Бұл норма, ең алдымен, шағын және микробизнеске бағытталған.

Сонымен қатар арнаулы салық режимін қолданатын кәсіпкерлер де ҚҚС төлеуден босатылады.

Жаңа Салық кодексіне...

26 желтоқсанда 3 облыста республикалық маңызы бар автомобиль жолында көлік қозғалысына шектеу қойылған.

«ҚазАвтоЖол» ақпаратына қарағанда, бұған ауа райының бұзылуы түрткі болып отыр.

Абай облысында «Алматы – Талдықорған – Өскемен – Шемонаиха – РФ шекарасы» автомобиль жолының 971-1013 шақырым аралығы, яғни Қалбатау ауылынан ШҚО шекарасына дейін жабық.

Шығыс Қазақстан облысында аталған жолдың 1013-1062 шақырым аралығы, яғни Абай облысының шекарасынан Рубеж бекетіне дейін шектеу бар.

Жетісу облысында  «Үшарал – Достық» автожолының 84-164 шақырым аралығы – Көктұма ауылынан Достық станциясына дейін шектеу қойылған.

Қазіргі таңда республикалық жолдарды күтіп-ұстауға 626 бірлік арнайы техника жұмылдырылып отыр.

Мұның алдында Қызылорда облысында ауа райына байланысты...

Су ресурстары және ирригация министрлігі мен германиялық HUESKER компаниясы суармалы су шығынын азайту үшін ирригация каналдарында заманауи геотекстиль материалдарын енгізу жобасын әзірлеуді бастады.

Министрлік мәліметінше, жоба аясында су шығынын азайтуға арналған арнайы геотекстиль материалдарын қолдану көзделген.

«Біз Су ресурстары және ирригация министрлігімен және басқа да жергілікті серіктестермен соңғы екі жыл бойы тығыз ынтымақтастықта жұмыс істеп келеміз. Өз шешімдерімізді ұсынып, барлық қажетті тексерістен өттік. Нәтижесінде Қазақстанда пилоттық жобаны сәтті жүзеге асырдық. Қазіргі уақытта біздің гидротехникалық құрылыс саласындағы технологияларымыздың ірі нысандарда да тиімді қолданылатынын көрсету мақсатында ауқымды жобаны әзірлеп жатырмыз», – дейді HUESKER компаниясының коммерциялық директоры Стефан...

Түркістан облысы Түлкібас ауданында алма мен өзге де жеміс-жидекті өңдеп, одан 100 пайыз табиғи шырын, жеміс пюресі және алма ұнтағын шығаратын кәсіпорын іске қосылды. Бұл туралы Kursiv.Media өңір әкімдігінің мәліметіне сүйене отырып хабарлады.

Облыс әкімі Нұралхан Көшеровтің айтуынша, кәсіпорын жылына 5 мың тонна алманы терең өңдейді.

«Өндірістің іске қосылуы отандық өнім көлемін ұлғайтып, жаңа жұмыс орындарының ашылуына ықпал етеді. Сонымен қатар экономиканы көтеріп, импортқа тәуелділікті төмендетеді. Осы бағыттағы жұмысты барлық аудандарда күшейтуіміз керек», – дейді әкім.

«Түлкібас жеміс-жидектері» кооперативі Қытайдың соңғы үлгідегі заманауи құрылғыларымен жабдықталған. Толық автоматтандырылған нысанда 15 адам жұмыс...

Жаңа жыл қарсаңында теракт ұйымдастырмақ болды деген күдікпен Ыстанбұлда 115 адам ұсталды. Құқық қорғау органдары ауқымды арнайы операция жүргізген.

Euronews мәліметінше, тергеу аясында 137 адамға қамауға алу туралы ордер беріліп, қала бойынша 124 мекенжайда тінту жүргізілді. Күдіктілерден тапаншалар, оқ-дәрілер және көптеген құжаттар тәркіленді.

Тергеудің мәліметінше, күдіктілер Сириядағы қақтығыс аймақтарында орналасқан ИГИЛ лаңкестік ұйымының мүшелері мен олардың отбасыларына қаржылай көмек көрсету жолдары арқылы анықталған.

Түркия Бас прокуратурасының мәлімдемесінде күдіктілер алда келе жатқан Рождество мен Жаңа жыл қарсаңында мұсылман еместерге қарсы әрекет жасауға үгіттегені айтылған. Ұсталғандардың кейбірі қақтығыс аймақтарынан келген, ал бірқатарына терроризм бойынша ұлттық және халықаралық деңгейде...

«АрселорМиттал Теміртау» АҚ мүлкін жымқыру фактісі бойынша тергеу жүргізіліп жатыр.

Қаржы мониторингі агенттігінің хабарлауынша, «АлбаСтройДор» ЖШС-нің директоры Сергей Кимге қатысты тергеу басталған.

Істің мәні

2015 жылы «АрселорМиттал Темиртау» АҚ мен «АлбаСтройДор» ЖШС арасында қайта өңдеу қалдықтарына билік ету құқығынсыз домна шлагын қайта өңдеу туралы шарт жасалған.

Алайда Ким өндірістік нысандарға еркін кіріп-шығатынын пайдаланып, зауыт аумағынан домна қоспасы мен кесек шойынды жымқыру схемасын ұйымдастырған.

Ұрланған мүлікті кедергісіз шығару мақсатында қылмыстық схемаға «Күзет» ЖШС күзет ұйымы тартылған. Қызметкерлер автокөліктерді бақылаусыз өткізіп отырған.

Ұрланған мүлікті Ким өз бақылауындағы «ГлобалСпецТорг» ЖШС және «ЦентрОптСнаб» ЖШС арқылы заңдастырған.

Заңсыз әрекет салдарынан жалпы...

Владимир Путиннің АҚШ президенті Джордж Бушпен 2001, 2005 және 2008 жылдары жүргізген келіссөздерінің үш стенограммасы жарияланды.

ВВС ақпаратына қарағанда, онда Ресей президенті Ресей Украинаны, Қазақстанды және Кавказды әлдекімдерге беріп қойғанын айтқан.

«Тарихшы» Путин

Оны АҚШ-тағы Джордж Вашингтон университеті жанындағы «Ұлттық қауіпсіздік мұрағаты» атты үкіметтік емес ұйым өз сайтына шығарған. Құжаттарға қарағанда, Кремль басшысы Бушпен алғашқы кездесуі кезінде-ақ Ресей «мыңдаған шақырым жерді өз еркімен беріп қойғанын» айтып шағымданған. Сондай-ақ НАТО-ның кеңеюіне қарсы болған.

Стенограммаға сәйкес, екі көшбасшы да бір-біріне өте достық пейіл танытып, Ресей мен Батыс арасындағы жақсы қарым-қатынасты сақтауға ниетті екенін көрсеткен.

Путин өз әрекетін негіздеу мақсатында тарих...

Оңтүстік Кореяның арнайы прокуроры экс-президент Юн Сок Ёльді өзін қамауға алуға кедергі жасағаны үшін 10 жылға соттауды сұрады. Бұл туралы Reuters жергілікті Yonhap агенттігі мәліметіне сүйене отырып таратты.

Бір жыл бұрын Оңтүстік Кореяда әскери жүйе орнатуға талпынып, осы әрекеті салдарынан биліктен қуылған Юн қазір қамауда отыр. Оған бірнеше ауыр айып тағылған. Әзірге арнайы прокурор көптеген айыптың ішінде біреуіне ғана түрме жазасын сұрап үлгерді.

2025 жылғы қаңтар айында Юн президент резиденциясы аумағына бекініп, оны ұстауға келгендерді бірнеше мәрте кіргізбей қойған. Полиция оны 15 қаңтарда ғана ұстап, тергеу бюросына жеткізген.

Естеріңізге сала кетейік, желтоқсанның басында прокуратура осы елд...

Актриса әрі продюсер Дариға Бадықова жаңа фильмі «Таптым-ау сені 3» туралы әзіл-қалжың аралас жазба жариялап, көпшіліктің назарын тағы да аударды. Бұл жолы да киноны ауылда түсіргенін жасырмай, көрерменнен қалжыңмен «кешірім сұрады».

«Тағы да ауылда кино түсірдік! Не дейін енді? Өздеріңіз айтыңыздаршы?!
Бізде бәрі шынайы. Көрермен «Таптым-ау сені 3» түсірілді. Бұйыртса, 26 наурызда шығады», – деп жазды Бадықова.

Актриса сонымен қатар DBO production командасымен бірге түсірілген әзіл видеода:

«Тағы да бір ауылда 5 актермен, 2 локацияда кино түсіріп, миллиард жинауға ниеттенгеніміз үшін кешірім сұраймыз», – деп қалжыңдады.

Еске сала кетейік...

2025 жылдың 11 айында қазақстандықтар Бірыңғай жинақтаушы зейнетақы қорынан (БЖЗҚ) тұрғын үй жағдайын жақсарту мен емделуге 1 трлн теңгеден астам қаражат алды. Бұл зейнетақы жинақтарын мерзімінен бұрын пайдалану әлі де жоғары деңгейде сақталып отырғанын көрсетеді.

БЖЗҚ деректеріне сәйкес, 2025 жылғы 1 желтоқсанда зейнетақы жинақтарының жалпы көлемі 25,82 трлн теңгеге жетті. Бір жылдағы өсім 3,72 трлн теңгені немесе 16,8%-ды құрады. Жинақтардың артуына зейнетақы жарналарының түсуі мен инвестициялық табыс әсер еткен.

Негізгі үлес міндетті зейнетақы жарналарына тиесілі. 1 желтоқсанда олардың көлемі 24,39 трлн теңгеден асты. Бір жылда 14,9%-ға өскен. Міндетті кәсіптік зейнетақы жарналары есебінен жиналған қаражат...

Енді электрондық цифрлық қолтаңба кілтін қайта алу кезінде азаматтар қосымша тексеруден өтуі қажет.

«Ұлттық ақпараттық технологиялар» АҚ pki.gov.kz жеке кабинетінде ЭЦҚ кілтін қайта шығару кезінде қосымша тексеру кезеңін енгізді.

Қосымша тексеру екі жолмен жүргізіледі:

Айта кету керек, бұл механизм Қазақстан бейрезиденттеріне қолданылмайды, себебі олардың телефон нөмірі елдің мобильді азаматтар базасында тіркелмеген.

Қабылданған шара пайдаланушылардың ЭЦҚ кілтін заңсыз қолданудан қорғауға, қауіпсіздікті арттыруға бағытталған.

Бұған дейін eGov.kz электрондық үкімет порталы мен оның құрамдас бөліктерінде (eOtinish сервисі, «Ашық үкімет...

Украина Орынбордағы газ өңдеу зауытына дрондармен шабуыл жасады. Бұл туралы Bloomberg хабарлады. Зауытта негізінен Қарашығанақта өндірілген шикі газ өңделеді.

«Қашыққа ұшатын дрондар Орынбор газ өңдеу зауытына сәтті соққы жасады. Нысан Киевтен шығысқа қарай шамамен 1700 км қашықта орналасқан. Бұл туралы жағдайды жақсы білетін дереккөз хабарлады. Ол аты-жөнін атаудан бас тартты, өйткені ақпарат ресми емес», – деп таратты Bloomberg.

Ақпарат агенттігі мәліметті тәуелсіз дереккөздер арқылы тексере алмады.

Украин дрондары кейінгі екі айда Орынбордағы зауытқа екінші мәрте соққы жасап отыр. Естеріңізге сала кетейік, 2025 жылғы 19 қазанда ресейлік осы кәсіпорын дрондар шабуылына ұшырап, ірі зауыт Қазақстаннан...

26 желтоқсан прагматизмге, тәртіпке және жыл қорытындысын шығаруға бағыттайды. Geocult.ru деректеріне сүйене отырып, Kursiv LifeStyle барлық жұлдыз белгілеріне арналған болжамды ұсынады.

Тоқты

Бүгін кәсіби бедел мен мансаптық мақсаттар алдыңғы қатарға шығады. Басшылыққа немесе серіктестерге жылдық нәтижені таныстыруға қолайлы күн. Жеке өмірде сабыр сақтап, соңғы сәттегі артық шығындардан аулақ болған жөн.

Торпақ

Активтерді қайта қарап, шетелдік іссапарларды жоспарлауға жақсы уақыт. Кешті тыныш жағдайда өткізу алдағы қарбаласқа күш жинауға көмектеседі.

Егіздер

Салық, сақтандыру және ортақ қаржы мәселелеріне назар аударыңыз. Меркурий сөзге сақ болуды талап етеді – құжаттарға қол қоймас бұрын барлық деректі тексеріңіз. Қарым-қатынаста келер жылға қатысты ашық әңгіме...

Қостанай облысының бірқатар қалалары мен аудандарында бірінші ауысымдағы сабақтар қашықтан оқыту форматына ауыстырылды

Kazinform агенттігінің ақпаратынша, бұған қолайсыз ауа райы түрткі болып отыр.

26 желтоқсанда аязға байланысты Рудный қаласында 0–11 сынып оқушылары, ал Лисаковск қаласында 0–9 сынып оқушылары бірінші ауысымда онлайн оқуға көшті.

Сонымен қатар қатты аяз бен желге байланысты облыстың басқа да аудандарында қашықтан оқыту енгізілді.

Қарабалық ауданында ауа температурасы − 28°С, желдің жылдамдығы – 5 м/с болған.  1-9 сыныптардың бірінші ауысымдағы оқушылары қашықтан оқыту форматына ауыстырылды.

Жітіқара ауданында 1–11 сыныптардың бірінші ауысымдағы сабақтары қашықтан өткізіледі.

Арқалық қаласында бірінші ауысымдағы 1–11 сынып оқушылары үшін күндізгі сабақтар тоқтатылып...

24 желтоқсанда сыртқы істер министрі Ермек Көшербаев Украинаның Қазақстандағы елшісі Виктор Майконы қабылдады. Ресми мәліметті СІМ таратты.

«Сұхбаттастар екіжақты ынтымақтастықтың өзекті мәселелерін талқылап, өзара қызығушылық тудыратын бірқатар халықаралық және өңірлік тақырыптар бойынша пікір алмасты».

Кездесу қорытындысы бойынша Астана мен Киев арасында саяси, экономикалық және мәдени-гуманитарлық салалардағы сындарлы диалогты тереңдетуге дайындық расталды, делінген шағын ғана ресми мәліметте.

Бір күн бұрын Украина Орынбордағы газ өңдеу зауытына дрондармен шабуыл жасағаны мәлім болды. Зауытта негізінен Қарашығанақта өндірілген шикі газ өңделеді. Дегенмен СІМ таратқан ақпаратта дрондар шабуылы туралы ештеңе айтылмады.

Бұған дейін президент Қасым-Жомарт Тоқаев АҚШ...

Мейрамханаға келген қонақ пен мейрамхана әкімшісі арасындағы оқиға бойынша полиция тексеру жүргізген. Полиция жанжалға қатысушылармен тілдесіп, сот екі тарапқа да айыппұл тағайындаған.

Полиция ақпаратына сүйенсек, іс қорытындысы бойынша екі тарап өзара кешірім сұрап, татуласқан. Сонымен бірге, олардың әрекеттері құқықтық тұрғыда бағаланып, сот екеуін де ұсақ бұзақылық үшін әкімшілік жауапкершілікке тартты және 20 АЕК (78 640 теңге) көлемінде айыппұл тағайындады.

Айта кетейік, әңгіме Шымбұлақтағы GUSTO мейрамханасындағы жанжал туралы. Онда мейрамханаға келген қонақ мекеме қызметкерінен қазақ тілінде қызмет көрсетуді талап етіп, оны видеоға түсірген. Желіде тараған видеода мейрамхана қызметкері «мен сіздің тіліңізде сөйлеуге міндетті емеспін» деген. Видео желіде қызу талқыға түсіп, кейіннен...