Жаңалықтар

Бұқаралық ақпарат құралдарында «Жасыл даму» ҰК АҚ-ның елдегі ең ірі зауыттар – «СарыарқаАвтоПром» мен Astana Motors компанияларымен күмәнді мәмілелер жасағаны жөнінде ақпарат тарады. Алайда «Қазақстанның Автокөлік Одағы» (ҚАО) бұл мәліметтерді жоққа шығарып, оларды саланың абыройына нұқсан келтіретін жалған ақпарат деп атады.

БАҚ беттерінде осыған дейін тараған ақпараттарда автокөлік өндірушілер «Жасыл даму» компаниясынан қайтарымсыз қаржы алғаны немесе активтердің 25%-дан астамына тең мүлікті сатып алғаны туралы айтылған.

ҚАО мәліметінше, зауыттар «Жасыл даму» операторынан қаражат немесе мүлік алған жоқ. Керісінше, олар шығарылған әрбір көлік үшін утильалымды уақтылы төлеп келеді деп түсіндірді.

«Автокөлік өндірушілер «Жасыл даму» АҚ-нан ешқандай...

2025 жыл Қазақстан экономикасы үшін айқын серпінмен өтті. ЖІӨ өсімі 6%-дан асты. Оған ең бірініші мұнай өндірісі мен ішкі сұраныстың артуы себеп.

Десе де экономикалық белсенділік бір ғана секторға тәуелді болған жоқ. Көлік саласы 20%-дан астам өсім көрсетті, құрылыс қарқынды дамыды, тау-кен өндірісі мен сауда да экономикалық өсімге елеулі үлес қосты.

2026 жыл: өсім неге баяулайды

Қазақстан қаржыгерлер қауымдастығы (ҚҚҚ) сарапшыларының бағалауынша, 2026 жылы 2025 жылғы жоғары өсімді қамтамасыз еткен факторлар әлсірей бастайды. Мұнай өндірудегі қарқын бәсеңдейді, ал ішкі сұраныс бұрынғыдай болмайды.

Сарапшылар экономиканы қаржылай қолдаудың қысқаруы, қатаң ақша-несие саясаты және кредит берудің азаюын негізгі тежеуш...

АҚШ президенті Дональд Трамп жексенбі күні Украина президенті Владимир Зеленскиймен кездеседі.

Бұл туралы X әлеуметтік желісінде Axios басылымының журналисі Барак Равид хабарлады. Оның айтуынша, келіссөздер Флорида штатындағы Мар-а-Лаго резиденциясында өтеді.

28 желтоқсанда өтетін кездесу туралы Владимир Зеленский де әлеуметтік желіде мәлімдеді. Оның сөзінше, «жаңа жылға дейін көп нәрсе шешілуі мүмкін».

Өткен демалыс күндері АҚШ президентінің арнайы өкілі Стив Уиткофф пен Дональд Трамптың күйеу баласы Джаред Кушнер Ресей президентінің арнайы өкілі Кирилл Дмитриевпен кездесу өткізген.

Кейбір деректерге қарағанда, Ресей қазіргі 20 тармақтан тұратын бейбітшілік жоспарының нұсқасына елеулі өзгерістер енгізуді талап етіп отыр. Алайда Ресейдің Сыртқы істер министрлігі бұл жарияланымды жалған...

ҰҚК цифрлық қауіпсіздік саласында жаңа өкілетке ие болды. Жасанды интеллект вице-министрі Досжан Мұсалиевтің айтуынша, салаға қатысты мемлекеттік бақылау Ақпараттық қауіпсіздік комитетінде қалады. Маңызды нысандарға қатысты мемлекеттік бақылау Ұлттық қауіпсіздік комитетіне өтеді.

«Ақпараттық-коммуникациялық инфрақұрылымның 635 маңызды нысаны бар. Олар техникалық тұрғыдан барлық ақпарат дерегін қазірдің өзінде Ұлттық қауіпсіздік комитетіне беріп отыр. Қазір әңгіме тек мемлекеттік бақылау туралы болып отыр. Яғни, өкілеті бөлінеді. Жалпы алғанда, бұл салаға қатысты мемлекеттік бақылау Ақпараттық қауіпсіздік комитетінде қалады, ал маңызды нысандарға қатысты мемлекеттік бақылау ҰҚК-ға өтеді», – дейді Мұсалиев.

Бұған дейін президент Қасым-Жомарт Тоқаев мемлекеттік басқару жүйесін одан әрі жетілдіру жөніндегі шаралар...

Алматы облысында «Күрті – Қонаев» автожолының 67 шақырымы қайта жаңғыртылды.

«ҚазАвтоЖол» ұлттық компаниясы» АҚ хабарлауынша, халықаралық «Орталық – Оңтүстік» көлік дәлізінің «Астана – Қарағанды – Балқаш – Алматы» бағыты бойындағы маңызды буын саналатын республикалық маңызы бар «Күрті – Қонаев» автожолын (0–67 шақырым) қайта жаңғырту жобасы аясында негізгі құрылыс жұмыстары аяқталған.

«Қазіргі таңда ұзындығы 67 шақырым учаскеде төрт жолақты жолда қозғалыс ашылды. Бұл шешім жолдың өткізу қабілетін және жолдағы қауіпсіздікті едәуір арттырып, жол жүру уақытын қысқартады», – делінген хабарламада.

Учаске елдің ең ірі агломерациясын орталық өңірлермен тиімді байланыстыруға мүмкіндік бермек. Жоба Еуропалық қайта құру және...

26 желтоқсанда Air Astana әуе компаниясының Фукуок-Алматы рейсін (КС 162) орындайтын жолаушы ұшағы әуежайға қайта оралуға мәжбүр болды. Компания себебін «дәретхананың істен шығуымен» түсіндірді.

Ресми мәлімет бойынша, ұшақ әуежайдан 10 сағат 04 минутта ұшып шығып, жергілікті уақыт бойынша 14 сағат 14 минутта аман-есен қонды. Ол әуеде 4 сағаттан астам уақыт бойы ұшып жүрген.

«Қазір ақауларды жою жұмыстары жүріп жатыр. Рейстің ұшуы 27 желтоқсанға, жергілікті уақыт бойынша 04.00-ге дейін кейінге қалдырылды», – деп таратты әуе компаниясы.

Жолаушыларға ыстық тамақ пен сусын ұсынылды. Әуе компаниясы жолаушыларды қонақүйге жеткізу және орналастырумен айналасып жатыр.

Air Astana рейс...

Вице-премьер әрі Жасанды интеллект және цифрлық даму министрі Жаслан Мәдиев жасанды интеллектті меңгеру уақыт өте келе мемлекеттік қызметкерлерге міндетті дағдыға айналатынын айтты.

Жылдық қорытынды есебінде министр мәселеге жеке тоқталды.

«Уақыт өте келе жасанды интеллект курсын оқу мемлекеттік қызметкерлерге міндетті болады. Яғни, азаматтар жасанды интеллект курсынан өтпесе немесе ол дағдыны меңгермесе, мемлекеттік қызметте еңбек ете алмайды. Әлем алға кетіп барады. Біздің мемлекеттік қызмет бәсекеге қабілетті, тиімді болуы керек», – деді ол.

Бұған дейін, Google жасанды интеллектінің Gemini моделін қазақ тілінде жақында іске қосқан. Gemini-дің қазақ тіліндегі интерфейсі веб-нұсқада қолжетімді. Ол үшін пайдаланушылар Google аккаунтының баптауларында қаза...

Демалыс күндерге арналған ресми доллар бағамы мәлім болды. KASE мәліметінше, 1 доллар 504,60 теңге тұрады. Дәл осы бағаны Ұлттық банк (ҰБ) ресми бағам деп белгілейді.

Дегенмен қазір Қазақстан қор биржасында доллар 500 теңгеден төмен бағаға саудаланып жатыр. Астана уақытымен сағат 15:40-тағы мәлімет бойынша, 1 АҚШ доллары 498.85 теңге тұрады.

Жұма күні қор биржасындағы валюта саудасында 412 млн долларға валюта саудасы жасалды. Соған қарағанда, ҰБ ұлттық валютаны нығайту үшін «айналау», яғни интервенцияның бір түрін жүргізіп жатқан болуы керек.

Елдегі валюта айырбастау мекемелерінде де доллар арзандады. Kurs.kz мәліметінше, Алматы қаласында 1 доллар 500 теңгеден қабылданып, 505 теңгеден сатылып...

Бәсекелестікті қорғау және дамыту агенттігі (БҚДА) Қостанай мен Қызылорда қаласының әуежайына әуе отын бағасын негізсіз көтергені үшін айыппұл салды.

БҚДА аймақ әуежайларындағы отын бағасына қатысты тексеру жүргізді. Тексеріс нәтижесінде Қостанай және Қызылорда әуежайлары әуе отынын қымбатқа сатқаны анықталды.

Қостанай облысындағы Ахмет Байтұрсынұлы атындағы халықаралық әуежай үстем жағдайын теріс пайдаланған. Сот шешімімен әуежайға жалпы сомасы 16,6 млн теңге айыппұл салынды.

Қызылорда қаласындағы Қорқыт Ата әуежайына да осындай шара қолданылды. Әуежайға 7,3 млн теңге айыппұл салынып, 2,5 млн теңге көлеміндегі табыс тәркіленді. БҚДА нұсқамасына сәйкес әуе отын бағасы 780 мың теңгеден 533 750 теңгеге дейін төмендетілді.

Бұған дейін Қызылорда...

Моңғолия үкіметі Баян-Өлгей аймағында қазақша жер-су атауларын өзгертуді көздейтін қаулы жобасын талқылап жатыр. Құжат қабылданса, осы қазақтар көп тұратын өңірдегі 319 жер-су атауы моңғолша болады. Бұл туралы Kursiv.Media моңғол баспасөзінде тараған мәліметтерге сүйене отырып хабарлады.

Үкімет құжат жобасын жергілікті парламент – Ұлттық құралға ұсынады. Жобада аймақтағы жер-су атаулары «ұлттық тіл мен тарихи дәстүрге» сай өзгертілетіні айтылған.

Urug сайтының дерегінше, таулар мен өзен-көлдердің аттары біртіндеп өзгертіледі. Жергілікті тұрғындардың да пікірі ескеріледі. Карталар мен ресми құжаттар, мәліметтер базасы жаңартылады. Жұмысқа жергілікті атқарушы билік, зерттеушілер мен тіл мамандары қатысқан.

Қарар қабылданған жағдайда, Баян-Өлгей аймағының географиялық номенклатурасы...

Бүгін, 26 желтоқсан Өзбекстан астанасы Ташкентте қазақстандық файтер Еркебұлан Тоқтар ММА-дан тыс ең ірі әрі ең даулы жекпе-жегін өткізбек. OCTAGON лигасының BMF белбеуінің иегері Еркебұлан Тоқтар бокс ережесі бойынша Өзбекстанның басты жұлдыздарының бірі Тимур Никулинге қарсы шаршы алаңға шығады.

Өзбекстанда қазақстандық спортшыға деген қызығушылық ерекше. Менеджер Зия Алиевтің араласуымен қысқа уақыт ішінде тарихи жекпе-жек ұйымдастырылды. Айқас Ташкенттегі ең ірі спорт алаңдарының бірі – 12 500 көрерменге арналған Humo Arenaда өтеді.

Тимур Никулин – өңірдегі танымал файтерлердің бірі

Еркебұлан Тоқтардың қарсыласы – «Архангел» лақап атымен танымал Тимур Никулин. Кәсіби бокста да, жалаң жұдырық жекпе-жектерінде де өзін дәлелдеген спортшы.

Никулиннің жалпы...

Қарағанды – Алматы трассасының 530-шақырымында Шымкентке баратын жолаушылар автобусы жүре алмай, тоқтап қалған.

Полиция ақпаратына қарағанда, бұған қолайсыз ауа райы себеп болған. Қарағандыда полицейлер автобустағы 13 жолаушыға көмек көрсеткен.

«Облыстық полиция департаментінің патрульдік полиция батальоны қызметкерлері автобусты байқап, жолаушыларға бірден көмек көрсетті. Анықталғандай, қатты аяздың салдарынан дизель отыны қатып, көлік сапарын жалғастыра алмаған», – делінген хабарламада.

13 жолаушының үшеуі – бала. Полицейлер жолаушыларды қауіпсіз жерге жеткізген.

Былтыр Ақмола облысында автобус бұзылып, 65 шетел азаматы қар құрсауында қалған еді.

Осы қыста Шымкент күтпеген жерден әлеуметтік желілерде елдегі ең көп талқыланған қалалардың біріне айналды.

Пайдаланушылар миллион адам тұратын қаланың мерекелік безендірілуі түсірілген бейнежазбалар мен фотосуреттерді жаппай бөлісіп, қаланың адам танымастай өзгергенін айтып жатыр.

Қала тұрғындарының ерекше назарын Жаңа жылдық басты шырша мен ауқымды иллюминация аударған. Кей қолданушы «бюджеті ғарыштан да көрінеді» деп әзілдесе, кейбіреулер Шымкент әлемдік мегаполистерден кем түспейтіндей көрінетінін жазады. Пікірлерде шыршаны Нью-Йорктегі шыршамен салыстырып: «Шымкентте қыс жоқ, бірақ мереке бар» деп қалжыңдайды.

Қала тұрғындарын ерекше қуантып отырған нысандардың бірі – мұз айдындары. Биылғы маусымда олар бірден бірнеше локацияда, соның ішінде ашық аспан астында жұмысын бастады. Алаңдарда жас мәнерлеп...

Қазақстандық мұғалімдерге мереке қарсаңында сыйақы беріледі, алайда барлығына бірдей емес. Оқу-ағарту министрлігінің Орта білім беру комитетінің төрағасы Қаныбек Жұмашев мұның себебін түсіндіріп берді.

Орталық коммуникациялар қызметіндегі брифинг кезінде журналистер комитет басшысынан, неге кейбір мұғалімдер, әсіресе ауылдық жерлерде, еңбек жолында бірде-бір рет сыйақы алмағанын сұрады.

Қаныбек Жұмашевтың айтуынша, білім басқармалары, аудандық бөлімдер мен мектептердің қаржыландырылуы және қаражатты есепке алуы бөлек жүргізіледі.

«Елімізде шамамен 8000 мектеп бар. Осы мектептердің жылдық қаржылық есептерін 220-ға жуық аудандық білім бөлімі қабылдап, келесі жылға арналған бюджеттерін бекітеді. Сыйақы беру мөлшері мен мүмкіндігі нақты бір ауданның немесе қаланың қаржылық түсімдеріне...

«Ирина Қайратовна» тобы жасанды интеллект (ЖИ) технологиясын пайдаланып түсірілген жаңа бейнебаянын көрерменге ұсынды. Топ CENTRAL ASIA атты жаңа әні мен клипін YouTube платформасына жүктеді.

Жаңа бейнебаянда Орталық Азия халықтарының, соның ішінде қазақтың салт-дәстүрі, ұлттық болмысы кеңінен көрініс табады. Клип мазмұны тек аймақтық мәдениетпен шектелмей, адамзат тарихын әлемдік контекспен байланыстыратын символикалық фрагменттерге толы.

Бейнежұмыста заманауи кино мен компьютерлік ойын кейіпкерлеріне ұқсас образдар да кездеседі. Сонымен қатар клипте Қазақстанның бұрынғы президенті Нұрсұлтан Назарбаевтың бейнесі де жасанды интеллект арқылы визуалды элемент ретінде енгізілген.

Еске сала кетейік, «Ирина Қайратовна» тобының мүшесі Алдияр Жапарханов жақында сәбилі болғанын жариялаған еді.

Қазақстандықтар қолда бар рубльдерін сатып жатыр. Қазан айында айырбастау пунктерінде 32 млрд теңгеге тең рубльді айырбастаса, қараша айында бұл көрсеткіш 18,5 млрд теңгені құраған.

Республика бойынша доллар сатып алу көлемі қазанмен салыстырғанда өсіп, 234,7 млрд теңгеге жетті. Бұл көрсеткіш Алматы мен Шымкентте ерекше байқалды: Алматыда долларға деген сұраныс 103,1 млрд теңгеге дейін өскен, ал Шымкентте 36,6 млрд теңгеге жетті.

Дегенмен Астана мен кейбір облыстарда доллар сатып алу азайды. Мысалы, Астанада 26,3 млрд теңгеден 16,8 млрд теңгеге түсті.

Еуроға да сұраныс аздап өсті. Республика бойынша еуро айырбастау операциялары 14,2 млрд теңгеге жеткен, әсіресе, Астанада еуро сатып...

Алтынның дәл қазіргі сәттегі өзекті бағасы көтеріліп жатыр. Астана уақытымен сағат 14:00-дағы нәтиже бойынша алтынның бір унциясы 4 517,34 доллар тұрады. Күміс те қымбаттады.

Алтын бағасы бір аптаның ішінде шамамен 200 долларға қымбаттады. Мәселен, 19 желтоқсанда қымбат металдың бір унциясы шамамен 4 320 долларға бағаланған. Жеті күннің ішінде алтын құны үздіксіз көтеріліп келеді.

Алтынның қымбаттауына әлемдегі геосаяси жағдайдың ушығуы да әсер етті. Соның ішінде АҚШ пен Венесуэла арасындағы жанжалды ерекше атап өту керек. Инвесторлар активін сақтап қалу үшін тағы да алтынға жүгінуге мәжбүр болды.

Бұл уақытта, алтынмен бірге, күміс те қымбаттады. Қазір ол 74,9 доллар тұрады. Бұл – тарихи...

Оқу-ағарту министрлігінің орта білім беру комитеті төрағасы Қаныбек Жұмашев елдегі мектептерде директордың қызмет ету мерзімі шектелетінін мәлімдеді.

ОКҚ алаңында журналистің сұрағына жауап берген комитет төрағасы енді мектеп басшылары бір орнында 10 жылдан артық отыра алмайтынын айтты.

«Бізде ротация тәртібі арнайы ережемен бекітілген. Соған сәйкес ротация бір елді мекеннің шегінде ғана жүзеге асырылады. 10 жылдан астам басшылық қызметте отырған мектеп басшылары бар. Алдағы уақытта ротациялау ережесіне біз өзгеріс енгізіп жатырмыз. Соған сәйкес, болашақта мектеп басшылары 5 жылдан екі рет, яғни толыққанды 10 жыл бір мектепте директор бола алады. Содан кейін ол ары қарай мектеп басқаруға жатпайды...

«ҚазМұнайГаз» ұзақ мерзімге шығарылған еурооблигацияларының бір бөлігін мерзімінен бұрын сатып алып, оған шамамен 500 млн доллар жұмсады. Бұл туралы компанияның KASE-ге жолдаған хабарламасында жазылған.

Операция барысында:

Инвесторларға бұрын есептелген, бірақ төленбеген пайыздар толық аударылған. Оған әр шығарылым бойынша шамамен 2 млн доллар жұмсалған.

Қайта сатып алынған облигациялар жойылып, айналымнан алынды. Ал қалған облигациялар нарықта айналып жүр: 2047 жылғы – 1 млрд доллар, 2048 жылғы – 1,25 млрд доллар.

Компания бұл шешімді қарыз портфелін оңтайландыру мақсатында...

Қызылорда облысы Қазақстан спорты тарихында тағы бір маңызды жетістікке қол жеткізді. Туризм және спорт министрлігінің ұйымдастыруымен өткен жыл қорытындысына арналған дәстүрлі «Үздік премия – 2025» салтанатты іс-шарасында Қызылорда облысы «Жылдың үздік спорт өңірі» атанды.

Салтанатты кеш барысында өңір намысын қорғап жүрген үздік спортшылар мен бапкерлер де жоғары марапатқа ие болды. Грек-рим күресінен 26 жылдан кейін тарихи жетістікке жеткен балуан Айдос Сұлтанғали «Жылдың үздік спортшысы» аталымын иеленді. Ал оның бапкері Ғабиден Райымбек «Жылдың үздік жаттықтырушысы» номинациясымен марапатталды.

Бүгінде Қызылорда облысының спорт басқармасына Олимпиада чемпионы Бақтияр Артаев басшылық етеді.

Президент Қасым-Жомарт Тоқаев премьер-министр Олжас Бектеновті қабылдады.

Ақорданың хабарлауынша, Тоқаевқа экономикалық реформаларды жүзеге асыру және азаматтардың әл-ауқатын одан әрі арттыру бойынша бұған дейін берген тапсырмаларының іске асырылуы жөнінде баяндалды.

Олжас Бектенов есебіне сәйкес ішкі жалпы өнім өсімінің 70 пайыздан астамын өнеркәсіп, сауда және көлік салалары қамтамасыз етіп отыр.

«2025 жылдың қаңтар-қараша айлары аралығында көлік қызметі 20,3 пайызға, құрылыс 14,7 пайызға, сауда 8,8 пайызға, ауыл шаруашылығы 6,1 пайызға, өңдеу өнеркәсібі 5,9 пайызға ұлғайған.

Негізгі капиталға салынған инвестиция 18,5 триллион теңгені құрап, жеке инвестициялардың көлемі 9,8 пайызға өскен», – делінген ақпаратта.

Сөзінше, инфляция деңгейін...

Қырғызстан азаматы «ORIS» маркалы 2 мың қорап темекіні атқа артып, қазақ-қырғыз шекарасынан заңсыз өткізбек болған. Бұл туралы Kursiv.Media Жамбыл соттары таратқан мәліметке сүйене отырып хабарлады.

Оқиға 2025 жылғы қараша айында болған. Салт атты қырғыз азаматын түнде Жуалы ауданы шекара қызметінің өкілдері ұсталған.

Жуалы аудандық соты С. есімді қырғыз азаматына қатысты екі әкімшілік істі қарады. Оның бірі «акцизделген тауарды заңсыз сату», екіншісі «шекараны бұзу» оқиғасы бойынша ашылған.

«Сот отырысында құқық бұзушы өкініп, кінәсін толық мойындады», – деп таратты Жамбыл облысының соттары.

Сот шешімімен, қырғыз азаматына тиесілі жылқы, сонымен бірге темекі өнімі мемлекет...

Lufthansa әуе компаниясының Мюнхен – Бейжің бағытымен ұшқан LH 0722 рейсінің жолаушысы әуе рейсі кезінде көз жұмды. Борт Алматы халықаралық әуежайына шұғыл қонды. Бұл туралы Қазақстанның Авиациялық әкімшілігі хабарлады.

Жолаушы есінен танып қалған соң, экипаж шұғыл қону туралы шешім қабылдаған. Әуе кемесіне Алматы халықаралық әуежайының медициналық қызметі мен қалалық жедел жәрдем бригадасы дереу жіберілген.

«Медицина қызметкерлері келген сәтте жолаушы ұшу барысында көз жұмғаны анықталды», – делінген хабарламада.

Алдын ала болжам бойынша өлім себебі – жедел жүрек жетіспеушілігі. Оқиғаға байланысты Қазақстанда қылмыстық іс қозғалды. Қазір тергеу жүріп жатыр.

Барлық рәсімдер аяқталған соң, ұшақ Алматыда жанармай...

Қазақстандағы мұнай-газ жобаларының қоғамдық тыңдауларын кездейсоқ аудит арқылы тексеруді бұған дейін депутаттар ұсынған еді. Алайда премьер-министр Олжас Бектенов бұл ұсынысты орындауға бейіл болмай шықты.

Жалпы мұнай-газ саласында 2023 жылы ашық түрде 3082 (өтті – 2897, өтпеді – 185), 2024 жылы 3496 (өтті – 3247, өтпеді – 249), 2025 жылдың 10 айында 3096 (өтті – 2896, өтпеді – 200) қоғамдық тыңдау ұйымдастырылған.

Ашықтықты, жобаларға еркін қол жеткізуді, сондай-ақ жұртшылықтың шешім қабылдауға қатысуын қамтамасыз ету үшін министрлік «Ұлттық ақпараттық технологиялар» АҚ-мен бірлесіп «eGov mobile» электрондық үкіметінің мобильді қосымшасында «қоғамдық тыңдау» компонентінің мобильді нұсқасын әзірлеген. Онда азаматтар қоғамдық тыңдау кезінде өз ұсыныстары...