Жаңалықтар

2026 жылдан бастап 270-ші кірістер мен мүлік туралы декларацияны тапсыру ережелеріне өзгерістер енгізілді. Мемлекеттік кірістер комитеті енді кімдер декларация тапсыруы керектігін және оны қалай дұрыс жасау қажеттігін түсіндірді.

МКК Жеке тұлғалардың кірістерін әкімшілендіру басқармасының бас сарапшысы Гүлден Хасенова эфир кезінде активтер мен міндеттемелер туралы декларацияны (250.00-нысан) және кірістер мен мүлік туралы декларацияны (270.00-нысан) тапсыру ережелері туралы айтып берді.

270-декларацияны кімдер тапсыруы тиіс

270-ші кірістер туралы декларацияны заңды тұлғалар немесе жеке кәсіпкер емес, тек жеке тұлғалар тапсыруы тиіс. Кәсіпкер егер жеке тұлға ретінде табыс алса немесе оның декларациялауға жататын активтері болса, оны тапсыра алады.

Кірістер мен мүлік туралы декларацияны келесі тұлғалар тапсыруы...

Мәйіттің табылуына байланысты полиция қылмыстық тергеуді бастады. Қазіргі уақытта оқиғаның барлық мән-жайы анықталып жатыр. Бұл туралы ақпарат әлеуметтік желілерде пайда болды. Ақтөбе облыстық ПД бұл деректі растады.

«Полиция қызметкерлері мәйіттің табылу фактісі бойынша қылмыстық іс қозғады.
Оқиғаның барлық мән-жайын анықтауға бағытталған қажетті тергеу және жедел-іздестіру іс-шаралары кешені жүргізілуде», – деп хабарлады ведомстводан.

Полиция тергеу мүддесіне байланысты қазіргі уақытта өзге ақпарат жария етуге жатпайтынын атап өтті.

2025 жылдың 25 желтоқсанында Атырау облысы полициясы іс-түссіз жоғалған бір отбасының 4 адамына іздеу жариялады. Кейінірек полиция олардан бөлек осы отбасының қызы мен күйеу баласы да жоғалғанын мәлімдеді. Кейіннен оларды...

Қазақстан азаматтарына Біріккен Араб Әмірліктерінде 217 жылжымайтын мүлік нысаны тиесілі. Бұл туралы ҚР Қаржы министрлігінің Мемлекеттік кірістер комитеті хабарлады.

Азаматтардың шетелдік активтері туралы ақпарат салық органдарына декларациялардан және шетелдік ведомстволармен халықаралық деректер алмасу шеңберінде түседі. Сөз есептіліктің екі нысаны – активтер мен міндеттемелер туралы декларация (250.00-нысан) және кірістер мен мүлік туралы декларация (270.00-нысан) жайында болып отыр.

«2025 жылғы активтер мен міндеттемелер туралы декларацияда декларанттар БАӘ-де орналасқан 168 жылжымайтын мүлік нысанын көрсеткен. 2024 жылғы есепті кезеңдегі кірістер мен мүлік туралы декларацияда БАӘ-дегі 49 жылжымайтын мүлік нысаны декларацияланған. Осылайша, 2024 жылғы 31 желтоқсандағы жағдай бойынша БАӘ-де 217 жылжымайтын...

Батыс Қазақстан облысында өрт сөндірушілер өртеніп жатқан үйден екі кішкентай бауырын алып шыққан жас батырды марапаттады.

Төтенше жағдайлар министрлігінің хабарлауынша, қайғылы оқиға Арал төбе ауылында орын ала жаздаған. Өрт кішкентай балалар отырған тұрғын үйде тұтанған. Тоғыз жасар Бейбарыс Тілекберген абдырап қалмай, өрт сөндірушілер келгенше бүлдіршіндерді тез арада сыртқа, қауіпсіз жерге шығарған.

Шақырту бойынша жеткен өрт сөндірушілер шамамен бес шаршы метр аумақты шарпыған өртті жедел түрде ауыздықтады.

Өңірлік ТЖД бастығының орынбасары Елдос Батталов Бейбарысқа батылдығы мен ширақтығы үшін алғыс хат табыс етті.

«Баланың жылдамдығы мен ержүректігінің арқасында қайғылы салдардың алды алынды», – деп атап өтті құтқарушылар.

Қостанайда «президенттік гараждың» көлігі қатысқан даулы іс қаралып жатыр. Жүргізуші қолдан жол апатын жасады деп айыпталып отыр деп жазады жергілікті Новая газеті басылымы.

Қостанай облыстық сотында жол апатынан келген шығынды өндіруге қатысты апелляциялық шағым қаралды. Істің басты кейіпкері – бұрын бір бампер үшін бірнеше рет сақтандыру төлемін алып, «алаяқтық» күдігіне ілінген Артем Хамитов.

Істің мән-жайы

Көлігін «Н. Назарбаевтың гаражынан 120 мың долларға сатып алдым» деген Хамитов 2025 жылы тағы да жол апатына түскен. Тұрған көліктің бамперіне азаматша Семенова соғылған. Сақтандыру компаниясы 730 мың теңге төлегенімен, Хамитов тәуелсіз бағалау арқылы шығынды 3,3 млн теңгеге дейін жеткізіп, сот арқылы...

Алаяқтар референдумды пайдаланып, қазақстандықтарды алдауға көшті. Жалған ақпаратпен күрес орталығы осылай ескертеді.

Қаскөйлер «бюллетеньді тіркеу» немесе онлайн дауыс беруге қатысу үшін SMS арқылы келген кодты айтуды сұрайды. Ведомство референдумға тіркелу үшін ешқандай қоңырау шалу қарастырылмағанын еске салды.

Мамандар дауыс беру процесіне қатысты келесі жайттарды баса айтты:

Қазақстандықтардан жеке мәліметтері мен SMS-кодтарды бөгде адамдарға айтпауды, тек дауыс беру комиссияларының ресми ақпаратына сенуді сұрайды.

Референдум 15 наурызда өтеді. Референдумда «Жобасы БАҚ-та 2026 жылдың 12 ақпанында жарияланған Қазақстан Республикасының жаңа Конституциясын қабылдайсыз ба?» деген сұрақ қойылады.

Сол күні Астана, Алматы...

Бейсенбі күнгі сауда қорытындысы бойынша бір доллардың құны 489,52 теңгеге дейін арзандады. KASE дерегі бойынша бұл осы аптадаға ең төменгі жабылу (close) бағамы. Kurisv.Media мәліметінше, бүгінгі сауда-саттық көлемі 326,4 млн долларды құрады. Бұл сәрсенбідегі сауда көлемінен 72 млн долларға аз.

Мұнай бағасы теңгені нығайтуда

Күндізгі сессияда брент маркалы мұнай бағасы бөшкесіне 97-100 доллар дәлізінде сатылуда. Бұл теңгенің нығаюына қосымша күш беруде.

Еске сала кетейік, Иранның әскери қолбасшылығы 11 наурызда әлем мұнай бағасының барреліне 200 долларға жетуіне дайын болуы керектігін мәлімдеді. Бұл мәлімдеме Парсы шығанағында қоршауға алынған тағы үш сауда кемесі шабуылға ұшырағаннан кейін жасалды.

Француздық автоөндіруші Renault Bridger кроссоверін таныстырды. Компания бұл көлік шағын болса да нағыз жол талғамайтын модель болады деп есептейді және танымал Suzuki Jimny-ге тікелей бәсекелес болуы мүмкін.

Қазіргі уақытта Bridger тек концепт ретінде бар, алайда сериялық нұсқасы әзірленіп жатыр.

Нарыққа қашан шығады

«Өндірушінің жоспары бойынша, көлік нарыққа 2027 жылдың соңына дейін шығады. Алғашқы нарық – Үндістан, кейін бұл модель Африка мен Таяу Шығыс елдеріне жеткізілуі мүмкін», – деп жазды Carscoops.

Ерекшке дизайны мен оптикасы

Концепттің сыртқы стилі бірден көзге түседі. Bridger төртбұрышты стильде жасалған, қысқа картерлік бөліктер мен дөңгелек аркаларын қоршайтын көлемді пластик қаптамалары бар.

Renault Bridger

Қазақстандағы Польша Республикасының Төтенше және Өкілетті Елшісі Михал Лабенда қызылордалықтардан «көктемді Астанаға қайтаруды» өтінді.

Қысқа видеода дипломат жуырда Қызылордаға барып келгенін, ол жақта көктемнің қыза түскенін айтып, әзіл араластырды.

«Менің Қызылорда халқына өтінішім бар. Мен Қызылордада болдым. Көктем сіздерге келгенін көрдім. Көктем келіп, тойлап жатқандарыңызды білемін. Ал Қызылорданың тойы – барсакелмес екенін де жақсы білемін. Қойдың басын бердіңіздер, палау бердіңіздер, салат, ет бердіңіздер… Көктемде бізде де жұмыс бар. Көктемді бізге жіберіңіздер», – деп әзілмен жазба жариялады елші.

Желі қолданушылары елшінің әзілін жоғары бағалап, оның қазақ тілінде еркін сөйлейтініне тәнті болғандарын жазды.

Ескі Қазақстанның бай-бағландары мемлекетке қайтарған қымбат таунхаус пен пәтерлер тағы да сатылмады. 12 наурызға белгіленген аукционға қатысуға ешкім ниет танытпаған соң, сауда-саттық өтпеген.

Бүгін аукционға жалпы үш пәтер шығарылуға тиіс еді. Олардың екеуі «Париж кварталында», ал біреуі Green Village тұрғын үй кешенінде орналасқан.

Астанадағы «Париж кварталы» тұрғын үй кешенінде орналасқан қос бірдей сәні келіскен пәтердің сауда-саттығы сәтсіз аяқталуына бірде-бір қатысушының тіркелмеуі себеп болған.

Солардың бірі – екі деңгейлі пәтердің аукциондағы бастапқы бағасы – 308,7 млн теңге. Жалпы ауданы 309,5 шаршы метр болатын бес бөлмелі пәтер сән-салтанаты келіскен 6 қабатты үйдің 3-4 қабатында орналасқан.

Сатылымға шығарылған тағы бір лот...

Ақмола облысында теміржолға шығып кеткен бір үйір жылқыны жүк пойызы қағып кетті.

Көліктегі полицияның мәліметінше, Ерейментау – Алтынтау бағытымен келе жатқан жүк пойызының машинисі теміржол үстінде үй жануарларын байқап, шұғыл тежегішті басуға мәжбүр болған.

Алайда соқтығысты болдырмау мүмкін болмаған. Пойыз 11 жылқыны қағып кеткен. Оқиға салдарынан құрам жоспардан тыс 23 минутқа тоқтаған.

Көліктегі полиция департаментінің хабарлауынша, жедел-іздестіру шаралары барысында бір шаруа қожалығының 35 жастағы жылқышысы анықталды. Ол әкімшілік жауапкершілікке тартылды.

Ведомствоның мәліметінше, биыл жыл басынан бері Қазақстанда пойыздардың шұғыл тежегіш қолданған 234 жағдайы тіркелген. Оның 61-і теміржолда адамдардың жүруіне байланысты болса, 167-сі жануарларының жолға шығып кетуінен болған.

Мұның алдында Атырау...

АҚШ-тағы «грин карта» немесе Diversity Visa лотореясы өзгеріске ұшырауы мүмкін. Ел билігі алаяқтармен күресу үшін, жеке деректерді қатаң тексеретін болады.

АҚШ Мемлекеттік департаментінің мәліметінше, соңғы тексеріс кезінде грин-картаға өтініш білдіргендер арасында 2,5 күмәнді анкеталар анықталған. Осы олқылықты реттеу үшін америкалық билік жаңа ережелер енгізді. Не өзгереді?

Батыс Қазақстан облысы прокуратурасы өңірдегі мұнай өндіретін «Қарашығанақ Петролеум Оперейтинг Б.В.» компаниясынан 2 млрд теңге өндірілгенін хабарлады.

Прокуратура мәліметінше, БҚО мамандандырылған табиғат қорғау прокуратурасы «Қарашығанақ Петролеум Оперейтинг Б.В.» компаниясының қызметіне талдау жүргізген. Аталған компания қоршаған ортаны ластаушы заттарды шығарған. Нормадан тыс шығарылған заттардың мөлшері 13,8 тоннаны құраған.

«Жүргізілген талдаудың нәтижесінде уәкілетті органға ұсыну енгізілді. Экология департаменті ҚПО б.в. компаниясына әкімшілік кодекстің 328-бабымен хаттама толтырып, 2 млрд теңге айыппұл салды. Айыппұл өндірілді», – делінген хабарламада.

1979 жылы ашылған Қарашығанақ кен орны – әлемдегі ірі газконденсат кен орындарының бірі. Кен орны Қазақстанның солтүстік-батысында орналасқан және...

Дзюдодан Олимпиада чемпионы Елдос Сметов соңғы уақытта өзіне қатысты айтылған сын-пікірлер мен жеке өміріне жасалған шабуылдарға қатысты алғаш рет ашық пікір білдірді. Спортшы журналист Салтанат Пердешқызына сұхбат берді.

«Мамасының баласы» және «Лондонға көшті» деген қауесет

Елдостың айтуынша, тіпті Олимпиада алтынын алғаннан кейін де, оны сынаушылар толастамаған. Желідегілер оның әрбір қадамын аңдып, түрлі айыптар таққан.

«Жеңіп келсек те, хейт жазатындар көп. «Мамасының баласы» деді, «Лондонға көшіп кетті» деді. Тіпті «аларыңды алдың ғой, енді спорттан кетсейші» деп ақыл айтатындар да табылды. Бірақ мен олардың бәріне көңіл аудармаймын. Комментарий деген тегін тұрған сөз ғой. Біреуге жақсы сөз жаза...

Өзбекстанның Сурхандария облысында мектеп мұғалімі 14,68 келі апиынды 180 мың долларға сатпақ болған сәтте ұсталды.

Gazeta.uz мәліметінше, Сурхандария облысының Сариасия ауданында 42 жастағы мектеп мұғалімі есірткі саудасына күдікті ретінде ұсталған.

Ер адам 14,68 келі апиынды шартты сатып алушыға 180 мың долларға сатпақ болған кезде қолға түскен. Тергеу барысында есірткіні оған бұған дейін Тәжікстаннан келген наркокурьерлер бергені анықталған.

Аталған дерек бойынша Қылмыстық кодекстің 273-бабының 5-бөлігі (есірткі құралдарын, олардың аналогтарын немесе психотроптық заттарды ірі көлемде заңсыз сату) бойынша қылмыстық іс қозғалды. Бұл бап бойынша 10 жылдан 20 жылға дейін бас бостандығынан айыру жазасы қарастырылған.

Бұдан бөлек, Сырдария облысының Хаваст ауданында Тәжікстанмен...

Қазақстанның қаржы нарығында ірі микроқаржы ұйымдарының бірі – Solva (ОнлайнКазФинанс) компаниясының төлем қабілеттілігіне қатысты қызу талқы жүріп жатыр. Экономист Эльдар Шамсутдиновтың таратқан ақпаратына сәйкес, компанияда дефолт ықтималдығы ашық талқылана бастаған.

Сонымен қатар нарықта Wildberries маркетплейсінің Solva-ны сатып алу туралы келіссөздер жүргізіп жатқаны жайлы ақпарат та пайда болды.

10 млрд доллар шығынға батты

Компанияның 2025 жылғы қаржылық көрсеткіштері шынымен де күрделі: активтері 152,9 млрд теңгені құраса, кредиттік портфелі 151,1 млрд теңгеге жеткен.

Алайда жыл қорытындысы бойынша компания 10,1 млрд теңге шығын алып, меншікті капиталы 18,1 млрд теңгеге дейін қысқарған.

Проблемалы...

Ипотека арқылы үй алғанда тұрғын үйді сатып алу-сату шартын рәсімдеу құны қайтадан 4 АЕК болады, бұрынғы 12 АЕК мөлшері күшін жойды. Бұл туралы Әділет министрлігі нотариалды тарифтерге өзгеріс енгізіп, ресми түзетуді жасады. Бұл туралы kursiv.media krisha.kz-ке сілтеме жасап хабарлайды.

«Егер мәміле тұрғын үйді ипотекалық несие арқылы сатып алу мақсатында жасалса, 4 АЕК», – делінген түзетуде.

Бұл түзету ҚР Әділет министрінің 2025 жылғы 27 қыркүйектегі №533 бұйрығына енгізілді. Құжат 2026 жылғы 26 ақпанда Әділет министрлігінде тіркелген.

Ипотека арқылы үй алғандар мәміле үшін қанша төлейді

Ипотека арқылы үй сатып алатындар үшін нотариустардағы мәміле құны стандартты...

Halyk Bank (HSBK) 2026 жылғы 23 сәуірде акционерлердің жалпы жылдық жиналысы сырттай дауыс беру нысанында өтетінін хабарлады. Жиналысқа қатысуға құқылы акционерлердің тізілімі 2026 жылғы 23 наурызда бекітіледі. Осы жылдық жиналыста дивиденд төлеу мәселесі анықталады

Күн тәртібіндегі басты мәселелер:

Директорлар кеңесінің құрамын, өкілеттік мерзімін анықтау және оның мүшелерін сайлау.

2025 жылғы шоғырландырылған қаржылық есептілікті бекіту.

2025 жылғы таза пайданы бөлу және дивидендтер төлеу туралы шешім қабылдау.

Еске сала кетейік, былтыр 2024 жыл үшін бір дана акцияға 29,64 теңге дивиденд төленген. KASE мәліметі бойынша, Халық банкінің қарапайым акцияларының 61,99%-ына «АЛМЭКС» холдинг тобы иелік етеді. Холдинг Тимур мен Динара Құлыбаевтарға тиесілі.

Қазақстанның екінші нарығында қытай брендтеріне тиесілі көліктер саны көбейіп келеді. Алайда қытайлық көліктерді сатып алғанда ескеру керек тұстары да бар. Fit Service автосервистер желісінің техникалық директоры Никита Родионов жүрілген көлікті таңдау кезіндегі негізгі рисктер туралы айтып берді.

Қазіргі қытайлық автокөліктер бұрыннан таныс жапон және корей көліктерінен едәуір ерекшеленеді. Сондықтан қолданылған жеңіл көлікті таңдағанда тек бағасы мен сыртқы түріне емес, болашақтағы қызмет көрсету шығындарына да назар аудару маңызды.

Жүрілген қытайлық көліктер қанша тұрады

Екінші нарықта қытайлық автокөліктердің басты артықшылығы, салыстырмалы түрде қолжетімді бағасы. Қазақстанда жасы 2–3 жыл болатын модельдерді сегментіне, жабдықталуына және жағдайына байланысты шамамен 6–8 млн немесе...

2024 жылы басталған «Ұлттық қор – балаларға» жобасына үш жыл толды. Осы уақыт ішінде 7 миллионға жуық қазақстандық баланың шотына жалпы сомасы 2,5 млрд доллардан астам қаражат жиналды. Бұл қаражат Ұлттық қордың инвестициялық табысынан бөлініп отыр.

Биыл бұл жобаға 2008 жылдан бастап 2025 жылға дейін туған 6 918 656 бала қатысты. Тек осы жылдың өзінде Ұлттық қордан 900 млн доллардан астам қаражат бөлінді.

Соның нәтижесінде 2026 жылы әр баланың шотына 130,71 доллар көлемінде кезекті жарна түсті. Ал жоба басталғаннан бергі үш жылды (2024-2026 жж.) есептегенде, инвестициялық кірістерді қосқанда әр баланың шотындағы жалпы сома...

Алматыда қоғамдық тамақтану орындарында газ баллондарын пайдалану тәртібі түсіндірілді. Мамандардың айтуынша, пропан-бутан газы бар баллондарды тек заңнама мен қауіпсіздік талаптары қатаң сақталған жағдайда ғана қолдануға болады. Бұл туралы Алматы қаласының Өңірлік коммуникациялар қызметінде өткен брифингте қалалық Коммуналдық инфрақұрылым және тұрғын үй инспекциясы басқармасы басшысының орынбасары Жандос Қайырханов мәлімдеді.

Оның сөзінше, тұрмыстық газ жоғары қауіп көзі саналады. Сондықтан оны сақтау мен пайдалану арнайы нормативтік-құқықтық актілермен реттеледі

Газ баллондарын пайдалануға қойылатын шектеулер

«Газ және газбен жабдықтау туралы» заңның 28-бабы 7-тармағына сәйкес, екі қабаттан жоғары көппәтерлі тұрғын үйлерде тұрмыстық баллондардағы сұйытылған мұнай газын сақтауға және пайдалануға тыйым салынады.

Сонымен қатар Ішкі істер...

Қазақстандық оқушылар көктемгі каникулда 11 күн демалады. Мұны Оқу-ағарту министрлігі мәлімдеді.

«2026 жылдың 19-29 наурыз аралығында қазақстандық оқушылар 11 күн бойы көктемгі демалыста болады. Осы кезеңдегі бос уақытты мазмұнды өткізу мақсатында «Адал азамат» біртұтас тәрбие бағдарламасы негізінде жеке тұлғаны жан-жақты дамытуға бағытталған арнайы іс-шаралар кешені жүзеге асырылады», – делінген хабарламада.

Министрліктің мәліметінше, демалыстың әр күні «Наурызнама» онкүндігімен үйлесім тауып, отбасылық құндылықтар мен ұлттық дәстүрлерді дәріптеуге арналады.

Оқушылар «Таза Қазақстан» , «Еңбек адамы» және «Заң мен тәртіп» бағыттарындағы танымдық жобаларға қатысады. Сондай-ақ дәстүрлі «Жер сағаты» акциясына атсалысып, азаматтық ұстанымдарын бекемдейді.

Айта кетейік, 2025-2026 оқу...

Threads әлеуметтік желісінде Ресейлік әнші Николай Басков қазақтардың ұйымшылдығына таңғалып, жазба қалдырды.

Желі қолданушылары болса, Басковқа Тредстің «жазылмаған ережелерін» түсіндіріп, нағыз «виртуалды ауылдың» атмосферасын көрсетті.

«Тредстің валютасы – теңге»: Басковтың постының астындағы қалжыңдар

Басковтың «Тредсте не болып жатыр» деген сауалына оқырмандар қалжыңмен жауап берді.

«Мәскеуде тұрсақ та, Тредстің валютасы – теңге», «Жақында ене мен келінді ажырата бастайсың, сонда бәрі түсінікті болады» деген пікірлер жазылуда.

«Постқа емес, қазақтың пікіріне лайк бас»

Басковтың постындағы ең танымал пікірлердің бірі – қазақтардың әлемдік желідегі өзара қолдауы мен бірлігінің символына айналды:

«Егер қазақтар көп...

Қырғызстан құрамасы Түркістан қаласында 15–21 наурыз аралығында өтетін көкпардан әлем чемпионатына қатыспайды.  

24.kg ақпаратына қарағанда, бұл туралы Көк-бөрі федерациясының баспасөз хатшысы Самат Жұмакадыров мәлімдеді.

Бас тартудың негізгі себебі – ұйымдастырушылар тарапынан шақырудың тым кеш жіберілуі. Жұмакадыровтың айтуынша, мұндай деңгейдегі турнирлерге шақыру кем дегенде үш ай бұрын, тіпті жарты жыл бұрын жіберілуге тиіс.

«Бұл бойкот емес. Бұл жай ғана мүмкін емес. Аттарды іріктеу, 12 ойыншыны таңдау, жаттықтырушыларды бекіту және толыққанды дайындық өткізу үшін уақыт қажет», – деді ол.

Сонымен қатар дәл осы күндері Қырғызстанда ауқымды республикалық «Нооруз-2026» турнирі өтеді. Оның аясында күзде...