Жаңалықтар

Әлемге әйгілі Cirque du Soleil циркі Қазақстанға ауқымды гастрольдік сапармен қайта оралады. Бұл жолғы қойылымдар Астанадағы Барыс Арена кешенінде 4–7 маусым аралығында, ал Алматыдағы Алматы Арена сахнасында 11–15 маусым күндері өтеді.

Бұл гастрольдер – атақты цирктің Орталық Азияға ЭКСПО-2017 көрмесінен кейінгі алғашқы ресми сапары болмақ. Әр қалада жеті қойылым жоспарланған, оның ішінде демалыс күндері күндізгі сеанстар да бар. Гастрольдердің ұйымдастырушысы – Freedom Events.

Қазақстандық көрермендерге ұсынылатын басты шоу – OVO. Бұл қойылым көрермендерді жәндіктердің түрлі-түсті әрі ерекше әлеміне жетелейді. Сахнада акробаттар шегірткеге айналып, батуттардың үстінде жоғары секіреді, өрмекшілер тор ішінде әсем қалықтайды, ал қоңыздар күрделі трюктер орындайды.

Спектакльдің тұсаукесер...

Соңғы уақытта Португалиядан Қазақстан және Ресейге жақын өзге елдерге жоғары технологиялық өнімдер экспорты ерекше өскен. Euronews басылымының хабарлауынша, бұл құбылыс Еуропалық Одақ тарапынан санкцияларды айналып өту әрекеті ретінде қарастырылып, ресми Лиссабон назарына ілікті.

Статистикадағы «секіріс»

2022 жылы Украинадағы соғыс басталғаннан кейін, Португалияның Ресеймен тікелей сауда байланысы толық дерлік тоқтаған. Алайда португал тауарлары Ресей нарығынан жоғалғанымен, олар күтпеген жерден Орталық Азия мен Кавказ аймағында «пайда бола» бастады.

Португалияның Ұлттық статистика институтының (INE) деректері Қазақстан, Қырғызстан, Әзербайжан, Түркия және Біріккен Араб Әмірліктеріне жасалатын экспорт көлемі еселеп артқанын айғақтайды.

Ең қызығы, бұл елдерге жөнелтіліп жатқан тауарлардың басым бөлігі – санкциялы...

Иран коммерциялық кемелер мен Дубай әуежайына соққы жасады. Тегеран келесі нысана банктер болуы мүмкін екенін ескертті.

CBS News мәліметінше, АҚШ пен Израильдің Иранға қарсы соғысы өршіді. Иран жаңа шабуылға көшті.

Теңіз миналары

Түнде ирандық дрондар Ормұз бұғазы маңында кемінде үш коммерциялық кемеге соққы берген. Бұл шабуыл әлемдік сауда үшін аса маңызды теңіз жолындағы қозғалысты күрт қиындатты. Бұған дейін АҚШ президенті Дональд Трамп Иранға қатаң ескерту жасады.

АҚШ шенеуніктері Иран бұғазға теңіз миналарын орналастыруға дайындалып жатуы мүмкін екенін айтты. Ал Пентагон стратегиялық су жолының маңында 16 миналы катерді жойғанын мәлімдеді.

Әуежайға соққы

Сонымен қатар түнде дрондар Дубай...

Алматыдағы ауа сапасын жақсарту мақсатында автокөліктердің қозғалысын жұп және тақ күндерге бөлуі мүмкін. Елдің экология және табиғи ресурстар министрі Ерлан Нысанбаев осындай ұсыныс айтты.

Министрдің айтуынша, ведомстводағы арнайы топ Қытайдың экологияны сауықтырудағы 15 жылдық тәжірибесін зерттеп қайтқан. Олар Бейжіңдегі көліктерді мемлекеттік нөміріне қарай жұп және тақ күндері кезекпен жүргізу деген моделді Алматыға да енгізуге болады деген пікірде.

Ерлан Нысанбаевтың сөзінше, қаланың ауасын ластайтын негізінен – көліктер.

«Алматыда ірі өнеркәсіп орындары жоқ, негізгі ластаушы көз – автокөліктер. Тіпті ЖЭО-2-ні газға көшіру жұмыстары аяқталып жатса да, көлік кептелісі мен одан шығатын түтін басты мәселе болып қала береді. Сондықтан...

Freedom Ticketon билет сервисі «Қайрат» ФК мен «Ақтөбе» ФК арасы өтетін матчқа билет сатылымы басталғанын хабарлады. 

2026 жылғы Қазақстан Премьер-Лигасының (ҚПЛ) екінші туры аясында «Қайрат» өз алаңында «Ақтөбе» футбол клубын қабылдайды. Аталмыш кездесу 16 наурыз күні сағат 19:00-де Алматының Орталық стадионында өтеді. Билетті Freedom SuperApp және Qairat SuperApp мобильді қосымшасы арқылы сатып алуға болады. 

Назар аударатын жайт: билет қайтарылмайды. Сатып алған кезде қолданушыға төлемді растайтын SMS және электронды хат жіберіледі, ал негізгі билет матч күні поштаға келеді. Сондай-ақ, сатып алғаннан кейін билет Freedom SuperApp қосымшасының «Менің билеттерім» бөлімінде көрініп тұрады, ал QR-код шара болатын күні ашылады. 

«Біз...

Қазақ фольклорының ең сүйікті кейіпкері, айласымен де, ақылымен де танымал Алдар көсе араға 15 жыл салып экранға қайта жол тартты. Бұл жолғы туынды «Алдар. Махаббат туралы аңыз» деп аталады.

Көпшілікке танымал әрі талантты актер Дәурен Серғазин бұл рөлге қайта оралып, көрерменді бір қуантты.

«15 жылдан кейін аңыз кейіпкер қайта оралды. Сағындыңыздар ма?» – деп жазады фильмнің ресми парақшасы.

«Алдар көсе» фильмі 23 cәуірден бастап кинотеатрларда көсрсетіледі.

Мемлекеттік Отбасы банк басқарма төрайымы Ләззат Ибрагимова Үкіметтегі брифинг кезінде БАҚ назарын өз сөмкесіне аударған.

Бұл туралы журналист Жания Уранкаева Instagram-дағы желісіндегі «АйтSay» парақшасында жазды.

Баспасөз кездесуіне банк басшысы француздың Louis Vuitton брендінің Neverfull Inside Out Monogram Canvas and Leather MM үлгісіндегі сөмкемен келген.

Farfetch сайтындағы мәлімет бойынша, мұндай сөмкенің бағасы шамамен 4 400 доллар, яғни қазіргі бағаммен 2,2 млн теңге шамасында.

Мұның алдында Отбасы банк басшысы мемлекеттік бағдарламалар болмағанда халық үйді 22%-бен алатынын айтқан еді.

Таяу Шығыстағы геосаяси жағдай күрделеніп, мұнай бағасының қымбаттауы – Қазақстан бюджетіне тиімді. Қара алтын қымбаттаған сайын, ел қазынасы мен Ұлттық қорға түсетін қаржы көлемі артады. Энергетика министрі Ерлан Ақкенженовтің айтуынша, мұнай бағасы берреліне 100 доллардан асса, Қазақстан бюджетіне қосымша 20 млрд доллар түспек.

«Ал егер мұнай бағасы 120 долларға қымбаттаса, бюджетке қосымша 37 млрд доллар түседі. Бізде осындай есеп бар. Танкерге мұнай қазір тиеліп жатса, оның пайдасын Қазақстан көреді Бұл биржада сатылатын тауар болғандықтан, оның бағасы секунд сайын өзгереді», – деді министр.

Сонымен қатар журналистер Каспий теңізі жағалауындағы Қашаған, Теңіз кен орындарына Иран шабуыл жасаса...

Биыл көктемде су тасқыны қаупі бес өңірде бар екенін Сенат кулуарында Төтенше жағдай вице-министрі Кеген Тұрсынбаев мәлімдеді.

Кеген Тұрсынбаевтың айтуынша, ТЖМ мен жергілікті атқарушы органдар табиғи апаттардың алдын алу үшін бірге жұмыс істеп жатыр. «Тасқын» жүйесі бес өңірде су тасқыны қаупі туындап тұрғанын көрсеткен.

«Олар: Солтүстік Қазақстан, Қарағанды, Абай, Ақмола және Шығыс Қазақстан облыстары. Жағдайды тәулік бойы бақылап отырмыз. 1 наурыздан бастап елде жедел штаб жұмысын бастады. Елдімекендерге төнген қауіп жоқ, жағдай бақылауда», –  деді ол.

Вице-министр елдімекендерді су басып қалмас үшін барлық тиісті шара жүргізіліп жатқанын атап өтті.

Бұған дейін Үкімет мүшелері елдегі су...

Урсула фон дер Ляйеннің Париж төрінде жасаған мәлімдемесі жай ғана саяси сөз емес, жаһандық қаржы нарығына бағытталған қуатты импульс болды. Еурокомиссия басшысы Еуропаның атомнан бас тартуын «стратегиялық қателік» деп мойындаған сәттен бастап, биржадағы уран алпауыттарының акциялары тізгін үзіп, алға шапты. Kursiv Media урандық компаниялардың өскенін талдап көрді.

Бұл толқын, әсіресе, қазақстандық компанияларға ерекше әсер етті. Лондон қор биржасында 10 наурыздағы сауда қорытындысы бойынша әлемдік уран нарығының көшбасшысы «Қазатомөнеркәсіп» (KAP) акциялары бірден 8,31%-ға өсіп, бір қағаздың құны 84,70 долларға жетті. Бұл – соңғы уақыттағы ең ірі секірістердің бірі. Канадалық Cameco компаниясы 3,39%-ға, ал бүкіл секторды қамтитын ETF...

Орта салмақтағы қазақстандық боксшы Жәнібек Әлімханұлы IBF титулынан айырылғаннан кейін, жанкүйерлеріне үндеу жасады. Спортшы басына түскен сынаққа қарамастан, рухының түспегенін және алда үлкен жеңістер күтіп тұрғанын жеткізді.

IBF кетті, WBO қалды

Боксшының айтуынша, қабылданған шешімдер нәтижесінде ол бір титулынан айырылған, алайда әлі де әлем чемпионы мәртебесінде қала береді.

«Сыналдық, бірақ сынбадық! Керісінше, шыңдалдық! Шешімдер шықты, IBF кетті, WBO қалды. Қалай болғанда да, қазір мен WBO нұсқасы бойынша орта салмақта әлем чемпионымын!» – деп жазды боксшы.

Щучинскідегі дәмханада болған жарылыстың себебі қашан анықталады. Бұл сұраққа бүгін төтенше жағдай вице-министрі Кеген Тұрсынбаев жауап берді.

«Щучинскідегі Палау орталығында газ баллоны жарылып, өкінішке орай, 11 адам қайтыс болды. Қазір премьер-министр тапсырмасымен арнайы комиссия құрылған. Оны төтенше жағдай вице-министрі басқарады. Іс қозғалған. Енді бірнеше сараптамадан өтуі тиіс. Ол үш ай мен жарты жыл аралығында уақыт алады. Соның жауабын күту керек», – деді вице-министр.

Еске салайық, 26 ақпаннан 27 ақпанға қараған түні Щучинскідегі дәмхананың бірінде газ баллоны жарылып, өрт шықты. Салдарынан тоғыз адам қайтыс болды, 13 адам жарақат алды.

Жарылыс болған дәмхана иес...

Алматы қаласына жұмыс сапарында Қазақстан мұсылмандары діни басқармасының төрағасы, Бас мүфти Наурызбай қажы Тағанұлы көрнекті математик-ғалым, академик Асқар Жұмаділдаевпен кездесті.

Бас мүфти ғалымның үйіне арнайы барып, мерейтойымен құттықтап, жылы лебізін білдірді.

Кездесу барысында Бас мүфти Асқар Жұмаділдаевтың ұлттық ғылым мен білімге қосқан өлшеусіз үлесіне тоқталды.

Асқар Серікбайұлының ғылым мен білім саласындағы еңбегі, жастарды білімге шақырып жүрген ағартушылық қызметі қоғам үшін аса маңызды»,– деп атап өтті Наурызбай қажы Тағанұлы.

Иығына шапан жауып, құрмет көрсетті

Дәстүрге сай, Бас мүфти мерейтой иесіне ерекше құрмет көрсетіп, иығына қазақы шапан жауып, Аятуль курси аяты жазылған ерекше картина сыйлады.

Академик...

Айгүл Иманбаева ұшақта бортсеріктермен жанжалдасты. Оқиға Алматы – Астана бағыты бойынша ұшатын 953 рейсте болған.

Актрисаның айтуынша, ұшақ боранның кесірінен екі сағат кешігіп ұшқан. Әншінің қасында келіні және екі немересі болған.

Жанжал себебі – бір жұтым су. Айгүл Иманбаева бортсеріктерден ауызашарға бір стакан су сұраған. Бортсеріктер мақұл деген. Бірақ ауызашар уақытына 20 минут қалғанда батырманы басып, шақырған. Бірақ ешкім келмеген.

Оның сөзіне қарағанда, ұшақ қона бастағанда, бір бортсерік су беруден бас тартып, «қонған кезде өзіңіз ішіңіз» деп өтіп кеткен.

«Ұятсыздар! Сіздер қай елде өмір сүріп жатырсыздар? Қазір ораза айы екенін жақсы білесіздер. Динара, сіздің кесіріңізден қолым...

Шымкентте қалалық экономикалық тергеу департаментінің қызметкері ұсталды. Ол 300 мың теңге көлемінде пара алды деген күдік бар. Мәліметті ҰҚК растады деп жазады Kursiv Media.

Департамент қызметкерінің ұсталғаны жайлы кадрлар әлеуметтік желіде тарады. ҰҚК дерегінше, қазір тергеу жүргізіліп жатыр. Басқа мән-жайы белгісіз.

«Өзге ақпарат Қылмыстық Кодекстің 201-бабына сәйкес жария етілмейді», – деп хабарлайды ведомстводан.

Экономикалық тергеу департаменті бюджет саласындағы және квазимемлекеттік сектордағы, көлеңкелі экономика саласындағы құқық бұзушылықтармен айналысады.

Өткен айда Ұлттық қауіпсіздік комитеті Проблемалық кредиттер қоры басқармасының бұрынғы басшысын ұстаған еді. Ол лауазымдық өкілеттіктерін теріс пайдаланды деген күдік бар.

Әнші Айқын Төлепберген жан жары – Жұлдыз Өмірғалиді туған күніне орай ерекше құттықтады. Түнгі сағат 00:00 шамасында үйіне атақты адамдардың костюмін кигендер келіп, ақжарма тілектерін жеткізді.  

Жұлдыз Өмірғалиді жақындары түнде Америка президенті Трамп, түрік актері Бурак Өзчевит және америкалық актриса Мэрилин Монро болып киініп құттықтады. Әншінің күйеуі – Айқын Төлепберген Дональд Трамп болып киініп қана қоймай, қазақша тілегін де америкалық акцентпен жеткізіп, кештің көркін қыздырды.

Жұлдызға құшақ гүлін ұсына отырып, әзілдеп:

«Your husband Kairat, no Kairat – Aikyn Tolepbergen call me and say that today is your birthday and I соғыстың бәрін тоқтатып қойып, ракеталар – бәрін стоп Ok I go to...

Жетісу облысында қызметтік міндетін атқару кезінде өрт сөндіру қызметінің офицері қаза болды. Қайғылы жағдай Алтынкөлде балық аулау кезінде болған.

ТЖД мәліметінше, 7 наурыз күні Панфилов ауданындағы көлде балық аулау кезінде мұз жарылып, бір адам мұз кесегімен бірге көлдің ортасына қарай ағып кеткен.

Оқиға орнына құтқарушылар дереу жеткен. Азаматтық қорғау майоры Дамир Таранов балықшыға көмек көрсетуге тырысқан. Алайда құтқару кезінде мұз қайта жарылып, құтқарушы суға кеткен.

«Құтқару жұмыстары барысында мұз қайта жарылып, соның салдарынан Панфилов ауданы төтенше жағдайлар бөлімінің №11 өрт сөндіру бөлімінің қарауыл бастығы, азаматтық қорғау майоры Таранов Дамир Таиржанұлы қаза тапты», – делінген...

Қазақстанның футбол инфрақұрылымын халықаралық деңгейге көтеру мақсатында УЕФА-ның арнайы делегациясы келді. Бұл туралы Қазақстан футбол федерациясы хабарлады.

Федерацияның мәліметінше, сапардың басты бағыты жаңа стадиондардың құрылысы мен олардың еуропалық стандарттарға сәйкестігін тексеру.

Делегация құрамында УЕФА президентінің ұлттық қауымдастықтар жөніндегі кеңесшісі Йозеф Климент пен УЕФА-ның стадиондар инфрақұрылымын дамыту жөніндегі аға сарапшысы Пьетро Кьябрера болады.

Кездесу барысында тараптар жаңа нысандарға қатысты бірқатар маңызды сұрақтарды егжей-тегжейлі талдайды:

Қазақстандағы құмар ойындар нарығы соңғы он жылда айтарлықтай өсті. Мәселен, 2015–2019 жылдары жыл сайынғы айналым 24 млрд теңгеден аспайтын, ал қазір индустрияның айналымы жүздеген миллиард теңгеге жетті.

Пандемия онлайн-бәс тігу нарығын жылдам дамытты

Finprom.kz дерегі бойынша, құмар ойындар нарығы елдегі ең жылдам өсіп келе жатқан салалардың біріне айналды.

«2020 жыл шешуші кезең болды. Пандемия және адамдардың онлайнға басымдық беруінің әсерінен бәс тігу нарығы бірден алты есеге өсті», – деп атап өтті портал сарапшылары.

Ал 2022 жылы құмар ойындар саласы айтарлықтай қарқынды дамыды. Қызмет көлемі 553,7 млрд теңгеге жетіп, бір жылда...

Геологиялық барлаумен айналысатын Ulmus Besshoky компаниясы өз қызметін ары қарай жалғастыру мақсатында 300 млн теңге көлемінде кезекті қарыз алды. Қаржы есептілік депозитариясының сайтында жарияланған құжатқа сәйкес, бұл қаражатты қоғамның өміршеңдігін қамтамасыз ету үшін акционер бөлген.

Айта кетерлігі, бұл ағымдағы жылдағы алғашқы транш емес: 20 қаңтарда компания 15 млрд теңгелік несие желісі аясында дәл осындай мақсатпен акционерден 450 млн теңге алған болатын.

2025 жылдың 9 айының қорытындысы бойынша, компанияның шығыны 262,1 млн теңгені құрады. Бұл көрсеткіш әкімшілік және операциялық шығындардың артуына байланысты алдыңғы жылдың сәйкес кезеңімен (163,7 млн теңге) салыстырғанда айтарлықтай өскен.

Компания негізінен аффилирленген құрылым мен акционерлердің қарыз...

Сәкен Майғазиев жас әншілердің ішінде кімдерге жанкүйер болғанын айтты. Олардың ішінде Сұлтан Ахмет, Айзат Қарабек те бар.

Әнші бес жас әншінің өнерін қатты бағалайтынын жасырмады.

«Қазақстан дауысынан» бастап осы балаға (Сұлтан Ахметке – ред.) жанкүйер болғанмын. Әлі де жанкүйерімін.  Біз сияқты жеке концерт беруді нәсіп етсін!» – деп батасын берді.

Сұлтан Ахмет ағасының берген батасына қол жайды. Алғысын айтып, риза кейіппен Сәкен Майғазиевтің қолын алды.

«Ең жақсы көретін әншілерімнің бірі», – деп, Айзат Қарабектің фотосын көрсетті.

«Айзат Қарабек, алтыным-ау! Дауысы қандай, мінезі қандай! Өте ризамын», – деп тамсанды Сәкен Майғазиев.

Қазақстанда 2026 жылдан бастап 200 мың педагог ChatGPT Edu платформасына қол жеткізеді. Бұл туралы Оқу-ағарту министрлігі хабарлады.

Министрліктің мәліметінше, биыл OpenAI компаниясы Қазақстанға 100 мың лицензия бөлген. Оның ішінде:

– 5 мың лицензия мектепке дейінгі ұйымдарға;
– 85 мың лицензия орта білім беру ұйымдарына;
– 10 мың лицензия колледждерге беріледі.

Жылдың екінші жартысында тағы 100 мың педагог қамтылады. Осылайша 2026 жылы барлығы 200 мың мұғалім жасанды интеллект құралдарын тәжірибеде қолдана алады.

«Жоба аясында әрбір педагог өзіне арналған «ақылды ассистентке» ие болады. ChatGPT Edu бірнеше минут ішінде сабақ жоспарын дайындауға, тапсырмалар мен тестер құрастыруға, оқу материалдарын әртүрл...

Жамбыл облысында тұрмыстық тауар сатамыз деп, жүзден аса адамды алдаған ерлі-зайыптыларға қатысты үкім шықты. Бұл туралы Бас прокуратура хабарлады.

Сотталушылар 2024 жылы желтоқсанда WhatsApp мессенджерінде ыдыс-аяқ, тұрмыстық техника сатамыз деген хабарландырулар жібере бастайды. Тергеудің дерегінше, алғашында сатып алушылардың сеніміне кіру үшін бірінші клиенттерге тауарларды нақты жеткізген. Бірақ басқа азаматтардан тапсырыстың ақшасын алғанмен, тауарларды бермеген. Ал қаражатты қайтармай, өз қалауынша жаратқан.

Нәтижесінде 112 адам зардап шегіп, 51 млн теңге көлемінде материалдық залал келген. Сот үкімімен күйеуі 2 жыл 8 айға, ал жұбайы 2 жыл 4 айға бас бостандығынан айырылды.

«Жамбыл облысының прокуратурасы азаматтарды мессенджерлер мен әлеуметтік желілер...

Отбасы болған соң, жиған-терген мүлік те екеуіне ортақ болуға тиіс. Бірақ ажырасқанда көбіне ерлі-зайыптылардың бірі екіншісінің банктегі жинақтарынан бейхабар қалып жатады. Қазір Конституциялық сот ерлі-зайыптылардың бірі екіншісінің банктегі шоты туралы ақпаратты неге ала алмайтынын анықтауда.

Мәселе неден басталды

Ерлі-зайыптылар ажырасуға бел буады. Некеде тұрған кезде жиналған ақша заң бойынша екеуіне тең бөлінуі керек. Алайда әйелі күйеуінің (немесе керісінше) банктегі есепшотында қанша ақша барын білмек болғанда, банктер «банк құпиясы» деп мәлімет бермейді.

Дәл осындай жағдайға тап болған қазақстандық әйел Конституциялық Сотқа шағымданды.

Ол «Банктер және банк қызметі туралы» заңның 50-бабы Конституцияға қайшы келеді деп есептейді. Өйткені за...