Жаңалықтар

Қарағанды облысының Дене шынықтыру және спорт басқармасының басшысы Серік Сәпиев орынбасары Дәурен Есімхановтан «таяқ жеді» деген ақпаратқа қатысты мәлімдеме жасады.

Сәпиевтің сөзінше, мемлекеттік қызметкер этикасын сақтау әрі арандатушылыққа жол бермеу үшін рингтен тыс ешкімге күш қолданған емес.

«Әлеуметтік желі мен БАҚ-та тарап жатқан жағдайға қатысты айтар болсақ, мен мемлекеттік қызметшімін және өз міндеттерімді орындау кезінде мемлекеттік қызметшінің этикасын сақтаймын. Бала кезімнен жаттықтырушылар мені рингтен тыс жерде күш қолданбауға үйретті. Өз күшімді жақсы бағалаймын, барлық әрекеттерім үшін жауапты екенімді білемін. Сондықтан арандатушылыққа жол бермеймін. Әңгіме осымен тәмам», – деп жазды Сәпиев әлеуметтік желідегі парақшасында.

Айта...

Жақында ғана Қаржы министрлігінің қарамағына өткен Әлеуметтік медициналық сақтандыру қорына (ӘМСҚ) Гүлмира Сабденбек басшы болып тағайындалды, деп хабарлайды Қаржы министрлігі. Оның бірінші орынбасары Айдар Мекебеков болды.

«Қаржы министрлігінің аппарат басшысы Эрнар Ержанов «Әлеуметтік медициналық сақтандыру қоры» КеАҚ ұжымына жаңа басқарма төрағасы 

Гүлмира Сабденбекті таныстырды», – делінген хабарламада.

Гүлмира Сабденбектің медициналық білімі, қоғамдық денсаулық сақтау магистрі дәрежесі, сондай-ақ денсаулық сақтау саласындағы басқару тәжірибесі бар. Әр Ұлттық медициналық холдингтің стратегиялық даму департаментінде, «Ұлттық ғылыми кардиохирургия орталығында» жұмыс істеген. Президент әкімшілігіндегі әлеуметтік саясат және орнықты даму, мемлекеттік аудит және қаржылық бақылау мәселелеріне жетекшілік еткен.

Айта кетейік, осыған дейін Үкімет президенттің бюджет тәртібін күшейту жөніндегі тапсырмаларын орындау аясында әлеуметтік медициналық сақтандыру жүйесіне кешенд...

Әлеуметтік желіде қар тазалау техникасы жол жиегінде жатқан қарды тазартылған трассаға шашқан видео пайда болды. «Қазавтожол» желдің салдарынан қар тазалаушы техника «кері бағытта» жұмыс істегенін айтады.

«Қазавтожолда» бейне 22 емес, 16 қаңтарда Ақтөбе – Қандыағаш – Доссор – Атырау – РФ шекарасы (Құрманғазы өткізу пункті) трассасының учаскесінде түсірілгенін мәлімдеді. Тазалау үшін «Орал» техникасы пайдаланылған.

«Қар лақтыру жұмыстары желдің бағыты мен күшін ескере отырып жүргізілді. Желдің қатты екпініне байланысты қарды кері бағытта лақтыру мүмкін болмады, өйткені бұл жағдайда жолға қардың едәуір көлемінің түсу және жол көрісін нашарлататын еді»,-делінген хабарламада.

Алайда бейне астындағы түсініктемеде пайдаланушылар мұндай әрекетке күмәнмен қарады. Себебі видеода техниканы...

Түркістан облысы Шардара аудандық прокуратурасы Қоссейіт ауылында мүгедек әкесін ұрған азаматқа қатысты Жетісай аудандық сот шығарған үкіммен келіспей, апелляцияға берді, деп хабарлайды облыстық прокуратура.

«Түркістан облысында Жетісай аудандық сотының 16.01.2026 жылғы үкімімен әкесін жүйелі түрде ұрып-соққан ер адам 5 жылға бас бостандығынан айырылды. Сот үкімімен келіспей, Шардара ауданының прокуратурасы жазаны қатаңдату туралы өтінішпен апелляциялық наразылық келтірді», – делінген прокуратура хабарламасында.

Ақпаратқа сүйенсек, наразылықты сот заңда белгіленген мерзімде қарайтын болады.

Айта кетейік, Шардара ауданы Қоссейіт ауылында 42 жастаға Алмас Садақбаев мүгедек әкесін үйдің ауласында ұрып-cоққан видео тараған. Полиция іс қозғап, іс сотта қаралған. Жәбірленуші ретінде...

23 қаңтардағы сауда-саттық қорытындысы бойынша теңге бағамы долларға шаққанда 503,5 теңгені құрады. Ұлттық валюта 2 теңгеге нығайды. Бұл туралы KASE биржасының деректерінде жазылған.

Сауда-саттық қорытындысы бойынша доллар 503,5 теңгеге немесе 0,4% төмендеді. Бұл 29 желтоқсаннан бергі ең төменгі көрсеткіш. Теңге 16 қаңтардан бастап нығайып келеді.

Тәулік бойына сауда-саттық барысында ең төменгі баға 502,35 теңгені, ал ең жоғары баға – 504,9 теңгені құрады. Сауда көлемі 329,2 млн долларды құрады.

Айта кетейік, 23 қаңтарда Ұлттық Банк базалық мөлшерлемені бұрынғы деңгейде – 18% сақтап қалды. Баспасөз мәслихаты барысында осы шешім жарияланғаннан кейін Ұлттық банк төрағасы Тимур Сүлейменов АҚШ доллары бағамының 1500 теңгеге дейін...

Қостанай облысы Рудный қаласында ер адам қаза тапты. «Наша газета» редакциясының хабарлауынша, екі жасөспірім адам өлтірді деген күдікке ілінген.

Қостанай облысы полициясы қылмыстық кодекстің 99-бабы (кісі өлтіру) бойынша іс қозғаған.

«Күдіктілер анықталды. Оларды ұстауға бағытталған шаралар қабылданып жатыр. Оқиғаның мән-жайы анықталып жатыр. Өзге ақпарат жарияланбайды», – деп хабарлаған полиция.

Әлі расталмаған ақпаратқа сәйкес, полиция 16-17 жастағы екі адамды іздеп жатыр. Ал қайтыс болған жігіт 20 жаста болған. Оның музыкалық колледждің студенті екені айтылған.

«Тобол Инфо» қайтыс болған жігіттің 2006 жылы туғанын жазды.

Айта кетейік, Оралда мектеп оқушысын қатарластары соққыға жыққан...

Қазақстанның бірінші ракеткасы Александр Бублик Аустралия ашық чемпионатының төртінші айналымына шықты.

Ол әлем рейтингінде 62-орында тұрған аргентиналық теннисші Томас Мартин Этчеверримен бақ сынасып, қарсыласын 7:6 (7:4), 7:6 (7:5), 6:4 есебімен жеңді.

Ойын 2 сағат 35 минутқа созылды.

Енді Александр Бублик әлемнің алтыншы ракеткасы – аустралиялық Алекс де Минаурмен кездеседі.

Бұған дейін Александр Бублик Гонконгта өткен ATP 250 турнирінде топ жарып, мансабында алғаш рет ATP рейтингінің үздік ондығына енді.

Айта кетейік, қазақстандық теннисші Юлия Путинцева да Australian Open – 2026 турнирінің төртінші айналымына шықты.

Үшінші айналымдағы матчта Путинцева Түркия теннисшісі Зейнеп Сөнмезді 6:3, 6:7 (3:7), 6:3 есебімен жеңді.

Geely бренді Қазақстан нарығындағы жұмысын 2022 жылғы қазаннан 2026 жылғы қаңтарға дейінгі кезең бойынша қорытындылады. Осы уақытта ресми дистрибьютор G Motors Kazakhstan 21,5 мың автокөлік сатқан. Orbis Auto баспасөз қызметінің хабарлауынша, 2025 жылғы нәтижелер бойынша бренд елдегі ең танымал 10 маркаға кіріп, нарықтағы үлесі 4,1% болды.

Сату динамикасы және сұранысқа ие модельдер

2024 жылы Қазақстанда Geely 8,2 мың автокөлік сатса, 2025 жылы бұл көрсеткіш 9,6 мыңға жетті. Өткен жылы ең көп сұранысқа ие модельдер:

Президент Қасым-Жомарт Тоқаев Олимпиада және Паралимпиада ұлттық құрамаларының ту ұстаушыларына Мемлекеттік туды салтанатты түрде табыстады.

Президенттің айтуынша, Италияда өтетін ХХV қысқы Олимпиада және XIV қысқы Паралимпиада ойындарына Қазақстаннан шамамен 40 спортшы қатысып, 10 спорт түрінен бақ сынайды. Олардың басым бөлігі үшін бұл – әлемдік деңгейдегі басты жарыстардағы алғашқы тәжірибе. Қасым-Жомарт Тоқаев ұлттық құраманың іріктеу жолы оңай болмағанын айтып, халықаралық ареналарда 17 алтын, 31 күміс және 21 қола медаль иеленгенін атап өтті. Сонымен қатар Паралимпиадаға әзірге 10 лицензия алынғанын, олардың саны артуы мүмкін екенін жеткізді.

Мемлекет басшысы спорт болжап болмайтын сала екенін айта келе, қатаң іріктеуден өткен спортшылардың жеңіске деген жігер...

Алматыдағы Ұлттық кітапханада жалған награда табысталған. Бұл туралы Алматы сотының баспасөз қызметі хабарлады.

Іс әкімшілік құқық бұзушылықтар жөніндегі мамандандырылған ауданаралық сотында қаралған. К. мемлекеттік наградаларды заңсыз тағу және иемдену бабы негізінде сотқа тартылған.

«2025 жылдың желтоқсанында К. Ұлттық кітапхана ғимаратында дөңгелек үстел ұйымдастырып, тиісті рұқсатсыз және өкілеті жоқ екеніне қарамастан мемлекеттік наградаларға ұқсас атаулары мен сыртқы белгілері бар наградаларды табыстаған», – делінген ақпаратта.

Сот шешімімен К. кінәлі деп танылып, 5 АЕК (19 660 теңге) мөлшерінде айыппұл төлейтін болды. Сот қаулысы заңды күшіне енген жоқ.

Ұлттық кітапхана мамандары Kursiv.Media тілшісіне оқиғаның мән-жайын түсіндірді. Мамандарды...

22 қаңтар – Талғардағы төбелес кезінде қайтыс болған Шерзат Полаттың туған күні. Осыған байланысты Threads әлеуметтік желісінде ssmitova атты пайдаланушы Шерзатты еске алып, жазба жариялап, сирек суреттерімен бөлісті.

«18 жасқа толар еді, сол түн болмағанда…» деп жазды ол.

Еске сала кетейік, Шерзат Полат 2024 жылғы 4 қазанға қараған түні Алматы облысының Талғар қаласында болған жаппай төбелес кезінде қаза тапқан. 16 жастағы жасөспірімнің жүрек тұсына пышақ сұғылып, ауруханаға жеткізілгенімен, дәрігерлер оның өмірін сақтап қала алмады.

ІІМ деректеріне сәйкес, дүкен иесімен келіспеушілікке түскен азамат сыртта төбелес бастап, жақтастарын шақыртқан. Соның салдарынан Шерзат Полат және ағасы...

Соңғы екі жылда елдегі агроөнеркәсіп саласын қолдауға 1,2 трлн теңге бөлінген. Бірақ сол қаражаттың 300 млрд теңгесі дұрыс игерілмеген. Оның ішінде бюджетке тікелей 32 млрд теңге шығын келген. Қаржы министрі Мәди Такиев осылай деп мәлімдеді.

Аудит нәтижесі бойынша, субсидиялауда алаяқтық схемалары анықталды. Мәселен, кейбір кәсіпкерлер бір ірі қара малдың бағасын 808,1 млн теңге деп көрсеткен. Кей өңірде мал мен жабдық мүлдем жеткізілмеген немесе аз мөлшерде жеткізілген фактілер белгілі болды. Жеке құрылыс жұмыстары төленген, бірақ іс жүзінде орындалмаған.

Кейбір шаруалардың берешегі бола тұра микронесиелер қайта берілген. Мәди Такиевтің мәлімдеуінше, жалпы берешегі 45,8 млн теңгені құрайтын 25 қарыз алушыға...

Жеке мектептерді қаржыландыру бойынша алдын ала аудит қорытындысы жарияланды. Оның нәтижелерін Қаржы министрі Мәди Такиев премьер-министр Олжас Бектенов төрағалық еткен жиында мәлім етті.

Министрдің дерегінше, соңғы бес жылда елдегі жеке мектептер саны 203-тен 878-ге, ал оқушылар саны 53 мыңнан 322 мыңға дейін артқан. Сондай-ақ аталған бағыт бойынша бюджет шығыстарының көлемі 2020 жылғы деңгейден (13,3 млрд теңге) 20 есе асып, 248 млрд теңгені құрады.

Такиевтің айтуынша, 2025 жылдың соңына дейін қаржыландыру жүйесі бақылаусыз болған, сондықтан бюджет қаражаттарын дұрыс пайдаланбау және деректерді бұрмалау жағдайлары туындаған. Осы себепті былтыр қаржыландыру Orta-bilim.e-qazyna цифрлық платформасына көшірілді.

Жеке мектептерді қаржыландыру аудитінің қорытындысы бойынша мынадай...

Қазіргі кезде интернет тек қарым-қатынас пен ойын-сауық алаңы болудан қалды. Бүгінде цифрлық кеңістікте біздің қаржымыз, жұмысымыз, құжаттарымыз, жеке, тіпті биометриялық деректеріміз сақталады. Осыған байланысты жеке ақпарат аса құнды ресурсқа айналды. Оны иеленуге компаниялар мен жарнама платформалары ғана емес, алаяқтар да мүдделі. Сондықтан интернеттегі жеке деректерді қорғау қазіргі заман адамы үшін маңызды мәселеге айналып отыр.

Интернетте жеке ақпараттарды құпия сақтау енді әлеуметтік желілердегі баптаулармен ғана шектелмейді. Бұл кілтсөздерден бастап, интернеттегі тәуекелдерді түсінуге дейінгі кешенді қорғаныс. Деректердің таралуы, фишинг пен интернет-алаяқтық бүгінде жаппай сипат алып отыр, ал оның салдары жақсылыққа апармауы мүмкін. Яғни қаржылық шығындардан бастап, бопсалау сынды қылмысқа дейін.

Жеке...

Мәжіліс жанындағы Қоғамдық палата төрағасының орынбасары Ғалым Байтоқ ішкі рейстерде билет құнын қайтармау туралы талапты алып тастауды ұсынды.

Айтуынша, билет құнын қайтармау барлық жауапкершілікті жолаушыға жүктейді. Азамат қандай жағдаймен бетпе-бет келгеніне қарамастан, билет ақшасын қайтарып ала алмайды.

Байтоқ авиация жай ақша табатын бизнес емес, қоғам үшін маңызы бар көлік түрі екенін айтады. Сөзінше, мемлекет бұл жағдайда азаматтардың құқығын қорғауға міндетті.

«Ішкі әуе рейстерінде билет ақшасын қайтарып алуға болмайды дегенді тоқтату керек. Немесе әуе компания басқа күні ұшу үшін билетті тегін ауыстыру мүмкіндігін беруге тиіс», – дейді ол.

Айта кетейік, FlyArystan ұшақтары Астанадан Грузияны...

Ұлттық банк төрағасы Тимур Сүлейменов доллар бағамы 1000–1500 теңгеге дейін өсуі мүмкін деген болжамды жоққа шығарды. Оның айтуынша, мұндай деңгейдегі девальвацияға жол беру де, оны әкімшілік жолмен жасау да мүмкін емес.

Тимур Сүлейменов теңгенің долларға қатысты бағамы ең алдымен нарықтағы сұраныс пен ұсынысқа, сондай-ақ елдегі тауар мен қызмет өндірісінің дамуына байланысты қалыптасатынын айтып өтті. Қазір Қазақстанда теңге бағамы экономиканың нақты көрсеткіштеріне сай, теңгерімді деңгейде тұр.

Ұлттық банк басшысы 2015 жылдан бері елімізде еркін өзгермелі валюта бағамы енгізілгенін еске салды. Осы жүйеге сәйкес, теңгенің бағасы нарықтағы жағдайға қарай өздігінен өзгереді. Бұл саясат экономиканың сыртқы және ішкі сын-қатерлерге бейімделуіне...

Мас болып көлік айдаған судья Әсел Досаева қызметінен босатылды. Бұл туралы Жоғары сот кеңесі хабарлады.

Кеңес жанындағы Сот жюриінің кезекті отырысында 6 судья тәртіптік жауапкершілікке тартылды. Ішінде төртеуі сот ісін қарау кезінде заңдылықты өрескел бұзуға жол берген. Үшеуіне ескерту жасалды, бір судья сөгіс алды.

Тағы екі судья әдеп талаптарын бұзған. Екеуі де қызметінен босатылды.

Айта кетейік, Әсел Досаева Астанадағы Азаматтық істер жөніндегі ауданаралық соттың судьясы болған. 2025 жылдың қарашасында полиция рейд кезінде Mazda маркалы көлікті тоқтатқан. Ал жүргізушінің мас екені сараптама арқылы расталған.

Содан кейін ІІМ судьяның жүргізуші куәлігінің мерзімі өтіп кеткенін хабарлаған.

Франция президенті Эммануэль Макронның Дүниежүзілік экономикалық форумдағы стилі италиялық iVision Tech компаниясына күтпеген жерден табыс әкелді. Президент аталған брендтің көзілдірігін тағып шыққаннан кейін, өндірушінің акциялары бірден 28%-ға ұшып, компанияның нарықтық құны 3,5 млн еуроға артты, деп жазады Reuters.

Макрон Pacific S 01 моделіндегі көзілдірікті таққан. iVision Tech бас директоры Стефано Фульчир көзілдірікті президентке 2024 жылы жеке өзі сыйға тартқанын растады.

Дегенмен Франция президенті баспасөз қызметінің хабарлауынша, Макрон көзілдірік тағып шығуға мәжбүр болған. Себебі көзіндегі қан тамырлары жарылып, студиядағы қатты жарық оған жайсыздық тудырған.

Осыған дейін Макронның әйелімен арасындағы кикілжің туралы жазған едік. Халықаралық сапардың бірінде ұшақтан түсер сәтте Францияның бірінші ханымы Брижит Макрон күйеуін бетінен...

Осы жылдың 23 қаңтарынан бастап Alibaba Group Holding Ltd және Baidu, Inc. акциялары Қазақстан қор биржасында саудаланады. Бұл жайлы KASE хабарлады.

Инвесторлар енді компаниялардың америкалық депозитарлық қолхаттарымен (ADR) сауда-саттық жасай алады. Олардың бағасы АҚШ долларымен белгіленеді.

KASE Global алаңында бағалы қағаздар BABAd (Alibaba ADR) және BIDUd (Baidu ADR) деп таңбаланады. Бұл құралдар бойынша маркет-мейкер болып «Standard» инвестициялық компаниясы» АҚ тағайындалған.

«Alibaba мен Baidu америкалық депозитарлық қолхаттарының KASE-де пайда болуы жай ғана құралдар желісін кеңейту емес, бұл – инвесторлар үшін азиялық нарықтардың технологиялық өсімімен үйреншікті инфрақұрылымда, айқын баға белгілеу арқылы тікелей жұмыс істеу мүмкіндігі», – деп...

Қазақстанда енді құрылыстардың сапасын бақылау күшейтіледі. Бұл туралы Өнеркәсіп және құрылыс министрлігі хабарлады.

Министрліктің мәліметінше, жаңа Құрылыс кодексі аясында құрылысты бақылауды күшейту және сала қатысушыларының жауапкершілігін арттыру бойынша бірқатар шаралар іске қосылады.

Енгізілетін шараларға да кеңінен тоқталынған.

Айталық, Мемлекеттік сәулет-құрылыс бақылауы (МСҚБ) органдарының құрылыс объектілеріне «жоспарлы инспекциялау» жүргізеді. Бұл құрылыс жұмыстары басталған сәттен бастап пайдалануға берілгенге дейін барлық кезеңдерді қамтиды.

Сондай-ақ, нысандарға бармай-ақ, есептер мен мониторинг негізінде камералар арқылы қашықтан бақылау жүргізіледі.

Заңсыз салынған объектілерге ауыртпалықтар салынып, анықталған заңбұзушылықтар туралы әділет органдарын міндетті түрде хабардар етіп отырмақ. Сонымен қатар, объектілерді пайдалануға қабылдау процесіне Мемлекеттік сәулет-құрылыс бақылауы және Төтенше...

Отбасы банк салымшылары мемлекеттік сыйақыны 2026 жылғы 1 наурызға дейін алады. «Тұрғын үй құрылыс жинақтары туралы» заңға сәйкес, бұл төлемді жүзеге асырудың соңғы мерзімі.

Отбасы банк түсіндіріп өткендей, мемлекеттік сыйақы есептелетін нақты күн әзірге белгіленбеген. Белгілісі төлем ақпан айында жүргізіліп, барлық салымшыға бір мезгілде аударылады.

Салымшыларға қанша сыйақы төленеді

2025 жылы үшін мемлекеттік сыйақының ең жоғары мөлшері – 157 280 теңге болды.
Бұл соманы жыл ішінде депозитін кемінде 200 АЕК-ке (786 400 теңге) толықтырған салымшылар алады.

Яғни, жылдық ең жоғары мемлекеттік сыйақыны алу үшін депозитті кемінде 200 АЕК көлемінде толықтыру қажет.

2026 жылғы мемлекеттік сыйақы

2026 жылы...

«ҚазМұнайГаз» бен «Қазатомөнеркәсіп» компанияларының акциялары Ұлттық қорға қомақты табыс алып келген. Бұл туралы брифинг барысында Ұлттық банк төрағасы Тимур Сүлейменов мәлімдеді,

Алайда бас банкир қос компанияның акциялары қанша табыс әкелгенін нақтыламады.

«ҚМГ мен «Қазатомнеркәсіп» акциялары сатып алынғалы бері Ұлттық қордың басқарушысы – Ұлттық банкке жақсы табыс алып келді. Бұл сәттті инвестиция болды деп ойлаймыз», – деді Сүлейменов.

Сонымен қатар ол алдағы уақытта Ұлттық қор активтеріне өтімділігі жоғары акцияларды сатып алу жоспарланып отырғанын айтты. Қазіргі кезде бұл мәселе үкіметпен келісіліп жатыр. Бас банкирдің айтуында, қордағы 3,5 млрд долларға өтімді компания акциялары сатып алынуы мүмкін. Осылайша қорды...

Ұлттық банкте өткен баспасөз жиынынан кейін журналистер қаржы регуляторының басшысы Тимур Сүлейменовтен декларация тапсырған-тапсырмағанын сұрады.

Сүлейменов жауабында заң бойынша қажет болса, кез келген ақпаратты тапсыруға әзір екенін айтты.

«Бізде ешқандай шектейтін еш мәлімет жоқ», – деді.

Соған қарамастан тілшілер «Сонда қанша соманы декларация ретінде тапсырғаныңыз есіңізде жоқ па?» деп қайтадан сұрады.

«Біріншіден, жылдық сома көрсетілуі керек. Солай емес пе!? Жеке мүліктер де көрсетілуі керек. Декларация өткен жылы берілген. Егер сұрақтар болса, жазбаша жазыңыздар. Жеке деректер жайлы сұраққа заңға сай жауап беремін», – деді ол.

Журналистер сонда да...

FlyArystan ұшақтары Астанадан Грузияның Кутаиси қаласына уақытша ұшпайтын болды.

Әуе компанияның хабарлауынша, ақпаннан 15 наурыз аралығында рейстер уақытша тоқтатылады.

16 наурыздан бастап Астана – Кутаиси бағытындағы рейстер қайта орындалады.

Ал билет алып қойған жолаушыларға басқа билет алу мүмкіндігі берілген. Сондай-ақ билет құнын толық қайтарып алуға болады.

Билет FlyArystan ресми сайтынан немесе мобильді қосымшасынан сатып алынған болса, жолаушы өзгерістерді «Брондауды өзгерту» бөлімінде енгізуіне болады. Билет басқа платформалар немесе агенттіктер арқылы рәсімделген жағдайда, жолаушыларға сол платформаға жүгінуі қажет.

Бұған дейін көлік министрі Нұрлан Сауранбаев овербукинг фактілері (рейсте ұшақтағы орындарға қарағанда көбірек билет сатылатын жағдай – ред.) тексерілмейтінін айтты. Сөзінше, бұл...