Жаңалықтар

Өнеркәсіп министрлігі су тасқынынан зардап шеккен аудандарда үйлер салуға байланысты кәсіпорындарға арматура өндірісін ұлғайтуды, ал Бәсекелестік қадағалау агенттігіне құрылыс материалдары бағасының өсуін тежеуді тапсырды.

Су тасқынынан зардап шеккен нысандарды қалпына келтірудегі қажетті арматураның бағасы қадағалауда болады. 2024 жылдың 23 сәуірінде Өнеркәсіп және құрылыс министрлігі мен Бәсекелестікті қорғау және дамыту агенттігі және еліміздің арматура шығаратын кәсіпорын басшылары өзара келісімге келген.

«Екі тарап арасындағы жиналыста су тасқынынан зардап шеккен нысандарды қалпына келтіру жұмыстарына отандық кәсіпорындардың өнімдерін пайдалану бойынша мәселе көтеріліп, кәсіпорындардың өнім түрінің сапасы мен көлемін арттыруды тапсырды және елде орын алған жағдайға байланысты баға саясатын тұрақты ұстап тұру бойынша баса...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты сот жалғасып жатыр. 24 сәуірдегі сот отырысында Бишімбаев 2023 жылдың 9 қарашасында хабарласқан көріпкел Гүлнар Ережеповадан жауап алынды.

Куәгер сотқа онлайн форматта қосылды. Ол өзінің жеке деректерін жарияламауды сұрады. Куәгер өзін таролог деп таныстырды. Айтуынша, Қуандық Бишімбаев әйелге бизнес, инвестиция мәселесі бойынша хабарласып тұрған.

Куәгер 9 қарашада Бишімбаевтың нақты қай уақытта хабарласқаны есінде жоқ екенін жеткізді.

«Бишімбаев Салтанат екеуінің ішімдік ішіп, жанжалдасқанын айтты. Дауысына қарап мас екенін түсіндім. Ол «қарап көріңізші, қарап көріңізші» деді. Оған «дәрігерге хабарлас, жедел жәрдем шақыр» дедім...

Алдағы уақытта ЭЦҚ кілттері флеш-картада берілмейді. Бұл жайлы «Курсивке» Цифрлық даму, инновациялар және аэроғарыш өнеркәсібі министрлігі Ақпараттық қауіпсіздік комитетінің төрағасы Руслан Әбдіхалықов айтты.

Министрлік өкілінің айтуынша, парламент депутаттары миллиондаған қазақстандықтар пайдаланатын электрондық цифрлық қолтаңбаны (ЭЦҚ) флеш-картада беруге тыйым салуды көздейтін заң жобасын әзірлеп жатыр.

Ақпараттық қауіпсіздік комитетінің өкілі мұндай шаралар қауіпсіздік мақсатында қабылданып жатқанын айтады. Өйткені флеш-картаны азаматтар кез-келген уақытта жоғалтып алуы мүмкін. Солайша олардың электронды қолтаңбасы басқа адамның қолына түссе, оның жеке деректеріне қауіп төнуі мүмкін.

«Ұлттық сертификаттау орталығы әдетте кілтті флеш-картамен екі файл түрінде береді. Бұл – өте қауіпті. Сол...

Таиландтың ірі компаниялары Қазақстанмен ынтымақтастық орнатуға мүдделі. Мәселен, «Sea Value» компаниясының аға вице-президенті Чанинтр Чалисарапонг қазақстандық нарыққа инвестиция салу ниетін білдірді.

Атап айтқанда Қазақстан және Орталық Азияның басқа да елдеріне теңіз өнімдерін жеткізу үшін сауда-дистрибьюторлық орталық құруын қарастырып отыр.

Сонымен қатар Таиландтағы ең ірі ұн өнімдерін өндіруші «Thai President Foods» компаниясы да Қазақстанды өңірлік логистикалық хаб ретінде қарастырады. Компания өз өнімдерін Қазақстан нарығына, Орталық Азия мен Еуразиялық экономикалық одақ елдеріне жеткізуді көздеп отыр. Бұл ретте тай тарапы болашақта ҚР аумағында өз өндірісін ашу мүмкіндіктерін зерделеуге дайын. 

Сонымен қатар «Really Cool Airlines» әуекомпаниясы көлік байланыстарын әртараптандыру, атап айтқанда екі елд...

AERC сарапшылары мамыр-маусым айларында Қазақстандағы инфляцияға қатысты болжамын жаңартты.

Наурыз айында Қазақстандағы жылдық инфляция 9,1 пайыз деңгейінде қалыптасқаны белгілі. Алайда сарапшылар инфляцияның төмендеу тренді тұрақсыз екенін айтады. Мәселен, ақпан айында инфляция күрт жеделдесе, наурыз айында біршама баяулаған.

Мамандар сәуір айындағы инфляцияға қатысты болжамын қайта қарастырған. Оған наурыз айында инфляцияның сәл төмендеуі себеп. Бұған дейінгі шолуда жылдық инфляция 9,53% деңгейінде қалыптасады делінген. Енді мамандар сәуірдегі жылдық инфляция деңгейі 9,13% болуы мүмкін екенін айтады. Ал айлық инфляция 0,86% болуы ықтимал.

AERC сарапшылары мамыр айындағы инфляцияға да қатысты болжамын төмендетті. Бұған дейін AERC мамыр айында жылдық инфляция 9,84 пайызды...

Ақтөбеге Тәжікстан Республикасынан гуманитарлық көмек жеткізілді. Бұл жайлы Ақтөбе облысы әкімдігінің баспасөз қызметі хабарлады.

Тәжікстан тарапы гуманитарлық көмек ретінде әртүрлі құрылыс материалдары бар бірнеше вагон жіберген.

Жалпы алғанда Тәжікстан Үкіметі табиғи апаттан зардап шеккен еліміздің тоғыз облысына 50 вагон гуманитарлық көмек жіберген. Жіберілген жүктің жалпы салмағы 2518 тоннаны құрайды.

Соның 9 вагоны Ақтөбе облысына бөлінген. Онда 27 360 литр ауызсуы, 5400 дана асбест-цемент шифері, 60 тонна шеге, 70 тонна ағаш материал, 240 тонна цемент бар.

«Бұл көмек су тасқыны салдарынан зардап шеккен отбасыларға қолдау ретінде бағытталып отыр», – делінген хабарламада.

Бұл гуманитарлы...

Қаржы мониторингі агенттігі елімізде мессенджерлер арқылы есірткі сатумен айналысқан 300 арна мен 4 ірі Darknet маркетплейстің заңсыз жұмысын анықтады.

ҚМА есірткі құралдары мен прекурсорлардың таралуы тұрғысынан Telegram мессенджерінің арналары, әлеуметтік желілер мен хабарландыру сервистері қамтылған жаһандық желіге мониторинг жүргізуде.

«Ел аумағында Telegram арналары арқылы есірткі және психотроптық заттарды тұрақты негізде жарнамалаумен және сатумен айналысқан 80 пайдаланушының жеке басы анықталды. Интернет-кеңістіктің қазақстандық сегментіне жүргізілген мониторинг нәтижесінде 35 мыңға жуық қатысушысы бар есірткі сататын 3 ірі алаң, есірткі заттарынының әлеуетті тұтынушылары болып табылатын 10 мыңға жуық адамның жеке басы анықталды»,-делінген ҚМА таратқан хабарламада.

Талдау көрсеткендей, тұтынушыларды...

Goldman Sachs стратегтерінің АҚШ қор нарығы бойынша болжамдары енді соншалықты оптимистік емес және ФРЖ саясатын қатаңдатуы мүмкін екенін айтады. Ал АҚШ-тағы іскери белсенділік бірнеше ай қатарынан болған жақсы көрсеткіштен кейін төмендей бастады.

Goldman-ның қор нарығы бойынша болжамы енді оптимистік емес  

Goldman Sachs стратегтері Доминик Уилсон мен Камакшьи Триведи акциялар үшін туып отырған қысқа мерзімді қауіп туралы ескертті, деп жазады Market Watch. Ал бұған дейін олар оптимистік болжам жасаған. 

Уилсон мен Триведи енді ФРЖ саясатын қатаңдату тәуекелі жоғары екенін айтып отыр. Бұл негізгі қазынашылық облигациялардың табыстылығы артады деген сөз. Сондай-ақ ақша-несие саясатының жақсарту бірқатар геосаяси проблемаларды шешуге қатысты...

TikTok өкілі Қазақстан Республикасы Мәдениет және ақпарат министрі Аида Балаеваның қосымшаны шектеуге қатысты пікіріне жауап берді.

«Қазақстан Республикасы Мәдениет және ақпарат министрлігінің елде TikTok-ты бұғаттау мүмкіндігін қарастырып жатқанына қатты таңқалдық. Өйткені министрлік біздің Қазақстандағы Наурыз онлайн-фестивалі және шығармашылық қысқа бейнефильмдер байқауы сияқты көптеген бастамамызды белсенді түрде қолдап келді. Мәселен, өткен жұмада Алматыдағы іс-шарамызда министрліктің өкілі сөз сөйлеп, TikTok-ты мәдениет пен басқа да пайдалы контентті насихаттауға көмектесетін платформа ретінде жоғары бағалады»,– дейді компания өкілі.

Сонымен бірге компания өкілі қауіпсіздік мәселесін де қозғаған. Компания мәліметінше, TikTok, әсіресе, жас пайдаланушылардың қауіпсіздігіне баса мән береді. Платформадан қауымдастық нұсқауларын...

Tesla акциялары сейсенбі күнгі негізгі сессия жабылғаннан кейін 13%-ға қымбаттап, бағасы 163,96 долларға жетті. Tesla акциялары жыл басынан бері 41 пайыз жоғалтқан еді.

Сонымен қатар компания бірінші тоқсандағы кірісі 9%-ға қысқарғанын мәлімдеді. Бұл компания кірісінің 2012 жылдан бергі күрт азаюы,

Бас директор Илон Маск компания 2025 жылдың басында бюджеттік электр көліктерін шығара бастайды деп уәде берді. Осылайша Model 2 өндірісі басталатынын растады. Масктің мәлімдемесі инвесторлардың компания акцияларына деген қызығушылығын арттырды.

«Бұл жаңа көліктер, соның ішінде арзанырақ модельдер, жаңа буын платформасының, сондай-ақ қазіргі платформаларымыздың элементтерін пайдаланады және біздің қазіргі көліктер желісі сияқты өндіріс желілерінде шығарылады», – делінген

АҚШ Сенаты Украина, Израиль мен Үнді-Тынық мұхиты аймағындағы одақтастарына қосымша қаржылық көмек көрсету туралы заң жобаларын мақұлдады. Соның ішінде Украинаға көмек көрсету туралы заң жобасында Киевке шамамен 61 млрд доллар бөлу қарастырылған. Құжатқа сәйкес, Киевке көмек енді тегін емес, несиеге беріледі.

Reuters агенттігінің жазуынша, заң жобаларын бұған дейін АҚШ конгресінің Өкілдер палатасы мақұлдаған. Конгрестегі 79 сенатор бұл бастамаларды қолдаса, 18-і қарсы болды.

Заң топтамасында Ресей, Қытай, Иранға қарсы жаңа санкциялар енгізу, соның ішінде тәркіленген ресейлік активтерді Киевке беру және қытайлық жеке ByteDance компаниясына тиесілі TikTok әлеуметтік желісін бұғаттау мүмкіндігін қарастыратын заң жобасы да бар.

Украинаға көмек беру мәселес...

«Қазақстан халқына» қоғамдық қоры және БҚО әкімдігі Сырым ауданында су тасқынынан зардап шеккен отбасылар үшін тұрғын үйлер салу туралы меморандумға қол қойды.

Меморандум аясында облыста қордың қаржы ресурстары есебінен жергілікті атқарушы органдар ұсынған үлгілік жоба негізінде 114 тұрғын үй салынады. Аудан орталығы – Жымпиты ауылында 49 баспана тұрғызылады. Сырымдағы басқа ауылдар – Бұлдыртыда 25, Өлеңтіде 38 үй және Жетікөл мен Жаңақоныста бір-бір үйден салынады. Облыс әкімдігі су баспайтын аумақтан жер учаскелерін белгіледі.

«Біздің жеріміз, халқымыз табиғи апатқа тап болды, оның салдары, әрине, өте қайғылы. Бірақ, біз ортақ күш-жігерімізбен қысқа мерзімде жаңа үйлер құрылысын бастап, оларды толықтай...

22 сәуірде бұрынғы ұлттық экономика министрі Қуандық Бишімбаевтың ісі бойынша сот отырысына ресейлік журналист Ксения Собчак қатысты. Собчактың келуі интернет тұтынушылары мен қазақстандық журналистердің наразылығын тудырды. Тележүргізушіге «ерекше жағдай жасалды» деген сын айтылды.

Судья Айжан Құлбаеваның бірнеше күн бұрын сот шешімімен шеттетілген БАҚ өкілдеріне сот отырысына қатысуға рұқсат беруі де осы жайтпен тұспа-тұс келді.

Ксения Собчак сол күні Жоғарғы Сот арқылы аккредиттеу рәсімінен өткенін уәж қылып айтты. Бишімбаев соты туралы материалдарды әуел бастан жариялап келе жатқаны, қазақстандықтардың сынына толық жауап беретіні туралы телеграмда жазба қалдырды.

Көп ұзамай Ксения Собчак Қазақстан әйелдерін сыйлайтыны, олардың еңбекқор қасиетін, алға ұмтылатын ерекше...

Алматы облысының Балқаш ауданындағы «Іле-Балқаш» мемлекеттік табиғи резерватындағы өртті сөндіру жұмысы жалғасуда. 21 сәуірден бастап резерват аумағындағы құрғақ шөп пен қамыс өртенген. Өрт аумағы шамамен 18 гектар алқапты қамтыған.

ҚР Төтенше жағдай министрлігі елдімекендерге қауіп төнбегенін хабарлады.
«Қазавиақұтқару» АҚ-ның тікұшағымен өрт ошақтарына әуеден 65 рет жалпы көлемі 195 тонна су төгілді.

Орман шаруашылығының қызметкерлері мен өрт сөндірушілерді күшті жанып жатқан учаскелерге алып бару қиындаған. Авиациялық техника күшін пайдалану оңай болмай жатыр. Төтеншеліктердің осы қиындықтарды жеңе отырып, жедел қабылдаған шаралары нәтижесінде жекелеген өрт ошақтары сөндіріліп, жақын маңдағы шаруа қожалығы өрт апатынан аман қалды.

«Шымтезек, жетуі қиын...

Әзірбайжан Еуразиялық экономикалық одаққа (ЕАЭО) кіруді жоспарламайды. Бұл туралы Республика Президенті Ильхам Әлиев Бакуде өткен халықаралық конференцияда мәлімдеді.

Ведомости ақпаратына сүйенсек, Әлиев Әзербайжанның болашақта ЕАЭО кіруге мүмкіндік болатынын айтып, болашақта шешім өзгеруі мүмкін екендігін айтты.

«Мұның бәрі одаққа жақынырақ болудан қандай қосымша экономикалық пайда алатынымызға байланысты болады. Егер біз пайданы болжай алсақ, сол кезде шешім қабылдаймыз. Егер пайданы көрмесек, қазіргі ынтымақтастық деңгейі де қанағаттандырады», – деп түсіндірді Әзірбайжан президенті.

Қасым-Жомарт Тоқаев Әзербайжанға мемлекеттік сапары қарсаңында сұхбат беріп, екі ел арасындағы қарым-қатынасқа баға берген.

Еуразиялық экономикалық комиссияның статистикасына сәйкес, 2024 жылдың қаңтар-ақпан айларында Қазақстан ЕАЭО...

Қазақстан мен Қырғызстан авиация саласында құтқару жұмысы бойынша ынтымақтастықты нығайтпақ. Тоқаев «Қазақстан Республикасының Үкіметі мен Қырғыз Республикасының Министрлер Кабинеті арасындағы авиациялық іздестіру және құтқару саласындағы ынтымақтастық туралы келісімді ратификациялау туралы» заңға қол қойды.

3 сәуірде көлік вице-министрі Талғат Ластаев Сенат отырысында келісім жобасын таныстырған. Бұл құжатты түзуге Халықаралық азаматтық авиация туралы конвенцияның талабы негіз болды.

Үкіметаралық келісім бойынша екі ел өздерінің аумағында болған әуе апаты жөнінде бірден сақтандырмақ. Қазақстанның құтқарушылары іздестіру жұмысы кезінде қырғызстандық әріпестерін шақыра алады. Егер көрші ел аумағында ұшақ сынықтары мен аман-есен қалған жолаушыларды табу керек болса, қазақстандық мамандар да осы жұмысқа тартылмақ.

Қазақстан мен Қырғызстан мамандары...

24 сәуірдегі жағдай бойынша АҚШ валютасының құны 444,32 теңге болып белгіленді. Өткен күнмен салыстырғанда төл валюта бағамы 0,3% немесе 1,34 теңгеге нығайды. Бұл 2023 жылдың 3 тамызынан бергі ең төменгі көрсеткіш, деп хабарлады Бірінші кредиттік бюро.

19 сәуірден бері доллар бағамы тұрақты түрде төмендеп келеді. 22 сәуірде бағам қаңтар айының соңынан бергі ең төменгі деңгейге жетті.

Еуро да қазір арзан – 473,33 теңге, бұл 2023 жылдың 13 наурызынан бері ең төменгі көрсеткіш. 23 сәуір Еуропа валютасы 0,3%-ға, яғни 1,25 теңгеге әлсіреді.

Теңгенің рубльге қатысты бағамы да нығайды. Ресей валютасының 24 сәуірге белгіленген бағамы 4,76 теңге (23 сәуірде -0,4%). Қазірг...

Президент Қасым-Жомарт Тоқаев KIA корпорациясының президенті Хо-сунг Сонгпен кездесіп, елдегі өнеркәсіп саясаты туралы тілдесті. Кездесуде Тоқаев автоиндустрияны дамыту Қазақстанның өнеркәсіп саясатының негізгі бағыттарының бірі саналатынын атап өтті.

Өз кезегінде Хо-сунг Сонг Тоқаевқа Қостанайдағы автомобиль шығаратын толық циклді зауыт құрылысының барысы туралы айтып, зауыттың жыл соңына дейін пайдалануға берілетінін атап өтті.

Жобаны жүзеге асыру үшін 90 млрд теңгеден астам инвестиция тартылған. 1,5 мың тұрақты жұмыс орнын ашу жоспарланып отыр. Зауыттың жобалық қуаты жылына 70 мың автомобиль шығаруға есептелген. Оның ішінде 50 мың автомобиль ұсақ бөлшектерден құрастыру әдісімен өндіріледі, яғни жергілікті өнім үлесі барынша жоғары болады.

Бұдан бөлек, корейлік компания басшысы...

Астанада құрылысы 13 жылға созылған «Триумф Сити» тұрғын үй кешені аяқталып, пәтер кілті тұрғындарға табысталды.

Астана қаласының әкімі Жеңіс Қасымбек Instagram парақшасында құрылысы ұзаққа созылған «Триумф Сити» кешені аяқталғанын мәлімдеді.

«Құрылысы ұзаққа созылған тағы бір тұрғын үй кешені аяқталды. «Триумф Сити» ТК құрылысы сонау 2011 жылы басталған. 13 жылдан кейін көпқабатты тұрғын үй кешенінің 1-кезегінің үлескерлері баспаналы болды. Қазір абаттандыру жұмысы жүріп жатыр», – деп жазды әкім.

«Елорда құрылыс компаниясы» ЖШС тарапынан осы үйдің құрылысын аяқтау, құжаттарын ретке келтіру бойынша ауқымды жүйелі жұмыс жүргізілген. Екінші-үшінші кезектің тұрғындары жақын арада пәтерлерінің кілтін алады деп жоспарланып отыр.

Осыған дейін мемлекеттің қолдауыны...

Халықаралық энергетика агенттігінің болжамынша, электромобильдердің жаһандық сатылымы биылғы жылы 20%-ға өсіп, 17 миллион данаға жетуі мүмкін. Бұл туралы ведомствоның кезекті зерттеуінде жазылған.

Агенттіктің салалық есебіне сүйенсек, бірінші тоқсанда электр көліктерінің сатылымы шамамен 25%-ға өсті.

2024 жылы автомобильдердің жалпы сатылымындағы электромобильдердің үлесі 20%-ды құрайды. Ал 2035 жылға қарай ол үштен екіге дейін артуы мүмкін.

Бұл ретте Қытайда биыл көрсеткіш 45%, Еуропада 25%, АҚШ-та 11%-ға жетуі мүмкін.

Агенттік толығымен электромобильдерді де, гибридті көліктерді де бірге жіктейді.

«Автоөндірушілер болса, бағаның жоғары болуы мен зарядтау станцияларының жоқтығынан «жасыл көліктерге» тұтынушылардың жаппай қызығушылығы артып отырған жоқ», – деп жазады...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжанова қатысты сот жалғасып жатыр.

Сот отырысына Бишімбаев қайғылы оқиға болған күні хабарласқан көріпкел мен Нүкенованың үй қызметшісі шақырылатын болды. Куәгерлерден жауап алуды мемлекеттік айыптаушы Айжан Аймағанова сұрады.

Тараптар прокурордың бұл өтінішхатына қарсылық білдірмеді.

Сондай-ақ сот отырысына сол күні Бишімбаевпен кездескен әйел Гүлнар Насырбекова келді. Оның сөзінше, Бишімбаев Насырбекованы күтіп алған. Екеуі жұмыс бойынша сөйлескен. Бишімбаев Насырбекованың блогер қызымен жұмыс істегісі келетінін жеткізген.

Мемлекеттік айыптаушы Айжан Аймағанова көріпкел мен Бишімбаевтың үй қызметшісі болған әйелдің сот процесіне онлайн форматта қосыла алатынын айтты.

Айта кетейік, 23 сәуірдегі сот отырысында Қуанды...

Ресей Федерациясында кітаптардың мағынасын тексеріп, оны қадағалауға байланысты мемлекеттік кеңес құрылды.

DW ақпаратына сүйенсек, Сараптамалық кеңес жария болған кітаптардың Ресей Федерациясының заңдарына сәйкес келу\келмеуін анықтауы қажет. Қазірдің өзінде кеңестің ұсынысы бойынша Сорокин, Каннингем және Болдуин сынды авторлардың кітаптарының сатылымы тоқтатылған.

Ресей өз елінде жарияланған кітаптардың қолданыстағы заңнамаға сәйкес келетіндігін анықтайтын сараптамалық орталықты Федерациялық кітап одағының базасында құрған. Оның құрамына Роскомнадзор, Ресей тарихи қоғамы, Ресей әскери-тарихи қоғамы, Орыс православие шіркеуі, Ресей мұсылмандары діни басқармасы, Ресейдің еврей қауымдастықтары, Ресей заңгерлер қауымдастығы, Ресей білім академиясы, А.М. Горький атындағы әдеби институты және басқа мекемелердің өкілдері кірген.

Бұдан бөлек, сараптамалық кеңес оқу, нормативтік және...

Қазақстандықтар 2024 жылдың үш айында өткен жылдың сәйкес кезеңімен салыстырғанда тұрғын үй жағдайын жақсарту мен емделу үшін Бірыңғай жинақтаушы зейнетақы қорынан (БЖЗҚ) көбірек қаражат ала бастады.

Біржолғы зейнетақы төлемдеріне сұраныс артты

Биылғы жылдың қаңтар-наурызында БЖЗҚ-дан алынған қаражаттың жалпы сомасы шамамен 193 млрд теңгені құрайды. Ал 2023 жылдың 1 сәуіріндегі жағдай бойынша БЖЗҚ осы кезеңде шамамен 98 млрд теңге алынған. Қазақстандықтар қордан зейнетақы қаражатын өткен жылмен салыстырғанда 96,9%-ға көп алған.

Бұл ретте осы соманың негізгі бөлігі тұрғын үй жағдайларын жақсартуға және емделу ақысын төлеуге арналған біржолғы зейнетақы төлемдерінен (БЗТ) құралған – шамамен 83,7 млрд теңге.  Бұл өткен жылғы көрсеткіштен 2,4 есеге...

Елімізде 1 мамырда іске қосылады деп жоспарланған «Наурыз» жаңа ипотекасы бес күн ерте басталады. Бағдарлама операторы «Отбасы Банкі» 25 сәуірде қазақстандықтардың өтініштерін қабылдауға дайын. Өтініштерді қабылдау маусым айының соңына дейін созылады. Бұл туралы «Отбасы банкі» АҚ басқарма төрағасының орынбасары Нұрлан Ақшанов Үкіметте өткен брифинг барысында мәлімдеді.

Нұрлан Ақшановтың айтуынша, Қазақстанның барлық азаматы, сондай-ақ 18 жастан 63 жасқа дейінгі қандастар ипотекаға үміткер бола алады.

«Бұрынғы «Отау» бағдарламасына қарағанда, біз салым мерзіміне шарт қоймаймыз. Яғни 30 сәуірде депозит ашып, оны миллион теңгеге толықтырып, іріктеуге қатысуға болады. Соңғы 5 жыл ішінде жылжымайтын мүлік немесе меншік құқығындағы жылжымайтын мүлікпен ешқандай...