Жаңалықтар

Қазақстандық сақтандырушы компаниялар жасанды интеллекті (ЖИ) бизнес-процестерге қарқынды енгізіп жатыр. ЖИ фотосуреттерден көліктің қаншалықты зақымдалғанын анықтайды. Бұл туралы «Freedom Insurance» АҚ басқарма төрағасы Азамат Керімбаев мәлімдеді.

Сақтандырушы компаниялар жасанды интеллекті фотосуреттен көлікке қандай зақым келгенін оқуға арналған бағдарламада пайдаланады. Бұл зақымдану дәрежесі мен клиентке сақтандыру төлемінің мөлшерін анықтауға мүмкіндік береді. Бағдарлама көліктің зақымдалған-зақымдалмағанын, оның көлемін анықтауға үйретілген. Сонымен қатар ашық ChatGPT үлгісіне қосылған. Көлікке қандай зиян келгені анықталған соң, шығын көлемі нақтыланып, мамандар сақтандыру төлемін төлеуге кіріседі. Жобаның келесі кезеңі – зақымданудың мөлшерін автоматты түрде анықтау.

Корпоративтік бизнесті сақтандыруды цифрландыру мәселесі де қолға алынған. Мұнда мемлекеттік деректер базасымен...

Семейдегі Qazaq Astyq Group зауытының ашық аумағында күнбағыс шемішкесінің қабықтары өртенді. Жалын шарпыған аумақты сөндіруге 70-ке жуық адам мен бір өрт сөндіру пойызы жұмылдырылды. Өрттің ауданы анықталуда. Қаза тапқандар мен зардап шеккендер жоқ.

Өрттің шыққаны туралы хабарлама 26 сәуір күні түскен. Қазіргі уақытта құтқарушылар Qazaq Astyq Group зауытының аумағында шыққан өртті сөндіруде. Өрт болған жерде жедел штаб құрылған.

 «Өртті сөндіруге Абай облысы ТЖД-дан 33 адам мен 9 бірлік техника, сондай-ақ мемлекеттік емес өртке қарсы қызметтен 30 адам мен 5 бірлік техника және ЖШС жұмысшылары жұмылдырылды. Сонымен қатар өрт сөндіру пойызы мен ҚТЖ-дан 11 адам тартылды...

«ЭнергоБилдСервис» компаниясы Жетісу облысындағы Көксу өзеніндегі «Рудничная» ГЭС-1 және ГЭС-2 құрылысына несие алу үшін Қазақстан Даму Банкіне өтініш берді. Компанияның негізгі бенефицары – KAZ Minerals Holding B.V. және Қайрат Оразбеков пен Ален Байғазин.

«Рудничная» ГЭС-1-нің қуаты 19 МВт, ГЭС-2 – 23 МВт. Өтініш банк сараптамасына өтіп жатыр. 

«ЭнергоБилдСервис» компаниясының мәліметі бойынша, «Рудничная» су электр станциясы –  Көксу өзенінің орта бөлігін гидроэнергетикалық мақсатта пайдаланатын екі су электр орталығының бөлігі. СЭС Қазақстанның оңтүстігіндегі электр желісіне электр энергиясын жеткізеді. Оның жалпы қуаттылығы –  42 МВт. Жылына 185,1 млн кВт/сағ электр энергиясын өндіреді. Екі су электр станциясы да Кербұлақ ауданында Талдықорған қаласынан...

Абай облысы Бородулиха ауданындағы «Семей Орманы» табиғи резерваты филиалының аумағында тағы да орман өрті шықты.

Төтенше жағдайлар министрлігінің ақпаратына сүйенсек, орман өрті шыққан аймақ батпақты жетуі қиын жерде орналасқан. 

Өртті сөндіруге Абай облысы ТЖД және орман шаруашылығы күштері жұмылдырылған. Әзірге өрттің нақты ауданы белгілі болмаған. Алдын ала болжам бойынша 0,22 га алаңда өрт оқшауланды.

Естеріңізге сала кетсек, 2023 жылы 8 маусым күні «Семей орманы» табиғи қорығында өрт шықты. 9 маусымға қараған түні Бородулиха кентіндегі орта мектеп пен Островский атындағы базада эвакуациялық орталықтар ашылып, Успенское, Поднебесное және Барышевка халқы туыстарына эвакуацияланған.

9 маусым күні Төтенше жағдайлар экс-министрі Юрий Ильин 8 маусым күнгі сағат 12-лер шамасында алғашқы тұтанған...

Қытай автомобильдерінің бағасы көтеріледі. Бұл туралы «Курсивке» Auto China 2024 көрмесінде Astana Motors компаниясының басшысы Нұрлан Смағұлов айтты.

«Соңғы уақытта Қазақстандағы бағалар дистрибьюторлардың, оның ішінде біздің компанияның арқасында төмендеді. Себебі біз үлкен кезектік пайда болғанын көріп, 2023 жылы шыққан көліктерді саттық. Бұл Қазақстандағы кез келген бренд үшін жаппай сатылым жасау маусымы. 2024 жылғы өнімге баға төмендемейді, олар тұрақтандырылады», – деді Нұрлан Смағұлов.

Оның айтуынша, бағалар төмендей алмайды. Себебі көптеген технологиялық шешімдер пайда болып, жыл сайын күрделене түседі және машиналарды құрастыру мен әрлеу қымбаттайды.

Бейжіңде 25 сәуірден 4 мамырға дейін AUTO China 2024 көрмесі өтеді. Көптеген...

Freedom Broker сарапшылары «Қазақтелекомның» бір акциясы қазіргі бағасынан тағы 25%-ға өсу әлеуеті бар деп есептейді. Бұл туралы компанияның кезекті шолуында жазылған.

«Өсу әлеуетін қазіргі 34 260 теңгеден +25%, яғни 42 700 теңгеге дейін арттырдық. Ұсыныс – «Сатып алу», – деп хабарлады компания.

Бұған дейін «Қазақтелеком» 2023 жылдың IV тоқсанының қорытынды есебін жариялады.

Оған сәйкес еркін ақша айналымы 30,5 млрд теңгені құрады. Бұл өткен тоқсанның нәтижесінен 43,7 млрд теңгеге жоғары. Компанияның тоқсан сайынғы капиталы 87 млрд теңгеден 32 млрд теңгеге дейін күрт төмендеген. Сонымен бірге операциялық ақша ағындары 63 млрд теңгені құрады. Бұл үшінші тоқсандағыдан 15%-ға аз. Бірақ 2023 жылды...

Армения үкіметі Қазақстан президенті Қасым-Жомарт Тоқаевтың Әзірбайжанмен келіссөздер жүргізу туралы ұсынысын қарастырып жатыр.

Осыған дейін ресми Баку Әзірбайжан мен Армения СІМ басшыларының Қазақстандағы кездесуіне өз келісімін берген. Енді бұл мәселені ресми Ереван қарастырып жатыр.

Қасым-Жомарт Тоқаев ұйымдастыруды ұсынған екі ел министрлерінің ықтимал кездесуінің күні туралы Армения СІМ-ге уағдаластыққа қол жеткізген бойда хабарланады. 

«Армения Оңтүстік Кавказда берік бейбітшілікке қол жеткізуге бағытталған делдалдық күш-жігерді немесе келіссөздер платформаларын қарастырады және қолдайды. Негізгі принциптер мен өзара келісілген құжаттарды, соның ішінде Армения мен Әзірбайжанның бір-бірінің аумақтық тұтастығын тану және 1991 жылғы Алматы декларациясы негізінде демаркация процесін қолдайды. Қазақстандық тараптың ұсынысы бойынша Армения мен Әзірбайжан Сыртқы...

Наурыз айында қазақстандықтардың долларға деген сұранысы артқан. Есесіне халық рубльді жаппай сатып жатыр. Ұлттық банктің шетел валютасын сатып алу/сату статистикасына сай, қазақстандықтар 1,7 млрд теңгеге тең рубль сатқан.

Ақпан айымен салыстырғанда, айырбастау пунктеріндегі доллар сатылымы 5,5 пайызға өсіп, 158,5 млрд теңгені құраған. Наурызда халық 8,3 млрд теңгеге артық доллар сатып алған.

Бұл динамикада Алматының үлесі басым. Сатылған доллардың басым бөлігін – 55,3 млрд теңгеге алматылықтар сатып алған. Ақпан айындағы көрсеткіштен 28,5%-ға (12,3 млрд теңге) артық. Алайда қолма-қол валюта нарығында маңызды рөл атқаратын Астана қаласының көрсеткіші 42,4%-ға (5 млрд теңгеге) 6,7 млрд теңгеге дейін төмендеген.

Ал...

Ақтөбеде жосықсыз құрылысшылар үлескерлерді 2,5 млрд теңгеге алдап кеткен. Прокурорлар үлескерлерді сан соқтырған құрылыс компаниясының басшыларына қатысты істі тергеп, сотқа жіберді. Бұл туралы облыстық прокуратура хабарлады.

Ақтөбе облысы прокуратурасының үйлестіруімен ҚК-нің 190-бабы 4-бөлігі 2-тармағы және 279-бабы 1-бөлігі («Алдау немесе сенімін теріс пайдалану жолымен бөтеннің мүлкін жымқыру, сондай-ақ құрылыс қызметі саласындағы ережелерді немесе талаптарды бұзу») бойынша соталды тергеу-тексеру аяқталды.

«Атап айтқанда, 2019-2023 жылдар аралығында «Safina» тұрғын үй кешенінің басшысы К. және бір серіктестіктің директоры А., Ақтөбе қаласының 12-ші ықшам және «Алтын Орда» аудандарында салынып жатқан көпқабатты үйлерден пәтер береміз деген желеумен үлескерлердің 2,5 млрд теңге қаражатын иемденген»,-делінген...

Қытайлық автомобиль өндіруші Geely Automobile Auto China 2024 көрмесінде GEA (Global Intelligent New Energy Architecture) архитектурасына негізделген технологиялары бар жаңа флагмандық Starship жол талғамайтын көлігін ұсынады. Бұл туралы компанияның «Курсивке» жолдаған хабарламасында жазылған.

Жол талғамайтын көліктің әлемдік премьерасы 26 сәуірде Ханчжоуда өтеді. Хабарламада жазылғандай, Starship интеллектуалды сәулет, қауіпсіздік, жоғары өнімді электрлендіру және интеллектуалды экожүйелер тұрғысынан Geely компаниясының озық технологиялық инновацияларын пайдалана отырып жасалған. Yinhe отбасының дизайн тілін жалғастыра отырып, Starship «жарықтың кеңеюі» дизайнын ұстанады және жаңа буын Leishen электр гибридін, смарт электр жетегін, жасанды интеллект панорамалық көлемді дыбыс жүйесін және AI ақылды орындықтарын пайдаланады.

«Жасанды интеллект...

«Қазатомөнеркәсіп» Ұлттық атом компаниясының шетелдік серіктестері су тасқынынан зардап шеккен өңірлерге 1,3 млрд теңге көмек береді. Қаражатты Росатом корпорациясы, CGN, Cameco, Orano, Marubeni, Kansai және Sumitomo компаниялары бөлген. Сонымен қатар KATCO компаниясы қосымша 100 млн теңге бағыттайды. Бұл туралы компанияның баспасөз қызметі хабарлады.

Қаражат жедел және мақсатты көмек үшін Samruk-Kazyna Trust қорына аударылады.

Бұған дейін «Қазатомөнеркәсіп» зардап шеккен өңірлерге көмекке 3 млрд теңге жіберген. Атырау және Ақтөбе облыстары мен Орал қаласына атом холдингінің 93 қызметкері өз еркімен су тасқынының зардабын жою жұмыстарына аттанған.

Сондай-ақ су тасқыны жағдайы компанияның уран өндіру, өңдеу және тасымалдау жөніндегі қызметіне әсер етпеген. «Қазатомөнеркәсіпт...

NielsenIQ Kazakhstan агенттігінің коммерциялық директоры Мадина Сейсенғалиева 2023 жылдың соңында он қазақстандықтың жетеуі үнемдеуге тырысқанын айтады.

2022 жылы және былтырғы жылы байқалған бағаның рекордтық өсуі қазақстандықтардың мазасыз күй кешуінің басты себебі болып отыр. Сондай-ақ олардың сатып алушылық дағдыларына әсер етуде. NielsenIQ Kazakhstan жүргізген сауалнама тап осындай нәтиже көрсетіп отыр. Агенттік тоқсан сайын Қазақстанның әртүрлі қалаларынан 500 респонденттен онлайн-сауалнама алып, тұтынушылық сенім индексін анықтайды.

Қазақстандықтардың мазасыздығына не себеп

«2022 жылдың наурыз айынан бастап инфляцияның екі мәнді өсу қарқынын көріп отырмыз. Ол ай сайын өсіп, 2023 жылдың ақпан айында өзінің шегіне жетті. Содан бері инфляция төмендетуге тырысуда. Бағаны...

Маңғыстау облысында Каспий теңізінің жағалауынан үш күнде 79 итбалықтың өлексесі табылды. Бұл туралы Маңғыстау облысы бойынша балық инспекциясы басқармасы Жайық-Каспий облысаралық бассейндік балық шаруашылығы инспекциясы өкілдері мәлімдеді.

Ведомство мәліметінше, балық инспекциясы басқармасының қызметкерлері мұны мониторинг барысында анықтаған.

«25 сәуірде Маңғыстау облысы бойынша балық инспекциясы басқармасының Жайық-Каспий облысаралық бассейндік балық шаруашылығы инспекциясының қызметкерлері Түпқараған ауданында 12 өлі итбалық ұшасын тапты. «Инспекция мен жергілікті атқарушы органдардың, гидробиология және экология институтының өкілдерінен тұратын жұмыс тобы итбалықтар табылған жерге шықты»,- деп хабарлады Маңғыстау облысы бойынша балық инспекциясы басқармасының өкілдері.

Итбалықтардың өлекселері қатты ыдыраған күйде болған, сондықтан мамандар оларды...

Қатарлық инвесторға сатылатын Bereke Bank 2023 жыл үшін дивиденд төлемейтін болды. Жалғыз акционердің шешімі Қазақстан қор биржасының сайтында орналастырылған.

Акционер бұл шешімін банктің меншікті капиталының төмендеу қаупімен түсіндірген. Банктің былтыр тапқан 28,9 млрд теңге таза пайдасы акционерлік қоғам меншігінде қалдырылған.

2022 жылы таза табыс таппаған Bereke Bank дивиденд төлемеген еді. Өйткені сол жылды 124,5 млрд теңге шығынмен аяқтаған. Сол укезде банктің активтері 2,5 есе – 4,2 трлн теңгеден 1,69 трлн теңгеге, міндеттемелері 3,8 трлн теңгеден – 1,56 трлн теңгеге, меншікті капиталы 378,5 млрд теңгеден 133, 7 млрд теңгеге дейін қысқарды.

Қор биржасындағы 2023 жылдың қазан айындағы дерек бойынша...

The Fanvue World AI Creator Awards (Әлемдік ЖИ креатолар марапаты) ЖИ арқылы жасалған арулар қатысатын алғашқы әлемдік сұлулық байқауын ұйымдастырды. Жеңімпаздарды марапаттауға 20 000 АҚШ доллары бөлінді. 

Fanvue Miss AI байқауының қатысушылары үш категория бойынша жарысқа түседі. Ең әуелі ЖИ моделінің сырт келбеті бағаланады. Көркі, өзін-өзі ұстауы мен бірқатар сұраққа ұтымды жауап бере алуы талқыланып, есепке алынады. 

Одан кейін қазылар алқасы ЖИ құралдары қаншалықты қолданғанын саралайды. Дағды, ЖИ құралдарын ұтымды қолдану, көз бен қол айналасында визуал детальдарды дұрыс пайдалана алу сияқты креатордың қабілетіне назар аударылады. Үшінші ретте, әлбетте, модельдердің әлеуметтік желілердегі ықпалына да көңіл аударылады. ЖИ арқылы жасалған «аруды...

Астана қаласында автокөлікті заңсыз рәсімдеген қылмыстық топ мүшелеріне қатысты сот үкімі шығып, олар 2 жылдан 9 жылға дейін бас бостандығынан айырылды. Қылмыстық топ мүшелері қатарында жекелеген азаматтардан бөлек полиция қызметкерлері де болған.

25 сәуірде Астана қаласының қылмыстық істер жөніндегі мамандандырылған ауданаралық соты ұйымдасқан қылмыстық топ құрып, оған басшылық жасаған, сондай-ақ, алдау немесе сенiмді теріс пайдалану жолымен мүлiктiк залал келтiрген, ақпаратты құқыққа сыйымсыз түрлендірген, лауазымдық өкiлеттiктерін теріс пайдаланған, жалған құжаттарды қолдан жасаған, дайындаған жауапты тұлғаларға қатысты қылмыстық істерді қарады.

«Сотталушылар тиісті алымдар мен төлемдерді өтемей, мемлекетке залал келтіру, сонымен қатар ХҚКО мен ҚР ІІМ интеграцияланған ақпараттық жүйесін көлік құралдарының мәліметтері және автокөліктерд...

2024 жылы Қазақстан 60 млрд текше метр газ өндіруді жоспарлап отыр. «Газ және газбен жабдықтау туралы» заңына сәйкес, Энергетика министрлігі QazaqGaz ұлттық компаниясымен бірлесіп, 2030 жылға дейін газдың болжамды балансын қалыптастырған.

Жалпы өндірістің 85 пайызын еліміздегі 3 ірі мұнай-газ кен орны: Теңіз, Қашаған, Қарашығанақ қамтамасыз етпек. Теңіз кен орны биылғы жоспардың 27 пайызын өндірсе, Қарашығанақ – 38%, ал Қашаған 20%-ын қамтамасыз етеді.

2023 жылы Қазақстандағы газ өндірісі 59,063 млрд текше метрді құраған. Соның ішінде Теңіз кен орындары – 16,009 млрд м3, Қарашығанақ – 22,385 млрд м3, Қашаған 11,856 млрд м3 газ өндірген. Ал басқа кен орындарынан 8,813 млрд...

Су тасқынынан зардап шеккен шағын және орта бизнес өкілдерінің шығындары өтеледі. Ұлттық экономика министрі тасқын салдарынан кәсіпкерлік субъектілерге келтірілген мүліктік шығындарды өтеу тәртібін бекітті.

Шығынды өтеу бағасына жоғалған мүліктің, тауарлық-материалдық заттардың, қираған және зақымданған ғимараттарды қалпына келтіру жұмыстарының құны кіреді.

«Шығындарды өтеу сақтандырылған мүлікті қоспағанда жоғалған мүліктің құнын немесе бүлінген мүлікті қалпына келтіруге жұмсалған шығыстарды өтеу жолымен жүргізілетін болады. Жоғалған тауарлардың құны көтерме бағамен жеткізушілердің сатып алу бағасы бойынша өтеледі.  Бұл мүліктік шығындардың өтемақысын айқындау жөніндегі өңірлік комиссияның шешімі аясында жүзеге асады»,- делінген Ұлттық экономика министрінің бұйрығында.

Аталған ережелер агроөнеркәсіптік кешен кәсіпорындары үшін шығындарды...

Google компаниясына иелік ететін Alphabet тоқсандық пайдасы екі есе өскеннен кейін тоқсан сайын дивидендтер төлеуге уәде берді.

Google компаниясы 2024 жылдың алғашқы үш айындағы кірістер туралы есеп беріп,  өткен жылмен салыстырғанда 15% өсіп, 80,5 млрд долларға жеткен. Alphabet-тің тоқсандағы таза кірісі 57% өсіп, 23,7 млрд долларға жеткен.

Бірінші тоқсандағы жарнама сатылымы өткен жылдың сәйкес кезеңімен салыстырғанда 13% өсті және 61,7 млрд долларды құрады.

Осы жоғары нәтижелерге сүйене отырып, Alphabet өз тарихында бір акцияға тоқсан сайын дивиденд төлейтінін жариялады. Alphabet директорлар кеңесі мақұлдаған жағдайда тоқсан сайынғы ақшалай дивидендтер төлеуді жоспарлап отыр. Директорлар кеңесі сонымен қатар өткен жылдағыдай 70 миллиард доллар акцияларды сатып...

Инфляцияның жеделдеуінен ЖІӨ-нің өсу қарқыны қысқарғаны туралы мәліметтер жарияланғаннан кейін, америкалық индекстер төмендеді. 26 сәуірдегі қор нарығына шолу барысында сарапшылар нарықтардағы пессимизм, Tesla бойынша болжам, Hertz құлдырауына тоқталып өтті.

АҚШ экономикасы енді не болады?

Жақында статмәліметтер жарияланды. Оған сәйкес, АҚШ экономикасы 2024 жылдың I тоқсанында 1,6%-ға дейін төмендеді, ал сарапшылар өсім 2,4% болады деп болжаған болатын. Салыстырмалы түрде алып қарайтын болсақ, 2023 жылдың IV тоқсанында бұл көрсеткіш 3,4% болған. Мәселе инфляцияның екі есе жылдам өскеніне байланысты болып тұр. Енді ФРЖ пайыздық мөлшерлемені төмендетуді кейінге қалдырмақ түгілі 2024 жылы одан мүлде бас тартуы мүмкін.

Осы жаңалықтың әсерінен...

TikTok-тың қытайлық бас компаниясы ByteDance АҚШ-та тыйым салатын заң қабылданғаннан кейін мобильді қосымшаны сатуға ниеті жоқ екенін айтады.

«ByteDance-тің TikTok-ты сату жоспары жоқ», – деп жазған компания әлеуметтік медиа платформасындағы ресми аккаунтында.

BBC ақпаратына сүйенсек, апта басында TikTok АҚШ сотында елде қабылдануы мүмкін заңға қарсы шығып, оны «АҚШ конституциясына сай емес» деп қарсы шыққан.

Сату немесе тыйым салу туралы заңға АҚШ президенті Джо Байден сәрсенбіде қол қойды. Ол TikTok-тағы пайдаланушылардың жеке деректерін Қытай үкіметі бақылап отырады деп алаңдаушылық білдірген. Алайда әлеуметтік желі бұл айыптауды жоққа шығарған.

Әзірге TikTok АҚШ-та дереу тыйым салу қаупіне...

26 сәуір күні еліміздің әр өңірінің ауа райы да әр түрлі болмақ.

Ұлытау облысы

26 сәуірде түнде Ұлытау облысының батысында, шығысында, оңтүстігінде найзағай күтіледі. Күндіз облыстың шығысында екпіні 15-20 м/с жел соғады. Түнде облыстың шығысында 2 градус үсік жүруі мүмкін.

Жетісу облысы

26-28 сәуір аралығында қатты жауын-шашын болжамына байланысты Жетісу облысының тау және тау етегіндегі аймақтарда беткейлік ағындының қалыптасуы және өзендерде су деңгейлерінің көтерілуі күтіледі, сонымен қатар судың жайылуы мен су басуы мүмкін.
Қауіпті деңгейден асып кеткен жағдайда, өзендердің жайылма аумақтарында орналасқан елдімекендерді, шаруашылық құрылыстарды және жергілікті маңызы бар жолдарды су басу қаупі сақталатыны ескертіледі.

Қарағанды мен Ақмола, Шығыс...

Қазіргі уақытта Ресейден келіп жатқан тасқын су елдегі қоймаларға құйылуда.

Ресей Федерациясының Иреклі су қоймасынан жіберілген су Жайық өзені арқылы Каспий теңізіне ағып жатыр. БҚО-дағы Орал-Көшім суару-суландыру жүйесінің 4 су қоймасында 226 миллион текше метр су жиналды.  Қоймалардың  87%-ына су толды. Сарыөзен бойындағы төрт су қоймасы 91%-ға толды, бұл – шамамен 102 миллион текше метр су. Қараөзен бойындағы үш су қоймасына 69 млн текше метр су жиналды (66%). Осы екі өзендегі су тасқыны аяқталды.

«Орал қаласындағы Жайық өзенінің деңгейі 859 см, бір тәулікте 2 см-ге төмендеді.  БҚО Бәйтерек ауданы Чувашинское кентіндегі Шаған өзенінің деңгейі 739 см, бір тәулікте...

Сәуірдің 25-і күні Reuters басылымы Ресей Қазақстанға мұнай транзитін маусым айында аяқтауы мүмкін екенін ескертті. Басылым дерегінше, оған Германиямен төлем мәселесіне туындаған кедергі әсер етеді екен.

Бұл теңізге шыға алмайтын елдің ресейлік экспортқа тәуелді екенін көрсетеді деп жазды Reuters дереккөздерге сілтеме жасап. Ақпарат агенттігі ресейлік құбыр желісі арқылы мұнай тасымалдайтын Қазақстан экспортының осал екенін әшкере етті деп хабарлайды.

Бұл ақпаратты ҚР Энергетика министрлігі жоққа шығарды.

Энергетика министрі Алмасадам Сәтқалиев наурыз айында өткен ведомствоның кеңейтілген алқа отырысында мұнай экспорты да өсіп, 70,5 миллион тоннаны немесе 109,6%-ды құрағанын мәлімдеді. 

Министр Ресей мұнайының ел аумағы арқылы өтетін транзит көлеміне тоқталды. Көрші мемлекет...