Жаңалықтар

Қазақстанның 5 өңірінде 5411 үй су астында қалды. Табиғи апат басталған уақыттан бері құтқарылған қазақстандықтардың саны 111 194-ге жетті.  Төтенше жағдайлар министрлігі Азаматтық қорғаныс және әскери бөлімдер комитетінің аға офицері Ерасыл Сайпаш елдегі жағдайға байланысты соңғы мәліметтермен бөлісті.

ТЖМ өкілінің сөзінше бүгінде Ақтөбе, Қостанай, Ақмола, Атырау, Солтүстік Қазақстан облыстарындағы 5 411 жеке тұрғын үй, 1 607 аула аумағы және 2 035 саяжай үйлерін су шайып кеткен.

«Үйлеріне 11 950 адам оралды. Уақытша орналастыру пунктерінде 6 814 адам, оның ішінде 2 995 бала бар. 9,5 млн текше метрден астам еріген су тартылды, 2,2 млн қапшық және...

2024 жылы Қазақстанда ең қажетті мамандық иелері тағы да мұғалімдер мен орта медициналық қызметкерлері болады.

«Еңбек ресурстарын дамыту орталығының» ақпаратына сүйенсек, Enbek.kz электрондық еңбек биржасында шамамен 1,3 млн бос жұмыс орны жария болады деп күтілуде. 

Ең көп сұраныс білім беру (364 мың бос жұмыс орны), денсаулық сақтау (105 мың бос жұмыс орны), басқа да жеке қызметтер көрсету (91 мың бос жұмыс орны), өңдеу өнеркәсібі (89 мың бос жұмыс орны), сауда және ауыл шаруашылығы (86 мың бос жұмыс орны) салаларында қалыптасады. 

2024 жылы сұранысқа ие мамандық иелері

Алматы қаласында тұратын Ұлы Отан соғысы ардагерлеріне 2 миллион теңгеден біржолғы төлемі беріледі. Бұл жайлы Алматы мәслихаты депутаттарының кезектен тыс отырысында айтылды.

Қала әкімі Ерболат Досаев Жеңістің 79 жылдығына орай Ұлы Отан соғысы ардагерлеріне берілетін төлем мөлшерін 2 миллион теңгеге дейін арттыру туралы шешім қабылдаған. Бұл бастаманы Алматы мәслихатының депутаттары бірауыздан қолдады.

Алматы қаласы Жұмыспен қамту және әлеуметтік бағдарламалар басқармасының басшысы Бауыржан Жаубасов жыл сайын Ұлы Отан соғысының ардагерлерлеріне Жеңіс күніне орай 1 миллион теңге көлемінде біржолғы әлеуметтік төлем төленіп келгенін айтты.

«Алматы қаласы әкімінің тапсырмасымен біржолғы әлеуметтік көмекті 1 миллион теңгеге...

ҚТО 2024 жылдың І тоқсанында Германияға 300 мың тонна мұнай жөнелткен. Бұл 2023 жылдың І тоқсанымен салыстырғанда 40 мың тоннаға артық. «Адамова» қақпасына тасымалданған мұнай «Транснефть» ЖАҚ магистральдық мұнай құбыры жүйесі арқылы ГФР-ге жеткізіледі.

«2024 жылдың бірінші тоқсанында қазақстандық мұнайды «Транснефть» ЖАҚ магистральдық мұнай құбыры жүйесі арқылы Германияға одан әрі жеткізу үшін «Адамов» қақпасына мұнай жеткізу пунктіне дейін тасымалдау көлемі 300 мың тоннаны құрады, бұл 2023 жылдың сәйкес кезеңімен салыстырғанда 260 мың тоннаға артық», – делінген хабарламада.

Сәуір айында «ҚазТрансОйл» АҚ Германияға 120 мың тонна қазақстандық мұнайды тасымалдауды жоспарлап отыр.

Бұл...

Ақмола облысының Степногорск қаласында мемлекеттік мекеме қызметкерлеріне негізсіз сыйақы төлеуге 13,4 млн теңге жұмсаған.

Облыстық прокуратура ақпаратына сүйенсек, Степногорск қаласының прокуратурасы қадағалау қызметі барысында мемлекеттік органның қызметкерлеріне негізсіз сыйлықақы төлеу фактілерін анықтаған.

«Мемлекеттік мекеме 2 жыл ішінде заңнамада белгіленген шығыстардың түрлері бойынша үнемдеу болмаған кезде қызметкерлерге 13,4 млн теңге сомасына негізсіз сыйлықақы бергені анықталды», – делінген хабарламада.

Ақпаратқа сәйкес, 3 ай ішінде мекеме 6 қызметкерге 6,6 млн теңге сыйақы берген. Яғни әр қызметкерге 1 млн теңгеден көп сыйақы берген.

Прокуратура жұмсалған қаржыны бюджетке қайтару мәселесін қарастырып жатыр. Мемлекеттік мекемеге қадағалау актісін енгізген.

Осыған дейін Ақмола облысының табиғат қорғау прокуратурасы тексеру жүргізгеннен...

Қазақстан Үкіметі төтенше жағдай салдарынан баспанасыз қалған азаматтарға тұрғын үй беру қағидаларына өзгеріс енгізді. Оған сәйкес, төтенше жағдайға байланысты үйсіз қалған азаматтар мемлекет берген үйден бас тартып, өзі құрылыс жүргізе алады.

Су тасқынынан зардап шеккендерге үй берудің үш нұсқасы

Зардап шеккен отбасыларға үй үш түрлі нұсқада беріледі. Бірінші жағдайда мемлекет дайын үй береді немесе үй салып береді. Екінші жағдайда азаматтар мемлекет бекіткен үлгі негізінде өздері үй салып алады. Үшінші нұсқа, белгіленген елдімекеннен өздері үй таңдап сатып алады.

«Жергілікті атқарушы орган дайын тұрғын үй сатып алады не кейіннен тұрғын үйсіз қалған азаматтарға беру...

Ресейдің Орынбор қаласы маңындағы Орал өзенінде су деңгейі екінші күн қатарынан төмендеді. 14 сәуірде су деңгейі 18 см төмендеді.

РБК басылымының ақпаратына сүйенсек, 15 сәуірде Орынбор маңындағы Орал өзеніндегі(Қазақстандағы атауы Жайық өзені – ред.) су деңгейі Мәскеу уақыты бойынша таңғы сағат 6:00-де 1169 см-ге дейін түскен. 14 сәуірде су деңгейі 1187 см болған.

13 сәуірде Орынбор облысының губернаторы Денис Паслер су тасқынының шарықтау шегіне жеткенін айтқан. Шарықтау шегіне жеткен тұста Жайықтағы су деңгейі 1185 см болған.

Алайда 15 сәуірге қараған түні Қазақстандағы Орал қаласының әкімі Миржан Сатқанов қалада су тасқыны қаупі бар екенін айтқан. 

«Мамандарды...

Су тасқынынан зардап шеккен азаматтар 1 наурыздан 30 маусымға дейін салық және бюджетке төленетін басқа да міндетті төлемдерден босатылады.

«Ашық НҚА» жүйесінде Мемлекеттік кірістер комитетінің «Қазақстан Республикасының өңірлерінде су тасқынынан зардап шеккен адамдар үшін салықтық әкімшілендіруді реттеудің өзге тәртібін белгілеу туралы» бұйрығы жария болды.

Бұйрыққа сәйкес, су тасқынынан зардап шеккендердің тізіміне енген салық төлеушілер 2024 жылы 1 наурыздан 30 маусымға дейін салық төлеуден босатылады. 2024 жылғы 1 наурыз – 30 маусым аралығында басталатын салық есептілігін тапсыру мерзімі 2024 жылғы 1 шілдеге ауыстырылады.

«Мерзімінде орындалмаған салық міндеттемесінің орындалуын қамтамасыз ету және салық берешегін мәжбүрлеп өндіріп алу...

Қазақстан ОПЕК+ келісім бойынша наурыз айында өз міндеттемелерін тәулігіне 131 мың баррельге асырды. Бұл климаттық жағдайларға және жылыту маусымының ұзақтығына байланысты.

«Қазақстан 1-тоқсанда өз міндеттемелерін орындау және артық өндірісті өтеу үшін барлық күш-жігерін салуды жалғастырады. Сондай-ақ бірлескен министрлік мониторинг комитетінің 53-ші отырысының шешіміне сәйкес Қазақстан 2024 жылғы 30 сәуірге қарай ОПЕК хатшылығына өтемақының егжей-тегжейлі жоспарын ұсынады. Бұған дейін Қазақстан өзінің ағымдағы міндеттемелерін 2024 жылдың маусым айының соңына дейін ұзартты», – делінген Энергетика министрлігінің хабарламасында.

ОПЕК+ Бірлескен министрлік мониторинг комитетінің (JMMC) 53-отырысында комитет Қазақстан мен Ирак Республикасының өзара міндеттемені толық сақтау және артық өндірісті өтеу туралы келісімін мақұлдады. Ресей Федерациясысыны...

Азғантай уақыттың ішінде толағай табыс тауып, көздеген мақсатқа қол жеткізуді компания біткеннің бәрі қалайды. Дижитал-кеңістікте көзге көрінетін, нәтижесі нақты санмен сипатталатын шаралар кешенін performance-маркетиң дейді. Айталық, сізге сауданы арттыру керек. Енді не істейсіз? Әлбетте, стратегия құрасыз. Оны қалай қолға алу керек? Қандай ерекшеліктері бар? Осы туралы айтамыз.

Performance-маркетиң ерекшеліктері

Қазіргі уақытта облыс орталығы мен бірнеше аудан Жайық өзенінің жағалауын бекіту жұмыстарын қызу жүргізуде. Орал қаласындағы біраз саяжай су астында қалды. Қала шетіндегі әлеуметтік нысандарды да су басты. Қарғын су қатеріне байланысты өңірде қауіпсіздік шаралары күшеюде. Осы себепті дүйсенбіден бастап Орал қаласы мен Ақжайық, Бөрлі, Бәйтерек, Теректі аудандарындағы мектептер мен колледждер бойынша онлайн оқу ұйымдастырылады.

«Өңірдегі төтенше жағдай уақытында балалардың қауіпсіздігін қамтамасыз ету  мақсатында Жайық өзенінің жағалауында орналасқан Ақжайық, Бөрлі, Бәйтерек, Теректі аудандарының және Орал қаласы орта білім беру, кәсіптік-техникалық және қосымша білім беру ұйымдарының педагогикалық кеңестерінің шешімімен 15 сәуірден бастап оқу процесі тиісті  платформалар...

6 сәуір күні Атырау облысының Жылыой ауданындағы Құлсары қаласында 1974 және 2000 жылғы әкелі-балалы екі адамның із-түссіз жоғалғаны туралы хабар тарады. 14 сәуір күні таңғы сағат 9-да төтеншеліктер 1974 жылғы ер адамның мүрдесін су астынан алып шықты. Одан кейін түскі сағат 13:40-та 24 жастағы ер адамның мәйітін тапты. Ол жоғалып кеткен егде кісінің  ұлы екені анықталды. Екі мүрде де тасқын судың 1,5 метр терең тұсынан табылды. Әкелі-балалы құлсарылықтар өзінің үйінінің маңында көз жұмған.

«Олар су басқан үйіне рұқсатсыз кетіп қалған. Содан бері эвауациялық пунктке оралмаған», – деп хабарлады Атырау облысының төтенше жағдайлар жөніндегі департаменті.  

Қазақстан Республикасы Сыртқы істер министрлігі Иран мен Израиль арасындағы шиеленісті дипломатиялық жолмен шешу қажет екенін мәлімдеп, тараптарды татуластыруға шақырды.

«Қазақстан Республикасының Сыртқы істер министрлігі Иран мен Израиль арасындағы шиеленістің күрт нашарлауына байланысты терең алаңдаушылық білдіріп, тараптарды барлық келіспеушілікті тек саяси-дипломатиялық жолмен шешу үшін ұстамдылық пен кідіріссіз шаралар қабылдауға шақырады.

Қазақстан өңірдегі жағдайды тұрақтандыруға және қауіпсіздікті қамтамасыз етуге бағытталған әлемдік қоғамдастықтың күш-жігеріне өзінің берік қолдауын тағы да атап өтеді», – делінген Сыртқы істер министрлігі мәлімдемесінде.

Таяу Шығыстағы жанжал көптеген мемлекетті алаңдатып отыр. Иран, Ирак, Иордания, Ливан, Израиль, Египет, Сирияда геосаяси ахуал өте күрделі. Алматы халықаралы...

Иран мен Израиль арасындағы жағдай шиелінісіп тұр. Таяу Шығыстағы геосаяси жағдайға байланысты G7 саммиті мен БҰҰ қауіпсіздік кеңесі өзекті мәселелерді жедел талқыламақ. G7 ұйымына төрағалық ететін Италияның премьер-министрі Джорджии Мелони «үлкен жетіліктің» отырысының маңыздылығы өте жоғары деп хабарлады.

Жексенбіге қараған түні Иран шабуылдаушы дрондары мен зымырандарын пайдаланып, Израиль мемлекетін атқылады. БҰҰ-ның Израильдегі тұрақты өкілі Гилад Эрдан дүниежүзілік ұйымды Иранның оспадар шабуылын айыптауға шақырды. Оған қоса ирандық қорғаныс корпусын террорлық ұйым деп жариялауды ұсынды.

БҰҰ қауіпсіздік ұйымы мұның назардан тыс қалмайтынын, бүгін кешкілік уақытта кезектен тыс отырыс өткізетіндерін мәлімдеді.

Бүгін Air Astana Астана – Дубай – Астана рейстерінің Иран әуе кеңістігіне қауіп...

Ақтөбе облысындағы мұнай-газ кен орындарында өндіріс нысандарын сақтау шаралары жүргізілуде. Темір өзенінің жайылмасындағы «ҚМК Мұнай» АҚ Көкжиде кен орнындағы 7 ұңғыманы су басқан. Су деңгейі төмендегімен, қауіп сейілген жоқ. Бұл жөнінде ҚР Өнеркәсіп министрлігі хабарлады.

Бұған дейін қауіпсіздік мақсатында мұнай-газ кен орындарында 116 ұңғыма, 2 АГЗУ уақытша қуат көзінен ажыратылған. Кеңқияқ кен орнында «Ақтөбемұнайгаз» СНПС АҚ «Кеңқияқмұнай» Мұнай-газ өндіру басқармасы 440 ұңғыманы, «Фирма Адаойл» ЖШС Башенкөл кен орнында 24 ұңғыманы, 2 АГЗУ, 1 мультифазалы сорғыны, Қожасай кен орнында «Қазақойл Ақтөбе» ЖШС 1 ұңғыманы уақытша тоқтатты. Барлық ұңғыма тығыздалды.

«Кәсіпорындар штаттық режимде жұмыс істеуде. Темір өзеніндег...

ҚР Өнеркәсіп және құрылыс министрлігі Қазақстан машина жасаушыларының ХІІ форумының уақыты кейінге шегерілгенін хабарлады. Бұл форумды биыл 25-26 сәуірде өткізу жоспарланған еді. Ауқымды іс-шара 2025 жылы ұйымдастырылады. Қазақстан Республикасы Президентінің тапсырмасына сәйкес, министрлік зардап шеккендерге арналған тұрғын үйлерді қалпына келтіру жөніндегі іс-шараларды үйлестіру және жүзеге асыру жөніндегі жауапты орган болып тағайындалды. Сол себепті форумды өткізу кейінгі ысырылды.

ХII форумда  аталған министрлік «Kazakhstan Machinery Fair 2025» Халықаралық мамандандырылған машина жасау және металл өңдеу көрмесін назарға ұсынуды жоспарлаған еді. Маңызды диалогтрада тандық машина жасауды дамытуға, халықаралық ынтымақтастықты нығайту және инновациялар мен технологиялар саласындағы озық тәжірибе алмасу мәселесін талқылау көзделген.

Сондай-а...

Солтүстік Қазақстан облысында 400-ден астам үйді су басты. Петропавл қаласы мен Қызылжар ауданындағы ахуал күрделі. Қызылжарда 320 үйді су басты. Есіл өзенінің тасуы салдарынан Петропавл қаласына су кіре бастады. Қаланың Подгора ауданынан дрон көмегімен 48 адам эвакуацияланған. Түнде одан басқа 11 адам үйінен шығуға қарсылық білдірген. СҚО-да жүрген Премьер-Министрдің бірінші орынбасары Роман Скляр жергілікті органдарға жағдайды қатаң бақылауды тапсырды.

Петропавлға 330 тонна су жеткізілді

Петропавлда дүкендерден ауызсу бөтелкелері тез таусылып жатыр. Әлеуметтік нысандар мен үйлерге 53 техникамен су тасымалдануда. Қалаға 330 тонна су әкелінген.

Заречный және Былғары кентінің, Ойқаланың, Тепличное, Прибрежное және Бескөл ауылдарының тұрғындары уақытында эвакуацияланды...

Air Astana  Астана – Дубай – Астана бағытындағы рейстердің геосаяси себептерге байланысты кешігіп жатқанын хабарлады.

«Ұшу бағыты бойынша тұрақсыз геосаяси жағдайға байланысты KC 205/206 Астана-Дубай-Астана және KC897/898 Алматы-Дубай-Алматы рейстері кейінге қалдырылды. Алдын ала жөнелту уақыты бүгін сағат 15.00-де күтілуде. Жолаушылар мен экипаждың қауіпсіздігін қамтамасыз ету үшін «Эйр Астана» әуе компаниясының Дубай мен Жиддаға рейстері Иранның әуе кеңістігін айналып өтеді. Әуе компаниясы Таяу Шығыстағы жағдайды мұқият қадағалап отырады және қажет болған жағдайда өзгерістер енгізеді», – делінген жексенбі күнгі мәлімдемеде.

Израиль кеше Иран тарапынан шабуылдаушы-дрондар мен қанатты, баллистикалық ракеталарды атып түсіргендерін хабарлады. Соның салдарынан бір әскери...

Ел бойынша әлеуметтік азық-түлік өнімдерінің орташа баға индексі бір аптада 0,1%-ға төмендеді. Бұл ретте «айналым схемалары» бойынша былтырдан бастап әлеуметтік маңызы бар азық-түлік сатып алудың орнына азық-түлік қорын қалыптастыра бастаған өңірлік тұрақтандыру қорлары маңызды рөл атқарды.

Ақтөбе облысынан оралған вице-премьер Серік Жұманғарин өңірлердегі, әсіресе су тасқынынан зардап шеккен аймақтардағы әлеуметтік азық-түлік тауарларының бағасы мен қолжетімділік жағдайы бойынша кеңес өткізді.

Сауда және интеграция бірінші вице-министрі Айжан Бижанованың мәліметінше, өткен аптада ӘМАТ бағасының орташа индексі 0,1%-ға төмендеді. Баға төмендеуінің жалпы статистикасына 8 өңір үлес қосты, оның бесеуі қарғын судан қатты зардап шеккендер қатарында: Ақтөбе (-0,5%), Ақмола (-0,4%), Солтүстік Қазақстан (-0,3%), Батыс Қазақстан (-0,1%), Жамбыл...

Қазіргі елімізде болып жатқан жағдайлар әр азаматты алаңдатып отыр. Үйлерді су басып жатқаны, тұрғындардың жиған-тергенінен айырылып қалғаны сөзсіз жүрекке тиеді. Оның алдында пандемия, көрші елдегі тұрақсыздық сынды факторлар да жеңіл болмады. Мұндай кезде жаңалық ағыны да артып кетеді. Оқыған сайын елең көбейеді. Осындай күйді сипаттайтын арнайы термин бар. Ол — думскроллиң. Бүгін осы туралы айтамыз. 

Думскроллиң деген не?

Адамдардың қанша жерден негатив ақпараттың депрессияға әкеп соғатынын біліп тұрса да, жаңалықтар лентасын еріксіз қарай беретін күйін «думскроллиң» деп айтады. Бұл термин ағылшынның «doom» (қайғылы жағдай) және «scrolling» (әлеуметтік желі мен онлайн платформалардағы ақпаратты тоқтаусыз қарай беру) деген екі сөзінен...

2023 жылдың соңында Қазақстанда фитнес-қызмет нарығы үштен бірге өсті. Фитнес-клуб иелері нарықтың өсу драйверіне әсер еткен жағдайларға және керісінше дамуын тежеуге қандай факторлар себеп болғанын түсіндіріп берді.

Қазақстандық фитнес-қызмет нарығының көлемі өткен жылы 32%-ға өсіп, ондағы айналым 141 млрд теңгеге бағаланды. Нарықтың осыншалықты өсу қарқыны соңғы алты жылдағы ең жоғары көрсеткіштердің бірі болған. Әсіресе, 2021 жылғы локдауннан кейін жаттығу залына келушілердің көрсеткіші белсенді түрде өскен (+63%). Бұл нарықтық мәліметтерді FitnessData агенттігінің өкілдері «Bright Conf -2024» фитнес-операторларына арналған халықаралық конференциясында келтірді.

Фитнес клубтардың бағасы неге қымбат?

Бұл саладағы нарық, ең алдымен, бағаның өзгеруі есебінен көтерілді. Орташа  алғанда  бір жылда шамамен...

Мемлекет басшысы Қасым-Жомарт Тоқаев ағымдағы жылдың 13-14 маусымында болатын Астана халықаралық форумын өткізбеу туралы шешім қабылдады.

 «Мемлекет басшысы Қасым-Жомарт Тоқаев еліміздегі жойқын су тасқынының салдарын жою және зардап шеккен азаматтарға көмектесу үшін басқа шараларға жұмсалатын қаржыны барынша үнемдеу қажет екенін ескере отырып, биылғы 13-14 маусымға жоспарланған Астана халықаралық форумын өткізбеу туралы шешім қабылдады», – деп мәлім етті Ақорда баспасөз қызметі.

Президент форумға шақырылған қонақтар бұл шешімге түсіністікпен қарайды деп сенетінін жеткізді. Астана халықаралық форумы өз жұмысын 2025 жылы жалғастыратын болады.

Астана халықаралық форумы шетел үкіметтерінің, халықаралық ұйымдардың, ірі компаниялардың, іскерлік және академиялық қауымдастықтың жоғары лауазымды...

АҚШ Ресейге қарсы санкция жариялап, ресейлік алюминий, мыс және никель экспортына шектеу қойды. Аталған тыйым шаралары 2024 жылдың 13 сәуірінен бастап өндірілген металдарға қатысты. Бұл туралы ведомство сайтында жарияланды.

Аталған өнімдерді «заңда белгіленген» ерекшеліктер шеңберінде, сондай-ақ шетелдік активтерді бақылау жөніндегі басқарманың (OFAC) лицензиясы немесе басқа да рұқсаты болған кезде ғана әкелуге болады.

Сонымен қатар жаңа шараларда көрсетілгендей, Ресейден алюминий, мыс және никельді әлемдік биржаларға қабылдауға тыйым салады. 2023 жылы осы металдардың импортын шектеген Ұлыбритания сауда алаңдарына салынған санкцияларға қосылды. Шешім Лондон металл биржасына (LME) және Чикаго тауар биржасына (CME) әсер етеді. Қазіргі қорлар бұған жатпайды.

«Ұлыбританиядағы...

Соңғы уақытта алаяқтар тарататын жалған ақпараттар қатары көбейген. Осыған байланысты Сыбайлас жемқорлыққа қарсы қызмет қазақстандықтарға ескерту жасады.

Антикор мәліметінше, мессенджерлерде (WhatsApp, Telegram және т.б.) ҚР Сыбайлас жемқорлыққа қарсы іс-қимыл агенттігінің басшылығы мен қызметкерлерінің атынан жалған аккаунттар құрған және жалған ақпарат тарататын алаяқтар пайда болған.

«Жалған ақпараттарға сенбеуге, күмәнді сілтемелер бойынша өтпеуге, сондай-ақ қаражат аудармауға шақырамыз. Осындай фактілер болған жағдайда Қазақстан Республикасының Құқық қорғау органдарына хабарлауды сұраймыз», – делінген хабарламада.

Осыған дейін мессенджерлерде үкімет басшысы атынан да қаражат аударуға үндейтін жалған хабарламалар таралған болатын.

Оның ішінде елге көмектесу үшін мессенджерлер көмегімен белгілі бір шотқа...