Жаңалықтар

Freedom Finance Global AIX пен Лондон қор биржасында (LSE) Air Astana компаниясының ҒДҚ-сы және АҚШ долларына деноминацияланған акцияларын негізгі саудадан бұрын сатып алу мүмкіндігін ұсынады. Бұл туралы AIX таратқан хабарламада жазылған.

ҒДҚ-мен шартты сауда AIX пен LSE биржасында Астана уақытымен 14:00-де, (Лондон уақытымен 8:00) 9 ақпан күні өтеді.

Ал АҚШ долларына деноминацияланған қарапайым акциялардың шартты саудасы дәл осы уақытта тек AIX биржасында ғана басталады. Freedom Broker AIX биржасындағы маркет мейкер болады. 

AIX Басқарма Төрайымы Әсел Мұқажанова Freedom Broker-мен ынтымақтастық арқасында қазақстандық инвесторлардың ертерек сауда жасауына мүмкіндік туғанын атап өтті. Бұл – Қазақстан қор нарығындағы алғаш шартты сауда.

2027 жылы Қазақстандағы көліктердің тең жартысы шағын торапты жинақ әдісімен құрастырылады. Бұл туралы Kursiv.kz редакциясының сауалында ҚР Өнеркәсіп және құрылыс министрлігінің берген жауабында жазылған.

Ведомствоның ақпаратына сүйенсек, 2023 жылдың 11 айында республикада 124,4 мың бірлік жеңіл автокөлік шығарылды. Оның ішінде шағын торапты жинақ (CKD) әдісімен өндірілгені 11,3 мың бірлік. Бұл ретте министрлік мұндай көліктердің үлесін арттыруға ниетті. Сондықтан автоөндірушілерге қойылатын талаптарды күшейту мәселесін қарастырып жатқанын хабарлады.

«Талап бойынша 2027 жылға дейін көліктердің 50%-ы CKD әдісімен өндірілуі керек. Бұл жеткілікті мамандардың біліктілігін арттыруға және жинақтаушы жабдықтардың өндірісін ұйымдастыруға қосымша мүмкіндіктер береді», – деп жазылған министрлік жауабында.  

2023 жылы Қазақстанда ресейлік әртістер қатысуымен өтуге тиіс болған 100 іс-шараға шектеу қойылды. Бұл туралы Ticketon сервисі хабарлады.

«Көңіл көтеру нарығына геосаяси жағдай белгілі бір деңгейде ықпал етті. 2023 жылы жарияланған 1743 шараның 12,7% (222 шара) тоқтатылды», – делінген хабарламада.

Сервис ақпаратына сүйенсек, Қазақстанда былтыр жоспарланған 1743 шараның 80%-ы (1402 шара) қазақстандық, 18%-ы (315 шара) ресейлік. Ал 3,4%-ы (58 шара) өзге елдерден. Оның ішінде қазақстандық іс-шаралардың – 6,63%-ы (93 шара), ресейлік шаралардың – 31,75%-ы (100 шара), өзге елдер шараларының – 3,33%-ы (23 шара) тоқтатылған.

Жалпы 2022 жылы 24 ақпанда Ресей Украинаға басып кіргеннен кейін...

Боранға байланысты Астана әуежайында 72 рейс тоқтады. Бұл жайлы Астана әуежайының баспасөз қызметі хабарлады.

«Астана қаласы әуежайының әуеайлағында 19 м/с жылдамдықпен және екпіні 23 м/с дейін қатты жел соғып тұр. Мұндай ауа-райы ұшақтардың ұшуы мен қонуы кезінде қиындықтар туғызуы мүмкін, сондықтан әуекомпаниялар жолаушылар мен экипаждардың қауіпсіздігін қамтамасыз ету үшін рейстерді тоқтату немесе кешіктіру туралы шешімдер қабылдайды»,- делінген хабарламада.

Әуежай баспасөз қызметінің мәліметінше 8 ақпанға елорда әуежайында 72 рейс жоспарланған. Оның ішінде ұшатын 7 рейс, қонатын 8 рейс тоқтатылған. Сонымен қатар, ұшуы тиіс 6 рейс, ал ұшып келуі тиіс 12 рейс кешіктірілген. Бұл...

Қаржы нарығының сарапшылары жыл соңына қарай инфляция 8,8%-ға дейін төмендеп, базалық мөлшерлеме 12,5%-ды құрайды деген пікірде. Нарық өкілдері мұндай болжамды Қазақстанның қаржыгерлер қауымдастығы жүргізген сауалнама барысында айтқан.

Қазақстандағы инфляцияның бәсеңдеуі Ұлттық Банктің алдағы отырыста базалық мөлшерлемені тағы да төмендетуіне мүмкіндік береді. Сауалнамаға қатысқан сарапшылардың 83%-ы базалық мөлшерлеме төмендейді деген. Олардың басым бөлігі (67%) базалық мөлшерлеме 25 б.п. кеміп, 15% деңгейінде қалыптасады деген ойда. Ал қалғандары Ұлтттық банк бірден 50 базистік тармаққа төмендетіп, мөлшерлеме 14,75%-ды құрайды деп пайымдайды.

Сыртқы жағдайдың жақсаруы мен инфляцияға қарсы жүргізіліп жатқан саясат сарапшылардың инфляциялық болжамының айтарлықтай жақсаруына ықпал етті. Жыл соңында жылдық базалық мөлшерлеме...

2023 жылы қазақстандық «Таптым-ау сені» фильмі кассалық түсім бойынша голливудтық «Аватар: Су жолы» фильмін басып озған. 

Ticketon сервисінің ақпаратына сүйенсек, қазақстандық картина 2023 жылы 1,54 млрд теңге жинаған. Голливудтық фильм 1,17 млрд теңге (фильм прокатқа 2022 жылы желтоқсанда шыққан, желтоқсандағы қаржы есепке алынбаған – ред.) тапқан. Үшінші орында «Форсаж 10» фильмі 1,10 млрд теңге табыс тапқан. Үздік ондыққа отандық фильмдер қатарынан «Қазақша бизнес Үндістанда» фильмі енген. 

Өңірлер бойынша 14 қалада «Таптым-ау сені», 3 қалада «Чебурашка» фильміне келушілер көп болған. Тағы бір отандық картина «Міржақып. Оян, Қазақ» фильміне Павлодар тұрғындары көп келген. 

Сервистің хабарлауынша, 2023 жылы Қазақстан кинотеатрларында 469 фильм...

Кейбір қалдық түрлері қайталама ресурс санатына көшіріледі. Бұл жайлы ҚР Экология және табиғи ресурстар министрлігінің «Ашық НҚА» порталына орналастырған құжатында жазылған.

Құжатқа қалдықтар мәртебесін жоғалтуы мүмкін және дайын өнім немесе қайталама ресурс санатына ауысатын қалдықтар тізбесіне және қалдықтар мәртебесін жоғалтатын, дайын өнім немесе қайталама ресурс (материалдық немесе энергетикалық) санатына ауысатын қалдықтардың жекелеген түрлері енгізілген.

Яғни министрлік бұйрығына сәйкес, пластмассаның, пластиктің, полиэтиленнің, полиэтилентерефталаттың қаптамалары, макулатура, қағаз және картон қалдықтары, пайдаланылған шыны ыдыстар мен шынылар, түсті және қара металл сынықтарының қалдықтары, пайдаланылған шиналар, тоқыма өнімінің қалдықтары, ағаш қалдықтары, қауіпті емес құрылыс қалдықтары қалдық күйін жоғалтып, дайын өнімге немесе қайталама...

Алматыдағы лай көшкіні кезінде қираған үй астында қалған барлық адамның денесі табылды. Бұл туралы Төтенше жағдайлар департаменті хабарлады.

«Құтқарушылар оқиға орнынан 1984 жылы туған ер адам мен 1980 жылы туған әйелдің және 2007 жылғы екі жас жігіттің денесін шығарды», – деп хабарлады қалалық ТЖД. 

Төтенше жағдайлар министрлігінің психологтары туыстары мен көршілеріне жедел психологиялық көмек көрсетіп жатыр. Апат болған жерді лайдан тазарту жұмыстары жалғасуда.

Медеу ауданының әкімі Еркебұлан Оразалин Тау-Самалы шағын ауданындағы лай көшкініне қатысты түсініктеме берді. Оның айтуынша, жеке сектордың коммуникацияларға қосылуы ретсіз әрі қауіпті.

«Мәселені шешу үшін біз өткен...

2024 жылы банктердің заңды тұлғаларға беретін кредит көлемі 15 пайызға өсуі мүмкін. Есесіне жеке тұлғаларға берілетін тұтынушылық несие қарқыны баяулайды. Halyk Finance сарапшылары Қазақстанның банк секторына қатысты болжамын жариялады.

Қаржыгерлер 2023 жыл банктер үшін сәтті болғанын атап өтеді. Жыл басында банк секторының бүкіл негізгі көрсеткіштері айтарлықтай жақсарғаны байқалды. Меншікті капитал көлемі үштен бір есе өсті. Осындай жағдайда пруденциалды нормативтер банк секторындағы ықтимал тәуекелдерді жабуды қамтамасыз ете отырып, заңнамада белгіленген деңгейден айтарлықтай асып түскен.

2023 жылы банк секторының активтері  15,4% өсіп, 51,4 трлн теңгеге жеткен. Оған негізінен несие портфелінің 23,1%-ға өсуі ықпал етті.

ЕДБ-нің өтімділігі жоғары активтері 15,1 трлн...

Мәжілісте COVID-19 коронавирусты инфекциясына байланысты карантин жарияланды. Бұл жайлы Мәжілістің баспасөз қызметі хабарлады.

«Президент Іс Басқармасының медициналық орталығының бас санитарлық дәрігері Темиргалиева А.К. 2024 жылғы 6 ақпандағы қаулысына сәйкес, Парламент Мәжілісінің аумағында коронавирустық инфекцияға қатысты қолайсыз эпидемиологиялық жағдайға байланысты 7 ақпаннан бастап міндетті түрде бетперде кию режимі және басқа да алдын алу шаралары енгізілді»,- делінген хабарламада.

Жиналыстар мен басқа да бұқаралық іс-шаралар онлайн форматқа ауыстырылатыны хабарланған. Болмаса жиындар Мәжілісте бетперде режимі мен санитарлық нормаларды қатаң сақтай отырып өткізіледі.

Осы орайда журналистерге де осы санитарлық талаптарды орындау міндеттеледі. Мәжілістегі іс-шараларға қатысатын журналистер шектеулер...

Сенат кулуарында Денсаулық сақтау министрі Ақмарал Әлназарова міндетті медициналық сақтандыру жүйесін жетілдіріп, сәтті жобаға айналдыру қажетін айтты.

«Мен қордың таратылуын қолдамаймын, бізге мұндай қор керек. Жалпы алғанда, медициналық сақтандыру жүйесі тұрақты жүйелердің бірі саналады. Халықаралық тәжірибеге сүйенсек, бұл өте сәтті жүйе болуға тиіс. Егер біз бір жерде дұрыс жасамаған болсақ, бұл одан бас тарту керек дегенді білдірмейді. Жүйе жақында ғана енгізілді. Сондықтан міндетті медициналық сақтандыру жүйесі еліміз үшін қажет. Тек оның жұмысын жетілдіре түсуіміз керек», – деді Әлназарова.

Сонымен бірге журналистер қазіргі уақытта адамдардың белгілі бір сала дәрігерлеріне жазылуы қиындап кеткенін айтты. Қандай да...

Halyk Finance сарапшылары «Қазатомөнеркәсіп» Ұлттық атом компаниясы акцияларының мақсатты бағасын 17%-ға көтеріп отыр. Баға 20 201 теңгеден 22 822 теңгеге дейін өсті. Бұған дейін компания акцияларын «ұстай тұруға» кеңес берген мамандар енді бағалы қағазды «сатып алуды» ұсынады. Оған «Қазатотөнеркәсіптің» жақында жариялаған өндірістік есебіндегі көрсеткіштер себеп.

Компанияның уран өндіру көлемі аздап қысқарғанына қарамастан, уран бағасы кейінгі 16 жылдағы ең жоғары деңгейіне жеткендіктен, мамандар болашағы жақсы деп есептейді.

«Былтыр қыркүйекте уран бағасының қымбаттауына байланысты «Қазатомқөнеркәсіптің» баға белгіленімі мақсатты деңгей – 16 227 теңгеге жетіп, бір акция үшін 19 000 теңгеден жоғары қалыптасты. Металл бағасы...

Бәсекелестікті қорғау және дамыту агенттігі «Қазпошта» акционерлік қоғамын ұлттық операторлар тізілімінен шығарды. Бұл жайлы агенттіктің баспасөз қызметі хабарлады.

«Жүргізілген жұмыстардың қорытындысы бойынша екі оператор арнайы құқықтарынан айырылып, тізілімнен шығарылды, олар – «Kazimpex» ЖШС (Қазимпекс) және «Қазпошта» АҚ»,  – делінген хабарламада.

Агенттік 15 мемлекеттік монополия субъектісі көрсеткен 1000-нан астам қызметке сараптама жүргізген. Нәтижесінде жалпы сомасы 30 млрд теңгеден астам осы субъектілердің жобалық шығындары оңтайландырылған.

Сонымен бірге алтыншы монополияға қарсы шаралар пакеті аясында бес компания оператор мәртебесінен айырылған. Оларды мәртебесінен айыруға қатысты заң жобасы келісу сатысында және 2024 жылдың екінші тоқсанында Парламент талқылауына ұсынылады.

Жалпы, 2022 жылдың қазан айында...

Ауа райының қолайсыздығына байланысты Қазақстанның 12 облысында жолдар жабылып, Астана қаласының оқушылары онлайн оқытуға көшірілді.

Астана қаласы білім басқармасы 8 ақпанда 0-9 сынып оқушылары қашықтан оқытуға көшірілетінін хабарлады.

«2024 жылғы 8 ақпан күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады», – делінген басқарма хабарламасында.

«Казгидромет» болжамына сәйкес, Қазақстанның орталық өңірлерінде қарлы боран соғады. Ауа райының нашарлауына байланысты «Қазавтожол» 12 облыста шектеулер енгізді.

«8 ақпан сағат 09.30-дағы ахуалға сәйкес ауа райының қолайсыздығына байланысты 12 облыста республикалық маңызы бар автожолдарды...

Германия билігі қазір сырттан бақыланып тұрған елдегі «Роснефть» концернінің еншілес компанияларын ұлттандыруға ниет білдірді. Бұл туралы Handelsblatt Германияның министрлер кабинетіндегі дереккөзге сілтеме жасап хабарлады

«Федералдық экономика министрлігі Rosneft Deutschland (RD) мұнай компаниясын мемлекет меншігіне алуға дайындалуда. Дүйсенбіде ресейлік «Роснефть» концерні тиісті тыңдауға ресми қатысты», – делінді мақалада.

Handelsblatt сайтының нақтылауынша, ресми шара болып саналатын тыңдаудың соңы ұлттандыру шарасына ұласады.

Дерек көзінің мәліметінше, әзірге түпкілікті шешім жоқ, алайда Берлин сыртқы бақылау мерзімін ұзартуға қарсы.

2023 жылғы желтоқсанда «Роснефть» өзінің еншілес компанияларын Германияның Федералдық желі агенттігінің сыртқы басқаруына беруіне байланысты Германияның Федералдық әкімшілік сотына конституциялы...

Құтқарушылар Алматыда лай көшкіні орнынан 2007 жылы дүниеге келген бозбаланың денесін тапты. Ол ғимараттың қирауы салдарынан қайтыс болған. Бұл туралы өңірлік төтенше жағдайлар департаменті хабарлады.

«Алматы қаласы ТЖД және Республикалық жедел-құтқару жасағының күштерімен алдын ала ақпарат бойынша топырақтың батпақтануына байланысты техногендік сипаттағы жылжыманың түсуі салдарынан ғимараттың зақымдануы себебінен қаза тапқан алдын ала болжам бойынша 2007 жылғы жас жігіттің денесі табылды», – делінген хабарламада.

Сағат 10:00-дегі жағдай бойынша ақпаратқа сәйкес, Алматыда оқиға орнында жедел штаб құрылған. Жеке тұрғын үйді балшық массасынан тазарту және адамдарды іздеу жұмыстары жүргізілуде. 182 маман мен 32 техника жұмылдырылды. Жедел медициналық жәрдем...

231 адамға 2,9 млрд теңге көлемінде залал келтірген күдікті Астана қаласында ұсталды. Бұл туралы Бас прокуратура хабарлады.

Прокуратура ақпаратына сүйенсек, 6 ақпан күні Бас прокуратураның үйлестіруімен Астана қаласында аса ірі көлемде алаяқтық қылмысы бойынша күдікті М.К.Сүлейменов ұсталған.

Бұған дейін арнайы жасақ 30 қаңтар күні Қызылорда қаласында оның сыбайласы Р.Қ.Қаржауовты ұстаған.

«Қылмыстық іс материалдарына сәйкес, К.Сүлейменов 2021-2022 жылдары адамдар тобымен азаматтарға жалған автокөлік несиесін рәсімдеген. Олардың алаяқтық әрекеттерінен 231 адамға 2,9 млрд теңге залал келтірілген», – делінген хабарламада.

Осыған дейін Сүлейменова 2022 жылдың мамыр айынан бері тергеуден бой тасалап, іздеуде болған. Қазіргі уақытта Сүлейменов Ақтау қаласына жеткізіліп, уақытша ұстау изоляторына қамалған.

7 ақпанда ІІМ мен ҰҚК қызметкерлері Алматы қаласында құрамында белгілі «Айшуақ-Жантүгел» ұйымдасқан қылмыстық тобының мүшелері бар топты құрықтады. 

ІІМ ақпаратына сүйенсек, жедел-тергеу іс-шараларының нәтижесінде 14 адам ұсталды. Олардан 7 атыс және травматикалық қару, 4 граната, 200-ден астам оқ-дәрі, есірткі заты, басқа да суық қару тәркіленген. 

«Топ мүшелері кәсіпкерлерге өздерінің криминалдық «қамқорлығын» көрсете отырып, оларды бопсалаумен айналысқаны анықталды. Олар Алматы қаласының темір жол вокзалдары аумағында, сондай-ақ базарларында өз ықпалын жүргізген. Ұсталған адамдарға қатысты Алматы қаласы ПД тергеу басқармасы бопсалау және бас бостандығынан заңсыз айыру фактілері бойынша бірнеше қылмыстық істі тергеуді бастады», – деді ҚР ІІМ ұйымдасқан қылмысқа қарсы күрес департаментінің басқарма...

Сыбайлас жемқорлыққа қарсы қызмет Қайрат Сатыбалдыұлына қатысты істі тергеу шеңберінде елге жыл басынан бері 44,6 млрд теңге қайтарды.

«Қазіргі уақытта қаражат мемлекетке келтірілген залалды өтеу есебінен республикалық бюджетке жіберілді»,– делінген антикор хабарламасында.

Бұл туралы Антикор төрағасы Асхат Жұмағалидің департамент басшыларымен жедел кеңесі кезінде айтылды. Кеңесте шенеуніктер президент Қасым-Жомарт Тоқаевтың Үкіметтің кеңейтілген отырысында айтқан тапсырмаларын талқылаған.

«Мемлекет басшысы атап өткендей, заңсыз шығарылған активтерді қайтару инвестициялардың тағы бір көзі болуға тиіс»,– делінген хабарламада.

Сонымен қатар Президент экономикаға жаңа серпін беру үшін кәсіпкерлермен және инвесторлармен толыққанды серіктестік құру қажеттігіне назар аударғаны сөз болды.

Алматы қаласы Медеу ауданы Тау-Самалы шағын ауданында сағат түнгі 2:20 шамасында лай көшкіні түсіп, оқиға орнында авариялық-құтқару жұмыстары жүргізіліп жатыр.

Төтенше жағдай министрлігінің ақпаратына сүйенсек, суық сумен жабдықтау құбырының жарылуы салдарынан топырақ ылғалданып, кейін көлемі 3200 текше метр болатын жылжыма түскен. Екі жер үйге, оның ішінде біреуіне ішінара зақым келген.

Ақпаратқа сәйкес, екі үйде төрт адам, оның ішінде екі бала болған.

Оқиға орнына қала әкімі Ерболат Досаев келді. Оның айтуынша, құтқару жұмыстары түнгі 3 бері жалғасып жатқанын айтты.

«Негізгі мақсат – іздеу-құтқару жұмыстары. Үйде болған адамдарды іздеуге жұмылдырылған топтың жұмысын үздіксіз қамтамасыз ету қажет»,- деді Ерболат Досаев.

Жақын маңдағы...

2025 жылы Абай шахтасы бірден екі лаваны ұңғылауға дайындайды. Бұл туралы шахта директоры Андрей Сосунов хабарлады. Аталған кеніште бүгін к18 көмірін өндірумен бірге ұңғыма жұмыстары қайта жанданғанын атап өтті.

«650 мың тонна қоры бар 321к12 лаваны 2025 жылдың қаңтарына қарай іске қосу жоспарланған. 600 мың тонна қоры бар 321к18с лавасына дайындық 2025 жылдың соңына қарай жүргізіледі. Біздің ұжымда 935 қызметкер және 750-ден астам кенші бар. Олар да осындай қалыпты әрі қарқынды жұмысты күтті»,– деді Сосунов.

Qarmet бас директоры Вадим Басин Қарағанды көмір бассейнінің барлық нысанын қалпына келтіру компания үшін басым міндеттердің бірі екендігін атап өтті.

Жапонияда «Фукусима-1» атом электр стансасында бета-шығару заттары жоғары радиоактивті су ақты. Бұл туралы РИА Новости хабарлады.

Хабарламаға сәйкес, радиоактивті судың ағуын станция қызметкері 7 ақпанда сағат 9:00-де байқады. Радиоактивті суды тазартатын жабдықты тексеру кезінде жабылуы керек 16 клапанның он данасы ашық екенін анықтаған.

«5,5 тонна су ағып кетті. Оның едәуір бөлігі топыраққа сіңді. Сұйықтықта радиоактивті цезий мен стронций бар болған. Радиоактивті заттардың мөлшері 22 миллиард беккерельге тең. Бұрын компания мұхитқа жіберілетін судың радиоактивтілігінің өзіндік нормасы литріне 1500 беккерель деңгейінде болған. Ал мемлекеттік норма негізде литріне 60 000 беккерель деңгейінде белгілеген», – делінген хабарламада.

Айта кетсек, Жапония Қытайдың теңіз...

Мемлекет басшысы Қасым-Жомарт Тоқаев Франция Президенті Эмманюэль Макронға сыйлаған екі қазақы тазының күшігі Парижге жеткізілді. Тазы күшіктеріне Жюль және Жанна деген есім берілді.

Борт №1 телеграмма-каналының мәліметінше, Франция президенті Эммануэль Макронға өткен жылғы Қазақстанға сапары кезінде қазақы тазының тұқымы ерекше ұнаған болатын. Сол кезде Қасым-Жомарт Тоқаев франциялық әріптесі Макронға тазы сыйлауға уәде берген.

«Кейін Парижге қазақы тазының бес айлық екі күшігі жеткізілді. Қос тазыны француз ветеринарлары тексеріп, уақытша карантинге жіберді. Сондай-ақ Франция тарапына күшіктерді тамақтандыру және үйрету жөніндегі нұсқаулық берілді», – делінген хабарламада.

Тазы күшіктері Макронның Немо есімді қара лабрадорымен «дос» болып үлгерген. Бұл итт...

Талғат Ғазизов «Қазпошта» АҚ HP, PR және еңбек қауіпсіздігі жөніндегі басқарушы директоры болып тағайындалды, деп хабарлайды «Қазпошта» АҚ баспасөз қызметі.

Ол 1986 жылы 21 қазанда Целиноград қаласында дүниеге келген.

Академик Е.А. Бөкетов атындағы Қарағанды ​​мемлекеттік университетін «Халықаралық қатынастар» мамандығы бойынша және магистр дәрежесін әл-Фараби атындағы Қазақ Ұлттық университетінде «Халықаралық қатынастар» мамандығы бойынша аяқтаған.

Сондай-ақ Майами университеті («Болашақ» халықаралық стипендиясы) PR мамандығы бойынша тәмамдады.

Еңбек жолын академик Е.А. Бөкетов атындағы Қарағанды ​​мемлекеттік университетінің Дүниежүзі тарихы және халықаралық қатынастар кафедрасында оқытушы болып бастады.

Қазақстан Республикасы Білім және ғылым министрлігінің «Талдау және ақпарат орталығы» РМК-да жұмыс істеді.

2018 жылы «Зерде» Ұлттық инфокоммуникация холдинг...