Жаңалықтар

Қаржы мониторинг агенттігі «ӨзенМұнайГаз» АҚ басшылығына қатысты сотқа дейінгі тергеуді аяқтады. Компания басшылығына өз қызметін асыра пайдаланды және заңсыз тендер өткізді деген айып тағылып отыр. Олардың мемлекетке келтірген шығын көлемі – 623 млн теңге.

ҚМА «ӨМГ» АҚ бас директорының орынбасары Бауыржан Мамбетсапаев компанияда жұмыс істемейтін өз таныстарына негізсіз жалақы төлеп, қызметтік өкілеттігін асыра пайдаланған дейді. Ал «ӨМГ» АҚ бас директорының тағы бір бұрынғы орынбасары Ермек Қарамырзаев ұңғымаларды жерасты жөндеуге қатысты заңсыз тендер өткізіп, жекелеген компаниялардың мүдделерін қорғады деп айыпталған.

«Сонымен қатар, алдын ала сөз байласу арқылы сеніп тапсырылған 294 млн теңгені жымқырып, талан-таражға...

16 қарашада президент Қасым-Жомарт Тоқаев Қазақстан халқының саны 20 миллионға жеткенін айтты.

Тоқаев өзінің X (бұрынғы twitter) парақшасында қазақстандықтарды осы қуанышты жаңалықпен құттықтады.

«Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы – бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді», – деп жазды президент.

16 қазан күні Ұлттық статистика бюросы 20 миллионыншы азаматтың туған күні барлық қолда бар,тұрақты тұруға келген және одан шыққан, туғандар мен қайтыс болғандардың саны секілді демографиялық деректерді ескере отырып айқындалғанын жазды.

«Халықтың деректер базасының көрсеткіштеріне сәйкес...

Солтүстік Қазақстан облысының әкімдігі 4,3 млрд теңге бюджеттік қаражатты орынсыз жұмсамақ болған. Бұл жайлы Солтүстік Қазақстан облысының прокуратурасы хабарлады.

«Прокурорлар бюджеттік қаражатты жұмсау саласына талдау жүргізу барысында мемлекеттік сатып алу туралы заңнаманың жүйелі түрде бұзылып келгенін анықтады. Қалалық құрылыс бөлімінің лауазымды тұлғалары «Мемлекеттік сатып алу және сәулет, қала құрылысы саласы туралы» ҚР Заңдарының талаптарын бұза отыра сомасы 2,5 млрд теңгеге көп пәтерлі тұрғын үйдің құрылысы бойынша мемлекеттік сатып алуларды жер учаскесіне құқық беретін құжаттарсыз жүргізген», делінген баспасөз хабарламасында.

Басқа жағдайда, облыс әкімдігінің лауазымды тұлғалары ҚР Бюджеттік кодексінің талаптарына қарамастан, ешқандай негізсіз ғимарат...

«ҚазТрансОйл» АҚ 2023 жылдың 10 айында Ақтау портынан қазақстандық мұнай экспорттауды 54%-ға өсірді.

«2023 жылдың қаңтар-қазан айларында қазақстандық мұнайды Ақтау порты арқылы экспорттау көлемі 2 млн 800 мың тоннаға жетті. Бұл былтырғы жылы осы кезеңдегі көлемнен 981 мың тоннаға, яғни 54% көп», – делінген компания хабарламасында.

Дәлірек айтқанда, Ақтаудан Бакуге мұнай тасымалдау көлемі 964 мың тоннаға көбейіп, жалпы алғанда 1 млн 123 мың тоннаға жетті. Махачкала портына жіберілген қазақстандық мұнай көлемі 17 мың тоннаға артып, 1 млн 676 мың тоннаға жетті.

Еске сала кетейік, 2022 жылы Қазақстан Республикасының Президенті Қасым-Жомарт Тоқаев Транскаспий  дәлізі бойынша мұнай тасымалдау көлемін арттыруды тапсырды. Осы тапсырмаға сәйкес «ҚазМұнайГаз» ҰК АҚ мен Әзірбайжан Республикасының SOCAR...

Сәрсенбі күні АҚШ президенті Джо Байден Қытай көшбасшысы Си Цзиньпинмен кездесіп, төрт сағаттық келіссөз жүргізді.

Нәтижесінде қарым-қатынасы бұзылған екі ел әскери ынтымақтастық орнатуға келіскен. Атап айтқанда екі тарап фентанил өндірісін шектеу және әскери байланыстарды қалпына келтіру туралы келісімге келген.

Фентанил химимялық есірткісін қытайлық химиялық компаниялар шығарады және оның Америкада кең қолданыла бастағаны АҚШ билігін алаңдатады. Қытай өз кезегінде фентанил прекурсорларының экспортына жол бермеу үшін тиісті шаралар қабылдайтынын мәлімдеген.

АҚШ тарапы келіссөздерден кейін, Қытаймен арадағы күрделі қарым-қатынастардың жақсарып келе жатқанына сенім білдірген. Байден қандай да бір түсініспеушіліктерді Қытай басшысымен телефон арқылы шешуге келіскенін айтқан. Дегенмен Вашингтон мен...

Қазақстанда жаңа қала пайда болады. «Ашық НҚА» порталына Алатау қаласын құру туралы қаулы талқылауға шығарылды.

«Қазақстан Республикасының әкімшілік-аумақтық құрылысы туралы» 1993 жылғы 8 желтоқсандағы Қазақстан Республикасы Заңының 9-бабына сәйкес, жаңа қала Алматы облысында пайда болады.

«Алматы облысы Іле ауданының Жетіген ауылы облыстық маңызы бар қала санатына жатқызылсын. Алматы облысында құрылған жаңа қалаға «Алатау» атауы берілсін. Қазақстан Республикасының Үкіметі осы Жарлықтың 1 және 2-тармақтарын іске асыру жөнінде қажетті шаралар қабылдасын»,- делінген президенттің қарауына жіберілетін құжатта.

Үкімет қаулысы 29 қарашаға дейін талқылауда болып, президенттің қарауына жіберілмек. Жарлыққа президент қол қойып, алғаш ресми жариялаған соң, қолданысқа...

Алматы гарнизоны әскери соты 2022 жылғы қаңтардағы оқиғалар кезінде төрт жасар Айкөркем Мелдеханның қаза болуы туралы іс бойынша үкім шығарды, деп хабарлады Бас әскери прокуратураның баспасөз қызметі.

15 қарашада Алматы гарнизоны әскери соты Арман Жұманға үкім шығарып, оны ақтады. 

Ол қару қолдану арқылы билігін асыра пайдаланып, кәмелетке толмаған баланың өліміне әкеп соқтырған және екі адамның денсаулығына зақым келтірді деген айыппен сотқа тартылған болатын. 

Жарыссөз кезінде мемлекеттік айыптаушы Жұманды тағылған айып бойынша кінәлі деп танып 7 жылға бас бостандығынан айыруды сұрады,-делінген хабарламада.

Прокурор үкімнің күшін жою жөнінде апелляциялық шағым түсіреді.

Жасанды интеллектің қаржы саласындағы жұмыс күшіне ықпалы туралы Freedom Holding Corp. басшысы және негізгі акционері Тимур Турлов Алматыда өткен Қазақстан қаржыгерлерінің XI Конгресінде айтып берді. Оның пікірінше, жасанды интеллект қызметі адамдардың еңбек күшіне деген сұранысының азаюына ықпал етеді деп қауіптенудің қажеті жоқ.

«Қазір бәсекенің күшеюін барлығымыз сезініп отырмыз. Сондықтан біз еңбек өнімділігін арттыру мақсатында жұмыс істеуге мәжбүрміз. Сондықтан қызметкерлердің жүктемесін азайту үшін, тағы да мамандарды жұмысқа аламыз. Бұл өзі қызық үрдіс. Өйткені операциялық тиімділікпен жұмыс істеудің нәтижесінде бізде үнемі штат саны өсуде. Осылайша, бизнесті автоматтандырып, қызметкер санын азайту мақсатында қаншалықты көп күш жұмсасаң, мамандар саны...

2023 жылғы 15 қарашада Ұлттық қауіпсіздік комитеті Бас прокуратураның үйлестіруімен сотқа дейінгі тергеп-тексеру шеңберінде Астана, Атырау және Жезқазған қалаларында радикалды діни топтардың ұяшықтарын бейтараптандырды.

«Терроризмді насихаттау, сондай-ақ экстремистік топты құру, оған басшылық ету және оның әрекетіне қатысу бойынша күдікпен оның 12 мүшесі бірмезгілде ұсталды»-делінген хабарламада.

Тергеу болжамы бойынша, олар Қазақстандағы зайырлы құрылымды құлатуды көздеген. Ол үшін экстремистік идеологияны таратқан және қатарларына жаңа жақтастарды тартқан.

Фигуранттардың тұрғылықты мекенжайлары бойынша тінту барысында тыйым салынған әдебиеттер мен басқа да дәлелді заттар айқындалды.

«Топтың бірқатар мүшелері полиция қызметкерін өлтіру, бандитизм, қарақшылық, тонау және зорлау...

Жел энергетикалық станциясының жобаларын іріктеу бойынша аукцион өткізілді. Қазіргі таңда екі компания таңдалды, деп хабарлады Энергетика министрлігі.

«2023 жылғы 15 қарашада ҚР БЭЖ Солтүстік аймағы үшін жиынтық белгіленген қуаты 50 МВт жел энергетикалық станцияларының жобаларын іріктеу жөніндегі ЖЭК бойынша аукцион өткізілді. Аукциондық сауда-саттыққа қатысуға 8 компания жіберілді, сауда сессиясын өткізу барысында қатысушылар 20 баға ұсынысын берді. Берілген өтінімдердің жиынтық көлемі 265 МВт құрады. ЖЭС жобаларын іріктеу бойынша аукциондық сауда-саттықты өткізу кезіндегі шекті аукциондық баға 2023 жылы 22.68 тг/кВтсағ (ҚҚС-сыз) құрады»-делінген хабарламада.

Сауда-саттық сессиясын өткізу барысында аукциондық сауда-саттыққа қатысушылардан алынған өтінімдердің баға диапазоны 22.68-ден 12.33 тг/кВтсағ (ҚҚС-сыз...

«KEGOC» АҚ 2023 жылғы 10 ай қорытындысы бойынша 32,7 млрд теңге таза пайда алды. 2022 жылдың осындай кезеңімен салыстырғанда пайданың өсуі 70%-ды құрады (2022 жылғы 10 айдағы пайда 23 млрд теңгені құраған болатын). Бұрын 2023 жылғы таза пайда 31,5 млрд теңге мөлшерінде болады деп жоспарланған.

Биылғы жылдың қаңтар-қазан айларындағы негізгі қызметтен түскен кіріс 197 млрд теңге болды. 2022 жылғы осындай кезеңмен салыстырғанда 23 млрд теңгеге өсті.

Компанияның түсімі негізінен тарифтердің және көрсетілген қызметтер көлемінің өсуі нәтижесінде реттеліп көрсетілетін қызметтерден түскен кірістер есебінен артты.

2023 жылғы 10 айдағы жалпы шоғырландырылған шығыстар – 168 млрд теңге.

Қазақстан бойынша электр энергиясын тұтыну...

Сәрсенбі Мәжілістің кулуарында Қорғаныс министрі Руслан Жақсылықов журналистерге Қазақстан әскерінде әлімжеттік жоқ деп мәлімдеді.

Ол әскердегі әлімжеттік қоғамдық құбылыс ретінде өзектілігін жойғанын жариялады.

«Сарбаздар борышын бір жыл ғана өтейді. Ер адамдар арасында жанжал туындап жататыны белгілі. Қайтыс болғандар бар, бірақ қауіпсіздік нормасын бұзу немесе суицид салдарынан. Суицидке қатысты оқиғалардың 99 пайызы әскери қызметке байланысты емес. Бұл – жеке тұлғаның ішкі жанжалына қатысты мәселе. Біз ешқашан біреудің бақшасына тас лақтырмаймыз, моральдық жауапкершілігімізді түсінеміз. Қайғылы жағдай орын алса, бұл отбасыға да, бізге де ортақ қайғы», – деді Қорғаныс министрі.

Мәжілістің жалпы отырысында Қорғаныс министрі Руслан Жақсылықов депутатты...

«Касперский зертханасының» сарапшылары 2024 жылы мобильді, тасылатын және ақылды құрылғыларға Триангуляция операциясы сияқты мақсатты шабуылдар жиілеуі мүмкін деп болжайды. Сондай-ақ, зерттеушілердің пікірінше, зиянкестер жеткізу тізбегіне шабуыл жасау әдістерін жетілдіреді және тиімдірек фишинг үшін машиналық оқыту технологияларын қолданады. Мұның бәрі саяси астарлы шабуылдар мен киберкриминал шабуылдарының көбеюіне алып келуі мүмкін.

Мобильді құрылғыларға арналған жаңа эксплойттар, фишингке арналған машиналық оқыту. 

Триангуляция операциясын зерттеу нәтижелері бойынша сарапшылар зиянкестер мобильді, тасылатын және ақылды құрылғылар арқылы тыңшылық мүмкіндіктерін кеңейтетін болады деп санайды. Осалдықтар мен эксплойттар жеткізудің елеусіз әдістерін қолдануға болады, соның ішінде zero-click -шабуылдары (жәбірленушімен өзара әрекеттесусіз шабуылдар), SMS немесе мессенджерлер арқылы one-click- шабуылдары және желілік...

«Болашақ» халықаралық бағдарламасына қатысты депутаттық сауал жолдаған
Андрей Лукин аты аталған бағдарлама эммиграция құралына айналып кеткенін мәлімдеп, биыл 30 жылдығы аталып өтетін жобаны түкке тұрғысыз деуге шақ қалды.
«Бұл жоба эммиграция құралына айналып кетті. Өйткені бүгінде шетелде «Болашақ» бағдарламасымен оқуға кеткен 270-тен астам стипендиаттар қалып қойып отыр. Мамандарды шетелде даярлауда бұл бағдарлама тиімді деп айтпас едім. Бұған стратегиялық құжаттардың жоқтығы себеп», – деді депутат.
Сенатордың сөзінше, бағдарламасының іске асырылуына жетекшілік ететін «Халықаралық бағдарламалар орталығы» АҚ-да қаржы мониторингі жүйесі тиісті деңгейде емес.

«Өткен кезеңде шетелдің жоғары оқу орындарында 15 мыңнан астам стипендиат «Болашақ» бағдарламасы бойынша оқыған. Оны...

Фото: kursiv.media

Сәрсенбі Мәжілістің кулуарында Оқу-ағарту министрі Ғани Бейсембаев өзінің «отставкасына» қатысты сұраққа жауап берді.

Бұған дейін 38 мұғалім Президент Қасым-Жомарт Тоқаевқа ашық хат жолдап, министр Ғани Бейсембаевты «отставкаға» жіберуді талап еткен болатын. Ұстаздар Оқу-ағарту министріне білім саласындағы оң өзгерістерге «саботаж» жасап жүр деп кінә тағып отыр.

«…Бірақ соңғы тағайындалған Оқу-ағарту министрі Ғани Бектайұлы Бейсембаев бұл өзгерістерге саботаж жасауда. Жүрген жерінде көпірме сөз бен өтіріктен аспайтын министр тіпті шағын мектепті басқаратын деңгейі жоқ екендігін көрсетуде. Бұлай кете берсе, еліміздің болашағы үшін аса маңызды сала – ұрпақтың білімі мен тәрбиесіне тіке қатысты сала – оқу-ағарту ісіндегі соңғы жылдары жасалған о...

Президент Қасым-Жомарт Тоқаев энергетика министрі Алмасадам Сәтқалиевті Ақордада қабылдап, жылыту маусымының барысын айрықша бақылауда ұстауды тапсырды. 

«Президент жылыту маусымының барысын және энергетика инфрақұрылымын жаңғырту жобаларының іске асырылуын айрықша бақылауда ұстауды, сондай-ақ ішкі нарықты жанар-жағармаймен және сұйытылған мұнай газымен үздіксіз қамтамасыз ету шараларын қабылдауды тапсырды» делінген Ақорда хабарламасында.

Министр Президентке энергетика саласын дамытудың негізгі мәселелері мен еліміздің отын-энергетика кешенінің 10 ай ішіндегі көрсеткіштері, сондай-ақ мұнай-газ және энергетика бағыттарындағы ірі жобалардың жүзеге асырылуы жөнінде мәлімет берген.

Ақорда мәліметіне сүйенсек, кездесу барысында Алмасадам Сәтқалиев биыл Қазақстандағы мұнай өндіру көлемі 74,8 миллион тоннаны, ал мұнай өнімдерінің өндірісі 11,2 миллион тоннаны құрағанын...

Болашақта ірі мұнай-газ кен орындарында Ұлттық компаниялардың үлесі артады. Бұл жайлы Мәжіліс отырысында айтылды.

Депутаттар «Жер қойнауы және жер қойнауын пайдалану туралы» Қазақстан Республикасының Кодексіне жер қойнауын пайдалану саласын жетілдіру мәселелері бойынша өзгерістер мен толықтырулар енгізу туралы» заң жобасын екінші оқылымда мақұлдап Сенатқа жолдады.

«Заң жобасының негізгі мақсаты көмірсутектерді геологиялық барлау мен өндірудің инвестициялық тартымдылығын арттыру, базалық жобалау құжаттарға мемлекеттік сараптама жүргізу рәсімдерін оңтайландыру, кен орындарын әзірлеу процесіндегі жер қойнауын пайдаланушылардың қаржылай және әкімшілік шығындарын азайту», –деді депутат Еділ Жаңбыршин.

Жер қойнауын бақылауды заңнамалық реттеу мақсатында депутаттар ірі кен орындары бойынша...

2023 жылдың өзінде қазақстандық банктер мен қаржы ұйымдарында 64 кибер оқыс оқиға болып, оның ішінде 42 DDoS-шабуыл жасалған. Бұл туралы ҚНРДА хабарлады.

Агенттік хабарлауынша, киберқауіптер мен ықтимал осалдықтар туралы хабар тарату шеңберінде қаржы ұйымдарына төнген қауіп туралы 91 ескерту және ақпараттық қауіпсіздіктің осалдығы туралы 67 ескерту жіберілген.

Сонымен қатар, Мәдениет және ақпарат министрлігіне 24 алаяқтық интернет-ресурсты бұғаттау туралы ақпарат берілген. 2022 жылы бұғатталған ресурс саны 59 болды.

Агенттік ақпаратына сәйкес, қазір Қазақстан да ең көп таралған алаяқтық әдісі –вирустарды немесе қашықтан басқару бағдарламаларын азаматтардың құрылғыларына енгізу үшін әлеуметтік инженерияны қолдану. Осы мақсатта агенттік қашықтан қызмет көрсететін банктер мен микроқаржы ұйымдарының мобильді қосымшалары мен сайттарын қолдану қауіпсіздігіне қойылатын талаптарды күшейткен.

«Барлық банктер...

Бүгін, төл валютамыз – теңгенің тарихи айналымға енгеніне 30 жыл толды. Осы ордалы уақыт ішінде дербес валютамыз арқылы ұлттық экономикамыздың негізі қаланып, қаржы нарығы қалыпты даму ырғағын тапты. Әсіресе, банк секторы айтарлықтай өсім көрсетіп, алдыңғы қатарлы технологияларды сәтті іске қосып жатыр. Бірнеше рет теңгенің дизайны ауысып, нарықтық құны да талай өзгерді. Тәуелсіздіктің алғашқы жылдарында ақшамызды Англияда басып шығарсақ, қазір өз банкнота фабрикамызда басамыз. Тиындар Өскемендегі теңге сарайында соғылады. Мереке қарсаңында ұзақ жылдар бойы Ұлттық банк қолма-қол ақшамен жұмыс істеу департаментінің директоры, Ұлттық банктің Қарағанды филиалының басшысы, Ұлттық банк төрағасының кеңесшісі қызметтерін абыроймен атқарған Дәуренбек Мәжитовпен сұхбат құрдық. Профессор қазір Астанадағы...

Ақтөбе облысында жалған құжат жасап, бөгде тұлғаларға шаруа қожалығын тіркеп, «Сыбаға» бағдарламасы арқылы 970 млн теңге несие алғандар анықталды. «Аграрлық несие корпорациясы» АҚ-дан бөлінген қаражатқа асыл тұқымды ірі қара мал сатып алынуға тиіс еді. Алайда оны қолма-қол ақшаға айналдырған.

Қаржы мониторингі агенттігі тергеу барысында жалған құжат пайдаланып, асыл тұқымды ірі қара сатып алуға бөлінген несие қаражатын қолма-қол ақшаға айналдырып, сондай-ақ бөгде тұлғаларға шаруа қожалықтарын ресімдеген 3 тұлға анықталғанын хабарлады.

Олар мемлекетке жалпы сомасы 970 млн теңгеден аса ірі мөлшерде залал келтірген.

«Қазіргі уақытта 3 күдікті ұсталды, оларға қатысты сот «қамауда ұстау» түріндегі бұлтартпау шарасын...

Мәжіліс «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасы Заңының жобасын екінші оқылымда қабылдады.

Қазақстан Республикасы Парламенті Мәжілісінің Қаржы және бюджет комитетінің мүшесі Мұрат Ергешбаевтың айтуынша бұл заң жобасы қабылданса, Қазақстан Республикасының Ұлттық қорынан бөлінетін балаларға арналған нысаналы жинақтар кіріс ретінде қарастырылмайды. Сонымен бірге коллекторлық агенттік, микроқаржы ұйымы берешекті есептен шығарған кезде жеке тұлғаның кірістері кіріс боп саналмайды.

«Шыны ыдыстарды жинаумен және қабылдаумен айналысатын шағын бизнес субъектілеріне...

Астана қаласы Отын-энергетика кешені және коммуналдық шаруашылық басқарма басшысы Марсель Ұзақов параға қала сыртынан үй алған деп күдіктеледі. Бұл жайлы Сыбайлас жемқорлыққа қарсы қызмет өкілі Арман Тілеукенов айтты.

«Астана қаласы бойынша сыбайлас жемқорлыққа қарсы қызмет Отын-энергетика кешені және коммуналдық шаруашылық басқарма басшысының қылмыстық әрекетін тоқтатты. Ол Астанада кәріз тазарту құрылыстарын салу жөніндегі жұмыстарын жеткізушіні айқындау және бір көзден алу шартын жасасу кезінде оның мүдделерін алға тартқаны үшін жеке компания басшысынан қала сыртындағы үй түрінде ірі көлемде пара алды деп күдіктеледі», – деді Тілеукенов.

Соттың санкциясымен күдікті қамауға алынып, қамауға дейінгі тергеп-тексеру басталған...

Еңбек және халықты әлеуметтік қорғау министр Светлана Жақыпова қоғамда талқыға түсіп жатқан тұрмыстық зорлық-зомбылық мәселесі туралы пікір білдірді.

«Мен заңды қатайту керек екенін түсінемін. Біз соңғы 5 жыл бойы заңды қатайтып келеміз. Бірақ оған қарамастан, нормаларды көпшілік қабылдай алмай келеді. Мен отбасыға қатысты саясат толығымен қайта қаралуы керек деп ойлаймын. Отбасындағы тәрбие, ер адамның әйел адамға, баланың ата-анаға деген қарым-қатынас мәдениеті, барлығы жан-жақты қаралуы қажет. Бізге жат құндылықтар цифрландырумен, интернет арқылы келген болар. Зорлық-зомбылық әлеуметтік желі мен интернет арқылы таралды. Бізге мәселені түп-тамырынан өзгерту қажет», – деді министр деп жауап берді министр журналистердің «тұрмыстық зорлық-зомбылық мәселес...

Оңтүстік-Шығыс Азиядағы ірі лоукостер келісі жылдан бастап Қазақстанға рейстер ашады, деп хабарлайды Көлік министрлігінің баспасөз қызметі.

Азаматтық авиация комитеті Малайзияның авиациялық билігімен бірлесіп, Air Asia X әуе компаниясының Қазақстанға тұрақты жолаушылар рейстерін ашу мәселесін пысықтады.
2024 жылғы 1 ақпаннан бастап, малайзиялық әуе компаниясы А-330 типті әуе кемелерінде Куала-Лумпур-Алматы бағыты бойынша тікелей тұрақты жолаушылар рейстерін бастауды жоспарлап отыр.

Рейстер аптасына 4 рет: сейсенбі, бейсенбі, сенбі және жексенбі күндері жүзеге асырылатын болады.

Қазақстан мен Малайзия арасында әуе қатынасының ашылуы екі ел арасындағы сауда-экономикалық, іскерлік, инвестициялық, туристік және мәдени ынтымақтастықты одан әрі дамытуға ықпал етеді деп күтілуде.

Air Asia X әуе компаниясы Air Asia...