Жаңалықтар

Дзюдодан Қазақстан ұлттық құрамасының көшбасшысы Әбиба Әбужақынова жеке өміріндегі қуанышты жаңалығымен бөлісті. Татамиде қарсылас шақ келтірмейтін батыл қыз енді ресми түрде сырғалым атанды.

Күйеу жігіт кім?

Көптен бері жанкүйерлерін қызықтырып келген «Әбибаның таңдауы кімге түсті» деген сұрақтың жауабы да белгілі болды. Спортшы ару желіде алғаш рет сүйіктісінің суретін жариялады. Әбибаның жүрегін жаулаған азамат та спорт әлемінен алыс емес екен, ол белгілі дзюдошы Ермахан Әнуарбеков.

Екеуі желі қолданушыларының ыстық ықыласына бөленіп, «Нағыз чемпиондар отбасы» деген мақтауларға ие болып жатыр.

Спортты тастай ма?

Көптеген жанкүйерлер «Тұрмысқа шыққан соң Әбиба үлкен спорттан кете ме?» деп алаңдағаны жасырын емес. Алайда Әбиба күмәнд...

Белгілі продюсер Баян Мақсатқызы наурыз қарсаңында ұлттық киім – шапан алғанын айтып, парақшасына салды. Елге танымал дизайнер әрі өзінің жақын құрбысы Аида Кауменованың брендінен 600 мың теңгеге алғанын да жасырмады.      

Баян Алагөзова Aida KaumeNOVA брендінен жиі киім алады. Оның осыған дейінгі біраз образын Аида Кауменова тіккенін жақсы білеміз. Наурыз мерекесі қарсаңында продюсер құрбысының шоу-румына барып, жаңа шапан алғанын stories-те айтты.

«Қандай керемет шапан алғанымды қараңдаршы. Бірақ енді 600 мың теңгеге шықты. Сонда да ештеңе етпес. Бұл – бірегей туынды. Алмай кетуге болмады. Тіпті джинса шалбармен де сәнді тұрады екен. Кофтамды шештім де, шапанды кие салдым. Аида...

Үкімет басшысы Олжас Бектенов Қазақстанда ауылдарда пошта байланысының әмбебап қызметтерін қолдауға қосымша 2,8 млрд теңге қажет екенін атап көрсетті.

Сенаторларға берген жауабында Олжас Бектенов биыл ауылдарда пошта байланысының әмбебап қызметтерін көрсету бойынша операторлардың шығындарын субсидиялауға 500 млн теңге қарастырылғанын айтады. Алайда қолданыстағы қаржыландыру жеткіліксіз болып отыр.

«Жасанды интеллект және цифрлық даму министрлігі пошта байланысының әмбебап қызметтерін қамтамасыз ету үшін қосымша 2,8 млрд теңге көлемінде бюджеттік өтінім қалыптастырған. Қазір бұл өтінім Бюджет кодексінде белгіленген тәртіпке сәйкес уәкілетті органдардың қарауында», – дейді Бектенов.

Премьердің айтуынша, Үкімет ауылдық елді мекендерде байланыс қызметтерінің қолжетімділігін арттыру және пошта...

Павлодарда патруль қызметкерлері ірі мөлшердегі қарызы бар көлікті анықтады. Люкс санатындағы Cadillac Escalade кроссоверінің жиналған берешегі миллиондаған теңгеге жеткен. Бұл туралы Polisia.kz хабарлады.

Полицейлер мұны «Борышкер» профилактикалық іс-шарасы барысында анықтады. Cadillac Escalade-ты деректер базасында тексерген кезде, бұл автокөлікке иелік ететін ұйымның 34 млн теңгеден астам өтелмеген қарызы бар екені белгілі болды.

«Жеке сот орындаушысының қаулысы негізінде автокөлік арнайы тұраққа қойылды«, – деді Павлодар қаласы ПБ патрульдік полиция батальоны қызметінің инспекторы Жандос Мейрамғазы.

«Борышкер» рейді – полиция, прокуратура және сот орындаушыларының бірлескен операциясы. Негізгі мақсат – әкімшілік қаулылардың орындалуын қамтамасыз ету және...

Ұлттық мұнай алыбы – «ҚазМұнайГаз» (ҚМГ) компаниясы 2025 жылдың қорытындысын жариялады. Былтыр әлемдік нарықта мұнай бағасы арзандағанына қарамастан, ҚМГ қаржы тұрақтылығын сақтап, табысын арттыра алған.

Пайда мен дивиденд: қоржын бос емес

2025 жылдың соңында компанияның таза пайдасы 1 триллион 72 миллиард теңгені құрады. Әсіресе, компанияның ірі жобалардан (Теңізшевройл, Каспий құбыр консорциумы) алған дивидендтері бір жылда 40%-ға өсіп, 985 млрд теңгеге жеткен.

Өндіріс артты

Былтыр ҚМГ өндіріс пен өңдеуде айтарлықтай арттырған:

Ломбардтан ресімделген қарыз несие немесе ипотека алуға кедергi болмайды, алайда ол қаржы ұйымының шешіміне әсер етуі мүмкін. Бұл туралы Қаржы нарығын реттеу және дамыту агенттігі жазды.

Банк не қарайды

Агенттік мәліметінше, өтінімді қарау кезінде банктер мен микроқаржы ұйымдары қарыз алушының қаржылық жағдайын және оның қарыздарын өтеу қабілетін бағалайды. Уақытылы төлеп жүр ме, жоқ па – соны қарайды. Кредит тарихы мен борыш жүктемесі маңызды рөл атқарады.

«Егер қарыз алушының ломбард алдында мерзімі өткен берешегі болса, бұл мақұлдау мүмкіндігін азайтады. Мұндай міндеттемелер борыш жүктемесін есептеу кезінде басқа кредиттермен және микрокредиттермен тең ескеріледі», – делінген хабарламада.

Енді Астана-Семей бағытындағы пойызда интернет пайдалануға болады. Транстелеком «Цифрлық вагон» пилоттық жобасын іске қосқанын хабарлады.

Қазір жоба екі вагонда жүзеге асырылып жатыр. Жолаушылар интернетке қосылып, фильм мен сериал көре алады, кітап оқып, ойын ойнап, басқа да ақпаратқа қол жеткізе алады. Интернетке қосылу үшін QR-кодты сканерлеп, телефон нөмірді енгізіп, SMS арқылы кіруді растау керек.

Барлық қызметтер тегін.

«Бұл жоба сапарды жайлырақ етіп, жолдағы цифрлық мүмкіндіктерді кеңейтуге бағытталған. Пилот нәтижесіне қарай жоба ауқымын кеңейту жоспарланып отыр», – деп хабарлады компания.

Бұған дейін былтыр күзде «Астана – Арқалық» бағытындағы пойызда Starlink интернеті іске қосылған.

«Қазақмыс» корпорациясы активтерінің бір бөлігін сату мәмілесі аяқталғанын хабарлап, жаңа құрылымын ресми түрде жариялады. Осы ақпаратқа сәйкес, кәсіпкерлер Владимир Ким мен Эдуард Огайдың иелігінде 9 компания қалған.

Былтыр желтоқсан айында Нұрлан Артықбаев сатып алған негізгі топтың құрамында 32 заңды тұлға қалған. Олардың қатарында:

Сонымен қатар меншік құрылымындағы өзгерістерге байланысты бірқатар компаниялар корпорация құрамынан шығарылған.

Әнші Димаш Құдайберген қазір әлемде болып жатқан соғыстар мен дүмпулерге қатысты ойын білдірді.

Әншінің Алматыдағы фан-парақшасында Димаштың жүргізуші сұрағына жауап беріп отырған видеосы тарады. Жиында геосаяси тақырыптар да қозғалған.

«Қазіргі таңда менің көңілім толмайтын мәселе – көп адамның миының аздығы. Бұл жерде жалпы халықты айтып тұрғаным жоқ. Осы сөздерім үшін жанымдағы бауырларым, достарым, үйдегілер уайымдап қалуы мүмкін. Бірақ халық пен халық ешқашанда ол деңгейге түсіп, өз бетінше ешқашан араздаспайды. Араздастыратын кім екенін өздеріңіз білесіздер. Әлемде бейбітшілік болу керек. Әлемде халықтың ойы, руханияты, мәдениеті бір-біріне келмесе де, бір арнаға тоғыса білу керек. Неге десеңіз, ұлтқа, тілге, дінге...

Алматыда театр сүйер қауым үшін айтулы оқиға болды. Фархад Молдағали бастаған Sham театры әлемдік деңгейдегі шедевр, ирандық режиссер Асгар Фархадидің «Надер мен Симиннің ажырасуы» (A Separation) фильмінің желісімен дайындалған «Екеуміз жайлы» спектаклінің премьерасын ұсынды.

Экраннан сахнаға

Егер бұған дейін аталған театрдың «№37» қойылымы фильмге айналса, бұл жолы керісінше процесс орын алды. «Шет тіліндегі үздік фильм» номинациясында «Оскар» және Берлин кинофестивалінің «Алтын аюын» иеленген туынды театр тілінде сөйледі. Алматы театрының техникалық мүмкіндіктері режиссерлік шешімдердің ауқымын кеңейтіп, көрерменді оқиғаның бел ортасына жетеледі.

Сюжет: Шындық қайсы?

Қойылым ортасында – отбасылық драма. Сара қызының болашағы үшін шетелге кеткісі келеді, ал...

Қайтарылған активтерді басқару компаниясы Астананың қақ ортасындағы «Тұлпар» тұрғын үй кешенінен екі коммерциялық нысанды сатылымға шығарды. Аукцион 2 сәуірде өтеді.

Бұл – елорданың сол жағалауындағы Байтерек пен Abu Dhabi Plaza-ға жақын жердегі танымал аудан.

Сатылатын нысанның бірі – ауданы 88,2 шаршы метр болатын SaBO аяқ киім дүкені орналасқан жай, оның бастапқы бағасы 195 млн теңге деп белгіленген.

Екінші нысан – дәл осы ғимараттағы ауданы 135,7 шаршы метр болатын азық-түлік дүкені, ол 194,9 млн теңгеге бағаланып отыр.

Айта кету керек, «Тұлпар» тұрғын үй кешені 2025 жылдың күзінде кафеден шыққан өрттің салдарынан айтарлықтай зардап шегіп, тұрғындар бір ай...

Тұрсынбек Қабатовтың екінші әйелі Айман Талғатқызы қайнысына риза болып, еркелете сөйледі.

Тұрсынбектің інілерінің бірі Елнұр оған ұдайы ерекше ілтипат көрсетеді екен. Айтуынша, жеңгесін құрметтеп, көмегін аямайды.

«Алтын қайным ғой менің! Алматыға келген сайын аяғымызды жерге тигізбейді. Ең бірінші жазатын – осы Елнұр. «Жеңге, келдіңіз бе, не көмек? Апарып алып келейін бе?» «Келе жатырмыз» дегенген тік тұрып, құрақ ұшады. Алла разы болсын!» – деп ризашылық білдірді Айман Талғатқызы.

Тіпті, қайнысын қатты жақсы көретінін білдірді. Әлеуметтік желіге жүктеген бейнежазбада «Жүрек інім» деп жазба қалдырды.

«VIP қылып, мені қонаққа алып бара жатыр. Ақкөңіл өзі», ­- деп мақтауын асырды Айман Талғатқызы.

Қазақстандағы жаңа энергия көздерін пайдаланатын автомобильдер (NEV) нарығы қарқынды өсім көрсетуде. «Қазақстанның Автокөлік Одағының» (ҚАО) мәліметінше, 2026 жылдың алғашқы екі айында ресми дилерлер осындай 708 көлік сатқан. Бұл өткен жылдың қаңтар-ақпанымен салыстырғанда 4,2 есе көп.

Гибрид көліктерге сұраныс артты

Биыл қосымша қуатталатын гибрид көліктерге сұраныс күрт өсті. NEV сегментіндегі 708 сатылған автокөліктің 438-і гибридтер болса, тек 270 ғана толық электрлі көліктер.

«Жаңа энергия көздеріндегі автокөліктер әлемдік нарықта өз позициясын біртіндеп нығайтып келеді. Қазақстанда да электромобильдер сатып алушылар үшін тартымды әрі практикалық таңдау болуда. NEV үлесі алдағы уақытта өсе береді, алайда жақын жылдары...

Қаржы нарығын реттеу және дамыту агенттігі (ҚНРДА) Abu Dhabi Commercial Bank PJSC-ке Қазақстан Республикасында еншілес банк құруға рұқсат берді.

Жаңа банктің жалғыз акционері ADCB болады. Қаржы ұйымы  «ислам терезесі» тетігі арқылы исламдық қаржыландыруды дамытуды жоспарлап отыр,

«Қазақстан Республикасындағы банктер және банк қызметі туралы» жаңа Заңның талаптарына сәйкес әмбебап банк лицензиясын алу ішкі инфрақұрылым құрылғаннан кейін және банк қызметін іске қосу бойынша барлық дайындық жұмыстары жүргізілгеннен кейін күтіледі», – деп хабарлады ҚНРДА.

ADCB – Біріккен Араб Әмірліктерінің ең ірі банктерінің бірі. Негізгі акционері – Абу-Даби Үкіметіне толығымен тиесілі Mubadala Investment Company PJSC инвестициялық компаниясы.

2025 жылғы 31 желтоқсандағы...

Франция Орталық банкі (Bank of France) тарихи шешім қабылдап, мұхиттың арғы бетінде – Нью-Йоркте сақталып келген соңғы алтын резервтерін елге қайтарды. Бұл стратегиялық қадам қаржылық пайда әкеліп қана қоймай, Францияның экономикалық егемендігін нығайту бағытындағы маңызды оқиға болды.

Америкалық кезеңнің аяқталуы

Ондаған жылдар бойы Франция алтынының бір бөлігін АҚШ-тың Федералды резервтік банкінің қоймаларында сақтап келген. Алайда 2024 жылғы ішкі аудиттен кейін реттеуші бұл үдеріске нүкте қоюды ұйғарды.

Нью-Йоркте қалған соңғы 129 тонна алтын (бұл елдің жалпы қорының шамамен 5%-ы) 2025 жылдың шілдесі мен 2026 жылдың қаңтары аралығында толықтай жаңартылып, Парижге жеткізілді. Осылайша, Францияның барлық 2437 тонна алтын қоры...

Оқиға 25 наурызға қараған түні шамамен сағат 05:00-де «Pinta» мейрамханасының жанында болған.

Бейнежазбадан екі ер адам жерде жатқан үшінші адамды басынан теуіп жатқанын көруге болады.

Жанжалға бес адам қатысқан. Олардың арасында, алдын-ала мәліметтерге сәйкес, құқық қорғау органы қызметкерінің ұлы да болған.

Жедел іздестіру шаралары барысында полиция қызметкерлері бес күдіктіні анықтап, ұстады. Олардың екеуі уақытша ұстау изоляторында қамалды.

Маңғыстау облысы полиция департаментінің мәліметінше, туыстық байланыс тергеу барысына әсер етпейді.

«Барлығы заң алдында тең. Кім болса да жауапкершіліктен құтылмайды. Барлық қатысы бар тұлғалар заңда көзделген жауапкершілікке тартылады», – деп хабарлады өңірлік полиция департаментінің баспасөз қызметі.

Қазір бұл...

Лос-Анджелестегі алқабилер соты Meta (Facebook пен Instagram иесі) және Alphabet (Google мен YouTube иесі) компанияларын 20 жастағы бойжеткенге 4,2 млн доллар өтемақы төлеуге міндеттеді. Сондай-ақ олар 1,8 млн доллар айыппұл төлеуге тиіс. Платформалар дизайы әлеуметтік желіге тәуелділік тудыратындай етіп жасалды деп айыпталған.

Желі қолданушысы YouTube пен Instagram-ның тәуелділік тудыратын ерекше дизайнына байланысты сотқа жүгінген. Алқабилер корпорациялардың бұл платформалардың дизайнын әзірлеуде салғырттық танытқанын және қолданушыға ол қауіп туралы ескертпегенін мойындады. TikTok пен Snapchat платформалары да бұл іс бойынша жауапкер ретінде тартылған, бірақ олар процесс басталмай тұрып соттан тыс келісімге келді.

Өз кезегінде Meta да, Alphabet те сот шешімімен келіспейді, шағым түсіруге ниетті. Meta заңгерлері бойжеткенн...

Жазира Байырбек ұлының тойына келетін қонақтарға тосын ескерту жасады. Ол мобилографтарсыз, видеографтарсыз келуді ескертті.

Әншінің айтуынша, бұл ескертуін тойға шақырылған адамдардың көптігімен түсіндірді.

«Құрметті қонақтарымыз! Алла қаласа, ертеңгі тойымызға келетін қонақтар тізім бойынша кіргізілетінін хабарлаймыз. Адам санының көптігіне байланысты, сіздерден тойға мобилографсыз және видеографсыз келулеріңізді сұрамыз», ­- деп ескерту жариялады Жазира Байырбек.

Десе де, әншінің айтуынша, қонақтардың ешқайсысы видеосыз, фотосуретсіз қалмайды. Өйткені той барысында арнайы кәсіби түсірілім жүргізілмек.

«Барлық фото және видео QR арқылы дайын түрде ұсынылады. Түсіністікпен қарауларыңызды өтінеміз», – деп жазды Жазира Байырбек.

Жазира мен Жанболаттың ұлының үйлену...

Орталық Азия мен Ресей нарығындағы жанармай бағасы – экономикалық қана емес, әлеуметтік маңызы бар тақырып. Соңғы сегіз айдың ішіндегі (2025 жылдың шілдесі мен 2026 жылдың наурызы аралығы) деректерге көз жүгіртсек, аймақтағы баға саясатының айтарлықтай өзгергенін байқаймыз. Kursiv Media көрші елдердің жанармай бағасын талдап көрді.

Көршілермен салыстырғанда біздегі жағдай қандай? Сандарды сөйлетіп көрейік.

Көрші елдердің қайсысында қымбат?

2026 жылдың наурызындағы жағдай бойынша, Қазақстан (Астана) өңірдегі ең арзан жанармай бекеті болып қалып отыр. Алайда көршілермен арадағы алшақтық әлі де жоғары.

Шетелдегі қазақстандықтар үшін паспорт жасау уақыты қысқаруы мүмкін. Сыртқы істер министрлігі шетелде жүрген азаматтарға паспорт рәсімдеу қызметіне өзгеріс енгізу жобасын әзірледі.

Жобада мемлекеттік қызмет көрсету мерзімі 90 жұмыс күнінен 40 жұмыс күніне дейін қысқаратыны айтылған.

Сонымен қатар редакциялық түзетулер енгізіліп, ескірген нормалар мен сілтемелер алынып тасталады. Бұл өзгерістер «Мемлекеттік және әлеуметтік жауапты қызметтер туралы» заң мен Цифрлық кодекстегі жаңартуларға байланысты.

Жоба 6 сәуірге дейін «Ашық НҚА» порталында қоғамдық талқылауда болады.

Еске салайық, 1 қаңтардан бастап елде елде құжат рәсімдеу құны өсті.

Төлқұжат және жеке куәлік:

Қазақстанның халық әртісі, белгілі әнші Мақпал Жүнісова жеке өміріндегі көпті мазалаған сұраққа нүкте қойды. Өнер иесі марқұм күйеуі Заманбек Нұрқаділов дүниеден өткен соң не себепті басқа адаммен тағдырын қоспағанын ашып айтты.

Ананың батасы мен қаталдығы

Әншінің айтуынша, күйеуі қайтыс болғаннан кейін 10 жылдан соң, анасына жүрек түкпіріндегі ойын айтып көрген. Алайда анасының реакциясы күтпеген жерден қатал болған.

«Анама: «Мама, егер бір жақсы адам кездессе, маған күйеуге шық деп айтса, сіз қалай қарайсыз?», – дедім. Көзі шарасынан шығып, түрі бұзылып кетті. «Әй, қарағым, Заманбектен артық біреуді табамын деп тұрсың ба? Мен тірі тұрғанда күйеу...

Беларусь президенті Александр Лукашенко Солтүстік Кореяға барды. Бұл оның КХДР-ға жасаған алғашқы сапары деп жазады Reuters.

Беларусьтің сыртқы істер министрі Максим Рыженков мәлімдегендей, сапардың негізгі мақсаты – Минск пен Пхеньян арасындағы достық пен ынтымақтастық туралы келісімге қол қою. Бұдан бөлек, тараптар халықаралық оқшаулану мен санкциялар жағдайында екі ел арасындағы ынтымақтастықтың құқықтық базасын нығайтатын тоғыз салалық келісімге қол қояды деген жоспар бар.

Бұған дейін Солтүстік Корея басшысы Ким Чен Ын мен Лукашенко былтыр күзде Бейжіңде кездескен. Ол кезде Қытайда Екінші дүниежүзілік соғыстың аяқталуына 80 жыл толуына орай өткен әскери парад өтіп, бірнеше мемлекет басшылары жиналған. Сол жерде Ким Чен Ын Лукашенконы...

Ұлттық әскери-патриоттық орталықта отандық қорғаныс-өнеркәсіп кешені кәсіпорындарының басшылығымен жұмыс кездесуі өткен. Жиынға Қорғаныс министрінің орынбасары генерал-майор Шайх-Хасан Жазықбаев төрағалық еткен. Ақпаратты ведомствоның баспасөз қызметі таратты.

Қай салада ілгерілеу бар

Жиында отандық қорғаныс-өнеркәсіп кешені мен мемлекеттік қорғаныс тапсырысының қазіргі жағдайы талқыланып, оларды қолдау шаралары аясындағы ведомствоаралық өзара іс-қимылдың басым бағыттары айқындалған. Генерал-майор Шайх-Хасан Жазықбаев отандық қорғаныс-өнеркәсіп кешенінің айтарлықтай жетістіктерге қол жеткізгенін атап өтеді.

«Еліміздің қорғаныс-өнеркәсіп кешені – мемлекеттің әскери қауіпсіздігін қамтамасыз ететін және экономиканың түрлі салаларының дамуына серпін беретін стратегиялық маңызды сала. Оның құрамына қару-жарақ, әскери және арнайы техника өндіретін кәсіпорындар, сондай-ақ ғылыми-зерттеу институттары кіреді. Бүгінде...

Түркияда есірткіге қатысты жүргізіліп жатқан тергеу операциясы аясында танымал тұлғаларға қатысты іс қозғалды.

Haberler ақпаратына қарағанда, оның ішінде танымал түрік телехикаяларында ойнаған актриса Ханде Эрчел де бар. Оны ұстау туралы шешім шығарылған. Ханде Эрчел бұған қатысты мәлімдеме жасады. Ол оқуына байланысты шетелде жүргенін, жауап беру үшін Түркияға оралатынын жеткізді.

«Мен өз елімді сүйетін, мемлекетіме және түрік сот жүйесіне сенетін адаммын. Бұл жағдайдың жақын арада анықталатынына сенемін», – деді Ханде Эрчел.

Ыстанбұл прокуратурасы жүргізіп жатқан есірткі ісі бойынша танымал тұлғаларға қатысты тергеу барысында қаланың есірткіге қарсы күрес бөлімінің қызметкерлері «Бешикташтың» бұрынғы президенті Фикрет Орман мен...