Жаңалықтар

16 сәуірге қараған түні Мюнхеннің «Бавариясы» Чемпиондар лигасының 1/4 финалының қарымта матчында мадридтік «Реалды» қабылдады. Мюнхендегі «Альянц Арена» стадионында өткен тартысты кездесу алаң иелерінің жеңісімен аяқталды. Еске сала кетейік, алғашқы ойында да неміс клубы 2:1 есебімен басым түскен болатын.

Бірінші тайм

Ойын қонақтар үшін сәтті басталды. Небәрі 1-минутта «Бавария» қақпашысы Мануэль Нойер пас беруде қателік жіберіп, допты Арда Гюлер іліп кетті. Түрік футболшысы бос қалған қақпаны алыстан дәл көздеп, есеп ашты.

Алайда 5-минутта-ақ мюнхендіктер есепті теңестірді. Йозуа Киммих бұрыштамадан доп асырса, Александар Павлович оны қақпаға бағыттады.

29-минутта «Реал» айып соққысын орындау мүмкіндігін алды. Допқа келген Арда Гюлер«тоғыздықты» дәл көздеп, дубль авторы атанды. Бірақ 9 минуттан соң Харри Кейн Дайо Упамеканоны...

FlyArystan әуекомпаниясы 29 тамызға дейін Ақтау – Дубай – Ақтау бағытындағы рейстерін тоқтатты, делінген әуе тасымалдаушының хабарламасында.

Рейстердің тоқтатылуы Таяу Шығыстағы тұрақсыз жағдайға байланысты болып отыр.

«Тоқтатылған рейс жолаушыларына билет құны толық көлемде, айыппұлсыз, сатып алынған орын бойынша қайтару қолжетімді», – деп атап өтті әуекомпаниядан.

Билеттерді ресми сайтта немесе FlyArystan мобильді қосымшасында рәсімдеген жолаушылар ақшаны қайтаруды өз бетінше онлайн рәсімдей алады. Турагенттіктер мен басқа да сату арналары арқылы сатып алған жағдайда, билет сатып алынған жерге хабарласу қажет.

Бұған дейін Air Astana Дубайға тұрақты рейстердің тоқтатылуын 30 сәуірге дейін ұзартқаны хабарланған болатын.

Атырау қаласы полиция басқармасының бастығы Бақтыбек Исаев ұсталып, уақытша ұстау изоляторына қамалды, деп хабарлады ІІМ.

«Ішкі істер министрлігі жүргізіп жатқан жоспарлы қызметтік тексеріс барысында Атырау қаласы полиция басқармасы бастығының тарапынан құқыққа қайшы әрекеттер фактілері анықталды. Аталған факті бойынша қылмыстық іс қозғалды. Сотқа дейінгі тергеу амалдары жүргізілуде. Белгіленген тәртіппен ол теріс себептермен ішкі істер органдарынан шығарылып, уақытша ұстау изоляторына қамалды», – деп хабарлады ІІМ ресми өкілі Шыңғыс Алекешев.

Тергеу мүддесіне орай басқа ақпарат жария етуге жатпайды.

13 сәуірде ІІМ тәртіпті өрескел бұзғаны үшін қалалық полиция басқармасының бастығы, сондай-ақ облыстық департаменттің өзіндік қауіпсіздік және есірткі қылмысына қарсы...

АҚШ мемлекеттік хатшысы Марко Рубио Қазақстанның премьер-министрінің орынбасары – Ұлттық экономика министрі Серік Жұманғаринмен кездесу өткізді, деп хабарлады АҚШ Мемлекеттік департаменті.

Кездесуге, сондай-ақ, АҚШ-пен келіссөздер жөніндегі арнайы өкіл, елші Ержан Қазыхан қатысты. Тараптар екіжақты ынтымақтастық мүмкіндіктерін кеңейту мәселелерін талқылады.

«Хатшы Рубио мен премьер-министрдің орынбасары Жұманғарин Қазақстанның бітімгершілік процестердегі және аймақтық бастамалардағы рөлін, сондай-ақ Америка Құрама Штаттары мен Қазақстан арасындағы экономикалық байланыстарды кеңейту жолдарын талқылады», — делінген хабарламада.

Мемлекеттік департамент АҚШ-тың Қазақстанның C5+1 дипломатиялық платформасына белсенді қатысуын, сондай-ақ оның аймақтық ынтымақтастықты дамытудағы рөлін құптайтынын атап өтті.

«Америка Құрама Штаттары Қазақстанның егемендігін...

Қазақстанның басым бөлігінде найзағай ойнап, дауылды жел соғады. «Қазгидромет» 16 сәуірге ауа райы болжамын ұсынды.

Жетісу облысында әйел адам мал жеткізуге қатысты алаяқтық жасағаны үшін сотталды, деп хабарлады Ішкі істер министрлігі.

Өзін коммерциялық ұйымның табысты басшысы ретінде таныстырған ол екі азаматқа «табысты бизнес-жобаға» қатысуды ұсынған. Бұл қызмет ұсақ мүйізді мал жеткізумен байланысты болған.

«Бұл ретте іс фигуранты тауардың бар екендігі және компанияның қаржылық мүмкіндіктері туралы көрінеу жалған мәліметтер берген. Қылмыстық ниетін іске асыру үшін заңды кәсіпкерлік қызметпен айналысып жатқандай көрініс жасаған: жалған келісімшарттар рәсімдеген, қолдан жасалған құжаттарды пайдаланған, сондай-ақ, банк заемын алу бойынша әрекеттер жасаған. Алдау нәтижесінде жәбірленушілер несие рәсімдеп, оның бақылауындағы ұйымның шоттарына ірі көлемде ақша аударған», – делінген...

Қазақстандық шахматшы Бибісара Асаубаева Пафоста (Кипр) өткен 2026 жылғы Үміткерлер турнирінің қорытынды турында ойнады.

Турнирдің қорытынды кезеңінде қазақстандықтың қарсыласы үндістандық шахматшы Дивья Дешмукх болды. Асаубаева қара тастармен ойнай отырып, шешуші матчта тең түсті және 0,5 ұпай жинады, бұл оған 8 ұпаймен турнирлік кестеде аралық бірінші орынды иеленуге мүмкіндік берді.

Үміткерлер турнирі – 2026 жеңімпазының тағдыры кесте көшбасшысы үндістандық Рамешбабу Вайшали мен ресейлік Екатерина Лагно арасындағы матчта шешіледі.

Кипрдегі Үміткерлер турнирі аясында Асаубаева 14 партия ойнап, оның төртеуінде жеңіске жетті, жеті рет партияны тең аяқтап, екі рет жеңіліс тапты.

Бұған дейін Бибісара блицтен үш дүркін әлем чемпионы атанған...

Қазақстан президенті Қасым-Жомарт Тоқаев Біріккен Араб Әмірліктерінің президенті шейх Мұхаммед бен Заид Әл Нахаянға арнайы хат жолдап, Таяу Шығыстағы қазіргі күрделі ахуалға байланысты қолдауы мен тілектестігін білдірді.

Тоқаев өз хатында шейх Мұхаммед бен Заид Әл Нахаянның тегеурінді, парасатты әрі көреген басшылығының арқасында БАӘ кез келген қауіп-қатерді еңсеріп, өзінің қарқынды стратегиялық даму бағдарын жалғастыра беретініне зор сенім білдірген.

Қазақстан президенті ұзақмерзімді бейбітшілік пен тұрақтылыққа қол жеткізудің ең сенімді құралы – дипломатия мен сындарлы диалог екенін тағы да қадап айтты.

Бұл қадам екі мемлекет арасындағы жоғары деңгейдегі өзара сенімді растайды.

Жолдау Қазақстан мен Біріккен Араб Әмірліктері халықтарының арасындағы ынтымақтастықтың стратегиялық сипаты...

Қазақстанның футзалдан ұлттық құрамасы екі күн ішінде өткен екінші жолдастық кездесуде Әзербайжанды 4:2 есебімен ұтты (алғашқы ойында біздің құрама 9:2 есебімен ірі жеңіске жеткен болатын).

Гол авторлары (Қазақстан): Азат Валиуллин, Альберт Ақбалықов (дубль) және Дамир Қайырбай.

Бірінші тайм тартысты өтіп, 2:2 есебімен тең аяқталды. Екінші таймда Игитаның орнына қақпаға Дәулет Затыбеков шығып, команданы бірнеше рет голдан сақтап қалды. Ал Ақбалықов пен Қайырбайдың соққан голдары Қазақстанға жеңіс әкелді.

Әзербайжан құрамасы натурализацияланған ойыншыларға қатысты жанжалдан кейін (соның кесірінен Әлем чемпионатынан шеттетілген) легионерлерден бас тартып, қазір қиын кезеңді бастан кешіруде. Ал Қазақстан сапындағы бразилиялықтар Эдсон мен Игита ФИФА мен УЕФА ережелерін бұзбағандықтан, құрамадағы ойынын жалғастыруда.

Осыған...

Алматыда аңызға айналған музыкант Батырхан Шүкеновтің шығармашылық мұрасына арналған алғашқы ресми трибьют-концерт өтеді.

Batyr Amanaty жобасы Шүкеновтің шығармашылығын сақтау және насихаттауға бағытталған, оның қазақстандық мәдениетке қосқан үлесі баға жетпес болып қала береді.

Кеш бағдарламасы музыканттың екі танымал альбомына – «Аманат» және «Отан Анаға» негізделген. Сүйікті композициялар камералық оркестр мен Бақытжан Байқадамов атындағы хор капелласының сүйемелдеуімен ерекше орындауда шырқалады.

Бір сахнада танымал қазақстандық орындаушылар жиналады: Мадина Сәдуақасова, Рүстем Нұржігіт, KешYOU, Hey Monro, Jeltoksan және басқа да әртістер.

Концерт 30 сәуір күні сағат 19.00-де «Алматы Аренада» өтеді. Билеттер бағасы 8500 теңгеден басталады.

Маңғыстау облысында қатты жаңбырдан кейін 25 учаскені су басты, деп хабарлайды аймақтың қоғамдық коммуникациялар орталығы.

14 сәуірдегі қолайсыз ауа райынан кейін Жаңаөзен аумағында және іргелес елді мекендерде 15 бірлік арнайы техника мен төрт мотопомпа 2560 текше метр су сорып шығарды. Түнде 5548 бөлімшесінің 20 әскери қызметшісі бөгеттер тұрғызды.

«15 сәуірден бастап су басу салдарын жою үшін қосымша 35 бірлік арнайы техника, 156 адам, сондай-ақ мотопомпалармен жұмыс істейтін 10 бригада тартылды. Жұмыстар су астында қалған 25 учаскеде жүргізіліп жатыр», – делінген хабарламада.

Су басу қаупін толық жою және алдын алу жұмыстары қосымша күштерді тартумен жалғасуда.

Айта...

Қытайлық мұнай-газ алыбының еншілес компаниясы – «СНПС-Ақтөбемұнайгаз» – Ақтөбе облысындағы жаңа «Северный-1» кен орнын барлайтын болады. Барлау жұмыстарына 3,5 млрд теңге инвестиция салуға дайын екендіктерін Энергетика министрлігі хабарлады.

Энергетика министрлігі Ақтөбе облысындағы «Северный-1» жер қойнауы учаскесінде көмірсутектерді барлау және өндіруге келісімшартқа қол қойды. Келісімнің қатысушылары – «СНПС-Ақтөбемұнайгаз» және QazaqGaz компаниялары.

Келісімшарт аясында 2D және 3D барлау жұмыстары, сондай-ақ іздеу ұңғымаларын бұрғылау қарастырылған. Жұмыстарға салынатын инвестицияның жалпы көлемі 3,5 млрд теңгені құрайды.

Мәміле қатысушылары бұл учаскенің көмірсутектердің жаңа қорлары бойынша әлеуеті зор деп есептейді. Атап айтқанда, әңгіме табиғи газ туралы болып отыр. Энергетика министрлігі бұл келісімшарт мемлекетаралық экономикалық іс-қимылдың дамуын...

Қазақстан мен Қырғызстан азаматтары бұдан былай Еуропадағы ең танымал әскери мұражайлардың біріне кіре алмайды. Әңгіме Германияның Кобленц қаласындағы Wehrtechnische Studiensammlung экспозициясы туралы, онда бірқатар мемлекеттердің тұрғындары үшін кіруге қатаң шектеулер енгізілді.

Тыйым не себепті енгізілді?

Мұражай әкімшілігінің бұл шешімі жеке көзқарасқа емес, қатаң заңнамаға негізделген. Мекеменің ресми хабарламасында көрсетілгендей, «тыйым әскери қауіпсіздік талаптарына байланысты және арнайы тізімге енгізілген мемлекеттердің азаматтарына қолданылады».

Бұл тізім Германияның сенімділікті тексеру туралы заңы (SÜG) негізінде жасалған. «Қара тізімге» 26 ел енді, олардың арасында Қазақстан, Қырғызстан, Ресей, Украина, Қытай және Тәжікстан бар.

Бұл қандай мұражай?

Wehrtechnische Studiensammlung – бұл «Бундесвердің қару-жарақ, ақпараттық технологиялар және пайдалану жөніндег...

Астана халықаралық әуежайы (Нұрсұлтан Назарбаев әуежайы) алдағы жылдары жолаушыларға қызмет көрсету сапасы бойынша Skytrax рейтингінде әлемнің үздік 100 әуежайының қатарына кіруді жоспарлап отыр, деп хабарлады әуежай өкілі Дәулет Хамзин.

«Алдағы үш жылға арналған стратегиялық мақсатымыз – Астана әуежайының тұрақты хабтық моделін қалыптастыру және Skytrax рейтингі бойынша сертификаттаудан өтіп, қызмет көрсету сапасы бойынша әлемнің үздік 100 әуежайына қол жеткізу», – деді ол Central Asia Aviation Summit Kazakhstan 2026 форумында.

Бұл үшін әуе айлағы рейтингте қарастырылатын 800-ден астам параметр бойынша өз көрсеткіштерін жақсартуы керек. Әңгіме жайлылық пен инфрақұрылым (160 параметр, соның ішінде үй-жайлардың тазалығы мен техникалық жағдайы...

Президент Қасым-Жомарт Тоқаев «Астана» халықаралық қаржы орталығының басқарушысы Ренат Бектұровты қабылдады.

Президентке АХҚО қызметінің 2025 жылғы және 2026 жылдың I тоқсанындағы негізгі нәтижелері, сондай-ақ Орталықты одан әрі дамыту жоспары таныстырылды.

Активтер көлемі

Ренат Бектұров Орталық құрылғаннан бастап тартылған инвестиция көлемі 21,5 миллиард долларға жеткенін (2025 жылдан бері – 7,2 миллиард доллар) мәлімдеді.

Оның есебінше, орталықтың басқаруындағы активтердің жалпы көлемі 5,4 миллиард доллар болған.  

АХҚО қатысушылары ел бюджетіне 284,3 миллиард теңге салық төлегенін (2026 жылғы 1 қаңтардағы жағдай бойынша), былтырдың өзінде 135,9 миллиард теңге аударғанын айтты.

«Салық түсімдері өсуіне негізінен қатысушылар санының артуы...

Мәскеу мен Баку 2024 жылдың соңында болған ұшақ апатының салдарын реттеу, соның ішінде өтемақы төлеу мәселесі бойынша ресми келісімге келді. Бұл туралы Ресей СІМ хабарлады.

Құжатқа сәйкес, тараптар 2024 жылғы 25 желтоқсанда Ақтау қаласына жақын маңда апатқа ұшыраған «AZAL» әуе компаниясының Embraer 190 ұшағына қатысты барлық түйткілдерді толық шешті.

Ресми мәлімет бойынша, апатқа Ресей әуе кеңістігіндегі әуе шабуылына қарсы қорғаныс (ӘШҚ) жүйесінің абайсызда іске қосылуы себеп болған.

Ресей министрлігінің мәліметінше, мәміле аясында қаза тапқандардың отбасыларына өтемақы төлеу және апаттың өзге де салдарларын жою мәселелері толық реттелді.

СІМ мәлімдемесінде бұл қадам екі ел арасындағы одақтастық қарым-қатынастың нығайғанын және кез келген...

Молдова 2027 жылғы 8 сәуірде Тәуелсіз Мемлекеттер Достастығынан ресми түрде шығады, Минскіге тиісті хабарлама жіберіліп қойды. Бұл туралы Сыртқы істер министрі Михай Попшой мәлімдеді.

«Президент Майя Санду Молдованың ТМД-ға қатысуы туралы келісімдердің күшін жою туралы парламент шешімдерін бекіткеннен кейін, 8 сәуірде Минскідегі хатшылыққа хабарлама жіберілді. Біз оның алынғаны туралы растауды қабылдадық, 2027 жылдың сәуірінде республика ТМД-дан ресми түрде шығуы тиіс», – деді министр.

Республика парламенті ТМД-дан шығу себебін Еуроодаққа интеграциялану бағытымен байланысты деп түсіндірді. Бүгінгі таңда Молдова ТМД-ның 283 келісімінің 71-інің күшін жойды, ал 60-қа жуығы қарастырылу процесінде.

Ел парламенті Тәуелсіз мемлекеттер достастығы (ТМД...

Ел тұрғындары дүкен сөрелерінде 1000 теңгеден төмен бағада алма сатып ала алмайтындарын айтты. Ал базарда алма келісі 800 теңге, бірақ сапасы нашар. Тіпті сатушылардың өзі бұл рекордтық көрсеткіш деген пікірде. Сауда министрлігі бағаның шарықтауына байланысты түсініктеме берді.

Министрлік жауабына сай, Қазақстан нарықтық экономика жағдайында өмір сүреді, яғни, тауарлар мен қызметтердің бағасын кәсіпкерлер сұранысқа, ұсынысқа және шығындарға байланысты өздері белгілейді. Алайда, мемлекет халық үшін ең маңызды азық-түлік түрлерінің бағасын бақылауда ұстайды.

Алма бағасы неге шарықтап тұр?

Қазіргі уақытта жеміс-жидек, соның ішінде алма бағасының өзгеруіне бірнеше себеп бар. Күз бен қыс мезгілінде нарықта отандық алма көп болғандықтан, баға тұрақты болады. Ал көктемде...

Бибісара Асаубаева мен Жавохир Синдаров Әлем чемпионы атағына үміткерлер турнирінің сенсациясына айналды. Қазақ гроссмейстері бүгін кешке ең соңғы шешуші матчын өткізсе, өзбек шахматшысы жарыстың аяқталуына бір тур қалғанда жеңімпаз атанып үлгерді. Бірақ шахмат әлемі олардың жетістігін ғана емес, екеуінің қарым-қатынасын да көбірек талқылап жатыр.

Романтикаға толы суреттер

Қазақ қызы мен өзбек жігітін шахматтан бөлек тағы не байланыстырады? Екеуінің әлеуметтік желілерге жүктелген лифтлуктері нені білдіреді? Бибісараның Жавохир туралы әр жазбасындағы «алқызыл жүрек» смайлын қалай түсінуге болады?

Көпшілікті осы сұрақтар мазаласа, бірқатары болжам жасап үлгерді.

Бір күн бұрын Асаубаева әлеуметтік желілердегі парағына өзбек жігітімен түскен тағы бір суретін жариялап, оған «мен...

2025 жылы экономикаға шамамен 390 млн доллар түрік инвестициясы тартылды, ал 20 жыл ішінде бұл сома 6 млрд доллардан асты. Бұл туралы Үкімет басшысы Олжас Бектенов мәлімдеді.

Түркия – Қазақстанның бес негізгі сауда серіктесінің бірі. Екі ел арасындағы тауар айналымы былтыр 9%-ға артты. Оның ішінде Қазақстан тауарларының экспорт көлемі 17%-дан өсіп, 3,9 млрд долларға жетті.

Қазір құрылыс, жеңіл өнеркәсіп, металлургия, АӨК өнімдерін терең өңдеу, көлік және логистика, фармацевтика өндірісі, электрондық аспаптар және тағы да басқа салаларда жалпы сомасы 4 млрд доллар болатын 98 инвестициялық жоба іске қосылды. Одан бөлек құны 3,9 млрд долларға тең тағы 50 жоба жүзеге...

Қазақстан экономикасына берілген кредит көлемі 2025 жылдың 1 наурызынан бері 20,2%-ға артты. Осылайша, 2026 жылғы наурызда көрсеткіш 50,6 трлн теңгеге жеткен.

Қарыз алушылардың құрылымына үңілсек, халықтың алған қарызы бизнестің кредитінен асып кеткені байқалады.

50,6 трлн теңгенің 47,0%-ы немесе 23,8 трлн теңгесі бизнес өкілдеріне (қаржылық емес заңды тұлғалар мен дара кәсіпкерлерге) тиесілі болса, қалған 53,0%-ы немесе 26,8 трлн теңгесі – халыққа берілген несие.

Кредиттің басым бөлігі ұлттық валютада рәсімделген. Нақтырақ айтқанда, теңгедегі қарыздың үлесі 89,3% (45,2 трлн теңге) болса, шетел валютасындағы несиенің үлесі небәрі 10,7% (5,4 трлн теңге) деңгейінде қалып отыр.

Сонымен қатар экономиканы...

Ішкі істер министрлігі жол қауіпсіздігін бақылауды күшейтті. Жолдағы цифрлық бақылау автоматты режимде іске асады.

Цифрландыру аясында интеграцияланған ақпараттық жүйелер мен мемлекеттік деректер базаларын пайдалану арқылы жолдағы бірқатар құқық бұзушылықты анықтау жүзеге асырылмақ.

Әкімшілік құқық бұзуға не жатады

ІІМ ақпаратына қарағанда, бүгінде бұл жұмыс жүйелі түрде күшейтіп келеді. Мақсат – жол қауіпсіздігін қамтамасыз ету және жол жүрісіне қатысушылардың барлығы үшін тең жағдай қалыптастыру.

«Сақтандыру полисінің болмауы, сондай-ақ міндетті техникалық байқаудан өтпеу – әкімшілік құқық бұзушылық санатына жатады», – делінген хабарламада.

База арқылы қанша жүргізуші жазаға тартылды

Қазіргі таңда мемлекеттік деректер базалары республика...

Жамбыл облысының Қордай ауданында тоғызыншы сыныптың екі оқушысы суицид жасады. Олардың мәйіттері сарай ішінен табылған.

Жамбыл облыстық Полиция департаментінің мәліметінше, оқиға 15 сәуір күні таңғы сағат 06:00 шамасында Қаракемер ауылында болған.

«Аталған дерек бойынша ҚР Қылмыстық кодексінің 105-бабы (Өзін-өзі өлтіруге дейін жеткізу) бойынша қылмыстық іс қозғалды. Қазіргі уақытта құқық қорғау органдарының қызметкерлері оқиғаның мән-жайын жан-жақты, толық әрі объективті анықтауға бағытталған қажетті тергеу амалдарын жүргізіп жатыр», – деп хабарлады ведомствоның баспасөз қызметі.

ҚР Қылмыстық-процестік кодексінің 201-бабына сәйкес, тергеу мүддесі үшін өзге ақпарат жария етілмейді.

Жергілікті БАҚ жазуынша, облыс әкімі Ербол Қарашөкеевтің тапсырмасымен оқиға болған жерге...

2026 жылғы тамызда өтетін құрылтай сайлауы қарсаңында, Қазақстанда жаңа саяси партия құрылады. «Әділет» деп аталатын саяси ұйым Әділетті Қазақстан құндылықтарын қорғауды көздейді. Бастамашыл топтың 15 сәуірде жариялаған мәлімдемесінде осылай делінген.

Партия мақсаты

Өзін «прогрессивті реформа жақтаушылары» деп есептейтін топ Әділетті Қазақстан құру идеясын қолдайды.

«Біз 2026 жылғы 15 наурызда Қазақстанның жаңа Конституциясын қолдаған көпшілік атынанбыз», – деп таныстырды өзін жаңа саяси ұйым құруды көздейтін бастамашыл топ.

«Әділеттің» негізгі мақсаты мен міндеті де соған сай келеді: азаматтар құқығын, еркіндігі мен мүддесін қорғау.

Жаңа ұйымның миссиясы да айқын: референдумда қабылданған Конституция ережелерін сақтау. Партия «прогрессивт...