Жаңалықтар

«Самұрық-Қазына» ұлттық әл–ауқат қоры» акционерлік қоғамы Қорға тиесілі «Qazaq Air» АҚ – ның 49% – дан 100% – ға дейінгі акцияларын сату бойынша сауда-саттық өткізеді. Бұл жайлы «Qazaq Air» сайтында жарияланды.

Қазақстандық әуе тасымалдау нарығын дамыту үшін жаңа мүмкіндіктер қарастыру үшін, QAZAQ AIR әуе компаниясының ұшу географиясын кеңейтуге, флотты ұлғайтуға және инновациялық шешімдерді енгізу мақсатында жеке инвесторды тарту қарастырылып отыр. Жекешелендіруді «Самұрық-Қазына» АҚ Қазақстандық Ұлттық әл-ауқат қоры атынан авиакомпанияның жалғыз акционері жүргізеді.

Сауда-саттық екі кезеңдік ашық конкурс арқылы жүзеге асырылады.

«Бірінші кезеңде – Конкурстың мәні бойынша алдын ала ұсынысты, сондай-ақ әлеуетті қатысушылардың сатып алушыға қойылатын талаптарға...

Қазақстан 2024 жылы «Дружба» мұнай құбыры арқылы Германияға 1,2 миллион тонна мұнай тасымалдауды жоспарлап отырғаны белгілі болды.

«Қарашығанақ Петролеум Оперейтинг (КПО) 2024 жылы «Дружба» мұнай құбыры арқылы 1,2 млн тонна мұнай тасымалдауды жоспарлап отыр», – деді «ҚазТрансОйл» бас директорының орынбасары Әміржан Оспанов KASE-де өткен брифингте.

2024 жылға жүк жөнелтушілерден келіп түскен өтінімдерге сәйкес, «Қарашығанақ Петролиум Оперейтинг» 2024 жылы Адамова Застава бекеті бағыты бойынша 1,2 млн тонна тасымалдауды жоспарлап отыр.

Қазақстан мұнай экспорттау бағыттарын әртараптандыру бойынша жүргізіліп жатқан жұмыстар аясында «Дружба» құбыры арқылы Германияға мұнай жеткізе бастады.Еске сала кетсек, Қазақстан 2023 жылдың тамыз айында «Дружба» мұнай...

«АрселорМиттал Теміртау» АҚ-ға қарасты «Қазақстан» шахтасында үшінші кеншінің мәйіті табылды. Бұл туралы компанияның баспасөз қызметі хабарлады.

«АрселорМиттал Теміртау» компаниясы қаза тапқан кеншілердің отбасыларына жан-жақты қолдау көрсететінін мәлімдеді. Оның ішінде жерлеуге байланысты шығындарды жабу, қайтыс болған жұмысшылардың 10 жылдық жалақысы мөлшерінде отбасына біржолғы төлем беру, 18 жасқа дейінгі әрбір балаға ай сайынғы сақтандыру төлемін (бала студент болса, 23 жасқа дейін) беру және 23 жасқа толмаған балалардың алғашқы күндізгі оқу нысанындағы оқуына және оған байланысты барлық шығынына ақы төлеу кіреді.

Баспанасы жоқтарға тұрғын үй сатып алу немесе ол үшін біржолғы өтемақы беріледі.

Қолданыстағы тұрғын үйді жөндеуге ақы төлеу, ипотекалық төлемдерд...

Қазақстан бірінші жартыжылдықта Өзбекстанға 48,5 мың тонна ресейлік мұнай тасымалдады, жалпы 2023 жылға арналған тасымалдау жоспары 180 мың тоннаны құрайды.

Бұл туралы «ҚазТрансОйл» АҚ тасымалдау департаментінің директоры Абай Бейсембаев KASE-де өткен брифингте айтты.

«Биылғы бірінші жартыжылдықта 48,5 мың тонна көлемінде ресейлік мұнай тасымалданды. Биыл Қазақстан аумағы арқылы Өзбекстанға 180 мың тоннаға жуық транзиті күтілуде», – деді Бейсембаев KASE-де.

Бұл ретте 180 мың тонна мұнай 2023 жылға арналған ресейлік мұнай транзитінің көлемі. Екінші жартыжылдықта Өзбекстанға 131,5 мың тонна ресейлік мұнай тасымалдау жоспарлануда.

«ҚазТрансОйл» АҚ магистральдық мұнай құбырлары жүйесі арқылы Ресей мұнайын Өзбекстанға...

Қара теңіздегі жағдай нашарлаған жағдайда Қазақстан тасымалданатын мұнайды Новороссийск портынан Усть-Луга портына қайта бағыттау мүмкіндігін қарастыруда.

Бұл туралы Қазақстан қор биржасында өткен жиында «ҚазТрансОйл» АҚ бас директорының тасымалдау жөніндегі орынбасары Эрик Сағиев айтты.

«Новороссийскіде біз бірнеше нұсқаны қарастырып жатырмыз. Қара теңіздегі жағдай нашарлаған жағдайда Шесхарис порты бағытында тасымалданатын көлем Усть-Луга портына ауыстырылады. Әзірге осындай жоспар құрып отырмыз», – деді Сағиев KASE-де өткен «ҚазТрансОйл» компаниясының «Эмитент күнінде».

Еске сала кетсек, 4 тамызда РФ Қорғаныс министрлігі Новороссийск облысында Украина Қарулы Күштерінің ұшқышсыз дондары жойылғанын хабарлады.

Оқиға салдарынан Каспий құбыр консорциумы (КҚК) мұнай құбырының инфрақұрылымы зақымданбады...

Freedom Holding Corp (FRHC) акцияларына бірнеше күннен бері шабуыл жасалып жатыр. Hindenburg Research пен оның кеңесін тыңдап қысқа позиция ашқандардың шорт-сквизге ұшырау қаупі бар. Бұған Kursiv Research сарапшыларының деректері дәлел.

Шорт-сквиз – қор нарығындағы жағдай. Мұндайда өздерінің шорт-позицияларын жабатын сатушылар көбейіп, акция сатып алушылардың баға ұсыныстарын арттыруға мәжбүрлеп, нәтижесінде акция бағасы күрт көтеріледі. Мұндай сұраныс пен бағаның компания туралы жағымды жаңалықтарға байланысты өсуі мүмкін немесе оған күшті негіздер немесе басқарушының хабарландырулары әсер етуі мүмкін. Болмаса бұған қарызға алуға болатын бағалы қағаздардың жетіспеушілігі де өз әсерін тигізуі ықтимал.

Шорт-сквиз қысқа мерзімді жоғары құбылмалылықты тудыра отырып, компанияның акцияларында ұзақ позициялары бар...

АШМ электрондық жер-кадастрлық карталарды жасау тәртібіне өзгерістер енгізеді, деп хабарлайды министрліктің баспасөз қызметі.

Жер қатынастары саласындағы мемлекеттік қызметтерді цифрландыру мәселелері жөніндегі Заңды іске асыру шеңберінде АШМ электрондық жер-кадастрлық карталарды құру бойынша өзгерістер мен толықтырулар енгізу туралы бұйрықтың жобасын әзірленген.

«Жер-кадастрлық құжаттамаға тиісті өзгерістер енгізілген жағдайда, топологиялық қателері бар жер-кадастрлық құжаттаманың негізінде ЖМБМК АЖ дерекқорына енгізілген координаттарға жер учаскелері шекараларының орналасқан жері сәйкес келмеген жағдайда түзетуге жол берілетіні көзделеді», делінген баспасөз хабарламасында.

Ал топологиялық қателерді  жою мүмкін болмаған кезде қиылысатын жер учаскелерінің шекаралары бойынша дауды шешу заңнамалық тәртіппен қаралмақ.

Өзгерістер Қазақстан Республикасының заңнамасында белгіленген тәртіппен...

2023 жылдың 17 тамызында «АрселорМиттал Теміртау» АҚ-ға қарасты «Қазақстан» шахтасында апат болып, екі кенші қаза тапты. Тағы үш шахтер іздестіріліп жатыр. Бұл еліміздегі көмір кенішінде болған алғашқы жағдай емес, Тәуелсіздік жылдары Қазақстан шахталарында оннан аса ірі апат болған. Kursiv.kz шахтадағы апаттан қайтыс болғандар туралы ақпаратты жинақтады.

1994 ЖЫЛЫ ЕКІ АПАТ БОЛДЫ

1994 жылы ел шахталарында екі жарылыс болған. Бірі – Саран қаласының жанында орналасқан «Ақтас» шахтасындағы апат. Мұнда метан тұтанып, өрт шыққан. Оны өшіру үшін құбыр арқылы инертті газды жіберген. Алайда құбыр үзіліп, қауіпті газ кеншілер жүрген учаскелерге тараған. Салдарынан 11 адам қаза тапты.

Сол жылдың шілдесінде Қарағанды облысындағы «Қазақстан...

Президент Қасым-Жомарт Тоқаев Алматы қаласына жұмыс сапарымен келді, деп хабарлайды Ақорда.

Жұмыс сапары барысында мемлекет басшысы сел тасқынынан қорғайтын «Аюсай» бөгетіне барды.

«Аюсай» бөгеті Үлкен Алматы өзенінің бассейнінде орналасқан. Оның жоғары жағында сел қаупі бар 98 учаске, 89 мұздық, 20 мореналық және мұзды көл бар. Бөгет сел жүру қаупін барынша азайтып, 500 мыңнан астам халық пен 2 мыңға жуық нысанның табиғат апатынан қорғалуын қамтамасыз етеді. Еліміздің биік таулы аймақтарында 970 мореналық көл бар. Оның ішінде 156 көлде сел жүру қаупі жоғары.

Соған байланысты «Аюсай» бөгетінде пилоттық жоба аясында орнатылған 31 цифрлық гидробекет салынған. Қасым-Жомарт Тоқаев сол гидробекеттердің жұмысы...

Ұлытау облысында мемлекеттік қызметкерлерді баспанамен қамту үшін Үкімет резервінен 2,3 млрд теңге бөлінеді. Премьер министрдің қаулысы жария талқылауға шығарылды.

Құжатқа сәйкес, осы облысқа қоныс аударған мемлекеттік қызметкерлерді баспанамен қамту үшін, шұғыл шығындарға арналған үкімет резервінен қаражат бөлу көзделген.

«Қоныс аударған мемлекеттік қызметшілерді қызметтік орналастыру үшін коммуналдық меншікке тұрғын үйді сатып алуға Ұлытау облысының әкімдігіне ағымдағы нысаналы трансферттер түрінде аудару үшін 2 384 640 000 (екі миллиард үш жүз сексен төрт миллион алты жүз қырық мың) теңге сомасында», делінген құжатта.

Қаулының орындалу мерзімі 2023 жылғы 20 желтоқсанға дейін.

Құжат ашық талқылауда 1 қыркүйекке дейін...

Қазақстанның даму банкі атқарушы орган мүшелеріне 2022 жыл үшін төленген сыйақының мөлшерін жария етті. Қазақстан қор биржасына жолданған ақпаратқа сәйкес, оның көлемі 251,74 млн теңгені құраған.

Қазақстан даму банкінің ақпаратына сәйкес, сыйақы ретінде «еңбек ақы және барлық ақшалай марапаттау түрлері» аталып тұр. Банктің 2022 жылғы қаржылық есептілігінде директорлар кеңесін ұстауға жұмсалған шығын 230,6 млн теңгені (2021 жылы 253,2 млн теңге) құрағаны айтылған. Ал, қызметкерлерге төленген төлемдер 2021 жылы 4,25 млрд теңгені құраса, 2022 жылы 5,05 млрд теңге болған. Іссапар шығындары 84,2 млн теңге (2021 жылы 81,6 млн теңге), кадрларды дайындау мен біліктілігін арттыруға 56,7 млн теңге (2021 жылы...

Қазақстанда 1 қыркүйектен бастап ай сайынғы мемлекеттік шәкіртақы мөлшері өседі. Бакалавриат студенттерінің шәкіртақысы 20%-ға, Магистранттар мен докторанттардың шәкіртақысы 15%-ға, ТжКБ студенттерінің шәкіртақысы 50%-ға арттырылды. Үкімет басшысы қаулыға қол қойды.

Үкіметтің баспасөз қызметінің хабарлауынша, қаулыда белгіленген шәкіртақы мөлшері төмендегідей: докторанттарға – 217 500 теңге; резидент-дәрігерлер және магистранттарға – 111 579 теңге; магистранттарға – 97 024 теңге; интерндерге – 75 890 теңге; педагогикалық және «Денсаулық сақтау» бағыттары бойынша білім алатын студенттерге – 67 200 теңге; өзге мамандықтарда оқитын бакалавриат студенттеріне – 41 898 теңге; кәсіптік білім білім беру ұйымдарында жұмысшы мамандығына оқитын студенттерге – 32 681 теңге; кәсіптік...

«АрселорМиттал Теміртау» АҚ-ға қарасты «Қазақстан» шахтасында тағы бір кеншінің мәйіті табылды.

17 тамызда шыққан өрттен кейін шахтада болған 227 адамның 222-сі жер бетіне шығарылды. Бір адамның мәйіті табылғаны хабарланды.

18 маусымда «Кәсіби әскерилендірілген авариялық-құтқару қызметтерінің республикалық орталық штабы» ЖШС Қарағанды облыстық филиалы директорының бірінші орынбасары Геннадий Силинский түні бойы төрт бөлімше күшімен кеншілерді іздеу жұмыстары жүргізілгенін айтты.

«Өртті сөндіру бойынша жұмыстар жүргізілді. Іс-шара кезінде тау-кен құтқару бөлімшелері екінші зардап шегушіні анықтады. Өкінішке қарай ол қайтыс болған. Қазір оның мәйітін жер бетіне эвакуациялау жұмыстары жүргізіліп жатыр», – деді Геннадий Силинский.

17 тамыз күні кеніштегі апат...

Тараз қаласының судьясы 2 млн теңге пара алды деп күдіктелуде. Бұл жайлы Сыбайлас жемқорлыққа қарсы қызмет агенттігінің баспасөз қызметі хабарлады.

«Антикоррупциялық қызмет Қазақстан Республикасы Сот әкімшілігінің қауіпсіздік бөлімімен бірлесіп жасырын іс-шаралардың нәтижесінде Тараз қаласының №2 сотының судьясы 2 000 000 теңге сомасында пара алғаны туралы әшкереленді. Судья сотталушыдан іс жүргізуде қылмыстық іс бойынша бас бостандығынан айыруға байланысты емес жаза тағайындағаны үшін ақшалай қаражат алды деп күдектелуде», делінген баспасөз хабарламасында.

Қылмыстық-процестік кодекстің 550-бабының тәртібімен Қазақстан Республикасының Бас прокуроры сотқа дейінгі тергеп-тексеруді жалғастыруға келісім берген. .

Қылмыстық-процестік кодексінің 201-бабына сәйкес өзге ақпарат жария етуге жатпайды.

Конституцияны...

Қазақстанда ресейлік прапогандистік «Царьград» телеарнасы бұғатталды. Бұл туралы Орда кз сайты хабарлады.

Ақпарат және әлеуметтік даму министрлігінің сайтындағы мәліметке қарағанда, арна экстремизмді насихаттағандықтан  бұғатталған. Бұған дейін Царьградқа төрт нұсқау берген – оның соңғысы «Қазақ ұлтшылдары Жеңіс күні қарсаңында орыс әйелдеріне үрей туғызды» деген мақалаға қатысты.

Қазір арна сайты бүкіл ел бойынша бұғатталған. Царьград өзін бірінші ресейлік консервативті арна ретінде көрсетеді. Оның негізін қалаушы, православтық олигарх Константин Малофеев Донбасстағы жауынгерлік құрамаларды қаржыландырғаны үшін халықаралық іздеуде, сонымен қатар ЕО мен АҚШ-тың санкциялық тізімінде.

Мемлекет басшысы Қасым-Жомарт Тоқаевтың төрағалығымен еліміздің әлеуметтік-экономикалық дамуын болжау және 2024-2026 жылдарға арналған республикалық бюджет жобасының мәселелері жөнінде жұмыс кеңесі өтті. Бұл туралы Ақорда кз сайты хабарлады.

Кеңеске Премьер-Министр, қаржы-экономикалық блокқа жауапты мемлекеттік органдардың және Ұлттық банктің, Жоғары аудиторлық палатаның басшылары қатысты.

Президентке әлемдік экономикадағы трендтер, еліміздің әлеуметтік-экономикалық дамуына жасалған болжамдар, сондай-ақ 2024-2026 жылдарға арналған республикалық бюджет жобасының параметрлері туралы мәлімет берілді.

Мемлекет басшысы:

теңгерімді макроэкономикалық саясат жүргізу, мемлекеттің әлеуметтік салада қабылдаған барлық міндеттемелерін сақтау маңызды екеніне назар аударды;

жоспарланған инфрақұрылымдық және әлеуметтік жобаларға, экономиканың нақты секторын қолдауға және дамытуға, жалпымемлекеттік шығындарға, соның ішінде қорғаныс және құқық қорғау жүйелерін...

QazaqGaz компаниясында жаңа қызмет түрлері енгізілді. Бұл туралы Қазақстан қор биржасы (KASE) алдында есеп берді.

QazaqGaz үшін жұмыстың негізгі бағыттары әлі де газ тасымалдау, жаңа технологияларды әзірлеу және енгізу. Ішкі және сыртқы нарықтарда газды сатып алу-сату, Қазақстанда және шетелде құбырлар мен газ қоймаларына қызмет көрсету болып қала береді.

Жаңа қызмет түрлеріне экономиканың әртүрлі салаларындағы мамандарды кәсіби даярлау және біліктілігін арттыру, көмірсутектерді барлау және өндіру. Оның ішінде жер асты суларында, жобалардың техникалық-тактикалық негіздемелерін сараптау және бекіту, технопарктерді басқару, газ тәрізді отынды өндіру, тарату және сату, сондай-ақ мұнай өңдеу өнімдерін өндіру қосылды.

«Қазақстан» шахтасындағы өрттен зартап шеккен 6 кенші ауруханада жатыр, тағы екі жұмысшыны онда апара жатыр. Сонымен, барлығы 8 адам болды. Бұл туралы ҚазАқпарат хабарлады.

«Қазақстан» шахтасында зардап шеккен екі адам Мақажанов клиникасына жеткізілді. Қабылдау бөлімінің дәрігерлері науқастардың жағдайын тексерді. Алдын ала диагноз – шахта газдарымен жедел ингаляциялық улану, оның ішінде ауыр көміртегі тотығымен улану, токсико-гипоксиялық энцефалопатия, уытты бронхит. Олар реанимация бөлімшесіне жатқызылды, – деді токсикология бөлімшесінің меңгерушісі, Қарағанды облысының бас штаттан тыс токсикологы Сәуле Смағұлова.

Сонымен қатар бұған дейін бір жұмысшының денесі табылғанын хабарладық.

Айта кетейік, «АрселорМиттал Теміртау» шахтасында тағы да апат: конвейер таспасынан...

Қазақстан қор биржасында «KEGOC» АҚ «Эмитент күні» іс-шарасы өтті. Кездесу барысында инвесторлар, бағалы қағаздар нарығының кәсіби қатысушылары мен БАҚ өкілдері компанияның 2023 жылдың бірінші жартыжылдығындағы қызметінің нәтижесімен танысты.

Жиында «KEGOC» АҚ басшылығы акционерлеріне дивидендтер төлеу тақырыбына тоқталды. Былтырғы жылдың қорытындысы бойынша компания 30,1 млрд теңге мөлшерінде дивидендтер төлеген. Бұл туралы жүйелік оператордың Қаржы және есеп жөніндегі басқарушы директоры Айгүл Әкімбаева мәлім етті.

«2014 жылы акцияларды орналастырғалы бері компания өз акционерлеріне 218 млрд теңгеден астам дивидендтер төледі, бұл бір акцияға 838,9 теңгені құрайды. Бұл біздің нарық үшін айтарлықтай қомақты сома. Біздің компанияның саясатына сәйкес дивидендтер жылына екі рет – жарты жылда...

«АрселорМиттал Теміртау» АҚ-ға қарасты «Қазақстан» шахтасындағы өрттен кейін жерге шығарылмаған бес кеншінің біреуі қаза тапты. Қарағанды облысының әкімдігі бір кеншінің мәйіті табылғанын хабарлады.

17 тамыз сағат 10:00-де «Қазақстан» шахтасындағы конвейер таспасы өртеніп, апат болды. Шахтада 227 адам болған, олардың 222-сі шығарылды, алты адам ауруханаға жатқызылды. Оларлың төртеуі көміртегі тотығымен уланған, ішінде екі адамның жағдайы ауыр. Олар Қарағанды ауруханасына жеткізілді. Ал екеуі жеңіл түрде уланған, қазір Шахтинск ауруханасында ем алып жатыр.

Ал қалған 4 кеншінің жағдайы әлі белгісіз.

2023 жылғы 16 тамыздағы жағдайға сәйкес қандастарды қабылдау квотасы 87%-ға, қоныс аударушыларды қабылдау бойынша 58%-ға орындалды. Мұндай деректер ҚР ЕХӘҚМ Көші-қон комитетінің төрағасы Асқарбек Ертаевтің төрағалығымен өңірлердің жұмыспен қамту және әлеуметтік бағдарламалар басқармасы басшыларының қатысуымен өткен көші-қон саясаты мәселелері жөніндегі кеңесте айтылды.

Кеңесте сұранысқа ие кәсіптер бойынша шетелдік жұмыс күшін тарту, этникалық қазақтарға «Ата жолы» картасын беру және ішкі ұтқырлық жөніндегі шараларды іске асыру мәселелері талқыланды.

Абай, Қостанай және Шығыс Қазақстан облыстарында қоныс аударушылар бойынша жоспардың орындалуы жоғары деңгейде болса, төменгі деңгей Ұлытау облысында (28,3% деңгейінде) байқалды. Экономикалық ұтқырлық бойынша сертификаттар беруде төмен көрсеткіш Қарағанды (1 сертификат берілді) және...

Түркия Босфор мен Дарданелл бұғаздарының өтуі кезінде Украина порттарынан астық кемелерінің қауіпсіздігіне кепілдік берді. Бұл туралы ТАСС Haber Global телеарнасына сілтеме жасап хабарлады.

«Біздің білуімізше, бірде-бір кеме Украинадан шыққан жоқ. Бірақ егер кеме келсе, ол бұғаздар арқылы өтеді», — деді Х әлеуметтік желісі (бұрынғы Twitter) Түркияның Ұлттық қорғаныс министрлігіндегі дереккөзге сілтеме жасай отырып.

Бұған дейін АҚШ Түркиямен және Украинамен астық экспорттау бағыттарын кеңейту туралы келіссөздер жүргізіп жатқаны белгілі болды. Жоспар Дунай өзені арқылы айына төрт миллион тоннаға дейін астық экспорттау қуатын арттыруды көздейді, ал көп бөлігі Қара теңіз арқылы Румыниядағы ең жақын порттарға жіберіледі.

Швейцария санкцияны Беларуссияның үш кәсіпорны мен 38 азаматына қарсы шектеу шараларын енгізді. Бұл туралы Іnterfax.ru хабарлады.

Швейцария мемлекеттік хатшылығының экономикалық мәселелер жөніндегі сайтында жарияланған жаңартылған тізімге сәйкес «Белнефтехим» концерніне, сондай – ақ «БМК» холдингінің Басқарушы компаниясы және «Минск электротехникалық зауыты»ашық акционерлік қоғамдарына қатысты санкция енгізілді.

Сондай-ақ, құжатқа 38 Беларусь азаматы – судьялар, прокурорлар, пенитенциарлық мекемелердің басшылары мен қызметкерлері, мемлекеттік БАҚ қызметкерлері енгізілді.

Шектеулер 15 тамызда күшіне енді, оған сауда және қаржылық шаралар кіреді.

Швейцария алғаш рет 2006 жылы ресми Минскіге санкциялар енгізді, кейінірек олар 2021 және 2022 жылдары кеңейтілді.

Екібастұз ЖЭО-да шыққан апаттан кейін жөндеу жұмыстарына 20,6 млрд теңге бөлінді. Бұл туралы Павлодар облысының әкімі Асайын Байханов айтты.

Екібастұзда өткен брифингте журналистер «Олигарх Александр Клебанов өз қалтасынан Екібастұз жылу электр орталығын жөндеуге қанша ақша салды?» деп сұрады.

«Жалпы Екібастұз ЖЭО-сына 20,6 млрд теңге бөлінді. Қазірге дейін оның 8,4 млрд теңгесі – мемлекеттің қаражаты. Ақша 5 су жылыту қазандығын күрделі жөндеуге бөлінді. Қалған 13,5 млрд теңгені Екібастұз жылу орталығының акционерлері, яғни ОАЭК (ЦАЭК) корпорациясы бөлді», – деді Асайын Байханов.

Оның айтуынша, қыстағы төтенше жағдайдың салдарымен күресуге 3,5 млрд теңге бөлінген.

«Сондай-а...