ҚР Әділет министрлігі «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» заң жобасын әзірледі. Бұл туралы Zakon.kz. сайты хабарлады.

592-бапқа («Белгiленген жүру жылдамдығын арттыру») өзгертулер мен толықтырулар енгізілді.

Көлік құралы қозғалысының белгіленген жүру жылдамдығын сағатына 40-тан 80 шақырымға дейін арттырғандар үшін 20 АЕК мөлшерінде (69 000 теңге) айыппұл салынады.

Ал көлік құралы қозғалысының белгіленген жүру жылдамдығын 80 -нен жоғары арттырғандарға – 40 АЕК мөлшерінде (138 000 теңге) айыппұл салынады.

593-бап та («Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдігін немесе мотошлемдердi пайдалану жөніндегі талаптарды сақтамау») өзгертілді.

Онда жолаушыларды көліктің кабинасынан тыс тасымалдауға, сондай-ақ көлік...

2023 жылдың басынан бері Қазақстанда «жасыл ипотека» іске қосылды. Бұл дегеніміз — жасыл түсті ғимараттар емес, экологиялық талаптарға сай салынған үйлер деген сөз. Әзірге елімізде бұл стандартқа жауап беретін саусақпен санарлық қана ғимарат бар. Бүгінгі материалымызда «жасыл ипотека» жайын қозғаймыз.  

«Жасыл ипотека» жайында

Аталған терминді тіпті естімеген болуыңыз да мүмкін. Ол үшін ұялудың қажеті жоқ. Себебі бұл түсінік әлем бойынша енді-енді қарқын алып келе жатыр. World Green Building Counsil атты Жылжымайтын мүлік саласына байланысты коммерциялық емес экологиялық ұйым бар. «Жасыл ипотека» анықтамасын олар былай береді: «Жасыл ипотека кредитордың (банктің) өз клиентіне жеңілдетілген ипотекалық шарттар ұсына отырып, сатып...

«ҚазМұнайГаз» Ұлттық компаниясы» АҚ басқарма құрамы жаңарды. Басқарма құрамынан Құрманғазы Исқазиев шығарылып, Серіққали Брекешов, Дәулетжан Хасанов және Қуаныш Құдайбергенов енген.

Бұл шешім «ҚазМұнайГаз» Ұлттық компаниясы» АҚ-ның 2023 жылдың 8 ақпанында өткен директорлар кеңесінде шығарылған. Компанияның бағалы қағаздары Қазақстан қор биржасының ресми тізімінде тұрғандықтан, басшылық құрамның өзгергені туралы қорға хабарланған.

«Енгізілген өзгерістерді ескере отырып, «ҚазМұнайГаз» Ұлттық компаниясы» АҚ Басқармасы тоғыз адамнан тұрады: Мырзағалиев М.М., Қарабаев Д.С., Абдұлғафаров Д.Е., Қайрденов А.К., Закиров Б.К., Лавренов В.С., Брекешев С.А., Хасанов Д.К., Құдайбергенов К.М», делінген хабарламада.

Бұрынғы экология министрі осы айдың басында «ҚазМұнайГазға» қызметке келген...

Түркияның оңтүстігінде тағы қайталаған жер сілкінісінен кейін 90-ға жуық сейсмикалық афтершок тіркелген. Бұл туралы түрік ақпарат құралдары Табиғи апаттарға қарсы күрес (AFAD) және төтенше жағдайлар басқармасына сілтеме жасай отырып хабарлайды.

Ең күшті дүмпулердің магнитудасы 5,8 балл болған.

AFAD апаттан зардап шеккен Хатай провинциясына іздеу-құтқару тобын жібергенін атап өтті.

Өткен түнде Түркияның оңтүстігінде 6,4 балдық жер сілкінісі болды. Соңғы мәліметтер бойынша, алты адам қаза тауып, 294 адам жараланған.

Зілзала бұған дейінгі апаттан қирап қалған аймақтарда қайталанған.

Түркияда 6 ақпанға қараған түні магнитудасы 7,7 балға жеткен жер сілкінісі болды. Одан кейін зардап шеккендердің саны 41 мыңнан...

Елімізде мектепке дейінгі білім беру ұйымдарында қазақ тілінде оқытатын топтарға сұраныс артып келеді. Бұл туралы Оқу-ағарту министрлігінің «Балаларды ерте дамыту институты» РММ директоры Манара Адамова айтты. Бұл туралы ҚазАқпарат хабарлады.

Министрлік мәліметіне қарағанда, Қазақстанда 11 мың 104 мектепке дейінгі ұйымда 1,1 млн-нан астам бала қамтылып отыр. Соның арасында балабақшалардың 70 пайызға жуығы қазақ тілінде оқып жатыр.

Қалған 30 пайызы аралас балабақша болып саналады.

«Балабақшаларда қазақ тілінде білім алуға қатысты сұраныс артып келеді. Әсіресе, жас ата-аналар жағынан сұраныс көбейіп келеді. 2022 жылы жаңа оқу бағдарламасы енгізілген еді. Онда әр жастағы топтарға арналған тиісті норма ескерілген», – деді М. Адамова Орталық коммуникациялар...

Жиында ауыл шаруашылығын дамытудың түйткілді мәселелері мен перспективалары ашық талқыланды. Бұл туралы Ақорда баспасөз қызметі хабарлады.

Кездесу барысында Ауыл шаруашылығы министрі Ербол Қарашөкеев, көпсалалы «Родина» кәсіпорнының директоры Иван Сауэр, «Олжа Агро» ЖШС-нің бас директоры Айдарбек Қожаназаров, «Зенченко және К» шаруа серіктестігінің директоры Геннадий Зенченко, «Майлы дақылдардың тәжірибелік шаруашылығы» ЖШС-нің директоры Фарид Әбітаев сөз сөйледі.

Олар өндірісті әртараптандыру, шикізатты терең өңдеу және жаңа агроөнімдерді өндіру, қант саласын дамыту, тұқым шаруашылығы, мал шаруашылығы және ветеринария, сондай-ақ ішкі нарықты қамтамасыз етіп, экспорттық әлеуетті арттыру мәселелерін қозғады.

Жиын барысында агроөнеркәсіп кешенін дамытуға қаражат бөлу мен пайдаланудың тиімділігі, жер және су...

2023 жылдың қаңтарында Қазақстанда 9 106 көлік құрастырылған. Бұл көрсеткіш 2022 жылдың алғашқы айымен салыстырғанда 31,6% көп. Автобизнес қауымдастығының дерегі бойынша, соның ішінде 8 379 жеңіл автомобиль (+42,2%), 571 жүк көлігі, 107 автобус, 38 тіркеме мен жартылай тіркеме және 11 арнайы техника бар.

Ұлттық статистика бюросы автоөндірушілер шығарған барлық өнімнің жалпы құны 101,6 млрд тенге құрағанын анықтады, ал машина жасау саласындағы автоөндіріс үлесі 47,9%-ға жеткен.

«Негізгі өндіріс көлемі қаңтарда Қостанайда орналасқан Allur («СарыарқаАвтоПром») (4 836 дана) мен Алматыдағы Hyundai Trans Kazakhstan (3 584 дана) есебінен артты. СемАЗ 128 коммерциялық техника шығарды. Көкшетаудағы КАМАЗ-Инжиниринг зауыты 77 жүк көлігін құрастырды.Қарағанды облысына қарастыСаран...

2022 жылы жаһан экономикасының асты үстіне шыққан жоқ. Дегенмен ауқымды тектоникалық өзгерістер де болмай қойған жоқ. Әлем Ресей бидайы мен Ресей энергетикасынсыз ақ күн көре алатынын көрсетті. Әрине, бұл оңайға түскен жоқ. Әрі әлем түп-түгел Ресей импортынан арылды деп айтуға тағы келмейді. Бірақ Украинадағы соғыс салдарынан жеткізу тізбектері бұзылды және ұзарды, тасымал құны өсті, Еуропа Ресей энергетикалық тауарларына ішінара эмбарго жариялады. Бұдан бөлек Қытайдың қайтадан ковидтік шектеулерге байланысты шекарасын қымтап алуы да тәуекел тудырмай қойған жоқ. Әлемді инфляция басты. Салдарынан орталық банктер ақша-несие саясатын мәжбүрлі түрде қатаңдатуға көшті. Оның ішінде біз де бармыз. Шашырап отырған жоқпыз, тек 2022 жыл дегенде...

Бас көлік прокуратурасы Қаржы министрлігі мамандарының қатысуымен тәркіленген мүлікті мемлекеттік органдардың балансына өткізу рәсімінің жаңа тетіктерін әзірледі.

Тәркілеу заттары көбінесе нарықтық құнынан төмен сатылатындықтан, электрондық сауда-саттық арқылы жеке тұлғаларға сату тетігін қайта қарау бойынша жұмыс басталды. Оның негізі, «Мемлекеттік мүлік тізілімі» веб-порталының сату алаңындағы «танымал болмауы».

Қызметті жақсартудың нысаны ретінде кolesa.кz, кrisha.кz және OLX сияқты танымал интернет-ресурстармен өзара әрекеттесу мәселесі қаралуда-деп хабарлайды Бас көлік прокуратурасы

Бұрынғы қолданыстағы тәжірибе үкімдерді орындау кезінде әуре-сарсаңға, ал кейбір жағдайларда қылмыстық құқық бұзушылықтар жасауға да жол берді.

Мысалы, 2020 жылғы пандемия кезінде көлік прокурорлары құны 140 млн теңгені құрайтын 60 мың данадан астам медициналық мақсаттағы...

Теңізшевройл Түркиядағы жер сілкінісіне байланысты Баку-Тбилиси-Джейхан бағыты бойынша мұнай экспортын бастай алмады. Бұл туралы журналистермен кездесуде компания Бас директоры Кевин Лион мәлімдеді.

«Қазіргі уақытта біз «Қазмұнайгазбен» осындай маршрутты нақтылау және қалыптастыру мақсатында жұмыс жүргізіп жатырмыз, өйткені Теңіз кен орнына теміржол арқылы тасымалданатын болады. Өкінішке орай, бәріңіз білетіндей, Түркияда болған алапат зілзала инфрақұрылым нысандарына әсер етті және сәйкесінше Түркиядағы Джейхан терминалына әсер етті», – деді Лион.

Журналистер тарапынан ақпан айында компания Баку-Тбилиси-Джейхан құбыры арқылы мұнай экспорттау жоспарлап отыр ма деген сұрақ қойылған болатын.

«Қазіргі уақытта бізде сынақ жөнелтілімдерін...

Ақпан айының басында жоспарланған 20 мың тонна көлеміндегі мұнайдың алғашқы партиясы Германияға жөнелтілген жоқ. Бұл туралы «ҚазТрансОйл» Ұлттық компаниясы ішкі коммуникациялар және қоғаммен байланыс департаментінің директоры Шыңғыс Ілиясов мәлімдеді.

«Бүгінгі жағдай бойынша, «Дружба» мұнай құбыры арқылы қазақстандық мұнайды ары қарай Германияға жеткізу үшін, «Адамова заставасы» мұнай өткізу пунктіне дейін жеткізу жүзеге асырылған жоқ», деді Илиясов.

Компания жөнелтілуі ықтимал мерзім туралы да мәлімет берген жоқ.

Энергетика министрлігінің баспасөз қызметі де Германияға экспорт мерзімі туралы сауалға пікір білдірмеді.

Бұған дейін ақпан айының бірінші жартысында Қазақстан мұнайы Германияға жеткізілетіні туралы мәлімделген болатын.

2022 жылы ҚР-да жиһаз бен тұрмыстық заттар бағасы айтарлықтай өсті

Өнеркәсіптегі кәсіпорындар саны 8% қысқарды. Бұл туралы energyprom.kz сайты сараптама жасады.

Былтыр Қазақстанның жиһаз өнеркәсібі үшін қиын болды. Жиһаз жасаушылар пандемиядан айығып үлгермей тұрып, қайтадан құлдырады. Өнеркәсіптік өндіріс индексі 2021 жылғы 107,8%-дан 2022 жылы 89,3%-ға дейін төмендеді (100%-дан төмен ӨӨИ сектордағы өнім көлемінің төмендеуін көрсетеді). Бұл соңғы онжылдықта саладағы екінші осындай ауыр жыл. Дәл осындай құлдырау 2020 жылы да болған, ол кезде индекс 89% болды. Айырмашылығы, пандемияның бірінші жылындағы локдаун кезінде халықтың жиһаз сияқты бірінші қажеттілікке жатпайтын тауарларды сатып алуға мүмкіндігі болмады (және көбінің ақшасы болмады...

Бас прокуратура, Қаржы нарығын реттеуші орган мен үкіметтің басу айтқанына қарамастан, Jusan Bank төңірегін қаңқу сөз таралып жатыр. Бұл өз кезегінде банк клиенттерінің көңілін алаңдатып отыр. Бұл жайтты FINANCEkaz сарапшылары қаржы мәдениетінің төмендігі және жалпы қаржылық жүйеге деген сенімнің аздығымен түсіндіреді.

«Jusan Bank тұрақты жұмыс істеп тұр және алаңдауға еш негіз жоқ. НЗМ шығындарының басым бөлігі республикалық бюджет есебінен қаржыландырылды», – деген еді Премьер-Министрдің орынбасары, Қаржы министрі Ерұлан Жамаубаев, – НЗМ мен НУ республикалық бюджеттен қаржыландырылып келеді, бірақ бөлінетін қаржыны бірте-бірте қысқартып, Jusan Bank өз пайдасын аударатын эндаумент қоры есебінен қамтамасыз етілуі керек».

Бас жоспарда Астана әкімі Жеңіс Қасымбектің басшылығымен «Menin Elim Dala» бастамашыл тобының қатысуымен нақты құрылыс мәселесі бойынша кеңес өтті. Тұрғын үй кешенінің құрылысының орнына әлеуметтік нысандар салу, үйлердің қабатын азайту, Талдыкөл проблемвсы және т.б. мәселелер көтерілді. Бұл туралы елорда әкімдігінің баспасөз қызметі хабарлады.

Қалада 18 негізгі проблемалы құрылыс объектісі бар. 13 нысан бойынша мәселелер тұрғындардың тілектері мен өтініштерінің пайдасына шешіледі, яғни ТК маңында мектептер, медициналық орталықтар, балабақшалар, қоғамдық кеңістіктер салынады. Қалған 5 нысан бойынша сот және келіссөздер процесі жүріп жатыр.

Мысалы, Байтұрсынов көшесі, 7 (Хайвил ТК) мекенжайында жер учаскесінде бұрын айтылғандай, көппәтерлі тұрғын үй кешенінің орнына мектеп салынады. Сондай-а...

Биыл кейінгі 4 жылда алғаш рет iPhone сатылымы төмендеп, Apple Inc. осы нарықтағы бәсекелестеріне жол беруі мүмкін. Бұндай болжамды UBS сарапшылары жасап отыр, деп жазады Barron’s.

Сарапшылар биыл елге танымал iPhone сатылымы 0,7% төмендеп, 229 млн данасы сатылуы мүмкін деп болжайды. Есесіне Android жүйесіне негізделген смартфондар сатылымы 3,2 пайызға өспек.

«2019 жылдан бері алғаш рет Apple смартфондарының сатылым динамикасы бәселестерінен төмен болады», деп жазады UBS сарапшылары.

Мамандар мұндай болжамын биыл смартфон саудасы Солтүстік Америка емес, Азия нарықтарында қыза түсетінімен түсіндіреді.

International Data Corp. 2022 жылы смартфондардың жаһандық сатылымы 11%-ға төмендеп...

2022 жылдың тамызында «Шөлдала» шекара заставасында мерзімді әскери қызметшісі Б. Мираштың қайтыс болуына байланысты қозғалған іске қатысты Бас әскери прокуратура арнайы ақпарат таратты.

Бүгінгі күні билікті асыра пайдалану арқылы өзін-өзі өлтіруге дейін жеткізу бойынша сол заставаның келісімшарт бойынша әскери қызметшісі күдікті деп танылды. Қылмыстық Іс материалдарына сәйкес ол Б.Мирашты және онымен бірге әскерге шақырылған басқа да мерзімді әскери қызметкерлерді жүйелі түрде психологиялық тұрғыда қорлап, соққыға жыққан.

Күдікті қамауға алынып, тергеу жалғасуда және ерекше бақылауға алынған. Тергеу барысында болған оқиғаның барлық нұсқалары, соның ішінде жыныстық зорлық-зомбылық мүмкіндігі тексерілді. Алайда, бұл дерек расталмаған.

Адвокаттың өтінішхаттары белгіленген мерзімде қаралды және қылмысты...

ЕуроОдақ Кеңесі Ресейге қарсы санкцияларды 2024 жылдың 24 ақпанына дейін ұзарту туралы шешім қабылдады. Бұл туралы ЕО ресми басылымына сілтеме жасай отырып Интерфакс агенттігі хабарлайды.

«Шектеу шараларын 2024 жылдың 24 ақпанына дейін ұзарту керек», делінген журнал мәлімдемесінде.

Басылымда «Еуроодақ Украинаны (…) қолдайтынын» атап өтіп, санкция мерзімін ұзарту туралы шешім ЕО-ның ресми журналында жарияланған күнінен бастап күшіне енетінін атап өтеді.

Еуро Одақтың Сыртқы істер жөніндегі Жоғарғы өкілі Жозеп Боррель кеңес қарсаның де одаққа мүше елдердің сыртқы істер министрлері Ресей Федерациясына қарсы санкциялардың оныншы пакетін талқылаған хабарлады.

«Біз оны жақын...

Қазақстанның басты сауда серіктесі Ресейде жылдық инфляция баяулап жатыр. Қазақстанда 2023 жылдың қаңтарындағы инфляция деңгейі 2022 жылдың қаңтарымен салыстырғанда 20,7 пайызға өскен еді. Бір айлық өсімі 1,1 пайызды құраған. Жалпы баға деңгейінің шарықтап кетуіне ең үлкен үлесті бүкіл әңгімеміздің темірқазығы болып отырған азық-түлік қосып отыр: бір жылдағы өсімі – 25,7 пайыз.

Қазіргі таңда мемлекет нарыққа тікелей араласып, тым құрығанда әлеуметтік маңызы бар азық-түлік тауарларының бағасын тұрақтандыруға тырысып отыр. Десе де әр өңірдегі бағаны біркелкі етіп қадағалау да оңайға түспесі анық. Оның үстіне логистикалық қызметтердің қымбаттауы, Қазақстан қалалары арасындағы арақашықтық және жол сапасы да баға құнына әсер етуші факторлар болып саналады.

ЕуроОдақ ортақ қауіпсіздік және қорғаныс мүддесі аясында Молдоваға арнайы миссия аттандыруды ойластырып жатыр. Бұл туралы Брюссельде өткен отырыста белгілі болды-деп, хабарлайды 24.kz

Еуропаның Сыртқы әрекет қызметінің нақтылауынша, мұндай миссиялар азаматтық әрі әскери сипатта болуы мүмкін. Сондай-ақ Еурокомиссия Молдоваға Еуропаның Бейбітшілік қоры арқылы қолдау көрсетілетінін жеткізді. Бұған дейін Кишиневке қауіпсіздік күштеріне демеу білдіру үшін 40 миллион еуро аударылған болатын.

Freedom Bank блокчейн технологияларына негізделген, корпоративті төлемдерге арналған картасыз сервисті іске қосты. Енді бизнес бұндай төлемді Қазақстаннан 107 елге жылдам әрі қауіпсіз жасай алады, деп хабарлады банктің баспасөз қызметі.

Visa B2B Connect сервисі Visa төлем жүйесімен бірлесе отырып әзірленген. Қаржы институтының мәліметінше, төлем жасалған елге байланысты, ақша 1-2 күн ішінде түседі.

«Visa B2B Connect платформасына қосылу қазақстандық бизнесті нығайтады және заңды тұлғаларға арналған қаржы қызметінің экожүйесін қалыптастырады», деді Freedom Bank директорлар кеңесі төрағасының кеңесшісі Айдос Жұмағұлов.

Оның пікірінше, корпоративті трансшекаралық төлемдер шетелдік серіктестермен табысты іскерлік ынтымақтастыққа алып келеді. Қаржы институтының мәліметінше, Visa B2B Connect...

2023 жылғы қаңтарда инвестициялардың өсуі республиканың барлық өңірлерінде байқалды. Екі өңірде ғана инвестиция көлемі төмендеді. Бұл туралы Бірінші кредиттік бюро мәлімдеді.

Абай облысында түскен қаражат көлемі бірден 10,8% – ға, 11,9 млрд теңгеге дейін төмендеді. Ал Батыс Қазақстан облысында 29 млрд теңгеге (-1,5%) төмендеді.

Атырау облысы өткен жылдың қаңтарымен салыстырғанда оның көрсеткіші 7,5% – ға, 231 млрд теңгеге дейін өсті.

Жиынтық ағынның 15% – дан астамын Астана (52,7 млрд, +34,4%) және Алматы (64,8 млрд теңге, +21,9%) қамтамасыз етті. Екі жағдайда да оң динамика жылжымайтын мүлік операцияларының өсуіне байланысты болды.

Өсудің ең жоғары қарқынын Алматы облысы көрсетті. Оны...

Walmart, Nvidia мен eBay осы аптаның ішінде қаржы нәтижелерін бөліспек. АҚШ-тың экономикалық талдау бюросы (BEA) Жалпы ішкі өнім (ЖІӨ) өсіміне берген бағасын жариялайды. Бұл туралы Barron’s хабарлайды.

Ақпанның 20-сы дүйсенбі күні, акциялар мен облигациялар нарығы АҚШ-ың Президенттер күні мейрамына байланысты жұмыс істемеді.

21 ақпан, сейсенбі күні, тоқсандық нәтижелерін Home Depot, Ingersoll Rand, Keysight Technologies, Medtronic және Molson Coors Beverage бөліспек. Сонымен қатар Walmart, Palo Alto Networks, Public Service Enterprise Group, Public Storage, Realty Income және SBA Communications қаржы есебін жарияламақ.

Бұл күні S&P Global ақпан айындағы өндіріс және қызмет көрсету салаларындағы сатып алу менеджерлерінің индекс...

Қазақстандық теміржолшылар 2022 жылғы қазаннан 2023 жылғы қаңтарға дейін 4,3 млн тоннадан астам астық тасымалдады. Ай сайынғы жаңадан жиналған астық тиеу бір миллион тоннадан астамды құрады. Бұл туралы «Қазақстан темір жолы» ҰК» АҚ баспасөз қызметі хабарлады.

Мәселен, 2022 жылдың қазан айында астық тиеу көлемі 1 млн тоннаны құраса, бұл 2021 жылдың ұқсас кезеңі көрсеткішінен 26%-ке артық, қарашада – 1,1 млн тонна (+ 39%), желтоқсанда-1,2 млн тонна (+33%). 2023 жылғы қаңтарда тағы 1 млн тонна тиеу қамтамасыз етілсе, бұл өткен жылдың сәйкес айымен салыстырғанда 22% артық.

Қазақстандық астық дәстүрлі түрде елдің солтүстік өңірлерінен Орталық Азия елдеріне, Қытайға жеткізіледі. Түрікменстанға астық экспорты...

 2022 жылдың 4-тоқсанында коммерциялық жылжымайтын мүлікті жалға алу 2021 жылдың сәйкес кезеңімен салыстырғанда 1,8%-ға қымбаттады. Бұл туралы Ұлттық статистика бюросы хабарлады.

Мейрамханалар мен тамақтану орындарын жалға алу бағасы ең жоғары өсім көрсетті. Осылайша, қойма, мейрамханалар мен қоғамдық тамақтану пункттерін жалға алу бағасы 4,1%-ға өсті.

Автокөлік жуу пункттерін жалға алу 4,3%-ға қымбаттады, одан кейін тұрмыстық қызмет көрсету, сервис пункттері – 3,8%-ға, валюта айырбастау орындары – 3,4%-ға, сауда үйлеріндегі орындар – 1,9%-ға, паркингтер – 1,5%-ға, әкімшілік-кеңсе орындары 1,4%-ға қымбаттады.