Жаңалықтар

Ресейлік астықты Қазақстан арқылы Өзбекстан, Ауғанстан мен Тәжікстанға заңсыз экспорттағандар анықталды. Тасымалданған астық құны – 1 млрд теңге.

Сұр импортының схемасын ҚМА Павлодар облысы бойынша департаменті облыстық көлік прокуратурасымен бірлесіп анықтаған.

«ЖШС 2021-2022 жж. 1 млрд теңгеден астам сомаға 8,3 мың тонна ресейлік астықты Өзбекстан, Ауғанстан және Тәжікстанға экспорттаған», дейді ҚМА.

Бұл ретте қазақстандық компания жеңілдетілген экспорттық тарифті пайдалану үшін отандық шаруа қожалықтарынан астықты қазақстандық деп растайтын жалған шот-фактуралар алған көрінеді.

«Бұл транзиттік тарифтен жалтарып, «ҚТЖ Жүк тасымалы» ЖШС-не 150 млн теңгеге жуық сомасында залал...

Қазақстанда көлік және теңіз жолдары арқылы шет мемлекеттерге түсті металл әкетуге тыйым салынуы мүмкін. Бұл туралы ҚазАқпарат«Ашық» НҚА порталында жарияланған Индустриялық даму комитетінің бұйрық жобасына сілтеме жасап хабарлады.

«Қазақстан аумағынан автомобиль және теңіз көлігінің барлық түрімен мыс, алюминий, қорғасын қалдықтары мен сынықтарын, істен шыққан қорғасын аккумуляторлардың қалдықтарын, құрамында қорғасын, кадмий немесе сынабы бар химиялық типі бойынша сұрыпталған және сұрыпталмаған түсті металдарды әкетуге 6 ай мерзімге тыйым салынсын», – делінген бұйрықта.

Бұл шектеу шараларын қадағалау Индустрия және инфрақұрылымдық даму министрлігі, Мемлекеттік кірістер комитеті мен Ұлттық қауіпсіздік комитетінің Шекара қызметіне жүктеледі.

2023 жылғы қаңтарда республикалық бюджеттен 274,1 млрд теңге сомасына зейнетақы төленді, оның ішінде базалық зейнетақы  – 84,2 млрд теңге, ынтымақты зейнетақы – 189,9 млрд теңге -деп, хабарлайды Еңбек және әлеуметтік қорғау министрлігінің баспасөз қызметі.

2023 жылғы 1 ақпандағы жағдай бойынша зейнеткерлер саны – 2 млн 292 мың адам.

2023 жылғы 1 ақпандағы жағдай бойынша жиынтық зейнетақының орташа мөлшері 120 659 теңгені құрады, оның ішінде ынтымақты зейнетақы мөлшері – 82 878 теңге, базалық зейнетақы – 37 781 теңге.

2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.

Бұл ретте...

Жаңа Зеландияда дауыл жүріп өткен аймақтарда мектептер, балабақшалар жабылды. Бұл туралы Хабар 24 сайты хабарлады.

Күре жолдардың біраз бөлігін лай басып қалған. Нейпир қаласында көп үйде жарық жоқ. Кей елді-мекендерге көлік қатынай алмайды. Шалғай жерлерге азық-түлікті тікұшақпен апарады. 

Ұлыбританияда дүкеннен электроника немесе жиһазды қарызға алып, бөліп төлейтіндер көбейген. Бұған енді билік алаңдаулы. Оппозициялық партия өкілдері де несиелеу компанияларын қадағалауды күшейтуді жеделдету керектігін талап етіп отыр. Бұл туралы Хабар24 сайты хабарлады.

Ұлыбритания да қымбатшылықтан құтылудың амалын таппай-ақ келеді. Елде бәрі қымбаттады. Азық-түлік пен коммуналдық қызмет ақысын айтпағанда киім-кешек, жиһаз, электрониканың бағасы шарықтап тұр. Тұтынушылар қажетін несиеге алып, онысын бөліп төлеуге дағдыланып келеді.

Қазір сатып ал да, кейін төле. Бұл шарт бойынша сатып алған заттың ақшасын бірден емес, белгіленген мерзімнен кейін немесе бөліп төлеуге болады. Мұндай қызметті несие ұйымдары ұсынады. Зерттеулерге қарағанда, тұтынушылар былтыр интернет саудасына жұмсаған...

Энергетика министрлігінің хабарлауынша, 2023 жылғы 18 ақпанда сағат 04.37-де Екібастұз ЖЭО-да су жылыту бөлігінің жылу желісін беру коллекторы зақымданды. Нәтижесінде салқындатқыш температурасының параметрлерін төмендету арқылы су жылыту қазандықтары тоқтатылды.

Хабарламаға сәйкес, шамамен сағат 20.00 кезінде жөндеу жұмыстары аяқталды, коллекторды толтырғаннан кейін сағат 23.00-де жылу желісінің параметрлерін көтеру үшін кезек-кезек су жылыту қазандықтарын іске қосылуы басталған.

«Қазіргі уақытта Екібастұз ЖЭО-да 6 қазандық жұмыс істеп тұр, жылу беру температурасы 70 градус. Оқиға орнында ТЖМ, Атом және энергетикалық қадағалау және бақылау комитеті өкілдерінің қатысуымен облыс әкімдігінің жедел штабы жұмыс істеуде. Бұл мәселе Үкіметтің бақылауында», делінген хабарламада.

Интернеттегі алаяқтық тәсілдері көпшілік арасында жақсы таныс болып, схемасы жұмыс істеуден қала бастаса, жаңа түрлері пайда болып жатады. Банктен хабарласып, «сіздің атыңыздан кредит рәсімделіп жатыр», «ақшаңыздың бәрін қауіпсіз шотқа салып қоюымыз керек» деген сыңайда ақпарат беретін алаяқтарға қазір көбі алдана қоймайды.

Тіпті әлеуметтік желіде оларға қалай тойтарыс беріп жатқанын жазып алып, бөлісетіндер көбейді. Мұның бәрі халықтың сауаты артып келе жатқанын білдіреді. Әйтсе де, сенімге кіріп алып, соңында қарызға батырып, ақшасыз қалдыратын жаңа тәсілдер пайда болды. Бүгінгі материалымызда сол туралы айтамыз.

«Кредит менеджерді әшкерелеуге көмектсеңіз» арнайы операциясы

 «Банктен хабарласып тұрмыз» десе, бірден қазақша сөйлеуін сұрап, содан соң алаяқпен қалжыңдасып кететін...

Қазіргі кезде еліміз бойынша жылыжай шаруашылығы қарқынды дамып келеді. Жылжайда жеміс-жидек өсіруді оңтүстіктегі кәсіпкерлер өте жақсы меңгеріп келеді. Тіпті, сарыағаштық кәсіпкер өз жылыжайында тропикалық жемістер өсіре бастады. Ол бірнеше гектар жерге қызанақ, қияр, құлпынайдан бөлек, тропикалық банан мен папайя отырғызған. Кәсіпкер сұранысқа ие жемістерді еліміздегі ішкі нарыққа шығаруды жоспарлап отыр. Бүгінгі қызықты сұхбатымыздың кейіпкері – Данияр Құнантайұлы.

Оның ауыл шаруашылығымен айналысып жүргеніне бірнеше жыл болды. Айтуынша, жылыжай шаруашылығы оңай кәсіп емес. Әр өнім мұқият күтімді талап етеді.

– Банан мен папайяны өсіру идеясы қалай келді?

– Негізі алғаш рет ағашта өсіп тұрған бананды Түркияда көрдік. Сол елдегі жылыжайларда бұл тропикалы...

Азаматтық алып, өзге елде көшу туралы көбіне өз-өзін толықтай қамтамасыз ете алатындар ойланады. Оның себебі де сан алуын. Мысалы, біреулер босануға жағдай жақсы жасалған, баласына азаматтық беретін елдерді таңдайды. Енді бірі жай ғана жақсырақ өмір сүру үшін көшуге шешім қабылдайды. Есіңізде болса, алдыңғы материалымызда азаматтық алу әдістеріне тоқталған едік. Бүгін сол тақырыпты әрмен қарай жалғаймыз.

 Жылжымайтын мүлік сатып алып азаматтыққа ие болуға бола ма?

         Әлемнің біршама елінде азаматтық алу үшін мемлекет экономикасына әжептәуір инвестиция құю керек. Соның ішінде жылжымайтын мүлік алу тәсілі практикада жиі қолданылады. Еуропа мемлекеттері ішінде тұрақты тұруға рұқсат алу жолы жеңілдеу елдерге тоқталайық.  

Құрамында құтқарушылар мен медицина мамандары бар алғашқы 38 адамнан тұратын топ мінген Төтенше жағдайлар министрлігінің Ил-76 борты Алматыға қонды, деп жазады ҚазАқпарат.

Түркияның Газиантеп қаласынан республикалық жедел құтқару жасағының 33 қызметкері келді. Олардың арасында 3 кинологтар тобы мен 5 апаттар медицинасының дәрігерлері бар. Бұл туралы Алматы қалалық Төтенше жағдайлар департаменті хабарлады.

Бұдан бұрын, М.Ғабдуллин атындағы Азаматтық қорғау академиясы студенттеріә алдында сөйлеген сөзінде Мемлекет басшысы Қасым-Жомарт Тоқаев Түркиядан аман-есен оралған соң құтқарушылар марапатталатынын айтқан болатын.

Әр адам өзінің орташа табысын білгені дұрыс. Ол жалақыңызбен бірдей болмауы мүмкін. Нақты көлемін білгеніңіз абзал. Себебі соған қарап «қосымша жұмыс керек пе?», «айлық көтеруін сұраған жөн бе?» деген сауалдардың жауабын таба аласыз. Сонымен қатар, орташа табыс мөлшері біршама төлемдердің көлемін анықтауға тікелей әсер етеді. Бүгінгі материалымызда орташа жалақы мөлшерін қалай есептеуге болатынын түсіндіреміз.

Орташа жалақы деген не?

Бұл — қызметкердің бір жылдық табысын 12-ге бөлгенде шығатын шама. Аталған көрсеткішті бухгалтерлер іс-сапар қағаздарын толтырғанда, еңбек демалысын, еңбекке жарамсыздық парағын, еңбек келісімшартын бұзған кездерде қолданады. Соған қарап төлем жасайды. Ескеретін жайт: орташа табыс пен орташа айлық ақы деген бір. Қызметкерлер...

Орал қаласының тұрғыны Арменияда ұрланған автокөлікті заңдастырғысы келген. Бұл туралы ҚазАқпарат хабарлады.

БҚО полиция департаментінің баспасөз қызметкері Дариға Мәжитованың айтуынша, иесі заңдастыруға әкелген «Ford Explorer» автокөлігінің Арменияда ұрланғаны анықталды.

«Шевролет Кобальт автокөлігінің шанақ нөмірін қолдан жасау дерегі белгілі болды. Оның құжаттарында да сәйкессіздіктер бар. Екі автокөлік сақтау қолхатымен қазіргі иелеріне қалдырылды. Аталған деректер бойынша ҚР ҚК 385-бабы 3-бөлігіне (көрінеу жалған құжатты пайдалану) сәйкес сотқа дейінгі тергеу амалдары басталды. Бұл бап бойынша айыпты деп танылған адам 160 айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не 160 сағатқа дейiнгi мерзiмге қоғамдық жұмыстарға тартуға не қырық тәулікке...

Өскемен қаласында ата-аналар балаларының мектепке келіп-қайтқанын мобильді қосымша арқылы бақылауына мүмкіндік беретін жоба жүзеге асып жатыр. Бұл туралы ҚазАқпарат хабарлады.

ШҚО цифрландыру және архивтер басқармасының мәліметіне сүйенсек, Жобаның атауы – «Ата-ана бақылауы».

«Жобаға қала бойынша 55 білім ордасы қатысып жатыр. Сол арқылы ата-аналар балаларының мектепке келгені және кеткені туралы автоматты түрде хабардар етіліп отырады. Осы үшін арнайы мобильді қосымша әзірленіп жатыр», – дейді басқарма басшысы Рүстем Досқожа.

Оның айтуынша, биыл террористік тұрғыдан осал объектілердегі өрт қауіпсіздігін басқару жүйесіне қатысты пилоттық жоба енгізілмек.

Нәтижесінде, 10 әлеуметтік білім беру және денсаулық сақтау нысанында облыстық ситуациялық орталықтың басқару пультіне сигнал беру арқылы...

Австралияда Олимпиадаға дайындық басталды. Қомақты қаржыға жаңа ареналар салынып, қолданыстағы стадиондар жөнделеді. Бұл туралы Хабар 24 сайты хабарлады.

2032-ші жылғы жазғы Олимпиада ойындары  БрИсбен қаласында болады. Олимпиада тарихында Австралия ауқымды спорттық іс-шараны екі мәрте өткізді. Алғаш рет 1956-ші жылы Мельбурнде, ал 2000-шы жылы Сиднейде ұйымдастырды.

 Нұрсұлтан Нұрсипат, экономист, сарапшы

Батыс елдерінің белді басылымдары Қазақстандағы соңғы экономикалық оң өзгерістерге сараптама жасауда.  Әсіресе, Еуропа елдерінің инвесторларының елімізге қайта оралып жақтандығына тоқталады.  Сонымен қатар, Қытай да қайта оралды дейді.  Кейбір сарапшылар, Қытай  Қазақстанды өздерінің «Бір белдеу, бір жол» саясатының плацдармына айналдырды деп есептейді. Олардың жазуынша пандемия үзілісінен соң  Қазақстанда Қытай белсенділігі күрт артуы мүмкін.  Түрлі инвестицияларымен қызықтыру арқылы  бізді   Шығыстағы көршіміз өз уысында ұстағысы келеді деген болжам жасайды.

   Қытайдың «бір белдеу, бір жол» деген жобасы осыдан бірнеше жыл бұрын қолға алына бастағанын білеміз.  Бұл жерде негізгі қауіп қытай инвестицияларының өсуінен бөлек, Қытай үшін Қазақстан толыққанды шикізат орталығы...

Түркияның оңтүстігінде болған жойқын жер сілкіністерінен қаза тапқандар саны 39 672-ге жетті. Бұл туралы CNN Türk телеарнасының эфирінде елдің Ішкі істер министрлігінің басшысы Сүлейман Сойлу мәлімдеді, деп хабарлады Анадолу сайты.

Іздестіру-құтқару жұмыстары апат кезінде құлаған 20 мыңнан астам ғимараттың орнында жүргізілген.Ведомство басшысы іздестіру-құтқару жұмыстарының басым бөлігі аяқталғанын хабарлады.

6 ақпанда Түркияның оңтүстік-шығысында магнитудасы жеті балдан асатын екі жер сілкінісі болды (жергілікті уақыт бойынша 04.17 – де – 7,7 балл және 13.24-те-7,6 балл).

Түркияның оңтүстік-шығысындағы жойқын жер сілкінісі салдарынан қаза тапқандар саны 38 мыңнан асты.

Президент Режеп Тайып Ердоған Түркияда табиғи апат құрбандары үшін Жалпыұлттық аза тұту туралы жариялады.

Тесла АҚШ-та сатылған 362 мыңнан аса электромобилін кері қайтаруға тиіс. Өйткені бағдарламалық қамтамасыз ету нұсқасы жаңартуды қажет етіп отыр. Бұл туралы Хабар 24 сайты хабарлады.

АҚШ-тың жол қозғалысы қауіпсіздігінің ұлттық басқармасы осындай талап қойды. Басқарма мамандарының пікірінше, бағдарлама жаңартылмаған жағдайда көлік жол апатына ұшырауы мүмкін. Тесла басшылығы мұнымен келіспейді. Бірақ қауіпсіздік мақсатында электрмобильдерді кері қайтаруды ұйғарған. Жүргізушілерге сәуірдің 15-не дейін хабарлама жіберіледі.

ҚР Премьер-Министрі Әлихан Смайылов Инвестициялық ахуалды жақсарту жөніндегі кеңестің кезекті отырысын өткізді. Бұл туралы Үкімет баспасөз қызметі хабарлады.

2022 жылдың қорытындысы бойынша Қазақстан экономикасы оң өсу қарқынын көрсетіп, инвестициялық тартымдылығын сақтап қалды. Атап айтқанда, өткен жылдың 9 айында республикаға тартылған тікелей шетелдік инвестициялардың жалпы көлемі 17,8%-ға өсіп, $22,1 млрд-ты құрады.

«Жаңа экономикалық жағдайда ҚР Үкіметі шетелдік инвесторлардың жұмысы үшін қолайлы жағдай жасап келеді. Бизнес-жобаларға тұрақты негізде фискалдық және фискалдық емес жеңілдіктерді, сондай-ақ преференцияларды қамтитын жан-жақты қолдау көрсетіліп отыр», — деді Үкімет басшысы.

Қазақстанның инвестициялық тартымдылығын жақсартудың маңызды қыры – болжауға болатын және ашық салық саясаты. Осыған байланысты фискалдық реттеуд...

Халықаралық футбол федерациясының (ФИФА) қоры Түркия мен Сириядағы жер сілкінісінен зардап шеккендерге 1 миллион доллар бөледі. Бұл туралы Анадолу сайты хабарлады.

Қор Түркия мен Сириядағы зілзала құрбандарының жалпы саны 42 мыңнан асқанын, ондаған мың адамның баспанасыз қалғанын еске салды.

Ұлттық статистика бюросының деректері бойынша 2022 жылғы қаңтар-желтоқсанда өндірілген ЖІӨ көлемі 101,5 трлн теңгені құрады. Ал Қазақстан Ұлттық Банктің орташа жылдық бағамы бойынша 220,5 млн доллларды құрады. ЖІӨ-нің бір жылдағы өсім 3,2%-ға жетті.

Құрылыс (9,4%), ауыл және балық шаруашылығы (9,1%), ақпарат және байланыс (8,0%), көтерме және бөлшек сауда (5,0%), көлік саласы (3,9%), өңдеу өнеркәсібі (3,4%)-ға өсті.

Жан басына шаққандағы ЖІӨ 2022 жылы 11,2 мың USD құрады. Ал 2021 жылмен салыстырғанда нақты мәнде 0,1% – ға төмендеді.

2021 жылғы ЖІӨ-дегі бақыланбайтын экономиканың «ресми» деңгейі 0,48% -ға қысқарып, 19,75%-ды құрады.

«Кез келген азаматтың бас қайғысы – баспана» деп кесіп айтсақ, кемшілік болмас. Қазақстанда тұрғын үй құрылысы қарқынды жүріп жатыр, сонымен бірге үйсіз жүрген азаматтар саны да аз емес. Бірақ қарқынды жүріп жатқан құрылыс иелерінің көбі мемлекеттің кепіл саясатын айналып өтуге машықтанған. Салдарынан көп жағдайда үлескерлер үйсіз қалып жатады. Қалалық әкімдік араға айлар салып нарықтағы сенімсіз құрылыс компанияларының тізімін жаңартып отырады.

Қазір елордада құрылыс қарқыны өте жоғары. Қаланың құрылыс жүріп жатпаған ауданы кемде-кем. Осыған орай құрылыстың бастапқы сатысындағы үлескерлердің ақшасын қабылдауға тиісті рұқсаты жоқ құрылыс ұйымдарының тізімі жасалды деп хабарлайды Астана әкімдігі.

Әкімдіктің хабарлауынша, қолданыстағы заңнаманы айналып өтіп жасалған...

Әлеуметтік маңызы бар азық-түлік тауарларына бағалар 0,3%-ға, жылдық мәнде 23,6%-ға өсті Әлеуметтік маңызы бар азық-түлік тауарларының тізбесіне 19 атау кіреді. Баға өзгерісі туралы көрсеткіштер апта сайын жаңарып отырады. Бұл туралы ҚР Ұлттық статистика бюросы хабарлады.

Бағаның өзгеруі туралы ақпарат барлық облыс орталығынан, республикалық маңызы бар қалалардан және астанадан жиналады.

Ол үшін елдімекеннің әртүрлі бөліктерінде орналасқан тауарлардың кең ассортименті бар әртүрлі типтегі сауда объектілері (гипермаркеттер, супермаркеттер, дүкендер, коммуналдық базарлар, әлеуметтік дүкендер мен павильондар) таңдалады.

ҚР бойынша әлеуметтік маңызы бар кейбір тауарлардың орташа бағасы

Сүт 2,5% – 353 тг/л

Қант – 459 тг/кг

Сәбіз...

Ақмола облысындағы шаруалардың инвестициялық субсидиялау бағыты бойынша 51,5 млн теңге сомасына 6 өтініші мақұлданды. Өтінімдер gosagro.kz субсидиялаудың бірыңғай мемлекеттік ақпараттық жүйесінде тіркеу кезектілігі тәртібімен қаралды. Бұған дейін Қостанай облысының ауыл шаруашылығы тауарын өндірушілеріне жалпы сомасы 12 млн теңгеден астам алғашқы субсидиялар жіберілген болатын. Бұл туралы ҚР АШМ баспасөз қызметі хабарлады.

Еске сала кетейік, жүйеде «күту парағы» тетігі іске қосылды, онда бюджеттің болуына қарамастан реттік нөмір беріліп, мақұлданған өтінімдер келіп түседі. Осылайша, бюджет фермер тарапынан қосымша әрекетсіз тек «күту парағында» өтінімдер бойынша, бірінші күннен келесі күнге автоматты түрде бөлінеді.  Бұл тәсіл қаражатты бөлудің ашықтығын қамтамасыз етеді және субсидияларды төлеу кезінде...

Қазақстан дүниежүзілік деректер ашықтығының Open Data Inventory (ODIN) рейтингісінде 6 позицияға көтерілді. Бұл туралы Ұлттық статистика бюросы хабарлады.

2020 жылы біздің ел 54-ші орында болған. 2021-2022 жылдар аралығында Қазақстанның жалпы балы деректерді қамту бойынша 57-ден 59-ға, деректердің ашықтығы бойынша 65-тен 68-ге дейін артты. Рейтинг елдің статистикалық ұсыныстарының толықтығын және олардағы ақпараттың халықаралық ашықтық стандарттарына сәйкестігін бағалайды.

Рейтинг қорытындысы бойынша Сингапур бірінші орынды иеленді, одан кейін Дания мен Финляндия.

Open Data Inventory (BDI) Дүниежүзілік ашық деректер рейтингі Open Data Watch халықаралық коммерциялық емес ұйымы тарапынан әзірленеді. ODIN ашық деректер саясатын ілгерілету, қолжетімділікті жақсарту және Ұлттық статистикалық басқармалар мен...