Жаңалықтар

2023 жылдың 1 қаңтарынан бастап Қазақстанда цифрлық майнинг үшін төлемақы ставкасының прогрессивті шкаласы қолданылатын болады. Ставканың өзгеруі тұтынылған электр энергиясы бағасының құнына байланысты. Бұл туралы ҚР ҚМ Мемлекеттік кірістер комитетінде хабарлады.

2022 жылғы 11 шілдеде Қазақстан Республикасының Салық кодексіне цифрлық майнинг үшін төлемақы ставкасының өсуін көздейтін түзетулерге қол қойылды (№ 135-VII ҚРЗ).

Салық кодексінің 606-3-бабының жаңа редакциясына сәйкес, цифрлық майнинг үшін төлемақының мөлшері электр энергиясының 1 киловатт-сағаты құнына байланысты болады. Арзан бағада электр энергиясын қолданған кезде төлемақының ставкасы жоғары, яғни 25 теңге болады.

Егер, керісінше, қолданған электр энергиясы қымбат бағада, яғни 24 теңгеден жоғары болса, төлемақы ставкасы төмен болады, яғни...

Қазақстанның депозиттерге кепілдік беру қоры (бұдан әрі – ҚДКБҚ) таратылатын «Capital Bank Kazakhstan» АҚ 40 мыңнан астам салымшысының кепілдік өтемақысының талап етілмеген сомасын Бірыңғай жинақтаушы зейнетақы қорындағы (бұдан әрі – БЖЗҚ) зейнетақы шоттарына аударды. Бұл туралы қордың баспасөз қызметі хабарлады.

«Capital Bank Kazakhstan» АҚ салымшыларына төлемдер ағымдағы жылдың 3 шілдесінде аяқталды. Бір жыл ішінде ҚДКБҚ банк салымшыларына кепілдіктің жалпы сомасының 92%-дан астамын өтеді, бұл шамамен 1,6 млрд теңгені құрайды.

Кепілдіктің қалған бөлігі талап етілмей қалды, себебі кейбір салымшылар төлем мерзімі ішінде өтемақы алуға өтініш бермеген. Негізінен азғантай сомалар қалды. Олар «Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы» Заңына сәйкес БЖЗҚ-ға төлем...

Алматыда 29-31 шілде күндері өткен «Қазақстанның үздік тауары» өңірлік көрме-байқауының жеңімпаздары анықталды. Қатысуға 100-ге жуық алматылық компания өтінім берген.

Осы үш күн ішінде қала қонақтары көрмені тамашалап, жергілікті тауарлармен танысты. Өз кезегінде өндірушілер көрменің тегін алаңында өнімдерін қойды, іскерлік байланыстарын кеңейтті, ынтымақтастық туралы уағдаласып, келісімшарттар жасады.

«Қазақстанның үздік тауары» көрме-байқауы сияқты алаңдар даму, жетілу, танылу үшін жақсы мүмкіндік береді. Байқауға қатыса отырып, компания ілгерілеудің жаңа кезеңіне шығады, байқау талаптарына қарай сапа стандарттарына сәйкестігін растайды, өз өнімін отандық тауар өндірушілердің үлкен көрмесінде ұсынуға мүмкіндік алады. Көрмеге қойылған тауарлар көз жауын алады. Осы тауарларды барлығы Алматыда шығарылады деп ауыз толтырып айтуға болады...

Роналду бір күнде шамамен осындай қаражат алады

Англия құрамасының футболшылары өткен жексенбіде аяқталған әйелдер арасындағы Еуропа чемпионатында жеңіске жеткені үшін 65,5 мың еуро алды. Бұл туралы Daily Star хабарлайды.

Футбол стандарттары бойынша бұл өте қарапайым төлем. Мысалы, «Манчестер Юнайтед» шабуылшысы Криштиану Роналду бір күнде шамамен осындай соманы алса, 37 жастағы португалиялықтың апталық табысы 458 мың еуроны құрайды.

Салыстыру үшін айтсақ, өткен жылы Еуропа чемпионатының күміс жүлдегері атанған Англия ерлер құрамасының ойыншылары турнирдің финалына шыққаны үшін 300 мың еуро алды. Еске салайық, Уэмблиде өткен әйелдер арасындағы Еуро-2022 финалында Англия құрамасы Германияны 2:1 есебімен ұтып, тарихта тұңғыш рет құрлы...

Төмендегі мақалада Қазақстанда ипотеканың қандай түрі бар, банктер қанша пайызбен несие береді, ипотекамен үй алу үшін айлық табыс қанша болуы керек және алғашқы жарна ақшасын қалай жинау керек деген сұрақтарға жауап іздейміз.

Елімізде онға жуық екінші деңгейлі банк және «Отбасы банк» ипотека береді. Сыйақы мөлшерлемесі 17,5 пайыздан басталады. Ипотека беретін банктер:

Нарықтық ипотеканы алу үшін бүкіл кредит бойынша барлық төлем сомасы айлық табыстың 50 пайызынан аспауы керкек. Егер ипотека бойынша айлық төлем 200 мың теңге болса, демек сіз айына 400 мыңнан кем таппауыңыз қажет болады.

Қандай құжаттар керек?

Мемлекет басшысы Қасым-Жомарт Тоқаев қысқа мерзімді еңбек демалысына шықты

Мемлекет басшысы Қасым-Жомарт Тоқаев демалысқа шықты. Бұл туралы Ақорданың баспасөз қызметі хабарлады. Президенттің қысқа мерзімді еңбек демалысына шыққаны атап өтілген.

Алайда нақты күндер жарияланған жоқ.

Мексикалық боксшы Сауль «Канело» Альварес (57-2-2, 39 КО) жергілікті БАҚ өкілдеріне берген сұхбатында қазақстандық Геннадий Головкинмен (42-1-1, 37 КО) алдағы үшінші жекпе-жегі туралы айтты, деп хабарлайды Sports.kz.

«Мен рингке қайта оралуды және Головкиннің мансабын аяқтауды асыға күтемін. Қазір мен жеңілістерді бастан өткеріп жатырмын және менің қайтып оралуым мен үшін үлкен мотивация. Маған әртүрлі сынақтар ұнайды, өзімді тірі сезінемін», – деп мойындады Канело.

Еске салайық, Головкин мен Канело трилогиясы 17 қыркүйекте Лас-Вегастағы (АҚШ, Невада) T-Mobile аренасында өтеді.

Қазақстанда ПТР-тестінің оң нәтижесі бар коронавирус бойынша 2022 жылғы 1 тамыздағы эпидемиологиялық жағдай туралы COVID-19 таралуына жол бермеу жөніндегі ВАК хабарлады.

Өткен тәулікте коронавирус инфекциясын жұқтырған 2021 жағдай тіркелді.

Елімізде коронавирус инфекциясын жұқтырғандар саны 1 354 615 жетті.

Оның ішінде: Нұр-Сұлтан қаласында – 958, Алматы қаласында – 345, Шымкент қаласында – 18, Ақмола облысында – 65, Ақтөбе облысында – 63, Алматы облысында – 62, Жетісу облысында – 75, Атырау облысында – 13, Шығыс Қазақстан облысында – 20, Абай облысында – 25, Жамбыл облысында – 41, Батыс Қазақстан облысында – 32, Қарағанды облысында – 150, Ұлытау облысында...

АҚШ президенті Джо Байден Ауғанстандағы «Әл-Қаида» лаңкестік ұйымының жетекшісі Айман әл-Завахиридің көзі жойылғанын растады. Бұл туралы Анадолу сайты хабарлады.

Ақ үйден сөйлеген Байден жексенбі күні оның келісімімен Кабулда отбасымен жасырынып жүрген әл-Завахири жетекшісіне қарсы операция жүргізілгенін айтты.

АҚШ президентінің айтуынша, АҚШ ешқашан Ауғанстанның қайтадан лаңкестердің баспанасына айналуына жол бермейді.

«Бұл террористердің көшбасшысы енді жоқ», – деді Байден.

«Бүгін түнде біз қанша уақыт өтсе де, қайда жасырсаңыз да, біздің халқымызға қауіп төндіретін болсаңыз, АҚШ сізді табатынын қайталаймыз», – деді Байден.

Америка Құрама Штаттарының президенті операцияны сәтті деп атап, америкалық барлау қызметіне «қайсарлығы мен шеберлігі» үшін алғыс айтты.

Сауда-саттық қорытындысы бойынша, 29 шілдеде теңгенің нарықтық бағамы бір аптада 1,4%-ға (483,88 теңгеден) нығайып, 1 АҚШ доллары үшін 477,09 теңге деңгейінде қалыптасты. Сыртқы валюта нарығында бірқатар маңызды оқиға болды. Бұл туралы Ұлттық Банк баспасө қызметі хабарлады.

Оның ішіндегі маңыздысы – шілдедегі отырыстың қорытындысы бойынша АҚШ ФРЖ-ның есептік мөлшерлемені 2,35-2,5%-ға дейін 75 б.п. арттыруы болды. Бұл көптеген талдаушылардың болжамына сәйкес келеді. АҚШ экономикасының жай-күйі туралы деректердің шығуы (ЖІӨ екінші тоқсанда жылдық есеппен 0,9%-ға қысқарды) және АҚШ ФРЖ басшысының АҚШ-тағы рецессиядан қауіптеніне байланысты пайыздық мөлшерлемелердің арту қарқынының ықтимал бәсеңдейтіні туралы тиісті риторикасы, көбіне, дамушы нарықтардағы валюталардың оң динамикасын қалыптастарды.

Дамушы елдерде АҚШ...

Келтірілген жалпы шығын көлемі 2 млн теңгеден асады

Таразда қант алып беремін деп тұрғындарды 2 млн теңгеге алдаған алаяқ ұсталды, – деп хабарлайды Polisia.kz .

29 шілдеде Тараз қалалық 2-полиция бөліміне облыс орталығының бірнеше тұрғынынан бейтаныс азаматшаның арзан бағамен қант жеткізіп беремін деп сенімдеріне кіріп, алаяқтық жолмен қаржыларын иеленіп кеткені туралы арыз түсті. Келтірілген жалпы шығын көлемі 2 млн теңгеден асады.

Полиция қызметкерлерімен жүргізілген «Anti-fraud» жедел-іздестіру жұмыстарының нәтижесінде, 23 жастағы Тараз қаласының тұрғыны анықталды. Күдікті кінәсін толық мойындады. Сондай-ақ, оның басқа да осыған ұқсас қылмыстарға қатыстылығы анықталуда. Қазіргі уақытта аталған дерекке қатысты ҚР ҚК-нің 190-бабы 1-бөлігімен...

Экология, геология және табиғи ресурстар министрі Серікқали Брекешев елімізде геология саласы қалай дамып жатқанын түсіндірді.

Бүгінде ол салада цифрландыру жұмысы жүргізіліп жатқанын, ақпаратқа қолжетімділік басты назарда болатынын атап өтті.

«2019 жылдан бастап тендерлік рәсімдер өткізілді. Осылайша, Қазақстан минералды ресурстарының ұлттық деректер банкін әзірлеу жөніндегі мердігер анықталды. Ақпараттық жүйені әзірлеуге «Қазгеология» ұлттық геологиялық барлау компаниясы тапсырыс берді. Мердігер «Транстелеком» компаниясы болып белгіленді. Ұлттық банк жер қойнауын пайдалану саласындағы 8 құрамдауыш пен 21 бизнес-процесті әзірлеуді көздейді. Геологиялық ақпаратты цифрландыру жоспарлы түрде жүргізіліп жатыр. Оған «Қазгеоақпарат» республикалық геологиялық ақпарат орталығы жауап береді. Бүгінде 142 мың геологиялық ақпарат цифрландырылды», – деді Серікқали Брекешев ҚР...

400 мыңға жуық өтініш түсті

Қабылдау мерзімі 4 айға созылды. 400 мың өтініштің 80%-ы электронды форматта. 70%-ы мемлекеттік тілде оқуға құжат тапсырды. Бұл туралы Білім және ғылым министрлігі хабарлады.

Бірінші сынып оқушыларының ең көп саны: Абай, Шығыс Қазақстан, Батыс Қазақстан, Қостанай және Қарағанды ​​облыстарында, сондай-ақ Нұр-Сұлтан, Алматы және Шымкент қалаларында.

Балаларды қазақ тілінде оқытатын сыныптарға қамтудың жоғары көрсеткіші: Қызылорда (89,6%), Ұлытау (86,6%), Маңғыстау (86,2%), Жамбыл (80,4%) облыстары. Бұл – балаларды 1-сыныпқа қабылдау науқанының қорытындысы.

Оқу жылының басталуына бір ай қалды. Енді мектептер оқу-тәрбие үрдісін сапалы дайындауға және ұйымдастыруға, сынып жиынтықтарын қалыптастыруға кіріседі

Осыдан бірнеше күн бұрын электр ақауына байланысты Атырау мұнай өңдеу зауытының жұмысы тоқтап қалған еді. Зауыттың ресми сайты таратқан ақпарат бойынша «KEGOC» АҚ-ның электр қуатын жоспардан тыс тоқтатып тастауы МӨЗ-дің жұмыс режиміне зиянын тигізіп, апатты жағдай туындатқан. Сөйтіп, МӨЗ электрмен жабдықтау жүйесі толық тұрақтанғанша зауыттың отын желісін технологиялық регламентке сәйкес алау жүйесіне бағыттаған еді.

28 шілде күні «ҚазМұнайГаз» ҰК АҚ Басқарма төрағасы Мағзұм Мырзағалиев Атырау мұнай өңдеу зауытында болып, қалпына келтіру жұмыстарының барысымен танысқан.

«Қазіргі уақытта Атырау МӨЗ-інде динамикалық жабдықтар мен қондырғыларды кезең-кезеңімен іске қосу жүргізілуде. Мағзұм Мырзағалиев кәсіпорын басшылығына қысқа мерзімде іске қосу-реттеу жұмыстарын аяқтауды, жабдықтың жұмысқа қабілеттілігін қалпына...

«AMANAT» партиясы жанындағы «Жер аманаты» комиссиясы Қостанай облысында болды. Аймақтағы көшпелі кеңес қорытындысы бойынша мемлекет меншігіне 27,9 мың га жайылым жер қайтарылды.

«AMANAT» партиясы жанындағы «Жер аманаты» комиссиясы белсенді жұмыс істеп жатыр. Қостанай облысында партия мүшелерінің күш салуымен жалпы ауданы 27,9 мың га жайылым мемлекет меншігіне қайтарылды.

Атап айтқанда, Федоров ауданында 7,1 мың га, Науырзым ауданында – 20,8 мың га қайтарылды, ал Меңдіқара ауданында ірі шаруа қожалықтарының бірімен 3,4 мың га жерді көпшіліктің қолданысы үшін өтеусіз беру туралы меморандум жасалды.

«Біздің комиссияның басты мақсаты – пайдаланылмай жатқан, оның ішінде заңсыз жеке меншікке өтіп кеткен жайылымдарды қайтару және оларды ауыл тұрғындары...

Республикада инфляция 15 пайызға дейін өсті

2022 жылғы шілдеде (2021 жылғы шілдеге) азық-түлікке жатпайтын тауарлардың баға өсімі 14,2% құрады. Баға деңгейі жеке қолданылатын тауарларға – 26,3%, жуу және тазалау заттарына – 23,5%, тұрмыс құралдарына – 22,6%, құрылыс материалдарына – 20,5%, жиһаз және үйге қажетті заттарға – 19,1%, автомобильдерге– 15,2%, ыдысқа – 14,8%, тоқыма бұйымдарына – 11,5%, фармацевтикалық өнімдерге 9,7% өсті. Бұл туралы Ұлттық статистика бюросы хабарлады.

Бір жылда (былтырғы және биылғы шілдеге) ақылы қызметтер бағасы 9,2% өсті. Баға деңгейі кешенді демалу ұйымдарына – 19,1%, қоғамдық тамақтандыру қызметтеріне – 16,8%, денсаулық сақтау қызметтеріне – 15%, санаторий қызметтеріне...

Шымкент тұрғыны Аделина Абдулованың балалары жазғы лагерге жолдама ала алмаған. Көпбалалы ана балаларының құқығы шектелгенін айтып, Оқу-ағарту министрінің «Ашық диалог» порталындағы блогына хат жазған. Жекеменшік мектеп оқушыларының лагерге жолдама алу құқығы неге шектелген, оны қалай шешуге болатынын анықтап көрдік.

«Бес балам бар. Биыл балалар лагеріне жолдама алғым келді, бірақ Шымкент қаласының білім басқармасы ондай құқығымның жоқ екенін айтты. Себебі балалар жекеменшікте оқиды. Бірақ олар мемлекеттік бюджет есебінен оқиды. Мен жұмыс істеймін, соған байланысты балалардың сабақтан бір уақытта келгенін қаладым. Ал мемлекеттік мектептен олар түрлі уақытта босайды. Енді оларды тегін лагерге жібере алмай жүрмін. Онда баруы үшін мемлекеттік мектепте оқуы керек...

Маймыл шешегінің өршуі биотехнологиялық қорлардың драйвері болуы мүмкін

Bloomberg агенттігінің хабарлауынша, бүкіл әлемдегі инвесторлар маймыл шешегінің вирусын емдеуді ұсына алатын биотехнологиялық компаниялардың акцияларын сатып алуда.

Сонымен, басты назар Bavarian Nordic A/S, Siga Technologies және Precision System Science болып табылады. Бірінші компания әзірге маймыл шешегіне қарсы вакцинаны әлемдегі жалғыз өндіруші болып табылады. Сұранысқа ілесу үшін басқа да компаниялар ғылыми зерттеулер мен өндірісті кеңейтуі мүмкін.

Қытай өндірісі коронавирустың өршуі кезінде төмендеді

Reuters агенттігінің хабарлауынша, Қытайдағы өнеркәсіп өндірісі екінші тоқсанда екі жыл бұрын коронавирустың алғашқы өршуінен бергі ең баяу өсуді көрсетті.
Өндірістегі сатып алу менеджерлерінің индексі шілдеде 49-ға түсіп, маусым айымен салыстырғанда...

Қазақстанда ПТР-тестінің оң нәтижесі бар коронавирус бойынша 2022 жылғы 31 шілдедегі эпидемиологиялық жағдай туралы COVID-19 таралуына жол бермеу жөніндегі ВАК мәлімдеді.

Өткен тәулікте коронавирус инфекциясын жұқтырған 2414 жағдай тіркелді.

Елімізде коронавирус инфекциясын жұқтырғандар саны 1 352 594 жетті.

Оның ішінде: Нұр-Сұлтан қаласында – 947, Алматы қаласында – 464, Шымкент қаласында – 18, Ақмола облысында – 101, Ақтөбе облысында – 12, Алматы облысында – 44, Жетісу облысында – 42, Атырау облысында – 41, Шығыс Қазақстан облысында – 8, Абай облысында – 35, Жамбыл облысында – 71, Батыс Қазақстан облысында – 40, Қарағанды облысында – 367, Ұлытау облысында – 17, Қостанай...

Боксшылар арасындағы жекпе-жек 17 қыркүйекте Лас-Вегаста өтеді

Танымал америкалық бокс бапкері және сарапшы Стивен Эдвардс Геннадий Головкиннің үшінші жекпе-жегінде Сауль «Канело» Альваресті мерзімінен бұрын жеңу мүмкіндігіне баға берді, деп жазады Sports.kz.

Екінші орта салмақтағы «абсолют» үшін қазақстандық және мексикалық боксшылар арасындағы жекпе-жек 17 қыркүйекте Лас-Вегаста өтеді.

«Мен GGG Канелоны тоқтата алатынына сенбеймін. Қалай болғанда да, «Канело» өз күшін жинай алады. Головкиннің құдіреті зор болғанымен, «Канелоны» 24 раундта нокаутқа түсіруге де жақындаған жоқ. Бұл Холифилд пен Тайсон арасындағы текетірес сияқты нәрсе. Қандай да бір себептермен Холифилд оның күшіне төтеп бере алды», – деді Эдвардс.

Атырау облысында кеше түнде Махамбет ауданының әкімі Ринат Жанқылыш Жайық өзеніне батып кетті, деп хабарлайды «Хабар 24» .

Ақпаратты облыстық Төтенше жағдайлар департаментінің баспасөз қызметі растады.

«Махамбет ауданы Ортақшыл ауылында Жайық өзенінде белгісіз жағдайда 1982 жылы туған аудан әкімі суға батып кетті», – деп хабарлады ТЖД.

Оқиға орнына Атыраудан облыстық Төтенше жағдайлар департаментінің жедел-құтқару жасағының үш құтқарушысы мен техникасы шықты.

Еске салайық, Ринат Жанқылыш Атырау облысы Махамбет ауданының әкімі болып 2021 жылдың 2 ақпанында тағайындалған болатын.

Қайғылы оқиғаның мән-жайы анықталуда.

Еуроодақ (ЕО) елдеріне ресейлік көмірді жеткізуге толық тыйым дүйсенбі, 1 тамызда күшіне енеді. Бұл туралы iz.ru сайты хабарлады.

Еуропалық Комиссия (ЕК) салған санкциялар жеке, сауда, көлік және энергетикалық шектеулерге, соның ішінде көмір импортына эмбаргоға қатысты болды.

Еурокомиссия басшысы Урсула фон дер Лейен Еуропалық Одақ Ресейден жылына 4 миллиард еуро көлеміндегі көмір импортына тыйым салатынын айтты. Көмір эмбаргосы 2022 жылдың тамызынан бастап күшіне енеді. Бұған дейін ЕО-қа көмір импортының жылдық көлемі 8 миллиард еуроны құраған.

Елдегі өрт орасан орман алқаптарын шарпуда

Метео-Франция дүйсенбіден бастап бүкіл елде ауа температурасы қалыпты деңгейден жоғары болады деп болжайды. Көп жерде ол 35 градустан асады. Елдің оңтүстік-батысында ауа температурасы 39 градусқа дейін көтерілуі мүмкін.

Жексенбіден бастап елдің Жерорта теңізі аймағында (Окситания, Прованс және Корсикада) кейбір жерлерде кем дегенде 37 градусқа жеткен маусымдық желдер салдарынан өрт қаупі өте жоғары болады деп болжануда.

Маусым және шілде айларында Францияда бірнеше тарихи температура рекордын жаңартқан екі аптап ыстық болды. Еліміздің әртүрлі аймақтарында орман өрттерін сөндіруге мыңдаған өрт сөндірушілер жіберілді. Өрт орасан орман алқаптарын шарпыған.

Иранда муссондық жаңбыр су тасқынына әкеліп соқты. 69 адам қаза тапты деп хабарлайды Tasnim ақпарат агенттігі Иранның дағдарысты басқару ұйымына сілтеме жасап.

Оның айтуынша, тағы 45 адам із-түзсіз жоғалған, оның ішінде үшеуі Ирак азаматы. Іздеу-құтқару операциясы жалғасып жатқандықтан, қаза тапқандар саны артуы мүмкін.

Атап өткендей, муссондық жаңбыр мен су тасқыны Иранның 31 провинциясының 20-сында 111 қала мен 310 ауылды зардап шекті.