Жаңалықтар

Қызды еркінен тыс алып қашқан адам 10 жылға дейін бас бостандығынан айырылуы мүмкін. Бас прокуратура адам алып қашу – ауыр қылмыс екенін тағы да ескертеді.

2025 жылғы 16 қыркүйектен Қылмыстық кодекстің 125-1-бабы күшіне енеді. Аталған нормаға сәйкес, адамды некеге тұруға немесе бірге тұруға мәжбүрлеу, сондай-ақ осы мақсатта адам ұрлау қылмыс болып саналады.

Ескі заңнамада біреуді ұрлап әкетіп, артынша өз еркімен жібергендер үшін ешқандай жауапкершілік қарастырылмайтын. Былтырдан бастап бұл бап алынып тасталды.

Енді бұл әрекеті үшін кінәлі тұлға 7 жылға дейін, ал ауырлататын жағдай болса, 10 жылға дейін сотталып кетуі мүмкін.

Заңнамада...

Қазақстанда вице-президентті ел Президенті Құрылтай депутаттарының көпшілік дауысымен берілген келісімі негізінде тағайындайды. Оны қызметінен босату құқығы да Мемлекет басшысына тиесілі болады.

Комиссия мүшесі Ержан Жиенбаев комиссияның алғашқы отырысында вице-президенттің өкілеттігіне қатысты конституциялық өзгерістерді таныстырды.

Вице-президент Президенттің тапсырмасы бойынша Қазақстан Республикасының халықаралық қатынастардағы мүдделерін білдіреді, сондай-ақ Құрылтаймен, Үкіметпен және өзге де мемлекеттік органдармен өзара іс-қимыл барысында Президенттің атынан өкілдік етеді

.Сонымен қатар Президент атынан Қазақстанның және шетелдердің қоғамдық-саяси, ғылыми, мәдени-ағартушылық ұйымдарымен байланыс орнатады. Вице-президенттің өзге де өкілеттіктерін Президент айқындайды.

Вице-президент институты енгізілуіне байланысты Конституциядан Мемлекеттік кеңесші туралы нормалар алынып тасталады. Сондай-ақ Конституция деңгейінде Вице-президентке қойылатын талаптарды бекіту көзделіп...

Парламенттік реформа жөніндегі жұмыс тобы конституциялық реформаны іске асыру барысында бірқатар маңызды ұсыныс енгізген. Осы өзгерістер Парламент құрылымын жетілдіру, сайлау жүйесін реформалау және билік тармақтары арасындағы тепе-теңдікті қамтамасыз етуге бағытталған. Бұл туралы Мемлекеттік кеңесші – Конституциялық комиссия төрағасының орынбасары Ерлан Қарин мәлімдеді.

1. Құрылтайдағы депутат саны
Жұмыс тобы мүшелері Құрылтайдағы депутат саны мәселесін жан-жақты талқылаған. Мақсат – кәсіби әрі тиімді Парламент құру. Осыны ескере отырып, Құрылтайда 145 депутат болу керек деген ұйғарымға келді.

2. Депутаттарға қойылатын талаптар
Құрылтайға депутат болуды қалайтын азаматтарға қойылатын талаптар жөнінде де пікірталас болды. Қазіргі заң бойынша Мәжіліс депутаты болу үшін азамат 25 жастан...

Қостанай облысының Рудный қаласында 19 жасар жігітті өлтірді деген күдікпен екі адам ұсталды. Бұл туралы қала әкімі Виктор Ионенко әлеуметтік желіде жазды.

Әкім Instagram парақшасында Рамазан Үсентаевтың қазасына көңіл айтып, туған-туыстары мен жақындарына сабыр тіледі.

«Рамазан Орынбасарұлы Үсентаевтың қайғылы қазаға ұшырауына байланысты, туған-туыстары мен жақындарына шын жүректен көңіл айтамын. Алда тұтас ғұмыры жатқан, армандары мен мақсаты бар жас азамат өмірден өтті. Бұл қаза – баршамыз үшін ортақ қайғы мен ауыр қасірет», – деп жазады әкім.

«Челсидің» бұрынғы ойыншысы Виктор Мозес «Қайсар» футбол клубына ауысады. Клубтың ресми парақшасында жарияланған видеодан спортшыны Қызылорда қаласының әуежайынан күтіп алып жатқаны байқалады.

«Бүгінгі күннің басты кейіпкері Қызылордада!», – делінген видео сипаттамасында

Фуболшының өзі:

«Сәлем достар, сіздермен Виктор Мозес. Сіздермен кездесуді асыға күтудемін. Алға Қайсар», – дейді.

35 жастағы нигериялық футболшы мансабын қызылордалық «Қайсар...

АҚШ Президенті Дональд Трамп әкімшілігі Кубаға мұнай жеткізуді толық тоқтату үшін теңіз арқылы қоршау енгізу мүмкіндігін зерттеп жатыр. Бұл туралы Politico басылымы ішкі дереккөздеріне сілтеме жасап хабарлады.

Әзірге нақты шешім қабылданған жоқ, бірақ кейбір шенеуніктер бұл қадамды қолдап отыр. Олардың қатарында АҚШ Мемлекеттік хатшысы Марко Рубио да бар.

Егер бұл жоспар жүзеге асса, ол Куба экономикасына айтарлықтай әсер етуі мүмкін. Мұнай жеткізудің тоқтатылуы елдің энергия жүйесі мен әлеуметтік өміріне ауыр соққы болары сөзсіз.

Еске сала кетсек, қаңтар айының басында Трамп Венесуэладан Кубаға кететін мұнай мен қаржыны тоқтататынын мәлімдеген болатын. Бұл елдің басты одақтасы саналатын Венесуэланың мұнай...

KEGOC компаниясы Атырау және Маңғыстау облысында электр энергиясын беруге шектеу қойылды деген ақпаратты жоққа шығарды. Компанияның мәліметінше, тұрғындар мен өндірістік кәсіпорындарға энергия толық жеткізіліп тұр.

KEGOC өкілдері нақтылағандай, уақытша шектеу тек цифрлық майнингпен айналысатын жекелеген компанияларға ғана қолданылған. Бұл шаралар Батыс Қазақстан және Атырау облыстарында жүйенің тұрақты жұмысын қамтамасыз ету мақсатында қабылданған.

«Шектеулер тек Батыс Қазақстан және Атырау облыстарында цифрлық майнингпен айналысатын компанияларға ғана енгізілді», – делінген хабарламада.

Осыған дейін бірқатар жергілікті ақпарат көздерінде өңірде электр энергиясын өндіру көлемінің төмендеуіне байланысты шектеу енгізілгені туралы хабар тараған еді.

Соған байланысты...

21 жастағы Нұрай Серікбайдың өліміне қатысты жаңа деректер белгілі болды. Шымкенттік экс-полиция қызметкері заңгер Айгүл Орынбекке сұхбат беріп, істің мән-жайына қатысты өз нұсқасын айтты. Сөзіне сенсек, Нұрайды алып қашқан кезде олар бәрін заң аясында жасаған. Бірақ кейіннен қоғамда резонанс туындап кеткен соң, өзі және бірқатар басшысы жұмыстан қуылған. 

Заңгер Айгүл Орынбекке бұрынғы полиция қызметкері Әбілғазы Бақтыбайұлы сұхбат берді. Нұрай Серікбайды Шерхан Аймахан алып қашқан күні полиция шақырылған кезде қызмет бабымен сол үйге барған.

«2025 жылғы 5 қазанда тәуліктік кезекшілікке түстім. 102-ге «Қыз алып қашу» дерегі бойынша қоңырау түскесін шақыртумен бардық. Хабарлама қыздың ағаларынан келіпті. Оқиға...

Жасөспірімдер арасындағы US Open–2025 турнирінің жартылай финалисі Заңғар Нұрланұлы Australian Open–2026 жарысын сәтті бастады. 17 жастағы қазақстандық алғашқы матчында Таиланд өкілі Кунанана Пантараторнды небәрі 1 сағат 10 минутта жеңді, есеп: 6:2, 6:1.

Құрдас қарсыластардың ойынында Нұрланұлының басымдығы айқын көрінді. Алғашқы сетте 3:0 есебімен алға шығып, бесінші және жетінші геймдерде брейк жасап, сет тағдырын шешті – 6:2. Екінші партияда да ойын тізгінін бермей, сенімді түрде 6:1 есебімен жеңісті бекітті.

Бүгін жарыс жолына 18 жастағы Даниэль Тазабеков шығады. Оның бірінші айналымдағы қарсыласы – швейцариялық Флинн Томас. Қазақстандық жас теннисшілер жұптық сында да бақ сынайды, бұл санаттың турнир кестес...

Испанияның Барселона қаласынан Қазақстан азаматы экстрадцияланды. Ол – бұрын кеден органдарында қызмет атқарып, қызметтік өкілеттігін асыра пайдаланды деген күдікке ілінген экс-шенеунік.

Бас прокуратура мен ҰҚК Сыбайлас жемқорлыққа қарсы қызметінің мәліметінше, күдікті 2020 жылы кеденде қызмет ете жүріп, ақпараттық жүйеге жалған дерек енгізген. Соның салдарынан сегіз шетелдік автокөлік иесі заңсыз түрде кеден баж салығын төлеуден босатылған. Мемлекетке келтірілген шығын көлемі 45 миллион теңгеден асқан.

Күдікті үш жылдан астам уақыт бойы тергеу органдарынан бой тасалап, халықаралық іздеуде жүрген. Кейін Испания аумағында ұсталып, Қазақстанның Испаниядағы елшілігінің көмегімен елге жеткізілді.

Қазір ол Астана қаласындағы тергеу изоляторына қамалды. Тергеу дерегіне сәйкес, оған тағылған...

Қазақстан мен Моңғолия екіжақты тауар айналымын 500 млн долларға дейін арттыруды көздеп отыр. Бұл мақсат ҚР Премьер-министрінің орынбасары – ұлттық экономика министрі Серік Жұманғарин мен Моңғолия Премьер-министрінің орынбасары Хассуурийн Ганхуягтың кездесуі барысында нақтыланды.

Тараптар сауда-экономикалық әріптестікті қазақ-моңғол байланысының басты тірегі ретінде қарастыратынын жеткізді. Мемлекет басшылары қойған орта мерзімді мақсат – екіжақты тауар айналымын 500 млн долларға жеткізу. Бұл межеге жеткізу номенклатурасын кеңейту, кооперациялық жобаларды дамыту, сондай-ақ сауда және әкімшілік кедергілерді кезең-кезеңімен жою арқылы қол жеткізу жоспарланып отыр.

2025 жылғы қаңтар–қараша айларының қорытындысы бойынша Қазақстан мен Моңғолия арасындағы тауар айналымы 121,5 млн долларды құрап, өткен жылмен салыстырғанда 5,5%-ға...

Қашаған кен орнынан өндірілген мұнай алғаш рет ішкі нарыққа жөнелтілді. Бұл туралы салалық дереккөздерге сілтеме жасаған Reuters агенттігі хабарлады.

Мұндай шешімге келуге Каспий құбыр консорциумы (КҚК) айналасындағы ахуал себеп болды. Экспорттық бағыттарда туындаған белгісіздік өндірушілерді мұнай жеткізу арналарын әртараптандыруға мәжбүр етті.

Соның нәтижесінде, бұрын түгелдей дерлік шетелге шығарылып келген кашағандық жеңіл мұнай отандық өңдеу зауыттарына бағыттала бастады.

Бұған дейін «ҚазМұнайГаз» компаниясы КҚК-ға тәуелділікті азайту мақсатында «Баку – Тбилиси – Джейхан», «Атырау – Самара» секілді балама маршруттар арқылы экспортты арттырғанын мәлімдеген еді. Алайда қазіргі жағдайда ішкі нарықты қамтамасыз ету де күн тәртібіне шықты.

«Қазгидромет» мамандарының хабарлауынша, 2026 жылғы 24 қаңтарда еліміздің сегіз қаласында ауа сапасы нашарлайды. Олар: Петропавл, Көкшетау, Павлодар, Қарағанды, Теміртау, Орал, Ақтөбе және Алматы қаласы.

Ауаның ластануына желдің тым әлсіз болуы, тұман, температуралық инверсия сияқты факторлар әсер етеді.

Мұндай кезде зиянды заттар атмосферада таралмай, жерге жақын қабатта жиналып қалады. Соның салдарынан ауа сапасы төмендеп, адам денсаулығына қауіп артады.

Қолайсыз метеорологиялық жағдайлар кезінде ашық ауада жүру уақытын қысқарту керек. Әсіресе автожолдар мен басқа да ластану көздерінің маңында абай болған жөн. Балалар мен жүкті әйелдерге ұзақ серуендеуден бас тарту қажет.

Айта кетейік, 18 қаңтарда да Қазақстанның жеті қаласында ауа сапасы нашарлаған...

Kesh You тобының бұрынғы мүшесі Айдана Меденова өзінің хиджабты не үшін шешкенін түсіндірді. Бұл туралы ол журналист Аман Тасығанның Talk Like бағдарламасында айтты.

Әншінің айтуынша, әкесі ұзақ ауырып қайтыс болғаннан кейін күзеліске ұшыраған. Бұл оның хиджаб тағуына бір себеп болған. Алайда ол хиджаб тақпастан бұрын 4 жыл намаз оқып келгенін және ешқандай діни топқа кірмегенін, намазды өзі үйренгенін баса айтты. Оның жақындары хиджаб киюіне, өнерден кетуіне қарсы болған.

Меденова намазға бет бұрғанда араб жазуларын үйреніп, бір жыл ішінде араб тілін түсіне бастаған. Содан кейін иман жолына түсу үшін дінді зерттеген, Құран Кәрімді оқып үйренген.

Дегенмен ол өзінің бірнеше ай...

23 қаңтарда Абу-Дабиде Ресей, Украина және АҚШ делегацияларының қатысуымен үшжақты келіссөздер басталды. Кездесулер жабық режимде өтеді және екі күнге созылады, деп хабарлайды БАӘ Сыртқы істер министрлігі.

Ведомство ақпаратына сүйенсек, кездесу өткізу халықаралық қоғамдастықтың осы елдің «жауапты және сенімді делдал» ретіндегі рөліне деген сенімін көрсетеді. Сыртқы істер министрі және вице-премьер Шейх Абдалла бин Заед Аль Нахаян «қақтығысты тұрақты шешуге тек диалог пен деэскалация арқылы қол жеткізуге болатынын» атап өтті.

Сыртқы саясат ведомствосының басшысы келіссөздер жанжалды тоқтату бойынша нақты қадамдарға алып келеді деген үмітін білдірді. Ол, сондай-ақ, АҚШ президенті Дональд Трампқа келіссөздер процесін бастауға күш салғаны үшін алғыс айтты.

Осыған дейін...

Қазақстан тәуелсіздігін алған тұста елдегі мұнай кен орындарын шетелдік компанияға сату туралы шешімге кімдер қол қойды. Бұл туралы журналист Асылхан Мамашұлының ARA Media жобасының «Қилы кезең» бағдарламасының 11-бөлімінде сөз болды.

Бағдарламадағы ақпаратқа сүйенсек, елдің батысындағы кен орындарын шетелдік компанияның бақылауына беру туралы келісімге тұңғыш президенті Нұрсұлтан Назарбаев пен сол кездегі Гурьев облыстық (қазіргі Атырау және Маңғыстау облыстары бұрын бір облыс болып, осылай аталған) партия комитетінің бірінші хатшы (қазіргі әкім секілді қызмет) Сағат Түгелбаев қол қойған.

Бір қызығы, Сағат Түгелбаевқа дейін облыстық партия комитетінің бірінші хатшысы қызметін Ғазиз Алдамжаров атқарып келген. Алайда ол кенорындарын шетелге сатуға қарсы шығып, құжатқа қол...

Солтүстікте -37 градусқа дейін күн суытып, оңтүстікте қар жауады деп күтілуде. «Қазгидромет» 24 қаңтарға ауа райы болжамын ұсынды.

Қаржы нарығын реттеу және дамыту агенттігі (ҚНРДА) Qanat Finance микроқаржы ұйымының лицензиясын үш ай мерзімге тоқтатты. Ұйымға 2024 жылы жалпы алған 29,1 млн теңге жеті айыппұл салынған.

Агенттіктің Алматыдағы өңірлік басқарма бастығының бұйрығына сәйкес, лицензия 2026 жылы 23 қаңтардан бастап тоқтатылды. «Микроқаржы қызметі туралы» заңды бұзылғанын анықталған.

Лицензияны тоқтата тұру кезеңінде компанияға жаңа микрокредит беруге, қолданыстағы шарттарды ұзартуға немесе оларға қарыз алушылардың немесе ұйымның міндеттемелерін арттыратын өзгерістер енгізуге тыйым салынады. Бұл ретте Qanat Finance клиенттер алдындағы барлық қолданыстағы міндеттін орындауы тиіс.

Төленбеген несиелері бар МҚҰ клиенттері шарттардың талаптарына сәйкес оларды өтеуге әлі де жауапты.

Осыған дейін саны жағынан да...

«Манчестер Юнайтед» пен Португалия құрамасының бұрынғы ойыншысы Луиш Нани Алматыға ұшып келді. Спорт Шредингер жазуынша, ол «Ақтөбемен» келісімшартқа қол қоюға келген.

Әлеуметтік желілерде әуежайдан фото жария болды. Фотоларда саясаттанушы Ербол Еділов бар. Оның GRCG Football спортшыларды Қазақстанға алып келу агенттігі бар.

39 жастағы Нани өзінің мансабын 2024 жылдың желтоқсанында аяқтайтынын жариялады, бірақ 2026 жылдың 18 қаңтарында «Ақтөбемен» келісімшарт бойынша Қазақстан премьер-лигасының тарихындағы рекордтық жалақыға келуге дайын екені туралы жаңалық шыққан. 

8 қаңтарда «Ақтөбе» клубтың иесі Qazaq Stroy Properties компаниясы болғанын жариялады, оның иесі Нұрлан Артықбаев Forbes-тен ең бай қазақстандықтардың рейтингінде бар.

2007 жылдан 2015 жылға дейін Нани «Манчестер...

Қарағанды облысының Дене шынықтыру және спорт басқармасының басшысы Серік Сәпиев орынбасары Дәурен Есімхановтан «таяқ жеді» деген ақпаратқа қатысты мәлімдеме жасады.

Сәпиевтің сөзінше, мемлекеттік қызметкер этикасын сақтау әрі арандатушылыққа жол бермеу үшін рингтен тыс ешкімге күш қолданған емес.

«Әлеуметтік желі мен БАҚ-та тарап жатқан жағдайға қатысты айтар болсақ, мен мемлекеттік қызметшімін және өз міндеттерімді орындау кезінде мемлекеттік қызметшінің этикасын сақтаймын. Бала кезімнен жаттықтырушылар мені рингтен тыс жерде күш қолданбауға үйретті. Өз күшімді жақсы бағалаймын, барлық әрекеттерім үшін жауапты екенімді білемін. Сондықтан арандатушылыққа жол бермеймін. Әңгіме осымен тәмам», – деп жазды Сәпиев әлеуметтік желідегі парақшасында.

Айта...

Жақында ғана Қаржы министрлігінің қарамағына өткен Әлеуметтік медициналық сақтандыру қорына (ӘМСҚ) Гүлмира Сабденбек басшы болып тағайындалды, деп хабарлайды Қаржы министрлігі. Оның бірінші орынбасары Айдар Мекебеков болды.

«Қаржы министрлігінің аппарат басшысы Эрнар Ержанов «Әлеуметтік медициналық сақтандыру қоры» КеАҚ ұжымына жаңа басқарма төрағасы 

Гүлмира Сабденбекті таныстырды», – делінген хабарламада.

Гүлмира Сабденбектің медициналық білімі, қоғамдық денсаулық сақтау магистрі дәрежесі, сондай-ақ денсаулық сақтау саласындағы басқару тәжірибесі бар. Әр Ұлттық медициналық холдингтің стратегиялық даму департаментінде, «Ұлттық ғылыми кардиохирургия орталығында» жұмыс істеген. Президент әкімшілігіндегі әлеуметтік саясат және орнықты даму, мемлекеттік аудит және қаржылық бақылау мәселелеріне жетекшілік еткен.

Айта кетейік, осыған дейін Үкімет президенттің бюджет тәртібін күшейту жөніндегі тапсырмаларын орындау аясында әлеуметтік медициналық сақтандыру жүйесіне кешенд...

Әлеуметтік желіде қар тазалау техникасы жол жиегінде жатқан қарды тазартылған трассаға шашқан видео пайда болды. «Қазавтожол» желдің салдарынан қар тазалаушы техника «кері бағытта» жұмыс істегенін айтады.

«Қазавтожолда» бейне 22 емес, 16 қаңтарда Ақтөбе – Қандыағаш – Доссор – Атырау – РФ шекарасы (Құрманғазы өткізу пункті) трассасының учаскесінде түсірілгенін мәлімдеді. Тазалау үшін «Орал» техникасы пайдаланылған.

«Қар лақтыру жұмыстары желдің бағыты мен күшін ескере отырып жүргізілді. Желдің қатты екпініне байланысты қарды кері бағытта лақтыру мүмкін болмады, өйткені бұл жағдайда жолға қардың едәуір көлемінің түсу және жол көрісін нашарлататын еді»,-делінген хабарламада.

Алайда бейне астындағы түсініктемеде пайдаланушылар мұндай әрекетке күмәнмен қарады. Себебі видеода техниканы...

Түркістан облысы Шардара аудандық прокуратурасы Қоссейіт ауылында мүгедек әкесін ұрған азаматқа қатысты Жетісай аудандық сот шығарған үкіммен келіспей, апелляцияға берді, деп хабарлайды облыстық прокуратура.

«Түркістан облысында Жетісай аудандық сотының 16.01.2026 жылғы үкімімен әкесін жүйелі түрде ұрып-соққан ер адам 5 жылға бас бостандығынан айырылды. Сот үкімімен келіспей, Шардара ауданының прокуратурасы жазаны қатаңдату туралы өтінішпен апелляциялық наразылық келтірді», – делінген прокуратура хабарламасында.

Ақпаратқа сүйенсек, наразылықты сот заңда белгіленген мерзімде қарайтын болады.

Айта кетейік, Шардара ауданы Қоссейіт ауылында 42 жастаға Алмас Садақбаев мүгедек әкесін үйдің ауласында ұрып-cоққан видео тараған. Полиция іс қозғап, іс сотта қаралған. Жәбірленуші ретінде...

23 қаңтардағы сауда-саттық қорытындысы бойынша теңге бағамы долларға шаққанда 503,5 теңгені құрады. Ұлттық валюта 2 теңгеге нығайды. Бұл туралы KASE биржасының деректерінде жазылған.

Сауда-саттық қорытындысы бойынша доллар 503,5 теңгеге немесе 0,4% төмендеді. Бұл 29 желтоқсаннан бергі ең төменгі көрсеткіш. Теңге 16 қаңтардан бастап нығайып келеді.

Тәулік бойына сауда-саттық барысында ең төменгі баға 502,35 теңгені, ал ең жоғары баға – 504,9 теңгені құрады. Сауда көлемі 329,2 млн долларды құрады.

Айта кетейік, 23 қаңтарда Ұлттық Банк базалық мөлшерлемені бұрынғы деңгейде – 18% сақтап қалды. Баспасөз мәслихаты барысында осы шешім жарияланғаннан кейін Ұлттық банк төрағасы Тимур Сүлейменов АҚШ доллары бағамының 1500 теңгеге дейін...