Жаңалықтар

2022 жылдан кейін түбегейлі өзгерген Ресей автомобиль нарығы тағы бір жаңа кезеңге қадам басқалы тұр. РФ ақпарат құралдарының мәліметінше, бірден он қытайлық бренд Ресейден кетуді жоспарлап отыр. Оған шығындардың артуы, бәсекенің күшеюі және утилизациялық алымның өсуі себеп болған. Өзгеріс Kaiyi, BAIC, SWM, Dongfeng, Jetta, Bestune, Wey, Rox, Oting және VGV маркаларына қатысты.

Сарапшылардың бағалауынша, бұл брендтердің Ресейдегі сатылымы мардымсыз. Кей жағдайда жылына 3000 автокөліктен де аспаған. Нарықтағы ірі ойыншылардың үлесі артып, міндетті төлемдер көлемі өскен сайын олардың бизнес-модельдері тиімсіздігін көрсетіп отыр.

Үміт үзілді ме?

2022-2023 жылдары Ресейден санция тәуекелдеріне байланысты батыс, жапон, корей өндірушілері кете бастады. Осыдан кейін...

Елдегі баспанасыз жүрген 14 жас ғалымға пәтер сертификаты табысталды. Бұл туралы Ғылым және жоғары білім министрлігі хабарлады.

Үйлі болған жас ғалымдар арасында география, балық шаруашылығы, ІТ, физика, химия, ауыл шаруашылығы және өзге де салалардағы мамандар да бар.

Балық шаруашылығы ғылыми-өндірістік орталығының аквакультура зертханасының ғылыми қызметкері Гүлдана Маратова 12 жыл бойы баспанасыз жүрген.

«Бұған дейін өзімнің жеке пәтерім болмады. Бүгін екі бөлмелі пәтердің иесі атанып отырмын. Өте қатты қуаныштымын. Ғылыммен айналысып жүрген жас ғалымдарға әлеуметтік қолдау көрсеткені үшін мемлекет басшысы мен министрлікке алғысымды білдіремін», – деді Гүлдана Маратова.

Пәтер сертификатына ие болған жас...

Wildberries маркетплейсін пайдаланатын Қазақстандағы тұтынушылар енді тауарларды бөліп төлеу арқылы сатып ала алады. Компания хабарлауынша, ритейлер елдегі ірі банктермен серіктестік орнатып, клиенттерге төлемнің икемді шарттарын ұсынған. Бөліп төлеуді 10 мың теңгеден басталатын тапсырыстарға рәсімдеуге болады.

Сатып алынған тауардың құнын 3 немесе 6 айға тең үлеспен өтеуге болады.

Сондай-ақ, сатып алушы барлық шарт пен комиссия көлемін алдын ала көре алады. Егер тауар сәйкес келмей, қайтару рәсімделсе, бөліп төлеу автоматты түрде жойылады.

Платформада жұмыс істейтін сатушылар үшін бұл жаңашылдық сатылым көлемін арттыруға ынталандыру болмақ. Селлерлер үшін шарттар өзгермейді: маркетплейс сатылған тауар үшін қаражатты толық көлемде және әдеттегі мерзімде аударады.

Алдағы уақытта Wildberries қаржылық құралдар желісін кеңейтіп, исламдық банкинг қағидаларына сай серіктестік бөліп төлеуді іске қосуды жоспарлап отыр.

Қазақстан Ұлттық олимпиада комитетінің президенті Геннадий Головкин Михаил Шайдоровты 2026 жылғы Қысқы Олимпиада ойындарында тарихи алтын медаль жеңіп алуымен құттықтады. Бұл туралы Vesti.kz жазады.

Головкин бұл медаль барлық есікті бірдей аша бермейтінін, ал мұндай үлкен жетістіктен кейін ең бастысы адамгершілік қасиеттерді сақтап қалу екенін атап өтті.

«Енді сен олимпиадалық отбасының мүшесісің. Бірақ бұл медальдің екінші жағы да бар. Даңқ пен атақтың сынағы. Адам болып қал. Олимпиада чемпионы атану – үлкен жауапкершілік. Олимпиадалық алтын – сенің еңбегің. Алайда ол сені адам ретінде айқындамайды. Адам ретінде қалыптасу үшін өзіңді ең алдымен адамгершілік қасиеттерің арқылы көрсетуің керек. Бұл медаль барлық есікті аша бермейд...

Бүгін қазақ спорты үшін айтулы күн. 21 жастағы Михаил Шайдоров Олимпиада чемпионы атанды. 32 жылдан кейін ғана Қазақстан Қысқы Олимпиада ойындарынан алғашқы алтынын алып отыр. Түн ішінде елге сүйінші хабар жеткізіп, Әнұранымызды ойнатқан Михаил Шайдоров кім? Жеңіс жолы қандай болды?

«Денис Теннің қолын алдым»

Михаил мәнерлеп сырғанауға алты жасында келген. Спортқа баулыған әкесі – Станислав Шайдоров. Ол өзі де мәнерлеп сырғанаудан бірнеше дүркін Қазақстан чемпионы болған. 2010 жылы әкесі екеуі «Рамстор» сауда орталығындағы мұз айдынына барып, алғашқы қадамын жасайды. Ол кезде «Халық Арена», «Алматы Арена» тәрізді ірі спорт нысандары салынбаған. Аңызға айналған Денис Теннің өзі де сол сауда орталығындағы...

Қысқы Олимпиада чемпионы атанған Михаил Шайдоров өзінің жеңісі жайлы пікір білдірді. Айтуынша, чемпион болатынына тіпті өзі де сенбеген.

«Шынымды айтсам, бұған сене алмадым. Бүкіл маусым бойы мен алдымен өзіммен күрестім. Бүкіл маусым маған өте қиын болды. Жарыстарда төрттік секіру элементін үш рет орындауға тырыстым. Ешқайсысында жасай алған емеспін. Бірақ бүгін сәті түсіп, қолымнан келгенді орындадым. Бұл Олимпиада ойындарына бес жыл дайындалдым. Осы ойындарда өз жұмысымды мінсіз орындап шыққым келген еді, бүгін соны істедім. Бұл жарысты, бұл медальді Қазақстанға арнағым келеді», – деді Михаил Шайдоров жарыстан кейін Qazsport телеарнасына сұхбатында.

21 жастағы спортшы...

Қасым-Жомарт Тоқаев Михаил Шайдоровты Қысқы Олимпиада ойындарының чемпионы атануымен құттықтады. Бұл туралы Ақордадан хабарлайды.

Президент спортшының «жоғары шеберлігі мен жеңіске деген ерік-жігері үшін» алғыс айтқан. Шайдоровтың алтыны тарих үшін маңызды жетістік екенін де атап өтті.

Ақорданың мәліметінше, Тоқаев Михаил Шайдоровты II дәрежелі «Барыс» орденімен марапаттау туралы шешім қабылдады. Оның айналасындағы жаттықтырушыларға және тиісті министрлікке атқарған жұмысы үшін алғыс айтты.

Еске салайық, мәнерлеп сырғанаушы Михаил Шайдоров Италияда өтіп жатқан Қысқы Олимпиада ойындарында чемпион атанды. Ол бірінші рет 5 рет төрттік секіру элементін сәтті орындады.

Қазақстандық мәнерлеп сырғанаушы Михаил Шайдоров Италияда өтіп жатқан Олимпиада ойындарының чемпионы атанды.

Михаил Шайдоров өзінің еркін бағдарламасында рекордтық 198.64 ұпай жинап, алтын медальді жеңіп алды. Жарыс барысында Михаил Шайдоров бірінші мәрте 5 рет төрттік секіру элементін сәтті орындады.

Турнир қорытындысы мынадай:

1-орын. Михаил Шайдоров – 291.58 ұпай

2-орын. Юма Кагияма (Жапония) – 280.06 ұпай

3-орын. Шун Сато (Жапония) – 274.90 ұпай.

Осылайша ел тарихында алғаш рет қысқы Олимпиада ойындарында бір спорт түрінен екі жүлде бұйырды. Бұған дейін мәнерлеп сырғанаудан 2014 жылы Сочи Олимпиадасында Денис Тен қола жүлде алған.

Айта кетейік, Қазақстан атынан қысқы Олимпиаданың алтын жүлдесін...

14 ақпанда Астанада Есіл өзенінің жағасында «Бұрқасын-2026» қысқы қалалық фестивалі өтеді, ол 2026 жылғы Қысқы Олимпиада ойындарының жарыстарын тамашалаумен аяқталады, деп хабарлайды ҰОК.

Фестиваль сағат 10:00-де басталады. Күні бойы спорттың 13 түрі бойынша жарыстар өтеді. Оның ішінде 16 жас және әлеуметтік санаттағы шаңғы жарысы, гір спорты, армрестлинг, хоккей, күрес, мотокросс, мотоспорт, арқан тарту, қысқы шағын футбол және волейбол бар.

Негізгі спорттық бағдарлама аяқталғаннан кейін барлық ниет білдірушілер Қазақстан спортшылары қатысатын қысқы Олимпиада ойындарында әйелдер арасында қатарлас могул бойынша жарыстарды көре алады. Жарысты 14.00-ден бастап жағалаудағы басты сахна экранынан көруге болады.

Трансляция басталар алдында көрермендерді жылыту және жүргізушімен интерактив, сондай-а...

Украина басшысы Владимир Зеленскийдің кеңсесі Украина, Ресей және АҚШ делегацияларының келіссөздерінің жаңа кезеңі 17-18 ақпанда Женевада өтетінін растады, деп хабарлайды DW.

Президенттің коммуникациялар жөніндегі кеңесшісі Дмитрий Литвиннің сөзінше, Украина делегациясы алдағы үшжақты кездесуге дайындалуда.

Бұған дейін Владимир Путиннің баспасөз хатшысы Дмитрий Песков Женевадағы келіссөздер туралы айтқан. Ол Ресей делегациясын Ресей Федерациясы президентінің көмекшісі Владимир Мединский басқаратынын айтты.

Қазіргі ақпаратқа сүйенсек, келіссөздердің жаңа раунды аясында ел өкілдері «күрделі аумақтық мәселеге назар аударады», яғни АҚШ-тың Донбасста буферлік «еркін экономикалық аймақ» құру туралы ұсынысын талқылауы мүмкін

Украин президенті Владимир Зеленскийдің айтуынша, Құрама Штаттар Украина мен Ресей арасындағы соғыстың жазға дейін аяқталғанын қалайды. Дегенмен...

«Қазавиақұтқару» тікұшағы Жетісу облысында қар мен балшықта қалып қойған ер адамдарды эвакуациялады, деп хабарлайды ҚР ТЖМ.

Екі тұрғын Қаратал ауданындағы қыстаудан Үштөбе қаласына қарай жеңіл автокөлікпен жолға шыққан. Бірақ балшық массасы мен қардан ілгерілей алмай, қалып қойған.

«Бортында құтқарушылар тобы бар «Қазавиақұтқару» тікұшағы көмекке жіберілді. Алдымен бірінші көлік табылды. Оны жолдың тазартылған бөлігіне сәтті сүйреп апарды, содан кейін жүргізуші ТЖД қызметкерлерінің сүйемелдеуімен жолды жалғастыра алды. Қайтар жолда тікұшақ экипажы далада тұрып қалған тағы бір жеңіл көлікті байқады. Одан тағы екі адам эвакуацияланды», – деді ТЖМ.

Төтенше жағдайлар министрлігі жоғалған жағдайда көліктен кетпей, 112 нөмірін теріп...

Француз полициясы Лувр мұражайы мен Версаль сарайына қатысты ауқымды операция жүргізді. Олар мұражай қызметкерлері мен гидтер билет алаяқтық схемасын ұйымдастырды деген күдікпен тоғыз адамды ұстаған, деп хабарлайды француз басылымы.

Париж прокуратурасы туристер ең көп баратын мұражайға келтірілген шығын 10 миллион еуродан асады деп есептеген.

Операция 2026 жылдың 10 ақпанында өткен. Ұсталғандардың арасында Луврдың екі қызметкері, бірнеше туристік гидтер және тергеу желінің басты ұйымдастырушысы деп санайтын бір адам бар.

Тергеу мәліметтері бойынша, алаяқтар кем дегенде 2024 жылдың жазынан бастап, ал кейбір бағалаулар бойынша 10 жылға дейін әрекет еткен. Алдаудың негізгі әдістері: бір топқа 20 адамнан асатын топтық экскурсияларды ұйымдастыру; бірдей...

Қазақстанның солтүстігі мен шығысында аяз болады, ал оңтүстік пен батысында жауын-шашын күтілуде. «Қазгидромет» 14 ақпанға ауа райы болжамын ұсынды.

Qarakesek бүркеншік атымен танымал рэпер Омар Амантаевқа ҚР Қылмыстық кодексінің «Тасымалдау мақсатынсыз есірткі заттарымен, психотроптық заттармен және олардың аналогтарын заңсыз ұстау» бабы бойынша айып тағылды. Сот отырысы келесі аптада өтеді, деп хабарлайды Кazinform.

Ақтөбе облыстық сотының баспасөз қызметінің хабарлауынша, рэпер Омар Амантаевтың ісі Ақтөбе қаласының №2 сотында қаралады. Негізгі сот талқылауы 18 ақпанда сағат 14:30-да белгіленді.

Амантаев Қылмыстық кодекстің 296-бабының 3-бөлігі бойынша тағылған. Сотқа дейінгі тергеу барысында қылмыстық іс жүргізу заңнамасын бұзушылықтарға жол берілмеген. Айыпталушы хаттамамен және іс материалдарымен танысқан.

Естеріңізге сала кетейік, бұған дейін 2025 жылдың күзінде Ақтөбеде мас күйінде көлік жүргізгені үшін рэпер Qarakesek ұсталған еді...

2026 жылы Италияда өтіп жатқан Олимпиада ойындарында биатлон жарысында 10 шақырымға ерлер спринті аяқталды. Владислав Киреев – 51-ші, Әсет Дүйсенов – 61-ші орында.

Біздің екі биатлоншы да атыс шебінде екі рет мүлт кетті, бұл олардың жоғары позицияға шығуына жол бермеді.

Осылайша, 15 ақпанға жоспарланған келесі кезеңге тек Киреев қатыса алады. Естеріңізге сала кетейік, келесі кезеңге өту үшін спринт қорытындысы бойынша үздік 60-қа кіру қажет болды. Дүйсенов осымен Олимпиада ойындарын аяқтады.

Жеңісті француз Кентен Фийон Майе (22:53.1) алды, ол үшін бұл 2026 жылғы Олимпиададағы екінші алтын (біріншісі аралас эстафетада). Күмісті норвегиялық Ветле Шоста Кристиансен алды (+13,7). Қоланы тағы бір норвегиялық Стурла...

14 ақпанда Астана қаласында жаңа Конституция жобасына байланысты «Референдум–2026» онлайн-марафоны ұйымдастырылады.

Шара сағат 12:00-де басталып, 18:00-ге дейін жалғасады.

Онлайн-марафон аясында Конституциялық комиссия мүшелері, заңгерлер, сарапшылар және азаматтық белсенділер бір алаңда бас қосып, пікір алмасады. Кездесуде ұсынылып отырған конституциялық өзгерістердің мазмұны мен олардың әрбір азаматтың өміріне ықпалы кеңінен талқыланады.

Шара республикалық телеарналар мен интернет-порталдардың YouTube және Facebook желілеріндегі ресми парақшалары арқылы тікелей эфирде көрсетіледі. Онлайн-марафонды кез келген азамат қашықтан тамашалап, маңызды қоғамдық талқылаудың куәсі бола алады.

Айта кетейік, республикалық референдум 2026 жылдың 15 наурызында өтеді. 

Референдумға шығарылатын Конституция жобасы мәтінін мына жерден оқи аласыздар. 

2026 жылғы 14 ақпаннан бастап Қазақстанда Коучинг қызметінің кәсіби стандарты ресми түрде күшіне енеді. Бұл туралы мәжіліс депутаты Асхат Аймағамбетов Threads әлеуметтік желісіндегі парақшасында жариялады.

Оның айтуынша, енді коучинг жай ғана сәнге айналған атау немесе әлеуметтік желідегі BIO-да жазылатын әдемі сөз емес. Аталған стандарттың қабылдануымен коучинг мемлекет тарапынан реттелетін ресми мамандық мәртебесіне ие болды.

«Ертеңнен бастап өзіңді коучпын деп айта салу мүмкін болмайды. 14 ақпанда елімізде Коучинг қызметінің кәсіби стандарты ресми түрде күшіне енеді. Енді бұл жай ғана сән немесе BIO-дағы әдемі сөз емес, мемлекет реттейтін мамандық. Ең бастысы – коучтардың білімі мен біліктілігін растайтын арнайы құжаттары болуы қажет, басқа...

Қостанай облысы әкімінің орынбасары Гүлбарам Мұсағазинаға қатысты сотқа дейінгі тергеп-тексеру жұмыстары жүргізіліп жатыр. Бұл туралы Kursiv.Media-ға Ұлттық қауіпсіздік комитетінің баспасөз қызметі хабарлады.

«Сотқа дейінгі тергеп-тексеру жұмыстары жүргізіліп жатқанын хабарлаймыз», – делінген ҰҚК жауабында.

Комитет бұдан өзге ақпаратты жариялауға болмайтынын, тергеу құпиясы екенін айқындады.

Айта кетейік, осыған дейін баспасөз беттерінде 11 ақпанда Сыбайлас жемқорлыққа қарсы қызмет Қостанай облысы әкімінің орынбасары Гүлбарам Мұсағазинаны ұстады деген ақпарат тараған еді.

Бұған қоса, Мұсағазина Астанадағы отырысқа қатысу үшін барған қостанайлық делегация арасында да болмаған.

Айта кетейік, осыған дейін блогер Николай Гинятов әкімнің орынбасарына қатысты тергеу туралы жазған еді. Ол...

Қазақстандағы АҚШ елшісі Джули Стафф Алматыдағы жаңа консулдық ғимаратының құрылысын «ауқымды жоба» деп атады.

«Расымен де бұл ауқымды жоба. Бұл біздің дипломатиялық қарым-қатынасқа беріктігімізді айқындайды және АҚШ-тың Алматыдағы дипломатиялық миссиясының кеңейтеді. Астанада елшілігіміз жұмыс істеп тұр, ал Алматыда жұмыс күшейтіледі», – деді елші.

Сондай-ақ елші келесі аптада Алматыдағы ғимараттың құрылыс барысымен танысып қайтатынын айтты.

«Құрылысты аяқтауға бірнеше жыл қажет. БАҚ өкілдерін шақырып, жұмыс барысымен таныстыруды жоспарлап отырмыз», – деді Стафф.

Айта кетейік, бұған дейін АҚШ-тың Алматы қаласындағы Бас консулдығының жаңа кешенін салу үшін 70 593 шаршы метр жер учаскес...

Жыл басынан бері елімізде коронавирус инфекциясының бес жағдайы тіркелді. Өткен жылдың осы кезеңімен салыстырғанда індет 17,2 есеге төмендеген.

Kazinform ақпаратынша, бұл туралы Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті хабарлаған.

Ведомство мәліметінше, өлім-жітім жағдайлары тіркелмеген.

«ҚР аумағында SARS-CoV-2 нұсқаларының айналымына жүргізілген соңғы мониторинг деректеріне сәйкес, қазіргі таңда «Омикрон» штамының XFG желісінің мынадай субнұсқалары анықталған: XFG.3 — 75%, XFG.3.1 — 12,5%, XFG.6 — 12,5%. XFG желісінің айналымы «Омикронның» бұған дейін таралған басқа ұрпақтарымен салыстырғанда халық денсаулығына қосымша қауіп төндірмейді», – деп хабарлады комитет.

Бұған дейін хабарланғандай, Қазақстанда 2025 жылғы 1 қыркүйек пен...

Бұрынғы ұлттық экономика министрі Қуандық Бишімбаевтың анасы Альмира Нұрлыбекова туысы Бекзат Кемелованы сотта жеңіп шықты.

Істің мән-жайы

Қылмыстық іс 2025 жылдың күзінде басталған. Дау 990 мың доллар төңірегінде болып отыр. 

Нұрлыбекованың айтуынша, ол 990 000 долларды көк түсті чемоданға салып, туысы Бекзат Кемеловаға берген. Ал Кемелова бұл ақшаны өз қалауы бойынша пайдаланып, қайтармаған.

Оқиға Қуандық Бишімбаевқа қатысты қылмыстық іс сотта қаралып жатқанда болған.

Бекзат Кемелова сыбайлас жемқорлыққа қарсы іс-қимыл агенттігі қызметкерлері Бишімбаевтың отбасына бақылау жүргізіп, мүлкі мен ақшасын тәркілеуді жоспарлап отырғанын айтқан. Мүлкін сақтап қалудың бірден-бір жолы ақшаны өзіне беру екеніне сендірген.

Сот үкімі

Сот үкімімен Бекзат Кемелова кінәлі деп танылып...

Президент Қасым-Жомарт Тоқаев Қазақстан мен АҚШ арасындағы ауқымды мәселелер бойынша ынтымақтастық қарқынды дамып келе жатқанын атап өтті.

Бұл туралы Ақорданың баспасөз қызметі хабарлады.

Президент сауда-экономикалық және инвестициялық ықпалдастықты одан әрі нығайтудың, сондай-ақ жоғары деңгейде қол жеткізілген келісімдерді сапалы іске асырудың маңызына назар аударды.

Елші Президент Дональд Трамптың ризашылығы мен ізгі тілегін жеткізіп, Құрама Штаттардың Қазақстанмен кеңейтілген стратегиялық серіктестікті жан-жақты дамытуға бейіл екенін айтты.

Джули Стаффт елде жүргізіліп жатқан саяси реформаларға оң баға беріп, жаңа Конституция жобасы бойынша жалпыхалықтық референдумның табысты өтуіне тілектестігін білдірді.

Әңгімелесу барысында Бейбітшілік кеңесі аясындағы қарым-қатынас перспективасы қарастырылды. Қасым-Жомарт Тоқаев аталған құрылым тұрақтылықты нығайтуға, бейбітшілік пен халықаралық диалогты ілгерілетуге арналған...

Денсаулық сақтау министрлігінің Санитариялық-эпидемиологиялық бақылау комитеті жалған ақпаратты терістеді.

«Әлеуметтік желілерде Қазақстанда «сәтсіз екпелерден» кейін қызылшаға қарсы вакцинация науқаны тоқтатылды деген ақпарат шындыққа сәйкес келмейді», – делінген мәліметте.

Комитеттің пікірінше, қызылша бойынша эпидемиологиялық жағдай бақылауда. Вакцинация еліміздің барлық өңірінде Қазақстан Республикасының Ұлттық профилактикалық егу күнтізбесіне сәйкес жоспарлы түрде жүргізілуде.

Елде қызылшаның алдын алу үшін қызылшаға, қызамыққа және эпидемиялық паротитке қарсы біріктірілген вакцина қолданылады.

«Аталған вакцина Қазақстанда 10 жылдан астам уақыт бойы 1 жас және 6 жастағы балаларды жоспарлы иммундау шеңберінде қолданылып келеді және өзін тиімді әрі қауіпсіз профилактикалық құрал...

Елде ауа райы қолайсыз күндері автокөліктердің қозғалысын «жұп және тақ күн» қағидаты бойынша шектеу мәселесі қарастырылып жатыр. Бұл туралы Экология және табиғи ресурстар министрлігінде өткен жиында айтылды, деп хабарлайды Диапазон порталы.

Министрлік мәліметінше, елдің 11 қаласында ауа сапасы тұрақты түрде жоғары деңгейде ластанған. Ең проблемалы қалалар қатарында Ақтөбе, Алматы, Өскемен, Қарағанды және Теміртау бар.

Сарапшылардың дерегінше, ластанудың негізгі бөлігі автокөлік, жеке сектор және шағын кәсіпкерлік нысандарынан шығады. Мысалы, Алматыда зиянды шығарындылардың шамамен 60 пайызы автокөліктерге тиесілі болса, 12 пайыздан астамы жеке үйлер мен шағын қазандықтардан бөлінеді.

Бейжің тәжірибесі

Министрлік шетелдік тәжірибені зерделеу мақсатында Бейжің қаласына барған. Онда...