Жаңалықтар

8 қаңтарда қазақстандық боксшы Жәнібек Әлімханұлына қатысты допинг-тест нәтижелері белгілі болады. Бұл нәтиже боксшының кәсіби мансабына тікелей әсер етеді. Жаңалық қоғамда кең резонанс тудырып, желіде спортшының мүмкін болатын санкциялары, беделіне әсері және шаршы алаңға оралу мүмкіндіктер талқыланып жатыр.

Жәнібек Әлімханұлы – орта салмақтағы Қазақстанның ең танымал боксшыларының бірі. Кәсіби бокста да табысты өнер көрсетіп, WBO және IBF чемпиондық белбеулерін жеңіп алған. Дивизиондағы көшбасшылардың бірі ретінде танылған.

Мансабына қалай әсер ету мүмкін?

Допинг дауы желтоқсан айының басында басталды. 6 желтоқсанда Эрисланди Ларамен жоспарланған жекпе-жек Premier Boxing Champions аясында кейінге қалдырылды. Кейінірек ұйымдастырушылар кубалық спортшының қарсыласы ретінде колумбиялық Йохан...

«Қазақтелеком» компаниясының басқарма төрағасы және бұрынғы цифрлық даму министрі Бағдат Мусин 2024 жылғы декларациясында ешқандай артық табыс көрсетпеген.

Ал оның жұбайы Дина Ауғанбаева-Мусина 2024 жылы 35 млн теңгеден астам табыс тапқаны декларацияда жазылған.

Мусин «Қазақтелекомның» басқарма төрағасы қызметіне 2024 жылдың маусым айында келген. Оған дейін 3,5 жыл Цифрлық даму, инновациялар және аэроғарыш өнеркәсібі министрлігін басқарған.

Министрлік сайттарында вице-министрлер мен жұбайларының 2024 жылы дербес салық салуға жататын кіріс декларациясы жариялана бастады. Бұл декларацияларда жеке тұлғалар өздері салық төлейтін табысы көрсетіледі. Ресми жалақыдан салық автоматты түрде ұсталынатындықтан, ол декларацияда жазылмайды.

Бұған дейін Премьер-министрдің орынбасары – ұлттық экономика министрі Серік Жұманғаринн...

«Рэкетир» фильмінің жұлдызы, актер Мұрат Бисембин өмірден өтті. Қаралы хабарды актердің қызы Диана Болатова әлеуметтік желіде жариялады.

Желі қолданушылары актердің өнерін еске алып, көңіл айтып, пікір жазып жатыр.

«Мұрат, төзімділік пен күрестің үлгісі еді», «Барлығы жақсы болады деп үміттенгенмін». «Рэкетир», әр жолы бірінші рет көргендей әсер қалдырады. «Бауырым, біз бәріміз сені жақсы көреміз», «Иманды болсын» – деп жазды желі қолданушылары.

Еске сала кетейік, Мұрат Бисембин...

Полиция WhatsApp-та алаяқтықтың жаңа түрі пайда болғанын айтып, қазақстандықтарды сақ болуға шақырды.

Polisia.kz ақпаратына қарағанда, кибералаяқтар GhostPairing әдісін қолданып, WhatsApp аккаунттарына жасырын түрде қол жеткізіп жатыр.

«Ол үшін олар WhatsApp немесе Facebook атынан жалған хабарлама жіберіп, ресми сервиске ұқсас фейк-парақшаға өтуді сұрайды. Сол жерде телефон нөмірі мен растау коды енгізілген сәттен бастап, алаяқ аккаунтқа қосымша құрылғы ретінде қосылып, хат алмасуларды оқи алады, файлдарды көреді және жәбірленуші атынан хабарлама жібереді», – делінген ақпаратта.  

Алайда телефон бұл кезде қалыпты жұмыс істей береді. Аккаунттың бұзылғанын тек WhatsApp-тағы «Байланыстырылған құрылғылар» бөлімінен ғана білуге болады. Сондықтан, полиция белгісіз құрылғы...

Түйіндемеңіздің бірден жұмыс берушінің көзіне түскенін қалайсыз ба? Бұл нұсқаулық сізге ақпаратты дұрыс құрылымдап, мықты тұстарыңызды көрсетуді және жиі кездесетін қателіктерден аулақ болуды үйретеді. Дайын шаблондарды жүктеп алыңыз.

Түйіндеме – бұл сіздің кәсіби «төлқұжатыңыз». Жұмыс берушілер мен HR-менеджерлер үміткерді, ең алдымен, осы бір-екі бетке қарап бағалайды. Бұл нұсқаулықта түйіндемені дұрыс құрастыру және сауатты рәсімдеу жолдарын, жұмыс тәжірибесі мен дағдыларды қалай ұтымды көрсету керектігін егжей-тегжейлі түсіндіреміз. Сонымен қатар жиі кездесетін қателіктерден қалай сақтануға болатынын да қарастырылады.

Мақалада дайын түйіндеме үлгісі, сарапшылардың пайдалы кеңестері және кез келген бос орынға оңай бейімдеуге болатын әмбебап шаблон ұсынылған.

Түйіндемені жазу реті және оған қойылатын...

«Әбіл» фильмі 14 қаңтардан бастап Франция кинотеатрларында көрсетіле бастайды. Бұл туралы фильм режиссері Елзат Ескендір хабарлады.

Режиссердің айтуынша, фильмді Францияда көрсету ісін Damned Films компаниясы қолға алған. Қазақстандағы Ш.Айманов атындағы Қазақфильм киностудиясы және фильмді насихаттау жұмыстарымен айналысқан Tanaris кинокомпаниясы арқылы келісім-шартқа отырған.

Фильмнің ресми француз трейлері де жарияланды.

Еске сала кетейік, бұған дейін «Әбіл» фильмі Франциядағы кинофестивальден үш бірдей жүлде алып, басты рөлді сомдаған актер Ерлан Төлеутай «үздік актер» атанған еді.

«Ұлттық қор – балаларға» бағдарламасы аясындағы кезекті төлем балалардың есепшотына 2026 жылғы 1 ақпанынан кешіктірілмей аударылады. Бұл туралы Бірыңғай жинақтаушы зейнетақы қоры (БЖЗҚ) хабарлады.

Төлем 2025 жылғы 31 желтоқсанда 18 жасқа толмаған балаларға төленеді. Сонымен қатар 2008 жылы туған және 2026 жылы 18 жасқа толатын қазақстандықтардың осы уақытқа дейін жиналған жинақтары да олардың жеке шоттарына 1 ақпанға дейін толық аударылады.

Төлем мөлшері қанша

Қазіргі таңда үшінші төлемнің нақты сомасы бекітілген жоқ. БЖЗҚ-ның түсіндіруінше, әр балаға тиесілі қаражат көлемі:

Талдықорған сотында Айзат Жұманованың ісі бойынша сот жалғасып жатыр. 32 жастағы әйел Баласаз ауылында қайтыс болған.

Бастапқыда Жұманованы күйеуі атпен сүйреп өлтірген деп айтылды. Мәйітке эксгумация жасалып, сараптамада бұл болжам расталмаған.

2026 жылдың 8 қаңтарында қылмыстық істегі прокурор Нұрлан Билібеков сотталушы Айбар Жанболатты 15 жылға бас бостандығынан айыруды сұрады.

Айзаттың қазасы

Қайғылы жағдай Жетісу облысы Баласаз ауылында болған. Тергеу дерегінше, 2025 жылдың 21 маусымы сағат 05:00 шамасында Айбар Жанболат тауға атпен мал бағуға кетіп, 16:30 шамасында үйіне келген. Сол кезде Жұманованың табалдырықта біреумен сөйлесіп тұрғанын көріп, кіммен әңгімелескенін сұраған. Жұманова жауап бермей, үйге кіріп...

2026 жылы Павлодар облысында бес ірі әлеуметтік маңызы бар нысанның құрылысы басталады. Олардың арасында 20 мың орындық жаңа футбол стадионы бар. Бұл туралы Kursiv.Media өңір әкімдігінің мәліметіне сүйене отырып хабарлады.

Бес нысанның төртеуі облыс орталығында орналасқан. Атап айтқанда, биыл екі мұз айдыны мен керлинг алаңдары бар Мұз сарайы, 1 500 орындық екі залы бар Конгресс-холл, 5 000 адамды қабылдай алатын ірі спорт кешені, сонымен бірге 20 мың орындық жаңа футбол стадионы.

Облыс әкімі Асайын Байхановтың айтуынша, өнеркәсіп пен ауыл шаруашылығында 450 млрд теңгеге жуық 20-дан астам ірі инвестициялық жоба іске қосылады. Бұған қоса, 32 әлеуметтік нысанды...

Иманғали Тасмағамбетов Асанәлі Әшімовтің бейітін көтеруге қолдау көрсетпек. Бұл туралы ақын Маралтай Райымбекұлы хабарлады.

Ақын әлеуметтік желісінде Иманғали Тасмағамбетовтің Асанәлі Әшімовтің үйіне барып, көңіл айтқанын жариялады.

«Кеше Асанәлі ағаның қаралы шаңырағына Иманғали аға келіп дұға жасады. Қақ төрдегі Асанәлі ағаның орнында кіші Асанәлі отырды. Баталы сөз бен аталы сөз осы кішкентай Асанәліге бағытталды. «Орнында бар оңалар» деген сөз еріксіз ойыма оралды», – деп жазды Маралтай.

Сонымен қатар, Иманғали Тасмағамбетов Асанәлі Әшімовтің жылдығына дейін естелік кітаптарды шығару және Кеңсайдағы қабірін абаттауға көмектесетінін білдірген.

Еске сала кетейік, Асанәлі Әшімов 2025 жылдың 21 желтоқсанда...

Қазақстанда қабылданып жатқан денсаулық сақтау шаралары оң нәтиже бере бастады. Елдегі болжамды өмір сүру ұзақтығы 75,8 жасқа жеткен. Бұл туралы Денсаулық сақтау бірінші вице-министрі Тимур Сұлтанғазиев мәлімдеді.

Вице-министрдің сөзінше, елдегі жалпы өлім-жітім 2,6 пайызға, ал нәресте өлімі 18 пайызға төмендеген.

«Мәселен, халықтың болжамды өмір сүру ұзақтығы 75,8 жылды құрайды, өлім-жітім көрсеткіштері төмендеуде. Жалпы өлім-жітім 2,6%-ға, нәресте өлімі 18%-ға қысқарды, ал Қазақстан халықаралық рейтингтердегі өз позициясын жақсарта отырып, адам дамуы индексінде жеті тармаққа көтерілді», – дейді Сұлтанғазиев.

Айта кетейік, бұған дейін 2026 жылдан бастап Қазақстанда медицина қызметкерлерінің жалақысы өсіп, олардың құқықтық қорғалуы күшейтілетіні жайлы...

2025 жылы Қазақстанда сыбайлас жемқорлыққа қатысы бар 900-ге жуық адам әшкереленді. Бұл туралы Ұлттық қауіпсіздік комитеті хабарлады.

Бір жыл ішінде 1 052 қылмыстық іс қозғалып, оның 860-ы сотқа жіберілген. Тергеудің басым бөлігі пара алу мен бюджет қаржысын жымқыру фактілеріне қатысты болған.

Тергеу барысында мемлекетке 16,1 млрд теңге қайтарылып, күдіктілердің 3,3 млрд теңгеге бағаланған мүлкіне тыйым салынды.

Сонымен қатар сыбайлас жемқорлық туралы хабар берген 61 азаматқа 24,2 млн теңге көлемінде сыйақы төленген.

Ұлттық қауіпсіздік комитеті былтыр пара алу фактілерінің күрт өскенін хабарлаған. Бір ай ішінде 26 азамат пара алып, заңсыз ақшаны қалтаға басқан.

Алматы қаласы Алатау аудандық полиция басқармасының қызметкерлері қала аумағындағы мешіттерде жасалған бірқатар ұрлық деректерін әшкереледі.

ІІМ мәліметінше, күдікті ұсталып, ол жамағаттан ұялы телефондар, әмияндар және өзге де жеке заттарды ұрлағаны анықталған. Тергеу деректеріне сәйкес, күдікті намаз уақытын, адамдардың бейқамдығын пайдаланып, ұрлық жасаған.

«Азаматтардың қауіпсіздігін, әсіресе, адам көп жиналатын орындарда қамтамасыз ету – біз үшін аса маңызды. Мұндай қылмыстар материалдық шығын келтіріп қана қоймай, қоғамның рухани-адамгершілік құндылықтарына да нұқсан келтіреді. Полиция қызметкерлерінің жедел әрі кәсіби жұмысының нәтижесінде ұрлықтарға қатысы бар күдікті ұсталып, әрбір дерек бойынша сотқа дейінгі тергеп-тексеру жүргізіліп жатыр», – деді Алатау аудандық полиция...

2025 жылы Ұлттық қорға 10,2 трлн теңге түскен. Алайда бюджет тапшылығын жабу үшін былтыр 5,25 трлн теңге алынған. Сонымен қатар қорды басқаруға және жыл сайынғы сыртқы аудитті жүргізуге 54 млрд теңге жұмсалған. Нәтижесінде қор активтері бір жылда шамамен 4,9 трлн теңгеге өсіп, 39,6 трлн теңге болды.

2026 жылдың 1 қаңтарына жасалған ресми есеп Ұлттық қордың 2025 жылы екі түрлі функцияны қатар атқарғанын көрсетеді. Бір жағынан, қор республикалық бюджеттің әлеуметтік және экономикалық міндеттемелерін қаржыландыруға пайдаланылса, екінші жағынан, инвестициялық табыс арқылы өзінің жинақтаушы рөлін сақтап қалды.

Есепті кезеңнің басында Ұлттық қорда 34,7 трлн теңге болған. Жыл ішінде қорға...

2026 жылдан бастап Қазақстанда медицина қызметкерлерінің жалақысы өсіп, олардың құқықтық қорғалуы күшейтіледі. Бұл туралы денсаулық сақтау бірінші вице-министрі Тимур Сұлтанғазиев мәлім етті.

Денсаулық сақтауға бөлінетін қаржы

Сұлтанғазиевтің айтуынша, соңғы жылдары денсаулық сақтау саласына бөлінетін мемлекеттік шығындар шамамен үш есе өсіп, 2025 жылы 3 трлн теңгеге жеткен.

«Мемлекет басшысының тапсырмасы бойынша жүзеге асып жатқан ауылдық денсаулық сақтау саласын жаңғырту жөніндегі ауқымды жоба аяқталуда. Қазірдің өзінде ауылдық жерлерде 650-ден астам медициналық нысан пайдалануға берілді, бұл қала мен ауыл арасындағы алшақтықты едәуір азайтты», – деп атап өтті вице-министр.

Жаңа нысандар

Вице-министрдің сөзінше...

Қостанай өңірінің басты футбол командасы жаңартылған логотипін көпшілікке ұсынды. Жаңа нұсқада клуб атауы «Тобол» емес, «Тобыл» деп таза қазақ тілінде жазылды.

Клуб баспасөз қызметінің мәліметінше, бұл – уақыт талабына сай жасалған ұқыпты әрі байыпты жаңарту. Жаңартылған логотипте жанкүйерлерге бұрыннан таныс негізгі элементтер мен символика сақталған.

«Жаңа логотип клубтың тарих сабақтастығын және алға ұмтылысын бейнелейді. Онда өткенге деген құрмет пен болашаққа бағытталған көзқарас қатар көрініс тапқан. Құндылық сақталды. Құрамы өзгерді. Заманауи нұсқа», – деп жазды «Тобыл» футбол клубы әлеуметтік желідегі ресми парақшасында.

Бұған дейін «Тобыл» мен Қазақстан құрамасының футболшысы Ислам Чесноков еуропалық клубқа ауысқаны...

Қазақстандық теннисші Елена Рыбакина Аустралияның Брисбен қаласында өтіп жатқан WTA 500 санатындағы турнирдің 1/8 финалында өнер көрсетті.

Sports.kz хабарлауынша, бұл жолы қазақстандық спортшының қарсыласы әлемнің бұрынғы екінші ракеткасы, испаниялық Паула Бадоса (25-орын) болды. Кездесу нәтижесінде Рыбакина екі сетте жеңіске жетті – 6:3, 6:2. Теннисшілер кортта 1 сағат 26 минут ойнады.

Осылайша, Елена Рыбакина ширек финалға жолдама алып, онда Чехия өкілі Каролина Мухова (20-орын) мен ресейлік Екатерина Александрова (10-орын) арасындағы матчтың жеңімпазымен кездеседі.

Айта кетейік, биыл Брисбендегі турнирдің жүлде қоры 1 691 602 АҚШ долларына жетті. Турнир жеңімпазы 214 530 доллар табыс тауып, рейтингке 500 ұпай қосады. Елена Рыбакина...

Chevron компаниясы Венесуэлада мұнай өндіру лицензиясын кеңейту мақсатында АҚШ үкіметімен келіссөз жүргізіп жатыр. Бұл туралы Reuters жағдаймен жақсы таныс төрт дереккөз мәліметіне сүйене отырып хабарлады.

Chevron – Венесуэлада жұмыс істейтін жалғыз ірі америкалық компания. АҚШ үкіметі оған осы елде жұмыс істеуге рұқсат беріп, санкциялардан босатқан. Дегенмен Дональд Трамп әкімшілігі 2024 жылғы маусым айында, Венесуэла президенті Николас Мадуроға қысымды күшейту үшін, Chevron лицензиясына қосымша шектеу енгізген. Соған байланысты компанияның мұнай экспорты тәулігіне 100 мың баррельге дейін азайған.

Вашингтон рұқсат берсе, мұнай гиганты бұрынғы өндіріс көлеміне қайта оралады.

Вашингтон басқа да америкалық компанияларды Венесуэладан мұнай экспорттау ісіне тартуды көздеп отыр. Оларды...

Мәжіліс депутаты Асхат Аймағамбетов Мемлекет басшысы жақында қол қойған тарихи-мәдени мұра объектілерін қорғау туралы заң нақты қандай мәселелерді реттейтінін айтып берді.

Депутат тарих факультетінің студенті болып жүргенде археология дәрістерін тыңдап, кейін қазба жұмыстарына қатыса жүріп, ең алдымен қаншама құнды тарихи ескерткіштердің жоғалып кеткеніне қынжылғанын айтады. Ол кезде болашақта тарихи-мәдени мұра объектілерін қорғауға арналған заң жобасының авторларының бірі боламын деп ойламаған.

Аймағамбетов заңның негізгі жаңашылдықтарын атап өтті.

Лицензиялардың жаңа түрлері енгізіліп, олардың қолданылу мерзімі белгіленді, алу талаптары күшейтілді. Бұған дейін археологиялық және реставрациялық жұмыстардың барлық түріне бір ғана мерзімсіз лицензия берілетін. Бұл жеткілікті құзыреті жоқ ұйымдардың да жұмыс...

2025 жылдың қаңтар-қараша айлары аралығында Қазақстан алтын сатып алу бойынша әлемде екінші орынға көтерілді. Бұл туралы Дүниежүзілік алтын кеңесі (World Gold Council) хабарлады. Осы 11 айдың ішінде Қазақстан Ұлттық банкі 49 тонна алтын сатып алып, тек Польшаға жол берген. Польша аталған кезеңде қорын 80 тонна алтынмен толықтырған.

Алтын нарығындағы белсенділік жаһандық деңгейде орталық банктердің алтынға деген қызығушылығы әлі де жоғары екенін көрсетеді. Дегенмен 2025 жылдың қараша айында алтын сатып алу көлемі қазанмен салыстырғанда біршама төмендеген. Дүниежүзілік алтын кеңесінің дерегінше, қараша айында әлемнің орталық банктері 45 тонна алтын сатып алған.

Қарашада Қазақстан Ұлттық банкі ең ірі сатып...

Актер әрі ММА шебері Еркебұлан Тоқтар Бота Миа атымен танымал блогер Ақбота Нұрақынмен арадағы қарым-қатынасқа қатысты желіде тараған қауесеттерге жауап берді. Әлеуметтік желідегі парақшасында видеолар жарнамалық түсірілім екенін мәлімдеді.

«Реклама түсіріп жүрміз, не болды сооонша», – деп жазды Еркебұлан Тоқтар.

Бұған дейін Еркебұлан блогер Ақбота Нұрақынға гүл сыйлап, күтіп жүрген сәттерін көрсеткен видеоларын жариялаған еді. Сол жазбалардан кейін желі қолданушылары екеуін жұп деп ойлап болжам жасаған.

Алайда жуырда жарияланған жаңа видеоларда Еркебұлан Тоқтар мен Бота Мианың бірге жаттығу жасап жатқаны, сондай-ақ кинода құшақтасып отырған кадрлары көрсетілді. Аталған бейнематериалдар «Ғашықпын саған» фильміне...

Шатырдан түсе алмай қалған мысыққа құтқарушылар көмекке келді. Бұл туралы Қызылорданың төтенше жағдайлар департаменті хабарлады.

«Бүгін түнде Қызылорда облысы ТЖД-ның 112 пультіне Қызылорда қаласындағы Жельтоксан көшесінде орналасқан сауда үйінің шатырында төрт тәулік бойы өздігінен түсе алмай отырған мысық бар екені туралы хабарлама түсті. Жануарды құтқару үшін құтқарушылардың көмегі қажет болды», – делінген хабарламада.

Оқиға орнына ТЖМ Жедел-құтқару жасағының қызметкерлері жедел жеткен. Құтқарушылар үш буынды саты орнатып, мысықты ғимарат шатырынан абайлап түсіріп алған.

Құтқарылған жануар иесіне тапсырылды.

Тұрғындар құтқарушыларға қошемет көрсетіп, алғысын білдірген.

Ал Талдықорғанда құтқарушылар бес қабатты үйдегі өрттен жеті баланы алып...

АҚШ Мемлекеттік департаменті азаматтарынан АҚШ визасын алу үшін кепілдік жарна талап етілетін мемлекеттердің тізімін жариялады. Жаңа ережелер кей елдер үшін 2026 жылғы 21 қаңтардан бастап немесе одан ертерек күшіне енеді.

Виза алу үшін кепілдік төлеуі керек елдер: Алжир, Ангола, Антигуа және Барбуда, Бангладеш, Бенин, Бутан, Жаңа Зеландия, Бурунди, Кабо-Верде, Орталық Африка Республикасы, Кот-д’Ивуар, Куба, Джибути, Доминика, Фиджи, Габон, Гамбия, Гвинея, Гвинея-Бисау, Қырғызстан, Малави, Мавритания, Намибия, Непал, Нигерия, Сан-Томе және Принсипи, Сенегал, Тәжікстан, Танзания, Того, Тонга, Түрікменстан, Тувалу, Уганда, Вануату, Венесуэла, Замбия және Зимбабве.

Иммиграция және азаматтық туралы заңға сәйкес, осы елдердің B1/B2 визасына үміткер азаматтары 5000-нан 15000 долларға дейін көлемде кепілдік жарна төлеуі тиіс. Нақты...

Алматы маңындағы тас жолда болған жантүршігерлік жол-көлік апатында Үндістан студенттері қаза тапты.

Tengrinews.kz хабарлауынша, қайғылы оқиға 6 қаңтар күні болған.

Астанадағы Үндістан елшілігінің мәліметінше, көлікте Үндістанның бес азаматы болған. Олардың төртеуі – Шымкент қаласындағы Оңтүстік Қазақстан медицина академиясының студенттері, біреуі – турист. Олар Шымкенттен Алматыға қарай жолға шыққан.

«Өкінішке қарай, екі адам оқиға орнында көз жұмды. Тағы үшеуі ауыр жарақат алып, қазіргі уақытта жансақтау бөлімінде ем қабылдап жатыр», – деп хабарлады елшілік.

Үндістан елшілігі Оңтүстік Қазақстан медицина академиясының қаза тапқан студенттерінің отбасыларына көңіл айтып, олардың Раджастхан штатынан шыққанын мәлімдеді.

Мұның алдында Ақтауда автокөлік теміржол өткелінде...